مشاهدة النسخة كاملة : المساكن الشعبيه في ابوظبي


العالي مستواها
03-08-2009, 07:59 PM
لفت انتباهي خلال زيارتي لاحد اقاربي في دبي .........منطقة الورقا والتي تم توزيع المساكن فيها لمواطني امارة دبي وبنظام لتقسيط على سنوات ..........الصراحه الفكره طيبه وتيسر الحال للمواطن للحصول على سكن مناسب ومريح ..............وتسديد الدفعات شهريا من راتب المواطن .........سؤالي لماذا لا يتم تطبيق هذا النظام في امارة ابوظبي بل لماذا لا يتم تعميمه على كافة الامارات ...........الصراحه سيدي صاحب السمو الشيخ محمد بن راشد - ربي يحفظه - قال نريد ان يعيش المواطن كما نعيش نحن ..............صدقت يا بوراشد واعمالك تسبق افعالك يا سيدي ...........العالي مستواها

nabil933
03-08-2009, 08:39 PM
مشروع الاسكان يقوم بتقسيط مبلغ 750 ألف درهم قيمة قرض الاسكان على مدى 25 سنة أو اقل على حسب راتب الشخص، واذا كانت قيمة البيت اعلى من قيمة قرض الاسكان فعليه سداد المبلغ المتبقى من جيبه الخاص، وذلك لوجود اكثر من عشرة نماذج واختلاف مساحات كل نموذج.

ua7e
03-08-2009, 09:12 PM
عندنا في ابوظبي الاولوية حق شاطئ الراحة وجزيرة الريم وجزيرة ياس والسعديات .... عقب مايخلصون هذي المشاريع يجي دور البيوت الشعبية وحاجة المواطن في ابوظبي ..... لمعلوماتكم من 5 سنين ولابيت شعبي إنبنا في ظواحي ابوظبي

na999ar
03-08-2009, 09:28 PM
سيدي صاحب السمو الشيخ محمد بن راشد - ربي يحفظه - قال نريد ان يعيش المواطن كما نعيش نحن ..............صدقت يا بوراشد واعمالك تسبق افعالك يا سيدي ...........العالي مستواها



يوم هو بخير نحنا بخير
مره ما نباء شي غير شوفه وبقاه الله يحفظه
ان شاءلله ويعطيه الصحه والعافيه


وفي مشاركة
ua7e

عندنا في ابوظبي الاولوية حق شاطئ الراحة وجزيرة الريم وجزيرة ياس والسعديات .... عقب مايخلصون هذي المشاريع يجي دور البيوت الشعبية وحاجة المواطن في ابوظبي ..... لمعلوماتكم من 5 سنين ولابيت شعبي إنبنا في ظواحي ابوظبي

بيوت في الباهيه والشليله ما نسكن حق شوه يبون خلهم يجسمونهن من اول وايديد ويسكنون الناس
واذا في البيوت اخطاء برايه يصرفونهن للناس وكلن بيصلح لي يباه الايجارات كسرت ظهورهم

الارهابي
03-08-2009, 09:44 PM
في الشارجه الشيخ سلطان الله يحفظه يعطي660الف درهم منحه لاترد

الـ ع ـيناوي (AD)
03-08-2009, 10:42 PM
عندنا في ابوظبي الاولوية حق شاطئ الراحة وجزيرة الريم وجزيرة ياس والسعديات .... عقب مايخلصون هذي المشاريع يجي دور البيوت الشعبية وحاجة المواطن في ابوظبي ..... لمعلوماتكم من 5 سنين ولابيت شعبي إنبنا في ظواحي ابوظبي

في مجمع سكني ينبني في منطقة الفلاح مكون من 4900 فيلا تقريبا ..

والفلل بمواصفات عالية ومكيفه .. عباره عن 4 غرف نوم "ماستر كلهم"

3 مطابخ .. واحد منهم تحضيري .. كراج اتوماتيك لسيارتين .. غرفة حارس

وما اذكر كم ميلس .. انا دخلت البيت والصراحه ما كان ودي اطلع منه ..


هالبيوت تبينها شركة الدار بتوجيهات سمو الشيخ محمد بن زايد "الله يحفظه"

هي للمواطنين بس لين الحين التوجه مب واضح في كيفية توزيعها .. يمكن

تكون من ضمن طلبات الشراء المقدمه عن طريق هيئة قروض المساكن الخاصة ..

كل مواطن في حالة انه مايملك بيت او قطعة ارض يحق له ان يتقدم بطلب شراء

ويكون العقار اللي بيشتريه بمليونين .. احتمال بيوت الفلاح تدخل ضمن هذه البيوت ..

اسمحولي على الاطاله ..

بن_مطير
03-08-2009, 11:26 PM
في الشارجه الشيخ سلطان الله يحفظه يعطي660الف درهم منحه لاترد


والله مايقصر بو محمد

نهياني
03-08-2009, 11:26 PM
في 10,000 فيلا بمواصفات عاليه تنبنى في منطقة الشامخه ..

baba
03-08-2009, 11:36 PM
فكرة دبي وايد حلوه وفي متناول الجميع لتملك منزل العمر

بوساره
03-08-2009, 11:44 PM
الفكره جميلة وموجوده في بوظبي ياخويه

القرض واللي هو 2 مليون درهم تقدر تشتريبها بيت او فيلا او شقه في اي مكان بأبوظبي اذا ماكنت تملك ارض

على العموم حكومة ابوظبي تشتغل على نظام جديد وعصري وهي الشقق الجاهزه وتوزع بشكل مجاني للمنتفعين

اللي يعرف منطقة سوق الجمال القديم بالعين بيعرف اي مشروع انا اقصد

امارات الفخر
03-09-2009, 01:20 AM
الفكره جميلة وموجوده في بوظبي ياخويه

القرض واللي هو 2 مليون درهم تقدر تشتريبها بيت او فيلا او شقه في اي مكان بأبوظبي اذا ماكنت تملك ارض

على العموم حكومة ابوظبي تشتغل على نظام جديد وعصري وهي الشقق الجاهزه وتوزع بشكل مجاني للمنتفعين

اللي يعرف منطقة سوق الجمال القديم بالعين بيعرف اي مشروع انا اقصد

أخوي اظني انك تطري اللي في صناعية هيلي لكن يا خوي ما اظن ان الشقق اللي تنبني هناك للمواطنين

لأن الشيخ خليفة بن زايد الله يطول عمره امر بتطوير البيوت الشعبية الى مجمعات سكنية واللي يمر

على منطقة اليحر وهو ياي من بوظبي بيشوف لوحة كبيرة عليها مجسم للمشروع وبعد جسر السليمات

وانت ساير بوظبي بتشوف لوحة كبيرة بعد حاطين عليها نماذج لتصميمات الفلل وبصراحة المشروعين

روعة تضم فلل عصرية ومسطحات خضراء ومجمعات تجارية ومستشفيات ومراكز صحية واندية

رياضية وبوظبي من يوم يومها تبني مساكن للمواطنين وتوزع شعبيات واراضي وقروض اسكان بدون

فايدة للمواطنين وفوق هذا اللي عنده بيت قديم الحكومة تسوي صيانة مجانية للبيت او تهدم وتبنيه من

اول ويديد واخر شي ترا حكومة بوظبي تنفذ اللحين مشروعين للمجمعات السكنية في المنطقة الغربية

هم بدوا هناك وبإذن الله الدور ياي حق بوظبي وضواحيها والعين

ريس وبس
03-09-2009, 06:29 AM
الفكره جميلة وموجوده في بوظبي ياخويه

القرض واللي هو 2 مليون درهم تقدر تشتريبها بيت او فيلا او شقه في اي مكان بأبوظبي اذا ماكنت تملك ارض

على العموم حكومة ابوظبي تشتغل على نظام جديد وعصري وهي الشقق الجاهزه وتوزع بشكل مجاني للمنتفعين

اللي يعرف منطقة سوق الجمال القديم بالعين بيعرف اي مشروع انا اقصد


ابوظبي توزع شقق على مواطنيها وعيمان الى ما عندها مساحة كافية اتوزع اراضي ... حرام الصراحة التقصير في توزيع الاراضي والمنح من امارة تملك المساحات الشاسعة من الصحراء وعشرات المليارات من الدخل سنوياً ...

سويحان
03-09-2009, 06:34 AM
بوظبي شامخه
وماعليكم بوظبي حاسبتنها صح

الله ايوفق الحاكم ونائبه

امارات الفخر
03-09-2009, 06:47 AM
ابوظبي توزع شقق على مواطنيها وعيمان الى ما عندها مساحة كافية اتوزع اراضي ... حرام الصراحة التقصير في توزيع الاراضي والمنح من امارة تملك المساحات الشاسعة من الصحراء وعشرات المليارات من الدخل سنوياً ...

ابوظبي فيها توزيع أراضي منح بس صغروا المساحة عن قبل لكن المهم تبنيلك بيت مع حوش وتوزع

بعد بيوت شعبية لكن البيوت الشعبية اللي توزعها اللحين مبنية من أيام الشيخ زايد الله يرحمه والفكرة

اللحين استبدال البيوت الشعبية بنظام المجمعات السكنية وهي عبارة عن نماذج مختلفة لفلل وكل واحد

يختار النموذج اللي يناسبه وفي بعضهن بيتوزعن على أساس منح وبعضهن عن طريق الشراء بقرض

الاسكان اللي قيمته مليوني درهم وابوظبي عمرها ما قصرت في اهلها ولا بتقصر ان شاء الله والله

يطول بعمر الشيخ خليفة ويبارك فيه ما قصر في الامارات كلها مب الا بس ابوظبي

رشا جميرا
03-09-2009, 08:18 AM
معقوله العاصمه و المواطنين يعانون هالمساكن!!

ua7e
03-09-2009, 01:25 PM
في مجمع سكني ينبني في منطقة الفلاح مكون من 4900 فيلا تقريبا ..

والفلل بمواصفات عالية ومكيفه .. عباره عن 4 غرف نوم "ماستر كلهم"

3 مطابخ .. واحد منهم تحضيري .. كراج اتوماتيك لسيارتين .. غرفة حارس

وما اذكر كم ميلس .. انا دخلت البيت والصراحه ما كان ودي اطلع منه ..


هالبيوت تبينها شركة الدار بتوجيهات سمو الشيخ محمد بن زايد "الله يحفظه"

هي للمواطنين بس لين الحين التوجه مب واضح في كيفية توزيعها .. يمكن

تكون من ضمن طلبات الشراء المقدمه عن طريق هيئة قروض المساكن الخاصة ..

كل مواطن في حالة انه مايملك بيت او قطعة ارض يحق له ان يتقدم بطلب شراء

ويكون العقار اللي بيشتريه بمليونين .. احتمال بيوت الفلاح تدخل ضمن هذه البيوت ..

اسمحولي على الاطاله ..


والله كلامك يفرح لكني ماشفت شيء ياريت تحدد لي المنطقه الي تطريها .. وين من جنوب الشامخة

الـ ع ـيناوي (AD)
03-09-2009, 01:48 PM
والله كلامك يفرح لكني ماشفت شيء ياريت تحدد لي المنطقه الي تطريها .. وين من جنوب الشامخة

منطقة الفلاح اخوي مب الشامخه .. (في مشروع في منطقة الشامخه بس لين الحين ما تأكدت منه )
اما اللي في منطقة الفلاح .. اذا كنت في الشامخه وساير صوب الفلاح بتشوفه وانت فوق الجسر "جسر الفلاح" .. بيكون على يمينك .. اول دوار عقب الجسر خذه يمين وكمل دربك المشروع بيكون على يسارك في هالحاله .. بتلقى 12 فيلا جاهزه كـ نماذج .. 3 نماذج (عربي - صيني وما اذكر النموذج الثالث شو يمثل) .. عددهم 4950 تقريبا ..


اما المشروع اللي في الشامخه على نفس الدرب وانت فوق جسر الفلاح بيكون على يسارك .. قريب من المطار .. هناك في فيلل جاهزه وماتوزعت من 3 سنين تقريبا .. مهجوره ما ادري شو مشكلتها بالضبط .. الفلل صغيره اللي يسمونها "فلل الارامل والمطلقات" .. ما ادري ليش عازلينهم عن المجتمع ولهم وضع خاص وكأنهم منبوذين .. مع العلم ان بيوتهم اصغر عن باقي البيوت ..

بواسريح
03-09-2009, 03:10 PM
في الشارجه الشيخ سلطان الله يحفظه يعطي660الف درهم منحه لاترد


كانت 660 الف كم من شهر الحين استوت 950 الف منحة لا ترد


:aa_Police:

الله يطول بعمر بو محمد. مع العلم انيه مم من سكان الشارقة بس مع ذلك احبـــه لانه يذركني بالشيخ زايد الله يرحمه

السبع
03-09-2009, 06:45 PM
منطقة الفلاح اخوي مب الشامخه .. (في مشروع في منطقة الشامخه بس لين الحين ما تأكدت منه )
اما اللي في منطقة الفلاح .. اذا كنت في الشامخه وساير صوب الفلاح بتشوفه وانت فوق الجسر "جسر الفلاح" .. بيكون على يمينك .. اول دوار عقب الجسر خذه يمين وكمل دربك المشروع بيكون على يسارك في هالحاله .. بتلقى 12 فيلا جاهزه كـ نماذج .. 3 نماذج (عربي - صيني وما اذكر النموذج الثالث شو يمثل) .. عددهم 4950 تقريبا ..


اما المشروع اللي في الشامخه على نفس الدرب وانت فوق جسر الفلاح بيكون على يسارك .. قريب من المطار .. هناك في فيلل جاهزه وماتوزعت من 3 سنين تقريبا .. مهجوره ما ادري شو مشكلتها بالضبط .. الفلل صغيره اللي يسمونها "فلل الارامل والمطلقات" .. ما ادري ليش عازلينهم عن المجتمع ولهم وضع خاص وكأنهم منبوذين .. مع العلم ان بيوتهم اصغر عن باقي البيوت ..


أخوي .. ممكن توضح لنا كيف إن (( بيوت المطلقات صغيرة )) ؟؟

يعني هل تقصد أصغر من البيوت الشعبية العادية ؟

وحسب ما سمعت هناك توزيع جديد للبيوت الشعبية ؟
هل هذا صحيح ؟

RN9
03-09-2009, 07:02 PM
على العموم حكومة ابوظبي تشتغل على نظام جديد وعصري وهي الشقق الجاهزه وتوزع بشكل مجاني للمنتفعين
اللي يعرف منطقة سوق الجمال القديم بالعين بيعرف اي مشروع انا اقصد

اللي في صناعيه هيلي

ما اظن هذا للمواطنين ترتيبه ما يساعد الا يكون للعمال !

الـ ع ـيناوي (AD)
03-09-2009, 07:27 PM
أخوي .. ممكن توضح لنا كيف إن (( بيوت المطلقات صغيرة )) ؟؟

يعني هل تقصد أصغر من البيوت الشعبية العادية ؟

وحسب ما سمعت هناك توزيع جديد للبيوت الشعبية ؟
هل هذا صحيح ؟

هيه اخوي اصغر من البيوت الشعبية العادية ..

عندك مثلا في منطقة الشامخه في بيوت من النوع اللي اتكلم عنه .. والبيوت اللي جدامهم على

طول بيوت من الكبار .. اتخيل اهل البيت الصغير شو يقولون في خاطرهم يوم يشوفون البيت اللي

جدامهم ...!!

البيوت الكبيره فيها ميلسين .. والصغيره ميلس واحد ..

البيوت الكبيره فيها 3 ابواب "مع الكراج" والصغيره بابين واعتقد بدون كراج اصلا ..

وعدد الغرف واضح من شكل البيت الخارجي انها اقل مقارنة بالبيوت الكبيره ..

طبعا التسميه ما سمعتها من جهه رسمية .. سمعتها من الناس وما ادري من وين طلع الاسم ..

بس اللي يقهر انه ليش هالتفرقه .. مع اني اشوف ان فئة الارامل والمطلقات هم اللي محتاجين

اكثر من غيرهم ..


بالنسبه لسؤالك عن التوزيع اليديد .. ماعندي علم .. اعذرني ..

ياسي
03-09-2009, 08:06 PM
الفكره جميلة وموجوده في بوظبي ياخويه

القرض واللي هو 2 مليون درهم تقدر تشتريبها بيت او فيلا او شقه في اي مكان بأبوظبي اذا ماكنت تملك ارض

على العموم حكومة ابوظبي تشتغل على نظام جديد وعصري وهي الشقق الجاهزه وتوزع بشكل مجاني للمنتفعين

اللي يعرف منطقة سوق الجمال القديم بالعين بيعرف اي مشروع انا اقصد

و لا عليك امر ممكن بس توضح هالنظام اليديد لاني اول مرة اعرف عنه.

الـ ع ـيناوي (AD)
03-09-2009, 08:16 PM
و لا عليك امر ممكن بس توضح هالنظام اليديد لاني اول مرة اعرف عنه.

تسمح لي ارد :aa_blush: اذا كنت تسأل عن طلبات الشراء بخبرك ..

في شهر 5/2008 بتوجهيات الشيخ خليفة بعد ما أمر بزيادة قروض الاسكان من مليون و200

لـ مليونين درهم زادو بند يديد وخاصية الشراء عن طريق هيئة القروض .. يحق لمواطني الاماره

انهم يتقدمون بطلب شراء مسكن عن طريق الهئيه وبمليونين درهم .. والمستفيدين هم الاشخاص

اللي ما يملكون عقار ( بيت شعبي - فيلا - او حتى قطعة ارض ) .. طبعا لين الحين القرار ما تنفذ

بعد عملية الاحلال اللي صارت في الهيئه .. قريب راح يعاد تشكيل مجلس الاداره وان شاء الله بيبدون

استقبال الطلبات ( طلبات الشراء ) ..

بو ساره السموحه منك :wu:

السبع
03-09-2009, 08:21 PM
هيه اخوي اصغر من البيوت الشعبية العادية ..

عندك مثلا في منطقة الشامخه في بيوت من النوع اللي اتكلم عنه .. والبيوت اللي جدامهم على

طول بيوت من الكبار .. اتخيل اهل البيت الصغير شو يقولون في خاطرهم يوم يشوفون البيت اللي

جدامهم ...!!

البيوت الكبيره فيها ميلسين .. والصغيره ميلس واحد ..

البيوت الكبيره فيها 3 ابواب "مع الكراج" والصغيره بابين واعتقد بدون كراج اصلا ..

وعدد الغرف واضح من شكل البيت الخارجي انها اقل مقارنة بالبيوت الكبيره ..

طبعا التسميه ما سمعتها من جهه رسمية .. سمعتها من الناس وما ادري من وين طلع الاسم ..

بس اللي يقهر انه ليش هالتفرقه .. مع اني اشوف ان فئة الارامل والمطلقات هم اللي محتاجين

اكثر من غيرهم ..


بالنسبه لسؤالك عن التوزيع اليديد .. ماعندي علم .. اعذرني ..

معذور يا أخي الكريم ..

والصراحة ما عسانا إلا أن نقول : الله المستعان ..

وإن شاء الله تتعدّل أحوال أخواتنا من الأرامل والمطلقات ..

صحفي أماراتي
03-09-2009, 09:03 PM
كانت 660 الف كم من شهر الحين استوت 950 الف منحة لا ترد


:aa_police:

الله يطول بعمر بو محمد. مع العلم انيه مم من سكان الشارقة بس مع ذلك احبـــه لانه يذركني بالشيخ زايد الله يرحمه

لا ياخوي للحين مافي اي زيادة يعني للحين 660 الف درهم
اما اذا كانت عندكم مصادر موثوقة ياريت تفرحنااا بها
وترى بومحمد الله يطول بعمره يقدر ونحن نستاهل

الصحفي

شبكه قديمه
03-09-2009, 09:16 PM
المساكن الشعبية تتوزع أبلاش لا اقساط ولا غيره في بوظبي والعين

ما اعرف يعني هل هو كلام وينقال ولا شو السالفه

قولوا الحمدلله عندكم مشروع 10 الاف بيت ينبن فالشامخة لمحدودي الدخل وبدى العمل فالمشروع

نحن كله بقروض وديون نسكن شو نقول !!! الانسان يقول الحمدلله أن عايش في هالبلاد تحت ظل القيادة الرشيدة

الله يحفظ الشيوخ كلهم

فل اوبشن
03-09-2009, 09:23 PM
اللي يقول عيمان توزع اراضي اقوله .. اراضي عيمان خلصت وقاموا يعطون

اراضي في منطقة مصفوت اللي تابعه حق عيمان وهي تقريبا صوب حتا وعمان !!

واكثر الاراضي اللي في منطقة الجرف اللي صوب المعشره مساحتها 80 & 80 !!


بس مجرد سؤال .. اللي مايبا يسكن في مصفوت ولا يسير بعيد شو يسوي ؟؟؟؟

دامنه عيمان مافيها مساحات حق توزيع الاراضي .. ليش مواطنينهم ماياخذون

اراضي في بوظبي ولا دبي ؟؟؟

الـ ع ـيناوي (AD)
03-09-2009, 09:29 PM
بس مجرد سؤال .. اللي مايبا يسكن في مصفوت ولا يسير بعيد شو يسوي ؟؟؟؟
دامنه عيمان مافيها مساحات حق توزيع الاراضي .. ليش مواطنينهم ماياخذون
اراضي في بوظبي ولا دبي ؟؟؟



لأن نفس المشكله موجوده في بوظبي ..

لو المواطن في بوظبي ما يبا يسكن في المناطق البعيده "من 50 - 80 كيلو" عن المدينة

شو يسوي ..؟

اراضي بوظبي بعد ما كانت تتوزع بمساحات توصل لـ 200*200 .. صارت 100*120

وأقل في بعض المناطق ..

لازم المواطن يعي شغله .. انه عقب فتره مسألة توزيع الاراضي لازم بتتوقف أو بتكون في

مناطق بعيده كل البعد عن المدن .. يعني بالله عليكم الحكومه شو تسوي اذا الاراضي خلصت .. :aa_heh:

يعني باختصار ..

( المناطق اللي فيها "خدمات" الصرف الصحي و وإلخ .. في الوقت الحالي ما تكفي لمواطني الاماره )

alameri81
03-09-2009, 09:49 PM
ان شاءالله ربنا يرزقنا ويرزقكم.....
حتى لو اعطونا بيت في اخر الدنيا بنوافق المهم نأمن مستقبلنا ومستقبل عيالنا.... بدل الايجارات اللي كاسره ظهورنا..

امارات الفخر
03-09-2009, 11:07 PM
لأن نفس المشكله موجوده في بوظبي ..

لو المواطن في بوظبي ما يبا يسكن في المناطق البعيده "من 50 - 80 كيلو" عن المدينة

شو يسوي ..؟

اراضي بوظبي بعد ما كانت تتوزع بمساحات توصل لـ 200*200 .. صارت 100*120

وأقل في بعض المناطق ..

لازم المواطن يعي شغله .. انه عقب فتره مسألة توزيع الاراضي لازم بتتوقف أو بتكون في

مناطق بعيده كل البعد عن المدن .. يعني بالله عليكم الحكومه شو تسوي اذا الاراضي خلصت .. :aa_heh:

يعني باختصار ..

( المناطق اللي فيها "خدمات" الصرف الصحي و وإلخ .. في الوقت الحالي ما تكفي لمواطني الاماره )

أخوي صدقني بعدها نعمة 120*100 والناس راضية تسكن فيها أهم شي تبني فيلا مع حوش لكن

المشكلة يا خوي يوم تكون المنطقة ما فيها خدمات أبدا عندك مثال الشامخة من متى مبنية وأحلى

بيوت وأحلى مكان قرب المطار وبوظبي وخط دبي لكن ما عندك مجمعات تجارية لازم تضرب خط لين

داخل بوظبي او بني ياس وما عندك عيادة او مركز صحي ما شي غير المدارس والمسايد والدكاكين

اللي تابعه للمسايد هذا بالنسبة للبيوت أما بالنسبة لأراضي الشامخة غير حوض 20 و21 انسى

تبني لا خدمات ولا صرف صحي ولا شي وحتى الاحواض اللي ذكرتهن فوق ماشي قربهن مدارس ولا عيادات

ومادري اخوي اذا سمعت عن منطقة العدلة اللي على خط سويحان المنطقة المهجورة عاد اهل المنطقة

الله يعينهم شكلهم يبالهم 20 سنة لين ما توصلهم الخدمات الاساسية ولين ما يفكرون يطورون المنطقة

ولا مجمعات تجارية ولا شي الله يعين الناس بصراحة ويهدي بلدية ابوظبي ويخلصون الناس واسمحلي

اخوي اذا طولت عليك ولا غثيتك

alameri81
03-10-2009, 07:06 AM
زين شو عن موضوع القرض.... انا سمعت اللي ما عنده ارض يروم ياخذ قرض ويشتري بيت!

أم ذياب
03-10-2009, 10:07 AM
ســـؤال...شو موقع منطقة الشهامة القديمه من الاعـــراب(في ظل التطور المعماري في المناطق المحيطه بهــــا)؟؟؟!!

L.MESSI
03-10-2009, 10:17 AM
العيناوي ad

البيوت اللي تطريها وهي بيوت الارامل والمطلقات موجوده عندنا في العين من زمان وما اعتقد انها مخصصه بالمطلقات والارامل فقط ومثل ما قلت هي مقابله للبيوت الشعبيه الجديده الكبيره . ولكنها بنظري ممتازه للسكن ..

والله يطول عمر الشيوخ

الـ ع ـيناوي (AD)
03-10-2009, 01:13 PM
أخوي صدقني بعدها نعمة 120*100 والناس راضية تسكن فيها أهم شي تبني فيلا مع حوش لكن

المشكلة يا خوي يوم تكون المنطقة ما فيها خدمات أبدا عندك مثال الشامخة من متى مبنية وأحلى

بيوت وأحلى مكان قرب المطار وبوظبي وخط دبي لكن ما عندك مجمعات تجارية لازم تضرب خط لين

داخل بوظبي او بني ياس وما عندك عيادة او مركز صحي ما شي غير المدارس والمسايد والدكاكين

اللي تابعه للمسايد هذا بالنسبة للبيوت أما بالنسبة لأراضي الشامخة غير حوض 20 و21 انسى

تبني لا خدمات ولا صرف صحي ولا شي وحتى الاحواض اللي ذكرتهن فوق ماشي قربهن مدارس ولا عيادات

ومادري اخوي اذا سمعت عن منطقة العدلة اللي على خط سويحان المنطقة المهجورة عاد اهل المنطقة

الله يعينهم شكلهم يبالهم 20 سنة لين ما توصلهم الخدمات الاساسية ولين ما يفكرون يطورون المنطقة

ولا مجمعات تجارية ولا شي الله يعين الناس بصراحة ويهدي بلدية ابوظبي ويخلصون الناس واسمحلي

اخوي اذا طولت عليك ولا غثيتك

اخوي يمكن ما فهمت قصدي انت .. على العموم ..

ومنو قال الـ 120*100 مب نعمه .. والله حتى لو اقل من جيه الواحد يقول الحمدلله على النعمه ..

اهم شي نفس ما قلت انت انه يكون فيها خدمات .. وماتكون منسية ..

بالنسبه لمنطقة الشامخه .. هم لو يبون فيها العماير التابعه للبلدية نفس الموجوده في (خليفة أ ) بتكون

الامور طيبه مع كم عيادة تخدم المنطقه .. والاراضي اللي تتكلم عنها ما اعرف ارقام الاحواض بالضبط

بس لو تشوف صوب مجمع ادنوك في كم بيت هناك اصحاب الاراضي بنوها ولين الحين شكلهم يتريون

الماي والكهربا .. منطقة العدله والله تحس هالمنطقه منفية .. ان شاء الله البلدية تحس شوي بمعاناة

الناس هناك وتوفر لهم احتياجاتهم الاساسية اقل شي ..

افا عليك اخوي لا طولت ولا شي :)

الـ ع ـيناوي (AD)
03-10-2009, 01:18 PM
زين شو عن موضوع القرض.... انا سمعت اللي ما عنده ارض يروم ياخذ قرض ويشتري بيت!

لو قريت الردود اخوي بتعرف الاجابه ..

الكلام صحيح يجوز انك تشتري بيت بالقرض .. لكن لين الحين ما بدت الاجراءات ..

بعد مايتشكل مجلس ادارة الهيئه اليديد بيبدون استلام الطلبات .. يعني اصبر :)

الـ ع ـيناوي (AD)
03-10-2009, 01:23 PM
العيناوي ad

البيوت اللي تطريها وهي بيوت الارامل والمطلقات موجوده عندنا في العين من زمان وما اعتقد انها مخصصه بالمطلقات والارامل فقط ومثل ما قلت هي مقابله للبيوت الشعبيه الجديده الكبيره . ولكنها بنظري ممتازه للسكن ..

والله يطول عمر الشيوخ

منطقة الشامخه مثلا ..

بانيين فيها اكثر من 4000 بيت شعبي من الحجم الكبير ( ماعرف العدد بالضبط ) المهم تخيل بين

هذه البيوت في على زاوية معينة حول الـ 100 بيت من البيوت الصغار اللي اقصدها .. وكل البيوت

انبنت في وقت واحد ومع بعض .. شمعنى هالبيوت غير عن باقي البيوت .. ليش مايكون حالهم من حال

غيرهم "جيرانهم" .. طبعا هي مناسبه للسكن محد ينكر هالشي .. بس ليش هم اقل من غيرهم ..؟

وللعلم .. هذي البيوت آخر شي تم تسليمها او يمكن تستلمت مع باقي البيوت بس اصحابها اكيد

اعترضوا وهم آخر من سكن في المنطقه .. يعني سببت مشاكل ..

na999ar
03-12-2009, 05:18 PM
وحسب ما سمعت هناك توزيع جديد للبيوت الشعبية ؟
هل هذا صحيح ؟


المستحقين للبيوت غير الارامل والمطلقات

( هل الدار ) حاملين جواز بوظبي ولي ما عندهم مساكن

2 _ مواطنين الدوله العاملين في دوائر بوظبي


وانكرر في بيوت وااايد خاليه ما انسكنن


...
اعتقد لو يقوم المواطنين باحتلال هالبيوت الخاليه على امتداد الشليله والباهيه والسكن فيها بتحس البلديه انهم يستحقونها - الماء متوفر في المساكن + الكهرباء
بعض التعديلات والصبغ وتكون مناسبه للسكن ...


يالله على المواطن ان يسكن منازل تركها من لا يحتاج لها

امارات الفخر
03-13-2009, 09:14 AM
ســـؤال...شو موقع منطقة الشهامة القديمه من الاعـــراب(في ظل التطور المعماري في المناطق المحيطه بهــــا)؟؟؟!!

أختي اللي اعرفه ان منطقة الشهامة القديمة وبني ياس ملكوا الناس الاراضي اللي قريبة من بيوتهم

وسمحولهم ياخذون القرض ويبنون طابقين وبعضهم اللي بيوتهم في الطرف خذ مساحة ارض أكبر من

مساحة البيت نفسه وخذ قرض وبنى بناية من خمس شقق.

أخوي العيناوي ad اسمحلي اخوي ما فهمت عليك في البداية وبالنسبة لردك علي كلامك كله منطقي

خاصة عن منطقة العدلة الله كريم ياخوي

بن مران
09-11-2009, 06:04 PM
السلام عليكم


ياخوان حد عنده اخبار اراضي خليفة اليديده تعبنا ونحن نتريا من 5 سنوات احينة

بن مران
09-14-2009, 11:51 AM
السلام عليكم


ياخوان حد عنده اخبار اراضي خليفة اليديده تعبنا ونحن نتريا من 5 سنوات

بن مران
09-15-2009, 05:38 PM
السلام عليكم


ياخوان حد عنده اخبار اراضي خليفة اليديده تعبنا ونحن نتريا من 5 سنوات

هل تم توزيع المخططات اليديده وشو بخصوص البنية التحتية

Professor.X
09-15-2009, 10:41 PM
معقوله يوزعون شقق وارض الله واسعة؟

عاشق امة الزعيم
09-16-2009, 12:19 AM
عندنا في ابوظبي الاولوية حق شاطئ الراحة وجزيرة الريم وجزيرة ياس والسعديات .... عقب مايخلصون هذي المشاريع يجي دور البيوت الشعبية وحاجة المواطن في ابوظبي ..... لمعلوماتكم من 5 سنين ولابيت شعبي إنبنا في ظواحي ابوظبي

وين تبغيهم يبنون البيوت الشعبية في ابوظبي فيه عندكم اراضي في ابوظبي اخوي

صوب مدينة خليفة ومدينة محمد خلاص ما فيه اراضي

الشامخة والشوامخ والفلاح وبني ياس خلاص بنو فيها قبل وحالين اراضي خاصة

مستر عيناوي
09-16-2009, 12:41 AM
الحمدالله الحكومة في ابوظبي عطتنا اراضي ابلاش (منح)
وفوق هذا قرض بمليونين وما تدفعهن كلهن
اول شي يطيح عنك نص مليون
بعدين تقدر اتشل النص الثاني اذا بتدفع كاش
يعني القرض كله يصير عليك مليون


الله يطول بعمر عيال زايد والله يغفر لابوهم

وطني انا
09-16-2009, 12:12 PM
لين الحين جنوب الشامخة ما فية خدمات

قلبي الحزين
09-16-2009, 02:03 PM
االله يعينا علينا بالصبر

اماراتي الاحساس
09-16-2009, 04:06 PM
http://www.aldar.com/al_falah_video.en

مشروع الفلاح

الشامسي 1911
09-16-2009, 05:10 PM
الفكره جميلة وموجوده في بوظبي ياخويه

القرض واللي هو 2 مليون درهم تقدر تشتريبها بيت او فيلا او شقه في اي مكان بأبوظبي اذا ماكنت تملك ارض

على العموم حكومة ابوظبي تشتغل على نظام جديد وعصري وهي الشقق الجاهزه وتوزع بشكل مجاني للمنتفعين

اللي يعرف منطقة سوق الجمال القديم بالعين بيعرف اي مشروع انا اقصد

سوق البوش الجديم بيوزعونه حق اهل المرخانيه الجديمه امبونهم المرخانيه المصغره المجابله حديقه الطويه لانه كانوا ناوين يقشعونها
عقب دخل واحد راهي من هل دبي والله اعلم واجره بالكامل
والمشروع ما له راس من رجلين الين الحين!!
مسلم حق المجلس الاتحادي من فتره ولا حد يقدر يفيدك بشي!!
الله كريم
هيه و
سالفه المليونين الين اليوم موقفه
وبينها واحد من الاعضاء يزاه الله خير

الـعقرب
09-16-2009, 05:36 PM
عندنا في ابوظبي الاولوية حق شاطئ الراحة وجزيرة الريم وجزيرة ياس والسعديات .... عقب مايخلصون هذي المشاريع يجي دور البيوت الشعبية وحاجة المواطن في ابوظبي ..... لمعلوماتكم من 5 سنين ولابيت شعبي إنبنا في ظواحي ابوظبي

صدقت
والله يرحمك يازايد
عيل من يقول في ابوظبي ازمة بيوت واراضي وحدايق ومساجد وشواطئ !؟

fawasel
09-16-2009, 06:03 PM
دبي توزع مساكن لكن تدفع لمدة 25 سنه

والفلل اشكالهن الله لا يراويك الغرف كنهن صناديق

اما الأراضي يعطونك منحه لمدة سنه واذا ما بنيت يشلونه عنك ..... يعني ماشي اراضي

بوظبي والشارجه أحسن عنا ... ع الأقل يوم يعطون اراضي ما يردون يشلونه عن الناس

المريش
09-16-2009, 06:15 PM
\\\شوفو المهزلة فراس الخيمة

بن مران
09-24-2009, 08:24 PM
السلام عليكم



ياخوان حد عنده اخبار اراضي خليفة اليديده تعبنا ونحن نتريا من 5 سنوات

هل تم توزيع المخططات اليديده وشو بخصوص البنية التحتية





للرفــــــــــــــــــــــــــــــــــع

shabawy_fresh
09-24-2009, 08:42 PM
كانت 660 الف كم من شهر الحين استوت 950 الف منحة لا ترد


:aa_police:

الله يطول بعمر بو محمد. مع العلم انيه مم من سكان الشارقة بس مع ذلك احبـــه لانه يذركني بالشيخ زايد الله يرحمه

شو مصدرك يابوسريح ان المنحة رفعت ؟ حتى في الخط المباشر ماذكروا هالشي .

Adsense Management by Losha