مشاهدة النسخة كاملة : التوظيف في طيران الإتحاد - استفسار


Al shajy
05-30-2009, 04:20 AM
السـلام عليكم و رحمة الله و بركاته

اول مشاركة لي في دار زايد :sha: و هي عبارة عن استفسار بسيط

قدمت على وظيفه في طيران الاتحاد - قسم التمويل - و سويت المقابله و يوم الخميس اتصلوبي و قالولي "الف مبروك .. تم قبولك للعمل معنا في طيران الاتحاد"
و لما سألتهم عن المسمى الوظيفي و الراتب قالولي بتكون فيه مقابله ثانيه مع الـ line manager و راح يقدم لك الـ offer
ف استفساراتي كالتالي :
1- شو رايكم في طبيعه العمل في طيران الاتحاد ؟ هل هي مشجعه ؟ خصوصاً ان عندي عروض عمل في 4 اماكن أخرى
2- كم تتوقعون يكون الراتب ؟ و شو نظام السلم الوظيفي عندهم ؟ "انا خريج دبلوم عالي في الماليه"

و شكـراً لكم و السموحه عالازعاج :aa_bare2:

مهم في مهمه
05-30-2009, 05:04 AM
الله يوفقك ياخوي



طيران الاتحاد شركة وطنيه يعني ماعليها خوف

وهم يدورون عن الكفاءات المواطنه

والمستقبل جدامك يمكن فيوم من الايام تمسك منصب كبير فـ الشركه

عليك بصلاه الاستخاره والله يوفقك

Al shajy
05-30-2009, 11:32 AM
الله يوفقك ياخوي



طيران الاتحاد شركة وطنيه يعني ماعليها خوف

وهم يدورون عن الكفاءات المواطنه

والمستقبل جدامك يمكن فيوم من الايام تمسك منصب كبير فـ الشركه

عليك بصلاه الاستخاره والله يوفقك

تسلم عزيزي على النصيحه .. ما قصرت و رايتك بيضـاا يا مهم
بالفعل انا اللي ابيه مكان اثبت فيه نفسي و بيئه تساعد على العمل
تسلم شيخي مره ثانيه .. و الله يوفج الجميع ان شاء الله

غنـاتي
05-30-2009, 01:41 PM
مبـروك آخـوي ع الوظيفه قبل كـل شـي ..,
آهم شـي المكآن الي ترتآح فيه ويكون في مميزآت
تنآسب شهآدتك العلميه ..,
آحسن شي تسويه آخـوي صلاة الآستختآره قبل مآ توآفق
ولو فيه خيـر لك آن شـآء الله بتكون من نصيبك =)
مثل مآقآل آخـوي مهم شركه وطنيه ورآئده ومعروفه
وعندهم في هـ الفتره كـله يوظفون للموآطنين ..,

Golden Winds
05-30-2009, 03:27 PM
السـلام عليكم و رحمة الله و بركاته

اول مشاركة لي في دار زايد :sha: و هي عبارة عن استفسار بسيط

قدمت على وظيفه في طيران الاتحاد - قسم التمويل - و سويت المقابله و يوم الخميس اتصلوبي و قالولي "الف مبروك .. تم قبولك للعمل معنا في طيران الاتحاد"
و لما سألتهم عن المسمى الوظيفي و الراتب قالولي بتكون فيه مقابله ثانيه مع الـ line manager و راح يقدم لك الـ offer
ف استفساراتي كالتالي :
1- شو رايكم في طبيعه العمل في طيران الاتحاد ؟ هل هي مشجعه ؟ خصوصاً ان عندي عروض عمل في 4 اماكن أخرى
2- كم تتوقعون يكون الراتب ؟ و شو نظام السلم الوظيفي عندهم ؟ "انا خريج دبلوم عالي في الماليه"

و شكـراً لكم و السموحه عالازعاج :aa_bare2:

السلام عليكم يا أخوي وأهلا بك في الهدف

بالنسبة للشركة ممتازة ومدعومة من حكومة بوظبي ومافيها خوف وأعتقد رواتبهم اوكي مثل حكومة بوظبي

بس ودي أعرف كيف قدمت أوراقك لأني حاولت عن طريق الموقع بس محد رد علي.. وودي أحصل وظيفة عندهم؟؟

البلوشـــــــي
05-30-2009, 03:28 PM
أبعد عن الخاص وخاصة في المرحلة الحالية من الازمة المالية
الشركات الاجنببية مقدم على المواطن في كل شي
يعني روح دور لك حكومي او شبة حكومي

Only4One
05-30-2009, 03:41 PM
أنا اللي أعرفه من شباب ربعي قدموا عندهم .. انه الراتب يكون 18 ألف لمده سنة و نص تقريبا و بعدين يمكن يصير 20 ألف ... و البدلات تعبانه .. هالكلام من سنة تقريبا .. يمكن الحين الوضع احسن

همس الإحساس
05-30-2009, 03:51 PM
الف مبروك لك
انصحك ييب ورقه وقلم
واعمل مقارنه وين الأحسن واختار الافضل وياريت يكون حكومي اضمن
وباالتوفيق لك ياخوي

Al shajy
05-31-2009, 06:13 AM
مبـروك آخـوي ع الوظيفه قبل كـل شـي ..,
آهم شـي المكآن الي ترتآح فيه ويكون في مميزآت
تنآسب شهآدتك العلميه ..,
آحسن شي تسويه آخـوي صلاة الآستختآره قبل مآ توآفق
ولو فيه خيـر لك آن شـآء الله بتكون من نصيبك =)
مثل مآقآل آخـوي مهم شركه وطنيه ورآئده ومعروفه
وعندهم في هـ الفتره كـله يوظفون للموآطنين ..,

الله يبارج فيج اختي .. و بخصوص المكان الحمدلله البيئه تساعد على العمل و الموظفين مثل ما شفت متعاونين مع انهم من جنسيات مختلفة .. و الله يتمم على خير .. تسلمين على المرور

السلام عليكم يا أخوي وأهلا بك في الهدف

بالنسبة للشركة ممتازة ومدعومة من حكومة بوظبي ومافيها خوف وأعتقد رواتبهم اوكي مثل حكومة بوظبي

بس ودي أعرف كيف قدمت أوراقك لأني حاولت عن طريق الموقع بس محد رد علي.. وودي أحصل وظيفة عندهم؟؟

و عليكم السلام و رحمة الله .. مرحبابك اخويه .. انا اللي ريحني ان الشركة مملوكة لحكومة بوظبي لكن الرواتب ما اعتقد تكون نفس الدواير الحكوميه .. قدمت عن طريق الايميل عزيزي و دقولي ثاني يوم و سويت المقابله خلال اسبوعين .. بدوّر الايميل و بطرشه لك ع طوول الغالي .. تسلم على مرورك

أبعد عن الخاص وخاصة في المرحلة الحالية من الازمة المالية
الشركات الاجنببية مقدم على المواطن في كل شي
يعني روح دور لك حكومي او شبة حكومي

مرحبالك اخوي .. عزيزي قطاع الطيران لا يعتبر خاص بالدرجة الاولى بل هو قطاع خدمات و الشركة مملوكة لحكومة بوظبي .. و لكن هذا ما يمنع اني اشوف الاوفرات الثانيه خصوصاً ان عندي اوفرين من دواير حكوميه و اوفرين من شركات نصف حكوميه .. تسلم عزيزي على الرد

أنا اللي أعرفه من شباب ربعي قدموا عندهم .. انه الراتب يكون 18 ألف لمده سنة و نص تقريبا و بعدين يمكن يصير 20 ألف ... و البدلات تعبانه .. هالكلام من سنة تقريبا .. يمكن الحين الوضع احسن

والله ياخويه علمي علمك لأني لما سألتهم جم الراتب قالولي كل شي بيكون لما نقدم لك الاوفر .. لكن لما سويت المقابله قلتلهم اقل راتب استلمه 20,000 .. و الله يجدم لي فيه الخير

الف مبروك لك
انصحك ييب ورقه وقلم
واعمل مقارنه وين الأحسن واختار الافضل وياريت يكون حكومي اضمن
وباالتوفيق لك ياخوي

الله يبارج فيج اختي .. و بالفعل فكرتج سديده و لكن المشكله ان محتار بشكل كبير لأن جدامي 5 عروض توظيف من بينها طيران الاتحاد .. و لكن ان شاء الله على خير .. تسلمين عالمرور الطيب

الاعصار العيناوي
05-31-2009, 08:04 AM
في البداية .. مبروك اخوي على الوظيفة

في الموضوع .. الشركة كبيرة و رائعة في مجال الطيران و حصلت على جوائز عالمية و الشركة منافسه جداً لشركة طيران الامارات .. لكــــن
في الشركات الخاصة او ممكن نقول عنها شبه حكومية و مع تواجد كثيف لعبض الجنسيات لا اسبتعد ان تجد نوع من المشاحنات و المشاكل التي يفتعلها زملاء العمل .. و خاصه اذا كان الموظف "مواطن" و اعتقد في سياسة للشركة بتوظيف المواطنين بنسبة معينة .. لذلك عليك الحذر منهم و محاولة تجاوز اي نوع من المشاحنات او المضايقات او الشماكل لانك في الشركات غير محمي بقوانين و ممكن تنفصل عن العمل لا سمح الله ...

مثل ما ذكرة اخوي في احد ردودك ان جاك عرض باحد الدوائر الحكومية .. نصيحة توكل على الله و صل استخارة..

و لا تستعجل في اتخاذ القرارات ..

الصبر و الصبر و عدم الاستعجال ..

عيناوي عالي مستواه
05-31-2009, 04:46 PM
توكل على الله


انا ربيعي عندهم يداوم



ومرتاح




صح بتلقى مضايقات من الوافدين عشان يطفشونك




لكن ماعليك منهم عقب هم بيملون






من القلب اتمنى لك التوفيق في حياتك الاسريه والعملية




دمتم

Adsense Management by Losha