مرور الشارقة

[Moh@mmeD]

السلام عليكم ورحمة الله وبركاته


الصراحه مب عارف كيف ابدا الموضوع بس فعلا فيه غصه من بعد ما سمعت بها القرار والكلام اللي انقالي في قرية تسجيل اللي بالشارقة


كنا ماخذين سياره للبيت وماخذينها الحمدالله كاش وقلنا بنسجلها باسم الوالده .. خذت الاوراق المطلوبه ورحت التسجيل الظهر عشان اسجل السياره واستلم السياره بعد المغرب


دخلت ورحت عند الاستعلامات اول ما شاف الاوراق الموظف ويه اتغير جان يقولي اخوي روح عند الضابط يمكن يمشيك

تبون الصراحه انا استغربت من كلامه قلت الضابط يمكن يمشيك ليش شو السالفه ؟؟؟

رحت عند الضابط وكلمته رد عليه قالي اخوي نحن عدنا قانون فالشارقة ما انسجل سياره بسم شخض ما عنده ليسن

قلتله بس نحن متعودين عل ها الشي ومن زمان انسجل

قالي انا معاك بس هذا قانون يديد !!

قلتله طيب والحين شو الحل ؟؟ قالي الوالده عندها دريول عل كفالتها قلتله لا وانا ولدها وحاط ليسني

رد عليه الصراحه برد وها اللي خلاني اتنرفز

اذا كان دريول عل كفالتها وحطيتوا ليسنه بتمشي المعامله اما انه حط من اهلها احط ليسنه اسمحلي ممنوع

قلتله طيب انا ولدها قالي حتى لو منو يكون يا درويل ( هندي ) يا ماشي


الصراحه طلعت من عنده وانا فيه غصه عل القانون اللي حاطينه انا ولدها ومن شحمها ولحمها ما يستوي واذا ليسن هندي درويل بتمشي المعامله


ولا بعد يقولي روح عند النقيب الفلاني فالمرور شوف اذا بمشيك ول لا


يعني هذا اللي اتبون فالشارقة واسطه ومن داخل لداخل

قلتله ما بسير ولا بسجل فالشارقة معني من سكان الشارقة ومولود فيها وحتى ليسني من الشارقة


شليت الاوراق ورحت تسجيل اللي فالقصيص الصرااحه ربع ساعه وانا مخلص كل شي لا تعقيد ولا ليش هاي ماعندها ليسن


بس حبيت اعرف كيف اذا هندي تمشي واذا ولدها ما تمشي !! يا مرور الشارقة ؟؟

[اماراتي من الخاطر]

الله يعينك اخوي ..
وبصراحه الشارجه قامت تعقد قوانينها في المرور...




انا كان عندي سيارة أرقام الشارجه ....
ومن فترة سرت بكنسل الارقام ...طلبو اجراءات غير عن المركز الي سجلته فيه..قلت لهم ياخي هذه امارة وحده ونفس المرور الشارجه ...

قااالو .. لاااا نحن عندنا من مركز لمركز تختفل بعض الاجراءات ..!!

[Moh@mmeD]

ويعين الجميع اخوي اماراتي


معنه والله خلاص سجلت في دبي بس لين الحين وفيه غصه عل الكلام اللي انقالي

[.. du ..]

أخخخ لو انا عطيتهـ كف وطلعت ,,

اونهـ يادريول يا مايمشي المعاملة شو ولدها مب تارس ,,

عينهـ ,, ؟!!

قوانين غريبهـ عجيبهـ من مرور الشارجهـ ,,

ومن زين ارقامهم عاد ,,

[Moh@mmeD]

والله يا خوي دو كان ودي


بس انا عسكري وحترمته لانه ضابط ول جان صكيته طرااق من الخاطر


بس شباب بغيت منكم خدمه

حد يعرف رقم البث المباشر اللي في قناه الشارقة او الخاص بي ابو عمر


يعطيني ايااه لانه ناوي اقول اللي فخاطري فالاذاعه وجدام الناس

[الرجل الاخضر]

عقليات قديم جدا

الغالي سر دبي وفك عمرك .

اونه اذا هندي عادي !!!!!!!!!!!!!! والله في خاطري كلام بس ادري انه بينحذف عسب جي ما بقوله

[Moh@mmeD]

الرجل الاخضر

انا خلاص سجلت في دبي وقلت انه الموضوع ماخذ عني اكثر من ربع ساعه وبدون تعقيدات في دبي


وعن الكلام ترى وانا طالع من عنده قلت كلام اعوذ بالله منه نرفزي صدق كلامه والقانون اليديد

[الرجل الاخضر]

المشاركة الأصلية كتبت بواسطة ملك القلوب

الرجل الاخضر

انا خلاص سجلت في دبي وقلت انه الموضوع ماخذ عني اكثر من ربع ساعه وبدون تعقيدات في دبي


وعن الكلام ترى وانا طالع من عنده قلت كلام اعوذ بالله منه نرفزي صدق كلامه والقانون اليديد

المشكله ان القانون ما يطبق الى على الموطنين وموضوعك اكبر دليل على ذالك

المهم حمد الله ان موضوعك خلص .

[اماراتي من الخاطر]

أكيد بس يطبقون هالاشياء على المواطنين ..ميه بالميه ...




أما المهنده وهالحثاله الي كل يوم يدخلونهم البلاد مايكملون شهر ولا شهرين وعندهم لياسن ومواتر وكل شي ..!!
لكن الموااطن ..تطبق عليه كل القوانين وكل الانضمة وماشي تساهل ..

تصف طابوور وتكون آخر الهنود ..محد يتجرأ يزقرك من الموظفين وللعلم الاولوية حق المواطنين ...


لكن في دبي ...

من تدخل المرور صح أنه زحمة هنود بشكل فضيع ..لكن على طول من يشوفونك مواطن يحطونك فوق راسهم وأول واااحد..

[شوقي لها]

الـــــــــــــــــــــــــــــشــــــــــــــــــ ـــــــــارقــــــــــــــــــــــــــــــة

إمارة الواسطات ..

في كل شي ...

[sam78]

انا سرت عندهم ابا اسجل سيارتي اليديدة 2007
فقالولي 100 درهم حق فحص السيارة
زين السيارة يديدة وانا حتى ما استلمتها لين الحين
فكيف اتقولون 100 حق الفحص وانتو حتى ما شفتو السيارة
سبحان الخالق

[اماراتي من الخاطر]

المشاركة الأصلية كتبت بواسطة sam78

انا سرت عندهم ابا اسجل سيارتي اليديدة 2007
فقالولي 100 درهم حق فحص السيارة
زين السيارة يديدة وانا حتى ما استلمتها لين الحين
فكيف اتقولون 100 حق الفحص وانتو حتى ما شفتو السيارة
سبحان الخالق

مادري كيف بصراحه الشارجه..


احيد كل الامارات السيارات الي يطلعونهم من الوكالة تتسجل بدون ماتكون موجودة لسنتين..

الله يعيين

[عزووز]

زين سويت وفكيت عمرك

ولو ييت بوظبي ارخص لك بعد لووول :head:

وبخصوص انه قال لك لو الدريول وعلى كفالتها بيمشيك

اعتقد هم سوو هالشي بس عشان العيايز اللي ما يسوقن ويايبات دريول على كفالتهن

وهم مانعين اي وحده ما عندها ليسن تسجل سياره باسمها

[etisalatdu]

اعرفه هالنقيب
والصراحة مرور الشارجة من اسوأ المناطق الي اراجعها
لتجديد ليسن او رقم او دفع مخالفات
يأخرونك 3 ساعات ومرات اكثر ومادري على شو
المشكلة لو على زحمة الناس مب مشكلة بس المشكلة انه ما في كونترات كافية ؟؟؟؟؟؟؟ للمراجعين

[Mis_sixty]

بما إني شرجاوية حتى النخاع ..

وما أرضى عليها ...

إلا إني اعترف ...!!

إنها في خدماتها كل يوم عن يوم تكون من أسوأ لين الأسوأ ...

والمشكلة انه محد متغربل غيرنا ...


والواسطاااااااات لاعبه دوووووووووووور في كل شي وفي كل مكان...:sha:


وتعقيييييييييييييييييييدات في الإجراءات عالفاااضي ...


اذكر انا اول ما اتخرجت من الجامعه .. اوني مستانسه وحاشرة البقعه انه نا ما بشتغل إلا في الشارجه .. وسرت ولفيت على الدواير كلها وشفت عجب العجاااااااااااااااااااااااااااااااب ..

لي اموظف كل اهله في الدايرة .. ولي يطالعك اول ما اتسلم اشكرى من ويهه يقولك اطلع برع احسن لك قبل لا تتصفع ..

وآخرتها طبعا ما لقيت شغل إلا في دبي .. لا والحلو أنه المكان لي اشتغل فيه 80% من هل الشارجه ... ويوم اقولهم جي ما قدمتوا في الشارجه .. يقولون :............ ولا أقول :nc:



الله يعينك يا خووووووووووي ... زين انك سرت دبي وافتكيت ..