ماذا فعلت بعدما نجحت بأختبار رخصة القياده ؟! ( الليسن )

[أبو زهراء]

السلام عليكم ورحمة الله وبركاته

أكيد كل واحد عنده ليسن يتذكر ذلك اليوم اللي أجتاز التراي فيه وضرب ليسنه فيه

أكيد كان طاير من الفرحه

أنا عن نفسي من عرفت أني ناجح في التراي بعد عدة محاولات طبعا .. Top secret قمت على طول وجبت قوطي ديو للمدرب وبس

وعاد طبعا العايله جبتلهم غرشتين بارد حجم عائلي

وبعد ثلاثه شهور من ذاك اليوم سويت حادث أجرب الليسن ساري المفعول أو لأ

أتمنى كل واحد يذكر لنا كيف كان شعوره لما أخذ رخصة القياده وشو سوى بعد ؟

تحياتي لكم

[(المــلازمــ)&(شـامبيهــ)]

للأسف بعدني ما اخذت الليسن

لاكن لو اخذت الليسن ما بتشوفوني الين ما
ابى اجدده

[Mister Saif]

بدعم اول شخص قدااامي..

[(المــلازمــ)&(شـامبيهــ)]

خخخخخ حلوة يا مفنود

[خوخة بنت مشمش]

خخخخ لا تذكرني

انا نجحت في الاختبار ثاني مرة... واذكر اني غلطت غلطة عجيبة في اللفة... بس وانا افك الحزام طالعت الشرطي واقوله بالغلط انا مب قصدي الف جيه وطالعني بنص عين وكان شيبة وبعدين قالي نزلي نزلي خرعتيني بلفتج الغريبة و كان معصب و قالي بس تعالي من صوب الثاني ووقع وقالي ناجحة .... بس كان شعوووور لاااايوصف وكنت ابتسم ببلاش بسبب وبدون سبب .....بس للاسف جربت القيادة بعد خمس شهور تقريبا بسبب الخوف


مشكوووووووووووور على موضوعك الحلو

[şεňoяιτα şoζιταяια]

.. شــــعور جداً جميل وما ينـوصف ..
.. كان أحـلى شعور في حياتي حتى يمكن كانت فرحتي أكبر من فرحة تخرجي من الجامعه لأني وبصراحه وايد عانيت لما خذت الليسن ..
.. وأول ما خذت السيارة كل شهر مسويه حادث الله يعافيكم بس الحمدلله حوادث بسيطة ومن غير إصابات بشرية ..
.. بس في النهاية شعور رائع ..

[Mis_sixty]

يالله بالستر ... سنين غبره ...


انا كنت ناجحه من اول تراي ... بس لخبطوا بيني وبين اختي ... جان ينجحون اختي وخلوني انا ..

وثاني ترااي كنت متوقعه اني انجح .. وكان يومها عندي امتحان الفاينل .. وكانت المادة صعبه ... سرت سويت الترااي ونجحت وعقب سرت الجامعه وامتحنت جان اييب A في المادة الصعبه ... ما كنت اعرف انه الليسن هالكثر يسوي حمااس ...

[بن عمـير]

والله اني كتبت رد طويل عريض

والحين مقهور لاني بالغلط مسحته

ما برد اكتب وخلاص ما ابي اقول سالفتي

مع السلآآآآآآآآآمة بنتحر

[أهلاوي جديد]

وانا بعد كان عندي تراي الساعة 11 وفاينل الساعة 2 الظهر بنفس اليوم..
بس ما أذكر أي مادة.. بس أذكر اني كنت طاير من الفرحة..
يوم ركبت تاكسي راد البيت.. قلتله هاي آخر مرة أركب فيها تاكسي..
الخان قالي لأ.. يمكن سيارة خراب بعدين انت يركب تاكسي..
وطلع كلامه صح..

مشكور على الموضوع اللطيف..

[غبار الحب]

بدون تراي ولهم يحزنون قبضت ليسن
كنت متدربه ولي اربع اشهر اسوق في امريكا
مره مسكتني شرطه وطلبو ليسن قلت ماعندي
عطاني وصل اي عقب ساعه لين المركز
وسوالي تراي لفتين وقال روحي خذيه
ولين الحين ما تغير
من 5 سنوات
بس الحين متشققه من الفرح الوحيده الي عندها ليسن امريكي في العايله بس
لين الحين ماسقت الى مرتين
مشكور

[رمساوى]

اول مرة اختبرت سقطت مع اني ما غلطت ولا غلطه وتفاتنت وياه اقوله شو غلطتي يقولي بعدك صغير

ثاني مرة وايد غلطت ولفيت على شيول والعسكري يود السكان عني وقال لي شو بتجتلنا؟؟

وما بركنت عدل ؟؟

في الاخير قال لي انزل وعطاني ورقه مربعه لما فتحتها قريت.ناجح .خخخخخخخخخخخخ براس الخيمة

[عيناوووي]

عن نفسي اول مره رسبت وثاني مره رسبت ما ادري ليش مع اني اسوق اوكيه ههههه رسبوني


اما الثالثه قلت خلاص عاد طفح الكيل الثالثه ثابته والحمد لله نجحت بس ما فرحت لاني بصراحه

كنت ادري انى ناجح

[قلب الأمير]

انا رسبت 3 مرات بالباركنج

لان اللي واقف علي واحد نذل
و هذا أخرني سنه و نص عن الليسن !!!


سألت عنه أكثر عن 20 واحد كلهم رسبهم بنفس الطريقه

و برابع محاولة الحمدلله امتحنونا بمكان ثاني و وقف علي واحد غيره و نجحت عالبرااااااد

و بالمدينه نجحت الحمدلله من اول مره


اكيد حسيت اني انولدت من يديد خخخ
سرت يلست بالبيت خبرت الاهل

و يلست ألعب سوني3 اخمس بهالسيايير

و بس

ما عزمتهم ولا شي خخخ

[زعيم الإمارات]

تصدق امسات تذكرته
انا خذيت الليسن في 1-12-1996
يعني قبل عيد الاتحاد بيوم

واتذكر من الفرحه مشيت حوالي ال4 كيلو اناقز لين وصلت البيت

[RN9]

الحمد لله خذته من اول تراي

اذكر انه كان عندي دوام في الجامعه الصبح داومت بموتري ووقفت في باركن الجامعه وخليت المدرب يودني المرور اسوي تراي والحمد لله الشرطي كان رايق واذكر انه قالي انته شكلك تسوق من سنين + لاتعتمد على الواسطه ولا مابنجحك :nc:

اول شي سويته بعد ما خذت الليسن مريت على ربعي وخذينا لفه في السوق و طبعا العشا كان علي بمناسبه الليسن..