مشاهدة النسخة كاملة : ومن ظن أن الرزق يأتي بقوة // ما أكل العصفور شيئا مع النسر ..


COCO CHANEL
06-07-2009, 12:02 PM
:aa_sekal:


ياتني فترة تقشف

وتضعضعت الميزانية

وبعت اللمبو اللي كان عندي

وكنت دوم احمد ربي على كل حال

وفي يوم من الأيام (( في الصيف اللي فات )) ..

ظاهر من الدوام ولا المكيف لكم عليه ماكان يبرد ذاك الزود .. كنت احس بالحر بس يعني شي مكيف لكن الدلع يخليني احس ان حر .. وانا في الطريج وقفت عالإشارة وكنت ثاني سيارة وانا اتريا الاشارة تفتح ولا هذيج المورسيلاغو اللي تخطف يدامي .. وصادني نوع من الحسد وقلت آآخ يازمن .

في نفس الوقت وانا اشوف المورسيلاغو حسيت بعيون تراقبني .. والتفت على يساري , وتكون المفاجأة الصاعقة

......

باص عمال كبير وفيه ضعف الحمولة من العمال كلهم على بعض وحشرة واللي عدال الشباك مظهر راسه برى يبا يتنفس , والشباك عليه حديد يعني تخيل كيف بتظهر راسك من هالحديد

ومعظم اللي في الباص كانوا يتطالعون فيه وانا غترتي ترفرف من المكيف .. وسيارتي توسع لثمان اشخاص مرتاحين وانا روحي يالس فيها

..

حمدت ربي ألف مره عالنعمة وقلت الحمدلله جان ها عنده هالسيارة ترى هايله راكبين باص وانا راكب سيارة


يابن آدم : لاتشوف فوق , شوف تحت .. وبترتاح

الحمدلله تيسرت الأمور ورد كل شي طبيعي وخذت لي سيارة تطيب خاطري لكن هالموقف ما أنساه

موقف للعبرة

لما فيه من حكمه بالغه لمن يخشى الفقر .. ولمن يظن ان الرزق بيد صاحب منصب او بيد بشر اترككم مع الصور فهي ابلغ الكلام :

سبحان الله كيف يرزق الطائر بعز الثلج ... صور تبين عظمة الخالق

سبحان الله وبحمده سبحان الله العظيم

http://www.up4mb.com/up/get-6-2009-tx9egxpm.gif

http://www.up4mb.com/up/get-6-2009-yjo0no3v.gif

http://www.up4mb.com/up/get-6-2009-emm4coo9.gif

http://www.up4mb.com/up/get-6-2009-6wwjhbwa.gif

ومن رأيت هذه الصور حتى راودتني الحكمة التي تقول : علمت أن رزقي لن يأخذه غيري فطمأن قلبي !!

في حد عنده شك بالموضوع ؟


وفي الأخير ..

عليك بتقوى الله إن كنت غافلا
..............يأتيك بالأرزاق من حيث لا تدري
فكيف تخشى الفقر و الله رازقا
.............قد رزق الطير و الحوت في البحر
ومن ظن أن الرزق يأتي بقوة
.............ما أكل العصفور شيئا مع النسر
تزود عن الدنيا فإنك لا تدري
...........إذا جن عليك الليل هل تعيش إلى الفجر
فكم من صحيح مات من غير علة
..........وكم من سقيم عاش حينا من الدهر
وكم من فتى أمسى و أصبح ضاحكا
..........وأكفانه في الغيب تنسج وهو لا يدري
فمن عاش ألفا وألفين
..........فلا بد من يوم يسير إلى القبر


والسلام عليكم ورحمة الله وبركاته

:)

بنت العاصمه
06-07-2009, 12:09 PM
موضوع جميل وعيبني يا بو خالد ..[ ملذات الدنيا وما اتسوي ]
علمت أن رزقي لن يأخذه غيري فطمأن قلبي !!
توقيع العضو أبوظبي يبث الطمأنينه في قلب الواحد ..:)..
لك الشكر على الطرح :25:

إماراتيـــه وكلـــي فخر
06-07-2009, 12:14 PM
موضوووع حلووو يا بو خلود.. والانسان لازام يشووف اللي تحته قبل لا يشوف اللي فوق والله يهدينى..

قلم حر
06-07-2009, 12:15 PM
لو جريت جري الوحوش غير رزقك ما تحوش

والقناعه كنز لا يفنى


مشكور على ها لموضوع المثري

كثر منها يا بوخالد

محمد
06-07-2009, 12:16 PM
( و من يتق الله يجعل له مخرجاً و يرزقه من حيث لا يحتسب )

صدق الله العظيم


من أسباب الرزق (http://www.talmeehat.com/b/?p=275):

الاستغفار والتوبة.
التوكل على الله،
عبادة الله،
صلة الرحم،
الإحسان إلى الضعفاء والفقراء
دعاء الله عزوجل بأسماءه الحسنى




فعلا اخوي بو خالد موضوعك متميز وراقي

الانسان بجوهره مو شكه الخارجي



رحم الله والديك وربي ان شاء الله يجزيك الخير


:aa_heart2:


تقبل مروري

:25:

غبار الحب
06-07-2009, 12:18 PM
الحياه حلوه على قدنا والله بس على قدنا


تحياتي

الكا111شخ
06-07-2009, 12:24 PM
:soc: ارض بما قسمه الله لك تكن اسعد الناس ^_^

احيدهم فكل موضوع يقولون كوكو خقاق بس اليوم طلع متواضع :aa_england:

ومشاركه احلى من رائعه كوكو وكثر من هاي السوالف !!

قلم حر
06-07-2009, 12:30 PM
:soc: ارض بما قسمه الله لك تكن اسعد الناس ^_^

احيدهم فكل موضوع يقولون كوكو خقاق بس اليوم طلع متواضع :aa_england:
ومشاركه احلى من رائعه كوكو وكثر من هاي السوالف !!

دوام الحال من المحال

يمكن ربك هداه
:blu:

ا ل س و ي د ي
06-07-2009, 01:21 PM
( انظروا إلى من هو أسفل منكم ولا تنظروا إلى من هو فوقكم فهو أجدر أن لا تزدروا نعمة الله عليكم متفق عليه ). حدبث شريف

والي يشوف مصيبة غيره تهون عليه مصيبته

اللهم لك الحمد

Mister Saif
06-07-2009, 01:42 PM
ذكرتني بفراشه كانت تغسل حماام و ماخذه الدنياا يالسه تغني و مستانسه محد شراتها ... !
بعدين شي فرق النظر لفووق مايكون على شكل طمع كثر ماهو طموح ... :aa_7aded:
الا صح شو اخبار اللـــ SLR اللي عندك هاا يالخقاااق ... :bwroo:

عيناويه ياسيه
06-07-2009, 02:10 PM
صح والله .. القنــاعه كنز لاينفى :)

COCO CHANEL
06-07-2009, 05:55 PM
موضوع جميل وعيبني يا بو خالد ..[ ملذات الدنيا وما اتسوي ]

توقيع العضو أبوظبي يبث الطمأنينه في قلب الواحد ..:)..
لك الشكر على الطرح :25:

العفو ختي بنت العاصمة

ومشكورة عالمرور

:)

اكس اوه
06-07-2009, 06:21 PM
يا نفس إن لم تظفـري لا تجـزعي .. وإلى موائـد جود مولاك اهرعـي
وإذا تأخـــر مطــلب فلربـما .. في ذلك التــأخير كل المطمــع ..

سبحان الله .. محد يأخذ إلا رزقه ..

موضوع جميــل .. مشكور اخويه coco chanel عالموضوع

وصلاوي راك
06-07-2009, 06:23 PM
موضوع جميل و مفيد تسلم
حكمة كبيرة لا تشوف اللي فوقك شوف اللي تحتك

Japanese Soul
06-07-2009, 06:29 PM
وبعت اللمبو اللي كان عندي

*

كنت احس بالحر بس يعني شي مكيف لكن الدلع يخليني احس ان حر ..




ههههههه حسبي الله ع شيطانك والله فطستني من الضحك :blu:

****

الحمدلله على كل الحال ..
اعظم نعمه يحصلها الانسان القناعة ..
ويكون راضي برزق الله .. ويحمده ويشكره .. ^^

:aa_cheerful:

قايد الفتك
06-07-2009, 06:31 PM
تسلم اخوي عاالموووضوع

COCO CHANEL
06-07-2009, 06:47 PM
موضوووع حلووو يا بو خلود.. والانسان لازام يشووف اللي تحته قبل لا يشوف اللي فوق والله يهدينى..

نعم صحيح

بس الواحد لازم ماينسى هالشي مع الوقت حتى لو زادت النعمه

:)

اشكرج عالمرور

:)

د.حور
06-07-2009, 06:49 PM
موضوع جميل يا بوخالد ...والقناعه كنز لا يفنى...

شوق العيون
06-07-2009, 06:53 PM
مِن أجمل المواضيع ... الهادفة ..

قلمك جميل وفكرتك في بث روح التفائل أجمل

يعطيك العافيه يا بو خالد ..

COCO CHANEL
06-07-2009, 06:58 PM
لو جريت جري الوحوش غير رزقك ما تحوش

والقناعه كنز لا يفنى


مشكور على ها لموضوع المثري

كثر منها يا بوخالد

وغير رزقك ماتحوش نعم

العفو عزيزي

وحياك الله في اي وقت

:)

COCO CHANEL
06-07-2009, 07:03 PM
( و من يتق الله يجعل له مخرجاً و يرزقه من حيث لا يحتسب )

صدق الله العظيم


من أسباب الرزق (http://www.talmeehat.com/b/?p=275):

الاستغفار والتوبة.
التوكل على الله،
عبادة الله،
صلة الرحم،
الإحسان إلى الضعفاء والفقراء
دعاء الله عزوجل بأسماءه الحسنى




فعلا اخوي بو خالد موضوعك متميز وراقي

الانسان بجوهره مو شكه الخارجي



رحم الله والديك وربي ان شاء الله يجزيك الخير


:aa_heart2:


تقبل مروري

:25:





ووالديك اخوي بوروضة

رد جميل

ونعم بالله

والتميز يكمل بوجود امثالك عزيزي

:)

اشكرك عالرد الجميل

:)

COCO CHANEL
06-07-2009, 07:06 PM
الحياه حلوه على قدنا والله بس على قدنا


تحياتي

غبار الحب

اكيد

ومن مستريح غير الفقير خالي الهموم

:)

MOHD1451
06-07-2009, 07:16 PM
صدقت والله الواحد يقول الحمد لله على كل حال

COCO CHANEL
06-07-2009, 07:40 PM
:soc: ارض بما قسمه الله لك تكن اسعد الناس ^_^

احيدهم فكل موضوع يقولون كوكو خقاق بس اليوم طلع متواضع :aa_england:

ومشاركه احلى من رائعه كوكو وكثر من هاي السوالف !!

شفت كيف عاد

ياخي هااي شهادة اعتز ابها :aa_kaaak:

وردك احلى من رائع اخوي الكاشخ

وشرفني تواجدك وردك

:)

Queen Of Hearts
06-07-2009, 08:12 PM
موضوع حلو .. وهدفه أحلى
لو كل انسان آمن بهالعبارة "علمت أن رزقي لن يأخذه غيري فطمأن قلبي !! " .. كان عاشت كل الناس مرتاحة

كثر من هالمواضيع بو خالد .. ويعطيك العافية
:)

غو يّة
06-07-2009, 09:16 PM
موضوع وايد حلو ومميز
وتستاهل الخمس نجوم وتقيم فنتوكي مني لك

بس ممم عادي اسال سؤال ؟
مممممم من زمان فبالي وكل ما احس اني ابا اسأله اتراجع والحين متردده اسأل ولا بس ممم
بسأل

مممم كيف أعرف انه هالشي رزق لي وما لغيري؟
ممم يعني كيف اعرف ؟

وبايؤوء

فني مختبر
06-07-2009, 10:54 PM
الحمد لله على كل حال ..


والله الواحد يحمد على النعمة اللي هو عايش فيها ..


ويكون حفظ النعمة عن طريق حمد الله وشكره .. وعن طريق الصدقات ..


وربي يحفظنامن كل شر..\


تحياتي ..

Emiraty
06-07-2009, 11:28 PM
الحمدالله على كل حال

موضوع جميل من عضو جميل

تسلم يا راعي اللمبو

DON S@LEM
06-07-2009, 11:50 PM
الحمدلله على كل حال

عشرة على عشرة يا كوكو

وينك الويك اند اللي فات ؟

Roze
06-08-2009, 04:11 AM
الحمدلله رب العالمين

فعلاً طمأنينة شعورك بأنَّ الرزق إن كان من نصيبك لنْ يمنعه مانع عنك،، من أجمل القناعات التي
يجب أن نؤمن بها،، نعم علينا بالسعي للأرزاق، وأخذ الأسباب و التوكل على الله، والدعاء، ولكن إنْ
لمْ نصل إلى ذلك الرزق لسببٍ مــا، هذا لايعني أننا أخطأنا الطريق،، بل المسألة في قناعتنا نفسها بحق
نصيبنا في ذلك الرزق، أو لآ؟

موضوعك جميل جدًا أخي / كوكو شانيل ،،
رزقك الله من فضله ونعمه، ودُمتَ قنوعًا ..

وذكرني بمشاركة لي منذ أيام في موضوع رسالة خاصة عامة تصب في نفس محور حديثك،،
إن أردتْ أن تطلع عليها من [ هُنــا (http://www.uaegoal.com/vb/showpost.php?p=2312855&postcount=1293) ]


شكرًا لطرحك..

قول كوباري
06-08-2009, 06:28 AM
مشكور يا اخوي على موضوعك الطيب ,, بالفعل كنت محتاج أقرا نفس مضمون موضوعك

عندي سؤال

كيف الواحد يقدر يزرع القناعة في نفسه ؟

تلاحظ أن القنوع في هالدنيا هو اللي مستانس ,, بس كيف يقدر الواحد يفتنع باللي عنده

حد عنده كتاب ولا نصيحة يفيدنا بها ؟

COCO CHANEL
06-08-2009, 07:57 AM
( انظروا إلى من هو أسفل منكم ولا تنظروا إلى من هو فوقكم فهو أجدر أن لا تزدروا نعمة الله عليكم متفق عليه ). حدبث شريف

والي يشوف مصيبة غيره تهون عليه مصيبته

اللهم لك الحمد

ونعم بالله

اكيد وها شي معروف

والله يوفقنا وياكم لما يحبه ويرضاه

:)

COCO CHANEL
06-08-2009, 08:01 AM
ذكرتني بفراشه كانت تغسل حماام و ماخذه الدنياا يالسه تغني و مستانسه محد شراتها ... !
بعدين شي فرق النظر لفووق مايكون على شكل طمع كثر ماهو طموح ... :aa_7aded:
الا صح شو اخبار اللـــ SLR اللي عندك هاا يالخقاااق ... :bwroo:

فراشه والمذكر فراش

وانا كنت اتحرى الفراشه اللي تطير ههههههه

لازم تكون مرتاحه ماتفكر بسيارة ولا في مجوهرات ولا كيف تظهر الربح من ورى المستهلكين

:)

بس عيبني اللي بالاحمر

ولازم على الشخص انه يفرق مابين الطموح ومابين النظر للمستحيل :)

لكن من واقع تجربة

لا شيء مستحيل

:)

والعروسة بعدها في الوكالة نضيف عليها اللمسات السحرية لجل عيون الصيفية

:aa_kaaak:

آمنه
06-08-2009, 08:02 AM
سبحان الله يا coco chanel
في ناس عندهم بصر لكن ما عندهم بصيرة
يوم شفت العمال والحالة اللي كانوا عليها تأثرت فتحركت بصيرتك
ياما ناس تمر عليهم مناظر أقسى ولا يتحرك فيهم الإحساس أو ما يفهمون حقيقة الشيئ
وياما تمر فينا حالات مادية أو نفسية وما نطلع منها بموعظة أو درس في حياتنا
أتمنى لك السعادة التي تغمر حياتك ...والله يعينك دايما ولا يهينك ...يا coco chanel

COCO CHANEL
06-08-2009, 08:09 AM
صح والله .. القنــاعه كنز لاينفى :)

القناعة كنز .. لا يفنى

كنز لم يحصل عليه إلا القليل القليل من البشر

:)


يا نفس إن لم تظفـري لا تجـزعي .. وإلى موائـد جود مولاك اهرعـي
وإذا تأخـــر مطــلب فلربـما .. في ذلك التــأخير كل المطمــع ..

سبحان الله .. محد يأخذ إلا رزقه ..

موضوع جميــل .. مشكور اخويه coco chanel عالموضوع

يا نفس إن لم تظفـري لا تجـزعي .. وإلى موائـد جود مولاك اهرعـي
وإذا تأخـــر مطــلب فلربـما .. في ذلك التــأخير كل المطمــع

ابيات جميلة ومعبرة للحال

اشكرك جزيل الشكر عالرد الجميل

:)

COCO CHANEL
06-08-2009, 08:15 AM
موضوع جميل و مفيد تسلم
حكمة كبيرة لا تشوف اللي فوقك شوف اللي تحتك

ربي يسلمك

والجميل تواجدك عزيزي

ولاتحرمنا من تواصلك

:)





ههههههه حسبي الله ع شيطانك والله فطستني من الضحك :blu:

****

الحمدلله على كل الحال ..
اعظم نعمه يحصلها الانسان القناعة ..
ويكون راضي برزق الله .. ويحمده ويشكره .. ^^

:aa_cheerful:


هههههههههههه

لازم البهارات عسب تحلو الطبخة

****

وانا معاج

والله يرزقج القناعة

ولاتحرمينا تواجدج

:)


تسلم اخوي عاالموووضوع

الله يسلمك اخوي

:)

COCO CHANEL
06-08-2009, 08:33 AM
موضوع جميل يا بوخالد ...والقناعه كنز لا يفنى...

اكيد

والجميل تواجدج وردج

:)

ونورتينا د.حور


مِن أجمل المواضيع ... الهادفة ..

قلمك جميل وفكرتك في بث روح التفائل أجمل

يعطيك العافيه يا بو خالد ..

وتواجدكم أجمل عزيزتي

وكلنا أمل في بث روح التفائل في انفسنا وفي أنفس الجميع

:)

وربي يعافيج

:)

not - work
06-08-2009, 09:30 AM
سبحان الله . أمس صار لي تقريبا مثل هالموقف

الساعه 2 الظهر على الاشاره كنت أتأفأف من الحــر و من الرطووبه معنه المكيف شغال و أقول في خاطري ياربي ليش ما أملك سياره كبيره و فخمه و من هالكلام >> طمع بني آدم :)
و اللي أشووف قدامي واحد يظهر راسه برع الجامه و يمسح العرق على ويهه يحليله ما عنده مكيف
يالله كيف استحيت من نفسي و من تفكـيري إن بدل ما أحمد الله و أشكره قاعده أتأفأف .

إذا حمدنا ربنآ بالضراء أو السراء و نقتنع دوم بالموجـود عندنا بنكون أسعد الناس ..

و الحمد لله على كل حال

أفضال ربي علي واجـد وأفضـل
أفضال ربي علي الفقر وأنكارة الذات
يامجمل الفقـر وأشيـاءه وروحـه
تموت منه تعـب وتعيشـه ازمـات
يعلمـك ضعفـك وبـأن عقـلـك
هو اللـي يميـزك عـن الحشـرات
وتعرف بأن هذا لـك وذا لغيـرك
ولاتفـكـر ولاتكـسـر حسـابـات
الفقـر مفيـد وأشـيـاءه مفـيـده
ملـيء قـوه قنـاعـه وغـايـات
يمكن لو أن إنك غني تطغى وتنسى
وتطيش وتطوف الخمـس الصلـوات
لذلـك الحمـدلله والثـنـاء لــه
على الفقـر والمصايـب والمسـرات



من أجمل ما قرأت من مواضيع . جزاك الله خير اخوي

COCO CHANEL
06-09-2009, 10:48 AM
صدقت والله الواحد يقول الحمد لله على كل حال

الحمدلله على كل حال

وشرفني تواجدك عزيزي

:)


موضوع حلو .. وهدفه أحلى
لو كل انسان آمن بهالعبارة "علمت أن رزقي لن يأخذه غيري فطمأن قلبي !! " .. كان عاشت كل الناس مرتاحة

كثر من هالمواضيع بو خالد .. ويعطيك العافية
:)

الله يوفق الجميع

ويعافيج اختي ملكة القلوب

والحلو تواجدك وردج

شرفتيني ختي

:)

COCO CHANEL
06-09-2009, 10:50 AM
موضوع وايد حلو ومميز
وتستاهل الخمس نجوم وتقيم فنتوكي مني لك

بس ممم عادي اسال سؤال ؟
مممممم من زمان فبالي وكل ما احس اني ابا اسأله اتراجع والحين متردده اسأل ولا بس ممم
بسأل

مممم كيف أعرف انه هالشي رزق لي وما لغيري؟
ممم يعني كيف اعرف ؟

وبايؤوء


ماتقصرين يا غؤؤؤية عالتقييم وشرف لي هالتقيم

وعن سؤالج ..

آمني بالله وكل قدر تراه مكتوب وماراح تاخذين رزق غيرج وغيرج ماراح ياخذ رزقج

:)

وشرفني جداً تواجدج

:)

COCO CHANEL
06-09-2009, 10:55 AM
الحمد لله على كل حال ..


والله الواحد يحمد على النعمة اللي هو عايش فيها ..


ويكون حفظ النعمة عن طريق حمد الله وشكره .. وعن طريق الصدقات ..


وربي يحفظنامن كل شر..\


تحياتي ..

ويحفظك يا فني مختبر

الواحد لازم ماينسى انه دوم يحمد ربه على كل شي

والحمدلله على كل حال

:)



الحمدالله على كل حال

موضوع جميل من عضو جميل

تسلم يا راعي اللمبو


الجمال جمالك حبيبي :aa_warda:

وشرفني تواجدك يا راعي الكيمرا

:)


الحمدلله على كل حال

عشرة على عشرة يا كوكو

وينك الويك اند اللي فات ؟

الحمدلله على كل حال

وانته العشرة على عشرة

الحين تسألني بعد مامر اسبوع وتقول وينك :aa_Syof:

موجود ,, وعن موضوعنا بنسويه بعدين لاتنسى

هههه

COCO CHANEL
06-09-2009, 10:59 AM
الحمدلله رب العالمين

فعلاً طمأنينة شعورك بأنَّ الرزق إن كان من نصيبك لنْ يمنعه مانع عنك،، من أجمل القناعات التي
يجب أن نؤمن بها،، نعم علينا بالسعي للأرزاق، وأخذ الأسباب و التوكل على الله، والدعاء، ولكن إنْ
لمْ نصل إلى ذلك الرزق لسببٍ مــا، هذا لايعني أننا أخطأنا الطريق،، بل المسألة في قناعتنا نفسها بحق
نصيبنا في ذلك الرزق، أو لآ؟



جميل ماذكرتي وفعلاً القناعة في أن الرزق عند الرزاق ولا أحد سواه

هي مسألة قناعة فقط لا غير

:)




موضوعك جميل جدًا أخي / كوكو شانيل ،،
رزقك الله من فضله ونعمه، ودُمتَ قنوعًا ..

وذكرني بمشاركة لي منذ أيام في موضوع رسالة خاصة عامة تصب في نفس محور حديثك،،
إن أردتْ أن تطلع عليها من [ هُنــا (http://www.uaegoal.com/vb/showpost.php?p=2312855&postcount=1293) ]


شكرًا لطرحك..


الجميل حقاً تواجدكم والله لا يحرمنا من تواصلكم

ومشاركة جميلة من شخص مميز

يعطيج العافيه هالرد المميز

:)

خالصـ الشكر والتقدير

:)

روح زايـــد
06-09-2009, 11:04 AM
الحياه بسيطه وحلوة

بس نرضى فيها ونقنع وكل شي يصير تمام ..

فعلا دايما طالعت بلوة الناس تهون عليك بلوتك ..

لكن الغالب يطالع فوق مايطالع الي تحت ..

وهنيه تبدى المقارنات ..

وتبقى الحياه حلوة ببساطتها وتملكنا للأشياء عمره ما كان مصدر سعادته مهما كانت كلفتها ..

COCO CHANEL
06-10-2009, 10:23 AM
مشكور يا اخوي على موضوعك الطيب ,, بالفعل كنت محتاج أقرا نفس مضمون موضوعك

عندي سؤال

كيف الواحد يقدر يزرع القناعة في نفسه ؟

تلاحظ أن القنوع في هالدنيا هو اللي مستانس ,, بس كيف يقدر الواحد يفتنع باللي عنده

حد عنده كتاب ولا نصيحة يفيدنا بها ؟

العفو عزيزي وشرفني مرورك

وبخصوص سؤالك

شوف اللي تحتك وبتقتنع

وشوف اللي ناقص من غيرك وموجود عندك وبتقتنع

وربي يرعاك

:)

COCO CHANEL
06-10-2009, 10:49 AM
سبحان الله يا coco chanel
في ناس عندهم بصر لكن ما عندهم بصيرة
يوم شفت العمال والحالة اللي كانوا عليها تأثرت فتحركت بصيرتك
ياما ناس تمر عليهم مناظر أقسى ولا يتحرك فيهم الإحساس أو ما يفهمون حقيقة الشيئ
وياما تمر فينا حالات مادية أو نفسية وما نطلع منها بموعظة أو درس في حياتنا
أتمنى لك السعادة التي تغمر حياتك ...والله يعينك دايما ولا يهينك ...يا coco chanel

وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون

منقول

ذكرني ردج بهالبيت من القصيدة

فعلاً القلوب بدون بصيرة

والقلوب اللي ماتحس هاي ماتسمى قلوب

ويعل السعادة تغمر كلا لبشر يارب

وماقصرتي بالرد الطيب

:)

COCO CHANEL
06-10-2009, 10:53 AM
سبحان الله . أمس صار لي تقريبا مثل هالموقف

الساعه 2 الظهر على الاشاره كنت أتأفأف من الحــر و من الرطووبه معنه المكيف شغال و أقول في خاطري ياربي ليش ما أملك سياره كبيره و فخمه و من هالكلام >> طمع بني آدم :)
و اللي أشووف قدامي واحد يظهر راسه برع الجامه و يمسح العرق على ويهه يحليله ما عنده مكيف
يالله كيف استحيت من نفسي و من تفكـيري إن بدل ما أحمد الله و أشكره قاعده أتأفأف .

إذا حمدنا ربنآ بالضراء أو السراء و نقتنع دوم بالموجـود عندنا بنكون أسعد الناس ..

و الحمد لله على كل حال




من أجمل ما قرأت من مواضيع . جزاك الله خير اخوي

سبحان الله

مثل ماذكرت اختي آمنة

في قلوب بصيرة وفي قلوب عميا

والحمدلله رب العالمين ربي رزقنا هالمشهد لجل مانسنى نعمة ربا لعالمين وفضله علينا

والحمدلله ألف مره

الحمدلله عالنعمة

:)

COCO CHANEL
06-10-2009, 10:57 AM
الحياه بسيطه وحلوة

بس نرضى فيها ونقنع وكل شي يصير تمام ..

فعلا دايما طالعت بلوة الناس تهون عليك بلوتك ..

لكن الغالب يطالع فوق مايطالع الي تحت ..

وهنيه تبدى المقارنات ..

وتبقى الحياه حلوة ببساطتها وتملكنا للأشياء عمره ما كان مصدر سعادته مهما كانت كلفتها ..

فعلاً ما في أحلى من البساطة

واللي يشوف فوق عمره مايرتاح

:)

شرفني تواجدج ختي روح ولاتحرمينا من طلتج

:)

====

اشكر كل من مر عالموضوع

خالـصـ محبتي واحترامي

:)

Adsense Management by Losha