مشاهدة النسخة كاملة : - العزوف الجماهيري عن المدرجات : أسبابه ، إقترحات .. شـاركونـا -


WLD UAE
06-04-2011, 08:33 PM
الّسلـآمُ عَلَيْكُم و رحمةُ اللهِ و بركآتهِ

عساكم طيبين ؟

خلص الدوري و المواضيع شكلها بتقل طبعاً المهم ، خلص الدوري و سنة أخرى من عزوف الجماهير عن مدرجات الأندية بإستثناء ناديي العين و الجزيرة ، فـ نادي الجزيرة أكثر نادي أشتغل هالسنة في جميع النواحي و من بينها جذب الجماهير لين ما وصل أن الجمهور يترس الطابق الأول تقريباً حتى لو وافدين أو اجانب أو أسيويين المهم عندنا شكل الملعب مترووس و في أهازييج و حماس بدل المدرجات الفاضية ، المهم حبيت أنزل موضوع يفيدنا شوي عن أسباب عزوف الجماهير و إقتراحات لزيادة التوافد الجماهيري للملاعب


زاوية لنادي الجزيرة

http://sports.maktoob.com/imgs/News/122843/Feature.jpg

نادي الجزيرة هالسنة يعتبر أفضل نادي في الإمارات من جميع النواحي و أنا ما أتكلم عن مستوياته في الملعب لان الكل بيقوم علي و بيقول أنه في دوري أبطال أسيا فشلونا ، المهم محد ينكر شغل إدارة الجزيرة هالسنة و السنوات السابقة لكن هالسنة حدثت طفرة كبيرة للنادي في جميع النواحي و خصوصاً ناحية البطولات حيث حقق بطولة الدوري و بطولة كأس رئيس الدولة و ما أتى هالإنجاز من فراغ بل شغل 10 سنوات " لايوجد شيء يأتي من فراغ" و قبل تحقيق الإنجاز تم وضع جوائز و حوافز للجمهور الجزاروي الحاضر في تحفة الملاعب أستاد محمد بن زايد من جوائز مالية و سيارة فيراري و أفضل مقعد في الإستاد وغيرها من الحوافز و نجح النادي في أنه يجذب الجمهور

http://cdn-wac.emaratalyoum.com/polopoly_fs/1.377568.1302019575%21/image/4005280569.jpg

أسباب عزوف الجماهير ( في نظري) ـ
1- أقامة المباريات في أيام الدوامات
2- إقامة معظم المباريات في وقت غير مناسب
3- أسعار التذاكر (أغلب الجماهير من فئة دون 18)ـ
4- الكراسي مولية و أغلب الكراسي غير صالحة للجلوس
5-ضعف المستوى الفني للأندية
6- عدم توفر خدمات للجمهور
7-النقل التلفزيوني وطبعاً أقصد المعلقين (فارس عوض)ـ

شاركونا بالمزيد من الأسباب

إقتراحات لجذب الجماهير
1- زيادة الخدمات للجماهير ( مقاهي- كافتيريا)ـ
2- صيانة دورية للمدرجات و خصوصاً الدرجة الثانية
3- خفض أسعار التذاكر لتناسب من هم دون 18
4- جعل التذاكر مجانية في بعض المباريات القوية
5- تغير جدول الدوري من ناحية الوقت
6- إقامة المباريات في الإجازة و أفضل يوم هو السبت لأن الكل يطلع الخميس و الجمعة
7-حوافز مادية للجماهير
8- التعاقد مع لاعبين عرب


شاركونا بالمزيد من الإقتراحات

____________________________________________

قبل مدة قريت مقال في إمارات اليوم عن فكرة لحل العزوف الجماهيري و بيفيدنا في نفس الوقت و هو التعاقد مع أبرز اللاعبين العرب لأن ماشاء الله الوافدين مب مقصرين فالبلاد و أتوقع هذا بيفيد الأندية يعني مثلاً التعاقد مع أبو تريكة أو أي لاعب له وزنه في بلده لأن يوم الأهلي تعاقد مع حسني عبدربه شفنا حضور من الأخوة المصريين و هذا أكيد بيساهم في نجاح فكرة جذب الجمهور

____________________________________________

http://www.alainfc.net/images/news/2009-10-22332-l.jpg
http://www.hebsi.com/up//uploads/images/hebsi-7684553dfa.jpg

متى نشوف المباريات شرات أي دوري ثاني من حيث الجماهير و متى نشوف قواعد الجماهير العريقة مثل الشارجه و الشباب و الأهلي و الوصل والوحدة و النصر يرجعون للمدرجات حتى لو نادييهم ماينافس

العين خارج الحسبة طبعاً لأن الجماهير مش مقصرة نادي هالموسم مر في كثير من الظروف الصعبة لكن الجمهور وقف وقفة رجال و صدقوني لو أي نادي ثاني الجمهور بيقاطع النادي (صارت في أغلب الأندية)ـ


بأنتظار مشاركاتكم :aa_heart2:ـ

MR. THE KING
06-04-2011, 08:46 PM
انا اشوف ان هذا العزوف طبيعي !

لأن اول شيء لا ننسى ان شعب دولة الامارات يتكون من 800 ألف نسمة تقريبا .. اللي هم المواطنين

انزين الـ800 الف منهم الشواب و منهم الحريم و منهم الوصلاوي و الشرجاوي .............

سؤال ؟ ليش نهائي كأس رئيس الدولة يكون فيه الحضور بشكل كبير ؟ بكل بساطه انه مختلف جماهير الاندية تكون حاضره يعني لو فقط حضر جماهير الفريقين ما اتوقع بنشوف كل هالحضور

الحل ؟

من وجهة نظري ان حضور الجماهير المواطنين جيد لأن هذا عددهم و هذه ميولاتهم للأندية
يجب على جميع الاندية ان تخطوآ خطوات نادي الجزيرة

و يعملون على تحفيز الجماهير الوافده .. لان هذه الخطوه ايجابية وشفنا تأثيرها على نادي الجزيرة و جمالية الحضور

و في النهاية اتمنى من كل الجماهير مساندة انديتها من اجل سمعة الدوري الإماراتي

WLD UAE
06-04-2011, 08:51 PM
انا اشوف ان هذا العزوف طبيعي !

لأن اول شيء لا ننسى ان شعب دولة الامارات يتكون من 800 ألف نسمة تقريبا .. اللي هم المواطنين

انزين الـ800 الف منهم الشواب و منهم الحريم و منهم الوصلاوي و الشرجاوي .............

سؤال ؟ ليش نهائي كأس رئيس الدولة يكون فيه الحضور بشكل كبير ؟ بكل بساطه انه مختلف جماهير الاندية تكون حاضره يعني لو فقط حضر جماهير الفريقين ما اتوقع بنشوف كل هالحضور

الحل ؟

من وجهة نظري ان حضور الجماهير المواطنين جيد لأن هذا عددهم و هذه ميولاتهم للأندية
يجب على جميع الاندية ان تخطوآ خطوات نادي الجزيرة

و يعملون على تحفيز الجماهير الوافده .. لان هذه الخطوه ايجابية وشفنا تأثيرها على نادي الجزيرة و جمالية الحضور

و في النهاية اتمنى من كل الجماهير مساندة انديتها من اجل سمعة الدوري الإماراتي



عزوف طبيعي أن مباراة بس الدرجة الأولى فيها الجمهور لا و نص المدرج يكون فاضي ؟

يعني مثلاً نادي الشارجه معروف و ما يحتاي نقول ونتكلم جمهور الشارجه من أيام زمان معروف و هالموسم يقدم مستويات لا بأس فيها و هو النادي الوحيد من الإمارة حالياً و مع هذا نشوف الحضور قليل

تبي تشوف جمهور الشارجه شوف مبارياته مع الشعب

هذا هو الجمهور الشرجاوي

SO
06-04-2011, 08:57 PM
كلامك كبير ياخوي وجميل



في نظري السبب الاول والاخير اتحاد الكره

الصراحه حتى الان ليست هناك كره حقيقيه في الامارات

الحل الوحيد تغير الاتحاد

شرجاوي 16
06-04-2011, 09:01 PM
جماهير العين والشارقة تمتلك قاعدة جماهيرية كبيرة جدا

جمهور العين هو افضل جمهور حاليا والسبب معروف .. بطولة اسيا اللي خذاها .. كل انحاء الدولة بالاضافة الى جماهير الخليج يشجعون العين ..

وجمهور العين هو الجمهور الوحيد هذا الموسم اللي يحضر باستمرار على الرغم من النتائج السيئة .. وكذلك العين تقريبا هو النادي الوحيد الثابت في المنافسة على البطولات .. هالسنة وصل نهائي كأس الاتصالات وخرج من بطولة كاس رئيس الدولة بقرار من الاتحاد (يعني منافسة كل سنة)

جمهور الشارقة منذ عام 2007 .. قل حضوره بشكل لا يوصف .. والسبب : المستوى السيء والخروج مبكرا من بطولات الكاس والحفاظ على المراكز الدافئة في الدوري .. لكن حاليا الشارقة يمشي في الطريق الصحيح كما يمشي الوصل والعين .. والموسم القادم سيكون موسم قوي جدا بعودة كبار دورينا .. واتوقع الموسم القادم سيكون افضل حضور جماهيري لاغلب الفرق واولها العين والشارقة والوصل ..

MARIO
06-04-2011, 09:04 PM
السبب الرئيسي : توقفات الدوري لفترات طويلة

شريان عيناوي
06-04-2011, 09:09 PM
أنا في نظري السبب الأهم هو توقف الدوري اللي خلا يفقد متعته
وحتا مستوا الفني صار يهبط

&الكثيـــري&
06-04-2011, 09:14 PM
الاسباب: ضعف المستوى الفني والتوقفات الكثيرة واوقات بعض المباريات تكون غير مناسبة

EL DON
06-04-2011, 09:29 PM
بختصرها لك

جماهير الانديه تحظر اذا فريقها ينافس علي البطوله ..
اذا فريقها مايادي ولا شي .. الجمهور مختفي ..

يعني جمهور فوز


جمهور الامه العيناويه اثبت للكل انه رقم 1 في وقت الشده وقت القوه.. حظر للفريق وهو في اخس واضعف واتعس مستوي .. وفوق هذا الي حاظر من جمهور الامه مايوصل ربع جمهور الامه العيناويه الي معروووووووفه
ف السابق

البادي اظلم
06-04-2011, 09:33 PM
انا اشوف ان هذا العزوف طبيعي !

لأن اول شيء لا ننسى ان شعب دولة الامارات يتكون من 800 ألف نسمة تقريبا .. اللي هم المواطنين

انزين الـ800 الف منهم الشواب و منهم الحريم و منهم الوصلاوي و الشرجاوي .............

سؤال ؟ ليش نهائي كأس رئيس الدولة يكون فيه الحضور بشكل كبير ؟ بكل بساطه انه مختلف جماهير الاندية تكون حاضره يعني لو فقط حضر جماهير الفريقين ما اتوقع بنشوف كل هالحضور

الحل ؟

من وجهة نظري ان حضور الجماهير المواطنين جيد لأن هذا عددهم و هذه ميولاتهم للأندية
يجب على جميع الاندية ان تخطوآ خطوات نادي الجزيرة

و يعملون على تحفيز الجماهير الوافده .. لان هذه الخطوه ايجابية وشفنا تأثيرها على نادي الجزيرة و جمالية الحضور

و في النهاية اتمنى من كل الجماهير مساندة انديتها من اجل سمعة الدوري الإماراتي



حتى لو كان التعداد السكاني ضعيف ,

بس في 2003 و 2004 و 2005 كنا نشوف حضور جماهيري كبير وخصوصاً من اي فريق ينافس , والوحدة كانت جماهيره ذاك الوقت كبيرة

حتى الحين جماهيره كبيرة بس متوزعين في مناطق بعيدة عن الملعب وما يحضرون الا وقت المبارايات الكبيرة


انا بقولكم شيء , لو كل واحد يحضر لناديه وما يهتم لغيره , بنشوف الملاعب مليانة حتى أخر مقعد في كل المباريات


اذا كل واحد ما يهتم بالمباراة الي بيحضرها بس اهم شيء يحضر أكيد الملاعب بتنترس في كل مباراة

جمهور الوصل في النهائي مثلاً يترس الملعب صح ؟

ليش لأنه نهائي والجماهير الوصلاوية بتحضره , بس لو كل واحد فيهم يحضر في اي مباراة بتحصل كل مباراة للوصل مثل النهائي

بس العقلية تختلف ولازم نطور أكثر

وانا لاحظت هاذا الشيء في العين حالياً بدأ يزداد حضوره نفس وان شاء الله الموسم الجاي نشوفهم مثل 2003 بأذن الله تعالى

SO
06-04-2011, 09:33 PM
جماهير العين والشارقة تمتلك قاعدة جماهيرية كبيرة جدا

جمهور العين هو افضل جمهور حاليا والسبب معروف .. بطولة اسيا اللي خذاها .. كل انحاء الدولة بالاضافة الى جماهير الخليج يشجعون العين ..

وجمهور العين هو الجمهور الوحيد هذا الموسم اللي يحضر باستمرار على الرغم من النتائج السيئة .. وكذلك العين تقريبا هو النادي الوحيد الثابت في المنافسة على البطولات .. هالسنة وصل نهائي كأس الاتصالات وخرج من بطولة كاس رئيس الدولة بقرار من الاتحاد (يعني منافسة كل سنة)

جمهور الشارقة منذ عام 2007 .. قل حضوره بشكل لا يوصف .. والسبب : المستوى السيء والخروج مبكرا من بطولات الكاس والحفاظ على المراكز الدافئة في الدوري .. لكن حاليا الشارقة يمشي في الطريق الصحيح كما يمشي الوصل والعين .. والموسم القادم سيكون موسم قوي جدا بعودة كبار دورينا .. واتوقع الموسم القادم سيكون افضل حضور جماهيري لاغلب الفرق واولها العين والشارقة والوصل ..


ااااااااااااه على ايام جمهور الشارجه

اتمنا عوده الكبار فقط ... وسيبدا عصر دوري المحترفين على اصوله

العيناوي 700
06-04-2011, 09:35 PM
السبب بالمدرجات مثال مدرجات نادي العين يوم مباراة منتخب الإمارات فستاد خليفة بن زايد الدرجة الثانية خايسات تراب ووسخ لو يكون احسن لو يعتنوبهن أكثر .
ثانياً التوقفات الكثيرة والتي أثرت على الفرق فنيا ونفسيا , وعدم توفر الخدمات المهمة الصراحة مثل المطاعم وغيره ..

لان الناس مش فاضين يسرون الملعب , والله ياخي بكل صراآحة وشفافية , وعدم تفيج اللآبائ للأصطحاب أبنائهم إلى الملعب يعني بعض الآباء .

بعض الناس كلهم فدواماتهم وخاصتن الآباء أل يروح السبت ومايرد ال الخميس .

عدم توفر الجو المناسب خاصتن الأجانب للجلوس فالملعب .
ضعف مستوى فرق الدوري منها الشارجة اولنصر والأهلي والوصل الوحدة .

والله لو تشوفون مباريات الوحدة الملعب مــــــــــــــــيـــــــــــت , هدوء وصمت تقول فكهف , ماتسمع غير صوت الاعبين والمدربين .

جمهور الشارجة مات .

ودمتم سالمين~

كلاشن عيناوي
06-04-2011, 09:51 PM
كل سنه بترمسون عن هالموضوع يعني ماتعرفون شو السبب
هو مافي غير سبب واحد والسبب واضح للجميع

لاتقول مقاهي وكراسي خايسه او النقل التلفزيوني او وقت المباره غلط
جماهير الانديه جماهير فوز فقط وقت الفوز بتحضر وقت الخساره ماتحضر
رجعو كم سنه ورا
سنه 2007 الوصل حقق الثنائيه والجماهير كانت تحضر وايد
2009 الاهلى اول بطل دوري محترفين والجماهير تحضر
2010 الوحده بطل الدوري والجماهير تحضر
والحين الجماهير وينها ليش ماتحضر؟
.......
طبعا الموضوع مايرمس عن جماهير العين يرمس عن جماهير الانديه الثانيه

Khaled
06-04-2011, 10:05 PM
سبب العزوف .. :-
دورينا ضعيف
الأندية صاحبت اكبر عدد من الجماهير لا تنافس ، لكي تحفز باقي الفرق بحضور جماهيرها
الأجواء لا تناسب أحد ، حر موت ورطوبة
فوق كل هذا مافي دورات مياه مافي خدمات للجمهور ، اماكن بيع المأكولات .. إلخ
ملعب الوحده ، مافي جمهور يمكن 10 أشخاص >> الامن يلعوزك ويفتشك قطعه قطعه جنك ياي تفجر شيء
هالسنة بالذات جدول المباريات في وسط الاسبوع وسط الدومات .
الجماهير يبون محفزات مادية .. بدال ما النادي هو اللي يحصل فلوس من الجماهير .،. الجماهير يبون فلوس

اما اقتراحاتي هذا يباله رد ثاني .. لو عاش الموضوع راح ارد إن شاء الله
تحياتي لك .

تـقـوى الـهـجـر
06-04-2011, 10:11 PM
http://www.mltqa.com/up//uploads/images/mltqa.com9bd13ee217.jpg (http://www.mltqa.com/up//uploads/images/mltqa.com9bd13ee217.jpg)

بالنسبه لجمهور فريقي


فــ 16 سنه


من الابتعاد عن البطولات


كفيله بأن تبعدهم عن الحضور للمدرجآت !


هبوط الفريق موسم + الاقترآب الشديد من الهبوط ف اول سنه محترفين + و الوقوع ف دآئرة الهبوط هذا الموسم !


كفيله بأن تبعدهم عن الحضور للمدرجآت !


وكفيله بأن تمحي ثقة الجمهور بالفريق !


لآنريد ف الفتره الحاليه الكثير من الفريق


نعلم ان الميزآنيه صفررر ع الشمآل


نعلم ان هنآك عوآئق تخرج ف وجه الاداره من فتره لفتره


لآكن


نطالب اللعيبه بـأن يلعبوا بروووح فأن توفرت هذه الروح


فاليعلموا اننآ سنزداد من جوله لجوله ومن موسم لموسم ولن ننظر للنتآئج ان كآنت سلبيه او ايجابيه !


لآكن على روح مباراة دبي و الوحده


فأقول وكلي ثققققققه وررغم حضوري لجميع مباريات الفريق هذا الموسم ف ملعبنا


يحلمووون بالجمهور الكبير يحلموووون !!


ليش نروح بعيد


موسم 2008


الفريق طلع من جميع البطولات وترتيبه كآن الرآبع بس كآن شي حمآآآآس مش طبيعي من اللعيبه ومتعه ف اللعب


والمحصله ( لقب الشيخ مآيد لأفضل جمهور ف الدوله ) !


طبعاً كل هذا الكلام بكوم


وتوقيت المباريات بكوم


وايقاف الدوري بالشهور بكوم


منع المآي وبآقي المشروبات بكوم


وحتى المنآسبه الوحيده الي الجمهور كآن يحضر عشآنها حتى لو مآتوافرت كل هالعوامل


الي هو الديربي


طآر ف الهوى


http://www.youtube.com/watch?v=1h2QKKky16Y&feature=related


شوفوا الجمهور من الطرفييييييين >> يتجاوزون ال 10 آلاف بالراحه !:aa_trs:


مادري متى هالعوامل كلها بتطيييييييير ويرجع جمهور الملللك الرهيييب الخططييير :uns: !



همسة : بعد سالفة رونالدينهو سمعت ان شي شباب بيخيمون عند النادي من الحين للموسم الجآٍي :aa_athwal:

:. وحــــداوي _ وافتخر .:
06-04-2011, 10:54 PM
اولا: ترى عدد المواطنيين مايتعدى مليييون فلا تتوقع تشوف حضور جماهيري كبيير نفس باقي الدوريات
ثانيا: كثرة التوقفات في الدوري والي ماتخلص تخلي الوااحد يممل ويقل عنده الحماس
ثالثا: واهم شي هو ان كل جماهير انديتنا ماتحضر "بكثافه" الا يوم يكون فريقها ينافس وكل الانديه وبدون استثناء

مشكلة الجماهير ماظني تنحل ونشوف ملاعبنا ممتلئه نفس الدوري السعودي مثلا
لان عندكم الدوري القطري من افضل الدوريات اجانب على مستوى, التسهيلات الي تتوفر لحضور الجماهير
وكل العوامل متوفره ولكن حالهم من حالنا مانشوف ذاك الحضور القووي عندهم

انا بتكلم عن جماهير الوحده :
http://www5.0zz0.com/2011/06/04/18/187833166.jpg (http://www.0zz0.com)
معروووفه عندنا مشكلة الباركنات والي صارلها سنيين مانحلت
والجماهير تعيد وتزيد في هالنققطه والاداره لا تحرك ساكن
مب سببب رئيسي ولكن من اهم الاسباب وجماهيرنا ادرى بها
وانا اعتقد لو انحلت بنشوف اقبال جماهيري اكثر

ومانسى اسوء موسم للعنابي وكان في المراكز المتأخره وينافس على الهبوط
وجماهيرنا كانت تحضضر وتساند الفريق والكل كان يشيد بجماهير

شرجاوي 16
06-05-2011, 12:10 AM
معروووفه عندنا مشكلة الباركنات والي صارلها سنيين مانحلت
والجماهير تعيد وتزيد في هالنققطه والاداره لا تحرك ساكن
مب سببب رئيسي ولكن من اهم الاسباب وجماهيرنا ادرى بها
وانا اعتقد لو انحلت بنشوف اقبال جماهيري اكثر

ومانسى اسوء موسم للعنابي وكان في المراكز المتأخره وينافس على الهبوط
وجماهيرنا كانت تحضضر وتساند الفريق والكل كان يشيد بجماهير



نحن من الف سنة نطالب بمدرجات يديده .. فما بالك بالاشياء الاخرى

بعدين تعال ..

فريقكم لعب فالعالمية .. كاس العالم للاندية .. قبل كم شهر

وانت تقول جماهير الوحدة تحضر وقت منافستكم عالهبوط

نادي الشارجه او العين لو وصلوا للعالمية جان شفت جماهيرهم تحضر ل 20 سنة قادمة

شرجاوي 16
06-05-2011, 12:13 AM
http://www.youtube.com/watch?v=1h2QKKky16Y&feature=related



كان اقوى ديربي في الامارات من كل النواحي

~~ALAIN99~~
06-05-2011, 12:32 AM
في البداية لك الشكر والتقدير على الموضوع المهم

---------------------------------------------------------

في رائي المتواضع :
1) عدم توفر خدمات راقية تجعل الشخص يترك (الكوفي / البيت / الخيمة ) وياتي للحضور

2) قرار بسيط زيادة نسبة 10% الممنوحه للفريق الضيف والاهم ايضا اعطائه مكان مناسب (نصف الملعب وليس خلف المرمى ) وهذا أهم قرار ممكن ان يزيد النسبة

3) تعديل الملاعب وجعلها على المستوى العالمي ( انتهى زمن الملاعب البيضاوية يا جماعة )

4) اتنمى من ادارة العين الرجوع الى استاد خليفة ولكن قبل ذلك جعل الدرجة الاولى (امام المنصة ) قريبة من الملعب وايضا يتم زيادتها الى 20 او 40 خط وليس 10 كما هو الان

5) والاهم ايضا هناك تجربة حققت النجاح (الجزيرة ) يجب الاستفادة من هذه التجربة


اكرر شكري وبالتوفيق للجميع

الاخطبوط بووول
06-05-2011, 01:44 AM
ياجماعة الخير جماهيرنا ما عندها حب الغيره على الشعار . جماهيرنا جماهير فوز وبس , طبعا انا هني ما اتكلم عن جمهور الزعيم لانه جمهور الزعيم اثبت للكل حبه وغيرته على شعار ناديه

almasafr
06-05-2011, 02:12 AM
في البداية لك الشكر والتقدير على الموضوع المهم

---------------------------------------------------------

في رائي المتواضع :
1) عدم توفر خدمات راقية تجعل الشخص يترك (الكوفي / البيت / الخيمة ) وياتي للحضور

2) قرار بسيط زيادة نسبة 10% الممنوحه للفريق الضيف والاهم ايضا اعطائه مكان مناسب (نصف الملعب وليس خلف المرمى ) وهذا أهم قرار ممكن ان يزيد النسبة

3) تعديل الملاعب وجعلها على المستوى العالمي ( انتهى زمن الملاعب البيضاوية يا جماعة )

4) اتنمى من ادارة العين الرجوع الى استاد خليفة ولكن قبل ذلك جعل الدرجة الاولى (امام المنصة ) قريبة من الملعب وايضا يتم زيادتها الى 20 او 40 خط وليس 10 كما هو الان

5) والاهم ايضا هناك تجربة حققت النجاح (الجزيرة ) يجب الاستفادة من هذه التجربة


اكرر شكري وبالتوفيق للجميع

يا ريال ما صدقنا على الله نرد القطارة مع انا القطارة تبعد عن بيتنا اكثر نص ساعة دقيقة وحضرت اغلب مبارياتنا والتدريبات وبخصوص المنصة تباهم يجلعونها ويقربونها شوي

انا اقول لو يسمحون يدخلون الاكل والماي واهم شي الماااااااي لان تعبنا وايد فمباراتنا الاخيرة ويا الجزيرة
نطلع برع ونشرب ونرجع والعصير كان ممنوع اصبحت الملاعب بيئة طاردة يسمحون بكل شي
بس
يلغمون الملعب بالكيمرات وتكون في غرفة تحكم ويزخون كل مخالف ولا اي واحد يقذف شي للملعب اصلن الواحد بيلتزم من يشوف حد يراقبة
واي واحد يخالف يمنع من دخول الملعب مب تمنع الجماهير كلها ولا تنقل المباراة

في شي ثاني ليش ما توزع التذاكر على المدارس وعمل رحلات مدرسية لحضور المباراة في كل مباراة ما يقل عن 2000 طالب ولا طالبة ليش لا
ويكون لهم مكان خاص تخيلو فالعين كم مدرسة وبوظبي ودبي وبعدين تعلمهم على حب النادي من الصغر

:. وحــــداوي _ وافتخر .:
06-05-2011, 02:19 AM
نحن من الف سنة نطالب بمدرجات يديده .. فما بالك بالاشياء الاخرى

بعدين تعال ..

فريقكم لعب فالعالمية .. كاس العالم للاندية .. قبل كم شهر

وانت تقول جماهير الوحدة تحضر وقت منافستكم عالهبوط

نادي الشارجه او العين لو وصلوا للعالمية جان شفت جماهيرهم تحضر ل 20 سنة قادمة


وهل كأس العالم للانديه مطلب عشان الجماهير تحضر
الي يحضر يحضر عشان شعار الناادي مب عشان فريقه وصل لبطوله مهمه او غيره
شوف العين خذ كأس اسيا لكن هل جماهيره تحضر نفس السابق , لالا
يحضرون صحح بس مب نفس فترة 2003 و 2005
جماهيرنا بشكل عام يحضرون يوم فريقهم ينافس فقط

شرجاوي 16
06-05-2011, 02:40 AM
وهل كأس العالم للانديه مطلب عشان الجماهير تحضر
الي يحضر يحضر عشان شعار الناادي مب عشان فريقه وصل لبطوله مهمه او غيره
شوف العين خذ كأس اسيا لكن هل جماهيره تحضر نفس السابق , لالا
يحضرون صحح بس مب نفس فترة 2003 و 2005
جماهيرنا بشكل عام يحضرون يوم فريقهم ينافس فقط

امركم غريب .. وااايد غريب

العام ماخذين دوري المحترفين

ورايحين للعالمية

لازم عالاقل 5000 مشجع .. اقل شيء ..

بس العالمي جمهوره 10 ..

ياخي والله عيب ..

Lammtara
06-05-2011, 04:59 AM
إذا راح تشوف دوريات فيها حضور جماهيرية راح تشوف .. الاوروبية اول شيء !!

طبعاً تختلف ثقافتنا عن ثقافتهم وامور كثيرة ..
لو تحسب معدل حضور المرآة في اوروبا تلقى ربع الملعب من جنس النآعم .. الي عندنا هني عكس الجميع جنس الخشن في جميع انحاء الملعب الا احياناً ..

ولا زالت إدراتنا وانديتنا تتمثل بالغباء .. يوم يسون مكآن للعوائل .. !! وكآن حد بيحضر

ثانياً الجو الحار ..
انت ماتقدر تلعب ساعه 3 الظهر بعكس الآوروبين .. الي يلعبون .. 2:45 ظهر

ساعه 3 الظهر هني اعتقد لاعبين جلودهم راح تحترق .. وتصيبهم الامراض بسبب الشمس

وشيء ثالث .. والي اشوفه اهم شيء ..

الاندية الاوروبية .. كل 4 او 5 آيآم يلعبون مباراة .. بعكسنا في الـ7 ايام بظبط .. مباراة

تخيل الملل الي راح ييك وانت تنتظر مباراة فريقك ..

بعكس لو كانت 4 ايام .. راح تتحمس

راح يتحججون لاعبينا بالإهراق والخخ .. اوكي حلو !!

بعدين لاتتحججون ليش مستواكم في هبوط وماتروحون للاندية الاوروبية !!

نقارن بين ميسي واحمد خليل افضل لاعب عندنا

احسب معدل لعب مباراتهم الشهرية .. راح تلاحظ الفرق
راح تلقى ان افضل لاعب عندنا يشتكي من الإرهاق .. والخخ ويقول انه إنسان !!
مادري يعني شو اقول

صحيح ان السعودية الي يحضر الملعب جنس خشن والملعب فلل

بس احسب معدل السكآن شوي خلال 5 سنوات الآخرى .. ممكن نشوف طفرة جمآهيرية ولو قليلة بسبب إرتفاع عدد سكان !!

:. وحــــداوي _ وافتخر .:
06-05-2011, 05:19 AM
امركم غريب .. وااايد غريب

العام ماخذين دوري المحترفين

ورايحين للعالمية

لازم عالاقل 5000 مشجع .. اقل شيء ..

بس العالمي جمهوره 10 ..

ياخي والله عيب ..


10 ؟؟
امرك انت الغرريب
كيف حسبتهم 10 على قولتك
جماهيرنا ماتحضر بكثافه نفس الموسم الي طاف ولكنها تحضضر افضل من غيرها من الانديه
بس ماتوصل انك تقول 10
على العموم انا قلتلك قبل جماهير انديتنا بشكل عام ماتحضر بكثافه الا يوم فريقها ينافس
وتقبل رأيي ^^

قلبــي بنفسـجـي
06-05-2011, 05:24 AM
1- أقامة المباريات في أيام الدوامات

6- إقامة المباريات في الإجازة و أفضل يوم هو السبت لأن الكل يطلع الخميس و الجمعة

الموضوع حلو ، لكن هالنقطة شوية مب داشة مخي يعني تبغاهم يخلونها كله في يوم واحد عشان الجمهور بيطلع يوم الجمعة و الخميس وباقي الايام بيكون مدوام !

شرايك تطلب اجازة لمتابعة الدوري :aa_hang:

الحلول كثيرة لكن يبغاله رجال يحركون عمارهم و يستعينون بشركات تهتم في الاندية والملاعب و من عقب يشتغلون على الدعايات وهذا كله في ايد الرابطة و الاندية

الاندية تهتم في ملاعبها و خدماتهم للجمهور ، و الرابطة تهتم في التسويق و الاعلانات بدال تجميع الخردة اللي شغالين فيه كل جولة

شرجاوي و بس
06-05-2011, 05:37 AM
1- درجة الحراره المرتفعه و الحل وضع مراوح الي فيها ماي ( رذاذ ) في هذا الجو الكاتم .. يعني الكل يقول الجوو حار ليش احضر فهذا الحر اشوفها فالبيت احسن .. وانا اشوف هذا احسن حل

2- ارتفاع الاسعار لطلاب المدارس و الحل يكون الدخول مجاني لطلاب المدارس

3- على الرابطه ان تقوم بوضوع جوائز قيمه و تكون بالسحب او ما شابه ذالك ..

4- توفير باص او باصين لكل نادي اذا كان بيلعب خارج ملعبه .. << مب بحساب النادي .. بل يكون من الاتحاد الكره و يكون بينهم اتفاق مع مواصلات الامارات ..

na9rawe
06-05-2011, 08:38 AM
-التوقفات الطويله ( كل شهر مباراه !!! )
-الخدمات البدائيه ( حب + ماي ) حمام مب جماهير !


التوقفات تقلل من رتم المباريات المتتاليه مما يؤدي الى هبوط المستوى الفني ...

اشوف لو يقللون من التوقفات و يعطون المنتخب 3 ايام كحد اقصى للتجمع ( مثل باقي منتخبات العالم )

# رقم قياسي : اول دوري يبدا في العالم و آخر دوري ينتهي ( 12 فريق ) !

تخلف

قلم وحداوي
06-05-2011, 08:49 AM
التوقفات و ضعف الاداء الفني


بالنسبة للوحدة
معاملة الادارة
وبالامس شفت موضوع بمنتدى عنابي يقول ان المشاكس و منظمة صناع السعادة اللي هم اللي يحضرو من الجماهير بتوقف حضور
نتيجة معاملة الادارة

na9rawe
06-05-2011, 08:55 AM
التوقفات و ضعف الاداء الفني


بالنسبة للوحدة
معاملة الادارة
وبالامس شفت موضوع بمنتدى عنابي يقول ان المشاكس و منظمة صناع السعادة اللي هم اللي يحضرو من الجماهير بتوقف حضور
نتيجة معاملة الادارة

سؤال يدور في بالي خارج الموضوع ( شو يعني اصحاب السعاده , شو سالفة هاللقب بالضبط ) سعاده!!!

Bin Dubai
06-05-2011, 09:14 AM
الي فريقه ينافس الجمهور بيحظر واذا ما ينافس الجمهور ما بيحضر هذا هو جمهور الامارات بكل اختصار !

والشي الاساسي والاهم انه نحن عددنا قليل ( مواطنين دوله الامارات ) !

شرجاوي 16
06-05-2011, 12:27 PM
10 ؟؟
امرك انت الغرريب
كيف حسبتهم 10 على قولتك
جماهيرنا ماتحضر بكثافه نفس الموسم الي طاف ولكنها تحضضر افضل من غيرها من الانديه
بس ماتوصل انك تقول 10
على العموم انا قلتلك قبل جماهير انديتنا بشكل عام ماتحضر بكثافه الا يوم فريقها ينافس
وتقبل رأيي ^^

عاد مب عشره عشره

جماهير دبي وكلباء حضرت اكثر عنكم

مباراة الديربي المهمة والمصيرية بين الوحدة وبني ياس

كم كان عدد جمهور (العالمي) على قولتكم ؟

~~ALAIN99~~
06-05-2011, 09:42 PM
في البداية لك الشكر والتقدير على الموضوع المهم

---------------------------------------------------------

في رائي المتواضع :
1) عدم توفر خدمات راقية تجعل الشخص يترك (الكوفي / البيت / الخيمة ) وياتي للحضور

2) قرار بسيط زيادة نسبة 10% الممنوحه للفريق الضيف والاهم ايضا اعطائه مكان مناسب (نصف الملعب وليس خلف المرمى ) وهذا أهم قرار ممكن ان يزيد النسبة

3) تعديل الملاعب وجعلها على المستوى العالمي ( انتهى زمن الملاعب البيضاوية يا جماعة )

4) اتنمى من ادارة العين الرجوع الى استاد خليفة ولكن قبل ذلك جعل الدرجة الاولى (امام المنصة ) قريبة من الملعب وايضا يتم زيادتها الى 20 او 40 خط وليس 10 كما هو الان

5) والاهم ايضا هناك تجربة حققت النجاح (الجزيرة ) يجب الاستفادة من هذه التجربة


اكرر شكري وبالتوفيق للجميع


وها هو الجزيرة باسلوبة الجميل في جذب الجمهور يحطم الارقام القياسيه بعدد جمهور 36,000 الف درهم

شرجاوي 16
06-05-2011, 10:32 PM
وها هو الجزيرة باسلوبة الجميل في جذب الجمهور يحطم الارقام القياسيه بعدد جمهور 36,000 الف درهم

قصدك دفع بيزات للجمهور عسب يحضر

لاني ما فهمت هههه خخخخخ :aa_athwal:

Adsense Management by Losha