مساعده بخصوص القرنيه المخروطيه

[7αsSỚoη]

السلام عليكم ورحمه الله

حبيت اسال اللي عندهم خبره بخصوص القرنيه المخروطيه

وين افضل مستشفى او عياده يسونهاا او اسم اي دكتور شاطر ف هالسوالف
لانه نظري كل يوم يقل ولازم اسويهاا ومب عارف وين اسير وحتى مب قادر اداوم لانه نظري ضعيف

في حد قالي عياده ابصار اعتقد في جميرا يسون فيها عمليه القرنيه المخروطيه

ف ياليت اذا حد عنده خبره يفيدني ف افضل دكتور وكم تكاليف العمليه وكيف تكون العمليه هل انها زراعه قرنيه بس او لازم زراعه قرنيه والترا ليزك ولا كيف ؟

ومشكورين ..

[الفوهرر]

المشاركة الأصلية كتبت بواسطة 7αsSỚoη

السلام عليكم ورحمه الله

حبيت اسال اللي عندهم خبره بخصوص القرنيه المخروطيه

وين افضل مستشفى او عياده يسونهاا او اسم اي دكتور شاطر ف هالسوالف
لانه نظري كل يوم يقل ولازم اسويهاا ومب عارف وين اسير وحتى مب قادر اداوم لانه نظري ضعيف

في حد قالي عياده ابصار اعتقد في جميرا يسون فيها عمليه القرنيه المخروطيه

ف ياليت اذا حد عنده خبره يفيدني ف افضل دكتور وكم تكاليف العمليه وكيف تكون العمليه هل انها زراعه قرنيه بس او لازم زراعه قرنيه والترا ليزك ولا كيف ؟

ومشكورين ..

الله يعافيك اخوي ....

انا سويت العمليه في عيادة ابصار وفشلت ...

الله يعافيك مره ثانيه

[عاشق الصمت]

الله يشافيك ويعافيك اخوي

جرب مراكز الشريف للعيون في مدينة دبي الطبية

موقعهم

[الاعصار العيناوي]

انصحك بعيادة الشريف للعيون ... في مدينة دبي الطبية ... حكومة دبي تتعامل معاه

[مهم في مهمه]

سوها فالاردن ماتكلفك 10 الاف وعلاجهم ممتاز

[ابوخالد1]

أنا عملتها للحرمة

في مستشفى مورفيلدز للعيون بدبي

عند دكتور استشاري ايطالي متخصص في علاج القرنية المخروطية لا يحضرني اسمه ولكن إن حجزت موعد وعرفوا علتك سيحولونك مباشرة عنده

عملت لها عملية قبل أربع شهور وللأسف احتاجت إلى عملية أخرى أيضا وعملتها قبل شهر والأسبوع القادم لديها مراجعة والدكتور طمنا أن الأمور طيبة

نتمنى لك الشفاء العاجل

لا تحضرني التكلفة لأني عملتها على حساب ثقة وتحملت 10% من قيمة العملية أعتقد أنها بحدود ال15 إلى 17 ألف ولا تتجاوز ال20 ألف

[123_321]

مساء الخير ........عزيزي علاج القرنية المخروطية يتم تحديدة بعد معاينة القرنية وتحديد درجة تحدب وترقق القرنية وكلما تطورت الحالة المرضية للقرنية المخروطية كلما أختلفت خيارات علاجها. مثلا في بداية مرض القرنية المخروطية .العلاج يبدأ من استخدام النظارات الطبية ..استخدام العدسات اللاصقة اللينة او الخفيفة (شخصيا ما انصح باستخدامها)...أستخدام العدسات الصلبة (شخصيا ما انصح باستخدامها )..حلقات intacs .أشعة 3cr...حلقات intacs مع اشعة 3cr>>مع وجود خيارت ثانية للعلاج...بالنسبة لزراعة القرنية للحالات القليلة جدا من مجموع المصابين بالقرنية المخروطية والي وصلت عندهم الحالة مرحلة متقدمة جدا من التحدب والترقق وفي حالة عدم وجود او عدم جدوى أي علاج اخر ...تكون الزراعة لابد منها ولكن يوجد أكثر من خيار كزراعة جزء او طبقة فقط من أجزاء القرنية واللي ممكن تقلل من فترة المتابعة والعلاج بعد العملية وتزيد من فرص نجاح القرنية...بالنسبة لحالتك أنشاءاللة تكون بسيطة وفي مراحلها الاولى وفي الاغلب الاشعة مع ممكن ليزر او ليزك ممكن انشاءاللة تكون العلاج المناسب لك...ونصيحة أخوية لا تسمع كلام الدكتور اذا قالك علاج القرنية المخروطية عندك تحتاج زراعة قرنية ...مثل ما قلت الحمدللة فية وايد خيارات ثانية للعلاج غير زراعة القرنية وزراعة القرنية المفروض الواحد مايسويها الا لما يتاكد انة خيارات العلاج الثانية ما بتفيدة

[سعودية ودم قلبي إماراتي]

أسأل الله لك الشفاء والعافيه

في ناس كثير أعرفهم عملوا العمليه بالأردن لأن في دكتور مشهور
وبنفس الوقت التكلفه تكون أقل
وماشاء الله نجحت عملياتهم

[ساهر البنفسج]

روح روسيا و امورك في الروب ..
اسبوعين زمان ما تكلفك 10 بسكنك وللدختر و كل شي ..
وفوق كل ها ادواتهم مب متوفره في الدولة وحتى في اغلب دول اوروبا ..
او مثل ما قالوا الشباب الاردن سمعت من واحد من الربع ..
انه افضل دكتور علاج للعدسه المخروطيه متواجد هناك ..
وحتى في روسيا كانوا يمدحونه ..
اما اذا ما تقدر تسافر برا البلاد ..
عليك بالشريف في البلاد بس يبطي لين اييك الدور واتسوي العمليه عنده ..

[Zinedine Zidane]

ربيعي سار المستشفى المغربي اللي فدبي وكان عندهم استشاري من أسبانيا ..
وحدد وياه موعد بعد عيد الفطر عساس يسوي له العملية .. وتقريبا بتكلفه 20 ألف درهم ..
وقاله نسبة النجاح 90% .. والشافي الله ..