مشاهدة النسخة كاملة : يا شباب بغيت استشيركم ( أفضل عيادة لعلاج اصابات وآلام العمود الفقري في الدولة) تفضلوا


بو مبارك
02-02-2011, 01:04 AM
السلام عليكم


انا عندي اصابة في أسفل الظهر من سنتين تقريبا.. ورحت أحد المستشفيات الحكومية قالوا لي ما فيك شي..


المطلوب منكم::

ممكن حد يدلني على مركز لعلاج هذي الاصابات سواء كان هذا المركز حكومي( الافضل) او خاص

وإذا حد مر في هذي المشكلة واتعالج منها ممكن يذكرها لتعم الفائدة

بالنسبة للمركز إذا كان قطاع خاص يرجى ذكر تكلفة العلاج إذا كانت متوفرة <<< انا عاطل عن العمل

انتظر رد الأحباب الطيبين

روح الإمارات
02-02-2011, 01:10 AM
هلا اخوويه
اذا قصدك عيادة للعلاج الطبيعي شي عيادة في بوظبي في ماركس سبنسر ( مركز فتوحي الخير )
من الخلف بناية 4 اظن
شي عيادة اسمها المركز الالماني مدري الامريكي التخصصي للعمود الفقري
انا اتعالجت عنده والحمدلله الحين وايد احسن عن قبل

عندي الرقم بس في الدوام ان شاءالله باجر بطرش لك الرقم

الله يشفيك :)

روح الإمارات
02-02-2011, 01:12 AM
هي صح اسعارهم مب غالية اسعار عادية

يعني اكثر مبلغ خذوه عني تقريبا 300
واصلا محطين ورقة الاسعار عند الرسيبشن
علاجهم طبيعي وعلاج كهربائي بالذبذبات ويسوون لك اشاعة قبل 3 مرات تقريبا

كتلوني 17
02-02-2011, 01:26 AM
انا مدري هنا وربي
الاشياء هاي سافر برا رغم احترامي للمستشفيات الي اهنيه

GS 430
02-02-2011, 02:34 AM
سير عياده البطين او بين الجسرين

وراح ياخذون لك اشاعه ويحولونك لــ قسم العلاج الطبيعي لمستشفى خليفه

صارلي مده اتعالج عندهم لاكن الالم موجود وكل يوم والثاني يزيد للأسف :(

هادي الطبع
02-02-2011, 03:03 AM
أخوي بو مبارك

أول شيء ما تشوف شر أن شاءالله

عندنا في جميرا مستشفى متخصص لـ الجراحة العصبية و العمود الفقري

للأسف ما عندي معلومات كثيره عن المستشفى و عن الأسعار ..

بس إذا حاب أعطيك رقم المستشفى و تستفسر أطلب و فاك طيب.

صقر بحر الشمال
02-02-2011, 10:22 AM
بو مبارك إذا يمديك تروح الشارجة فعليك بعيادة الدكتور نجم العزاوي، طبيب في الجيش العراقي قبل الغزو، كم من واحد من الشخصيات في الدولة تعالجوا عنده ، وأيضا حد من الأهل تعالجوا عنده ، والكشف مع الأشعة 300+200 درهم ، إذا عندك أشعة خذها معاك عشان ماتصور مرة ثانية.

الموقع كورنيش البحيرة الرقم : 065593994

kha1ed
02-02-2011, 12:28 PM
السلام عليكم ورحمةالله
في نقطة حبيت أنوه لها ،
أحيانا آلام الظهر والمفاصل لها أسباب نفسية متى ماخفت الضغوط النفسية خفت معها آلام الظهر .
وفي النهاية إسأل طبيب ومجرب والله أعلم وبيده الشفاء.

روح الإمارات
02-02-2011, 02:08 PM
أخوويه هذا رقم العيادة اللي في بوظبي

026345162

والله يشفيك

EL`6ABY
02-02-2011, 02:20 PM
اخويه انا كنت اتعالج عند المركز الكندي ف بوظبي ..
وايد زين ..
ومره شليت بنت خالتيه قالها لي فيج عادي يسون لج عمليه بس زين ييتي وعالجها طبيعي والحمدالله هي روحها مدحته بعد ..
والوالد سار بعد له والوالده ..
انا كنت اتعالج على ثقه بس وقفوها ماعرف شو المشكله واظن يعالجون ببطاقه ضمان ماذكر اسمها ><"

صقر الخليج
02-02-2011, 02:32 PM
سير بانكوك ياخوي وعالج عمرك وانتبه تسوى عملية للعمود الفقري اذا احتاج الامر الا في مستشفى ودكتور محترف محترف محترف واتمنى لك الشفاء العاجل باذن الله

A b d u ll a
02-02-2011, 04:42 PM
عـنـدكـ مـسـتـشـفى تـوآمـ فـيـ آلـعيـنـ دومـ آروحـلـهـ!
وبـعـد بـآنـكـوكـ علـآجهمـ زينـ\
:25:

خيال 2000
02-02-2011, 10:47 PM
أنصحك زيارة الدكتور سالم خميس في العيادة الكندية لتقويم العمود الفقري على شارع الوصل بدبي
جربته لمدة أسبوعين والحمد لله استفدت كثير
يتم العلاج في العيادة عن طريق اليد وهي تقنية منتشرة بشكل كبير في كندا
تحياتي

بو مبارك
02-02-2011, 10:55 PM
أنصحك زيارة الدكتور سالم خميس في العيادة الكندية لتقويم العمود الفقري على شارع الوصل بدبي
جربته لمدة أسبوعين والحمد لله استفدت كثير
يتم العلاج في العيادة عن طريق اليد وهي تقنية منتشرة بشكل كبير في كندا
تحياتي

كم أسعارهم؟؟

بو مبارك
02-02-2011, 10:56 PM
بو مبارك إذا يمديك تروح الشارجة فعليك بعيادة الدكتور نجم العزاوي، طبيب في الجيش العراقي قبل الغزو، كم من واحد من الشخصيات في الدولة تعالجوا عنده ، وأيضا حد من الأهل تعالجوا عنده ، والكشف مع الأشعة 300+200 درهم ، إذا عندك أشعة خذها معاك عشان ماتصور مرة ثانية.

الموقع كورنيش البحيرة الرقم : 065593994

أخوي ممكن تذكر لي كم سعر العلاج إذا كان متوفر عندك

عآلي طموحي’
02-02-2011, 11:08 PM
أسأل رب العرش العظيـم أن يشفيك

ومـآتشؤف شـر

همس الإحساس
02-03-2011, 08:09 PM
بومبارك سلامتك ياخوي
والله انا خبره :aa_bigsmile:

بهالسوالف والحين مدحولي الامريكي الي تنعته
روح الامارات بس بتخبرها عندهم ضمان ولا لا ؟؟

اما عن الكندي الي في بوظبي بصراحه وايد ستريت بتعامله معاي
انا وضعي حساس شوي تقول ضرابه عنده مااحب جي ؟؟مع العلم كنت
ادفع له كاش من دون ضمان ؟؟ وماستفدت

والعمود الفقري الي بدبي البعض يمدحه والبعض لا والله اعلم به ؟؟؟

اما عن مستشفي خليفه والله يمدحونه بعد وعندهم اجهزة زينه اتيب مفعول طيب للعضل...

عن مستشفي المفرق اطلب دكتور السيد مدير القسم بنفسه ممتاز بس مشكلته مزحوووم

هي وبعد مدحولي الخليجي التخصصي الي في بوظبي ممتاز يقولون لي وانت اختار عاد ...:(=:
وبعد مستشفي التخصصي الجديد وري صحاري سنتر بنفسي جربته بعد ياب نتيجه معاي ولكني
استبعدت المكان مارمت اروح له ....

وبعد في مركز للعلاج الطبيعي بالجزيرة الحمرا براس الخيمه يمدحونه ومركز يديد


واخيرا وليس اخير انتظر الدكتور أدم الي يعالجني بألمانيا ممتاز جدا جدا والمشكله هناك ضرابه عليه من قبل الجميع من دول الخليج مابخصص لاني شفت بعيني وخاصه من الشيوخ وكبار الشخصيات ماشاءالله عليه ياحرام يغمضني احسه مضغوط الله يوفقه بيفتح له فرع بدبي بند الحمر بس بشهر ابريل ...للأسف مايروم اييه لانه بعيد علي :bli:



ممممم اذا ذكرت بعد برد لك وبخبرك ....

صاحب قمة
02-03-2011, 10:54 PM
انا واحد اعاني من آلام الظهر والركب
والسبب كثرة استخدام السلم والجلوس لفترات طويلة واهمها الوزن
في الفترة الاخيرة خففت من استخدام السلم بنسبة 80 بالمية
فحسيت بارتياح كبير
باقي تخفيف الوزن

جرب تخفيف الوزن والسباحة وتخفيف الجلوس وووو

حاول قدر الامكان تتاقلم مع الوضع ولا تتسرع على العملية لان عندي اثنين جربو العمليات وما فادتهم بشكل كبير وبالاضافة للعمليات يتعاطون ادوية ما اعرف شو اسمها بس
ما ينصحون احد ان يسوي عملية ,
اثنين منهم جربو مستشفى الامارات الخاص اللي في الجميرا العملية كلفت تقريبا 60 الف وبلا فايدة .

والله يعين

النصراوي
02-04-2011, 04:43 AM
السلام عليكم ,,اخوي بو مبارك اول شي اسال الله العظيم رب العرش العظيم ان يشفيك ان شاءالله ويعافيك ,,شوف اخوي انا انصحك تجرب مركز kkt العالمي للعمود الفقري في بوظبي في منطقه البطين قريب من ديوان سمو ولي العهد ,شوف ياخوي هالعياده تستخدم علاج جديد وهو الموجات الكهربائية للفقرات والاعصاب للعمود الفقري ,,علاجهم جدا ممتاز ووايدين مدحوا المكان ,وانا عندي الوالده الله يحفظها ماخليت مكان ماوديتها الكل قالوا عمليه وجذيه ,,وديتها هناك والحمدالله استفادت وايد ومازالت تتعالج هناك _ بخبرك كيف علاجهم : اول شي يسوون لك اشعه ثلاثية الابعاد للعمود الفقري من الرقبه لين تحت الفقره الاخيره عسب يشوفون مدي الانحاء اذا كان موجود ,وبعدين يخبرونك اذا علاجهم يناسب حالتك ولا _ العلاج عباره عن جلسات وعندهم جهاز خاص مثل الليزر بس هو مش ليزر مجرد موجات كهربائية ماتحس بها ,,تاخذ عدة جلسات وكل جلسة مدتها كحد اقصي 3 دقايق تقريبا , المهم الدكتور صاحب المركز مواطن الدكتور عمر العامري معروف عندنا ببوظبي وعنده دكتور ثاني اسمه حسني ,المهم الجهاز مافيه اي سلبيات وعلاجهم جدا مريح لانه الموجات هذه تخلي العمود الفقري يكون بشكل عمودي ومافيه اي انحناء اللي هو يسبب الاالم وخاصه بين الفقرات ,,جرب اخوي وصدقني راح تدعي لي ,,مشكلتهم الوحيده انهم مايقبلون بطاقه ثقه او ضمان ,ووعلاجهم بصراحه غالي شوي ,,وتقريبا اذا بغيت العلاج اقل شي تحتاج من 15 الي 20 جلسه ,بس اذا كنت عسكري عادي تاخذ تقرير منهم وتوديه مستشفي زايد اللجنه الطبيه وبيتكفلون بالعلاج ع حساب القوات المسلحه وهذه الحسنه الوحيده للعسكريين فقط ,, هذا رقمهم اذا حاب تحجز وتجرب 026815550 وانا حاضر لاي استفسار ياخوي والله يشافيك ان شاءالله

مسافر النهدي
02-04-2011, 10:22 AM
أنا ما عندي خبره بهالامور..وأحمد الله على العافيه..

بس حبيت أدش وأدعيلك بأن الله يشفيك وسلمك من كل شر ومرض..

بو مبارك
02-05-2011, 11:35 AM
مشكور اخوي نصراوي... ولكل الاخوة الذين بذلوا المعروف

ممكن تعطيني تقريبا تكلفة العلاج بالدرهم؟؟

هل هو على حسب الجلسات؟؟

ومشكور

اخر كم
02-05-2011, 12:26 PM
انصحك اسير مستشفى العمود الفقري الي في جميرا عند الدكتور عبدالكريم

ولـــد ابوظـــبي
02-05-2011, 02:37 PM
والله الموضوع راح يفيد الكثير من الناس و منهم انا أيضا.
.
.
قبل سنة بالضبط انجلبت بالدراجة و خذوني بالاسعاف لمستشفى توام فحصوني قالوا لي رضات و كدمات يعني الحمدلله ما شي كسر إلا في صبع واحد و ما عالجوه على فكرة و إلى الآن شكله غير عن البقية منتفخ شويه... رقدوني يومين و طلعوني عقبها مع علبة بروفين قالوا لي انت ما فيك شي... كيف ما فيني شي و انا اعرج و ماروم أيلس... صلاتي لين قبل شهرين و هي عالكرسي... يعني 10 شهور و انا اصلي عالكرسي و السبب الركبتين و إلى الآن أعاني ما اقدر ايلس عالارض أكثر عن 5 دقايق اتم متحرقص... و الظهر حدث و لا حرج احس العضلات متهمشة الى الآن و من أبذل جهد على طول يعن عليه.
.
.
موضوع مفيد.

النصراوي
02-06-2011, 01:19 AM
مشكور اخوي نصراوي... ولكل الاخوة الذين بذلوا المعروف

ممكن تعطيني تقريبا تكلفة العلاج بالدرهم؟؟

هل هو على حسب الجلسات؟؟

ومشكور

العفو ياخوي ماسويت شي انا غير الواجب واللي يملاه على ضميري للاستفاده لك ولغيرك يطولي بعمرك ,,شوف اخوي اول موعد بيسوولك اشعه كامله وهاي تكلف تقريبا 750 درهم ,,وبعدين كل جلسه تقريبا 850 درهم ,, وتقدر تدفع بعد كل جلسه او تخليها كم جلسه وتدفع المجموع ,,, بس هم الحينه يحاولون مع شركات الضمان عسب يقبلون تكلفة العلاج ويعتمدون العياده وان شاءالله خير ,,,

B E N T L E Y
02-06-2011, 08:42 AM
داخل الدولة ما عندي علم


لكن خارج الدولة فأحسن مستشفى عالمي للمخ و العمود الفقري هو مستشفى ini في مدينة هانوفر الالمانية


و تحديداً عند البروفيسور سامي مجيد .. و وايد من هل البلاد و الخليج عموماً يتعالجون عنده


هالمعلومة يمكن ما تفيدك كونك تبى تتعالج داخل الدولة لكنها مجرد نصيحة لك و لباقي الاخوان :)

روح الإمارات
02-06-2011, 09:06 AM
همس الاحساس المركز الأمريكي اللي قلت عنه مش على الضمان

بس أسعارهم حلوة ما تزيد على 350 تقريبا
أهم شي تكملون العلاج عندهم

ونتمنى الشفاء للجميع :)

ولد خليفه
02-06-2011, 09:37 AM
نصيحه مني من عقب ماجفت ربيعي

كانت عنده الام في الظهر وفيه دسك.. التشخيص اللي سووه له في الدولة يقول انه يحتاي عملية معقده نسبة نجاحها بين الستين والسبعين.. وحتى لو نجحت ما يقدر يعيش طبيعي.. يعني ينسا الرياضه ويركبون له نفس حدايد وجي..

الحبيب من كم يوم راد من البارحه.. يلس 10 ايام في تايلند علاج طبيعي.. الحين حالته احسن بوايد.. وعقب شهرين لو استمر في تمارين معينه راح يقدر انه يتدرب حديد<< اقصد انه خلاص بيرد طبيعي

نصيحه من اخوكم.. اخسرو عشان خاطر صحتكم

الله يعينك ياخوي

مان سيتى
02-06-2011, 10:21 AM
في دكتور أسمه عمر العامري و هو استشاري في علاج العمود الفقري



اخترع جهاز مع 14 طبيب في كندا و الجهاز موجود عنده و الوحيد في الشرق الأوسط و و أفريقيا و آسيا



اسم المركز Kkt العالمي و مكانهم في بوظبي


بتوفيق وهذا الطبيب مرة طلع على علوم الدار ويمدحون مع اني معرف حد سار عندة

النصراوي
02-06-2011, 11:31 PM
بتوفيق وهذا الطبيب مرة طلع على علوم الدار ويمدحون مع اني معرف حد سار عندة

هيه نعم ياخوي هذا المركز ونفس الدكتور اللي اقصده انا بمشاركتي فوق وان شاءالله السلامه للجميع

بوغاليه
02-07-2011, 08:39 AM
أخوي ..

أنا عندي آلام الظهر من فتره طويله وبالأخص أسفل الظهر .. الآلام إتي وتروح ..

إتعالجت فتره في مستشفي دبي علاج طبيعي بدون أدويه والدكتور نصحني إني لازم أقوي عضلات أسفل الظهر والبطن وإستطالة عضلات الرجل الخلفيه .. واستمريت فتره طويله وانا مواظب على هاي التمارين قبل لا أبتدي تمرين الجم بنص ساعه ونسيت آلام الظهر بشكل كامل لسنوات طويله .. بس ألحين ردتلي اللآلام مره ثانيه بسبب توقفي لفتره طويله عن هاي التمارين ..

المهم الإسبوع الإلي طاف راجعت عياده في جميرا 3 عند الدكتوره ندى (إيرانيه أمريكيه) مدحولي إياها وايد إسم العياده مركز القمة الطبي وهذا موقعهم http://topmedicaluae.com/

بصراحه حسيت بنتيجة علاجها من أول جلسه !! خوزتلي العوار من اول يوم وقالتلي أحتاج لـ 15 جلسه تقريباً على مدار شهر عشان الجسم يرد يتعود على وضعيته الصحيحه .. وبعده بتشرحلي بالتفصيل شو لازم أسوي لمدة 11 شهر بنفسي بدون الحاجه لمراجعتها من طريقة الجلوس والتمرين والسواقة والأكل والوزن وكل شي إيأثر عالظهر .. وقالتلي إذا سويت إلي قتلك إياه لمدة سنه بتنسى هاي الآلام نهائية إن شاء الله ..

علماً إني راجعت دكاتره كثار في البلاد وخارجه منهم الدكتور آدم إلي قالت عنه الأخت همس وهو فعلاً دكتور ممتاز بس ماقدرت أكمل علاجي وياه في البلاد وعلى فكره هو عالج لاعب الأهلي كريمي يوم يته إصابه في الركبه ( الرباط ) .. :) !

وراجعت ايضاً دكتور في التشيك وتقريباً كلهم قالولي نفس الكلام ومانصحوني أسوي أي عملية في الظهر بس عطوني تمارين مشابهه تقريباً ولكن اسلوب الدكتوره ندى في عياده القمه غير !! وإللي ايروح بيفهم إلي أقصده D: !! .. حتى يوم إستلمتني قلت لا بالله طلعت مشلول اليوم يا بوغاليه من العياده بس الحمدالله طلعت زي البومب وخازت الآلام !!

وإن شاء الله راح أخبرك بالنتيجه النهائية للعلاج بعد ما أخلص كل جلساتي

بالنسبه للأسعار .. انا عندي تأمين بس أتوقع كل جلسه بـ 400 درهم .. مش متأكد والله بس تقدر تتصل فيهم وتسأل ..

والله يشفي الجميع إن شاء الله :)

dunhill
02-07-2011, 08:56 PM
اف يا الاسعار كيف غدت ؟!
لكل جلسه 850 درهم !! وأكيد في أكثر وأقل
اللهم نسألك الجنه , هناك لا شيب و لا مخاط ولا غائط ولا بول ولا تفال

Adsense Management by Losha