مشاهدة النسخة كاملة : متابعة لرجيم الاعضاء ( زيادة + تخسيس الوزن )


عيناويه88
01-06-2012, 08:28 PM
السلام عليكم ورحمة الله وبركاته



الاخوات و الاخوان اللي يتبعون حمية لزيادة الوزن + خسارة الوزن
سيتم المتابعه معاهم من خلال هالموضوع

اكتبولنا شو تاكلون كل يوم . كيف جدولكم اليومي . كم كيلو نقصتوا في الاسبوع
وان شاء الله ما بنقصر معاكم . بنخبركم شو الاخطاء اللي تسوونها عشان تتجنبونها

اول شي انصح كل شخص مهتم بصحته يقرا هالموضوع عشان يستفيد

معلومات غذائية هامه للمهتمين بالانظمة الغذائية ومرتادي الصالات الرياضيه
للكاتب اماراتي 100%
http://www.uaegoal.com/vb/showthread.php?t=260492


وايضا هذا موضوع مهم جدا . عشان كل واحد فينا يعرف شو ياكل وشو يتجنب
احيانا ناكل اشياء تضر جسمنا ونحن ما ندري .. سواء كنت ضعيف او اوفرويت


المأكولات التي تسبب زيادة ونقص للوزن ..~
للكاتبه عيناويه88
http://www.uaegoal.com/vb/showthread.php?t=299417




اللي يبا يضعف او يمتن . انصحه باهم شي واللي هو الرياضه
ومن بعدها تهتم بنظامك الغذائي .. لاتعتمد على تجارب غيرك . لان كل جسم يختلف عن الثاني
وكل جسم هرموناته مختلفه عن الثاني .. اذا اخوان في نفس البيت و اجسامهم مختلفه فما بالكم باشخاص من الخارج !!


ما بطول عليكم . وان شاء الله اشوف تفاعل من الاعضاء في الموضوع

كل شخص يدخل و يخبرنا كيف يبا يعدل جسمه و ان شاء الله بنعطيه النصايح اللي تفيده
اللي يتعايز و يستصعب الامر هذا ما بيسوي شي و نحن ما بنتعب نفسنا عشان انسان كسول

في انتظاركم
:25:

Mя. αli
01-06-2012, 09:33 PM
عندي إجازه اسبوعين .. ابي انزل فيها على الاقل من ثلاث الى خمسه كيلو ..
وأعدل فيهم جسمي لانه وزني زايد خمسه كيلو من الفتره الماضيه ..

شو النصايح !!

Bin alsharqi
01-06-2012, 09:54 PM
قبل ثلاث شهور كنت اعاني من المتن , وطولي 184 ووزني كان 92
لكن الحين الحمدلله وزني 76 , مرتاح وايد بس ناقصني اروح الجم واتمرن على شوية حديد

:25:

عيناويه88
01-06-2012, 10:04 PM
مستر علي . تقدر تنزل ثلاث واكثر في اسبوعين

بس على حسب وين الدهون متجمعه في جسمك

ابدا من باجر بدايت صحي . خفف من الاكل وتريق .. الريوق وجبه مهمه جدا لاصحاب الريجيم
تحرك و سو رياضه . امشي لمدة ساعه كل خمس دقايق هروله خفيفه وعقب كل مشي

خصصلك وقت معين في الليل او بعد صلاة الفير
يبتلك جدول امريكي لتخسيس الوزن .. خبرني اذا يناسبك ولا لأ

وتنبيه : هالجدول انتظم فيه لمدة اسبوع فقط . لانه مافيه كل العناصر الغذائيه
بس هو زين عشان تنزل بسرعه . بعد ما تنزل وتوصل للمطلوب خلال فترة اسبوع او عشر ايام .
ابدأ في تعديل الجدول . دخل اللحوم و الكربوهيدرات في نظامك الغذائي ونوع في الاكل .
مع الابتعاد عن الدهون و الاملاح .. ويفضل تاكل المشاوي على الغداء


عند نهاية البرنامج الذي مدته اسبوع سوف تفقد 7 كجم واذا لم تطبق البرنامج حسب الجدول تبدأ من جديد بنفس الطريقة و اذا اردت انقاص أكثر من 7 كجم تاخذ راحة 3 أيام مع الابتعاد عن الخبز و السكر و الموز.

اليوم الأول:
فطور: تفاحة - برتقالة
غذاء: طبق فواكه
عشاء: طبق فواكه و عندما تحس بالجوع تأكل فواكه

اليوم الثاني:
فطور: 3 خيارات - جزر - خس
غذاء: طبق مشكل من الخضار مسلوقة مع ماجي
عشاء: طبق سلطة خضراء

اليوم الثالث:
فطور: خليط من الفواكه و الخضار, فاكهة حسب الشهية
غذاء: خضار بدون لحم
عشاء: سلطة خضراء او طبق فاكهة

اليوم الرابغ:
فطور: موزتان و كأس حليب قليل الدسم
غذاء: 3 موزات - 2 كأس حليب قليل الدسم
عشاء: 3 موزات- كاس حليب قليل الدسم

الخامس و السادس و السابع:
فطور: بيضتان مسلوقتان و كاس حليب أو عصير برتقال طازج او كريب فروت
غذاء:لحم أو دجاج أو سمك بالفرن او مشوي
عشاء: طبق سلطة خضراء او سلطة فواكه

حاول تطبق الي في الجدول ,, وخبرني بالنتيجه بعد اسبوع . بس لازم تسوي رياضه
ولا تاكل شي بعد الرياضه بنص ساعه . اذا قدرت كمل ساعه و عقب كل اي شي خفيف تسد فيه يوعك

عيناويه88
01-06-2012, 10:09 PM
قبل ثلاث شهور كنت اعاني من المتن , وطولي 184 ووزني كان 92
لكن الحين الحمدلله وزني 76 , مرتاح وايد بس ناقصني اروح الجم واتمرن على شوية حديد

:25:



ماشاء الله معناته عندك اصرار ورغبه انك تخف و تعدل جسمك
دامك نزلت 16 كيلو خلال ثلاث شهور . انت الحين تقدر ترتب جسمك على كيفك

اشترك في صاله و تعلم من الشباب الخبره فيها

تدرب وياهم وشوف طريقتهم في التمارين

C я α Ź ү / Ą ℓ ʓ ί Ɲ
01-06-2012, 10:24 PM
من اليوم بديت اغير عاداتي فالاكل
وان شاءالله نفتك من السهر
واهم شي الاكل بانتظام

شكرا عيناويه :25:

عيناويه88
01-06-2012, 11:00 PM
من اليوم بديت اغير عاداتي فالاكل
وان شاءالله نفتك من السهر
واهم شي الاكل بانتظام

شكرا عيناويه :25:


اهلين اخوي كريزي ^^

اوكيه حلو .. استمر لمدة اسبوع مع الدايت اليديد

اهم شي لاتجهد عمرك .. و في البريكات خذلك سناك خفيف عشان يعطيك طاقه تكمل يومك

العفو ما سوينا شي ^^

samba
01-07-2012, 12:18 AM
بالنسبة لي اتبع رجيم من عندي..
فطوري عباره عن نص سندويتش من صب واي بدون جبنه+عصير برتقال
وفي العصر آكل سلطة فواكه
من بعد الساعه 6 المسا ما آكل اي شي احيانا اشرب شاي اخضر وانام على معدة خاليه
من 3 اسابيع تقريبا وزني كان 81كيلو حاليا 76كيلو طولي 171
وامشي يوميا 40 دقيقه مشي سريع...
طبعا في ايام اخرب الرجيم اذا فيه عزيمه :ydo52:
+++++++++
بعد ما أوصل 71 كيلو راح ابدأ تمارين البطن+الحديد

Mя. αli
01-07-2012, 12:18 AM
وحداوي .. عاد نبى نشوف شكلك بعد الضعف خخخخ

......
عيناويه ... إن شاء الله

الجدول الي حطيته .. مو معقول اقعد طول اليوم على هالاكل .. بييني صداع اذا قعت طول اليوم على الفواكه بدون كاربوهيدارت وبروتينات ؟؟

والدهون في اماكن يمكن الناس ماتبان لهم .......

يعني موزعه بصوره طبيعيه :)

عيناويه88
01-07-2012, 12:29 AM
بالنسبة لي اتبع رجيم من عندي..
فطوري عباره عن نص سندويتش من صب واي بدون جبنه+عصير برتقال
وفي العصر آكل سلطة فواكه
من بعد الساعه 6 المسا ما آكل اي شي احيانا اشرب شاي اخضر وانام على معدة خاليه
من 3 اسابيع تقريبا وزني كان 81كيلو حاليا 76كيلو طولي 171
وامشي يوميا 40 دقيقه مشي سريع...
طبعا في ايام اخرب الرجيم اذا فيه عزيمه :ydo52:
+++++++++
بعد ما أوصل 71 كيلو راح ابدأ تمارين البطن+الحديد



ماشاء الله حلو الدايت مالك و الاحلى انك نزلت فيه وايد

واصل اخوي سامبا . وكثر من الرياضه

عشان تشد جسمك شوي قبل لا تبدا الحديد

عيناويه88
01-07-2012, 12:44 AM
وحداوي .. عاد نبى نشوف شكلك بعد الضعف خخخخ

......
عيناويه ... إن شاء الله

الجدول الي حطيته .. مو معقول اقعد طول اليوم على هالاكل .. بييني صداع اذا قعت طول اليوم على الفواكه بدون كاربوهيدارت وبروتينات ؟؟

والدهون في اماكن يمكن الناس ماتبان لهم .......

يعني موزعه بصوره طبيعيه :)


اسبوع واحد ماتروم ؟ بس الين تنزل كم كيلو عقب رتب الجدول ودخل البروتين و الكربوهيدرات فيه

الموز بروحه وجبه عشان جي حاطينه في هالاسبوع كغذاء معتمد عليه

اوكي خلني اعدل الجدول وياك .. بندخل الخبز الاسمر + الدجاي المشوي + الجبن قليل الدسم + بيض

الخبز بطئ وقت حرق السعرات الحراريه . عشان جي ماحطولك في اول اسبوع

بس مب مشكله عشان انت تكون مقتنع باللي تسويه

الدياي المشوي كله وقت الغدا بس لاتكثر

والجبن حطه عالريوق و كل معاه بيضه وحده بس

الحين انا يالسه ادخل هالعناصر على اساس انك بتحرق و بتسوي رياضه

ماشي فايده من الدايت اذا ما تحركت و حرقت

ولو سمحت عمرك و وزنك و طولك

EzTiLo.UniCoO
01-07-2012, 01:57 AM
مبروك الاشراف ,, وشكرا ع المعلومات

R A M O S
01-07-2012, 12:11 PM
ابا امتن ، ، نصايحّ . . ؟
وشكراً ..
:25:

عيناويه88
01-07-2012, 12:16 PM
مبروك الاشراف ,, وشكرا ع المعلومات


الله يبارك فيك ^^

العفو وان شاء الله تستفيد

şεňoяιτα şoζιταяια
01-07-2012, 12:17 PM
يعطيج العـآفيـة عينـآوية ومبروك الإشـرآف
تستـآهلين كل خير :)

أنـآ أبـآ أزيد من وزني
أول شي زيـآدة الوزن تحت إشرآف دكتورة
والحمدلله الجدول اللي عطتني إيـآه تمـآم التمـآم وزدت عليه 7 كيـلو

وزني كـآن 42 وحـآليـآ 49 كيـلو وطـولي 163
أبغي أوصـل لـ 58

الهدف الأول 52 ( وحسب مـآخبرتني الدكتورة الوزن بيكون منـآسب ) وعقب 58 (أنـآ أبـآ يكون وزني 58 ) أهون على نفسي :$
المهم في البدآيـة كنت متحمسة عالأخير

وحـآليـآ خف الحمـآس مـآ قمت أمشي ع الجدول :(
مـآدري ليش ؟؟ حتى آخر مرة يمكن نزلت كيـلو :(

يمكن لآني مـآحب أتقيد بشي معين ووقت معين
عندي جدول معين لآزم أتقيد بـه وأمشي عليـه بالإضـآفة لحبوب موسيقور وشرآب بروتين

نصـآيحكم ؟؟


:)

عيناويه88
01-07-2012, 12:18 PM
ابا امتن ، ، نصايحّ . . ؟
وشكراً ..
:25:

اوكيه

بس عطني وزنك و طولك و عمرك اذا ما فيها احراج

R A M O S
01-07-2012, 12:27 PM
اوكيه

بس عطني وزنك و طولك و عمرك اذا ما فيها احراج

الوزن :- 40
:
طولي :- 155
:
عمري :- 16
، ،
:25:

عيناويه88
01-07-2012, 12:33 PM
يعطيج العـآفيـة عينـآوية ومبروك الإشـرآف
تستـآهلين كل خير :)

أنـآ أبـآ أزيد من وزني
أول شي زيـآدة الوزن تحت إشرآف دكتورة
والحمدلله الجدول اللي عطتني إيـآه تمـآم التمـآم وزدت عليه 7 كيـلو

وزني كـآن 42 وحـآليـآ 49 كيـلو وطـولي 163
أبغي أوصـل لـ 58

الهدف الأول 52 ( وحسب مـآخبرتني الدكتورة الوزن بيكون منـآسب ) وعقب 58 (أنـآ أبـآ يكون وزني 58 ) أهون على نفسي :$
المهم في البدآيـة كنت متحمسة عالأخير

وحـآليـآ خف الحمـآس مـآ قمت أمشي ع الجدول :(
مـآدري ليش ؟؟ حتى آخر مرة يمكن نزلت كيـلو :(

يمكن لآني مـآحب أتقيد بشي معين ووقت معين
عندي جدول معين لآزم أتقيد بـه وأمشي عليـه بالإضـآفة لحبوب موسيقور وشرآب بروتين

نصـآيحكم ؟؟


:)


هههه اذا وصلتي 58 بتكونين شراتي في الطول و الوزن لكن اكثر عني بكيلو

هو صح بيرفيكت لكن . بالنسبه لج ماشاء الله زدتي 7 كيلو

مادري شو اللي يمنعج تكملين !!؟ لو حد غيرج بيتشجع اكثر وبيتقيد بالجدول

مع اني افضل الجدول يكون من ضمنه تمارين رياضيه

اذا الدكتوره عطتج نصايح و حطلتلج جدول وانتي مشيتي عليه صح كلن تهاونتي فهنيه انا ماقدر اتدخل
لانه الدكتوره ادرى عني بوايد شغلات .. والباقي عليج

المفروض الحين تعتبرين هالفتره الي راحت بريك و ارجعي تقيدي بالجدول
حلو يوم تتعبين على شي واخرتها توصلين للنتيجه الي تبينها

اذا ممكن بس حطيلنا الجدول الغذائي مالج . ابا اشوف شو حطلتلج الدكتوره . ويمكن حد يستفيد من الجدول

نصيحتي لج ابدي مره ثانيه كملي الدايت مالج . و الـ 52 حلوه .. اوصليها و عقب شوفي اذا جسمج متناسق حافظي عليه

واذا ماعيبج زيدي عليه كمن كيلو .. خليها 57 عشان تكونين مثلي خخخخ . لكن الحين اوصلي للهدف الاول انتي جي خربتي على عمرج يوم حطيتي هدف ثاني وشفتيه وايد بعيد . بس ماشاء الله عليج ارادتج حلوه و زدتي 7 كيلو . بقالج 3 كيلو توصلين للمطلوب

عيناويه88
01-07-2012, 12:44 PM
الوزن :- 40
:
طولي :- 155
:
عمري :- 16
، ،
:25:


على طول الجيم هههههه

اخوي عشان تبني جسمك وتزيد وزنك نصيحتي لك ادخل الصاله

انتوا الشباب سواء الي يبا يضعف او يمتن لازم يدش الجم . جسمك بيتعدل خلال فتره شهور

لكن اقرا موضوع دايت فئة الدم . عشا تعرف شو الاكل اللي يناسبك

لانك وايد ضعيفك كل اربع وجبات في اليوم .ودر الغازات والجاي . حاول تكثر من البروتين والاكل الطازج
مثل الخضار و الفواكه
اذا مستعد تلتزم بجدول بحطلك .. لكن اهم شي انك تبدا تغير عادات الاكل عندك

وانت توه جسمك يبدا ينمو . تقدر تلحق على عمرك بنفسك بدون ما تسير عند نيتروشين

şεňoяιτα şoζιταяια
01-07-2012, 01:34 PM
هههه اذا وصلتي 58 بتكونين شراتي في الطول و الوزن لكن اكثر عني بكيلو

هو صح بيرفيكت لكن . بالنسبه لج ماشاء الله زدتي 7 كيلو

مادري شو اللي يمنعج تكملين !!؟ لو حد غيرج بيتشجع اكثر وبيتقيد بالجدول

مع اني افضل الجدول يكون من ضمنه تمارين رياضيه

اذا الدكتوره عطتج نصايح و حطلتلج جدول وانتي مشيتي عليه صح كلن تهاونتي فهنيه انا ماقدر اتدخل
لانه الدكتوره ادرى عني بوايد شغلات .. والباقي عليج

المفروض الحين تعتبرين هالفتره الي راحت بريك و ارجعي تقيدي بالجدول
حلو يوم تتعبين على شي واخرتها توصلين للنتيجه الي تبينها

اذا ممكن بس حطيلنا الجدول الغذائي مالج . ابا اشوف شو حطلتلج الدكتوره . ويمكن حد يستفيد من الجدول

نصيحتي لج ابدي مره ثانيه كملي الدايت مالج . و الـ 52 حلوه .. اوصليها و عقب شوفي اذا جسمج متناسق حافظي عليه

واذا ماعيبج زيدي عليه كمن كيلو .. خليها 57 عشان تكونين مثلي خخخخ . لكن الحين اوصلي للهدف الاول انتي جي خربتي على عمرج يوم حطيتي هدف ثاني وشفتيه وايد بعيد . بس ماشاء الله عليج ارادتج حلوه و زدتي 7 كيلو . بقالج 3 كيلو توصلين للمطلوب



هذآ الجدول اللي أمشي عليه

http://img198.imageshack.us/img198/9661/img0001hh.jpg (http://imageshack.us/photo/my-images/198/img0001hh.jpg/)


http://img404.imageshack.us/img404/4456/img0002rh.jpg (http://imageshack.us/photo/my-images/404/img0002rh.jpg/)



هههههههههههه
مـآدري والله

عيل بكون شرآتج :) زين والله
إن شـآء الله نـآوية أكمل وآزم أكمل

في تحدي بيني وبين نفسي أول شي
وثـآني شي بيني وبين أهلـي :$

بس المشكـلة بدت تطلع لي كرشـة
توهـآ في البدآيـة :( وأسـوي تمـآرين الشد

والحمدلله قدرت أنزل هالمنطقة بالتمـآرين بس بعد أبغي أنزل أكثر
تخيلي ضعيفة وكروشـة :$

FoRZa . MiLaNo
01-07-2012, 02:38 PM
انا يالس ازيد وزني اللحين ... واصل 84

كان 81

الكبتن يبا يوصلني لين 90 ... :)

في شهر زدت ثلاثة كيلو

اتريق + ثلاث حبات امينو بيش

اتغدى عيش ابيض وصدور دياي ... اكل قد ما اقدر , لين ينترس البطن

اتمرن العصر وبعدها على طول جلاتمين وبروتين وموز

اتعشى سب وي ... تونه او دياي ... وخبز اسمر + عصير برتقال

الجدول مافيه حيله ... مع تمرين وهالجدول الغذائي بتلاحظون فرق رائع

بس اهم شيء الواحد يدق اوزان , ما يتم يدلع لول :)

ابا اشوف صدر عالي الجلسة الأولى 50 باونـد دنبل :wee:

هواويه الزعيم
01-07-2012, 02:53 PM
لايق عليج الازرق << عينآويـه لازم :aa_downup:


مبروك وان شا الله الككل يستفيد ,
ششدي حيلج ^

:25:

زحفينووو
01-07-2012, 04:29 PM
احم احم احم وصلت


في موضوع عن السمنة ما شاء الله وين مسوه خخخخ

بحاول اشارك بشكل مستمر

يسلموا عيناوية على الموضوع

Marco Van Basten
01-07-2012, 08:53 PM
موضوع مفيد متابع وياكم

عيناويه88
01-08-2012, 11:21 AM
سنيوريتا .. هههههه عادي فديتج جسم البنت اوريدي فيه كروشه صغيرونه
وبعد مب حلو يكون جسم البنت سلق مافيه دهون ومعالم

اول شي اوصلي للهدف الاول . عقب شوفي كيف جسمج .. عيبج ولا لأ

بعدين كملي على نفس النظام عشان تزيدين
اما الكروشه تخوز لاتحاتينها .. بس ما تخوز بتمارين البطن بروحها

لازم تحركين جسمج كله + تمارين البطن 50 مره ريولج تحت و 50 مره وانتي رافعه ريولج
راسج لازم ما تخلينيه على جدام . طالعي السقف وسوي التمارين

و وقت ما تسوينهم اشفطي بطنج على داخل عشان تشد

يلا كملي الدايت مالج و خبريني شو تسوين + لاتنسين تشوفين وزنج كل اسبوع

عيناويه88
01-08-2012, 11:24 AM
انا يالس ازيد وزني اللحين ... واصل 84

كان 81

الكبتن يبا يوصلني لين 90 ... :)

في شهر زدت ثلاثة كيلو

اتريق + ثلاث حبات امينو بيش

اتغدى عيش ابيض وصدور دياي ... اكل قد ما اقدر , لين ينترس البطن

اتمرن العصر وبعدها على طول جلاتمين وبروتين وموز

اتعشى سب وي ... تونه او دياي ... وخبز اسمر + عصير برتقال

الجدول مافيه حيله ... مع تمرين وهالجدول الغذائي بتلاحظون فرق رائع

بس اهم شيء الواحد يدق اوزان , ما يتم يدلع لول :)

ابا اشوف صدر عالي الجلسة الأولى 50 باونـد دنبل :wee:


ماشاء الله عليك انت بروحك استاذ

انزين خبرنا هالنظام ينفع بس حقك ولا عادي راموس و باقي الشباب يلتزمون فيه

لانه راموس عمره 16 . ولازم يدخل الصاله ويتمرن + يهتم بنظامه الغذائي

شو رايك ؟

عيناويه88
01-08-2012, 11:29 AM
هواويه .. الله يبارك فيج عزيزتي ^^
نورتي القسم :25:


زحفينوووو

حياااك اخوي .. وانت ماشاء الله تجاربك واااسعه في هالمجال :wee:

خلنا نستفيد منك .. وبانتظار مشاركاتك ^^




ماركووو فان باستن

تسلم اخوي ويعطيك العافيه ^^

عيناويه88
01-08-2012, 11:38 AM
نصائح من تويتر الدكتور عيسى

من المفيد جدا شرب ماء كل 15-20 دقيقة أثناء الرياضة، كمية الماء تعتمد على الجو وعلى كمية العرق، معظم الناس يكفيهم نصف كوب ماء

الجوع الشديد هو أكبر أسباب فشل الرجيم .. غالبا تشوف الناس الرشيقة يأكلون 4-5 وجبات خفيفة في اليوم، ولا يهملون وجبة الافطار أفضل للجسم

البروتين هو غذاء الرجيم المثالي، فهو يشبع أكثر ويحسسك بالامتلاء لفترة أطول من بقية الأطعمة. لذا فان ادخاله مهم اثناء الرجيم

كما أن توفر البروتين أثناء الرجيم يقلل من عملية حرق العضلات، وحرق العضلات من مسببات ترهل الجلد،
والعضلات تضل تحرق سعرات حرارية حتى وقت الراحة

أهم مصادر البروتين هي: الاسماك، اللحوم، البيض، الحليب ومشتقاته، البقوليات، الأديمامي (فول الصويا)، والمكسرات

عيناويه88
01-08-2012, 11:40 AM
الرياضة ليست فقط لإنزال الوزن، فهي مفيدة للقلب وضغط الدم كما انها تجنبك العديد من الأمراض كالسكر والسرطان
30 دقيقة 4-5 مرات في الأسبوع

أهم العناصر الغذائية للسعادة هي أوميجا3 وفيتامين ب12. أوميجا3 موجود في السالمون، التونا. فيتامين ب12 موجود في الحليب والبيض والكبده والأسماك


كما أن السوائل مهمة جدا لحرق الدهون ولا يمكنك حرق الدهون دونها، للتأكد أنك تأخذ كفايتك، يجب أن يكون التبول شفاف أوقليل الاصفرار

جامعيه عيناويه
01-08-2012, 12:11 PM
انا عن نفسي يبالي زياااده وزن ><


كان وزني شي واربعين ( احم احم )


والحين صاير 50 مع انه مادري كيف جي زاد :aa_downup:


وصار لي 3 اسابيع ما اكل غير عشااا ( الاخت دايت ع غفله )

بسس بعده وزني ثابت والحين مقرره ارجع ازيد وزني

في البدايه كنت ابا الوزن ع الطول بسس الحين اكتفي انه اوصل للشكل اللي يناسبني


حااطه في بالي اوصل 56 ومن عقبها بشوف هل اكمل للطول او اكتفي جي


المشكله اللي خلاني اتعااايز مثل ماقالت الاخت سينيوريتا ><


بسس حاليا قاعده ادور مدربه اتييني البيت عشان اسوي رياضه وان شاء الله خير

عيناويه88
01-08-2012, 12:22 PM
انا عن نفسي يبالي زياااده وزن ><


كان وزني شي واربعين ( احم احم )


والحين صاير 50 مع انه مادري كيف جي زاد :aa_downup:


وصار لي 3 اسابيع ما اكل غير عشااا ( الاخت دايت ع غفله )

بسس بعده وزني ثابت والحين مقرره ارجع ازيد وزني

في البدايه كنت ابا الوزن ع الطول بسس الحين اكتفي انه اوصل للشكل اللي يناسبني


حااطه في بالي اوصل 56 ومن عقبها بشوف هل اكمل للطول او اكتفي جي


المشكله اللي خلاني اتعااايز مثل ماقالت الاخت سينيوريتا ><


بسس حاليا قاعده ادور مدربه اتييني البيت عشان اسوي رياضه وان شاء الله خير

هههههه كيف جي وزنج زاد ؟

وماشاء الله عليج ماتاكلين شي غير العشا ><

اهم وجبه الريوق . تريقي عدل . انتي الحين ناويه تسوين رياضه

والرياضه يبالها طاقه . ماينفع جي اتمين بعشا امس و تسوين رياضه بتدوخين و تتعبين بسرعه

كلي فواكه وحطي بهارات خفيفه في الاكل عشان تفتح نفسج تاكلين

جامعيه عيناويه
01-08-2012, 10:40 PM
هههههه كيف جي وزنج زاد ؟

وماشاء الله عليج ماتاكلين شي غير العشا ><

اهم وجبه الريوق . تريقي عدل . انتي الحين ناويه تسوين رياضه

والرياضه يبالها طاقه . ماينفع جي اتمين بعشا امس و تسوين رياضه بتدوخين و تتعبين بسرعه

كلي فواكه وحطي بهارات خفيفه في الاكل عشان تفتح نفسج تاكلين


مادري بروحي مستغربه مع اني ما اكل عدل من الاساااس :aa_downup:

حتى الدوام مايساعد :crazy:


من ناحيه الاكل شسوي خلاص صار روتين عندي دوامي عودني ع هالشي اني اكل وجبه وحده

وعاد في الاجازه كان العشااا :aa_cat2:

بسس ان شاء الله اني بغير هالشي


وهو قبل يوم كنت في الاربعييين رحت عند اختصاصيه تغذيه بسس ماحس فادتني وااايد


كله تباني اكل اللي اصلن مااا اكله ولا حبه :aa_ma6gog:

عيناويه88
01-09-2012, 12:12 AM
تعرفين ليش تباج تاكلين الاكل الي ما تحبينه ؟

لانه جسمج متعود على نوع معين من الاكل

ويوم تغيرين و تاكلين اشياء ثانيه و تنوعين في كميات الاكل يبدا جسمج يستجيب

بتي فتره بيستقر وزنج لمدة شهر او اثنين وانتي خلال هالفتره نوعي من الاكل و غيري عادات الاكل عندج

عقبها بتشوفين نفسج تنتفخين و وزنج يزيد

تحفه
01-09-2012, 12:17 AM
موضـوع مفيد جدا ..

انا وزني يعتبر جيد بالنسبة لطولي .. لكن المشكله انه مب ثابت
يا يطلع 3 كيلو .. ولا ينزل 3 كيلو

كيف اقدر احافظ على وزني ؟
وشكرا عالموضوع والمعلومات المفيدة اللي فيه

ابلة الرياضة :25:

عيناويه88
01-09-2012, 12:42 AM
موضـوع مفيد جدا ..

انا وزني يعتبر جيد بالنسبة لطولي .. لكن المشكله انه مب ثابت
يا يطلع 3 كيلو .. ولا ينزل 3 كيلو

كيف اقدر احافظ على وزني ؟
وشكرا عالموضوع والمعلومات المفيدة اللي فيه

ابلة الرياضة :25:



العفو هههه

شوفي .. معلومه حطيها فبالج

تاكلين بدون رياضه = تزيدين وزنج + امراض كليسترول وغيره

تاكلين عدل + رياضه = وزنج يثبت

دايت + رياضه = تنقصين و تنزلين كمن كيلو

وزنج ما بيثبت لانه الانسان اتييه ايام يجتهد فيها و احيانا يتكاسل و يكون نظامه غلط
عشان جي مره تزيدين كيلو ومره تنزلين . لكن اذا كان نظامج ماشي صح وتسوين رياضه بيستقر وزنج
وبعد ما بيتم على نفس الوزن طول فتره 7 شهور او 6 . مستحيل هالشي

حطي فبالج انه بيتغير لكن حسب الي انتي تبينه . اذا تبينه يزيد او ينقص
انتي تحكمي فعمرج . وانتهبي على وزنج بروحج

روح طفله |!
01-09-2012, 10:58 AM
||

السلام عليكم .

مشكورة اختي عالمجهود الحلو , يزاج الله كل خير =)

عني الوزن ثابت الحمدلله ومناسب لـ طولي .

بس اللياقه داون! =$

شو التمارين الزينه الي تحسونها تشد الجسم وتحسن من لياقته ؟!

< ويفضل تكون تمارين نروم نسويها فالبيت من غير اجهزه النادي .

وبس .


شكرا مرة ثانيه .

وبالتوفيق للكل =)

||

FoRZa . MiLaNo
01-09-2012, 12:23 PM
ماشاء الله عليك انت بروحك استاذ

انزين خبرنا هالنظام ينفع بس حقك ولا عادي راموس و باقي الشباب يلتزمون فيه

لانه راموس عمره 16 . ولازم يدخل الصاله ويتمرن + يهتم بنظامه الغذائي

شو رايك ؟


اكيد ينفع

بس بالاول خليهم يسجلون في الصاله

وينتظمون شهر بدون بروتين و امينو

وبعدها يدخلون هالسوالف وراح يتحسن جسمهم كثير

اهم شيء الانتظام في الغذاء و التدريب

وينسون جسمهم

ترا الجسم ما بيطلع فيوم وليله

يباله اربع او خمس شهور لين يلاحظون فرق حلو

وبعدها بيطورون تدريجي :)

عيناويه88
01-09-2012, 03:47 PM
||

السلام عليكم .

مشكورة اختي عالمجهود الحلو , يزاج الله كل خير =)

عني الوزن ثابت الحمدلله ومناسب لـ طولي .

بس اللياقه داون! =$

شو التمارين الزينه الي تحسونها تشد الجسم وتحسن من لياقته ؟!

< ويفضل تكون تمارين نروم نسويها فالبيت من غير اجهزه النادي .

وبس .


شكرا مرة ثانيه .

وبالتوفيق للكل =)

||





وعليكم السلام والرحمه ^^

العفو خيتوووو ما سوينا شي

امممم بالنسبه للشد . خصوصا البنات .. ودامج تبين شي في البيت عليج بالرقص ولو انه شي يظحك لكن وااااااااايد مفيد للجسم
يشده لج ويخصرج
وبعد عندج السباحه .. حركي جسمج في الماي و سوي فيه التمارين العاديه الي كلنا نسويها

الماي بعد يشد الجسم و ينفع للتخسيس

اللياقه ما بتردلج فجأه .. كل شي بالتدريج .. اذا واظبتي عالرياضه بتردلج لياقتج شوي شوي

عيناويه88
01-09-2012, 03:54 PM
اكيد ينفع

بس بالاول خليهم يسجلون في الصاله

وينتظمون شهر بدون بروتين و امينو

وبعدها يدخلون هالسوالف وراح يتحسن جسمهم كثير

اهم شيء الانتظام في الغذاء و التدريب

وينسون جسمهم

ترا الجسم ما بيطلع فيوم وليله

يباله اربع او خمس شهور لين يلاحظون فرق حلو

وبعدها بيطورون تدريجي :)


ايووووه و هذا الي ابا اوصله

المشكله هني الشباب يبون كل شي بسرعه .. المفروض الي يبا يضعف او يمتن يسجل في الصاله

واااااايد بيستفيدون وبيتعدل جسمهم .. لكن يختارون الشي السهل

مشكور فورزا عالرد ولا تقطع الموضوع

ĴάЯ7 άlżмάαŋ
01-09-2012, 09:13 PM
انا كنت اماارس الرياضه يوميا لكن وقف من 3 اسابيع

وخلال ها الفتره دحيت دح وكلت كل انواع الشوكلت خاصه اللوكر يالبى اللوكر بس

لكن ماحست جسمي تغير بس الكرشه زادت وزدت 2 كيلو خلال ها الفتره مع اني توقعت بزيد اكثر

للي اباه شو الترتيب حق الكرشه يعني جسمي حلو لكن الكرشه مخربه :haha2:

بوصقر الكندي
01-09-2012, 10:44 PM
الله يقويج يا اختيه على الموضوع
و بارك الله فيج .

-

طبعا .. مشكلتي مثل الموجود عند اكثر شبابنا
وهي الكرشه الحقيرة !

بنص سنة 2011 كان وزني 81
مارست الرياضة مع تنظيم اكلي و شرب شاي اخضر صيني مرتين
يوميا .. بعد 3 شهور صار وزني 74
الحين زاد وزني تقريبا 2 كيلو
و للعلم ان طولي 174
و عمري 26 بدخل 27 بعد شهرين

السؤال يا اختيه.. تشوفين وزني مناسب ولا لا؟
كل اللي ابيه انني اشل الكرش و الدهون عند الخصر و الفخذين.

على فكرة مقاس بنطلوني 38 ! ابي اوصل 34

عيناويه88
01-10-2012, 01:21 AM
انا كنت اماارس الرياضه يوميا لكن وقف من 3 اسابيع

وخلال ها الفتره دحيت دح وكلت كل انواع الشوكلت خاصه اللوكر يالبى اللوكر بس

لكن ماحست جسمي تغير بس الكرشه زادت وزدت 2 كيلو خلال ها الفتره مع اني توقعت بزيد اكثر

للي اباه شو الترتيب حق الكرشه يعني جسمي حلو لكن الكرشه مخربه :haha2:


امممم .. اكبر غلط تسويه في حق جسمك كرياضي انك بعد ممارسه الرياضه ويبدا جسمك يتعود على هالنمط
تروح وتوقف . هني جسمك يترهل . وشي طبيعي تطلع الكرش

دامك بديت في الرياضه استمر فيها اولا عشان صحتك ثانيه عشان تحافظ على جسمك

الشوكليت ما يمتن وايد لكن فيه انواع رديئه يكثرون من الزبده ويغشونا في الشوكليت

بخصوص الكرشه .. ما تخوز بتمارين البطن بروحها .. لازم تحرك جسمك كله بالرياضه و الركض + التمارين

نزل وزنك وعقب بتروح الكرش . وبما انك رياضي من قبل تعرف شو التمارين بالبطن الخاصه هذي ركز عليها

عيناويه88
01-10-2012, 01:28 AM
الله يقويج يا اختيه على الموضوع
و بارك الله فيج .

-

طبعا .. مشكلتي مثل الموجود عند اكثر شبابنا
وهي الكرشه الحقيرة !

بنص سنة 2011 كان وزني 81
مارست الرياضة مع تنظيم اكلي و شرب شاي اخضر صيني مرتين
يوميا .. بعد 3 شهور صار وزني 74
الحين زاد وزني تقريبا 2 كيلو
و للعلم ان طولي 174
و عمري 26 بدخل 27 بعد شهرين

السؤال يا اختيه.. تشوفين وزني مناسب ولا لا؟
كل اللي ابيه انني اشل الكرش و الدهون عند الخصر و الفخذين.

على فكرة مقاس بنطلوني 38 ! ابي اوصل 34


اذا السالفه فيها كرش + قياسات .. انسى سالفة الوزن المثالي . حتى لو طولك 174 و وزنك 74
شو الفايده اذا وزنك مثالي لكن هيئة جسمك تعطيك ريال ثلاثيني ؟ وانت عمرك 26

كل اللي يهمنا الحين ترتب شكل جسمك من اول ويديد . ونفس ما قلت حق الاخ جرح الزمن

الكرش ما تخوز بتمارين البطن بروحها .. حتى لو سويت التمارين 500 مره في اليوم . بطنك ما بيتاثر وما بيشد

لازم تنزل الوزن الزايد كله من جسمك + تمارين البطن .. وهذا كله بالرياضه .. شهرين بالكثير وبتشوف الفرق فجسمك

شو ناقصنك عن الشباب الي في عمرك ؟ جسمهم رياضي ومقسم ؟ مادري ليش تهملون عماركم !!

الهبوب
01-10-2012, 01:35 AM
مـتابعين للاسـتفاده . . (:
يـَعطيج الـعافيه عَ الـمجهودَ :25:

عيناويه88
01-10-2012, 01:43 AM
مـتابعين للاسـتفاده . . (:
يـَعطيج الـعافيه عَ الـمجهودَ :25:

الله يعافيج فديتج ^^


حياج اي وقت

مواطن واقعي
01-10-2012, 05:26 AM
مبروووك الاشراف اختي عيناوية 88 يازينج وانتي زرقاء اليمامة هههه

لي عودة موضوع مفيد كالعادة اختي بالتوفيق

:25:

عيناويه88
01-10-2012, 09:11 AM
مبروووك الاشراف اختي عيناوية 88 يازينج وانتي زرقاء اليمامة هههه

لي عودة موضوع مفيد كالعادة اختي بالتوفيق

:25:

الله يبارك فيك ههههه

بانتظارك اخوي . نبا نستفيد من تجاربك ونصايح ^^

عيناويه88
01-10-2012, 09:20 AM
الألياف الغذائية مفيدة جدا لانها تسعد على فقد الوزن الزائد وتقلل الكولسترول الضار و تساعد على الهضم وتمنع الإمساك

تتوفر الألياف في الشوفان، الخبز الأسمر، الرز الأسمر، الكورنفليكس الأسمر، الخضروات والفواكة، والبقوليات.
يحتاج الرجل 38 جرام والمرأة 25 جرام



كلما زادت برودة الغرفة التي تنام فيها، كلما زاد احتمال الأحلام المزعجة

عندما تحرم نفسك من النوم يفرز الجسم هرمون فتح الشهية "غريلن" ويقلل افراز هرمون الشبع "ليبتن"، فتجد شهيتك مفتوحة



هل تعلم أن الرئة اليسرى أصغر من اليمنى لتوفير مكان للقلب والمعدة، لذا من الأفضل النوم على الجهةاليمنى لان الرئة اليمنى أكبر




عمرك لا تحرم نفسك من أي مؤكولات تحبها حتى لو كانت ضارة للجسم أو للأسنان، أهم شي قلل الكمية، واعلم ان أول 3 مضغات كافية لإشباع حاسة التذوق

بوصقر الكندي
01-10-2012, 08:50 PM
اذا السالفه فيها كرش + قياسات .. انسى سالفة الوزن المثالي . حتى لو طولك 174 و وزنك 74
شو الفايده اذا وزنك مثالي لكن هيئة جسمك تعطيك ريال ثلاثيني ؟ وانت عمرك 26

كل اللي يهمنا الحين ترتب شكل جسمك من اول ويديد . ونفس ما قلت حق الاخ جرح الزمن

الكرش ما تخوز بتمارين البطن بروحها .. حتى لو سويت التمارين 500 مره في اليوم . بطنك ما بيتاثر وما بيشد

لازم تنزل الوزن الزايد كله من جسمك + تمارين البطن .. وهذا كله بالرياضه .. شهرين بالكثير وبتشوف الفرق فجسمك

شو ناقصنك عن الشباب الي في عمرك ؟ جسمهم رياضي ومقسم ؟ مادري ليش تهملون عماركم !!

هني المشكلة
هيئة جسمي يعطي شكلي ريال ثلاثيني !

انزين .. الحل هو المشي يوميا و احرق الدهون و بعدين اسوي تمارين بطن .
هذه مقدور عليها إن شاء الله .. بس لازم نظام غذائي معين .
اقدر ابتعد عن الرز - المكرونه - البيتزا - ابتعد عن المشروبات الغازيه .
اقدر اسوي لنفسي نظام غذائي .

قبل الريوق : اول شيء شاي اخضر او قهوة بدون سكر و بعد ساعة اتريق خبز توست
اسمر مع جبنة سلايس قليل دسم او دجاج مارتديلا او حبة بيضة مسلوقة مع حبة خيار.

الغدا : شوربه أو سلطة أو موزه مع زبادي قليل دسم

العشا : فواكه : تفاح او برتقال او زبادي قليل دسم

مع الاكثار من شرب السوائل .

بمشي على هالنظام اسبوعين الى شهر و بشوف

عيناويه88
01-11-2012, 12:18 AM
هني المشكلة
هيئة جسمي يعطي شكلي ريال ثلاثيني !

انزين .. الحل هو المشي يوميا و احرق الدهون و بعدين اسوي تمارين بطن .
هذه مقدور عليها إن شاء الله .. بس لازم نظام غذائي معين .
اقدر ابتعد عن الرز - المكرونه - البيتزا - ابتعد عن المشروبات الغازيه .
اقدر اسوي لنفسي نظام غذائي .

قبل الريوق : اول شيء شاي اخضر او قهوة بدون سكر و بعد ساعة اتريق خبز توست
اسمر مع جبنة سلايس قليل دسم او دجاج مارتديلا او حبة بيضة مسلوقة مع حبة خيار.

الغدا : شوربه أو سلطة أو موزه مع زبادي قليل دسم

العشا : فواكه : تفاح او برتقال او زبادي قليل دسم

مع الاكثار من شرب السوائل .

بمشي على هالنظام اسبوعين الى شهر و بشوف

الحل انك تكرف نفسك في التمارين عشان تلقى نتيجه تعجبك

جدولك يباله دكتور يشرف عليه لانه وايد ستريكت وما عتقد يبته من عند مختص في التغذيه ؟
اكيد مسونه بروحك

الريوق متاسب جدا .. خصوصا الكوفي وعقبها بساعه تبدا تاكل خفايف .. ضيف عليهم بيضه او تفاحه

الغدا غير مناسب . لانه مافيه بروتين !! .. خذلك دياي او لحم او سمج . لكن يكون مشواي . المقالي امنعهم
السلطه معاه مناسب + الروب ايضا مناسب

العشا يفضل يكون شوربه . اما الفواكه كلها بين الوجبات ويوم تحس باليوع

انت بهالجدول منعت نفسك من وايد اشياء وهذا غلط . لا تمنع نفسك . لكن خفف

بوصقر الكندي
01-11-2012, 07:04 AM
الحل انك تكرف نفسك في التمارين عشان تلقى نتيجه تعجبك

جدولك يباله دكتور يشرف عليه لانه وايد ستريكت وما عتقد يبته من عند مختص في التغذيه ؟
اكيد مسونه بروحك

الريوق متاسب جدا .. خصوصا الكوفي وعقبها بساعه تبدا تاكل خفايف .. ضيف عليهم بيضه او تفاحه

الغدا غير مناسب . لانه مافيه بروتين !! .. خذلك دياي او لحم او سمج . لكن يكون مشواي . المقالي امنعهم
السلطه معاه مناسب + الروب ايضا مناسب

العشا يفضل يكون شوربه . اما الفواكه كلها بين الوجبات ويوم تحس باليوع

انت بهالجدول منعت نفسك من وايد اشياء وهذا غلط . لا تمنع نفسك . لكن خفف


هيه انا سويت هالشيء بروحي .. ><
انزين .. الاهم هو التمارين و يكون يوميا.

المشكلة ما احب مشوي . سواء دياي ولا لحم . احب الكباب اكثر شيء

дι ђєᾱяţღ مغٵيـِڞ ღ
01-12-2012, 03:04 PM
سؤآل يسدح عمره

آحينه اللي يبا يضعف عآدي يكون آلريوق برتقآل ولآ تفآح :ydo52:

عآد ع آلريج آحسه مآيستوي :ydo52:

عيناويه88
01-12-2012, 03:25 PM
هيه انا سويت هالشيء بروحي .. ><
انزين .. الاهم هو التمارين و يكون يوميا.

المشكلة ما احب مشوي . سواء دياي ولا لحم . احب الكباب اكثر شيء



ماينفع احب وما احب

اذا شي مفيد لك ولصحتك كله .. في هالامور مايمشي فيها احب هذا واكره هذا

ودر عنك خخخخ . مثل ما قتلك . اكرف عمرك . وخلك صارم في الدايت مع نفسك
لاتدلع نفسك وتقول برتاح هاليوم وباكل عراحتي . هذي بداية الرجوع للصفر . كانك ما سويت شي

الدهون و المقالي . الاكل في نص الليل هذا كله امنعه

كثر من البروتينات . استبدل الخبز الابيض بالاسمر .. اشرب سوائل

عيناويه88
01-12-2012, 03:26 PM
سؤآل يسدح عمره

آحينه اللي يبا يضعف عآدي يكون آلريوق برتقآل ولآ تفآح :ydo52:

عآد ع آلريج آحسه مآيستوي :ydo52:

مب شرط اللي يبا يضعف

انا اكل تفاح عالريج خخخخ ذكرتيني بسير اخذلي كرتون يديد

дι ђєᾱяţღ مغٵيـِڞ ღ
01-12-2012, 03:33 PM
^
ههههههههههه بس مانصحج بالتفاح وايد

بيخلي خدودج لونهن دم ><

اذكر يتني فتره اكل تفاح وآيد لو طلعت شوي عند الشمس احمريت

وكآنت مس آلآنقلش تتمصخر عليه .. وآنحط فـ موآقف محرجه يتحروني محطيه بلاشر :ydo52:

عيناويه88
01-12-2012, 04:20 PM
^
ههههههههههه بس مانصحج بالتفاح وايد

بيخلي خدودج لونهن دم ><

اذكر يتني فتره اكل تفاح وآيد لو طلعت شوي عند الشمس احمريت

وكآنت مس آلآنقلش تتمصخر عليه .. وآنحط فـ موآقف محرجه يتحروني محطيه بلاشر :ydo52:


اونه ههههههه ليش عاد يحمر الخدود ؟

زين التفاح . خصوصا الاخضر

فيه نسبة كافيين تخليج مصحصحه . ما تشوفين الاجانب ياكلونه في الصبح

بوصقر الكندي
01-13-2012, 11:56 AM
ماينفع احب وما احب

اذا شي مفيد لك ولصحتك كله .. في هالامور مايمشي فيها احب هذا واكره هذا

ودر عنك خخخخ . مثل ما قتلك . اكرف عمرك . وخلك صارم في الدايت مع نفسك
لاتدلع نفسك وتقول برتاح هاليوم وباكل عراحتي . هذي بداية الرجوع للصفر . كانك ما سويت شي

الدهون و المقالي . الاكل في نص الليل هذا كله امنعه

كثر من البروتينات . استبدل الخبز الابيض بالاسمر .. اشرب سوائل

:(

احب الخبز الاسمر
شو البروتينات ؟ تقصدين اللحوم و الدياي ؟
شرايج صب واي ؟

عيناويه88
01-13-2012, 01:58 PM
:(

احب الخبز الاسمر
شو البروتينات ؟ تقصدين اللحوم و الدياي ؟
شرايج صب واي ؟


يب يب اللحوم و الدياي

حلو صب ويي اكلهم صحي وخفيف . ينفع للدايت

فريق أول ركن طيار
01-13-2012, 05:47 PM
قررت اتمرن في صالة الكليه عقب الدوام مباشرة
اذا قدرت استمر في الصاله اكثر من شهر
بطلب منج تسوين لي جدول اذا ما عندج مانع


الاخ فورزا مب مقصر مسوي لي هالجدول

الفطور الساعه 7 ونص ... وخذ وجبه ثانيه عبارة عن موز الساعه 11 ونص الضحى
الغدا الساعه 2 ... عيش ابيض وصدرين دياي وسلطه
الساعه 4 موز ومكسرات منزوعة الملح
الساعه 9 مشاوي مشكلة و فواكة مشكله
الساعه 11 ونص موز ومكسرات بدون ملح


مرات اطبق ومرات لا ،، يشغلني الوقت باشياء ثانيه وما الحق

زدت كيلوين ، ابا ازيد 10 بعد وبرتاح نفسيا

عيناويه88
01-15-2012, 05:50 AM
قررت اتمرن في صالة الكليه عقب الدوام مباشرة
اذا قدرت استمر في الصاله اكثر من شهر
بطلب منج تسوين لي جدول اذا ما عندج مانع


الاخ فورزا مب مقصر مسوي لي هالجدول

الفطور الساعه 7 ونص ... وخذ وجبه ثانيه عبارة عن موز الساعه 11 ونص الضحى
الغدا الساعه 2 ... عيش ابيض وصدرين دياي وسلطه
الساعه 4 موز ومكسرات منزوعة الملح
الساعه 9 مشاوي مشكلة و فواكة مشكله
الساعه 11 ونص موز ومكسرات بدون ملح


مرات اطبق ومرات لا ،، يشغلني الوقت باشياء ثانيه وما الحق

زدت كيلوين ، ابا ازيد 10 بعد وبرتاح نفسيا


اوكيه حلو . بتستفيد واااااايد خلال هالشهر الي بتكون فيه في الجيم

و وزنك بيزيد ان شاء الله . لا تستعيل على عمرك .السالفه يبالها صبر شوي و متابعه

بس بقولك شغله . انت جدولك هذا يومي . يعني حق يوم واحد بس
تقدر تلتزم فيه اقل شي خمس ايام عقب نفسك بتعافه . عشان جي من الافضل انك تنوع في الوجبات

بس اهم شي يكون الاكل صحي . وكل وجبه تعرف فايدتها وشو فيها و كيف جسمك يستفيد منهاو كيف بتحرقها
جدولك لو تلاحظ فيه مكسرات و موز و لحوم . وهذا كله بروتين . فورزا يبا يعطيك طاقه فجسمك عشان تشتغل عدل في الجيم
وهذا الصح

بعطيك شوي من فوايد المكسرات عشان تعرف ليش فورزا يقولك تاكله
نصف كيلو من الجوز تعادل 20 كيلو من لحم البقر أو الخراف وتعادل 3 كيلو من لحم الدجاج الخالي من الدهن
رغم ان المكسرات تقع ضمن الدهون المفيده الا انه يفضل تناولها كسناك بين الوجبات اى استبدال الشوكلاته ببعض حبات من المكسرات بدون ملح يحتوى 30 جرام من المكسرات على 160 الى200 سعره حراريه وعلى 14 الى21 غرام من الدهون غير المشبعه
تعتبر المكسرات المتمثله فى اللوز والجوز والفستق والكاجو مصدرا نباتيا وتتعدد فوائدها بخلاف الاعتقاد السائد لدى البعضبانها مضره لاحتوائها على الدهون علما ان الدهون المحتويه غير مشبعه والمكسرات لا تسبب الكولسترول وهى مفيده اذا تناولناها نيئه بدون قلى 1مصدر الالياف وهى تحمى من امراض القلب لانها تحتوى على دهون غير مشبعه وتساعد على تخفيض الكو لسترول المضر ldl وترفع الكلسترول المفيد

الحين المطلوب منك تلتزم بالجدول و تروح الجيم
كثر من اللحوم و البروتينات .. اذا مالقيت دياي استبدله باللحم او السمج
دخل الفواكه ضمن جدولك وبين الوجبات

بوسيف77
01-15-2012, 06:23 AM
الله يوفقكم

بوصقر الكندي
01-15-2012, 10:23 AM
يب يب اللحوم و الدياي

حلو صب ويي اكلهم صحي وخفيف . ينفع للدايت

انزين ..

subway اكله كل يوم ولا بعض الأيام في الاسبوع؟
يفضل في وجبات الغدا ولا العشا؟

عيناويه88
01-17-2012, 02:32 AM
انزين ..

subway اكله كل يوم ولا بعض الأيام في الاسبوع؟
يفضل في وجبات الغدا ولا العشا؟


حاول قد ما تقدر تنوع في وجباتك
مره الغدا و مره العشا

ومب شرط يوميا .. كل من اكل البيت لكن بدون دهون

F a r e s
01-17-2012, 11:13 AM
السلام عليكم ..


حالياً ناوي اخذ الـoxyelite pro و متردد ..
احاول احرق الدهون في منطقة الفخذ و الصدر .. و تماريني الرياضية بين الجم و السباحة ..
قبل فترة كنت موقف رياضة لمدة سنة تقريباً .. كان جسمي و قتها رياضي و ما تظهر عليه اي ترهلات ..
لكن بعدها زاد وزني بشكل جنوني قريب الـ30 كيلو .. و ظهرت السمنة على مناطق البطن و الصدر و الافخاذ ..
صارلي تقريباً شهرين و انا احاول انزل وزني بدايت متوسط و جهد رياضي عالي ..
جدولي الاسبوعي كان فترة رياضة واحدة في كل يوم على مدار اسبوع .. 5 ايام في الجم ( ركض - مشي - سيكل - بطن ) و يومين تمرين سباحة مسافة 5 كيلو ..
طبعاً الاكل كان الصبح قهوة او شاي و الغدا يكون مرات دونات او صحن عيش ما اكثر منه .. و العشا يكون مشاوي و احياناً ما اتعشى ..
مع كل هذا نزل وزني فقط 5 كيلو !

ابغي اشيل الـ25 كيلو بـ oxyelite pro .. شرايكم ؟
لو خذت حبة وحدة يومياً قبل كل تمرين .. راح تكون في فائدة ..؟

الذيـــب الجزراوي
01-17-2012, 11:28 AM
اخوي فارس
عليك بالفات بيرنر
FAT BURNER
تحصله في صيدلية الEMC
اسأل عن الOxyElite Pro
حبتين الصبح عالريج..او ابدأ بحبه الصبح وحبه العصر قبل الركضه والتمرين
اساسا هالحبه تساعد على حرق الشحوم فمنطقة البطن والارداف اجلكم الله والافخاذ

بالتوفيق ياخوي

الذيـــب الجزراوي
01-17-2012, 11:35 AM
سامحني اخوي فارس..الحين بس انتبهت على اسم الدوا اللي انت حاطنه

توكل على الله ومافيه اي اضرار..حتى انه يسد نفسك عن الاكل وتحس انك طول النهار شبعان

وعقب الكورس مر نفس الصيدليه وخذلك كورس تنظيف..عباره عن شراب

انتبه تاخذه عقب المغرب لان الحبوب فيها نسبة كافيين ... فأذا خذت حبه عالمغرب انسى انك ترقد

تحياتي لك وللأعضاء

F a r e s
01-17-2012, 11:41 AM
وخذلك كورس تنظيف..عباره عن شراب

يعطيك العافية يالجزراوي ..
بس ما فهمت قصدك شو كورس التنظيف .. و شو فايدته ؟

الذيـــب الجزراوي
01-17-2012, 11:46 AM
كورس تنظيف يا طويل العمر..عباره عن حبوب او مشروب تاخذها لمده معينه عسبت تكون في السيف سايد من اي اضرار او رواسب لأي ادويه..لان مثل ما انت عارف مافي دوا طبيعي ميه بالميه..الا تدخل فيها مواد كيماويه او صناعيه سواء للحفظ او لزيادة مفعول الدوا
والمقصود بالكورس انك تمشي على برنامج معين لين ما تخلصه ...يعني دوا التنظيف ينظفلك الكلى من اي رواسب او متعلقات للبروتينات الغير طبيعيه
اتمنى ان الفكره وصلت ولو اني شاك بتفسيري مب واضح

عيناويه88
01-17-2012, 12:17 PM
السلام عليكم ..


حالياً ناوي اخذ الـoxyelite pro و متردد ..
احاول احرق الدهون في منطقة الفخذ و الصدر .. و تماريني الرياضية بين الجم و السباحة ..
قبل فترة كنت موقف رياضة لمدة سنة تقريباً .. كان جسمي و قتها رياضي و ما تظهر عليه اي ترهلات ..
لكن بعدها زاد وزني بشكل جنوني قريب الـ30 كيلو .. و ظهرت السمنة على مناطق البطن و الصدر و الافخاذ ..
صارلي تقريباً شهرين و انا احاول انزل وزني بدايت متوسط و جهد رياضي عالي ..
جدولي الاسبوعي كان فترة رياضة واحدة في كل يوم على مدار اسبوع .. 5 ايام في الجم ( ركض - مشي - سيكل - بطن ) و يومين تمرين سباحة مسافة 5 كيلو ..
طبعاً الاكل كان الصبح قهوة او شاي و الغدا يكون مرات دونات او صحن عيش ما اكثر منه .. و العشا يكون مشاوي و احياناً ما اتعشى ..
مع كل هذا نزل وزني فقط 5 كيلو !

ابغي اشيل الـ25 كيلو بـ oxyelite pro .. شرايكم ؟
لو خذت حبة وحدة يومياً قبل كل تمرين .. راح تكون في فائدة ..؟


اهلين اخوي فارس

متحسفه لانك رياضي و وقفت سنه >< بس ماعليه تقدر ترد جسمك الاولي

وشي طبيعي مابتنزل غير 5 كيلو .. عيل حد يتغدا دونات ويبا يضغف ؟؟؟؟

والريوق مايسدك كوب جاي او كوفي !! لازم تاكل بيض و جبن او توست او حتى نقانق

الغدا .. لازم تنوع فيه . مايسدك صحن عيش .. خفف من العيش ( اربع خواشيق او خمس )
و كل سلطه وياه و روب و دياي او لحم ( مشااوي )
العشا خذلك خفايف . اهم شي مايكون دسم

انت الحين كل همك تحرق الدهون اللي في جسمك .و يوم تاكل دونات و صحن عيش تزيد عمرك وتحرق في الجيم عالفاضي

الاوكسي واااايد بينفعك . لانه حارق دهون .. خذت حبتين في الصبح
استمر في الجيم و كمل في السباحه . لان السباحه تشد لجسم

عيناويه88
01-17-2012, 12:19 PM
كورس تنظيف يا طويل العمر..عباره عن حبوب او مشروب تاخذها لمده معينه عسبت تكون في السيف سايد من اي اضرار او رواسب لأي ادويه..لان مثل ما انت عارف مافي دوا طبيعي ميه بالميه..الا تدخل فيها مواد كيماويه او صناعيه سواء للحفظ او لزيادة مفعول الدوا
والمقصود بالكورس انك تمشي على برنامج معين لين ما تخلصه ...يعني دوا التنظيف ينظفلك الكلى من اي رواسب او متعلقات للبروتينات الغير طبيعيه
اتمنى ان الفكره وصلت ولو اني شاك بتفسيري مب واضح


ماظنتي الاوكسي يباله كورس تنظيف !!

انا استخدمته بس ماخذت وراه كورس تنظيف والحمدلله ماشي معاي اوكيه

samba
01-17-2012, 12:23 PM
اليوم بخرب الدايت..!
معزوم على العشاء الليله..
الله يستر بعدها من عداد الميزان.. :cry:

الذيـــب الجزراوي
01-17-2012, 12:27 PM
شوفي اختي الكريمه
ينصح بكورس التنظيف من باب ان الواحد يكون في السيف سايد

وللمحافظه على الكلى من الشوائب والكافيين المترتب من هذه الادويه..لان من الطبيعي تسعين حبه الا بيكون لها ترسبات او شوائب في الجسم

والواحد ما بيخسر شي من باب ان لو ما فاد تراه ما بيضر

تحياتي لج اختي الكريمه

ماظنتي الاوكسي يباله كورس تنظيف !!

انا استخدمته بس ماخذت وراه كورس تنظيف والحمدلله ماشي معاي اوكيه

عيناويه88
01-17-2012, 12:46 PM
سامبا .. اعتبره اوبن دي و طول وقت المضغ عشان ما يقولون ما ياكل
واذا فيه مشاوي اهجم عليهم .. وخلك صوب السلطات



الذيب ... عشان جي لازم تاخذ بريك لمدة شهر بعد الـ 90 حبه .. اذا قررت تاخذ مره ثانيه
ومشكور عالنصيحه ^^

FoRZa . MiLaNo
01-17-2012, 01:27 PM
فارس

مع جدولك هذا دخل قروث صيني خذلك ضربه فالبطن يوم هي ويوم لا

مب الا عضلات البطن بيطلعن , الا حتى الريش بيطلعن بعد :aa_downup:

عضو بقراطيس الوكاله
01-17-2012, 05:37 PM
يالربع شو هل الكورس تنظيف .. يعني عباره عن مشروب ولا حبوب ولا نظام غذائي ولا سبونج بوب <<< سوري الاخير دش بالغلط
لا صج والله شو هل الكورس وشو اسمه
رقم اثنين الحبوب هاي oxyelite pro شو فايدتها وكيف طريقه استخدامها يعني هل تناسب رياضه المشي السريع لمده ساعتين .. ولا لازم العب حديد وجي .. لأني حاليا في فتره نزول وتقريبا منزل 34 كيلووا لكن اشووف في الوقت الحالي نزول الوزن عندي استوى بطئ جدا جدا جدا والسموحه منكم

F a r e s
01-17-2012, 06:09 PM
الاوكسي واااايد بينفعك . لانه حارق دهون .. خذت حبتين في الصبح
استمر في الجيم و كمل في السباحه . لان السباحه تشد لجسم

حبتين الصبح احسهم وايد .. اخاف تعطيني تأثير زيادة و تسبب لي مشاكل ..
الي كان في بالي اخذ حبة الصبح .. و بعدها اخذ حبة قبل التمرين .. يعني معدل حبتين في اليوم الواحد ..




فارس

مع جدولك هذا دخل قروث صيني خذلك ضربه فالبطن يوم هي ويوم لا

مب الا عضلات البطن بيطلعن , الا حتى الريش بيطلعن بعد :aa_downup:

هالاشياء سامع عنها قصص تشيب الراس ..
بعضها لها اثار على الاجهزة التناسلية و بعضها تظهر اثارها بعد فترة من الزمن ..
مثل هالفيديو طرشولي اياه على البلاكبيري شوف كيف وضع الريال :aa_ma6gog: ..

http://www.youtube.com/watch?v=drZ1-OyydYA

عضو بقراطيس الوكاله
01-17-2012, 08:15 PM
حبتين الصبح احسهم وايد .. اخاف تعطيني تأثير زيادة و تسبب لي مشاكل ..
الي كان في بالي اخذ حبة الصبح .. و بعدها اخذ حبة قبل التمرين .. يعني معدل حبتين في اليوم الواحد ..





هالاشياء سامع عنها قصص تشيب الراس ..
بعضها لها اثار على الاجهزة التناسلية و بعضها تظهر اثارها بعد فترة من الزمن ..
مثل هالفيديو طرشولي اياه على البلاكبيري شوف كيف وضع الريال :aa_ma6gog: ..

http://www.youtube.com/watch?v=drZ1-OyydYA

الغالي انا مااعرف شو ها القرووث الصيني .. لكن الفيديوا اللي حاطنه ها عباره عن ابر الستيرويد وهااي خطيره جدا جدا جدا جدا .. وتوصل عقووبه استخدامها في امريكا الى السجن
.. فـ تحمل منها والله يبعدك عنها .... السموحه منك

عيناويه88
01-17-2012, 11:00 PM
فورزا الله يهديك كيف تنصحه بالقروث !؟

الريال ما قالك يبي يضخم وبعدين هو مب محترف

القروث يباله ناس محترفين . واقل شي تستخدمه 5 اشهر ولازم اكلك يعتمد على البروتين و الكارب بنسبه كبيره وعقبها 10 % دهون
ولازم يكون معاه كورس عضل صافي و عقبها تنشيف .انيمال كات مع انفار و اشياء تعور الراس

الريال يبا يضعف >< وعقبها يبا يعدل جسمه وانت دخلته بالقروث والهرمون الي ماله داعي

F a r e s
01-19-2012, 08:44 AM
بما انه عندي اجازة هالاسبوعين بسوي جدول يديد ..

اخذ حبة من الاوكسيليت الصبح و بعدها ريوق خفيف و بعد ساعة تمارين الجم ..
الغدا يكون شي خفيف او احياناً ما اتغدا ..
العصر اخذ حبة و بعدها اتمرن سباحة ..
و العشا خفيف ..

و هكذا لمدة اسبوعين ..


ينفع اخذ حبة اوكسيليت الصبح و بعدها ارقد ؟
و لا اخذ حبة و اشرب وراها شي حار .. قهوة او شاي .. يأثر ؟

عيناويه88
01-19-2012, 10:04 AM
فارس الاوكسي فيه نسبة كافيين وايد مرتفعه

مادري ليش تبي تاخذ حبه الصبح و حبة الظهر !!

الافضل انك تاخذهم مع بعض . مفعولهم يتم معاك طول اليوم

بعد ما تاخذهم بساعه اشرب شي حار . كوفي او جاي

بس لا تشرب جاي اخضر >< هههههههه

عضو بقراطيس الوكاله
01-19-2012, 05:13 PM
فارس الاوكسي فيه نسبة كافيين وايد مرتفعه

مادري ليش تبي تاخذ حبه الصبح و حبة الظهر !!

الافضل انك تاخذهم مع بعض . مفعولهم يتم معاك طول اليوم

بعد ما تاخذهم بساعه اشرب شي حار . كوفي او جاي

بس لا تشرب جاي اخضر >< هههههههه

اختي بخصوص الاوكسي تقصدون OxyELITE Pro صح ؟؟ اذا هيه عندي سؤال بخصوص طريقه استخدامه ... في اليوم كم اخذ ؟؟ ويووم اخذه متى ابدا التمارين يعني عقب مااخذه بنص ساعه وجي ولا عادي دايركت ... رقم اثنين .... لو خذت OxyELITE Pro وعقب امشي لمده ساعتين عادي يستوي ؟؟ ولا لازم تمارين حديد وهل السوالف ؟؟ والسموحه منج

F a r e s
01-19-2012, 07:41 PM
فارس الاوكسي فيه نسبة كافيين وايد مرتفعه

مادري ليش تبي تاخذ حبه الصبح و حبة الظهر !!

الافضل انك تاخذهم مع بعض . مفعولهم يتم معاك طول اليوم

بعد ما تاخذهم بساعه اشرب شي حار . كوفي او جاي

بس لا تشرب جاي اخضر >< هههههههه


اليوم بجرب .. خذت الاوكسي الساعة 5 العصر و تمرنت الساعة 6 ..
و حاس اني فراشة :ydo52: .. حطمت رقمي في السيكل ووصلته لـ30 دقيقة .. :crazy:

عيناويه88
01-19-2012, 10:31 PM
اختي بخصوص الاوكسي تقصدون OxyELITE Pro صح ؟؟ اذا هيه عندي سؤال بخصوص طريقه استخدامه ... في اليوم كم اخذ ؟؟ ويووم اخذه متى ابدا التمارين يعني عقب مااخذه بنص ساعه وجي ولا عادي دايركت ... رقم اثنين .... لو خذت OxyELITE Pro وعقب امشي لمده ساعتين عادي يستوي ؟؟ ولا لازم تمارين حديد وهل السوالف ؟؟ والسموحه منج

هيه هذا اللي نقصده

الافضل انك تاخذ حبتين . لان العلبه فيها 90 حبه
ويفضل انك تخلصهم خلال شهر او شهرو نص وعب تريح جسمك منه

خذه الصبح وسير الدوام عادي والتمارين سوهن في العصر او اي وقت ثاني
واذا تبي تسوي تمارينك الصبح بعد خذهن و مارس التمارين بعدهم بساعه

بخصوص رقم اثنين . هالحبوب اساسا حارق دهون يعني يحرق معاك طول اليوم
واذا تمرنت حديد او مشيت لمدة ساعتين هالشي يساعدك اكثر انك تحرق سعرات حراريه

تمرنت حديد او ركضت او لعبت سيكل هالشي كله لصالحك . اهم شي تحرك جسمك

عيناويه88
01-19-2012, 10:35 PM
اليوم بجرب .. خذت الاوكسي الساعة 5 العصر و تمرنت الساعة 6 ..
و حاس اني فراشة :ydo52: .. حطمت رقمي في السيكل ووصلته لـ30 دقيقة .. :crazy:

وحححححش :wee:

يوم تشوف عمرك يالس تشتغل عدل في الجيم استغل الفرصه وزيد التمارين
وزيد الوقت . عط عمرك 10 دقايق زياده مثلا

عشان كل مره تزيد الوقت و تستفيد اكثر

بس انا احسن عنك ايلس على الاوربتراك لمدة ساعتين :ydo52:

3enawie
01-21-2012, 08:00 PM
اولا مبروك على الإشراف
أتمنى تفيدوني وزني 94 وطولي 171

عيناويه88
01-21-2012, 11:21 PM
اولا مبروك على الإشراف
أتمنى تفيدوني وزني 94 وطولي 171

الله يبارك فيك ^^

اخوي تقدر تنزل 10 كيلو خلال شهرين بالرياضه بس
ولو عدلت نظامك الغذائي بتنزل 4 كيلو خلال شهر

3enawie
01-22-2012, 12:32 PM
انزين نحتاج شي نمشي عليه لو سمحتي

عيناويه88
01-22-2012, 01:48 PM
انزين نحتاج شي نمشي عليه لو سمحتي

التعليمات التي يجب التقيد بها إثناء عمل الرجيم

* الأكل ببطء شديد وعدم شرب الماء اثناء الاكل
* الإكثار من تناول الخضروات الورقية مثل الخس والجرجير والبقدونس والملفوف
* شرب الماء بكثرة طوال اليوم قبل الأكل بفنره لاتقل عن 15 دقيقه
* عدم النوم مباشرة بعد الأكل
* لابد من إضافة ملعقة زيت زيتون متوسطة مع السلطة(مفيد للهضم)
* المشي والتمرينات ساعة في اليوم
* بعد أسبوعين وجبة مفتوحة تاكل اللي تريده بس بحدود


الممنوعات

كل ماهو دسم مثل المعجنات/الفطائر/النشويات/الألبان ومنتجاتها(كاملة الدسم)/المعلبات/المقالي


الإفطار:

5 تمرات + كوب حليب أو لبن خالي الدسم


الضحى: (اختار صنف واحد)

تفاحة / كأس عصير برتقال طازج/خس/ملفوف(كرنب)/خيار


الغداء: (اختار كل وجبة بيوم)

1ـ سمكة متوسطة + سلطة + ربع خبزة
2ـ صدر دجاج + شوربة خضار + ربع خبزة
3ـ خضار مشكل + سلطة + روب + ربع خبزة
(ويفضل الخبز الاسمر[البر])


من العصر إلى المغرب:

3 إلى 5 تمرات او صنف فاكهه(تفاح او برتقل....والحذر من اكل الموز)


العشاء: (اختار كل وجبة بيوم)

1-زبادي+خس+شريحة توست
2- شريحة توست +( جبنة) او( ملعقة لبنة)او(3 ملاعق فول)
3-(بيضة + سلطة خضروات + حليب او لبن)


ملاحظه:

البطيخ والخربز(الشمام) تعطي الشخص احساس بالشبع فيفضل تناولها كوجبة غداء اوعشاء



(( هذا جدول معظم اللي مسوين ريجيم يلتزمون فيه .
مش وايد قوي واي شخص يقدر يمشي عليه

وطبعا لا تننسى الرياضه .. خصصلك وقت معين يوميا عشان تسوي تمارينك
وحاول قد ما تقدر تتحرك في البيت ))

بوهليبة
01-23-2012, 06:51 PM
الوزن الحآلي : 90
الهدف : 70 - 75

الطول : 171


النظام الي اتبعه حالياً يعتمد إني ابتعد ابتعاد نهائي عن " العيش ( الرز ) "

والخبز الأبيض . . ( بعض الأحيان آكل الخبز الأسمر ) . .

اعتمد وبشكل كبير على الخضروات والفواكة . . وشوربة خضروات . . << شبه يومي . .

في حآلة اليوع . . اخذلي حبة أو حبتين بطاطس مطبوخة مع الزبدة :) . .



هالنظام ماشيء عليه تقريباً من اسبوع بشكل مب منتظم 100% . .

وبآجر ان شاء الله بوزن . . :)

اي ملاحظات ممكن تفيدني اعدل على النظام ؟!

F a r e s
01-23-2012, 10:42 PM
نزلت 3 كيلو في 5 ايام مع الاوكسيليت و الرياضة ..
لكني مسافر اليوم و لمدة اسبوع .. يعني ما شي رياضة !

شو نصيحتكم ف هالفترة ..

عيناويه88
01-23-2012, 10:52 PM
بوهليبه . جدولك حلو ماشاء الله

بس لاتحرم نفسك من الاكل نهائيا . انت عمرك 16 وجسمك بعده ينمو و يكبر ومحتاج انك تنوع في الاكل

حاليا تقدر تخسر وايد وزن و اسرع من اللي اكبر عنك في العمر

لكن عتبي على الرياضه ؟ ما تكلمت عن الرياضه في جدولك
خصصلك ساعه او ساعتين يوميا تروح الجيم او تلعب كوره ويا ربعك او للركض

عيناويه88
01-23-2012, 11:00 PM
نزلت 3 كيلو في 5 ايام مع الاوكسيليت و الرياضة ..
لكني مسافر اليوم و لمدة اسبوع .. يعني ما شي رياضة !

شو نصيحتكم ف هالفترة ..


ماشاء الله عليك :cra:

انت الطالب المميز في الكلاس هههههه
الوحيد الي ما يتذمر وايد و يلتزم بالجدول

دامك مسافر خذ الاوكسي وياك مب مشكله .. وقت الطلعات كنت اشله وياي وماضيع يوم واحد

وعلى الرياضه حاول تتحرك في السفره .. وكثر من الهيلثي فود
او الاكل اللي يعطيك طاقه . وتجنب الاكلات الدسمه

لانها واايد بتاثر عليك بما انك رياضي و قطعت الرياضه فجأه
كثر من البروتينات و اشرب مااي.. لاتظغط على عمرك وايد وتفكر بالدايت خلال السفره
عشان ما تخربها ولا تاخذ راحتك في الاكل

وتروح وترد بالسلامه ان شاء الله

بوعوف النعيمي
01-25-2012, 07:49 AM
حكايتي مع نزول الوزن حكاية عجيبة

كان وزني 106 تقريبا و طولي 180 ..
اصبت في شهر 12 /2010 ببعض المشاكل في المعدة :aa_gabba: و منها قللت اقلل من الاكل قيللاً .. بس يعني ما ودرت العيوش ولا شي انما تخفيف من الاكل و تودير الغازات.. يعني بدال ما اكل صحن مجبوس اكل نص صحن !
في شهر 7 /2011 وصل وزني 83 تقريباً و بعدها يا رمضان و وزدت تقريباً 3 كليو .. عقب بديت اكل الفاست فود و الخ لكن بشكل شهري قبل اسبوعين تقربياً و وصلت بين 88-90 فققرت ارد اضعف و اليوم وزني تقريباً بين 85-86 ..! و ان شاء الله مستمر الى ان يوصل 75

عيناويه88
01-25-2012, 05:27 PM
حكايتي مع نزول الوزن حكاية عجيبة

كان وزني 106 تقريبا و طولي 180 ..
اصبت في شهر 12 /2010 ببعض المشاكل في المعدة :aa_gabba: و منها قللت اقلل من الاكل قيللاً .. بس يعني ما ودرت العيوش ولا شي انما تخفيف من الاكل و تودير الغازات.. يعني بدال ما اكل صحن مجبوس اكل نص صحن !
في شهر 7 /2011 وصل وزني 83 تقريباً و بعدها يا رمضان و وزدت تقريباً 3 كليو .. عقب بديت اكل الفاست فود و الخ لكن بشكل شهري قبل اسبوعين تقربياً و وصلت بين 88-90 فققرت ارد اضعف و اليوم وزني تقريباً بين 85-86 ..! و ان شاء الله مستمر الى ان يوصل 75

ماتشوف شر ياخوي

امراض المعده وفقر الدم تهلك الجسم
والوزن اللي نزلته مب صحي لكن خلنا نعتبرها خيره .
لان الوزن الزايد كلنا نعرفه ان تاثيره سلبي على شكل الانسان و نفسيته

والمتن مرض . والحمدلله انك نزلت و قررت تنزل اكثر
لكن الحين حاول تعوض جسمك بالاكل الصحي ..
لانك خلال الفتره الي نزلت فيها جسمك فقد وايد دهون و فيتامينات

الحين ماعليك غير انك تركز على وجباتك و تلعب رياضه عشان تشد جسمك

F a r e s
01-28-2012, 06:56 PM
خلال السفرة زدت كيلو واحد طبعاً مع استخدام الاوكسي حبة الصبح فقط ..
لكني خرررربتها من الخاطر في الاكل .. ما خليت فاست فود الا وخذته.. و الرياضة و لا شي ما عدا اني كنت امشي شوي ..

ان شاءالله راجع بجدولي القديم ..

عيناويه88
01-28-2012, 07:29 PM
خلال السفرة زدت كيلو واحد طبعاً مع استخدام الاوكسي حبة الصبح فقط ..
لكني خرررربتها من الخاطر في الاكل .. ما خليت فاست فود الا وخذته.. و الرياضة و لا شي ما عدا اني كنت امشي شوي ..

ان شاءالله راجع بجدولي القديم ..

مادري ليش تعاندني وما تسمع كلامي يوم اقولك خذ حبتين ><

القوطي فيه 90 حبه ولازم خلال فتره شهر و نص عالاقل تخلصهن
اذا طولت جسمك بيتعود عالحبوب وما بيأثر فيه

المفروض تخلصهن في فتره قصيره

الحين حاول تظغط على عمرك و خذلك حبتين الصبح و كمل جدولك
وعاقب نفسك بزيادة عدد الساعات او الدقايق في الجيم لانك زدت كيلو في السفره

والحمدلله عالسلامه ^^

F a r e s
02-02-2012, 10:47 PM
خذت حبتين الصبح .. طبعاً الطاقة فُل ..
بس حسيت بدوخة كنت كل 10 دقايق لازم ايلس !

تأثيره كان قووووي

اماراتي100%
02-03-2012, 09:56 AM
في ناس الحبة تسبب لهم غثيان
رد على الحبه الصبح وحبة قبل التمرين

مب شرط تاخذ 3 فاليوم .

انا كنت اخذ حبتين ’ وحده الصبح والثانيه قبل التمرين وفايام اللي مافي تمرين قبل الغدا

ومع دايت معتدل لا هو ستركت ولا انه الامور فالتو

ب

اماراتي100%
02-03-2012, 10:05 AM
الوزن الحآلي : 90
الهدف : 70 - 75

الطول : 171


النظام الي اتبعه حالياً يعتمد إني ابتعد ابتعاد نهائي عن " العيش ( الرز ) "

والخبز الأبيض . . ( بعض الأحيان آكل الخبز الأسمر ) . .

اعتمد وبشكل كبير على الخضروات والفواكة . . وشوربة خضروات . . << شبه يومي . .

في حآلة اليوع . . اخذلي حبة أو حبتين بطاطس مطبوخة مع الزبدة :) . .



هالنظام ماشيء عليه تقريباً من اسبوع بشكل مب منتظم 100% . .

وبآجر ان شاء الله بوزن . . :)

اي ملاحظات ممكن تفيدني اعدل على النظام ؟!

كل شيء ممتاز الا شيء واحد

منو اللي قالك على البطاط والزبده
ترى البطاط فيه كمية كربوهيدرات خياليه والزبده كارثه من كوارث الدهون !!

البطاط لا باس انه يدخل في الدايت اذا مشوي او مطبوخ. بس بكمية صغيره ومب كل يوم

والزبده انساها

عيناويه88
02-03-2012, 11:32 AM
خذت حبتين الصبح .. طبعاً الطاقة فُل ..
بس حسيت بدوخة كنت كل 10 دقايق لازم ايلس !

تأثيره كان قووووي


فارس كيف الدايت عندك ؟ وشو ريوقك ؟

ما بتحس بدوخه الا اذا كنت ما تاكل عدل

F a r e s
02-04-2012, 01:04 PM
فارس كيف الدايت عندك ؟ وشو ريوقك ؟

ما بتحس بدوخه الا اذا كنت ما تاكل عدل

الريوق كان نص كراسون جبن و بعدها تمرنت :aa_clap2:

ماخذه كل الدلع
02-04-2012, 02:02 PM
أخر نتايج الرجيم القاسي :mr:

Predatoя
02-04-2012, 02:49 PM
يا هلا والله بالفيلة :3gal:

سويت ريجيم 3 اسابيع و نقصت 8 كيلو

الحين كيف اخليه يثبت ؟

وزني في استهبال دائم مرة فوق و 10 مرات تحت نفس مستوى ياسر القحطاني :blu:

عيناويه88
02-04-2012, 05:32 PM
ايه ده >< كلكم مخبصين في الاكل

انتوا فاهمين الدايت غلط .. مب شرط اللي ما ياكل يضعف . بالعكس
انتوا جيه تخربون جسمكم اكثر .. خففوا من الاكل لكن لا تحرمون نفسكم


فارس .. هذا مايسمونه ريوق !!
نص كرواسون .. شومن الفوايد فيه ؟:gab:

خذلك كورواسون + حليب قليل الدسم + فاكه ( يفضل التفاح )
وااذا ما تبا تاخذ كرواسون خذلك كورن فلكس فيتنس مع حليب قليل الدسم
وعقبها بساعه او ساعتين خذلك كوفي او جاي لكن قبل الريوق بساعه او نص ساعه خذلك الاوكسي

جسمك طبيعي يتعب يوم يحرق ومايحصل شي يحرقه او يساعده

FoRZa . MiLaNo
02-04-2012, 05:34 PM
أخر نتايج الرجيم القاسي :mr:



مع احترامي لك

ولكن هذا مب منتدى نسائي علشان تصورين ايدج :)

وهذا الجزء من الذراع يعتبر عوره !

الله يهديج

عيناويه88
02-04-2012, 05:46 PM
أخر نتايج الرجيم القاسي :mr:

تخبيص تخبيص في الاكل :gab:

اكيد حارمه عمرج من الاكل و عقبها تسيرين الجيم

صارتلي قبل وحطولي مغذي نفس الشي و الدكتور يهازب امايه وهيه حليلها تقوله نعطيها غدا و عشا بس ما اطيع تاكل :aa_kaaak:

شوفي يا بنتي .. لاتحرمين نفسج من الاكل. ولا تسوين رياضه بعد الاكل مباشره
كلي وعقب ساعتين بالكثير سيري الجيم .. خصوصا الوجبات الدسمه

الغدا و العشا .. واذا كلتي لا تكثري وايد عشان ما ترجعين >< بعد صارتلي خخخخ

عيناويه88
02-04-2012, 05:53 PM
يا هلا والله بالفيلة :3gal:

سويت ريجيم 3 اسابيع و نقصت 8 كيلو

الحين كيف اخليه يثبت ؟

وزني في استهبال دائم مرة فوق و 10 مرات تحت نفس مستوى ياسر القحطاني :blu:


هلا هلا بولدي براديتر خخخخ نورت الجيم :blu:

اول شي كيف سويت الريجيم مالك ؟ دايت مع رياضه ولا شو ؟

شو كنت تاكل و كم وزنك الحين ؟

وزنك بيثبت لكن مستحيل يتم نفس ماهو لمدة 4 شهور . لازم يزيد كمن جرام او ينقص عالاقل
هذا كله يعتمد عليك

سآسها مآس
02-05-2012, 12:42 AM
حي الله العيناويـه

اريد انزل 5 كيلــوو
شو رايج ف الكرون فليكس لي يظعف ؟

ماخذه كل الدلع
02-05-2012, 12:45 PM
مشكوره حبوبة

Predatoя
02-05-2012, 02:49 PM
هلا هلا بولدي براديتر خخخخ نورت الجيم :blu:

اول شي كيف سويت الريجيم مالك ؟ دايت مع رياضه ولا شو ؟

شو كنت تاكل و كم وزنك الحين ؟

وزنك بيثبت لكن مستحيل يتم نفس ماهو لمدة 4 شهور . لازم يزيد كمن جرام او ينقص عالاقل
هذا كله يعتمد عليك

ريجيم و رياضة شبه يومية

وزني الحين 81

المهم يثبت بدال هاللكاعة كل يوم شي :blu:

عيناويه88
02-05-2012, 03:39 PM
حي الله العيناويـه

اريد انزل 5 كيلــوو
شو رايج ف الكرون فليكس لي يظعف ؟


اهلييين حبوبه ^^ زين قررتي تشاركين ويانا:aa_warda:

على حسب استجابة جسمج وسرعتج انتي في حرق السعرات الحراريه

يمكن تاخذين شهر عشان تنزلين هالخمس كيلو
او يمكن خلال اسبوعين .. بس طبعا ما بينزل الا اذا كرفتي عمرج بالرياضه و سويتي داايت قااااسي

ما نبا نخوفج لان المساله مب وايد صعبه
حاولي بس تخففين من الاكلات الدسمه و اقطعي المشروبات الغازيه
لاتتعشين بمكرونه او اي اكل ثقيل لان المعده يبالها وقت عشان تهضم
ويوم تاكلين وترقدين بسرعه تطلع الكرشه لان المعده ما هضمت عدل

خصصي من وقتج ساعه يوميا للرياضه او المشي . كرفي عمرج اسبوع او اسبوعين وبتشوفين النتيجه بسرعه

بخصوص كورن فلكس فتنس . هذا اكله شرات الشبس خخخخ
عندي كل الانواع الي بالشوكليت و اللوز و العادي

كليه عادي .تريقي فيه بعد لكن بحليب قليل الدسم دام انج تبين تضعفين

عيناويه88
02-05-2012, 03:57 PM
مشكوره حبوبة


العفو فديتج ^^

ريجيم و رياضة شبه يومية

وزني الحين 81

المهم يثبت بدال هاللكاعة كل يوم شي :blu:


ماشاء الله علييك مجتهد

شوف يا ولدي . بما انك ولدي و حسبة واحد من عيالي الصغنونين خخخخ والله صدق ابا مصلحتك
انت توك مكمل 17 سنه و الوزن الزايد ما منه فايده . مرض و كسل ويعطيك اكبر من عمرك

دام انك ماشاء الله بديت تسوي ريجيم وعرفت تنزل كمن كيلو بروحك
الحين الافضل لك تدش الجيم . وتكمل تمارينك هناك .. الدايت هو مجرد انك تبتعد عن العيش و الفاست فود و هالاكل
حاول تبني جسمك من الحين . الوزن الزايد بينزل مع الرياضه
لاتفكر كيف تحافظ على وزنك . فكر كيف ترتبه ..

غير جدولك من رياضه شبه يوميه الى رياضه يوميا + جري و تمارين بطن . عشان جسمك يشد و الكرشه تروح
الحين انت فاحسن عمر عشان تبدا تعدل جسمك .

وحد@اوي
02-05-2012, 06:08 PM
وانا اقول وين نص الاعضاء مختفين



موفقين .. نو بين نو جين

سآسها مآس
02-05-2012, 08:06 PM
خصصي من وقتج ساعه يوميا للرياضه او المشي . كرفي عمرج اسبوع او اسبوعين وبتشوفين النتيجه بسرعه



مممم انزين اي رياضـه تنصحيـن

السيكل يفي بالغرض ولا :biggrin2: ( سيكل الرياضه )

عيناويه88
02-05-2012, 11:05 PM
وانا اقول وين نص الاعضاء مختفين



موفقين .. نو بين نو جين

لوووول هيه زخيتهم وخليتهم يحولون على هالقسم

الله يعافيك يالوحداوي ^^
حياااك اخوي



مممم انزين اي رياضـه تنصحيـن

السيكل يفي بالغرض ولا :biggrin2: ( سيكل الرياضه )

هيه نص ساعه سيكل و نص ساعه مشي او اي اله ثانيه
لاتنسين تمارين البطن . دشي اليوتيوب وشوفي التمارين وكيف طريقتها

وحد@اوي
02-05-2012, 11:26 PM
صح ...

! همسه
كيف يشلون الكرشه
!

زهرة الليلك
02-06-2012, 09:47 AM
انا من صغري ما احب آكل واايد كله التهي بالمذاكرة والرسم < هههه:biggrin2:

بس ما استغنى عن الكاكاو حتى لو مرة بالاسبوع :aa_yes:

اممم اسوي معكرونه بالبشاميل ومن هاي الاكلات بس اذا بغيت آكل منها

آخذ لي حصه صغيرة وأسير غرفتي وهاي نقطه مهمه لا تكون قريب الأكل عشان ما تاكل مرة ثانيه وثالثه

احلى شي السلطات تعيبني وخاصة سلطة السيزر تعلمت اسويها كل يوم

اهم شي المشي حتى لو ما كلينا واايد ترى اللياقه حلوه

شو فايدة ان الواحد يمتلك جسم مرتب وما عنده لياقه

المشي حتى لو نصف ساعه باليوم وعقب يوم نتعود ساعة باليوم

ومثل ما قالت اختي عيناويه بعد الأكل بساعتين مب مباشرة بعد الأكل

وتمارين البطن واايد مفيدة , طبعا الشباب يقدرون يمارسو أحلى رياضة كنا نحبها يوم صغار

ركوب السيكل < ههههه اشحلاته

لو اني ريال بشتري لي سيكل وبلف راس الخيمة لف ههه

انا قريت ان رفع الاثقال له فائدة كبيرة للنساء طبعا ما تزيد عن 3 كيلو :aa_training:

عشان ما تعضل البنيه سوو بحث وبتكتشفون السر :aa_malak: < اونه هههه

الله يوفقنا ويوفق اليميع

عيناويه88
02-06-2012, 03:52 PM
وحداوي

اخوي الكرشه ما تخوز بتمارين معينه .. لازم تسوي رياضه للجسم كله وتحرك جسمك
عقبها سو تمارين البطن . خفف من الغازات و العيش والاكل الثقيل


زهرة الليلك

اهلييين خيتوووو ^^

صح كلامج . عشان تتجنب تاكل وتكثر من الاكل , خذلك في صحن صغير و كل بالخاشوقه
وصغر اللقمه . عشان تشبع بسرعه
اما عن الاثقال . عن نفسي ما استخدم غير الدنابل
http://www.stockphotopro.com/photo-thumbs-2/AYWK2P.jpg

اسميني اهلك يوم اتمرن عليهم :aa_boka2: صح انهم 2 كيلو لكن وايد استفدت منهم
اما الاوزان الثانيه مال الشباب طبعا مانستخدمهم خخخخخ
2 كيلو و ابا افتك منهم بسرعه وين عاد قوم 10 و 12 .. الله يعينهم :aa_www:

A b d u ll a
02-06-2012, 04:38 PM
الرياضة ليست فقط لإنزال الوزن، فهي مفيدة للقلب وضغط الدم كما انها تجنبك العديد من الأمراض كالسكر والسرطان
30 دقيقة 4-5 مرات في الأسبوع

أهم العناصر الغذائية للسعادة هي أوميجا3 وفيتامين ب12. أوميجا3 موجود في السالمون، التونا. فيتامين ب12 موجود في الحليب والبيض والكبده والأسماك


كما أن السوائل مهمة جدا لحرق الدهون ولا يمكنك حرق الدهون دونها، للتأكد أنك تأخذ كفايتك، يجب أن يكون التبول شفاف أوقليل الاصفرار

انـزين ايوز اسوي ضغط وانا عندي كريشه , وهل الكـوره .. تسد عن باقي الرياضات , وهل رقي الدري يسد لأنه الصراحه دري بيتنا متعب عود !! فاليوم نزله وصعده يمكن فوق الـ 10 مرات !!
وهل رياضة يوم اطيح عضهري وارفع جسمي وارد اطيح تحسن فالبطن شي ..

عيناويه88
02-06-2012, 06:03 PM
انـزين ايوز اسوي ضغط وانا عندي كريشه , وهل الكـوره .. تسد عن باقي الرياضات , وهل رقي الدري يسد لأنه الصراحه دري بيتنا متعب عود !! فاليوم نزله وصعده يمكن فوق الـ 10 مرات !!
وهل رياضة يوم اطيح عضهري وارفع جسمي وارد اطيح تحسن فالبطن شي ..

هيه اخوي ايوز .. هذي رياضه بس لاتعتمد عليها عشان تخوز الكرشه . لازم تسوي تمارين ثانيه وياها
لعب الكوره ينفع .لانك تركض . بس بعد لاتعتمد على رياضه معينه .لازم تنوع

الدري تحرق فيه سعرات ؟ لانه شرات يوم تركض في اللاماكن المرتفعه

فريق أول ركن طيار
02-07-2012, 03:42 PM
مرحبا


اختي عيناوية اباج تساعديني


جدولي صعب انظمه بسبب شغلي والدراسه ،، بس احاول القى وقت عشان آكل فيه

بخبرج كيف الجدول مالي يوميا

الساعه 7 >> حليب بالشوفان وحبة موز

الساعه 9 ونص >> اومليت وخبز وعصير لاكنور كوكتيل ((هالوجبه من بوفيه الدوام ما عندهم شي يناكل غير هالاكله))

الساعه 11 >> ابدا آكل المكسرات اللي وياي وحبة موز

الساعه 2 >> اتغدا في البيت ،، اكيد عيش "لحم دياي سمج" وسلطه (( محتار اضيف الروب ولا لا ،، بعضهم يقولون مب زين عشان الهضم))

الساعه 5 >> ميلك شيك من الكوفي اللي في الكليه ، وحبة موز

الساعه 7 >> يبدا تمريني في الصاله

الساعه 9 >> اتعشى مشاوي وارقد


=========

اضيف شي ؟

ابا انوع شوي بس الاكلات اللي احبها محدوده

Sherio
02-07-2012, 06:38 PM
قبل 3 شهور قررت أزيد وزني ..
ونظمت جدولي ولله الحمد طلعت بـ نتيجة حلوة وزاد وزني 5 كيلو في 3 أسابيع تقريباً

لكن المشكلة اني كرشت :aa_yoma: مع اني كنت أمارس تمارين بطن متنوعة كل 4 أيام تقريباً .
فاضرطيت اني أودر هالنظام .. ولكن من يوم ودرته للحين ووزني ثابت ولله الحمد والكرشة راحت
بعد ما كانت كتلة جسمي 17 وخرده .. صارت 18.2 ..

فحبيت أسألكم اذا كتلة جسمي صحية ؟
وأنا ناوي أزيد 10 كيلو بعدني .. فبرجع لنظامي القديم .. 5 وجبات في اليوم
بس أبا أزيد وزني بشكل صحي بدون دهون وكرش ،
شو التمارين اللي تنصحوني فيها ؟
همسة / ما أقدر أدش صالة حالياً

كشخه دبيe
02-07-2012, 06:42 PM
موفقين

انصح الي يحس بملل برجيم يتبع نظام النقاط انا كنت زايده ع الحمل 13 كيلو خلال 3 شهور نزت من 75 لين 65 الحمدالله باقي القليل ونفتك

A b d u ll a
02-07-2012, 08:35 PM
هيه اخوي ايوز .. هذي رياضه بس لاتعتمد عليها عشان تخوز الكرشه . لازم تسوي تمارين ثانيه وياها
لعب الكوره ينفع .لانك تركض . بس بعد لاتعتمد على رياضه معينه .لازم تنوع

الدري تحرق فيه سعرات ؟ لانه شرات يوم تركض في اللاماكن المرتفعه
يعني ماشي برنامج اخوز فيه الكرشه , لأنه الاخو sheiro خوز كرشته ..
مـاروم ويهالكرشه تعبتني ابا اسوي ضغط شي , وصاله ماقدر من لحين اقول ..

Dr.Ibraheem
02-08-2012, 07:50 AM
مرحبا اخواني

بس ملاحظة بسيطة وان شاء الله برجع لكم برود اكثر،

اشوف البعض يبتع رجيم قاسي جدا ويفقد الجسم الكثير من الفيتامينات والطاقة والمعادن

لذلك اشدد على تناول الخضار والفواكه (بدون تحديد)
ولذلك للفائدة القوية منها لانها :

1) الخضار تحرق الدهون وبقوة منها (البروكولي ، الخس ، الجزر ، الفلفل الاخضر )
2) الخضار والفواكه تحتوي على الفيتامينات المفيدة ( ا ،ب ، ج ،وغيرها)
3) الفواكه مصدر طبيعي للسكر والطاقة
4) يعبرون مصدر قوي للالياف

عيناويه88
02-11-2012, 01:01 AM
مرحبا


اختي عيناوية اباج تساعديني


جدولي صعب انظمه بسبب شغلي والدراسه ،، بس احاول القى وقت عشان آكل فيه

بخبرج كيف الجدول مالي يوميا

الساعه 7 >> حليب بالشوفان وحبة موز

الساعه 9 ونص >> اومليت وخبز وعصير لاكنور كوكتيل ((هالوجبه من بوفيه الدوام ما عندهم شي يناكل غير هالاكله))

الساعه 11 >> ابدا آكل المكسرات اللي وياي وحبة موز

الساعه 2 >> اتغدا في البيت ،، اكيد عيش "لحم دياي سمج" وسلطه (( محتار اضيف الروب ولا لا ،، بعضهم يقولون مب زين عشان الهضم))

الساعه 5 >> ميلك شيك من الكوفي اللي في الكليه ، وحبة موز

الساعه 7 >> يبدا تمريني في الصاله

الساعه 9 >> اتعشى مشاوي وارقد


=========

اضيف شي ؟

ابا انوع شوي بس الاكلات اللي احبها محدوده



جدولك هذا شباب الصاله يستخدمونه .
و اللي محترف فيهم يعرف يحددلك كيف تستفيد من كل وجبه وكل اكله تاكلها

المكسرات و الموز تزيد الوزن
ماقدر اتدخل وايد .. ان شاء الله الدكتور ابراهيم بيفيدك بالجدول

لكن حاول قد ما تقدر تسوي تمارين وتتريض يوميا

عيناويه88
02-11-2012, 01:09 AM
قبل 3 شهور قررت أزيد وزني ..
ونظمت جدولي ولله الحمد طلعت بـ نتيجة حلوة وزاد وزني 5 كيلو في 3 أسابيع تقريباً

لكن المشكلة اني كرشت :aa_yoma: مع اني كنت أمارس تمارين بطن متنوعة كل 4 أيام تقريباً .
فاضرطيت اني أودر هالنظام .. ولكن من يوم ودرته للحين ووزني ثابت ولله الحمد والكرشة راحت
بعد ما كانت كتلة جسمي 17 وخرده .. صارت 18.2 ..

فحبيت أسألكم اذا كتلة جسمي صحية ؟
وأنا ناوي أزيد 10 كيلو بعدني .. فبرجع لنظامي القديم .. 5 وجبات في اليوم
بس أبا أزيد وزني بشكل صحي بدون دهون وكرش ،
شو التمارين اللي تنصحوني فيها ؟
همسة / ما أقدر أدش صالة حالياً

حظك عيل ههههههههه وزنك ثبت بدون كرش << ماشاء الله ماشاء الله

الين تدش الصاله . لازم تلتزم بتمارين البطن يوميا مب كل اربع ايام

وحاول انت بنفسك تبتعد عن الدهون .لانها اتييب الامراض

انزين سؤال . كيف خازت الكرشه ؟ متاكد بدون تمارين وبدون دايت ؟

عيناويه88
02-11-2012, 01:12 AM
موفقين

انصح الي يحس بملل برجيم يتبع نظام النقاط انا كنت زايده ع الحمل 13 كيلو خلال 3 شهور نزت من 75 لين 65 الحمدالله باقي القليل ونفتك

كيف نظام النقاط هذا ؟

خبرينا شو سويتي

عيناويه88
02-11-2012, 01:17 AM
يعني ماشي برنامج اخوز فيه الكرشه , لأنه الاخو sheiro خوز كرشته ..
مـاروم ويهالكرشه تعبتني ابا اسوي ضغط شي , وصاله ماقدر من لحين اقول ..


هيه بروحي مستغربه منه ماشاء الله عليه كيف خازها بدون دايت !!

شوف .حسب جسمك .. فيه ناس بسرعه تخوز منهم وفيه ناس جسمهم بطئ الين يستوعب
اهم شي عشان تخوز الكرشه تسوي رياضه للجسم كله

اذا سويت تمارين بطن حتى لو الف مره في اليوم ..مابيأثر غير انك تضر عضلات بطنك
الكرشه يبالها وقت بس انت لاتتحسب انه شي صعب .. تقدر تخوزها اذا واضبت على الرياضه
لو مثلا يوميا تركض بدون تمارين بطن .. شهرين بالكثير وبتخف الكرش

عضو بقراطيس الوكاله
02-11-2012, 12:18 PM
كيف نظام النقاط هذا ؟



اختي نظام النقاط .. فكرته شبيه من نظام السعرات مع تغييرات طفيفه في المسميات ويمكن بعض الامور وان شااء الله اتفيدج الاخت

اما بخصوصي مع الرجيم والرياضه والخ والخ .... سابقا كنت اسوي رجيم بس مع مشي .. من دون لعب حديد
والحين دشيت صاله والحمدلله المدرب ميه ميه ...... لي اسبوعين تقريباا ... يخليني ساعه كامله اكورديو ( جهاز المشي ( 30 دقيقه = 20 اربع + 10 دقايق مشي خفيف لكن مب بنفس الترتيب العشر دقايق اتكون بين العشرين دقيقه ) وتقريبا انزل فيها 225 كالوري + جهاز الدري اظني شي جي .. جني طالع دري وبعصاااتين @@ ها تقريبا لمده 15 دقيقه لكن ع سرعه متقدمه يعني احصل مقاومه وانزل فيها 200 كالوري وخرده + السيكل 15 دقيقه وانزل فيها 150 كالوري قاابل للزياده يعني احيانا ازيد السرعه ) وعقب يخليني انط الحبل لوووول كان في البدايه 20 + 20 + 20 + 20 ها تقريبا اول اسبوع .. الاسبوع الثاني خلاني اسوي 50 + 50 + 50 وعقب تمارين البطن ( تمرينين ) كل تمرين 15 + 15 + 15 + 15 والاسبوع الثاني كل تمرين 30 + 30 + 20 + 20
وعقب ادخل في الحديد اللي هو الصدر والظهر والبايسبس والترايسبس والريول <<< التمارين بأوزان خفيفه + تكرارات كثيره 5 ايام في الاسبوع ويومين راحه ... ونفسها يوميا اسويها ... قلت للمدرب احيد جي اقتل العضل .. قالي لي انا بخليك جي لمده شهر تقريبا وعقب بسويلك جدول ... المهم انا لي حاليا في الصاله اسبوعين .. البارحه ياني المدرب وقالي خلااص سويت لك جدول يناسبك ... وللأمانه الكرشه عندي خفت بطريقه مش طبيعيه والانعواي اللي بظهري تقريبا اختفى يعني قبل اتقول شيبه ظهري معواي .... وبخصوص الكرشه الكل لاحظ هل الشي وانا بعد .. يوم كنت البس حزام لاامان وانا اسوق ... كنت اضايج من الحزام اللي ع بطني .. اما الحين ما قمت احس فيه والله .... وبعد الخواصر خفت يعني الريال مااعرف حسيته فاهم والمفروووض اليوم لو سرت الصاله يعطيني الجدول

ملاحظات : الساونا والستيم ثلاث مرات في الاسبوع + امشي ع نظام غذاائي موقف العيش نهائيا الا من يومين عندنا عزيمه واطريت .. لاحظت شي ان جسمي طول اليوم يحرق دهون + استخدم IS0 100 نوع من انواع الواي بروتين ( زيروا كارب + زيروا فات + زيروا لاكتوز ) + OxyElite pro .... ولين احينه ما جيكت ع الوزن بس لاحظت ع الكنادير مالـتي انه توسعت صوب البطن والخواصر ... او بمعنى آخر خفت هل الاماكن عندي .... في النهايه ( طولي 180 ووزني سابقا 140 كيلوا بالرجيم والمشي نزلته لين 105 تقريباا وحاليا دخلت حديد الهدف اوصل 80 لكن بعضل ) ان شااء الله .. والسموحه منكم <<<< يخرب بيتك كاتب لنا قصه حياتك @ @

عيناويه88
02-11-2012, 01:17 PM
اختي نظام النقاط .. فكرته شبيه من نظام السعرات مع تغييرات طفيفه في المسميات ويمكن بعض الامور وان شااء الله اتفيدج الاخت

اما بخصوصي مع الرجيم والرياضه والخ والخ .... سابقا كنت اسوي رجيم بس مع مشي .. من دون لعب حديد
والحين دشيت صاله والحمدلله المدرب ميه ميه ...... لي اسبوعين تقريباا ... يخليني ساعه كامله اكورديو ( جهاز المشي ( 30 دقيقه = 20 اربع + 10 دقايق مشي خفيف لكن مب بنفس الترتيب العشر دقايق اتكون بين العشرين دقيقه ) وتقريبا انزل فيها 225 كالوري + جهاز الدري اظني شي جي .. جني طالع دري وبعصاااتين @@ ها تقريبا لمده 15 دقيقه لكن ع سرعه متقدمه يعني احصل مقاومه وانزل فيها 200 كالوري وخرده + السيكل 15 دقيقه وانزل فيها 150 كالوري قاابل للزياده يعني احيانا ازيد السرعه ) وعقب يخليني انط الحبل لوووول كان في البدايه 20 + 20 + 20 + 20 ها تقريبا اول اسبوع .. الاسبوع الثاني خلاني اسوي 50 + 50 + 50 وعقب تمارين البطن ( تمرينين ) كل تمرين 15 + 15 + 15 + 15 والاسبوع الثاني كل تمرين 30 + 30 + 20 + 20
وعقب ادخل في الحديد اللي هو الصدر والظهر والبايسبس والترايسبس والريول <<< التمارين بأوزان خفيفه + تكرارات كثيره 5 ايام في الاسبوع ويومين راحه ... ونفسها يوميا اسويها ... قلت للمدرب احيد جي اقتل العضل .. قالي لي انا بخليك جي لمده شهر تقريبا وعقب بسويلك جدول ... المهم انا لي حاليا في الصاله اسبوعين .. البارحه ياني المدرب وقالي خلااص سويت لك جدول يناسبك ... وللأمانه الكرشه عندي خفت بطريقه مش طبيعيه والانعواي اللي بظهري تقريبا اختفى يعني قبل اتقول شيبه ظهري معواي .... وبخصوص الكرشه الكل لاحظ هل الشي وانا بعد .. يوم كنت البس حزام لاامان وانا اسوق ... كنت اضايج من الحزام اللي ع بطني .. اما الحين ما قمت احس فيه والله .... وبعد الخواصر خفت يعني الريال مااعرف حسيته فاهم والمفروووض اليوم لو سرت الصاله يعطيني الجدول

ملاحظات : الساونا والستيم ثلاث مرات في الاسبوع + امشي ع نظام غذاائي موقف العيش نهائيا الا من يومين عندنا عزيمه واطريت .. لاحظت شي ان جسمي طول اليوم يحرق دهون + استخدم IS0 100 نوع من انواع الواي بروتين ( زيروا كارب + زيروا فات + زيروا لاكتوز ) + OxyElite pro .... ولين احينه ما جيكت ع الوزن بس لاحظت ع الكنادير مالـتي انه توسعت صوب البطن والخواصر ... او بمعنى آخر خفت هل الاماكن عندي .... في النهايه ( طولي 180 ووزني سابقا 140 كيلوا بالرجيم والمشي نزلته لين 105 تقريباا وحاليا دخلت حديد الهدف اوصل 80 لكن بعضل ) ان شااء الله .. والسموحه منكم <<<< يخرب بيتك كاتب لنا قصه حياتك @ @

مااااشاء الله عليييييييك

انت شخص مثابر في الجيم مثلي هههههه واااصل مثل ما بديت وبنفس الحماس
ونصيحه لاتشوف وزنك عشان ما تتهاون وتقول خفيت

عقب اسبوعين سير شوف عشان تحدد اللي تباه . شو تنقص وشو تزيد
ماشاء الله وتبارك الرحمن .اللي سويته خلال اسبوعين شي ممتاااااااز
ناس يسسونه خلال اشهر ويقولون تعبنا

والحين خذلك ملابس يديده واصغر عن حجمك بشوي وحط هدفك انك توصل لين قياسهم وبتوصله ان شاء الله
مدربك يباك تبني و تحرق في نفس الوقت وشافك مثابر عشان جي يبا يستغل حماسك
استمر معاه وخبرنا بالتفاصيل شو صار معاك

تستاهل احلى تقيييم هههههههه

سيحاوي
02-11-2012, 01:37 PM
انا تقريبا باليوم اشرب ست غرش ديو والله ما اشبع منه :biggrin2:

A b d u ll a
02-11-2012, 01:41 PM
هيه بروحي مستغربه منه ماشاء الله عليه كيف خازها بدون دايت !!

شوف .حسب جسمك .. فيه ناس بسرعه تخوز منهم وفيه ناس جسمهم بطئ الين يستوعب
اهم شي عشان تخوز الكرشه تسوي رياضه للجسم كله

اذا سويت تمارين بطن حتى لو الف مره في اليوم ..مابيأثر غير انك تضر عضلات بطنك
الكرشه يبالها وقت بس انت لاتتحسب انه شي صعب .. تقدر تخوزها اذا واضبت على الرياضه
لو مثلا يوميا تركض بدون تمارين بطن .. شهرين بالكثير وبتخف الكرش
يعني لحيييين , بحاول اركض كليوم العصر نص ساعه و سيكل حوالي البيت نص ساعه , وببتعد عن البطاطس والحلويات بحاول والبيبسي بخفف منه
ومن باكر ببدء .. يلين شهرين وبشوف اذا خفت بزيد شهرين , ذاااك اذا مانسيت شي اسمه برنامج اخفف كرشتي اروحي من كثر ماتعقدت منها صرت اتابع برنامج الدكاتره على mbs4

عيناويه88
02-11-2012, 01:47 PM
انا تقريبا باليوم اشرب ست غرش ديو والله ما اشبع منه :biggrin2:

هههههه وفرحان تخبرنا بعد

حلو الديو لكن انت واايد مبالغ فيه

لو تشرب مره وحده في اليوم بقولك انت تبا تذبح نفسك
وين عاد 6 غراش !!!!!!

اكيد محشش طول اليوم ههههه ودره ودره ترا ما منه فايده
او خفف عالاقل الين تودره و استبدله بالعصاير الطبيعيه

عيناويه88
02-11-2012, 01:52 PM
يعني لحيييين , بحاول اركض كليوم العصر نص ساعه و سيكل حوالي البيت نص ساعه , وببتعد عن البطاطس والحلويات بحاول والبيبسي بخفف منه
ومن باكر ببدء .. يلين شهرين وبشوف اذا خفت بزيد شهرين , ذاااك اذا مانسيت شي اسمه برنامج اخفف كرشتي اروحي من كثر ماتعقدت منها صرت اتابع برنامج الدكاتره على mbs4


ههههه عسى استفدت منهم ذا دوكتورز

انت لو تركض كل يوم لمدة ساعه ( جري ) او هروله خفيفه
الكرش بتخف و وزنك بينزل وجسمك بيشد
و بعد بخبرك .. لو تعرف تسبح سير اسبح كل يومين او ثلاث
لانه السباحه تنزل الوزن وتشد الجسم اسرع عن الاكورديو و الايروبيك

الحلويات مب شرط تقطعها .. تجنب الانواع الرخيصه اللي يستبدلون الشوكليت بالزبده
الشيبس و الغازات و العيش هذيل قولهم مع السلامه ههههه
لازم تقطعهم من زمااااان

سيحاوي
02-11-2012, 09:59 PM
هههههه وفرحان تخبرنا بعد

حلو الديو لكن انت واايد مبالغ فيه

لو تشرب مره وحده في اليوم بقولك انت تبا تذبح نفسك
وين عاد 6 غراش !!!!!!

اكيد محشش طول اليوم ههههه ودره ودره ترا ما منه فايده
او خفف عالاقل الين تودره و استبدله بالعصاير الطبيعيه

شكرا على النصيحة

Dr.Ibraheem
02-11-2012, 10:48 PM
انا تقريبا باليوم اشرب ست غرش ديو والله ما اشبع منه :biggrin2:

ما شاء الله عليك
يعني تقريبا ست اكواب ماء + سكر !!

وغير انه يسبب هشاشة العظام لكن ما بتلاحظ هالشي الحين ،، مستقبلا يوم تكبر

F a r e s
02-11-2012, 11:10 PM
الاوكسي معطي نتائج ممتازة حالياً .. باقي لي اسبوع و اكون خلصته ..
بس مشكلته لما تفقد السيطرة على نفسك و تأكل الاخضر و اليابس .. مفعول الاوكسي يخف لعدة ايام و وزنك يتم ثابت و هذا قد يسبب الاحباط للبعض ..
التأثير الاكبر على منطقة البطن و الخصر .. من بعدها الصدر و الافخاذ بشكل بسيط ..
و الاهم انك تنام و بطنك فااااااااااضي ..

Sherio
02-12-2012, 06:45 PM
حظك عيل ههههههههه وزنك ثبت بدون كرش << ماشاء الله ماشاء الله

الين تدش الصاله . لازم تلتزم بتمارين البطن يوميا مب كل اربع ايام

وحاول انت بنفسك تبتعد عن الدهون .لانها اتييب الامراض

انزين سؤال . كيف خازت الكرشه ؟ متاكد بدون تمارين وبدون دايت ؟

كانت كرشه صغيرة مب من كبرها :biggrin2:
كنت أركض ( يوم ، يومين .. كل اسبوع ) على حسب المزاج


مع ( تمارين بطن منوعة ) .. أستعمل أوزان أحياناً
كل ( 3 أيام ، 4 أيام ) على حسب المزاج :gab:

التقاسيم ما طلعن كلهن
مش قادر أستغني عن العيوش :(coffe):

عبدالله ، لا تركض ولا تلعب بالسيكل
المشي أسهل لك ، كم ساعة تمشي في اليوم ؟


يمدحون نظام الأناناس
للي يبون يخفون

بوسيف77
02-12-2012, 07:02 PM
انا تقريبا باليوم اشرب ست غرش ديو والله ما اشبع منه :biggrin2:


خخخخخخ عاد شو تشرب الغراش و الا القواطي ؟

الوحداوي بوعوف
02-16-2012, 12:42 PM
الله يصبرني عليك يا العيش

بسير اخذ صب وي الحينه

والله كريم

عيناويه88
02-17-2012, 01:35 AM
الاوكسي معطي نتائج ممتازة حالياً .. باقي لي اسبوع و اكون خلصته ..
بس مشكلته لما تفقد السيطرة على نفسك و تأكل الاخضر و اليابس .. مفعول الاوكسي يخف لعدة ايام و وزنك يتم ثابت و هذا قد يسبب الاحباط للبعض ..
التأثير الاكبر على منطقة البطن و الخصر .. من بعدها الصدر و الافخاذ بشكل بسيط ..
و الاهم انك تنام و بطنك فااااااااااضي ..

شي طبيعي وزنك يثبت لفتره معينه وعقب يرد ينزل

انت خلال هالفتره المفروض ما توقف الدايت ولازم ما اييك احباط
بعد هالفتره بتشوف عمرك تنزل بسرعه

ومابشرتنا كم صار وزنك الحين ؟

عيناويه88
02-17-2012, 01:52 AM
الله يصبرني عليك يا العيش

بسير اخذ صب وي الحينه

والله كريم

بتتعود انك ما تاكل العيش

بس تحمل اول فتره

في النهايه انت اللي بتستفيد ^^

كـرستـRonaldoـيانو
02-17-2012, 10:21 PM
يعطيكم العافية على هذا الموضوع

انا وزني 120 وطولي تقريبا 166 واحاول اضعف وانا ما عندي اللياقة لممارسة الرياضة
نصايحكم واقتراحاتكم

آلشهآمـہ
02-18-2012, 05:43 AM
يعطيكم العافيه شباب


سؤال للمختصين شو ها حبوب الاوكسي

وشو يسوي

ومتى يستخدم

وكم سعره ، وهل نتايجه مضمونه

هل فيه اعراض جانبيه


وبس :)

عضو بقراطيس الوكاله
02-18-2012, 12:46 PM
يعطيكم العافيه شباب


سؤال للمختصين شو ها حبوب الاوكسي

وشو يسوي

ومتى يستخدم

وكم سعره ، وهل نتايجه مضمونه

هل فيه اعراض جانبيه


وبس :)

طال عمرك حبوب الاوكسي تعتبر حبوب تنشيف ( يعني حرق الدهون ) وتركيزها الرئيسي على الدهون اللي في البطن والخواصر والجسم بشكل عام .
1 - آليه عملها : تزيد من عمليه حرق الدهون في الجسم وتقلل من الشهيه ولكن نتائجه تختلف من شخص الى آخر يعني الشخص اللي يمارس اكورديوا + حديد غير عن الشخص اللي يمارس اكورديوا فقط غير عن الشخص اللي ما يمارس شي عرفت
2 - طريقه استخدامها : اول اربعه اياام حبتين ( حبه قبل التمرين على بطن فااضيه والحبه الثانيه عقبها بـ 6 - 8 ساعات ) وعقب ممكن اتزيد الجرعه حبتين قبل التمرين وحبه عقب 6 - 8 ساعات لكن بشرط ما يزيد في اليوم تأخذ اكثر عن ثلاث حبات والحبوب لا تستخدمها اكثر عن 45 يووم .. عقب خذلك راحه اظني اربع اسابيع وعقب اتروم تستخدمها مره ثانيه .
3 - بخصوص النتائج : عن عمري .. لاحظت فرق كبير في منطقه البطن والخواصر وتقريبا اختفت بشكل ملحووووظ
4 - اعرااضه الجانبيه : انه يسبب السهر ... لأنه فيه نسبه كافين عاليه مثله مثل اي حبوب للتخسيس يعني اذا جسمك يتقبل الكافين .. انسى انك ترقد .. وفي ناس جسمهم ما يأثر فيه الكافين .. فـ الامور عندهم طيبه ... عني انا اخذ حبتين بس قبل التمرين .. وارقد بالواسطه :biggrin2: هاي الاعراض اللي اعرفها .. اذا حد من الاخوان يعرف شي ثاني ان شااء الله يفيدك
5 - خذيته من GNC بـ 215 درهم ووممكن في المحلات الثانيه اتحصله بحدود 200
وهيك خلص الحكي .. ازا بدك اشي ما يردك غير كيبوردك :biggrin2:

آلشهآمـہ
02-18-2012, 12:56 PM
تسلم حبيبي ماقصرت

آلشهآمـہ
02-18-2012, 11:10 PM
أنا صارلي اكثر عن سنه مسوي رجيم احيد كان وزني 107 نزلت لـين 88 ووقفت من يومها يعني تقريبا سنه او اقل زاد وزني وصل 98 حالياً


قررت اسوي رجيم مره ثاني والعزيمه فلل ، من سبوع. قلت بسوي رجيم بس ماببدأ بالرياضه ، لكن من يومين كنت امشي ع جهاز المشي 3 كيلو مشي سريع هذا فالبيت طبعا ، واشتركت فجيم فالعين 3 شهور وامس بديت اول يوم نص ساعه سيكل ونص ساعه مشي سريع + 10 بطن و 10 ظهر ،



برنامجي لـ يوم السبت الغدا سلطه بس ، بعد الغدا شربت كوب شاي احمر
والعصر شربت ربيع برتقال ورحت الجيم ويوم رجعت كلت تفاحه خضره و شربت عصير برتقال جزر


العشى خذتلي من مطعم صحن سلطه + تونه بالماء مكس وبس




والله يوفقني ويوفقكم يارب


إذا في اي ملاحظات ع نظامي خبروني



يعطيكم العافيه

الوحداوي بوعوف
02-20-2012, 01:06 PM
اليوم نشيت الصبح

كان ريوقي عباره عن :

صمون أسمر + بيضه مسلوقه + كوب حليب قليل الدسم + 7 تمرات + 3 فنايين قهوه " عربيه "

والحين بسير بتغده مشاوي + كوب شاي أحمر

سؤالي :

أنا ف بداية الريجيم يعني صارلي 3 أيام تقريبا

يعني هل هناك أي مشكلة لو ضفت الخبز الأسمر مع المشاوي في وجبة الغدا ؟!

أو الخبز العادي ؟!

وشو الفرق بين تأثير الخبز العادي + الأسمر ؟

لانه سمعت انه اثنينهم نفس التأثير بس الفرق انه الأسمر سريع الهضم ؟!


واذا استخدمت خبز مع الوجبة هل راح يأثر بشكل كبير ؟!

لانه للحين مب متخيل أكل اي وجبه من دون خبز ّ!!

أخر سؤال :

اضافة الحمص + المتبل + الثوم للمشاوي

هل بتساعدني في الريجيم ؟؟

ولا وجودها ما بيعطيني نتايج فعاله في الريجيم؟؟

مشكورين

وبانتظار خبيرة التغذيه : د.عيناوية88

:biggrin2:

ويا ليت من الأعضاء الآخرين يفيدونا وجزاكم الله خير

عيناويه88
02-24-2012, 02:12 AM
السموحه قطعتكم :/

لي عوده قريبا مع ردودكم ^_^

مستر زعيم
02-25-2012, 03:47 PM
انا عمري 15 طولي 159 ووزني 60 هل وزني مناسب شو الطريقه اللي تخف الوزن

آلشهآمـہ
02-25-2012, 11:13 PM
أسبوع بالضبط نزلت 3.5 كيلو

3nabi8735
02-26-2012, 09:09 AM
بدايه شهر 1

امتناع عن شي اسمه دهون

واكل صحي سمك + دجاج + لحم لازم مشوي
خضار وسلطات + فواكه + عسل طبيعي + زيت زيتون

ولله الحمد نقصت 5 كيلو في شهر

بدايه شهر 2

نفس الطريقه ولكن ادخلت ممارسه المشي 4 مرات في الاسبوع

ولحد الان ما وزنت

الاعصار العيناوي
02-26-2012, 09:29 AM
السلام عليكم ،،

ما شاء الله ،، في ناس تنزل وزن زايد في اسبوع

يا جماعة نصيحة ،،،

لا تنزلوا اكثر من كيلوا و نص في الاسبوع ،،،

لان هذا ياثر على صحتكم و صحة بدنكم ،،،

آلشهآمـہ
03-03-2012, 08:38 PM
أسبوع بالضبط نزلت 3.5 كيلو

الاسبوع الثاني 1.6 كيلو

في سبوعين 5.1

طاح واقف
03-04-2012, 01:22 AM
موضوع جميل جدا

جزاكم الله خير

طاح واقف
03-04-2012, 01:40 AM
يا اخوان الي يقدر يساعدني لايبخل علي

ابا ازيد وزني بأي طريقة , الأهل يقولولي ودر الرياضة و بتمتن
المشكلة اني ما اقدر اودر الرياضة , لازم يوميا العب رياضة احياناً ساعة و احياناً ساعتين او حتى ثلاث اذا كثرت (كورة ,نادي ,ركض ...)
ابا اوصل وزني من 60 - 65
يا ليت حد يحطلي جدول اذا ممكن
طولي 167
وزني 55
( وزن الريشة )

آلشهآمـہ
03-05-2012, 10:48 PM
^


تغدى كل يوم مندي واشرب وراه بيبسي وحلى وارقد ع طول

العشى خذلك وجبتين ماكدونالدز وكل البطاط خلصه قبل لاترقد , اتعشى وبعدها ارقد ع طول

آلشهآمـہ
03-05-2012, 10:53 PM
حاليا انا امشي فالاسبوع الثالث بديت تاريخ 18\2 من هاليوم لليوم ولا يوم ودرت الرياضه + رجييييم اقدر اقول عنه قاسي ومب قاسي

مبتعد عن المشروبات الغازيه بأنواعها
الحلويات , الوجبات السريعه , العيوش
الخبز , الزيوت



الحين سلطه و تفاح أخضر ومرات دجاج صدر مشوي او فالفرن او مشاوي بعض الاحيان



والحمدالله في تحسن فالهيئه وعزيمتي فل وإن شاء الله لـين تاريخ 18\5 بوصل لوزن قريب من الي اباه

شدوا حيلكم

اماراتي100%
03-07-2012, 12:09 AM
السلام عليكم ،،

ما شاء الله ،، في ناس تنزل وزن زايد في اسبوع

يا جماعة نصيحة ،،،


لا تنزلوا اكثر من كيلوا و نص في الاسبوع ،،،

لان هذا ياثر على صحتكم و صحة بدنكم ،،،










هذا الكلام غير دقيق لان مثلا شخص وزنه 120 ممكن جدا ينزل بسهوله 3 كيلو
اما شخص وزنه 85 ويحتاج ينزل 10 فقط ، الطبيعي انه ينزل من كيلو الى 2 فالاسبوع اذا عمل دايت صحي ،منتظم

ـــــــــــ
ما شاء الله عليكم شباب ، واصلو العزيمه

انا وزني زاد من الحلويات اخر فتره وصار 85.5 عقب ماكان ثابت على 82

دايت معاكم

طاح واقف
03-08-2012, 12:42 AM
العشى خذلك وجبتين ماكدونالدز وكل البطاط خلصه قبل لاترقد , اتعشى وبعدها ارقد ع طول
مستحيل
ما أداني أكل مطاعم و الوجبات السريعة
على العموم مشكور على تجاوبك

بوسيف77
03-08-2012, 01:42 PM
الله يوفقكم

آلشهآمـہ
03-18-2012, 09:10 PM
مادري ليش ماشي متابعه للموضوع


امس كملت شهر جيم ولله الحمد ومن هالشهر فقط 3 ايام ماسويت فيهن رياضه
جيم مع رجيم لكن مش قاسي نزلت 6.5 كيلو


الوزن بداية الجيم 98.60
الوزن بعد شهر 92.10


بشكل عام انا عندي وجبة وحده كل يوم وعلى الأقل أشرب لترين ماي فاليوم


جدولي لليوم ركض 22 دقيقه ومشي ساعه و 8 دقايق المجموع ساعه ونص على آله المشي
وسيكل ربع ساعه


وإن شاء الله نفتك من عقده التسعين ابا اشوف وزني فالثمانينات هههه



طبعا أقل وزن وصلت له 88.4 ووقفت الرجيم يومها هالكلام قبل سنه و6 شهور من 107 لين 88 ووقفت
والحين ابا اوصل للوزن الي وقفت له هالشي بيكون --> انجاز لـي



والله يوفقني ويوفقكم

آلشهآمـہ
03-23-2012, 04:24 PM
كسرت حاجز التسعين ولله الحمد وقربت من اول هدف :d34pm1:

عيناويه88
03-24-2012, 10:36 AM
ماشاء الله عليكم

ها بشروني شو مسوين في الدايت !؟؟

اللي مخبصين من وراي يخبروني عشان نادبهم شوي لوول

والسموحه قطعنا القسم شوي ^^

الوحداوي بوعوف
04-01-2012, 12:34 AM
عائد وبقوة للجيم والرياضه بعد توقف 10 أيام بسبب " العصبه " خخخ

وباذن الله برتب الاكل وعندي خطة اني انقص خلال هالشهر 12 كيلو

دعواتكم

الوضع مايطمن
04-11-2012, 12:20 PM
في شخص قادم بقوة لعالم الرجيم هناك هدفين الاول انزال ٧ كيلو والهدف الثاني الجيم وشد الجسم وزني الان ٧٧ والهدف ٧٠ ومن ثم الجيم دعواتكم لان الوزن عندي ينزل بصعوبه

Viana
04-11-2012, 03:07 PM
انا اكل واااايد بس ما امتن
ممكن تفيدوني
في اليوم الواحد اشرب 3 مرات غازات و في بعض الاحيان اخربها واخليها 5 :biggrin2:
وفي الاسبوع تقريبا اتصل ع المطعم 7 - 9 مرات :aa_kaaak:
وبعد ما امتن :aa_yoma:

وزني 45
طولي 165
( مناسب ولا )

الوضع مايطمن
04-18-2012, 07:36 AM
بعد مرور اسبوع تم انزال كيلوين باقي من الهدف خمسه كيلو

يلا دعواتكم اخواني قبل لايخلص الشهر الا وانا مخلص ٧ كيلو وحبتين

القلب الكبير
04-26-2012, 09:10 AM
وزني 95 طولي 173 عندي ترهلات كبيره بمنطقة الخصر والبطن كنت امارس رياضة المشي السريع بس ، من اليوم ببأ ببرنامج رياضي وريجيم معتدل بس ببتعد فيه عن الخبز والعيش الا يوم بالاسبوع ، عندي اجهزة رياضية بالبيت وممشى جريب البيت اليوم تاريخ 26/04/2012 اشوفكم باذن الله بعد شهر ، انا تعمدت اكتب عسب ارص على عمري السفر مابقى عليه شي خخخخخ

القلب الكبير
04-26-2012, 09:26 AM
من تجربة تجاوزت اكثر من عشرين سنة لا تستعيلون في تنزيل الوزن انا اقدر انزل 10 كيلو هذا الشهر لو حد ممصدق مستعد ايي واوزن جدامه ابميزانه وبعد بييه بعد شهر ، بس الرهان على الف درهم ومستعد اتراهن على اني ازيد عشرة كيلو الشهر اللي عقبه وهذي عليها الف ثانية ( اسميني بكد هههه افكر ااودر الوظيفة اذا شفت العمليه مربحه ) هههه اسولف وياكم / باختصار الجسم يوم يفقد الوزن عنده قابليه لاستعادة الوزن بسرعه رهيبه ، انصح اللي نزل وزنه باتباع جدول غذائي يعتمد على حسبة نظام السعرات الحراريه مع رياضه (كم داش في جسمك من اكل كم فاقد في الرياضه )

عيناويه88
04-28-2012, 06:30 PM
للرفع

بانتظار تجاربكم و استفساراتكم

{آلخيآلـﮯ آلـεـينآوﮯ~‏●
05-11-2012, 03:35 PM
انا عمري 15 و وزني 119 و طولي 170 تقريبا

ابغي اسوي رجيم و ابغي اكون في الوزن المناسب بعد رمضان

ضبطولي رجيم حق اخر ثلاث اسابيع من المدرسه و شهر قبل رمضان و شهر رمضان

في هذه الايام ابغي اكون في الوزن المثالي

لو سمحتوا ابغي جدول بليييز ساعدوني

سعودية ودم قلبي إماراتي
05-11-2012, 05:32 PM
انا اكل واااايد بس ما امتن
ممكن تفيدوني
في اليوم الواحد اشرب 3 مرات غازات و في بعض الاحيان اخربها واخليها 5 :biggrin2:
وفي الاسبوع تقريبا اتصل ع المطعم 7 - 9 مرات :aa_kaaak:
وبعد ما امتن :aa_yoma:

وزني 45
طولي 165
( مناسب ولا )

احمد ربك وش لك بالسمنه النحافه أحسن
أهم شي تكون صحتك جيده مو مهم الوزن
وبعدين الله يهديك ياأخوي حرام عليك تذبح نفسك بالغازيات عشان شي مو مهم اللي هي السمنه وتهمل الأهم اللي هي صحتك
الغازيات تدمر غذائك يعني مايستفيد منه جسمك وتصيب بهشاشة العظام
وإذا مصمم على السمنه عليك بالتين نقعه بحليب وأشربه على الريق سمعت هالوصفه من دكتور

ra7al uae
05-16-2012, 10:17 AM
السلام عليكم ورحمة الله وبركاته


انا طولي 182 ووزني 112 وعمري 21


شو اسوي ؟

ابا اضعف واوصل للوزن المناسب اعتقد 85كج


انا بديت برجيم من يوم الاحد 13/5/2012 وكان وزني 115 والبارحه الصبح وقفت ع الميزان .. اكتشفت ان وزني نزل ل 112 خخخ

بس فالليل طلعت ويا الشباب وكلت سمجه مقليه بدون عيش وخبز قلت مابخرب ع عمري .. عاد مادري شو صار بعد مارديت البيت شربت كوب حليب حسيت بتفاعلات كيميائيه فبطني خخخخ


الريوق 5 حبات بياض بيض وحده منهن كامله + كوب حليب طويل الاجل قليل الدسم

الغدا .. صدر دياي + خبز اسمر + صحن سلطه بروب قليل الدسم ( خس ، خيار ، جزر ، بصل أبيض ، طماط )

العشا تونه محفوظه بالماي + خبز اسمر


ومرات اكل تفاحه خضرا ومرات موز واليوم قريت فالمنتدى ( يجب الابتعاد عن الموز والعنب !!! )

شو السبب يعني الموز ماينفع للرجيم ؟

وعزكم الله احس ياني امساك !!


رجاء اذا حد عنده رجيم احسن عن هذا لايبخل علي لأني احس ان الامساك بسبت الرجيم اللي اتبعه

اخوكم ra7al uae

16/15/2012

10:15 ص

ra7al uae
05-16-2012, 11:05 AM
السلام عليكم ورحمة الله وبركاته


انا طولي 182 ووزني 112 وعمري 21


شو اسوي ؟

ابا اضعف واوصل للوزن المناسب اعتقد 85كج


انا بديت برجيم من يوم الاحد 13/5/2012 وكان وزني 115 والبارحه الصبح وقفت ع الميزان .. اكتشفت ان وزني نزل ل 112 خخخ

بس فالليل طلعت ويا الشباب وكلت سمجه مقليه بدون عيش وخبز قلت مابخرب ع عمري .. عاد مادري شو صار بعد مارديت البيت شربت كوب حليب حسيت بتفاعلات كيميائيه فبطني خخخخ


الريوق 5 حبات بياض بيض وحده منهن كامله + كوب حليب طويل الاجل قليل الدسم

الغدا .. صدر دياي + خبز اسمر + صحن سلطه بروب قليل الدسم ( خس ، خيار ، جزر ، بصل أبيض ، طماط )

العشا تونه محفوظه بالماي + خبز اسمر


ومرات اكل تفاحه خضرا ومرات موز واليوم قريت فالمنتدى ( يجب الابتعاد عن الموز والعنب !!! )

شو السبب يعني الموز ماينفع للرجيم ؟

وعزكم الله احس ياني امساك !!


رجاء اذا حد عنده رجيم احسن عن هذا لايبخل علي لأني احس ان الامساك بسبت الرجيم اللي اتبعه

اخوكم ra7al uae

16/15/2012

10:15 ص



طبعا امشي كل يوم لمدة ساعه

Marwanjeeper
05-16-2012, 12:50 PM
وين تبا سمك وعقبه حليب مب تفاعلات وبس انفجارات واحتمال يطلع لك حبوب بالجسم هههههههههههههههههه.
ابدا لا تخلط السمج ويا حليب او لبن اومشتقاته :)

{آلخيآلـﮯ آلـεـينآوﮯ~‏●
05-16-2012, 04:03 PM
انا عمري 15 و وزني 119 و طولي 170 تقريبا

ابغي اسوي رجيم و ابغي اكون في الوزن المناسب بعد رمضان

ضبطولي رجيم حق اخر ثلاث اسابيع من المدرسه و شهر قبل رمضان و شهر رمضان

في هذه الايام ابغي اكون في الوزن المثالي

لو سمحتوا ابغي جدول بليييز ساعدوني

آلشهآمـہ
05-16-2012, 07:43 PM
السلام عليكم ورحمة الله وبركاته


انا طولي 182 ووزني 112 وعمري 21


شو اسوي ؟

ابا اضعف واوصل للوزن المناسب اعتقد 85كج


انا بديت برجيم من يوم الاحد 13/5/2012 وكان وزني 115 والبارحه الصبح وقفت ع الميزان .. اكتشفت ان وزني نزل ل 112 خخخ

بس فالليل طلعت ويا الشباب وكلت سمجه مقليه بدون عيش وخبز قلت مابخرب ع عمري .. عاد مادري شو صار بعد مارديت البيت شربت كوب حليب حسيت بتفاعلات كيميائيه فبطني خخخخ


الريوق 5 حبات بياض بيض وحده منهن كامله + كوب حليب طويل الاجل قليل الدسم

الغدا .. صدر دياي + خبز اسمر + صحن سلطه بروب قليل الدسم ( خس ، خيار ، جزر ، بصل أبيض ، طماط )

العشا تونه محفوظه بالماي + خبز اسمر


ومرات اكل تفاحه خضرا ومرات موز واليوم قريت فالمنتدى ( يجب الابتعاد عن الموز والعنب !!! )

شو السبب يعني الموز ماينفع للرجيم ؟

وعزكم الله احس ياني امساك !!


رجاء اذا حد عنده رجيم احسن عن هذا لايبخل علي لأني احس ان الامساك بسبت الرجيم اللي اتبعه

اخوكم ra7al uae

16/15/2012

10:15 ص

الغالي اول شي بالإرادة كل شي يصير شوف ماشاء الله عليك الغدا والعشى ممتاز بس عندي لك ملاحظة العشى بالليل مشلكة والأحسن ماتاكل شي بعد الساعة 7 المغرب يعني الأحسن انك ماتتعشى طول ولو يعت تروم تاكلك مثلا تفاحة خضرا او شقف أناناس أو حتى سلطة

الريوق قلل من البيض خلهن بيضتين ووعصير برتقال و مرتديلا بقري أو دجاج تركي


كثثر من الرياضه انته في البداية بتحتاج لرياضه وانا اشوف انك مش متين يعني بس مربرب والأحسن انك تزيد من الرياضه بدال الـ نص ساعه مشي خلهن 45 دقيقة مثلاً وكل يوم

لاتاكل مقالي وخاصة بالليل أبتعد عن الأكل بالليل ولو طلعت مع الشباب وماشي مجال اطلبلك سلطة وسندويجة وعصير



وصدقني تقدر توصل للـ85 بس شررط تلتزم بالرياضه هي أساس كل شي وتنظم أكلك


موفق

آلشهآمـہ
05-16-2012, 07:47 PM
انا عمري 15 و وزني 119 و طولي 170 تقريبا

ابغي اسوي رجيم و ابغي اكون في الوزن المناسب بعد رمضان

ضبطولي رجيم حق اخر ثلاث اسابيع من المدرسه و شهر قبل رمضان و شهر رمضان

في هذه الايام ابغي اكون في الوزن المثالي

لو سمحتوا ابغي جدول بليييز ساعدوني


نحن مانقدر نسويلك جدول غذائي تمشي عليه بس الي أقدر أقوله لك انه نظم أكلك بمعنى أبتعد عن المطاعم والعيوش والحلويات وكل شي فيه زيوت والمشروبات الغازية , حاول تسوي رياضة كل يوم مش بروحك وصدقني بتقدر تتجاوز البداية , البداية هي صعبة ولكن مع الأيام بيستوي شي روتيني وبتتعود على الحال وبتحس بفررق كبير عن قبل والي انت عليه


الأحسن انك تروح اي عيادة حكومية فيها دكتور تغذية بيسويلك جدول غذائي مرتب الي عليك تمشي عليه وتسوي رياضه وبس


موفق

آلشهآمـہ
05-16-2012, 07:53 PM
فيه واحد في الجيم نصحني أخذ ستريج من دكتور نيوترشن [ حمام سونا في بدلة ] صراحة نتائج قوية

انا استخدمة كل مره يوم بسوي فيها رياضة وبعد ماتخلصون بتشوفن انه جسمكم كلله عرق يمكن يغرقكم :aa_rain:


يشد الجسم بشكل مش طبيعي انصحكم تاخذونه


http://www2.0zz0.com/2012/05/16/15/182880887.jpg (http://www.0zz0.com)

من تاريخ 23\3 وانا استخدمه صراحه مافيه حيلة , :h3:


بـ 200 درهم

ra7al uae
05-17-2012, 10:04 AM
اخوي الشهامه شحالك ؟


الغالي كم كان وزنك قبل لا تضعف ؟

وشو سويت ؟ وشو كان نظامك الغذائي ؟


..


ولو ماعليك امر اباك تكتبلي الاكلات اللي مسموحلي اكلها وقت الرجيم !

لأني ملتزم بالرجيم اللي كتبته فوق وحارم عمري من باقي الاشيا واخاف هالشي يأثر ع صحتي وجسمي !

آلشهآمـہ
05-17-2012, 02:13 PM
اخوي الشهامه شحالك ؟


الغالي كم كان وزنك قبل لا تضعف ؟

وشو سويت ؟ وشو كان نظامك الغذائي ؟


..


ولو ماعليك امر اباك تكتبلي الاكلات اللي مسموحلي اكلها وقت الرجيم !

لأني ملتزم بالرجيم اللي كتبته فوق وحارم عمري من باقي الاشيا واخاف هالشي يأثر ع صحتي وجسمي !

بنعمه الغالي , علومك عساك بخير :25:

اول مابديت كنت 107 وحالياً 88 بس الرجيم كان ع فترتين مع الرياضة طبعاً


حالياً نظامي الغذائي يعتمد على الغدا بشكل كبير يعني لو ماتغديت ويوعت عمرك صدقني بتفتح عالعشى وهذا غلط

انا ماتريق طبعاً بحكم دراستي واني مش فالبيت بس فالغدا أكل صدر دجاج بس والله مادري إذا مقلي ولا مسلوق المهم مافيه زيت [ من مطعم السكن ] وسلطة و5 حبات تمر ولبن


العشى ماتعشى بس أكل شقف أناناس أشرب عصير مثلاً كل تفاحة خضرا مفيده وايد ويسد يوعك

هذا نظامي الغذائي من سبوع


قبل هالنظام بديت بداية ملتزم فيها وماكل خبز ابداً بعد شهرين من الإلتزام بديت اففتح شوي يعني بديت اكل خبز شربت مرتين يمكن غازات وكلت مرتين عيش وكنت أسوي رياضة كل يوم كان أووردي وزني ثابت على الـ90 بس بعد مابديت أسوي هالاشياء الي فوق زاد كيلوين وعززمت أرد ألتزم والحمدالله نتايج طيبه جداً حاليأً 88 ومتبع النظام الي كتبتلك فوق



انا أمشي على ورق بمعنى لو تشوف غرفتي فالسكن كها اوراق جداول وأشياء اكتب عليها ملاحظات وصورة واحد قبل وبعد يعني شي يشجعك لو حاولت تتكاسل


موفق

آلشهآمـہ
05-17-2012, 02:19 PM
حطوا هالقاعدة في بالكم زين :aa_tv:


رجيم + رياضة = ينقص الوزن
أكل عادي + رياضة = يثبت الوزن
أكل عادي بدون رياضة = يزيد الوزن


كل واحد يقدر يحدد هو شو يسوي أي قاعدة يتبع

ra7al uae
05-17-2012, 04:35 PM
بنعمه الغالي , علومك عساك بخير :25:


مديم ... طيبه طاب حالك

انزين اخوي كيف كان صدرك قبل؟

هل كان عادي ولا متين ومترهل ؟


انا عندي تضخم فالصدر بس مادري هل هو تضخم بسبت الدهون ولا جينو !!!

آلشهآمـہ
05-17-2012, 04:41 PM
مديم ... طيبه طاب حالك

انزين اخوي كيف كان صدرك قبل؟

هل كان عادي ولا متين ومترهل ؟


انا عندي تضخم فالصدر بس مادري هل هو تضخم بسبت الدهون ولا جينو !!!



كان متين وطايح , لكن الحين الحمدالله الأمور طيبة صدري صغر بشكل ملحوظ للعلم مالعلب تمارين بطن وصدر لكن من البدلة الي شتريتها من نيوترشن , وحتى منطقة الأرداف صغرن بشكل كبير والله والبطن بعد بس عندي الصدر شوي بارز يوم البس كندورة خفيفة مرة يبالي انقص وزن زيادة مع الرياضة

الأمور طيبه

ra7al uae
05-17-2012, 05:48 PM
كان متين وطايح , لكن الحين الحمدالله الأمور طيبة صدري صغر بشكل ملحوظ للعلم مالعلب تمارين بطن وصدر لكن من البدلة الي شتريتها من نيوترشن , وحتى منطقة الأرداف صغرن بشكل كبير والله والبطن بعد بس عندي الصدر شوي بارز يوم البس كندورة خفيفة مرة يبالي انقص وزن زيادة مع الرياضة

الأمور طيبه


انزين اخوي هالبدله وين القاها وبكم وشي مقاسات كبيره ولا؟

ra7al uae
05-17-2012, 08:30 PM
وبعد ما اضعف ان شاء الله

بتستوي فيني ترهلات ولا ؟

واذا هيه شو اللي لازم اسويه عشان اتجنب الترهلات ؟

عيناويه88
05-18-2012, 02:49 AM
وبعد ما اضعف ان شاء الله

بتستوي فيني ترهلات ولا ؟

واذا هيه شو اللي لازم اسويه عشان اتجنب الترهلات ؟

اخوي طبيعي جسمك يترهل اذا ضعفت

لكن اذا استمريت في الرياضه و السباحه بيشد الجسم

استمر في الدايت + الرياضه

ra7al uae
05-18-2012, 06:30 PM
اليوم كلت هامور مشوي كامل تقريبا كيلو + سلطه + زهره .


شو رايكم باللي سويته خخخ خربت ع عمري ولا ؟

عيناويه88
05-19-2012, 01:11 AM
دامك كلت مشاوي اكيد ماخربت

بس الزهره كان مقلي ولا مسلوق ؟

اذا مقلي خربت لانه يشرب زيت واااااايد

ra7al uae
05-19-2012, 09:11 AM
دامك كلت مشاوي اكيد ماخربت

بس الزهره كان مقلي ولا مسلوق ؟

اذا مقلي خربت لانه يشرب زيت واااااايد


مسلووق

انا قطعت عن المقالي والعيوش .. !!

zaid33
05-19-2012, 11:51 AM
السلام عليكم ورحمة الله وبركاته

:h3:الحمدالله من 10 ايام بديت اسوي رجيم نزلة تقريبا 5 كيلو

كنت 7 ايام اتريق توست ويا جبن قليل الدسم ومرات بيض مسلوق و الغدا صدر دياي(سمج) وشوي عيش (خبر) ويا سلطه و العشاء كان فاصوليا او فول وخفيت 3 كيلو ويا المشي تقريا 40 دقيقه باليوم

قبل 3 ايام غيرت شوي من الغدا استويت بس اكل صدر دياي وسلطه او سمج ويا سلطه والمشي 40 دقيقه لساعه نزلت 2 كيلو :aa_cup:

كان وزني 95 والحين 90 وانا ابي يكون وزني 80 اقل شي :aa_kashra::aa_england2:

عيناوي هايم
05-20-2012, 03:47 AM
وين تبا سمك وعقبه حليب مب تفاعلات وبس انفجارات واحتمال يطلع لك حبوب بالجسم هههههههههههههههههه.
ابدا لا تخلط السمج ويا حليب او لبن اومشتقاته :)

قبل كم يوم في دكتوره وضحت ان اذا شربنا حليب وكلنا سمك ما يأثر ابدا على جسم الانسان

فقط للي يعانون من حساسيه هم الي بيتأثرون فقط

آلشهآمـہ
05-20-2012, 06:06 PM
السلام عليكم ورحمة الله وبركاته

:h3:الحمدالله من 10 ايام بديت اسوي رجيم نزلة تقريبا 5 كيلو

كنت 7 ايام اتريق توست ويا جبن قليل الدسم ومرات بيض مسلوق و الغدا صدر دياي(سمج) وشوي عيش (خبر) ويا سلطه و العشاء كان فاصوليا او فول وخفيت 3 كيلو ويا المشي تقريا 40 دقيقه باليوم

قبل 3 ايام غيرت شوي من الغدا استويت بس اكل صدر دياي وسلطه او سمج ويا سلطه والمشي 40 دقيقه لساعه نزلت 2 كيلو :aa_cup:

كان وزني 95 والحين 90 وانا ابي يكون وزني 80 اقل شي :aa_kashra::aa_england2:

كفو عليك أخوي واصل

الوحداوي بوعوف
05-20-2012, 08:29 PM
وزني 98 كان

مع البرنامج الغذائي والرياضه

وصلت 93 خلال 3 اسابيع بس

يتني عصبه

وقطعت

ورد وزني ل 97 تقريبا

ببدأ مره ثانيه ان شاءالله

وهالمره لا تراجع ولا استسلام

طولي 178

وزني 97

ان شاءالله الوزن المطلووب 75

يعني لازم أتخلص من 22 كيلو !!

قددددها ان شاءالله

ra7al uae
05-20-2012, 09:03 PM
وزني 98 كان

مع البرنامج الغذائي والرياضه

وصلت 93 خلال 3 اسابيع بس

يتني عصبه

وقطعت

ورد وزني ل 97 تقريبا

ببدأ مره ثانيه ان شاءالله

وهالمره لا تراجع ولا استسلام

طولي 178

وزني 97

ان شاءالله الوزن المطلووب 75

يعني لازم أتخلص من 22 كيلو !!

قددددها ان شاءالله



اكيد قدها ..


والله يوفقنا

آلشهآمـہ
05-21-2012, 11:22 AM
موفق شد حيلك

zaid33
05-23-2012, 07:21 PM
شباب انا اليوم اشتريت البدلة التنحيف

اليوم مشيت نص ساعه وحسيت بتعب مره كاني ماشي ساعه

يوم بطلت البدلة حسيت نفسي خفيف

تنصحوني امشي 40 دقيقه يكفي باليوم لانه صدق تعب ويا البدلة؟

عيناويه88
05-23-2012, 09:04 PM
اممممم بخصوص البدله ما استخدمتها لكن الفكره منها انك تعرق وتحرق

شي طبيعي تتعب

الوصلاوي الأول
05-24-2012, 09:09 AM
اليوم الصبح جفت وزني ولله الحمد نزلت في هذا الشهر 4.8 كيلو جرام و باقي لي على الوزن الطبيعي 9 كيلوجرام تقريباً ..!

يالله توفيقك ..!

عيناويه88
05-24-2012, 02:12 PM
اليوم الصبح جفت وزني ولله الحمد نزلت في هذا الشهر 4.8 كيلو جرام و باقي لي على الوزن الطبيعي 9 كيلوجرام تقريباً ..!

يالله توفيقك ..!

ماشاء الله علييك .. شد حيلك هالشهر عشان تنزل و توصل للوزن اللي تريده

آلشهآمـہ
05-25-2012, 01:05 AM
شباب انا اليوم اشتريت البدلة التنحيف

اليوم مشيت نص ساعه وحسيت بتعب مره كاني ماشي ساعه

يوم بطلت البدلة حسيت نفسي خفيف

تنصحوني امشي 40 دقيقه يكفي باليوم لانه صدق تعب ويا البدلة؟

صدقني بتحس بفرق مع البدلة خاصة ف منطقة الأرداف وبتعرق بشكل مش طبيعي ,
خل مشيك 40 دقيقة ك حد أدني , وموفق عزيزي

ra7al uae
05-25-2012, 01:51 AM
السلام عليكم


مرحبا اخوي " الشهامه " شحالك ؟


اخوي شي مقاسات كبيره من هالبدله ولا ؟

وين يبيعونها فبوظبي؟

إلّ
05-25-2012, 03:32 AM
احسن رجيم انك تتعشى على تفاحه بس


هذي تجربه مفيده

آلشهآمـہ
05-25-2012, 03:51 AM
السلام عليكم


مرحبا اخوي " الشهامه " شحالك ؟


اخوي شي مقاسات كبيره من هالبدله ولا ؟

وين يبيعونها فبوظبي؟

شي
،xl
Xxl
Xxxl

ف دكتو، نيوترشن

w,d
05-28-2012, 03:40 PM
انا ابغئ انقص 3 كيلو بس مو قادره استغنئ عن السويت
وش الحل ؟؟

اكثر اكلي كله شوكلاتات حلويات المشكله الاكبر باليوم اذا ماكلت (( ايس كريم )) احس ناقصني شي ماستغنئ عنه
احلا شي فيني تركت السهر :aa_okik:

الوصلاوي الأول
06-22-2012, 09:25 AM
الحمدلله نزلت في هالشهر 4.1 كيلو جرام ودخلت في السبعين ..!

بإذن الله بوصل للوزن الطبيعي واحافظ عليه ..!

يا الله توفيقك ..!

عبود العيناوي
07-13-2012, 02:20 AM
يا جمااعه كيف امتن !!

سويت كل شي يخليني امتن ماشي فايده

طولي 167 الوزن 60
ابغي ازيد 7 كيلو ع الاقل ,,

البركان بااك
07-14-2012, 12:51 AM
السلام عليكم

شو احسن طريقة للتخلص من الكرشة :aa_kaaak:

الوزن يمرح و يسرح من 93 الى 92 و الطول 179

هل الجري يكفي مع تخفيف الاكل و لا لازم دايت في الاكل ؟

بوسيف77
07-14-2012, 07:15 PM
الله يوفقكم

zaid33
08-02-2012, 05:47 AM
السلام عليكم

الحمدالله من شهرين ونص بديت الرجيم :aa_argentina2:

كان وزني 94 والحين 79 وجاري التنزيل ل 75 :aa_fa9l:

ṧђωά5ά ✿
08-02-2012, 06:59 PM
السلام عليكم
موضوع جميل ~

عن نفسي أبا أضعف
طولي: 158
وقال لي الدكتور إن الوزن المثالي لازم يكون 58
وحاليا وزني 70 خخخ طوفوا طوفوا

وقبل كان وزني 68
والدكتور عصب من هالزياده والله رحمته زين ما استوى به شي هههه

طبعا سبب زيادة وزني : الأكل الغير منتظم
بالذات فالمدرسه
كل يومين فالاسبوع لازم إنييب أكل

وأرد البيت ارقد ع بطن متروس

واتعشى عقب الساعه 8 وهالشي غلط مثل ما قال لي الدكتور

وبخصوص النادي كنت مسجله فيه بس الدكتور منعني
وقال لين أنزل وزني واوصل مرحلة تثبيت الوزن
لان في حالة دشيت النادي العضلات بتنشد و بيزيد الوزن

ونصحني بالمشي كل يوم لمدة 45 دقيقة

المهم الحين !!

سحبت ع الدكتور ومن فترة ما رحت له
و
حاليا نحن فرمضان يعني خاربه خاربه [ سهر وأكل ] والخ
و
ما أمشي
و
ما اشرب ماي وايد خخخ

ابا اسوي رجيم من عندي ما اريد اتبع إلي يقوله الدكتور
فأفكر إني قبل الفطور امشي شوي
وافطر شوربه
عقب آكل سلطه وصدر ديايه
وبس

شرايكم ؟
مناسب هالريجيم لشهر رمضان ولا ؟
مناسب هالرجيم لرمضان ولا

:aa_argentina2:

الجزراوي الغاوي
09-06-2012, 12:05 PM
السلام عليكم

الحمدالله من شهرين ونص بديت الرجيم :aa_argentina2:

كان وزني 94 والحين 79 وجاري التنزيل ل 75 :aa_fa9l:

الله يرحم والديك عطني الجدول ومن الحين ببدأ فيه !

دايما ادور على جدول مجرب من شخص

انا وزني 93 وطولي 177

ابي انزل 15 كيلو خلال شهرين

عيناوي THE BOSS
09-06-2012, 01:26 PM
انا طولي 173
ووزني78

أبا أنقص 8 كيلو بس
كان حد عنده جدول بسيط ...جزاكم الله خير

ع'ـيؤؤؤز م'ـلقؤؤؤفة
09-06-2012, 06:01 PM
أنـآ طوليـه 161 .. و وزنيـه 43 بعد مآ كآن 49 وطبعآ قابل للنقصان ف أي وقت << يالسه ابيع شو :bli:

المهم كيف امتن احينه <:aa_cool:>

عقب بتخبركم شقايل اسوي رجيم :t8wem2:

عيناوي THE BOSS
09-06-2012, 11:52 PM
أنـآ طوليـه 161 .. و وزنيـه 43 بعد مآ كآن 49 وطبعآ قابل للنقصان ف أي وقت << يالسه ابيع شو :bli:

المهم كيف امتن احينه <:aa_cool:>

عقب بتخبركم شقايل اسوي رجيم :t8wem2:



عاد كيف أمتن هاي أسهل شي
كلي ورقدي 

ع'ـيؤؤؤز م'ـلقؤؤؤفة
09-07-2012, 12:31 AM
عاد كيف أمتن هاي أسهل شي
كلي ورقدي 
هيه عسب اكورش هاآ الي قآصر صلب و فيـه كرشه ..!! :hehe:

بس مع ذلك مآ ينفع انآ آكل(وآيد<< على قد معدتيه يعني :h3:) بس مآ يتم ف بطنيه غير سآعه بالكثير..! :aa_Sanson:

عطنيه حـل ثآني لا أهفك آحينه بملاس آرفع عن رآسك ..! :aa_frwon: :t8wem2:

سعودية ودم قلبي إماراتي
09-07-2012, 04:27 PM
أنـآ طوليـه 161 .. و وزنيـه 43 بعد مآ كآن 49 وطبعآ قابل للنقصان ف أي وقت << يالسه ابيع شو :bli:

المهم كيف امتن احينه <:aa_cool:>

عقب بتخبركم شقايل اسوي رجيم :t8wem2:




لا لا ماأصدق وناسه في أحد نحيف مثلي :naks:
لا بعد ماشاء الله أنا أسمن منك وزني 45 بس أنا لايق علي لأني مو طويله
الله يحفظها علي من نعمه :redface:

ياجده وش تبين بالسمنه الرشاقه ( قصدي العصاقيل ) حلووووووه :hehe:

سعودية ودم قلبي إماراتي
09-07-2012, 04:53 PM
راح أنقل لكم تجربة وحده من معارفي وإن شاء الله تستفيدون منها

هالبنت هذي كانت سمينه مره والحين ماشاء الله تبارك الله جسمها روعه ومشدود لا ترهلات ولا شي
وبرنامجها سهل مايبيله شي >> أخلصي عليناالزبده:madi:

تقول أكلي مثل ماهو ماأحرم نفسي من شي بس أقلل الكميه للنص
والسلطه أهم شي وتكون قبل الأكل يعني كثروا منها لو تاكلون قدر سلطه مافي مشكله يكون أفضل :h3:
أما العشاء زبادي أو تفاحه بس
والماء مهم جداً جداً تشرب جوالين ماء >>مبالغه " لاتصدقون كل شي عاد ثم تتفجر بطونكم وتغرقونا بالطوفان:aa_Swim2:

والسر الخطير بالموضوع كله

رياضة المشي يومياً ساعتين باليوم
ساعه الصبح وساعه بعد العشاء
واللي فيه حيل يهرول يكون أفضل
بس أنتبهوا المشي مايكون أي كلام لا لازم يكون المشي سريع
عشان يذيب السليوليت ويشد الجسم

وبسسس
سوري على الحوسه مارتبت الموضوع لأني أكتب وأنا مستعجله ماصليت

ع'ـيؤؤؤز م'ـلقؤؤؤفة
09-08-2012, 12:37 AM
لا لا ماأصدق وناسه في أحد نحيف مثلي :naks:
لا بعد ماشاء الله أنا أسمن منك وزني 45 بس أنا لايق علي لأني مو طويله
الله يحفظها علي من نعمه :redface:

ياجده وش تبين بالسمنه الرشاقه ( قصدي العصاقيل ) حلووووووه :hehe:

خخخ آخآف على جمـآليه يذبل:aa_blush: يآ حفيدتيه القزمة والسلقه :aa_eeeh:

عيناويه88
09-16-2012, 01:01 AM
انا ابغئ انقص 3 كيلو بس مو قادره استغنئ عن السويت
وش الحل ؟؟

اكثر اكلي كله شوكلاتات حلويات المشكله الاكبر باليوم اذا ماكلت (( ايس كريم )) احس ناقصني شي ماستغنئ عنه
احلا شي فيني تركت السهر :aa_okik:

الله يهديج اختي ><

نظرا لعمرج انتي الحين حرمه ..المفروض تحاسبين على نفسج من هالاكل السقم

مب شرط يزيد الوزن لكن اصلا مامنه فايده .. الايسكريم و الحلويات لها اوقات و حق مزاج مب اكل يومي

انتي الحين في امس الحاجه للاكل الصحي >< لو انتي جدامي بذبحج ههههههههههه

كلي من اكل البيت ترا اكل البيت وايد يستهينون فيه لكن عالاقل الزيت يستخدم مره وحده مب شرات زيت المطاعم و الكفتريات

فيه نصيحه سمعتها من دكتور .. قال اول شي تسويه عشان ينزل وزنك ( تتخلص من الاكل الي تحبه ) فيه ناس ياكلون برتقال يوميا و كان هو السبب في زيادة وزنهم ... تتخيلين هالشي !!

خلي عندج اراده .. حلاة البنت يكون جسمها متناسق مب شرط جمييل و جسم كيم كارداشيان

بوصقر الكندي
12-05-2012, 04:30 PM
كان وزني 81 و نزلت لين تقريبا 74.7
حاليا وزني 77 !

m ـــاريو
12-06-2012, 11:22 AM
الدوآآم حرمني من الجيم فترة طويلة ..

من رمضان ما رحت الصالة ..
كل يوم أرجع من الدوام هلكان وما فيني طاقة ..

الحين أفكر أرجع للجيم .. من يوم الأحد الياي إن شاء الله ..

وزني 78 وثابت من رمضان .. بس اللياقة زيرو ..

فلاسية أصلية
12-06-2012, 04:11 PM
ما تلاحظون ان الوزن يزيد في الشتاء
وتقل شرب السؤائل ؟؟؟

windows 7
12-07-2012, 01:40 AM
ما تلاحظون ان الوزن يزيد في الشتاء
وتقل شرب السؤائل ؟؟؟

فالشتاء يزيد الجوع وبدل ماتعزم اربعه اعزم اثنين:aa_homeless:

فلاسية أصلية
12-07-2012, 09:54 AM
فالشتاء يزيد الجوع وبدل ماتعزم اربعه اعزم اثنين:aa_homeless:



صحيح يزيد الاكل
:mac:

بو ملاك
01-03-2013, 07:02 PM
يا جماعة دخيلكم عطوني جدول
لكن بشرط يكون فيه عيش يوميا

أنا ما اكل مأكولات بحرية

طولي 1.64
وزني 76
عمري 25
أنا كنت محافظ علئ وزني 55 بس بعدما عرست زدت 20
كيلو
حاليا داخل جم بس ماشي فائدة

متغربلة علومي
02-18-2013, 07:03 PM
فيني فققر دم وضعيفه .,
الله كرييم.,
أبآأ أمتن 10 كيلوو .., إحينهه طولي 157 و وزني 39

Adsense Management by Losha