يوميات حمود وعبود - منتدى الهدف الرياضي
التسجيل+


::[مواضيع لم يتم الرد عليها ]::




المواضيع الجديدة في الهدف الذهبي


يوميات حمود وعبود

السلام عليكم و رحمة الله و بركاته ،،، جئتكم بقصه او حلقات قصصيه من ابداعات اخ كريم لي يحبذ ان يكنى بأمير الليل بصراحه لم اعرف اين اضع

 
 
أدوات الموضوع انواع عرض الموضوع

قديم 10-08-2006   المشاركة رقم: 1
المعلومات
الكاتب:
اللقب:
خبير

البيانات
التسجيل: Feb 2006
العضوية: 13106
المشاركات: 1,194 [+]
بمعدل : 0.39 يوميا
اخر زياره : [+]
الدولة:
معدل التقييم: 20
نقاط التقييم: 10
ورقه وقلم فى البداية
 

الإتصالات
الحالة:
ورقه وقلم غير متواجد حالياً

المنتدى : الهدف الذهبي
افتراضي يوميات حمود وعبود




السلام عليكم و رحمة الله و بركاته ،،،

جئتكم بقصه او حلقات قصصيه من ابداعات اخ كريم لي يحبذ ان يكنى بأمير الليل

بصراحه لم اعرف اين اضع هذا الموضوع في هذا المنتدى

ولكن بما ان القصه اماراتيه بحته (باللهجه العاميه) ففضلت ان اعرضها هنا في هذا القسم

واتمنى ان تسمح لي ادارة المنتدى بعرض القصه هنا

القصه حتى الان لها تقريبا 68 حلقه او جزء (مسلسل مكسيكي اماراتي ) واتمنى ان تعجبكم وان تتواصلوا معها



يقول أمير الليل في مقدمة يوميات حمود وعبود

طبعا اخواني أنا ما أعرف في مجال القصص .. لكن الفكرة عبارة عن قصص من الفريج .. كل يوم قصة .. القصص من السبعينات و مطلع الثمانينات .. هي عبارة عن سوالف بين بطلين .. عبود و حمود وربعهم سلطون ويمووع .. أبطالنا .. يسولفون ويا بعضهم .. سوالف يهال أو تقدرون تقولون سوالف ناس على نياتهم .. في زمن ما فيه كمبيوترات و لا انترنت و لا وسائل لعب و تسلية .. ما بطول عليكم .. بخليكم مع القصص و اتمنى انها تعجبكم .. و إن شاء الله كل يوم قصة.



أميــــ الليــــل ـــــر


من مواضيع : ورقه وقلم

تطوير التعليم في دولة الامارات العربية المتحده
اتصالات وتصحيح المعلومات!
يوميات حمود وعبود
عندما يهزم الابن الاب "بالمنطق"!
لسعات ... لسعات ... لسعات!
 


عرض البوم صور ورقه وقلم  

قديم 10-08-2006   المشاركة رقم: 2
المعلومات
الكاتب:
اللقب:
خبير

البيانات
التسجيل: Feb 2006
العضوية: 13106
المشاركات: 1,194 [+]
بمعدل : 0.39 يوميا
اخر زياره : [+]
الدولة:
معدل التقييم: 20
نقاط التقييم: 10
ورقه وقلم فى البداية
 

الإتصالات
الحالة:
ورقه وقلم غير متواجد حالياً

كاتب الموضوع : ورقه وقلم المنتدى : الهدف الذهبي
افتراضي



المقدمه


حمود و عبود ربع اتربوا ويا بعض من يوم هم صغار .. ساكنين في فريج واحد .. فريج هور العنز في دبي .. ما يفارقون بعض أبد .. في نفس الصف .. يالسين إحذال بعض في آخر الصف .. لو حد منهم اتعرض لأي مشكلة تلاقي الثاني يفزع لو كان ربيعه هو الغلطان .. حمود و عبود فوضوية و امخبلين بمدرس اللغة العربية المصري .. و في حصة الرياضيات كله سوالف و ما ينتبهون لأنهم مب فاهمين شي .. في المرحلة الابتدائية درسوا في مدرسة صلاح الدين الأيوبي شرق هور العنز و بالتحديد في منطقة الصفية .. و الحينه هم في المرحلة الاعدادية و يدرسون في مدرسة المهلب في الحمرية.



عبود و حمود ما يوصل الباص لفريجهم لأن فريجهم كله رمل لذلك يسيرون المدرسة مشي .. كم تعرضوا لعضات الجلاب و للبرد القارص و المطر في الشتاء و للحر و اللاهوب في الصيف .. لكنهم مع ذلك ما قد غابوا عن المدرسة .. صح انهم ما ينبتهون في الحصص لكنهم أذكياء و درجاتهم عالية و متفوقين رغم انهم فوضوية .. حتى المدرسين مستغربين منهم .. كيف فوضوية و يتحدون الشطار في الامتحانات .. في الرياضيات ما ينتبهون في الصف و ييلسون ياكلون (حَب) اللي يشترونه من عند الهندي اللي يالس عند باب المدرسة .. و مع ذلك يوم يسأل الأستاذ سؤال صعب و محد يقدر يجاوب عليه ينش حمود و إلا عبود و يجاوبون عليه بكل سهولة.



حمود و عبود يكرهون شي أسمه لغة انجليزية .. ما يطيقون هاللغة مرة .. و دوم في حصة اللغة الانجليزية يتعذرون للأستاذ إنهم بيسيرون الحمام .. و من يظهرون ما يردون إلا آخر الحصة عشان ما يسجلهم الأستاذ غياب.



حمود و عبود يحبون الأفلام الهندية .. حمود مسمي عمره على إسم الممثل الهندي (راجيش كنا) و عبود مسمي عمره (أميتا باتشا) .. من يحصلون فلوس في الأعياد و إلا من سرقة الحمام اللي متخصصين فيها على طول بدون تأخير يسيرون سينما دبي و يدخلون فيلم هندي .. و يا حظهم لو كانوا فيلمين بتذكرة وحدة .. يسوون حفلة .. بعد ما يخلص الفيلم يسيرون المطعم الهندي اللي في السينما و يتعشون كيما و براتا و ساعات ناشف .. حمود يحب الناشف وايد و عبود يموت على الكيما .. يحلمون إينهم يسافرون الهند في مركب سامعين عنه أسمه (دواركا) و هذا المركب كان لنقل الركاب و طبع في الخليج لكنهم مب مقتنعين لأنهم يتخيلون عمارهم دوم على المركب هذا و هم سايرين الهند .. يبون يسيرون كولابا و أوتي و جاباتي .. يبون يحوطون في الهند كلها و يشوفون راجيش كنا و أميتا باتشا ..عبود و حمود يحبون الممثلة الهندية هيما مالي .. يتضابون عليها دوم .. حمود يقول تحبني و عبود يقول إنت خسف و أنا أحلى عنك هي تحبني أنا لأني وسيم و جميل .. بس المشكلة إن كل واحد منهم أخس عن الثاني .. كلهم جلح ملح ما يتشاهدون .. بس على نياتهم.


هاي مقدمة بسيطة عن أبطالنا اللي بيرافقونا في رحلة طويلة ما ندري متى بتنتهي .. أبطال حلقاتنا القادمة .. حمود و عبود



يالله تعالوا نسمع سوالف حمود و عبود و أتمنى إنها تعجبكم

مع تحياتي

أميــــ الليــــل ـــــر

من مواضيع : ورقه وقلم

اعمار... سامي الريامي ... موظفه مواطنه!
المساجد في أبوظبي!!
لسعات ... لسعات ... لسعات!
تطوير التعليم في دولة الامارات العربية المتحده
وزارة التعليم العالي والبحث العلمي
 


عرض البوم صور ورقه وقلم  

قديم 10-08-2006   المشاركة رقم: 3
المعلومات
الكاتب:
اللقب:
خبير

البيانات
التسجيل: Feb 2006
العضوية: 13106
المشاركات: 1,194 [+]
بمعدل : 0.39 يوميا
اخر زياره : [+]
الدولة:
معدل التقييم: 20
نقاط التقييم: 10
ورقه وقلم فى البداية
 

الإتصالات
الحالة:
ورقه وقلم غير متواجد حالياً

كاتب الموضوع : ورقه وقلم المنتدى : الهدف الذهبي
افتراضي





- 1 -


دق جرس الحصة الأخيرة و انتهى اليوم الدراسي .. حمود و عبود بعدهم يتهازبون ويا محمود عبدالتواب الطالب المصري و زميلهم في الصف


حمود : حوووووووه إنته ويا هالراس اللي تقول بوبره .. شو تحرا عمرك ها ؟


محمود المصري : يا محمد أنا بأحترمك و ما اتخلينيش أغلط عليك


عبود : أوب أوب أوب لحظة .. منو بيغلط على منو ؟ .. إنت ويا هالشكل بتغلط على عبود تروم إنته ؟


جان فيك خير سوها .. و إلا أقولك تعال برع المدرسة خل أغسل لك شراعك .. حيوان واحد


محمود المصري : لا لا لا كده أزعل .. ما تغلطش و تقول حيوان .. خليك محترم


حمود : أيييييييييييييه عبود محترم غصباً عنك و عن شكلك .. تفهم ؟ .. و الله لأدوسك في بطنك ترا


يركض عبود صوب محمود و يضربه بوكس في ويهه و يتم الولد يصارخ و يباغم آآآآآآآآآآآآآآآي عيني .. عبود و حمود شلوا بعمارهم و ركضوا برع الصف و هم شالين شنطهم لكن الأستاذ فاروق وكيل المدرسة كان يراقب الأوضاع و مسكهم


الأستاذ فاروق : تعوا لهون إنت وياه


حمود و عبود يمشون صوب الأستاذ فاروق و هم منزلين روسهم تحت


الأستاذ فاروق يمسك كل واحد من إذنه و يتكلم وياهم


الأستاذ فاروق : ليش عاملين فوضه و ضاربين الولد زميلكم


حمود : قسم بالله أستاد ما ضربناه هو اللي طاح من على الطاولة


عبود : هيه أستاد لأنه كان راكب على الطاولة مال المدرسين و يناقز


محمود الطالب المصري يمشي و هو يصيح و يتقرب من الأستاذ فاروق


محمود المصري : و الله العظيم يا أستاز عبدالله (عبود) هو اللي ضربني في وشي و تحت عيني


عبود : أيه لا تتبلا علي أنا كنت واقف احذالك يوم طحت من على الطاولة و وقفتك على ريولك يعني يزايه الحينه .. أوكي طيح مرة ثانية وشوف منو اللي بيوقفك برايك يعلك الموت


الأستاذ فاروق : بلا قلة أدب ولاه .. لا اتخليني أطردك من المدرسة


عبود : حرام عليك أستاذ و الله ما سويت فيه شي .. حتى عندي شهود


و يقوم عبود يزقر يموع و شلته


عبود : يموووووووووع تعال إنت و الربع و خبروا الأستاد منو اللي ضرب هالمصري


يموع و هو ساير صوب الأستاذ فاروق يمشي رافع صدره فوق و وراه ربعه الفوضويه


يموع : أستاد فاروق .. هالمصري لوتي وجذاب .. محد ضربه و لاشياته .. كنا واقفين عند باب الصف نبا نظهر و إلا نشوفه يبغم آآآآآآآآآي


عبود : يموع في ذمتك و راس أمك مب كان راكب على الطاولة و بعدين طاح


يموع اتوهق لأن عبود حلفه براس أمه : ها ! .. هيه ! .. صح .. طاح من على الطاولة


يموع يهمس في إذن عبود : ما يخصك براس أمي يا السبال .. عنلاتك إنت و هالمصري الجلب


الأستاذ فاروق : مين كان حاضر معكن غير جمعة (يموع) ؟




حمود : اسأل كل اللي في الصف .. هاذم جدامك


الأستاذ فاروق يطالع الطلبة في ويوهم و يسأل طالب أردني شاطر و مؤدب : يا وائل .. شو رايك في الكلام اللي سمعته ؟


عبود و حمود و يموع يطالعون وائل بطرف عيونهم و هم يتوعدونه بحركاتهم اللي من تحت لين تحت لو قال الحقيقة


وائل مرتبك و خايف من ردة فعلهم لو قال الصدق فتم ساكت و منزل راسه الأرض و مب عارف بشو يرد على الأستاذ فاروق




يموع يتقرب من وائل و هو يضحك مسوي عمره وايد طيب .. يهمس في إذن وائل : لو فيك خير قول غير اللي قلناه و الله لأملحك اليوم تفهم يا الخايس ؟




وائل يرتبك و يقول و هو خايف : الأستاذ أنا ما شفت إشي بنوب



عبود يقول : يا أستاد اسأل بقية الطلاب .. هاذم جدامك .. هذا يتبلى علينا دوم


يتكلم عبود و يسوي عمره يصيح .. و الله أستاد دوم يضربني في الصف و أنا ما أشتكي و أقوله الله يسامحك .. هذا من زمان يضربني أستاد .. يضربني أنا و محمد (حمود) .. و يسوي عمره ينشف دموعه من عينه




الأستاذ فاروق : خلاص يا عبدالله إنت و محمد .. تقدروا تنصرفوا و ما بدي مشاكل مرة تاني مفهوم ؟




حمود و عبود في صوت واحد : حاضر أستاد بس إنت قول حق هذا لا يتعرض لنا مرة ثانية




و يتحرك عبود و حمود صوب يموع و شلته و يسيرون بعيد و الولد المصري ميود ويهه و يصيح و يموع يضحك عليه من بعيد و يقول له : هههههههههههههههه دواك .. حد قالك تستريل على الربع ويا راسك


و يتجمعون الشله حمود و عبود و قوم يموع و ربعهم و يسيرون جدا راعي السمبوسة الهندي اللي من يشوفهم يرتبك و يضم كرتون السمبوسة لصدره قوووووووو و يقول لهم : خلاس اليوم ما فيه سمبوسه


يتقدم يموع من الهندي و يقوله : حووووووووه إنته و الله لأخلي أبويه يسفرك بمبي في لنج ترا .. هات الكرتون أحسن لك لأكسر ضلوعك و فجك اليوم





يسحب يموع الكرتون عن الهندي و يوزع سمبوسه على ربعه و ينصرف و الهندي ميت غصة و يسب بالهندي و المليباري

إلى اللقاء مع حلقة جديدة من سوالف حمود و عبود



ينقلها لكم
ورقه وقلم

من مواضيع : ورقه وقلم

وزارة التعليم العالي والبحث العلمي
والله قويه يا طيران الامارات!!!
هل تغترب من اجل الوطن؟
يوميات حمود وعبود
حماية مستهلكي خدمات الاتصالات
 


عرض البوم صور ورقه وقلم  

قديم 10-09-2006   المشاركة رقم: 4
المعلومات
الكاتب:
اللقب:
خبير

البيانات
التسجيل: Oct 2004
العضوية: 6444
المشاركات: 8,036 [+]
بمعدل : 2.25 يوميا
اخر زياره : [+]
الدولة: دار الزين
معدل التقييم: 36
نقاط التقييم: 10
RN9 فى البداية
 

الإتصالات
الحالة:
RN9 غير متواجد حالياً

كاتب الموضوع : ورقه وقلم المنتدى : الهدف الذهبي
افتراضي

خخخخخ (حوووووووه إنته ويا هالراس اللي تقول بوبره )

قصه حلوه تحس انها صدق صارت في وحده من المدارس الاعداديه

ننتظر الاجزاء القادمه وشكرا على النقل ورقه وقلم

من مواضيع : RN9

سيسينهو يوقع للريال
&* طريق البطوله مفروش بالاشواك والورود *&
لسنا بحاجه الى ديارا
كارلوس تراوده احلام العوده + خبر مفاجئ !!!
LA LIGA BreakingNews
 


عرض البوم صور RN9  

قديم 10-09-2006   المشاركة رقم: 5
المعلومات
الكاتب:
اللقب:
عضو نشيط

البيانات
التسجيل: Oct 2006
العضوية: 20075
المشاركات: 108 [+]
بمعدل : 0.04 يوميا
اخر زياره : [+]
الدولة:
معدل التقييم: 16
نقاط التقييم: 10
الشيطان الأحمـر فى البداية
 

الإتصالات
الحالة:
الشيطان الأحمـر غير متواجد حالياً

كاتب الموضوع : ورقه وقلم المنتدى : الهدف الذهبي
افتراضي

الأخ ورقة و قلم
الله يهدي صاحب القصه إذا هو يحب كتابة القصص فهذا شيء جميل لكن قصته كلها سب و شتيمه و غلط فيها على أخوانا المصريين أكثر من مره .

لا تخرب صيامك بنقل مثل هذا النوع من القصص

من مواضيع : الشيطان الأحمـر

عفوا ليست اول بطولة
نقطه مهمه راحت عن بال العمانيين
إفتقدنا هذه الشخصيه
بطل جديد بنسبة 75%
أهداف مباراة الإمارات و عمان
 


عرض البوم صور الشيطان الأحمـر  

قديم 10-09-2006   المشاركة رقم: 6
المعلومات
الكاتب:
اللقب:
خبير

البيانات
التسجيل: Feb 2006
العضوية: 13106
المشاركات: 1,194 [+]
بمعدل : 0.39 يوميا
اخر زياره : [+]
الدولة:
معدل التقييم: 20
نقاط التقييم: 10
ورقه وقلم فى البداية
 

الإتصالات
الحالة:
ورقه وقلم غير متواجد حالياً

كاتب الموضوع : ورقه وقلم المنتدى : الهدف الذهبي
افتراضي

ٌrn9

اشكرك اخي الكريم على المتابعه


ورقه وقلم

من مواضيع : ورقه وقلم

رسالة الى الجيل الرخو!
وظائف للمواطنين
يوميات حمود وعبود
عندما يهزم الابن الاب "بالمنطق"!
والله قويه يا طيران الامارات!!!
 


عرض البوم صور ورقه وقلم  

قديم 10-09-2006   المشاركة رقم: 7
المعلومات
الكاتب:
اللقب:
خبير

البيانات
التسجيل: Feb 2006
العضوية: 13106
المشاركات: 1,194 [+]
بمعدل : 0.39 يوميا
اخر زياره : [+]
الدولة:
معدل التقييم: 20
نقاط التقييم: 10
ورقه وقلم فى البداية
 

الإتصالات
الحالة:
ورقه وقلم غير متواجد حالياً

كاتب الموضوع : ورقه وقلم المنتدى : الهدف الذهبي
افتراضي

اخي الكريم الشيطان الاحمر

نعم القصه تحمل الكثير من الشتائم ولكن الا توافقني الرأي بان هذه الكلمات التي كانت تخرج منا كانت كلمات برئيه لا تحمل اي نوع من انواع الضغينه

كلنا كنا نحسد ذكاء الاخوان المصريين والفلسطنيين ايام الدراسه (وهنا اتكلم منذ 20 سنه سابقه او اكثر) وكلنا كنا نحاول ان "نغايظهم"

نعم كنا نسب ونشتم ولكن بعد ذلك بقليل كنا ناعب معهم

اخي
حاول ان تتابع القصه
صدقني ستذكرك بأيام الطفوله البرئيه


ولك التحيه


ورقه وقلم

من مواضيع : ورقه وقلم

قصيدة منصور الشيباني
اتصالات قطر!
يوميات حمود وعبود
رسالة الى الجيل الرخو!
المساجد في أبوظبي!!
 


عرض البوم صور ورقه وقلم  

قديم 10-09-2006   المشاركة رقم: 8
المعلومات
الكاتب:
اللقب:
خبير

البيانات
التسجيل: Jul 2005
العضوية: 9183
المشاركات: 1,809 [+]
بمعدل : 0.55 يوميا
اخر زياره : [+]
الدولة: United . Neighborhoods . of Sharjah
معدل التقييم: 22
نقاط التقييم: 10
Lampard.8 فى البداية
 

الإتصالات
الحالة:
Lampard.8 غير متواجد حالياً

كاتب الموضوع : ورقه وقلم المنتدى : الهدف الذهبي
افتراضي

..

LoL

Funny


نتريا الاجزاء الـ ياية

..

من مواضيع : Lampard.8

السبب . . ؟!؟ الترجمة خطأ . . .
رايح عنده اليوم -- !!
شـوفـوا المـلل و فـوايده
بسهولة و بصعوبة تشيلسي يفووز
Angola Vs Iran
 


عرض البوم صور Lampard.8  

قديم 10-09-2006   المشاركة رقم: 9
المعلومات
الكاتب:
اللقب:
خبير

البيانات
التسجيل: Feb 2006
العضوية: 13106
المشاركات: 1,194 [+]
بمعدل : 0.39 يوميا
اخر زياره : [+]
الدولة:
معدل التقييم: 20
نقاط التقييم: 10
ورقه وقلم فى البداية
 

الإتصالات
الحالة:
ورقه وقلم غير متواجد حالياً

كاتب الموضوع : ورقه وقلم المنتدى : الهدف الذهبي
افتراضي

2




الساعة ثلاث و نص الظهر .. حمود و عبود ردوا من المدرسة و تغدوا و طبعاً على طول بعد الغدا على اللعب

حمود واقف عند باب بيت عبود و يزقره : عبود .. إظهر أترياك

بو عبود : حووووووووه ولد حلوم إزقر الرياييل بأساميها .. عبدالله مب أصغر عيالك عشان تزقره عبود

حمود يرتبك و ما يعرف بشو يرد .. آآآآآآآ .. آآآآآآآآآآآ .. إن شاء الله عمي مرة ثانية ما بزقره غير عبدالله بن سالم

بو عبود : هيه جي أباك .. غد ريال لا اتخلي الناس يهزبونك

بعد إشوي يطلع عبود من البيت و أبوه وراه يقوله : عبود ما أبا شكاوي تفهم يا السبال .. و الله لو حد إشتكى منك دواك أحبسك في الزوية بلا أكل أو شرب .. ما برحمك و إنت تعرفني زين

عبود : إن شاء الله أبويه .. أنا بالعب بس احذال بيتنا و ما بسير مكان بعيد

يمشي عبود صوب حمود و يروحون يدخلون السكة

حمود : عبود شو هالأبو ؟ .. يا أخي أنا زقرتك عبود لبق فيني .. تقول ضو .. بلاه حد مزعلنه ؟ متضارب ويا أمك ؟

عبود : هذا بلوه .. رديت البيت شفته ضارب إختي أمون لين امبلح لها جسمها .. و السبب إنها كسرت استكانة الشاي

حمود : ياخي زقرتك عبود و شفته زعل و هو يوم إنته طالع من البيت يزقرك عبود .. شو هالمخلوق

عبود : حووووووووه حمود احترم عمرك شو بعد هالمخلوق .. هذا أبويه لا تنسى

حمود : انزين .. نسيت ياخي بس عصب بي و الله

عبود : فكنا الحينه من سالفة أبويه و تعال نسير صوب كان حسن .. خاطري في لبن مثلج و مينو(بفك عمان حالياً)

حمود : أنا ما عندي خرده .. راسمالي ربيه عطتني إياها اليوم أمي و ماشي غيرها .. إنته لو عندك يالله

عبود : عندي آنتين ما تكفي .. غلام البياع الهندي ما يطيع يعطينا سلف .. اللبن بربع و المينو بربع .. يعني لازم يكون عندنا ريال عشان نشتري حقنا 2 مينو و 2 لبن

حمود : عندي فكرة !!

عبود : الله يستر من أفكارك .. قول

حمود : بيت سيفوه قريب شو رايك نغزي بيتهم و نسرق جوزين حمام .. واحد شامسي و واحد جلابي و نبيعهم على سعود الأشلق

عبود : سوق حمام الشامسي ميت هالأيام .. انا سمعت سيفوه عنده جوزين وجاوج .. شو رايك نسرقهم و نبيعهم على سعود الأشلق ؟

حمود : إنزين تعال ويايه بنسير من ورا بيتهم و بنعفد

عبود : إصبر إشوي .. يمكن يكون هناك هو في قفص الحمام ما فينا على الضرب

حمود : تعال إنته و ما عليك خلك ريال بلاك ردي ؟

عبود : انزين يالله

يمشون الثنائي المرح حمود و عبود و يسيرون جدا بيت سيفوه و يدخلون السكة و هم يصدون وراهم يمكن حد يشوفهم

عبود : حمود أنا زايغ .. أخاف حد يشوفنا

حمود : لا اتزيغني يا أخي .. قوي قلبك

عبود و هو يبلع ريجه بصوت مسموع : انزين

حمود : اسمعني زين .. أنا بأعفد في البيت .. و بسير صوب قفص الحمام .. بأربط الحمامه من ريولها بخيط و بفرها عليك و إنت القفها تفهم

عبود : انزين بس بسرعة و تحمل على عمرك لا تتأخر

حمود : أقولك عبود يوم بخلص تراني بصفر لك انزين

عبود : انزين بسرعة يالله

يسير عبود جدا اليدار و يركب فوقه و يعفد في بيت سيفوه

دقيقة .. دقيقتين .. خمس .. عشر دقايق .. حمود ماله حس و لا خبر .. عبود يالس على أعصابه .. يوسوس

عبود : يا رب ما يزخه سيفوه الخسف .. لو زخه بيموته أكيد .. الله يغربل هالحالة .. ما صرنا اعيال تجار نقدر نشتري اللي نباه .. الحينه حمدونيه يعني أحسن عنا .. هالدب من زود ما يصرط هالأكل غادي درام .. كل شي أبوه ياخذ له .. نحن نسير مشي المدرسه و هو ايي في سيارة و فيها كنديشن بعد .. قهر و الله .. و إلا نعاله .. أنا و حمود يالله يالله نسير عند الكعيبي نشتري نعال بو كعب موضة هالأيام بزور و قوة و بعد ما نترشا أهلنا و هو اييبون له نعال من بمبي .. يقول العام سافر لبنان و شاف سميرة توفيق .. قهر و أنا في خاطري أشوف هيما مالي و لاب رايم

و فجأة .. يقطع صفير حمود عليه حبل أفكاره و سرحانه

حمود يهمس : عبود إلقف الحمامه بسرعة عن يزخونا

عبود يركض لأقرب منطقة صوب اليدار عشان يستلم الحمامه اللي رابطنها حمود من ريولها الثنتين

حمود يفر الحمامه على عبود و يلقفها و بعد اشويه الثانية و بعدها الثالثة و الرابعة
خلال لحظات حمود وصل عند عبود و ريوله متصلخة من اليدار

عبود : حمود أشوف دم في كندورتك !

حمود : هيه تراني يوم ركبت على اليدار اريولي يت على الحفه و انجرحت .. ما عليك شي بسيط بس المصيبة أمي يتحشرني لأن الدم خيس الكندورة .. ما عندي غير هالكندورة و وحدة ثانية صوف للشتا

عبود : ما عليك بنبيع الحمام و بناخذ صابون لوكس و بنغسل الكندورة

حمود : صابون اللوكس يا الغشيم هذا مال الجسم مب مال الثياب

عبود : أنا شفت أمي تغسل كندورتي بصابون لوكس يوم انجرحت و خاست الكندورة دم
حمود : لا ما عليك أنا بخوزة بطريقة ثانية

عبود : كيف ؟

حمود : بناخذ صابون فودر من عند غلام و بنسير عند غلوم اللي يبيع جاز و بنشتري عنه في قوطي أشوية جاز

عبود : يعني بيخوز الدم عن الكندورة

حمود : هيه بيخوز ما عليك

عبود : انزين بعد ما نشتري الصابون و الجاز بنسير صوب البرجه اللي في المنامه و بنغسل كندورتك بالماي اللي في البرجه

حمود : لا بعيد ما فينا .. بنسير صوب طوي بو عوشه أقرب

عبود : ههههههههههههههه طوي بو عوشه في عيمان يا الخبله مب في دبي

حمود : أووووه ههههههههههههههه قصدي طوي بن خلفان

عبود : خييييييييييبه بعيد وايد برجه المنامة أقرب

حمود : شو عرفك إنت .. إنت تعال أول شي خل نبيع الحمام على سعود الأشلق و بعدين يصير خير

عبود : يالله

مشوا حمود و عبود قاصدين بيت سعود الأشلق اللي في آخر الفريج

سعود الأشلق هذا يبيع و يشتري حمام .. أسلوبه في البيع شرات اليهود .. و على حسب السوق .. يخلي الحمام النادر عنده و ما يبيعه إلا يوم السوق يوقف .. هاييج الساعة يعرض الحمام النادر اللي عنده بأسعار خيالية .. على حسب كلامه يقول إن تجار ايونه من قطر و الكويت يشترون عنه حمام .. يعني شهرته تعدت الحدود .. ورث هالمهنة من أبوه رباع .. يقول كان حلو و شعره طويل و أبيض شرات الثلج و عيونه خضر لكن الحسد خلاه بهاي الصورة .. يقول إنه صار لونه أسود لأنه يلعب في الشمس و يسير دوم البحر و عيونه اشلقت لأن حرمه عيوز عمانية كانت إتي بيتهم و حسدته .. و طاح مريض سنتين ودوه عمان يقرون عليه لكن محد رام يسوي له شي و تم على هالحالة .. طبعاً سعود جذاب عود .. أبوه كان خادم عند قوم جمعة بن سيف كانوا شارينه من و هو شاب صغير يايبينه من ممباسه .. كبر و كان راعي بحر .. غواص عجيب .. استانسوا منه عمومته و زوجوه خادمتهم يميعه و ياب سعود و فطوم المينونة.

وصلوا حمود و عبود لبيت سعود الأشلق .. دقوا الباب و ياهم صوت من ورا الباب
صاحب الصوت حرمة .. الظاهر إنها يميعه أم سعود

يميعه : و العنه تلعنكم .. عنبوه كسرتوا الباب اتكسرت ضلوعكم .. انزين انزين

تفتح يميعه الباب و تشوف جدامها يهال صغار

يميعه : ها .. من اعياله انتوا ؟

حمود : أنا محمد ولد خليفة و هذا عبدالله و لد سالم

يميعه : خليفة خليفة خليفة .. هيه .. ريل حلوم ؟

حمود و هو معصب : هيه أنا ولد حلوم

يميعه : اشحال أمك ؟ .. و إختك بعدها ما عرست لين اليوم ؟

حمود : أمي بخير و إختي ما ياها النصيب

يميعه : إلا قول لأنها جنها عنز منو بياخذها هاذي

حمود و هو مصعب : أقولج وين ولدج سعود ؟

يميعه : سعود يا جليل الحيا .. يا اللي مب متربي .. انزين بتشوف .. العلوم بتوصل لأمك حلوم يا السبال .. ازقر الرياييل بأساميها .. أسمه سعيد بن ربيّع .. تسمع يا الأصلي ؟

و اتسير يميعه و هي تتحرطم و تسب

بعد اشويه يظهر سعود و يقول لهم : نعم .. خير .. شو تبون ؟

حمود : ياين نبايعك حمام

سعود و هو يبا يسكر الباب : ما أشتري

حمود : لحظة لحظة إنت شوف أول شي شو يايبين لك

سعود : ما أبا أشوف شي

عبود : سعود طالع هذا جوز وجوج

سعود يفتح عيونه كأنه متفاجيء و يقول : شو ؟ .. وجوج ؟ .. من وين سارقين هالوجاوج يا الخياس

حمود : حوووووووووه شو خياس بعد خاس يلدك .. هاذيله أبويه اشتراهم لي من عند خموسة راعية الحمام من سوق السمج

سعود : جذاب .. لا تجذب .. خموسة ما عندها وجاوج .. أكثر شي تروم اتيبه جوز حمام مصري و مخنفر

حمود : لو ما تبا برايك بسير ببيعهن على سيفوه

طبعا سعود الأشلق ما يداني سيفوه لأنه ينافسه في السوق و ما يبا شي حلو يطيح بين ايديه
سعود : انزين تعال راوني اللي عندك

عبود يراوي الحمام اللي عنده لسعود اللي انبهر من روعتهم و تم يفكر يبا يقص عليهم في الأسعار

سعود : مممممممممم اسمعني حمود و إنت يا عبود .. سمعوني زين .. هالحمام مريض و يمكن يموت في أي لحظة .. ما أقدر أشتريه بسعر غالي لأني بتوهق فيه .. بس عشان ييتكم لباب بيتي ما بردكم و بأشتري عنكم الجوز بريالين .. يعني جوزين بأربع

حمود : سعود حرام عليك .. إنت حرامي .. الجوز بتبيعه بخمسين و ستين و تبا تشتريه بريالين لا ما ببيع

سعود و هو يسوي عمره مب مهتم و مناك ميت على الحمام : برايك .. إنت حر .. خلهم يطيحون في جبدك

حمود و هو جريب بيترجاه : سعود اصبر اشويه .. يا أخي خذ الجوز بعشر يعني جوزين بعشرين
سعود : و لا ربيه زيادة

حمود : يا أخي لو لا الحاجة ما ببيعهن لأنهن من الوالد لكن عشان خاطري سعود دخيلك اشتر الجوز بأربع

سعود : إسمع .. آخر كلام عندي الجوز بريالين و نص يعني جوزين بخمس .. عايبنك هاتهم و خذ فلوسك .. مب عايبنك توكل على الله مب فاضي حقك

حمود : انزين خذهن و هات البيزات .. حار و نار في جبدك

سعود : شو قلت ؟

حمود : لا .. أقول مبروك عليك .. هات البيزات

دخل سعود البيت و بعد إشوي رجع و عطى حمود خمس ربيات و خذ جوزين الحمام الوجاوج و دخل

عبود : الله يغربله و الله صدق إنه يهودي .. حرامي و مجرم هالانسان

حمود : هالخايس لازم أسرق كل حمامه و أشويهن يوم الخميس عشان يتأدب
عبود : و اشحقه يوم الخميس ؟

حمود : لأنه هالخمام يسير بيت خماس يوم الخميس و يشربون خمر

عبود : احلف ؟

حمود : و الله و راس أمي و أبويه .. أنا شفتهم من شهر ظاهرين هو و ربعه من بيت خماس و هم سكارى .. كنا أنا و أبويه سايرين المسيد الفجر و شفناهم .. حتى أبويه تم يسبهم و يقول لهم خافوا ربكم الأذان يأذن و انتوا تخمرون

عبود : خسهم الله .. يفوتخون عيل من صباح الله خير ههههههههههههههههههه

حمود : براويه هالسبال يوم الخميس إن ما طيرت السكره منه أنا مب حمود

و مشوا حمود و عبود سايرين صوب دكان حسن .. دخلوا الدكان و اشتروا لبن مثلج و مينو و صابون فودر حق كندورة حمود و تموا يشربون و ياكلون لين ما وصلوا لبيت غلوم و اشتروا عنه جاز بآنتين و ساروا جدا الطوي عشان يغسل حمود كندورته و غسل حمود حمود كندورته و خاز عنها الدم و ردوا الفريج يلعبون


و إلى يومية جديدة من يوميات حمود و عبود أترككم برعاية الله ،،،




ينقلها لكم
ورقه وقلم

من مواضيع : ورقه وقلم

المساجد في أبوظبي!!
يوميات حمود وعبود
اعمار... سامي الريامي ... موظفه مواطنه!
وزارة التعليم العالي والبحث العلمي
اتصالات وتصحيح المعلومات!
 


عرض البوم صور ورقه وقلم  

قديم 10-10-2006   المشاركة رقم: 10
المعلومات
الكاتب:
اللقب:
خبير

البيانات
التسجيل: Sep 2002
العضوية: 2568
المشاركات: 1,029 [+]
بمعدل : 0.24 يوميا
اخر زياره : [+]
الدولة: دبي
معدل التقييم: 27
نقاط التقييم: 10
وصلاوي 11 فى البداية
 

الإتصالات
الحالة:
وصلاوي 11 غير متواجد حالياً
وسائل الإتصال:
إرسال رسالة عبر MSN إلى وصلاوي 11

كاتب الموضوع : ورقه وقلم المنتدى : الهدف الذهبي
افتراضي

مشكوووووووووووووور على اليومية الحلوة

من مواضيع : وصلاوي 11

اقتراح لزيادة التركيز الهجومي
المنح الدراسة في الامارات
احصائية مشاركات المنتخب في تصفيات كاس العالم عن قارة اسيا منذ كاس العالم 1990
«روبوت» إماراتي لحمل الأدوات الخطرة
شو هالدلع
 


عرض البوم صور وصلاوي 11  
 



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
يوميات مدير عام زعيم الإمارات الهدف المختلف 20 01-11-2008 12:00 AM
يوميات صرصور1 الإعصار الهاديء دار زايــد 7 09-24-2007 06:38 AM
يوميات هدف الامارات الفارس الوصلاوي الهدف المختلف 13 09-08-2007 08:50 PM
سعود .. حمود ... خلود .. و غيرهم dc_city دار زايــد 119 09-01-2006 02:54 PM
يوميات موظف البدالة MỒйтǒŁίvỒ الهدف المختلف 1 07-29-2003 05:45 AM


الساعة الآن 01:25 PM


Powered by vBulletin® Copyright ©2000 - 2014, Jelsoft Enterprises Ltd.
Search Engine Friendly URLs by vBSEO 3.6.1 ©2011, Crawlability, Inc. TranZ By Almuhajir
اعلان
تحميل برامج جديدة شوف صور جديدة العاب سيارات مركز تحميل