???? افضل الجامعات في الامارات ????

[shamms]

المشاركة الأصلية كتبت بواسطة wld.zayed

shamms اكيد جامعه الامارات غنيه عن التعريف وتعد من اقدم الجامعات في الامارات

بس مثل ماسمعت مشكله جامعه الامارات انه مب كل طلابها يعاملون بنفس الطريقه

يعني مثلا طلاب الاداره والآيتيه مرتاحين ومتوفر لهم كل الي يبانه

بس طلاب الشريعه والقانون يحسون بالعكس

وبالعلم مافي فرق بين طالب الطب و الهندسه عن بقيه الطلاب ولا شو رايج
الله اعلم

اتمنى تفيدينا بها الموضوع

شوف اخوي...

في كل الجامعات .. .فيها الشين وفيها الزين..

بس كجامعة وتعليم ودراسة واااااااااايد اوكي.. ودراستنا قوية جدا...

وكلنا نتعامل في الجامعة بنفس الطريقة... مافي فرق...

الا اذا كان التفريق عن طريق احد الدكاترة فهذا الشي وارد في احسن الجامعات..

لازم بيكون هناك دكتور ما عنده ذمه وضمير ويعامل الطلاب بفروووق..

اصابع ايدك موب مثل بعض...

[مدمن الأخوه]

المشاركة الأصلية كتبت بواسطة Mr.AD

جامعة الشارجه وامريكية الشارجة الافضل بالدولة


وعندك جامعات سمعتها طيبة جامعة الحصن وجامعة العين للتكنولوجيا وجامعه ابوظبي وجامعة نيويورك والجامعة الاسترالية





من قص عليك وقال ان "امريكيه دبي" من افضل الجامعات

الجامعة لعب في لعب ماشي دراسة شرات الجامعات المعروفة

وانت من قص عليك وقالك جامعه الحصن والعين للتكنلوجيا من اقوى الجامعات في الامارات !!
جامعه الحصن امسات طالعه وين صارت اقوى الجامعات

وبالنسبه لجامعه امريكيه دبي .. حبيبي وين اللعب فيها .. اعرف شباب متخرجين منها .. ويالله يمشون
ويبغون درجات عاليه في الانجليزي وفي التخرج .. وبعدين سير شوف خريجيها وين يشتغلون
مافهمت كيف اللعب يعني .. وهل انت درست فيها ؟ .. انا درست فيها سنه كامله
وماشفت اللعب اللي انت تتكلم عنه .. وصعبه وماينجح فيها اي حد ..

.
.

جامعة عجمان

جامعة الغرير

الامريكيتين في دبي والشارقة


كلها جامعات اي كلام

والدليل على كلامي.... سيروا وشوفوا ها الجامعات فروع لأي جامعات في امريكا

جامعات يمكن ما تحصل معلومات عنها في الانترنت بكبره .... ولا في المواقع العالمية لتصنيف الجامعات

بس معترفة عندنا لاه اصحابها من الكبارية لا غير


اللي يريد يدرس انصحه في جامعات قرية المعرفة في دبي

اخويه انا شفت طال عمرك وشكلك انت شايف رانك جامعات بريطانيا
اخويه جامعه امريكيه دبي والشارجه الفرع الرئيسي في امريكا من اقوى 100 جامعه
في امريكا .. كيف مب معترف فيها .. والفرع الرئيسي للجامعتين في ولايه واشنطن دي سي
العاصمه .. وحسب التصنيف المعتمد في امريكا من US NEWS .. لسنه 2007 لافضل الجامعات الامريكيه .. وهذا اشهر تصنيف للجامعات حاليا في امريكا ..

اليك التالي

85. American University DC

.
.

كيف مب معروفه .. صدق اللسان بلا عظم :uns:

.
.



مدمن

[ام حسن82]

الجامعة الامريكية ماعليها كلام

[Mr.AD]

المشاركة الأصلية كتبت بواسطة مدمن الأخوه

وانت من قص عليك وقالك جامعه الحصن والعين للتكنلوجيا من اقوى الجامعات في الامارات !!
جامعه الحصن امسات طالعه وين صارت اقوى الجامعات

وبالنسبه لجامعه امريكيه دبي .. حبيبي وين اللعب فيها .. اعرف شباب متخرجين منها .. ويالله يمشون
ويبغون درجات عاليه في الانجليزي وفي التخرج .. وبعدين سير شوف خريجيها وين يشتغلون
مافهمت كيف اللعب يعني .. وهل انت درست فيها ؟ .. انا درست فيها سنه كامله
وماشفت اللعب اللي انت تتكلم عنه .. وصعبه وماينجح فيها اي حد ..



مدمن

اذا ما تشوف عدل فهذي مشكلتك وانصحك تروح تفصل نظارة

اقرا المكتوب عدل قلت "جامعة الشارجه وامريكية الشارجة الافضل بالدولة"

وقلت في "جامعات سمعتها طيبة" .... اعيدها ثاني مرة عليك سمعتها طيبة يعني هب الاقوى

يعني ماعندهم لعب وخرابيط شرات "امريكية دبي"

روح تعلم كيف يكتبون "تكنولوجيا" بعدين ارمس عن هالجامعات ذات "السمعة الطيبة"

ومن حقك ادافع عن "امريكية دبي" لانك درست فيها ولو الجامعة فيها خير كنت كملت فيها يالمدمن
وماسافرت امريكا

رد وانت مصحصح لاتكون مدمن :blu:

[مدمن الأخوه]

المشاركة الأصلية كتبت بواسطة Mr.AD

اذا ما تشوف عدل فهذي مشكلتك وانصحك تروح تفصل نظارة

اقرا المكتوب عدل قلت "جامعة الشارجه وامريكية الشارجة الافضل بالدولة"

وقلت في "جامعات سمعتها طيبة" .... اعيدها ثاني مرة عليك سمعتها طيبة يعني هب الاقوى

يعني ماعندهم لعب وخرابيط شرات "امريكية دبي"

روح تعلم كيف يكتبون "تكنولوجيا" بعدين ارمس عن هالجامعات ذات "السمعة الطيبة"

ومن حقك ادافع عن "امريكية دبي" لانك درست فيها ولو الجامعة فيها خير كنت كملت فيها يالمدمن
وماسافرت امريكا

رد وانت مصحصح لاتكون مدمن :blu:

..
..

جامعه الحصن والعين .. سمعتهم طيبه !! .. زين ماقلت جامعه الافق بعد سمعتها طيبه
جامعه امسات طالعه ولا خرجت ولا دفعه كيف صارت سمعتها طيبه .. من وين يت السمعه
الطيبه .. السمعه الطيبه تييك من الخريجيين اللي يتخرجون منها وشو يتوظفون ..
جامعه الحصن اونه :yell: .. وامسات يالس تسأل عن معهد نيويورك اللي معترفين فيه
قبل يومين .. تقولي سمعته طيبه !! .. والله دنيا :blu:



واذا انا درست في امريكا .. فالمقارنه بين الجامعات في البلاد وامريكا .. كأنك تعطي فرق
بين السما والارض .. و لو ماحصلت بعثه ماسافرت .. :bwroo: .. شكلك مامحصل :bwroo:
بس مالومك راعي جامعه الحصن :blu:

واذا كنت تقول عن الجامعات الطيبه لانك درست فيها .. فأنا اقول الحق عن جامعه امريكيه دبي
حسب اللي شفته وعشته والواقع الموجود .. ومافي واحد لعب ويتخرج .. هب لاني درست فيها ..

..
..

وعن الخطأ شكلك توك متعلم الاملاء .. وعلموك تصيد الاخطاء اللي تسقط سهوى
لاتنسى تسير تحطها في السوالف في رادار المنتدى شرات الصغاريه :blu:

..
..

مدمن

[wld.zayed]

السلام عليكم

اخويه مدمن و Mr AD مشكورين على المعلومات القيمه واكيد كل مكان له أيجابياته وسلبياته

واتمنالكم التوفييييييييييييييييييييييييييييييييييييييييييييي يييييييييييييييييييييييييييييييييييييييييج


ام حسن82 اذا سوينا تصويت بتكون الامريكيه محطمه لانه معظم الاعضاء مدحوها .. مشكوره على المشاركه


ولد زايد

[Mr.AD]

المشاركة الأصلية كتبت بواسطة مدمن الأخوه

..
..

جامعه الحصن والعين .. سمعتهم طيبه !! .. زين ماقلت جامعه الافق بعد سمعتها طيبه
جامعه امسات طالعه ولا خرجت ولا دفعه كيف صارت سمعتها طيبه .. من وين يت السمعه
الطيبه .. السمعه الطيبه تييك من الخريجيين اللي يتخرجون منها وشو يتوظفون ..
جامعه الحصن اونه :yell: .. وامسات يالس تسأل عن معهد نيويورك اللي معترفين فيه
قبل يومين .. تقولي سمعته طيبه !! .. والله دنيا :blu:



واذا انا درست في امريكا .. فالمقارنه بين الجامعات في البلاد وامريكا .. كأنك تعطي فرق
بين السما والارض .. و لو ماحصلت بعثه ماسافرت .. :bwroo: .. شكلك مامحصل :bwroo:
بس مالومك راعي جامعه الحصن :blu:

واذا كنت تقول عن الجامعات الطيبه لانك درست فيها .. فأنا اقول الحق عن جامعه امريكيه دبي
حسب اللي شفته وعشته والواقع الموجود .. ومافي واحد لعب ويتخرج .. هب لاني درست فيها ..

..
..

وعن الخطأ شكلك توك متعلم الاملاء .. وعلموك تصيد الاخطاء اللي تسقط سهوى
لاتنسى تسير تحطها في السوالف في رادار المنتدى شرات الصغاريه :blu:

..
..

مدمن

هي نعم سمعتهم طيبة ومحصلين الاعتراف قبل لايفتحون الجامعه وهذا دليل على السمعة الطيبة

يشرفني اكون خريج من جامعة الحصن ... وينك من جامعات امريكا الي نظمت "حملة ضد المسلمين" قبل اسبوع ولا فالح تلف من منتدى لمنتدى وتمدح بأمريكا وصاير ع قولتهم "ملكي اكثر من الملك" :cra:

مخبريني بسوالفك كلها بالمنتديات الثانية وعن قريب بكون عظم في بلعومك هناك

ما سألت عن الافق واذا تبا بسأل لك شكلك تبا ترد تدرس بالامارات :hii:

والله اشفق عليك من امريكيه دبي بعدها نيوزلندا واستراليا وامريكا وبترد تكمل هني

كملها كندا وبريطانيا وبعدين الافق :blu::blu::blu:


اذا انا اروح احط التنقيعات في رادار المنتدى شرات الصغارية ... شو خليت لك :bwroo:

بس الحمدلله ردك الحين مافيه تنقيعات وهذا الي كنت ابا اوصل له انك ترد وانت مب مدمن :hii:

[wld.zayed]

ياجماعه مايصير هالكلام ... هالموضوع انطرح عشان نستفيد وانا اخوكم وابا استفيد من تجاربكم

مافيها شي حته لو ماتفقتوا بالراي ... اهم شي الاحترام ...

اخويه مدمن و Mr .ad هذا منتدى عام والكل يتمنى يستفيد منه ... رجاءا مانباكم تاخذون الامور بصوره شخصيه

ولد زايد

[Mr.AD]

فالك طيب

وانا اتفق معاك اخوي ان الاختلاف بالرأي لايفسد للود قضية

مدمن السموحة على المغثة

ولد زايد الله يوفقك ونصيحة من اخوك روح ارض المعارض فيه معرض للجامعات والمؤسسات الحكومية

يخبرونك شو المطلوب حاليا في المؤسسات وتقدر تسألهم شو الجامعات الي يفضلونها

[wld.zayed]

فالك مايخيب ومشكوووووووور اخويه Mr.ad بس ممكن تعطينا معلومات اكثر عن المعرض واوقات العمل فيه

ماسمعت عنه الا منك ..... اي ارض معارض ... الي في بوظبي ولا في دبي


بنخدمك بعرسك ان شاءالله ... ^_^

ولد زايد

[عنصر محايد]

في كل الجامعات .. .فيها الشين وفيها الزين

شوف أخوي أنا استوت لي أفلام ويا الجامعات

مابي أحدد

وأنا من الناس إلي تتكلم عنهم إلي خسروا فلوسهم وآخر شي بدون فايده

الله ما كتب وانشالله راح أكمل

وموضوعك وااايد يفيدني لاني أبي أكمل دراستي بعد

فيه جامعه حديثه والمبنى مالها حديث بس الادارة فاشله

يقولون انها قويه وكم واحد هني في الردود قال انها قويه

بس إلي يبا يسجل فيها يكرهها ما عندهم ترتيب والله فاشلين

اتحس انه هدفهم الفلوس

للأسف الجامعات الحينه هدفهم التجارة وليس التعليم ^_^

رأيي المتواضع

عنصر محايد

[wld.zayed]

المشكله يا اخويه عنصر محايد فينا نحن مب في الجامعه او بغيرها

نحن ما ندرس خطواتنا ...

نشتري سياراتنا بدون دراسه...
نتزوج بدون دراسه ...
ونفكر ندرس بدون مانفكر بالموضوع من كل النواحي

انا اقصد بالدراسه .. انه الانسان يمسك ورقه وقلم على الاقل ويشوف شو له وشو عليه
ويفكر بكل الاحتمالات الممكنه ويعرف كيف يبدا أول خطوه وشو النتيجه الي يبا يوصل لها ويعرف شو يحتاج عشان يوصل لها النتيجه بأسرع وقت وبأقل خساره ممكنه مع مراعات الراحه يعني ما يصير احمل نفسي فوق طاقتها عشان اخلص الي اسويه بسرعه


خلنا نتكلم بشكل عام ونقول الاغلبيه مب الكل يسوون هالشي....

يعني انا متاكد انه هالشخص الي راح الجامعه وبذل كل هالمجهود وماقدر يستمر بدراسته
مابدأ بدايه صحيحه وهالي خلاه يوقف في بدايته الطريج


اتريا ردك

اخوك (ولد زايد)

[عنصر محايد]

المشكله يا اخويه عنصر محايد فينا نحن مب في الجامعه او بغيرها

صدقت يا خوي

أنا استعيلت وااايد

والله يعوض انشالله

[Mr.AD]

معرض ''نجاح'' للتعليم والتدريب والمهن في مركز أبوظبي الوطني للمعارض


ويفتتح المعرض يومياً من الساعة 10 صباحاً وحتى 7 مساءً. وستخصص الفترة ما بين الساعة 10 صباحاً و2 من بعد الظهر من يوم الاثنين 5 نوفمبر للنساء فقط



ويستمر المعرض حتى 8 نوفمبر

[a_a19999]

المشاركة الأصلية كتبت بواسطة مدمن الأخوه

واذا كنت تقول عن الجامعات الطيبه لانك درست فيها .. فأنا اقول الحق عن جامعه امريكيه دبي
حسب اللي شفته وعشته والواقع الموجود .. ومافي واحد لعب ويتخرج .. هب لاني درست فيها ..

مدمن

أخوى بعدك ما رديت على سالفة تركك لجامعة الامريكية في دبي ؟ لأنك الحين اللي فهمته أنك تركت الجامعة مع أنك تمدحها ورحت أمريكا؟ يا ريت تخبرنا السبب أذا ما كان شي شخصي عسب نستفيد ؟

السلام عليكم