مشاهدة النسخة كاملة : أي خياط ؟ كندورة ؟ عقال ؟ قحفية ؟ غترة نعال ؟ ساعة ؟ حلاق ؟ " اوصف كشختك بالتفصيل "..


DON S@LEM
04-19-2009, 04:29 AM
http://up.x333x.com/uploads/04b4bd03b7.jpg


لكل شخص كشخته الخاصة


ولعل أبناء كل مدينه لهم إستايل معين


في العين الكشخة شكل ..


وفي أبوظبي شكل...


وفي الفجيرة .. طريقة..


وفي رأس الخيمه أسلوب...


وباقي الإمارات ستايل خاص...



من خلال هذا الموضوع ..


أوصف كشختك بالتفصيل ...


( بنداوم الحينه ونبا نكشخ .. ايام الحلط راحت خخخخخخخخ )



بالتالي


الكندورة :

أي خياط تفصل كناديرك ؟

نوعية الكندورة القماش + الألوان

طريقة التفصيل (عربيه , قطريه , كويتيه , زرار عقم ,تشك تشك )

عقالك :

أي نوع تستخدم ( غليظ , خفيف , معطر , خيوط .. غيره)
من وين تشتريه ؟ كم الاسعار


قحفيتك :

أي نوع تستخدم ( المخبقه مال الشواب:aa_juve2: , الكويتيه , العريضه من تحت .. غيره )


الغتر :


حمر , بيض , شويت ألوان , نوعية الغترة نفسها + لونها
اسعارها


نعالك:


نوعية النعال ومن وين وليش ؟ ( تستوني - المندوس - K corner - باشوتي .. غيره )

الساعة:


تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟

النظارة :


نوعية نظارتك ؟ طبية ؟ شمسية ؟ تنصح بشو ؟


العطر :


العطور اللي تستخدمها ؟ للدوام ؟ للطلعات ؟ العربية ؟ الفرنسية ؟ الدهن عود ؟ البخور؟


الحلاق :

اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ مخنيره؟ زلف ؟ غيره




بإختصار .. هذا الموضوع دعوة للجميع لوصف الكشخة بالتفصيل ...


ويالله بسم الله[/CENTER]

إحساس
04-19-2009, 04:37 AM
S@LEM;2169995]http://farm3.static.flickr.com/2120/2259450623_d8fc217182.jpg[/email]


لكل شخص كشخته الخاصة


ولعل أبناء كل مدينه لهم إستايل معين


في العين الكشخة شكل ..


وفي أبوظبي شكل...


وفي الفجيرة .. طريقة..


وفي رأس الخيمه أسلوب...


وباقي الإمارات ستايل خاص...



من خلال هذا الموضوع ..


أوصف كشختك بالتفصيل ...


( بنداوم الحينه ونبا نكشخ .. ايام الحلط راحت خخخخخخخخ )



بالتالي


الكندورة :

أي خياط تفصل كناديرك ؟
العربي الممتاز..
نوعية الكندورة القماش + الألوان
ختم..
طريقة التفصيل (عربيه , قطريه , كويتيه , زرار عقم ,تشك تشك )
عربية.+.فزاع..
عقالك :

أي نوع تستخدم ( غليظ , خفيف , معطر , خيوط .. غيره)
غليظ..

قحفيتك :

أي نوع تستخدم ( المخبقه مال الشواب:aa_juve2: , الكويتيه , العريضه من تحت .. غيره )
السعودية..

الغتر :


حمر , بيض , شويت ألوان , نوعية الغترة نفسها + لونها

تتعصم ؟

عقال؟ طريقتك للغترة والعقال

بيض...
نعالك:


نوعية النعال ومن وين وليش ؟ ( تستوني - المندوس - K corner - باشوتي .. غيره )
فارس او نورس..
الساعة:


تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟
ما البس...
النظارة :


نوعية نظارتك ؟ طبية ؟ شمسية ؟ تنصح بشو ؟
بورش..

العطر :

الشيخ..العطور اللي تستخدمها ؟ للدوام ؟ للطلعات ؟ العربية ؟ الفرنسية ؟ الدهن عود ؟ البخور؟


الحلاق :

اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ دبوس ؟ زلف ؟ غيره
ترابي...ساعات قفل..ساعات خنير..




بإختصار .. هذا الموضوع دعوة للجميع لوصف الكشخة بالتفصيل ...


ويالله بسم الله


موضوع فنتك... :hii:

عشقي احمر
04-19-2009, 04:42 AM
والله يا بو غنيم ما اعرف شو اقولك

محمد
04-19-2009, 10:23 AM
اكتفي بالمرور

:)

الاعصار العيناوي
04-19-2009, 10:46 AM
سالم .. نسيت شي ...

المسباح ... شو نوعة ؟؟ شو شكله ؟؟ صناعة اي بلد ؟؟

شرجاويه الخطوة ملكيه
04-19-2009, 10:47 AM
ماشاء الله ولا واحــد يكشخ .. :)


اقوول حولوا الموضوع عن البنوتات .. وشوفي كم صفحه بتوصــل .. خخخ

t a h e r
04-19-2009, 10:59 AM
لــي عوووودة

:)

ولـد بلادي
04-19-2009, 12:29 PM
بوغنيم موضوعك جميل و يسلي....
بصراحه انا بجاوبك عن الوقت الحالي لاني بين فترة وفترة احب اغير ستايلي بس طبعا بدون مبالغة..

الكندورة :

أي خياط تفصل كناديرك ؟
كنت من زمان عند العربي الممتاز اللي حشرونا فيه..
بس عقب مليت وشفت انه عنده وايد زحمة وصراحه ما يسوى هالحشره كلها..
غيرت وقمت افصل عند اليوش..
صراحه راقي و شغله مرتب وما يتأخر واسعاره مب رخيصة بس معقولة..

نوعية الكندورة القماش + الألوان
من زمان كانت كل كناديري كشخاش..
بس صارلي تقريبا 3 سنين افصل كنادير قماشها وايد خفيف..
تبرز الجسم بشكل احلا ومريحه في اللبس..
سبب التغيير هو موقف استوى مع الشيخ محمد بن زايد.. بوخالد الله يحفظه..
طريقة التفصيل (عربيه , قطريه , كويتيه , زرار عقم ,تشك تشك )
90 % عربيه ووحده بس كويتية لزوم التغيير..

عقالك :

أي نوع تستخدم ( غليظ , خفيف , معطر , خيوط .. غيره)
من وين تشتريه ؟ كم الاسعار
عقالي ستاندر عادي جدا.. يعتبر وسط وبدون خيوط..
تفصيله في خنجي او بوحليقه او اليوش.. سعره بين 200 و 250

قحفيتك :

أي نوع تستخدم ( المخبقه مال الشواب , الكويتيه , العريضه من تحت .. غيره )
على قولتك... المخبقة مال الشواب..
تحلي الشكل اذا كان شعرك شوي طويل..

الغتر :

حمر , بيض , شويت ألوان , نوعية الغترة نفسها + لونها
اسعارها
البيض بشكل رسمي والشماغ الابيض والاحمر بعد..
طبعا في الشتاء البس شالات ملونه حسب الجو..
الانواع.. البسام و أنغارو

نعالك:

نوعية النعال ومن وين وليش ؟ ( تستوني - المندوس - K corner - باشوتي .. غيره )
بالذات النعل ما عندي ماركه معينه..
اذا اقتنعت بالنعال وشكلها وراحتها آخذها حتى لو ب 20 درهم (يحليلي قنوع)
الساعة:

تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟
وايد احب الساعات..
واحب اغير كل يوم او يومين تقريبا..
احب الرادو السيراميك.
فيراري.
شوبارد.
سي كي جينز
شيروتي
والساعات السبورتيه احبها بعد..

النظارة :

نوعية نظارتك ؟ طبية ؟ شمسية ؟ تنصح بشو ؟
حاليا.. راي بان.. الكلاسيك ديزاين..
سودا و بلورايزد..

العطر :

العطور اللي تستخدمها ؟ للدوام ؟ للطلعات ؟ العربية ؟ الفرنسية ؟ الدهن عود ؟ البخور؟
بشكل عام العود دوم يكعور في الغرفة وفي الكبت..
العود الازرق هو المفضل عندي..
للدوام احط عطور خفيفة مال بو 50 مل..
واحب يوم ريحة العود تختلط مع بلاك كاشمير.. (هالعطر ما الاقيه هنيه – اييبه من محل قزاز مكة او السعودية بشكل عام)
احب هالعطور بعد: تسكن لذر – سافر شادو دافيدوف – بلغري الجديم... سي كي 1
ودهن العود قبل هذا كله.. اكثر شي الشيوخي والقديم مال اجمل..

الحلاق :

اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ مخنيره؟ زلف ؟ غيره
صراحه ماشي وقت حق الحلاق..
انا محدد الخط من زمان ومسوي ليزر..
لحيتي عادية.. لا خفيفه ولا غليظه وماشي قفل..
مخنيره كييييييف ؟؟؟؟؟
الزلف شوي اغلظ عن اللحية بس بدون تحديد.. يعني تدرج عادي شرات شيابنا اول

اشكرك على الموضوع يا دون سالم

RuiCosta
04-19-2009, 12:54 PM
الكندورة:

الحينه افصل عند المدني اللي في امرتس مول
البس خفاف .. و اكثر شي افصل ام عقمتين بـسحاب او الكويتيات
احيانا بزمة واحيانا العادية


عقالك :
العقال افصله عند بوحليقة
صوف .. و حجمه اقل عن الوسط بشوي .. ب سبعين درهم .. مايبالك وايد


قحفيتك :
لمخبقة شرات الشوات او الكويتيات


الغتر :
بيض .. ساده او اللي فيهن تطريز
تقدر اتقول اني انوع ..
بس الشماغ البسه في الشتا



نعالك:
تيستوني .. واحيانا اغير البس الدو والا نورس

الساعة:
في الساعات حدث ولا حرج كل شهر لازم ساعة لول

بس اكثر شي البس الرادو


النظارة :
البس عدسات .. والنظارة شمسية من ماركة راي بن


العطر :
امكس .. من كثر العطور ماعرف اتعطر بشو


الحلاق :
انوع ..مرة بزلف و مرة تدريج ..مرات اجثف اللحية و مرة اخليها ترابية يعتمد عالموود

قلب الأمير
04-19-2009, 01:15 PM
لاااا تعليييق
و بالانجليزي

nooooo comment

بنت العاصمه
04-19-2009, 01:57 PM
اللي يبــه يكون يونيك وغير ..يخاوي هل بوظبي والعين كشختهم لا يعلى عليها ..غير غير غير..

عتيج الصوف
04-19-2009, 02:04 PM
الخياط : محيي الدين في رأس الخيمة .. والمشير في دبي
الغتر : غتر سبيشل وايل العادية ( بس اغسلها 3 مرات وعقب اعقها لانها تذبل وتصبح غير قابلة للبس )
الشماغ ( الغتر الحمر ) : بروجية و ديور
القحافي : اماراتية ان جاز التعبير :)
الكندورة : كويتية مع بزم ( عقم ) , ونادرا ً ما افصل عربية لاني اضيع فيها :)
النعال : الدو + mbt
الساعة : ريموندويل و شانيل
النظارة : امبريو آرماني
القلم : مونت بلان
البزم ( العقم ) : مونت بلان
العطر : حاليا ً كريد الابيض + ايفوريا ( ومن يومين اترشش بلاكوست لوف اوف بنك النسائي :) )

جزراوي عسل
04-19-2009, 02:14 PM
اللي يبــه يكون يونيك وغير ..يخاوي هل بوظبي والعين كشختهم لا يعلى عليها ..غير غير غير..


حقيقه اتفق وياج

نحن سمتتنا غير والله

حتى طريقه ربط السفره غير واللبس واللحيه بعد

COCO CHANEL
04-19-2009, 02:42 PM
اللي يبــه يكون يونيك وغير ..يخاوي هل بوظبي والعين كشختهم لا يعلى عليها ..غير غير غير..

غير كشختنا يالقطريين ماشي

:aa_juve2:

ابو منصور
04-19-2009, 02:58 PM
في ابوظبي كل شي راقي الشباب يحبونه

التانغو الارجنتيني
04-19-2009, 03:20 PM
الكندورة :

أي خياط تفصل كناديرك ؟

الخيط الابيض

نوعية الكندورة القماش + الألوان

لا يوجد نوع معين... اللون الابيض ولون الزبدة

طريقة التفصيل (عربيه , قطريه , كويتيه , زرار عقم ,تشك تشك )

ثوب قطري طبعا ....زرار

عقالك :

أي نوع تستخدم ( غليظ , خفيف , معطر , خيوط .. غيره)

عقال متين وغليظ

من وين تشتريه ؟ كم الاسعار

محل الملكي ... يختلف حسب النوع


قحفيتك :

أي نوع تستخدم ( المخبقه مال الشواب , الكويتيه , العريضه من تحت .. غيره )

المخبقة .. ونوع ما اعرف شو اسمه


الغتر :


حمر , بيض , شويت ألوان , نوعية الغترة نفسها + لونها غتر

بيض فقط لا غير ... اكثر نوعية استخدمها هي الدانهيل

اسعارها

210 تقريبا

نعالك:


نوعية النعال ومن وين وليش ؟ ( تستوني - المندوس - K corner - باشوتي .. غيره )

باشيوتي وتميمة

الساعة:


تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟

البي ساعة.... البس لزوم الكشخة .... ماركات مختلفة ..... احب الطقم الاسود او الفضي .. او اللونين معا

النظارة :


نوعية نظارتك ؟ طبية ؟ شمسية ؟ تنصح بشو ؟

شمسية .... نوع جورجيو ارماني او برادا

العطر :


العطور اللي تستخدمها ؟ للدوام ؟ للطلعات ؟ العربية ؟ الفرنسية ؟ الدهن عود ؟ البخور؟

ادولفوا دومينجيز ... كارتير باشا .... دانهيل القدييييييييييييم .. ودهن العود .. استخدمها للطلعات والدوام وكل وقت


الحلاق :

اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ مخنيره؟ زلف ؟ غيره

حلاق دايتونا ... اكثر شي اسوي قفل ... اكثر شي تكون غليظة .... زلف عادي ...



اقول اخوي دون سالم ...

مب لو كل واحد حاط صورته كان احسن ..

ههههههههههههههههههههههههههههههه

يعطيك العافية

التانغو الارجنتيني
04-19-2009, 03:21 PM
غير كشختنا يالقطريين ماشي

:aa_juve2:

صدقت في كلامك اخوي كوكو

أم عقوص
04-19-2009, 04:38 PM
الحلو فالقطريين من صغرهم سامتين بالغتره والعقال وفكل المناسبات

Why Not
04-19-2009, 06:14 PM
أي خياط تفصل كناديرك ؟



نوعية الكندورة القماش + الألوان

طريقة التفصيل (عربيه , قطريه , كويتيه , زرار عقم ,تشك تشك )



قبل كنت أفصل عند العربي الممتاز .. مرات ألي ف بوظبي و مرات ألي فالشارجه
لكن حاليا ما عندي مكان محدد .. حيا الله خياط المهم يخلص لي الكنادير بسرعه
ويكون قماشه أوكي .. أحب الالوان الداكنه .. أكثر شي أفصل البني بمشتقاته ..
والرصاصي بمشتقاته .. :biggrin: .. أفصل اللون الابيض المايل للزرقه شوي .. :aa_smile:
أكثر شي أفصل كندوره عربيه .. بس عندي كويتيه .. الصراحه انا جربت كل
الانواع بس حاليا راسي على العربيه .. :aa_cool3:


عقالك :




أي نوع تستخدم ( غليظ , خفيف , معطر , خيوط .. غيره)
من وين تشتريه ؟ كم الاسعار


أصلا انا ما احب ألبس عقال .. ألبسه بس فالمناسبات .. عيد او عرس ..:aa_kaaak:
أفضل العصامه ( الحمدانيه p4: ) .. أحسها أكثر سبورتيه و تكون متحرر أكثر .. :big:
العقال يجبرك تكون سامت و وما تعرف تتحرك به ..
المهم .. عقالي وسط لا متين ولا ضعيف .. بدون ذيل .. و مفصلنه من بوحليقه فالفردان
فالشارجه و الصراحه ما أذكر بكم مفصلنه .. :confused:


قحفيتك :

أي نوع تستخدم ( المخبقه مال الشواب:aa_juve2: , الكويتيه , العريضه من تحت .. غيره )



ما أعرف شو يسمونها .. بس هاي ألي جنها لييخ أسرائيلي .. :cra:

الغتر :





حمر , بيض , شويت ألوان , نوعية الغترة نفسها + لونها
اسعارها


أفضل البيضه المايله للازرق شوي .. بس أحيانا ألبس حمره ومرات بعد
أنوع فالالوان حسب لون الكندوره .. :aa_ball: .
ما أذكر أسعارهن لاني كل 3 شهور تقريبا أخذ كميه من السوق .. :aa_kaaak:

نعالك:





نوعية النعال ومن وين وليش ؟ ( تستوني - المندوس - K corner - باشوتي .. غيره )



كل فترة أجرب لي نعال .. حاليا ألبس وانتوا بكرامه من ALDO :aa_news:

الساعة:





تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟



مرات ألبس و أكثر شي ما ألبس .. :aa_Doh: .. عندي ساعه وصلتني هديه RADO
لونها كحليه .. :aa_kaaak:

النظارة :





نوعية نظارتك ؟ طبية ؟ شمسية ؟ تنصح بشو ؟


بعد أنوع في ماركاتها .. حاليا ألبس VERSACE بنيه .. :aa_cool3:

العطر :





العطور اللي تستخدمها ؟ للدوام ؟ للطلعات ؟ العربية ؟ الفرنسية ؟ الدهن عود ؟ البخور؟



أيضا أنوع فالعطورات .. :aa_news: .. عندي من كل الانواع .. حق الطلعات و السمته طبعا
الفرنسيه .. حق البيت والفريج مثلا العربيه اما حق اللعب و الرياضه ف عندي عطورات
رياضيه .. :big: .. أستخدم دهن العود شروق و أستخدم بعد دهن عود الشمس ..


الحلاق :

اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ مخنيره؟ زلف ؟ غيره



بعد أنوع كل اسبوعين تقريبا .. :aa_Doh: .. مرات تكون مدرج .. ومرات سكسوكه ..
ومرات ترابي و مرات تكون غليظة .. حاليا الشنب واللحيه رقم 2 والزلف يكون وسط في
طوله و عرضه .. :biggrin:
ولازم الخنير يكون بارز .. :aa_kaaak:

* * *

تحيااتي .. :aa_warda:

DON S@LEM
04-19-2009, 07:38 PM
أشكرك بن عمي واي نووت

والشكر للقطرررري الكااااشخ


ولجميع من شارك..


شكلهم اعضاء الهدف مايكشخون :aa_boxat:

August 26
04-19-2009, 08:18 PM
يالله انا وياك


الكندورة :

كنت دومه افصل عند الغواص , بس ربيعي دلني ع واحد ترتيب صراحتن

افصل أبيض ثلجي
والون في الشتا يعني (( ازرق ورمادي واسود ))

التفصيل عربي وعندي كم كندورة كويتيه
عقالك :

أي نوع تستخدم ( غليظ , خفيف , معطر , خيوط .. غيره)
من وين تشتريه ؟ كم الاسعار

عقالي صوف خفيف

واشتريه من بوحليقه تقريبا بــ 80 (( افصله ))


قحفيتك :

أي نوع تستخدم ( المخبقه مال الشواب , الكويتيه , العريضه من تحت .. غيره )

أحب المخبق

الغتر :


حمر , بيض , شويت ألوان , نوعية الغترة نفسها + لونها
اسعارها

الغتر البيض الساده يالي بدون تطريز هذي تقريبا بــ 25 درهم (( اخذ وايد منها ))

واشتري شماغات البسام الابيض و الاحمر

نعالك:


نوعية النعال ومن وين وليش ؟ ( تستوني - المندوس - K corner - باشوتي .. غيره )

العاده اني اشتري من فارس
بس اخر مره اشتريت من K corner يالي ف بوظبي مول

عنده شغلات حلوه


الساعة:

تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟

ديور , بير كردان و عندي أقنر



النظارة :


نوعية نظارتك ؟ طبية ؟ شمسية ؟ تنصح بشو ؟

شمسيه , (( تبا الصدق متعايز اسير السيارة اشوف اسمها ))

سرت باريس قلري عيبتني و خذتها , ولو تبا نظارة حلوه سر عندهم واختار ولا تحتار

العطر :


العطور اللي تستخدمها ؟

والله تبا الصدق ما اخصص عطور لـ شي معين

الي القاه قدامي اتعطر منه , بربري , شنيل , قوتشي وووووو وبخوري اخذه من الرصاصي و أحب المعطر
الحلاق :

اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ مخنيره؟ زلف ؟ غيره

حلاق المسرور


احب لحتي غليظه أشوي





--------------------------------------------------------



الموضوع رهيب تسلم :aa_emghater:

t a h e r
04-19-2009, 08:18 PM
الكندورة :

أي خياط تفصل كناديرك ؟ قبل العربي المتاز .. احينه حي الله اي خيـاط اهم شي القماش الي عنده اوكي ويضبط في القياسات

نوعية الكندورة القماش + الألوان ؟ قمااش خفيف بس مب خفيف وايد واكثر شي اللون الابيض المايل إلى الزرقـة وعندي كمن كندورة ملونة

طريقة التفصيل (عربيه , قطريه , كويتيه , زرار عقم ,تشك تشك )؟ 80% عربية وعندي كندورة قطرية وكويتية سعودية

عقالك :

أي نوع تستخدم ( غليظ , خفيف , معطر , خيوط .. غيره)
من وين تشتريه ؟ كم الاسعار ..؟ لين احينه مافصلت عقال إن شاء الله هـ العيد بنسمت p4:


قحفيتك :

أي نوع تستخدم ( المخبقه مال الشواب , الكويتيه , العريضه من تحت .. غيره )

المخبقـة :aa_knock:

الغتر :


حمر , بيض , شويت ألوان , نوعية الغترة نفسها + لونها
اسعارها ..؟ الغتر البيض المطرزة من ثامر والاسعار بين ال30 وال50 درهم


نعالك:


نوعية النعال ومن وين وليش ؟ ( تستوني - المندوس - K corner - باشوتي .. غيره )

نعال ثامكو ( وانتو بكرامة ) من مؤسسة ثامر ( كاراتيه ) في عجمان
احسن نعول خفيفة وجودتها عالية نفس الفارس والنورس وأسعاره جيدة

الساعة:


تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟

عندي ساعـة من آكنـر واكثر شي اللبس السوع يوم البلس الكندورة القطرية او الكويتية

النظارة :


نوعية نظارتك ؟ طبية ؟ شمسية ؟ تنصح بشو ؟

حي الله اي نظارة من Pollo اظني هذا اسم الماركة
خذتها من صحارى رمضان الي طااف


العطر :


العطور اللي تستخدمها ؟ للدوام ؟ للطلعات ؟ العربية ؟ الفرنسية ؟ الدهن عود ؟ البخور؟

العطـور: للدوام والطلعات استخدم فرساتشي وعندي دهن عودة الف ليلة وليلة من أجمـل
وعن البخور عندي تولة كاملة فيها عـوود كمبودي شارينه من بانكوك

الحلاق :

اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ مخنيره؟ زلف ؟ غيره

اللحية رقم 1ونص وطبعاً لازم مخنيرة بس مب حادة واايد :aa_manu2:

ونسيـت المسياح بعد لازم طقـم ويا القلم والساعة او البزمة
عشان تكون كاشخ 100% :aa_juve2:

شكـــراً الدون ع الطرررح
:)

وونسيت اقول جني شفت الضرب 5 مالك في المدينة الجامعية اليووم ..!

SeReNe
04-19-2009, 08:37 PM
ما عليك منهم شباب الهدف كشيخة بس متواضعين p4:




أي خياط تفصل كناديرك ؟

سابقا و لمدة سبع سنين في العربي الممتاز . . و حاليا في خنجي الخالدية

نوعية الكندورة القماش + الألوان

عربي و كويتي . . يوم افصل كنادير اخلي نصهن عربيات و النص كويتيات . . و القماش وسط لا هو

خفيف و لا ثقيل . . و الالوان ما احب انوع فيهن . . ابيض بمختلف درجاته . . الالوان اخليهن حق

الشتا يوم نلبس الصوف

عقالك

العقال البسه في المناسبات بس و اللي عندي وسط من خنجي ب امية و شي

قحفيتك :

أي نوع تستخدم ( المخبقه مال الشواب , الكويتيه , العريضه من تحت .. غيره )

مالت الشواب . . تطلع حلوة اذا شعرك فيه شوية طول

الغتر :

حمر و بيض مال البسام . . و غتر عادية ع لون الكندورة . . ما احب انوع وايد في الوان الكنادير . .

الابيض بمختلف درجاته


نعالك:

في العادة باشوتي . . و من فترة خذت MBT و لا قمت البس غيره . .
MBT و قحافي شواب . . شكلي شيبت و انا مادري ^^

الساعة:

البس سوع رغم اني عمري ما اشترت . . حاليا عندي FerrE يتني هدية من فترة

النظارة :

كارتير سانتوس

العطر :

افضل العطور الفرنسية . . حاليا استخدم GUCCI BY GUCCI و ESCENTRIC
و MICALLEF عطري الرسمي و المفضل . . ريحة العطر استوت مرتبطة فيني عند الاهل و الربع

الحلاق :

اللحية خفيفة و الزلف وسط و مايل

DON S@LEM
04-19-2009, 08:51 PM
الله يا شباب اتحفتونا الصراحة



وونسيت اقول جني شفت الضرب 5 مالك في المدينة الجامعية اليووم ..!


هيه انا كنت ف ال AUS :aa_boxat:

الكعبي العيناوي
04-19-2009, 09:43 PM
أنا كشختي غير

http://www.sarkosa.com/vb/imgcache/23902.imgcache.jpg


باودر لأضافه الاضاءه وإعطاء لمسه حريريه .. يقوم بامتصاص الدهون

ويستخدم لجميع الوان البشرة


http://www.sarkosa.com/vb/imgcache/23903.imgcache.jpg


المصحح يخفي البقع الغامقة تحت العيون ويخفي جميع التشوهات الغير مرغوب فيها

http://www.sarkosa.com/vb/imgcache/23904.imgcache.jpg

كريم البرونزي للوجه والجسم يضيف اللون البرونزي على كل البشرة ويستخدم لجميع أنواع البشرة


http://www.sarkosa.com/vb/imgcache/23905.imgcache.jpg

مخطط العين ( الكحل ) يضيف الجمال للعين لجعلها محط الاهتمام

ويبرز شكل العين ولونها ويعطي لمسه أثقل للرموش

http://www.sarkosa.com/vb/imgcache/23906.imgcache.jpg

ماسكرا الحواجب والرموش والشوارب تضيف لمسه جذابة وخفيفة

http://www.sarkosa.com/vb/imgcache/23907.imgcache.jpg

سيرم مكبر الشفايف يعطي الشفايف شكل ممتلئ وناعم وأملس


شو رايكم بكشختي.... غييييييير :aa_athwal:

●▪▫ ™βŁẶŃҚĄ ▫▪●
04-19-2009, 10:30 PM
الكندورة :

أي خياط تفصل كناديرك ؟

افصل من عند العربي ... والغواص .. والخنجي ..


نوعية الكندورة القماش + الألوان

نوع الكنادير شي الختم وشي الماني .. وشي القماش الخفيف ..
الالوان والله احب اجرب الاوان انا ماعندي الوان محدده ..

طريقة التفصيل (عربيه , قطريه , كويتيه , زرار عقم ,تشك تشك )

عربيه وكويتيه .. ونادرا قطريه .. كلهم بعقهم ..

عقالك :

أي نوع تستخدم ( غليظ , خفيف , معطر , خيوط .. غيره)
من وين تشتريه ؟ كم الاسعار

بعدني صغير ما البس عقال :aa_crazy:

قحفيتك :

أي نوع تستخدم ( المخبقه مال الشواب , الكويتيه , العريضه من تحت .. غيره )

انوع مب مقيد اي نوع ..

الغتر :

حمر , بيض , شويت ألوان , نوعية الغترة نفسها + لونها
اسعارها

البس حمره و البس بيضه ...
والبس ملون جي جريبه من لون الكندوره لو كانت ملونه ..
والله الاسعار تتفاوت ع حسب النوعيه ..


نعالك:

نوعية النعال ومن وين وليش ؟ ( تستوني - المندوس - K corner - باشوتي .. غيره )

النورس وفارس ..


الساعة:

تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟

يس يس البس ووايد بعد ..
حلوه ليش ها // لوووووووووول ...
عسب اعرف الوقت بعد شو ..
البس اقنر وسي كي وجيفنشي وبيربري وغيرهم ..
اهم شي عندي الشكل ..

النظارة :

نوعية نظارتك ؟ طبية ؟ شمسية ؟ تنصح بشو ؟

انا البس نظارات شمسيه والله البس كل شي ملون اسود .. عاكس ..
ومااهتم للماركه ..


العطر :

العطور اللي تستخدمها ؟ للدوام ؟ للطلعات ؟ العربية ؟ الفرنسية ؟ الدهن عود ؟ البخور؟


استخذم وايد عطور .. جفنشي .. وغيرهم
والله كلهم شرات بعض يعني ماعندي عغطر محدد للطالعات او للداوم واخذلي بعد دهن عود وبخور ..


الحلاق :

اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ مخنيره؟ زلف ؟ غيره

والله حلاق التاج :aa_crazy:
والله كل اسبوع شي ع حسب الهفه ..:aa_clab:

تسلملي ع الموضوع ..

●▪▫ ™βŁẶŃҚĄ ▫▪●
04-19-2009, 10:30 PM
أنا كشختي غير

http://www.sarkosa.com/vb/imgcache/23902.imgcache.jpg


باودر لأضافه الاضاءه وإعطاء لمسه حريريه .. يقوم بامتصاص الدهون

ويستخدم لجميع الوان البشرة


http://www.sarkosa.com/vb/imgcache/23903.imgcache.jpg


المصحح يخفي البقع الغامقة تحت العيون ويخفي جميع التشوهات الغير مرغوب فيها

http://www.sarkosa.com/vb/imgcache/23904.imgcache.jpg

كريم البرونزي للوجه والجسم يضيف اللون البرونزي على كل البشرة ويستخدم لجميع أنواع البشرة


http://www.sarkosa.com/vb/imgcache/23905.imgcache.jpg

مخطط العين ( الكحل ) يضيف الجمال للعين لجعلها محط الاهتمام

ويبرز شكل العين ولونها ويعطي لمسه أثقل للرموش

http://www.sarkosa.com/vb/imgcache/23906.imgcache.jpg

ماسكرا الحواجب والرموش والشوارب تضيف لمسه جذابة وخفيفة

http://www.sarkosa.com/vb/imgcache/23907.imgcache.jpg

سيرم مكبر الشفايف يعطي الشفايف شكل ممتلئ وناعم وأملس


شو رايكم بكشختي.... غييييييير :aa_athwal:

بديت اشك فيك الصراحه :aa_athwal:

الصامــت
04-19-2009, 11:04 PM
في اسئلة نسيت تسألها

الوزار + الفانيله .. :aa_athwal:

DON S@LEM
04-20-2009, 12:11 AM
ههههههههههه الصامت كانوا على بالي بس عيب يالله:aa_boxat:


الكعبي العيناوي


اما كشختك غيير


خبرنا عن الفاونديشن والبلاشر والجحال والمسكره ... انا سمعت ماك عندهم اشيا حلوة خخخخخخخ

الكتومة
04-20-2009, 01:35 AM
أنا كشختي غير

http://www.sarkosa.com/vb/imgcache/23902.imgcache.jpg


باودر لأضافه الاضاءه وإعطاء لمسه حريريه .. يقوم بامتصاص الدهون

ويستخدم لجميع الوان البشرة


http://www.sarkosa.com/vb/imgcache/23903.imgcache.jpg


المصحح يخفي البقع الغامقة تحت العيون ويخفي جميع التشوهات الغير مرغوب فيها

http://www.sarkosa.com/vb/imgcache/23904.imgcache.jpg

كريم البرونزي للوجه والجسم يضيف اللون البرونزي على كل البشرة ويستخدم لجميع أنواع البشرة


http://www.sarkosa.com/vb/imgcache/23905.imgcache.jpg

مخطط العين ( الكحل ) يضيف الجمال للعين لجعلها محط الاهتمام

ويبرز شكل العين ولونها ويعطي لمسه أثقل للرموش

http://www.sarkosa.com/vb/imgcache/23906.imgcache.jpg

ماسكرا الحواجب والرموش والشوارب تضيف لمسه جذابة وخفيفة

http://www.sarkosa.com/vb/imgcache/23907.imgcache.jpg

سيرم مكبر الشفايف يعطي الشفايف شكل ممتلئ وناعم وأملس


شو رايكم بكشختي.... غييييييير :aa_athwal:

احــمق كشخه :aa_hosha:
ما يخصك في سوالف البنات :aa_mad:
تمـساح واحد :aa_grr::aa_coffee:

استانست عالموضوع الصراحه :aa_okik:
لان مرات يوم ابي اخذ هدايا حق ابوي واخواني وخوالي .
احتار شو اخذ لهم ... حتى ما اعرف شو الي يناسبهم
احيد مره رحت اخذ غتره حق خالي خخخخ قالي اي رقم تبين وانا :aa_9adma:
اقوله جي بعد شي ارقام حق الغتر :( ...؟؟؟!!!!
ما عرفت شو ارد عليه خذيت بعمري وطلعت من المحل :aa_moana:
سرت خذيت له اسهل شي قلم وبزم :aa_okik:

miss gucci
04-20-2009, 01:48 AM
8
8
8
الكتومة انتي مثلي يوم في العمره رحت اشتري ما عرفت شو الأرقام قالي انتو من الامارات قلتله هييه قالي هذي 56 اتوقع جذه لأنه السعوديين ياخذون الأطول ... وبعد حد منهم قالي طويلة الغتره اللحينه شووي استوت عندي خبره افتحها واعرف اذا تناسب ولا لا :) وهو بنفسه راعي المحل بيعرف لأنه تقريبا معظم الامااراتيين نفس القياس

سوري خربنا الموضوع هههههه
تحياتي لك ياخوي :)

الـعقرب
04-20-2009, 01:55 AM
الكندورة :

أي خياط تفصل كناديرك ؟

العربي الممتاز وخنجي واليوش

نوعية الكندورة القماش + الألوان

اقمشه ثقيله وخفيفه بعضها مخصر وبعضها عادي .
انوع . يعني عندي عربي وقطري وكوريتي وسعودي
في الصيف الوان فاتحه وفي الشتاء الوان داكنه


عقالك :
أي نوع تستخدم ( غليظ , خفيف , معطر , خيوط .. غيره)
من وين تشتريه ؟ كم الاسعار

وسط ويكون فيه اربع خيوط . وافصل مرات مخملي بدون خيوط
من بوحليقه
السعر يبدى من 150 درهم وفوق للعقال الواحد

قحفيتك :
أي نوع تستخدم ( المخبقه مال الشواب:aa_juve2: , الكويتيه , العريضه من تحت .. غيره )

الشبكيه المخبقه من بو حليقه بعد


الغتر :
حمر , بيض , شويت ألوان , نوعية الغترة نفسها + لونها
اسعارها

احمر وابيض للعقال . بسام او بروجيه مقاس 55
حق العصامه يعتمد على التايم
في الصيف والحر خفيفه من المندوس ابيض واحمر
في الشتاء يكون شال وعدة الوان غامقه


نعالك:
نوعية النعال ومن وين وليش ؟ ( تستوني - المندوس - K corner - باشوتي .. غيره )

ماحب غير المندوس
عندي بيضه وسوده وبرتقاليه وبنيه
اخذ دوم اكثر عن لون عشان تناسق لون الكندوره
وشي وحده بيضه بو صبع

الساعة:
تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟

ساعتي جاكور سويسريه
لاتسالني عن السعر لانه خيالي
الصراحه البسها في المناسبات
وساعتي العاديه من داماس رولكس

النظارة :
نوعية نظارتك ؟ طبية ؟ شمسية ؟ تنصح بشو ؟

شمسيه ديور


العطر :
العطور اللي تستخدمها ؟ للدوام ؟ للطلعات ؟ العربية ؟ الفرنسية ؟ الدهن عود ؟ البخور؟

[COLOR="blue"]عندي بوكس كامل كله عصور فرنسيه وعربيه
واهم شي الكمبودي المعتق


الحلاق :
اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ مخنيره؟ زلف ؟ غيره

كل اسبوع ستايل
مدرج
خنجر
ترابي بكحل
مرات اصبغها لزوم الكشخه لعرس او عزيمه
يوم اسير الحقول مرات اشيلها صفر بمكينه لزوم الدوام هههههه

Ļнή Al мғαŕg ™
04-20-2009, 02:08 AM
الكندورة :

أي خياط تفصل كناديرك ؟

الدفة من سنتين وسابقا العربي الممتاز لكن تحسه استوى بطران ومايهتم احين بمعاملة الزباين

نوعية الكندورة القماش + الألوان

خفيفة { بيضه + ثلجي + رصاصي +بني+ مب صفره اثلج من الثلجي لول } فالشتا بنية وسودة ورصاصية تقريبا وفي لون 2 مااعرف شو :aa_crazy: دوم على هالمنوال :aa_clab:

طريقة التفصيل (عربيه , قطريه , كويتيه , زرار عقم ,تشك تشك )

عربية , كويتية , من زمان مافصلت قطرية قبل كنت دوم انوع

عقالك :

أي نوع تستخدم ( غليظ , خفيف , معطر , خيوط .. غيره)
من وين تشتريه ؟ كم الاسعار
ما ألبس عقال بس فالاعياد والمناسبات عرس وجي
المهم العقال جاهز شارنه من بيت الغتر والثاني تفصيل
السعر والله ناسي وفيه خيط والثاني عادي اثنينتهم غليظين شوي

قحفيتك :

أي نوع تستخدم ( المخبقه مال الشواب , الكويتيه , العريضه من تحت .. غيره )
مالت الشوآب }

الغتر :


حمر , بيض , شويت ألوان , نوعية الغترة نفسها + لونها
اسعارها
حمر , وبيض , وثلجي وهاللون الي نفس الاصفر :aa_crazy:
الغتر , البسام للشماغ . . والباقي عاديات سادة او بنقشة سويسري شي جي يقولون عنهن
الاسعار تختلف السادة رخاص والشماغ اغلى والبيضة بنقشة سويسري اغلى والله السعر ماأذكر يعني بالضبط يعني عليك تدفع وتروح
نعالك:


نوعية النعال ومن وين وليش ؟ ( تستوني - المندوس - K corner - باشوتي .. غيره )
المندوس سابقا لايعلى عليه
حاليا النورس من خمس سنوات حق الاعياد }
والمرة الاخيرة انطونيو اما العاديات الدو وميلانو ها شي عادي وايد أحب البسهن واشتريهن

الساعة:


تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟
ديزل
حاليا هاي الي عندي والبقية اختفن
النظارة :

آرمآني

نوعية نظارتك ؟ طبية ؟ شمسية ؟ تنصح بشو ؟
طبية

العطر :


العطور اللي تستخدمها ؟ للدوام ؟ للطلعات ؟ العربية ؟ الفرنسية ؟ الدهن عود ؟ البخور؟
انوع اذا كندوره عطور عربية " مب شرط"
احب اشتري العطور الي تنباع فمعارض او مثلا القرية اخذ بالدرزن
ومرات اسير الرصاصي واخذ كذا عطر
اذا جنز والخ عطور بربري بيت وفيرزاتشي وجوتشي وجي
الحلاق :

اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ مخنيره؟ زلف ؟ غيره

احرجتني ماشي لحية :aa_crazy:
زلف صغيرون :aa_clab:
الحلاق الياقوت فالمشرف بس زحمة دومه اروح الياقوت الي فشارع المطار

كشكوشه
04-20-2009, 08:01 AM
الكشخه الظبيانيه لا يعلو عليها ,, شو رايكم تسون تصويت لأكشخ واحد فالمنتدى :aa_blossom:

التانغو الارجنتيني
04-20-2009, 11:52 AM
الكشخه الظبيانيه لا يعلو عليها ,, شو رايكم تسون تصويت لأكشخ واحد فالمنتدى :aa_blossom:

معاج ان الكشخة الظبيانية لا يعلى عليها

بس لا تنسين

ان كشخة اهل قطر .... غير .... وهم معروفين بالكشخة من زمان ...

وهم اكثر ناس كشيخة في دول مجلس التعاون وضواحيها

اكثر واحد كشيخ .. معروف ....

يا انا او كوكو ..

ههههههههههههههههههههههههه

{..الشـــــوق..}
04-20-2009, 12:13 PM
مووضووع جميييييييييييل ..

لان نحن البناات صدق صدق نحتااار شوو نااخذ هدـايا لابهاتنــا وريااييلنــأأ ..

احب اخذ سااعاات رجااليه .. بس للأسف ريلي مايحب يلبس سااعات :( زين منه لبس في الملجه بس ..

والحيين غياااااض برووح اخذ لاخويه سااعة غاااااليه وجدام ريلي .. عشاان اقهره .. وبمناسبة تخرج اخويه :aa_wink:
واخذت له من انطونيو نعال .. و ما لبسه :( الا يووم العيد والعرس .. ابا اخذ له من مندوس وفارس بس مايشجعني .. :( .. الشي الوحيد اللي استاانس عليه القلم { اقنور } وندمت لاني خذت له بزم ماركه .. لو اخذ له قووم بو عبود ابرك ... :aa_noo: احس مايحب سوالف الماركااات وانا اجن على هالسوالف
ومااعرف اخذ له لبس .. بس شكلي .. بروووح بوحليقه وبيلس انقي عيبه عيبه ماعيبه ماشي هداايااا مره ثاانيه :aa_anger:

ومن افكاركم وكشختكم نستفيييييييييييييييييييد :aa_wink:

Bu 3ask0r
04-20-2009, 06:29 PM
أي خياط تفصل كناديرك ؟

- العربي الممتاز

نوعية الكندورة القماش + الألوان

- الماني + ابيض او بيج

طريقة التفصيل (عربيه , قطريه , كويتيه , زرار عقم ,تشك تشك )

- كويتية بدون عقم + سحاب + خط واحد عالجنب

أي نوع تستخدم ( غليظ , خفيف , معطر , خيوط .. غيره)

- غليظ

من وين تشتريه ؟ كم الاسعار

- بن حمد ، 90 الى 200 .. تختلف الاسعار على حسب الشكل ..الخ

أي نوع تستخدم ( المخبقه مال الشواب:aa_juve2: , الكويتيه , العريضه من تحت .. غيره )

- انوع

حمر , بيض , شويت ألوان , نوعية الغترة نفسها + لونها
اسعارها

- حمر ، البسام + جيفينشي ، اممم بين 80 الى 260

نوعية النعال ومن وين وليش ؟ ( تستوني - المندوس - K corner - باشوتي .. غيره )

مندوس ، مريحة + احجام كبيرة :aa_juve2: + اشكال حلوة

تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟

- البس ، احس ما اروم استغني عن الساعة ، امم عندي مونت بلان - جيفنشي - اجنر - كارتيير - شانيل - بفلجاري ، اممم افضل بني او عنابي

نوعية نظارتك ؟ طبية ؟ شمسية ؟ تنصح بشو ؟

- برادا ، راي بان ، انصح ببرادا

العطور اللي تستخدمها ؟ للدوام ؟ للطلعات ؟ العربية ؟ الفرنسية ؟ الدهن عود ؟ البخور؟

- امممم انوع .. دهن العود + جيفنشي العنابي + بلاك اكس اس + بوس + اسكادا

اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ مخنيره؟ زلف ؟ غيره

- امممم ما اتفنن في الحلاقة P: مرات احلق في البيت ..

اممممم

في امان الله

ناصر الوصلاوي
04-20-2009, 07:32 PM
الكندورة :

أي خياط تفصل كناديرك ؟؟؟

انا الصراحه ما خليت خياط ما فصلت عنده ... في دبي خياط المشير والمغربي والختم اللي في الممزر والكشخه اللي في الشارجه ..
نوعية الكندورة القماش + الألوان ... بالنسبه للالوان على حسب الجو في الشتاء افصل كنادير ملونه وفي الصيف كنادير بيضه وليمونيه ..
طريقة التفصيل (عربيه , قطريه , كويتيه , زرار عقم ,تشك تشك ) انا الصراحه احب الكنادير العربيه والبس قطريه اوكويتيه زرار يوم اكون كاشخ ومطقم يعني لابس ساعه وبزمه وقلم من نفس الماركه ..
عقالك :

أي نوع تستخدم ( غليظ , خفيف , معطر , خيوط .. غيره) بالنسبه للعقال انا كل شهرين لازم اغير عقالي والبس غليظ وصوفي عسب يثبت عالراس وما يطيح ...
من وين تشتريه ؟ كم الاسعار انا افصل من عند بوحليقه في برجمان او من كلش اللي في الشارجه ...


قحفيتك :

أي نوع تستخدم ( المخبقه مال الشواب , الكويتيه , العريضه من تحت .. غيره ) بالنسبه للقحفيه البس المخبقه اليديد اللي الحين نازله في السوق شكلها حلو عالراس تحت الغتره وفي نفس الوقت اتثبت الغتره ...

الغتر :


حمر , بيض , شويت ألوان , نوعية الغترة نفسها + لونها ... الغتر انا البس البيضه والحمره شماغ والشال والملونه في الشتاء علو حسب لون الكندوره ... والحين منزلين البس غتر ماركه منزلينها في السوق مثل ديور واقنر وقوتشي وشانيل وفندي وفرساتشي اللي يبغي انا بقول له وين لانك ما راح اتحصل منها في السوق الا في محل واحد في دبي وهوالختم للخياطه اللي في الممزر وربيعي يعرف خياط في الشارجه يبيع بعد ...اسعارها


نعالك:


نوعية النعال ومن وين وليش ؟ ( تستوني - المندوس - K corner - باشوتي .. غيره )

بالنسبه للنعال انا احب البس انطونيو وفارس والمندوس وسيزاري باشيوتي ..

الساعة:


تلبس ساعة ؟ ماتلبس ؟ ليش وكيف بدي افهم ؟ اي ماركه ؟ ترتيب الالوان كيف ؟

بالنسبه للساعات ما خليت ماركه ما خذت منها ساعه وكل يوم اغير ساعتي حتى في الدوام مسميني بو الساعات

البس ساعه ماركه شانيل - وفرساتشي - وكارتيير - وقس - وكونكورد - ورولكس - وجي سي -وجي اف فري- واقنر - سي كي - جوفيال .... اتمنى اني ما نسيت شي بعد

النظارة :


نوعية نظارتك ؟ طبية ؟ شمسية ؟ تنصح بشو ؟ انا الصراحه البس الاثنين طبيه وشمسيه ... نظارتي الطبيه فرساتشي والشمسيه RayBan


العطر :


العطور اللي تستخدمها ؟ للدوام ؟ للطلعات ؟ العربية ؟ الفرنسية ؟ الدهن عود ؟ البخور؟

بالنسبه للعطور احب الباكو رباني ون مليون واحب تاسكن لاذر وبولو وارماني واحب دهن العود انا ادخن العود بس في المناسبات عيد او عرس ...


الحلاق :

اللي تضبط فيه لحيته ؟ كيف تضبط لحيتك اساساً ؟ غليضه ؟ قفل ؟ ترابيه ؟ مخنيره؟ زلف ؟ غيره

بالنسبه للحيه ترابي واحلق عند حلاق نعيما اللي عالممزر ..

Adsense Management by Losha