مشاهدة النسخة كاملة : [ رابـطــة Nokia] جميـع تقنيات و هواتف نوكيا Nokia


Chicharito
02-11-2011, 05:06 PM
السلام عليكم و رحمه الله و بركاته

شحالكم

شباب انا احين محتار ابا اخذ تلفون

و محتار بين ايفون4 و n8

مواصفات برامج الايفون اعرفها

بس ابا حد يفيدني ببرامج الـn8 و مواصفاته

بأنتظاركم

و اتمنى كل واحد يخبرني

شو أفضل؟

ά l ώ ε đ
02-11-2011, 05:25 PM
.









http://i53.tinypic.com/b6dg6a.jpg









أبرز المواصفات



- كاميرا بقوة 12 ميجا بكسل وفلاش زينون
- تصوير فيديو بجودة HD
- شاشة كاملة باللمس بتقنية كاباسيتيف مع دعم اللمس المزدوج بحجم 3.5
- نظام Symbian ^3 OS الجديد (http://www.l5ma.com/vb/n8-nokia-n8-n8-2010-a-t22415.html)كلياً من نوكيا !
- إضافة وصلة HDMI الجديدة مما يعني عرض فيديوهات على التلفاز بوضوح خارق !
- يستطيع تشغيل الموسيقى لـمدة 50 ساعة بشكل متواصل




المواصفات كاملة



- الأبعاد : 113.5 × 59.1 × 12.9 مم ، 86 سي سي
- الوزن : 135 جم
- الشاشة : AMOLED - كاباسيتيف بـ 16 مليون لون
- حجم الشاشة : 3.5 انش ، 640 × 360 بكسل
- سطح مضاد للخدش ، دعم للملتي تتش
- مخرج HDMI
- الذاكرة الداخلية : 16 قيقا بايت
- الذاكرة الخارجية : إلى 32 قيقا بايت
- ذاكرة الرام 256 ميقا بايت ، ذاكرة الروم 512 ميقا بايت
- الداتا : GPRS , EDGE , WiFi , Bluetooth , USB , 3G
- الكاميرا : 12 ميقا بكسل ، 3000 × 4000 بكسل ، عدسات كارل زايس ، أوتو فوكس ، فلاش زينون ( ثاني جوال (http://www.7-up.us/m.php?url=aHR0cDovL3d3dy50cmFuMzNtLmNvbS92Yi90MzYw OTYuaHRtbA==)في نوكيا يتوفر بفلاش زينون بعد N82 ) ، ميزة تحديد الوجه والإبتسامة ، وجود كاميرا أمامية
- تصوير فيديو HD بدقة 720p@30fps مع إضاءة LED
- نظام التشغيل : سمبيان^3
- المعالج : بسرعة 680 ميقا هيرتز
- راديو FM مع وجود ترانسميتر
- الألوان : 5 ألوان و هي : رصاصي غامق ، فضي ، أخضر ، أزرق ، أورانج
- البطارية : BL-4D بـ 1200 أمبير
- مدة الإنتظار : إلى 400 ساعة
- مدة التحدث : إلى 5 ساعات و نصف
- السعر : 370 يورو ( حوالي الـ 2000 - 2200 ريال )






بصراحة تحمست له من مواصفاتـة .
شكله أنييييق .
ان شاء الله ما قصرت في طرح مواصفاتـة .

Chicharito
02-11-2011, 06:11 PM
مشكوره يا ود

على التقرير و بأنتظار الباقين الي عندهم التلفون

و با نسمع تجربتهم فيه

و بعد بغيت اعرف البرامج الي فيه و اذا اقدر انزل برامج

توكلي ع الله و خذي:)

! J U V E !
02-11-2011, 07:20 PM
لو انته تبا التلفون من ناحية الالعاب والبرامج

خذ الايفون وانته مغمض

انا الصراحة ندمت لاني خذيت n8

Chicharito
02-11-2011, 09:17 PM
لو انته تبا التلفون من ناحية الالعاب والبرامج

خذ الايفون وانته مغمض

انا الصراحة ندمت لاني خذيت n8

ما تهمني الالعاب و البرامج وايد

بس حاب اني اعرف شو البرامج الي فيه و يستوي انزل عليه

avip
02-11-2011, 09:57 PM
بكل بساطة ماشي مقارنة بين النوكيا والايفون مع المواصفات الكبيرة للنوكيا لان الايفون تجاوز النوكيا بمراااحل واكبر دليل انه النوكيا اخيرا تخلت عن كبريائها "باستخدامها للسيمبيان " وتعاونت مع المايكروسوفت عشان يدمجون الويندوز فون 7 مع هواتفهم في المستقبل.

وبالنسبة لي اتوقع انه n8خيب الامال بالنسبة لي شخصيا ولكن شخص رايه الخاص^ـ^

والسموحه..

R E J I X
02-11-2011, 10:48 PM
ايفون وانته مغمض

NouCamp
02-11-2011, 11:39 PM
النوكيا يتفوق في التصوير فقط .

الايفون افضل

Chicharito
02-12-2011, 12:36 AM
خيييييييييييبه تحطيم

يعني اخذ ايفون؟

أهـــــلاوي
02-12-2011, 01:07 AM
نوكيا نظامها ما يشجع حتى تطبيقاتها

عكس الايفون !

انصحك بالايفون

ẔỊẕ๏
02-12-2011, 02:53 AM
مآآ آعتقد آآحد يفكر فنوكيآآ آلحين !:aa_okik:

t a h e r
02-12-2011, 01:17 PM
أنا و ربيعي أمسات سرنـا أكسيوم وخذنـاه على 2000 درهـم وخمسين
التيلفون حلـو للمتعودين على نوكيــا وأستعماله فنان بعد

16 غيغا وفيه أمكانية تحط فيه ميموري توصله 32 غيغا ، تتش طبعاً
فيه كذا تطبيقات حلـوة منهـا الموبايل تي في ، مادري بكم تشترك في الشهر وتظهر عندك قنوات تلفزيونية
هالخدمـة تنفع إذا كنت تحب تابع القنوات الأخبارية مثل الجزيرة والعربية وقت دوامـك أو إذا برع البيت ..

أنت وأستخدامــك شوف شو أنسبلك ..

t a h e r
02-12-2011, 01:21 PM
- مدة الإنتظار : إلى 400 ساعة
- مدة التحدث : إلى 5 ساعات و نصف

وبطاريتــه فنانــة بعــد تــم وايد عكــس الآي فــون .. !!

الحوسني العيناوي
02-12-2011, 02:47 PM
يا ريال شو تبا من نوكيا
خلاص انتهى عهد نوكيا
الحين اي فون و بلاك بيري

وحداوي 33
02-12-2011, 05:19 PM
هههه مستحيل تقارن اي هاتف من نوكيا في الايفون
انصحك خذ ايفون مابتندم

Chicharito
02-12-2011, 06:41 PM
مشكور يا طاهر

انا متعود على النوكيا

شو بعد من برامج فيه؟

والله محتار .. هذا شكله عايبني

بهدلونا هايل كل يوم تلفون

MhxF
02-12-2011, 09:35 PM
ماآآ انصحك بالايفون اذا عندك يهاآل فالبيت ..~

بيتم كله عندهم عسبت الالعاب ..~

الايفون ما عليه كلام ..~

t a h e r
02-13-2011, 12:08 AM
مشكور يا طاهر

انا متعود على النوكيا

شو بعد من برامج فيه؟

والله محتار .. هذا شكله عايبني

بهدلونا هايل كل يوم تلفون

هــممم .. برنامج اليوتيوب نفس الاي فون تنزل مقاطع الفيديو من الموقع ، برنامج الأوفيس و ... ماعرف بعد الصراحــة
دش موقع نوكيا العربي وأختـار التيلفون وشوف شو البرامج والألعاب الي تركبله ..

RsHRsH
02-26-2011, 11:34 AM
يقولون أنه أول ما ظهر هاا التلفون

فيه مشاكل

NouCamp
03-03-2011, 12:49 PM
شباب بلعقل :

نظام نوكيا الحالي سمبيان لا يمكن ان ينافس نظام ابل و نظام الاندرويد ! كجهاز الايفون افضل عن النوكيا لكن مش الافضل في السوق

هذي مقارنه بسيطه بين الايفون و النوكيا في جوده الصنع

http://www.uaegoal.com/vb/showthread.php?t=268703

Viana
03-03-2011, 01:16 PM
انصحك بايفون

واحد من الاهل عنده يقول 24 ساعة العاب ...

خالــmessiــد
03-04-2011, 06:26 AM
احسن لك الايفون


بس لازم كرت صغير يعني يقطعون بطاقتك

Gennaro
03-04-2011, 02:51 PM
مايبالها تفكير الايفون اخير

بو طبيع
03-04-2011, 06:43 PM
لا هذا و لا ذاك

اخويه انصحك بـ hd htc و نظامه أندرويد

مواصفاته تحمع الأفضل من الهاتفين اللي ذكرتوهم

و قبل فترة بسيطة حصل نظامه على التعريب الكامل و الواجهة أيضاً بشكل جذاب

EL DON
03-04-2011, 06:48 PM
اي فون فوووور وايد يمحوووووووه

R@SHID
03-07-2011, 01:17 PM
اخوي , انا بصراحه اقترح عيلك تنتظر ,

وبعدين اخوي حدد انت شو تبا في التلفون , مب التلفون شوفيه , مافي تلون top

مثلا تبا التصوير ؟
تبا الالعاب و البرامج ؟
تبا السرعه و السستم ؟
تبا الشكل و الحجم ؟
تبا تتش ولا عادي ؟
هل تكتب مسجات وايميلات كثير او لا ؟


هالاسئلة وغيرها وايد , جاوب عليه عقب بتعرف شو الجهاز المناسب لك ,

انا من النوع إلي اهتم في سوالف النت , ايميلات مواقع فيسبوك , اهتم في التصوير , اهتم في ان التلفون مايكون كامل تتش , لاني اكتب مسجات و ايميلات بشكل مستمر اكثر من الاتصال , افضل جهاز عملي وسريع في الاستخدام ويوجد فيه تحديثات بشكل مستمر وله جمهور في العالم , .

إذا انت مثلي , انا انصحك نتظر لهاتف نوكيا
E7

فيه مزايا كثيرة , وانا عندي N97 حاليا , وبصراحه قبل كنت متلعوز منه , لين حصلت شباب الله يجزاهم خير معدلين السوفتوير وصاير 10\10 ماشالله

اكتب انت شو تبا في التلفون وراح تحصل الاجابة الوافية إلي بعيده عن التعصب والاراء الغير مهتمه بشخصيتك واستعمالاتك

Chicharito
03-15-2011, 08:29 AM
السلام عليكم و رحمه الله و بركاته

شحالكم؟

انا من يومين خذت نوكيا N8

و البارحه المغرب حطيت رصيد 25

كان صوب الارسال 3g

بس انا دوم اشبك ويا النت

فليل اجيك رصيدي اشوفه -2.99

شو السالفه ماعرف ابا حد منكم يساعدني

كيف ما اخليه ياخذ من الرصيد .. و يوم يكون مافي نت مايشبك؟؟

و البارحه حطيته powe saving mode و الحين ابا اغيره ماعرف كيف .. حد يعرف يخبرني

بأنتظاركم

قسم بالله هلكت

الله يسامحهم

روح الإمارات
03-15-2011, 08:36 AM
الله يعينك أخووي للأسف من زمان ما استخدمت نوكيا

وماعرف كيف يغيرونه بـس اتصل الاتصالات وإسال أفضل لك

●▪▫ ™βŁẶŃҚĄ ▫▪●
03-15-2011, 08:41 AM
ماعندي فكره والله ..
اجوف لو ينقلون الموضوع لقسم الهواتف بيفيدوك اكثر ..

:25:

السسسسيف
03-15-2011, 10:07 AM
طبيعي من تشبك عالنت يخصم

الورقة الرابحة
03-15-2011, 10:09 AM
انت اعتقد شبكت عالـ web
(الكرة الأرضية)

أما إذا استخدمت wi-fi مايخصم !

Chicharito
03-15-2011, 10:16 AM
اوكي يممكن اكون شابك ويا النت

بس كيف اسكره؟؟

خلاص مابا اشبك ويا النت .. بس ابا الوايرليس

Chicharito
03-15-2011, 10:35 AM
هو روحه يشبك ويا

اتصالات & wlan & web

كيف ما اخليه يشبك وياهم

؟؟

F a r e s
03-15-2011, 11:04 AM
اوكي يممكن اكون شابك ويا النت

بس كيف اسكره؟؟

خلاص مابا اشبك ويا النت .. بس ابا الوايرليس

شيء معروف بأنه اتصالات شركة استغلالية جداً .. يبون يشفطون رصيدك بكافة الطرق ..
لازم تكون حذر و انته تستخدم النت وتكون متأكد انك شابك مع wi-fi يوم تدخل عند الضبط ثم connection
يعني لا تفتح النت الا يوم تكون شابك .. و لا الرصيد كله في المشمش ,

ناصر الوصلاوي
03-15-2011, 01:17 PM
انا خذت نوكيا N8 من فتره
وعمري ما ستخدمت فيه الانترنت وعندي تلفونات ثانيه للنت

بس الفاتوره دوم توصل فوق الالف مع اني ما اتصل منه واايد
اللي عنده الطريقه يخبرنا ويقول لنا كيف نقدر انحد من جشع الاتصالات :Wa:

الشامسي 1911
03-15-2011, 01:31 PM
مالها خص اتصالات
المشكله في البرامج
اذا كنت حاط برامج على طول بيشبك على اسرع كونيكشن موجود
WEB

انته فك عمرك عباله
ادخل في الاتصال
وامسح ضبط الويب من لغاليغه!
او حط ضبط جديد معنقش
اي شي

وبس!!:aa_bigsmile:

زحفينووو
03-15-2011, 03:00 PM
بسكم من اتصالات واتصالات حرام عليكم اونه جشع وماشجع خخخخخ

همسة : اخر شي ناصر يشتغل بالإتصالات خخخخخخ


ثاني شي طريقة حلوه في محلات اسمها لتصليح الجوالات شاورهم بالموضوع وشوف شو بيقولون بس انته بعد هولاء نصابين يعني كل الحالات نصب في نصب

او اتصل على خدمة عملاء اتصالات وقوله ياباشا 123

إن مكالمتكم تهمنا
الرجاء
الإتصال الأن

تقبل مروري :aa_okik:

c a r b o n
03-15-2011, 03:20 PM
اتاكد يوم بتضهر من النت و انته شابك اتسوي الغاء

A H M A D @
03-15-2011, 03:22 PM
،،

روح خذ لك آيفون و بتحس بالمعاناه الصدق مع الإنترنت خخخخخخ
قال 25 قال ، :bli: قبل لا احوله خط اعبيه بو 200 و 500 مرات و الرصيد يروح فليله و ضحاها
بس فالنوكيا عندك فالإعدادات تروم تلغي اتصال الجي بي اس ما ادري شسمه ،
دق على اتصالات و اهزبهم و بيخبرونك كيف ،
على أساس أنهم بيعطونك ويه خخخخخخخخ
=> عانيت الأمرّين معاهم :aa_So6:

Chicharito
03-15-2011, 06:23 PM
شيء معروف بأنه اتصالات شركة استغلالية جداً .. يبون يشفطون رصيدك بكافة الطرق ..
لازم تكون حذر و انته تستخدم النت وتكون متأكد انك شابك مع wi-fi يوم تدخل عند الضبط ثم connection
يعني لا تفتح النت الا يوم تكون شابك .. و لا الرصيد كله في المشمش ,

يمكن المشكله كانت ان صوب مال الارسال كان مكتوب 3g

و احين غيرته حطيته gsm

بس المشكله يوم اطلع من البيت .. على طول يطلعلي شبك ويا اتصالات و وياك و ويب

احين بطلع من البيت و بشوف بيتكرر هذا الشي ولا لا

Chicharito
03-15-2011, 06:26 PM
انا خذت نوكيا N8 من فتره
وعمري ما ستخدمت فيه الانترنت وعندي تلفونات ثانيه للنت

بس الفاتوره دوم توصل فوق الالف مع اني ما اتصل منه واايد
اللي عنده الطريقه يخبرنا ويقول لنا كيف نقدر انحد من جشع الاتصالات :Wa:

شو رايك بالتلفون؟؟

حوله رصيد احسلك ولا بتفتقر .. المشكله ماتعرف ليش يسحبون

انا ولد عمي عايش في قطر .. يوم يستخدم النت من شركه فاودافون .. يلس ساعتين ولا 3 ساعات يكلمني مايخصون غير 3 دراهم ولا درهمين .. بس جات بدون صور

هني بس جات عادي 15 درهم

Chicharito
03-15-2011, 06:27 PM
مالها خص اتصالات
المشكله في البرامج
اذا كنت حاط برامج على طول بيشبك على اسرع كونيكشن موجود
WEB

انته فك عمرك عباله
ادخل في الاتصال
وامسح ضبط الويب من لغاليغه!
او حط ضبط جديد معنقش
اي شي

وبس!!:aa_bigsmile:

اوكي مشكور يا الطيب على المعلومه

بس ممكن تخبرني .. كيف اغير الويب؟ حتى لو يستوي امسحه بمسحه .. بس قولي بالتفصيل

يزاك الله خير

Chicharito
03-15-2011, 06:29 PM
بسكم من اتصالات واتصالات حرام عليكم اونه جشع وماشجع خخخخخ

همسة : اخر شي ناصر يشتغل بالإتصالات خخخخخخ


ثاني شي طريقة حلوه في محلات اسمها لتصليح الجوالات شاورهم بالموضوع وشوف شو بيقولون بس انته بعد هولاء نصابين يعني كل الحالات نصب في نصب

او اتصل على خدمة عملاء اتصالات وقوله ياباشا 123

إن مكالمتكم تهمنا
الرجاء
الإتصال الأن

تقبل مروري :aa_okik:

سرت اليوم اتصالات الي فالعربي

قالي نحن مالنا خص .. لازم تسير محل ان يدش في سستم التلفون و يعدله

سرنا فونو نقعتنا نص ساعه ولا عرفت شو السالفه

اذا تكرر ها الشي بتصلبهم و بشوف شو بيقولون

Chicharito
03-15-2011, 06:30 PM
اتاكد يوم بتضهر من النت و انته شابك اتسوي الغاء

ترا حركه اني اسكر النت من الواير ليس توني تعلمتها

بجربها احين و بنشوف

Chicharito
03-15-2011, 06:31 PM
،،

روح خذ لك آيفون و بتحس بالمعاناه الصدق مع الإنترنت خخخخخخ
قال 25 قال ، :bli: قبل لا احوله خط اعبيه بو 200 و 500 مرات و الرصيد يروح فليله و ضحاها
بس فالنوكيا عندك فالإعدادات تروم تلغي اتصال الجي بي اس ما ادري شسمه ،
دق على اتصالات و اهزبهم و بيخبرونك كيف ،
على أساس أنهم بيعطونك ويه خخخخخخخخ
=> عانيت الأمرّين معاهم :aa_So6:


مشكور يا الطيب

انا البارحه كان صوب الارسال 3جي

و اليوم غيرته حطيته gsm

و بنشوف

و اذا تكرر الشي على طول بسيرلهم

Chicharito
03-15-2011, 06:49 PM
تلفوني احين جي بالضبط:

Settings

connectivity

1-Network
-Network Mode:
Dual mode - 3G - GSM

-Operator Selection:
Automatic - Manual

-Cell Info Display:
ON - OFF

2-WLAN .. الواير ليس الي موجود حاليآ و الي شابك عليه

3-Settings:
-Switch to WLAN
known WLANs only - manual

-Data use in home country:
always ask - automatic - home network only - wlan only

Data use when abroad:
always ask - automatic - WLAN only

-destination
access point - internet - WAP services - Uncategorised

4-Connection manager
النت الي شابك فيه و كم ساعه





الي تحت كل نقطه هم الخيارات المتاحه لكل نقطه .. و الي بالاحمر هو الي انا مختارنه

سؤالي: هل الخيارات الي اخترتها صحيحه و مابتخلي النت يشبك من الرصيد؟

بأنتظاركم

عيناويfor ever
03-15-2011, 06:59 PM
يالطيب مايخصه 3gولا
gsm انا استخدم سوني اركسون وما استوتلي هالمشكله

فـيراري
03-15-2011, 07:07 PM
جيه أوكي اعداداتك الحين. ويوم تبا تدخل النت لا تدخل من الـ web من القائمة، ادخل من الـ setting، خلاف connectivity ، واختار شبكة WLAN اللي تباها، وبعدين start web browsing.
ولازم تسكره يوم تطلع. كيف؟ تروح على الديسك توب، تضغط على Options، ومنها تختار Show open applications و سكره.

و البارحه حطيته powe saving mode و الحين ابا اغيره ماعرف كيف .. حد يعرف يخبرني
من الديسك توب. شي فوق على اليمين علامة البتري، اضغط عليها بيطلع لك مربع بتحصل فيه نفس العلامة بعد، ارجع اضغط عليها واختار الـ Activate مود.

Chicharito
03-15-2011, 11:23 PM
جيه أوكي اعداداتك الحين. ويوم تبا تدخل النت لا تدخل من الـ web من القائمة، ادخل من الـ setting، خلاف connectivity ، واختار شبكة WLAN اللي تباها، وبعدين start web browsing.
ولازم تسكره يوم تطلع. كيف؟ تروح على الديسك توب، تضغط على Options، ومنها تختار Show open applications و سكره.


من الديسك توب. شي فوق على اليمين علامة البتري، اضغط عليها بيطلع لك مربع بتحصل فيه نفس العلامة بعد، ارجع اضغط عليها واختار الـ Activate مود.

مشكور يا الحبيب ماقصرت

و نستفيد منك

خبرنا شو رايكم فالتلفون؟؟

Chicharito
03-15-2011, 11:58 PM
السلام عليكم و رحمه الله و بركاته

شحالكم يــا أصحاب الـN8

http://store1.up-00.com/Mar11/GBd22655.png (http://www.up-00.com/)

حبيت افتح موضوع يخص رابطه اصحاب التلفون

و بيكون في هالموضوع ان شاءالله

أخر البرامج الي نزلت للتلفون & اللالعاب & باقي الاشياء المهمه

1-و حبينا من اصحاب التلفون أنهم يخبرونا ليش خذوا التلفون شو السبب!!

2-اي لون عندكم!!

3-و اي واحد عنده معلومات عن التلفون يقولها .. اجابيه أو سلبيه!!

شو البرامج الي منزلنها و طريقه الاستخدام .. و اللالعاب الي منزلنها و السكور ماله

و برامج يبا ينزلها بس مب محصلنا

يعني كل شي ان شاءالله يخص التلفون راح يكون في هالموضوع

و بأنتظاركم .. لدعم [ رابـطــة Nokia ]

و لأي استفسار بخصوص التلفون راح يكون هني

تحياتي

Chicharito

:aa_yes:

Chicharito
03-16-2011, 12:30 AM
فيراري يالحبيب

احين كل شي اوكي

احين يوم ابا اسكر الوايرلس

اوكي يتسكر .. بس على طول عقب يطلعلي

يشبك ويا وياك ويب .. و يوم اسكره ويا اتصالات و يوم اسكره ويا mobile tv

و يوم اسكره يرد يشبك ويا الواير لس

بأنتظار مساعدك في هاي المشكله

الخروصي
03-16-2011, 12:49 AM
السلام عليكم ..!!

شفت عنوان الموضوع اكثر من مرة بس مادري ليش ماتشجعت ادشه .. !!

انا عندي نوكيا c7 وعانيت نفس المشكلة في البداية .. بس غيرت السيتنج ومن يومها مانسحب عني .. !!

هذ الاعدادات الي لازم تستعملهم..!!

-Switch to WLAN
known WLANs only - manual

-Data use in home country:
always ask - automatic - home network only - wlan only

Data use when abroad:
always ask - automatic - WLAN only

-destination
access point - internet - WAP services - Uncategorised

ودش على destination >> internet وتأكد ان ((اتصلات)) مب Priority: 1

اما بخصوص باقي الاعدادات مايصخها .. عادي لو خليت الكونكشن 3g

راعي الكرلا
03-16-2011, 04:11 AM
انا بلاك بيري ومرتاح وانا نفس الشي كنت اعاني يوم كان عندي نفجيتر اشغل الخريطة ويصرف عليي واتصلت للاتصالات قالو مايخصنا وعقب انا بروحي حليت المشكلة وبخصوص مشكلتك انا يوم كان عندي نوكيا اول مااخذه ارووح سيده الويب وادش على الخيارات ومن هناك اخبص فيه واغير والاموووور طيبة

الشامسي 1911
03-16-2011, 02:41 PM
Data use in home country
always ask - automatic - home network only - wlan only


مشكلتك هنيه

بدّل الى
wlan only

وشوف

فـيراري
03-16-2011, 02:52 PM
مشكور يا الحبيب ماقصرت

و نستفيد منك

خبرنا شو رايكم فالتلفون؟؟

استعمالي للتلفونات بشكل عام سطحي ، مسجات و اتصالات بس على الغالب. فما أقدر أفيدك وايد :25:
التلفون زين، كنت ماخذ آيفون 4 بس لعوَزني . البطارية زفت، وبلوتوثه شغلانة، و يعلّق وايد، غير الإرسال الضعيف طبعاً.

خذت هذا لين ما ينزل الآيفون 5، وفعلاً شفته أحسن من الـ 4، أقصد في الأمور اللي استعملَه فيها، مش في البرامج.
بس يبقى تلفون عادي مافيه زود غير الكاميرا + عملي، وما يُقارن بالآيفون بشكل عام.

Chicharito
03-16-2011, 04:43 PM
السلام عليكم ..!!

شفت عنوان الموضوع اكثر من مرة بس مادري ليش ماتشجعت ادشه .. !!

انا عندي نوكيا c7 وعانيت نفس المشكلة في البداية .. بس غيرت السيتنج ومن يومها مانسحب عني .. !!

هذ الاعدادات الي لازم تستعملهم..!!

-Switch to WLAN
known WLANs only - manual

-Data use in home country:
always ask - automatic - home network only - wlan only

Data use when abroad:
always ask - automatic - WLAN only

-destination
access point - internet - WAP services - Uncategorised

ودش على destination >> internet وتأكد ان ((اتصلات)) مب Priority: 1

اما بخصوص باقي الاعدادات مايصخها .. عادي لو خليت الكونكشن 3g

تسلم يا الغالي

سويت الي قلته

و ان شاءالله خير

Chicharito
03-16-2011, 04:44 PM
مشكورين يا

راعي الكرلا & الشامسي 1911 & فيراري

و سويت الاعدادات مثل الي الخروصي حطهم

:)

Chicharito
03-16-2011, 04:46 PM
شبـــــاب الي منزل

المسن على النوكيا يخبرني كيف انزله .. ابا انزل مسنجر!!

على التلفون

NouCamp
03-17-2011, 09:36 AM
Chicharito

أضني موجود في ال ovi store

Chicharito
03-17-2011, 01:15 PM
Chicharito

أضني موجود في ال ovi store

دورت ولا لقيت

الي عنده .. خل يعطيني الاسم بالضبط

الله يزاكم الله الف خير

NouCamp
03-17-2011, 02:13 PM
للاسف تبين انه windows live messenger غير متوفر للنوكيا ان 8 !!

دورت في النت ما لقيت شي !

Chicharito
03-17-2011, 02:18 PM
للاسف تبين انه windows live messenger غير متوفر للنوكيا ان 8 !!

دورت في النت ما لقيت شي !

مشكور يا الحبيب

ماقصرت

و بأنتظار نوكيا لعمل مسنجر للأن 8

Chicharito
03-17-2011, 02:18 PM
شبـــاب .. شو الالعاب الي منزلينها

و تشوفونها انا حلوه

NouCamp
03-17-2011, 02:39 PM
عندك angry birds , fruit ninja

A.Ltd
03-20-2011, 07:01 AM
شو رايكم فتلفون نوكيا سي سفن
لانة بصراحة خاطري ابدل وخاطري فُِِْـٍَُّـٍَُّيٌِے تلفون تتش
وعندي اي فون وحبيت اسال عن النوكيا اذ تنصحوني او لا
ولا حبيت اسالكم شو اخر يديد سوني اركسون لو تنصحوني
لانة خاطري فتلفون سلس ويكون فية فيديوو كول نفس النوكيا

Chicharito
03-20-2011, 12:48 PM
عندك angry birds , fruit ninja

منزلنهم

و غيرهم!!

Chicharito
03-20-2011, 12:49 PM
شو رايكم فتلفون نوكيا سي سفن
لانة بصراحة خاطري ابدل وخاطري فُِِْـٍَُّـٍَُّيٌِے تلفون تتش
وعندي اي فون وحبيت اسال عن النوكيا اذ تنصحوني او لا
ولا حبيت اسالكم شو اخر يديد سوني اركسون لو تنصحوني
لانة خاطري فتلفون سلس ويكون فية فيديوو كول نفس النوكيا

تقريبآ
الـ c7 & n8

نفس الشي الفرق ان السي يتبطل و الان لا

NouCamp
03-21-2011, 02:16 PM
Chicharito

النوكيا ان 8 يفرق في :

1- الكاميره
2- البطاريه نسبيا افضل لل سي 7

Chicharito
03-21-2011, 02:59 PM
Chicharito

النوكيا ان 8 يفرق في :

1- الكاميره
2- البطاريه نسبيا افضل لل سي 7

مشكور على المعلومه

بس كم كيمرة السي 7؟

R@SHID
03-22-2011, 08:47 PM
السلام عليكم ورحمة الله وبركاته


مم من خلال تجربتي لاستخدام الانترنت في الاجهزة الذكية من نوكيا بلاكبيري و الايفون

احس في فرق كبير في سرعة التصفح و التحميل , على الرغم من ان الاشتراك هو نفسه بنفس الحجم من اتصالات

هل الفرق في الاجهزة نفسها ولا من اتصالات ؟

وكيف ممكن اعرف سرعة تصفح الانترنت في الجهاز قبل ما اشتريه

لان عندي N97 nokia وحابب اعرف اذا غيرته لجهاز نوكيا آخر اجدد هل بتختلف السرعه او لا

وبصراحه مشترك في خدمة النت , بس مول ماروم استفيد منها غير في سالفة الايميلات والماسنجر !


اتمنى احصل عندكم الافادة

NouCamp
03-22-2011, 09:19 PM
شوف بشكل عام التصفح في النوكيا مقبول لكن من خلال تجربتي افضل هاتف في تصفح الانترنت هو السامسونج جلاكسي اس . او اي هاتف بنظام اندرويد

طبعا سرعه التصفح تعتمد على الهاتف ..

النوكيا هو الاخير بين المنافسين و السبب نظامه الاندرويد

حاليا املك اخر اصدار من نوكيا اي ٧ و بصراحه النظام سلبي للغايه !

R@SHID
03-23-2011, 09:03 AM
يعني التصفح بعد بطيء في ال e7 ?


ابا جهاز بكيبورد هل تتوفر هالخاصية بالاندرويد ؟؟

NouCamp
03-23-2011, 09:44 AM
R@SHID

ما أقدر أقول بطيء بس المتصفح الي في نوكيا وايد قديم (فيه أخبار عن تحديث من نوكيا للمتصفح مالهم)

حاليا افضل تيلفونات بناظ أندرويد :

- الجلاكسي اس
- htc desire hd

ثنينتهم مافيهم كيبورد .

انا كان عندي الجلاكسي اس و التصفح فيه ممتاز نفس الايفون

NouCamp
03-23-2011, 09:46 AM
Chicharito

هذي مقارنه بين الان 8 و السي 7

http://www.gsmarena.com/compare.php3?idPhone1=3394&idPhone2=3252

NouCamp
03-23-2011, 09:48 AM
AaJ_GOwzPs0

الفيديو بعرض الابديت القادم لاجهزه نوكيا من خلال الكيبورد و المتصفح

R@SHID
03-23-2011, 01:29 PM
هل هالتحديث بيكون لل n97 بعد ولا بس n8

ومتى راح يكون تقريبا موعد نزوله عندك علم ؟

NouCamp
03-23-2011, 02:10 PM
تقريبا حسب ما قريت التحديث للتيلفونات الي على نظام السيمبيان الجيل الثالث

الشرجــاوي
03-24-2011, 10:31 AM
السلام عليكم ورحمة الله وبركاته

.

.

.
.
.
اذا ما عليكم اماره بغيت برنامج الخريطة الجي بي اس لموبايل نوكيا6120 ..

مهم جداا

الشرجــاوي
03-25-2011, 01:53 PM
؟؟

؟؟

؟؟

Mя. αli
03-25-2011, 01:55 PM
روح هدف الكميوتر والهواتف المتحركه

قسم الطلبااات

واطلب الي تبااه

مسافر النهدي
03-25-2011, 02:20 PM
تقدر تركبها عند 701 للهواتف بصناعية العين حلف مسجد التقوى...

أنا ركبت البرنامج وسرت لين مكه وفادني وايد...والمفيد أنه مجاني وفيه كاشف للرادار بس الثابت مو المتحرك...

الشرجــاوي
03-25-2011, 10:32 PM
كيف اركبها

انا ابي برنامج ,,

الشرجــاوي
03-26-2011, 09:36 AM
وينكم

في برنامج ولا لا ؟؟؟؟؟؟؟؟ظ

DoN R
03-26-2011, 11:41 PM
عندك ovi store
اذا عندك بتلقاه هناك

Dr.Ibraheem
03-28-2011, 03:42 AM
السلام عليكم

ملاحظة ، التلفون بيكون كـجهاز ثاني فقط !! يعني للاتصال والتصوير والمسجات بسسس

وطبعا خير من يقوم بهذه المهام النوكيا :aa_yes: الحب القديم

بس للاسف احترت بين تلفونين وحبيت اخذ مشورتكم في العيوب ...

N8 , E7

N8 قالولي انه يعلق ويطفي بروحه ، حد يتأكدلي من هالكلام
وذا اي حد عنده التلفون يخبرني عن تجربته ونصيحته =)

اما بالنسبة للـ E7 ، قريت عن تجربة نيو كامب ، وشفت فيديوات
بس عيبني N8 اكثر لاني ما ارتحت للكيبورد ، بس اذا العيوب كثيرة بتجه للـ E7

رايكم يهمني ، بس محد يقولي خذ ايفون ولا جلاكسي ، ابا تلفون (عملي)

NouCamp
03-29-2011, 10:20 AM
http://st.gsmarena.com/vv/newsimg/11/03/nokia-strategy/big.jpg

تشير أخر الاخبار بأن نوكيا ستقوم بلاستمرار في تقديم هواتف بنظام سمبيان للمستهلكين . في نظري القرار غريب خصوصا بعد اعلان نوكيا عن اتفاقيه مع مايكروسوفت لاطلاق هواتف نوكيا بنظام ويندوز 7 موبايل ! انا عن نفسي مليت من وعود نوكيا !

المهم الصوره المرفقه هي لنظام نوكيا المحدث من سمبيان المتوقع نزوله في الصيف ان شاء الله .. التحديث بيغير شكل menu الرئيسيه كما هو موضح في الصوره و الزين انه بيتم تحديث المتصفح لمواكبه المنافسين .

NouCamp
03-29-2011, 10:22 AM
إبـراهـيـم

خويه براهين نصيحه خذها مني لا تاخذ نوكيا الحين .. عندك الايفون او السامونج جلاكسي 2 افضل بمليون مره .. ال e7 جهاز ممتاز لكن مع نظام سمبيان حرام أدفع فوق ال 2500 درهم

Dr.Ibraheem
03-29-2011, 12:35 PM
إبـراهـيـم

خويه براهين نصيحه خذها مني لا تاخذ نوكيا الحين .. عندك الايفون او السامونج جلاكسي 2 افضل بمليون مره .. ال e7 جهاز ممتاز لكن مع نظام سمبيان حرام أدفع فوق ال 2500 درهم

عزيزي
الايفون مليت منه ، 3 سنين وانا استعمله وعندي الايباد حاليا !!
السامسونج جالاكسي اس2 بعده مطول
انا مب مهتم بالنظام
الي يهمني ان التفون يكون عملي ، من ناحية الارسال والاتصال والمسجات والبطارية فقط
غيره ما يهمني
والتصوير اضافة جيدة ...
وسعر ان8 جيد (1700)
بس خايف من عيوبه الثانية

الـوصــل
03-29-2011, 07:15 PM
السلام عليكم ورحمة الله وبركاته

اخواني واخواتي الكرام

المساعدة الاولى :
.. انا من شهر خذت ايفون 4 .. من اتصالات والصراحة ما اعرف ليش ما ارتحت للايفون .. واحين مفكر اتخلص منه..فكيف اتخلص منه بأقل الخسائر ؟؟ (دافع قسط اول 8وشي وكل شهر 250)

المساعدة الثانية :

انا ناوي اخذNokia 6710 Navigato ,, شو رايكم ب هالتيلفون ..زين ولا ؟؟؟

واشكركم مقدما

الـوصــل
03-29-2011, 08:21 PM
السلام عليكم ورحمة الله وبركاته

يا جمــاعة ابغي اخذ نيفيجيتور 6710 .. اتمنى منكم تنصحوني .. زين ولا لا ؟؟

NouCamp
03-30-2011, 10:56 AM
الـوصــل

خويه عشان نساعدك في الاختيار الصحيح شو أهم المميزات الي تباها في التيلفون

NouCamp
03-30-2011, 10:58 AM
إبـراهـيـم

بيني و بينك ما أشجعك على النوكيا ان 8 مافيه شي مميز غير كيمرته !

اذا كنت تدور على تيلفون عملي و يكون فيه المواصفات التاليه :

1- بطاريه ممتازه
2- ارسال ممتاز
3- كاميره جيدا
4- سهل الاستخدام

فأنصحك تاخذ بلاكبيري 9780 حتى لو كنت تبا تضيف عليه الخدمه التيلفون ممتاز في الاتصال و التراسل

NouCamp
03-30-2011, 11:02 AM
Nokia T7-00

نوكيا تستعد لاطلاق هاتف جديد يعمل بنظام السمبيان الجيل الثالث :Wa: و الهاتف الجديد بيكون من عائله ال T الي بتطلقها نوكيا مع اطلاق الجهاز !

لا شي مميز في الجهاز كونه يشترك مع النوكيا ان 8 في المواصفات !

الـوصــل
03-30-2011, 03:37 PM
الـوصــل

خويه عشان نساعدك في الاختيار الصحيح شو أهم المميزات الي تباها في التيلفون

اهم شي عندي البطارية تكون زينه + الكام تصويرها عدل + الصوت عالي ..

اعتقد ان النيفجيشن يكون شغال مدى الحياه ولا ؟؟

Dr.Ibraheem
03-31-2011, 01:00 AM
إبـراهـيـم

بيني و بينك ما أشجعك على النوكيا ان 8 مافيه شي مميز غير كيمرته !

اذا كنت تدور على تيلفون عملي و يكون فيه المواصفات التاليه :

1- بطاريه ممتازه
2- ارسال ممتاز
3- كاميره جيدا
4- سهل الاستخدام

فأنصحك تاخذ بلاكبيري 9780 حتى لو كنت تبا تضيف عليه الخدمه التيلفون ممتاز في الاتصال و التراسل

مشكور اخوي وانا جربت التلفونين
توكلت على الله وخذت بلاك بيري

NouCamp
03-31-2011, 12:08 PM
إبـراهـيـم

عله مبروك ان شاء الله و احب اقولك لا تنسى تستخدم ال blackberry app world لنه صار متاح في الامارات

Chicharito
04-03-2011, 02:55 PM
سؤال عن النوكيا n8

اول ماخذته كانت تطلعلي على الشاشه ان في شي يديد للفون

بس احين ماقام يطلعلي هالشي <<< عقب ما عدلت الـsetting's

Chicharito
04-03-2011, 02:56 PM
اذا حطيت 3Gs

بيسحب من الرصيد شي!!

ولا مايخصه

للـN8

Chicharito
04-03-2011, 02:59 PM
سؤال بخصوص ملف الاغاني & الصور

في الـn8

يستوي في ملف الاغاني احط ملفات عده داخله!!

و في الصور في مكان اسمه all يستوي امسحه أو اخشه يعني مايبين أو احط له باسورد!! .. لان كل الصور يتسيفون هني و المكان الي انت تختاره

بأنتظاركم

:)

Chicharito
05-05-2011, 01:21 AM
استفسار

يوم اطرش اغنيه تكون في قسم الرسايل

بس عقب ماعرف كيف احطها في قسم الاغاني

ممكن حد يساعدني

! J U V E !
05-05-2011, 03:30 AM
استفسار

يوم اطرش اغنيه تكون في قسم الرسايل

بس عقب ماعرف كيف احطها في قسم الاغاني

ممكن حد يساعدني

ادخل الاغاني
وبعدين اضغط ع الخيارات وبتحصل تحديث المكتبة اضغط عليه

وبعدين وراح تحصل الملفات الصوتية الي في رسائل في الاغاني

Chicharito
06-09-2011, 01:34 AM
ادخل الاغاني
وبعدين اضغط ع الخيارات وبتحصل تحديث المكتبة اضغط عليه

وبعدين وراح تحصل الملفات الصوتية الي في رسائل في الاغاني

مشكور يا الحيب

و الصور نفس الشي!!

Chicharito
06-09-2011, 01:35 AM
السلام عليكم

عندي سؤال بخصوص النت في النوكيا n8

ما اباه يشبك على الوايرلس روحه

كيف!! شو اسوي

! J U V E !
06-09-2011, 03:27 AM
ادخل معالج wlan

اضغط على الخيارات ادخل الضبط بتحصل عرض اتاحة wlan اختار مطلقا

Chicharito
06-11-2011, 01:39 AM
ادخل معالج wlan

اضغط على الخيارات ادخل الضبط بتحصل عرض اتاحة wlan اختار مطلقا

ماقصرت يا اليوفاوي

Chicharito
06-12-2011, 04:49 AM
ادخل معالج wlan

اضغط على الخيارات ادخل الضبط بتحصل عرض اتاحة wlan اختار مطلقا

سويت الي قلتلي عليه

بس يوم اكون يالس في البيت .. علامه انه شابك على الوايرلس اتم ظاهره

الشامسي 1911
06-14-2011, 10:36 AM
ال ovi
قطع عندي!!!
ما اروم اهبط عليه !!!
شو الترتيب ؟

Chicharito
06-17-2011, 07:57 AM
ال ovi
قطع عندي!!!
ما اروم اهبط عليه !!!
شو الترتيب ؟

جريب مره ثانيه يا الطيب

Chicharito
06-17-2011, 07:58 AM
احين انا يوم اسوي مال الاغاني اوكي يتسيفون بس التسجيلات الي في الرسايل و ابا احطهم في قسم الاغاني مايستوي ممكن حد يساعدني

R@SHID
06-18-2011, 06:12 PM
نزل تلفون نوكيا الخاص بفئة البزنس اليديد

E6

http://cdn1.rightphone.net/wp-content/uploads/2011/04/Dual-Nokia-E6.jpg

كمواصفات الجهاز ممتاز , ابرز مواصفاته انه تتش سكرين و في نفس الوقت بكيبورد كامل , وكيمرته 8 ميجا بكسل على الرغم انه مب متخصص في البزنس


ايضا, قابل للشحن بطريقتين , ال usb و الابره الصغيره , انا بصراحه كنت اعاني من ال usb في تلفوني N97 لانه دوم يخترب وكنت اتمنى نوكيا يردون الابره الصغيره


اخر مميزه في هالتلفون هي انه بنظام السمبيان اليديد , anna , وإلي يستحق التجربه , لانه يحمل متصفح جديد و بعض المميزات الجديده كليا لنوكيا


سعر التلفون اليوم في اكسيوم ب 1450 درهم

وفي المحلات إلي خارج المولات بأقل من هالسعر اكيد, amt سألتهم خبروني انه ب 1390 درهم تقريبا

التلفون يتوفر بثلاث الوان , ابيض , رمادي و اسود .

●▪▫ ™βŁẶŃҚĄ ▫▪●
06-24-2011, 07:36 AM
8M1wC0pS_No&feature=player_embedded#at=329

اترك لكم التعليق ..

:25:

ياقاهرهم يا الوصل
06-28-2011, 10:18 PM
لو سمحتو بغيت اعرف سعر nokia c7 أو nokia n900 او اي واحد استخدامه افضل ........؟؟؟؟؟

مالكـ خص
06-29-2011, 09:45 PM
Nokia C7
1279 درهم

Nokia N900
2000 درهم

اما عن الاستخدام اغلبية التقارير
تمدح nokia n900

E n z o
06-30-2011, 03:57 AM
السلام عليكم و رحمة الله و بركاته

شباب بغيت رايكم في هالفون تنصحوني اخذ

N9 ام HTC Sensation

لأني نـاوي آخذ من هالجهازين مع اني كنت غاسل ايدي من نوكيـا لكن نظام الميجوي خلاني اعيد التفكير فالجهاز

خاصة ان التش ماله رهيب و الكاميرا الجبارة 12 ميغابيكسل

اتمنى انكم تساعدوني و تقولولي مواصفات اي التلفونين احسن من كل النواحي

فمان الله

E n z o
06-30-2011, 08:40 PM
أكثر من 45 مشـاهد و ولا رد!

Chicharito
07-01-2011, 12:33 AM
أكثر من 45 مشـاهد و ولا رد!




بصراحه ماعرف شي عن التلفون

عادي لازم تتعود على ها الاشياء .. عادي 1000 مشاهد ولا رد واحد

لا تستغرب

في المنتدى .. بس يريدون على الي عندهم عضويات قويه او معروفين

و يالله يالله يردون على الاعضاء العادين و الي مايعرفون حد في المنتدى

الشرجــاوي
07-04-2011, 03:30 PM
السلام عليكم

جيف حالكم

عساكم بخير وسهالة

سؤال هل في برنامج "الخريطة" وبالعربي لنوكيا 6120 ؟؟

درت كذا محل وقالولي بنزل لك برنامج بس بناخذ منك 100 درهم

لوفي وترمون تييبونلي بتسوون خير

EL DON
07-16-2011, 02:31 PM
السلام عليكم

شحالكم جميعا

شباب قبل كان سعر نوكيا n95
2000 وشي


http://www.alhsa.com/forum/imgcache/205999.imgcache




ابغي اعرف حاليا كم صار سعره ؟؟
وين احصله بسعر معقول

اتمني تفيديوني

EL DON
07-16-2011, 07:29 PM
تنوووووووويه

مابغيه مستعمل

Uae lion
08-23-2011, 12:29 AM
http://www.electrony.net/media/2011/08/25-Nokia-N8-Symbian-Anna1.jpg (http://www.electrony.net/articles/35536/25-nokia-n8-symbian-anna1/)




لجميع من إنتظر هذا التحديث لشهور طويلة. أخيراً، هاهي نوكيا تقوم بإطلاق Symbian Anna كتحيدث Over The Air أو عن طريق الـ Ovi Suite.

نوكيا أعلنت في واحدة من مدوناتها و في المنتدى الرسمي، أن التحديث أصبح متاحا بالعديد من الدول منها: بلجيكا، الصين، جمهورية التشيك، الدنمارك، مصر، فنلندة، ألمانيا، الهند، اندونيسيا، الكويت، نرويجيا، بولندا، روسيا، السويد، تايلاند، الإمارات العربية المتحدة، و المملكة المتحدة. و ذكرت بأنه سوف يتم دفع التحديث لباقي البلدان خلال الـ 3 أسابيع القادمة.
تحديث Symbian Anna لا أرى إلا انه تمهيد لتحديث Belle الذي هو قريب من فكرة MeeGo بالنسبة للقائمة الرئيسية، أي انه لا توجد مجلدات، فقط جميع البرامج و المهام و الخواص موجودة في قائمة واحد، وهي القائمة الرئيسية.
يذكر إن Symbian Anna يقدم تغييراً عند التحويل بين الـ Home Screens (مشابهاً للـ iOS)، و يقوم بعمل تغيير كامل للأيقونات إلى أشكال جديدة، تطوير المتصفح، تفعيل رقاقة الـ NFC لهواتف الـ C7، تحسين للـ Ovi Maps، تحسين للأداء بإصلاح أكثر من 100 مشكلة في النظام، و لعل أبرز ميزة سوف تريح المستخدم هي إضافة كيبورد QWERTY في الوضع العمودي، تقسيم الشاشة لقسمين خلال الكتابة، قسم للوحة الكتابة و الآخر لرؤية ما يكتب في واجهة البرنامج نفسه، عوضاً عن خلفية بيضاء مزعجة. التحديث أيضاً يضمن تحسينات و خواص اضافية لكاميرا هاتف N8.
أنا قمت بتحميل الـ Ovi Suite لتحميل التحديث على جهازي Nokia n8، ولعلي كنت محظوظاً عند إختياري لهذا الجهاز عوضاً عن أي جهاز نوكيا آخر. و من خلال تجربتي للتحديث فهو ممتاز خاصة مع الكيبورد qwerty في الوضع العمودي...,

Chicharito
08-23-2011, 08:23 PM
السلام عليكم

شحالكم جميعا

شباب قبل كان سعر نوكيا n95
2000 وشي


http://www.alhsa.com/forum/imgcache/205999.imgcache




ابغي اعرف حاليا كم صار سعره ؟؟
وين احصله بسعر معقول

اتمني تفيديوني


جرب سير المحلات الي صوب البحيره أو في السوق الجديم

او اذا تقدر سير السطوه اكيد بتلقى هناك

Adsense Management by Losha