مشاهدة النسخة كاملة : كيف ممكن تفقد وزن و تصبح رشيق !؟


Milan
02-24-2009, 10:48 PM
السلام عليكم ..

استفسار بسيط .. و اللي بيقدر يساعد بنقوله جزاك الله خير مقدماً ..

عندي صديق.. يبحث عن أخصائي/ أخصائية تغذية لزوجته في الشارجة أو دبي ..

على كلامه انها ملتزمة بكميات الأكل منذ فترة .. و لكن النتيجة غير موجودة ..

لذلك اللي مجرب أو سمع شي زين ممكن يخبرنا .. لأن صديقي محتاج هالشي لأهله في أقرب فرصة ..

اخصائي يعمل على إعداد برنامج غذائي يناسب لتخفيف الوزن ..

سمعنا عن دكتور نيوتريشن .. بس اللس سمعته منه .. انه برنامجهم قاسي و لا يصمم لكل شخص حسب ظروفه.. بل برنامج جاهز تشتريه ..

اللي عنده لا يبخل .. و ألف شكر مقدماً ..

تحياتي

عتيج الصوف
02-24-2009, 10:56 PM
مرحبا اخوي ..
اخوك عتيج قبل سنة و 5 شهور كان وزنة 76 كيلو غرام
ونزل خلال 9 شهور بشكل مفاجئ ووصل لـ 64 كيلو غرام !
وبدون اي ريجيم !
بيني وبينك ..
خفت من هذا النزول المفاجئ
وسويت فحص طبي شامل والحمدلله الامور طلعت طيبة
وحاليا ً اوضاعي تحسنت ووزني وصل لـ 68 كيلو غرام
ختاما ً ..
ما انصحكم بالدكتور نيوترشن
خل ربيعك يبتعد عن المشروبات الغازية والجنك فود و النشويات بقدر الامكان
ويمارس الرياضة بشكل مستمر
وان شاء الله ينخفض وزنه بالشكل المناسب

na999ar
02-24-2009, 10:59 PM
خله يمارس رياضه معينه مثلا يشترك في نادي للسباحه ..

او يلعب تنس وشوفه عقب شهر


..

Milan
02-24-2009, 11:00 PM
منور الموضوع اخوي عتيج ..

صديقي يبحث عن اخصائي أغذية لزوجته ..

الحمدلله هو أموره تمام ..

Milan
02-24-2009, 11:03 PM
شكراً أخوي na999ar ...

بس مثل ما قلت قبل .. البرنامج مطلوب لامرأة ..

عتيج الصوف
02-24-2009, 11:04 PM
منور الموضوع اخوي عتيج ..

صديقي يبحث عن اخصائي أغذية لزوجته ..

الحمدلله هو أموره تمام ..

الموضوع منور بأهله :aa_smile:
والله يطمن ربيعك على زوجته
وما تشوف شر باذن الله

جودي ابوت
02-24-2009, 11:04 PM
في عصير اسمه هوليود .. تشربه و بتنقص خلال يومين خمسه كيلو

وايد ناس جربوه و مدحوه ..

و على فكره يعوض عن الفيتامينات اللي يخسرها الجسم ..

(الأخطبوط)
02-24-2009, 11:05 PM
المتن يصاب به كل من يفكر ببطنه قبل عقله

يعني فكر بعقلك قبل بطنك

والرياضة كلمة السر

ماشي أحسن من هي الروشتة المضمونة

الريــ بوظبي ـم
02-24-2009, 11:05 PM
اخوويه قبل لادور ع اخصائي غذائي ::

خلها تفحص اول شي فحص الغده ::

لانه زياده الوزن ساعات تكون منها ::

ومهما سويت رجيم ماينزل الوزن لانه الغده فيها خلل ::

وهالحال كان معايا خلال سنتين زاد وزني بطريقه مب طبيعيه وانا اصلا اكلي خفيف ::

سرت تايلند وسويت فحوصات ظهر عندي كسل في الغده وهذا هو سبب زياده الوزن وعدم نزوله ::

الحينه اتعالج منه ووزني قام ينزل شوي شوي ::


نصيحه مني تفحص ع الغده وعقب تشوف ::

قبل لاتلخبط بادويه ::

عتيج الصوف
02-24-2009, 11:07 PM
في عصير اسمه هوليود .. تشربه و بتنقص خلال يومين خمسه كيلو

وايد ناس جربوه و مدحوه ..

و على فكره يعوض عن الفيتامينات اللي يخسرها الجسم ..

مووووول ما انصح بمثل هذي المشروبات
نتائجها مدمرة
وتذكرني بسالفة الاعشاب الصينية اللي انتشرت قبل 4 سنوات تقريبا ً
الكل مدحها في البداية
وعقب طلعت نتايجها الكارثية :aa_noo:

Milan
02-24-2009, 11:07 PM
جودي أبوت ..

easy come ... easy go

دامج بتفقدين 5 كيلو في يومين .. بتردينهن 10 في فترة بسيطة .. ابتعدي عن الامور التي لا تبدو طبيعية..

رفيع الشان
02-24-2009, 11:08 PM
نيـوترشن جيد ..

ولـكن الرجيم تضعه لوحدك أفضل من اتباعه

ولـكن الرجيم يعتمد على طبيعة الانسان .. بعض الناس الخبز والعيش يمتنهم .!!

وبعض الناس بالعكس الخبز والعيش مايمتنهم ..

وبعضهم البروتنيات .. وبعضهم البقوليات وهكذا ..

أنا انصحها بأنها تراجع نفسها واتشوف مالذي كان يزيد وزنها .. وتحاول تمتنع عنه ..

وطبـعاً في الرجيم يجب عدم أهمال حبوب الفتمينات لكي لاتحدث اعراض لسمح الله ..

وأنصحها بالأبتعاد عن حبوب قاطع الشهيه وحرق الدهون والـخ .؟!

وأن تـمتنع عن الرياضه في بدايه الرجيم لكي لاتتحول دهونها الا عضلات صعب التخلص منها ..

دمت بود

Milan
02-24-2009, 11:12 PM
الريم بوظبي

ملاحظة مهمة أختي .. إن شاء الله باقوله ..

شكرا للاهتمام..

الاخطبوط..

شكرا للمرور..

رفيع الشان ..

شكرا لك عزيزي ..
.

.

أنا سمعت انه في دكتور جيد .. ولكن في مستشفى الشيخ خليفة في ابوظبي.. يعمل لك تحليل .. و من ثم يرى ما هو البرنامج المناسب حسب نتائج التحاليل..

شي من هذا القبيل في دبي او الشارجة .. بيكون شي طيب ..!

na999ar
02-24-2009, 11:14 PM
في عصير اسمه هوليود .. تشربه و بتنقص خلال يومين خمسه كيلو

وايد ناس جربوه و مدحوه ..

و على فكره يعوض عن الفيتامينات اللي يخسرها الجسم ..

http://up.s77.com/upp06/c160f9e977.jpg

صدق ها ينقص الوزن .؟!!

شوه ماله اضرار .!! لازم انسوي بحث عنه

na999ar
02-24-2009, 11:18 PM
http://images.luckyvitamin.com/mgen/merchandizer:58385.jpg
http://images.luckyvitamin.com/mgen/merchandizer:58385.jpg

هذاا شكله حلو بس ما اردي عندنا او لا ..

اكوه موقعهم حد يقرء ويخبرنا ..

http://www.hollywooddiet.com/product_info.php/products_id/55

http://www.hollywooddiet.com/images/lowcarb48-2.jpg

انا وزني 72 ابغي اضعف 10 كيلو بس

Dr Sporty
02-24-2009, 11:20 PM
لي عودة ان شاء الله بعد مارجع من الصاله وباذن الله افيدك

طبعا قبل كل شي اختصاصي Sport- Health & Physical Education

HaMaD12
02-24-2009, 11:24 PM
http://up.s77.com/upp06/c160f9e977.jpg

صدق ها ينقص الوزن .؟!!

شوه ماله اضرار .!! لازم انسوي بحث عنه

صدق ينقص وزن لكن اغلبه من "الماي اللي في الجسم"
و غير هذا خلال يومين لازم ما تاكل نهائيا يوم تستخدمه
يعني مفيد اذا واحد يبي ينقص 5 كيلو في يومين قبل عرسه مثلا :aa_Dance2:
لكن الوزن بيرد بعدين :aa_noo:


شو عن الاضرار الله اعلم!
لكن اغلب المنتجات اللي تظهر الماي من الجسم لها ضرر اذا الواحد استخدمها لوقت طويل على الامعاء و القولون

جودي ابوت
02-24-2009, 11:39 PM
na999ar (http://www.uaegoal.com/vb/member.php?u=51822)

العصير ماله اضرار جانبيه .. لان مكوناته عباره عن فيتامينات و الخ ..

و على فكره لازم الشخص في هاليومين يشرب العصير و الماي و ياكل فواكه بس .

لكن لازم تكثرين من الماي ..

HaMaD12
02-24-2009, 11:41 PM
na999ar (http://www.uaegoal.com/vb/member.php?u=51822)

العصير ماله اضرار جانبيه .. لان مكوناته عباره عن فيتامينات و الخ ..

و على فكره لازم الشخص في هاليومين يشرب العصير و الماي و ياكل فواكه بس .

لكن لازم تكثرين من الماي ..

مذكور انه لازم تستخدم حبوب الفيتامينات (يعني المشروب مافيه فيتامينات كفايه)
بعد مذكور انه لازم ما تاكل شي معاه لان المشروب مسهل!!

جودي ابوت
02-24-2009, 11:41 PM
و اذا ماتبون العصير اتبعو طريقتي هههه

كان وزني 75 و عقب اسبوعين خسيت و نزل وزنني للـ 55 والله العظيم و بدون مبالغه

و السبب ان النت لهاني عن الاكل ..
ماكنت اكل بين الوجبات اي شي .. وحتى الوجبات الثلاث كنت اخفف منهن و احيانا اترك وجبة الغدا ..

مستر عيناوي
02-24-2009, 11:44 PM
5 كيلو في يومين !!

10 كيلو في 4 ايام !!
20 كيلو في اسبوع تقريبا

صدقه ميلان ما انصح مثل هذه العصائر اللي ايروح ابسرعه ايي ابسرعه
بس ها كم قيمته ؟؟

جودي ابوت
02-24-2009, 11:45 PM
مذكور انه لازم تستخدم حبوب الفيتامينات (يعني المشروب مافيه فيتامينات كفايه)
بعد مذكور انه لازم ما تاكل شي معاه لان المشروب مسهل!!

بدال الحبوب تاكل فواكه .. شو المشكله ترا الحبوب بعد بينزلن المعده و لا بيستقرن في القصبه الهوائيه !

جودي ابوت
02-24-2009, 11:49 PM
5 كيلو في يومين !!

10 كيلو في 4 ايام !!
20 كيلو في اسبوع تقريبا

صدقه ميلان ما انصح مثل هذه العصائر اللي ايروح ابسرعه ايي ابسرعه
بس ها كم قيمته ؟؟

ممنوع تشرب العصير الا يومين في الاسبوع ..

يعني باقي الاسبوع راحه ..

و ليش يرد بسرعه .. عقب ماينقص الوزنه حافظ عليه وسوا رياضه ..

و على فكره المنتج ما يسبب ترهل .. و ماينقص من وزن البطن فقط .. ينقص من الجسم بشكل عام .. يعني يذيب الشحوم بشكل منظم

الزين
02-24-2009, 11:54 PM
ممنوع تشرب العصير الا يومين في الاسبوع ..

يعني باقي الاسبوع راحه ..

و ليش يرد بسرعه .. عقب ماينقص الوزنه حافظ عليه وسوا رياضه ..

و على فكره المنتج ما يسبب ترهل .. و ماينقص من وزن البطن فقط .. ينقص من الجسم بشكل عام .. يعني يذيب الشحوم بشكل منظم

جودي انتي جربتيه مقتنعه فيه ,,
انا اشوف مثل ماقالوا الاعضاء ايي بسرعه ويروح بسرعه,,,
لازم تفحص قبل يمكن صدق خمول الغده يسبب المتن وعن اخصائي التغذيه في في المستشفيات الحكوميه عياده تغذيه ...

لوس بلانكو
02-24-2009, 11:54 PM
لا تقولي دكتور نوتريشن ولا شي
انا عندي برنامج غذائي هو عصارة اكثر من خبير
راسلني ع الخاص وان شاء الله بنتواصل وبطرشلك البرنامج

ANGEL
02-24-2009, 11:55 PM
اخوي ربيعك المفروض قبل لا يدور اخصائي تغذية لازم يودي حرمته عسب تفحص اذا عندها خلل فالغدة الدرقية ولالا..
يعني في ناس ماينزلون ابدا لو ان شاء الله ابدا ما كلوا .. لان الغده مأثره عليهم ..

وبعدها اذا طلع كل شي زين .. انا انصحك بأخصائي وبإسم معين بعد ..
واحد فمركز نيوترشن اللي في بناية كرستال بالشارجه .. اسم الدكتور حسام ...
هذا دوم يحطونه فقناة سما دبي ..
انا كنت ابي انزل 4 كيلوات ورحت عنده .. يعني رجيمه زين ومب قاسي وهو ماشاء الله عليه شاطر ..

وان شاء الله تنزل حرمة ربيعك عن جريب ان شاء الله :)

جودي ابوت
02-25-2009, 12:00 AM
النواري

لا و الله ماجربته بس شفت وايد ناس يمدحونه

بعدين انا خسرت وزني بسرعه كان 75 و في اسبوعين صار 55 والحمدلله مارد ..

الواحد المفروض اول مايوصل للوزن المطلوب يحافظ عليه بالرياضه و لا ايتها حاجه مثلا يخفف اكل و انتهى الامر ..

miss gucci
02-25-2009, 12:00 AM
أخوي
ربيعتي ما شاء الله وزنها وااايد كبير وراحت عند دكتور دايت نيوترشن مب نيوترشن اللي يعطي مسهلات وكل اسبوع يعطيها نوع من الأكل تمشي عليه ولازم خلال اسبوع تنقص ثلاثه كيلو وتتعشى من الساعه 7 وتمشي على الساعه 8 لمدة ساعتين عشان تهضم الأكل وما تاكل شي لين بالباجر .... صراااحه واااايد نزل وزنها خلال شهروشوي يعني تقريبا عشره كيلو وتروح له كل فتره عشان يشوف الوضع كيف ماشي وياها

اذا حابين تعرفون مكانه ولا أي شي زيااده انا حاضره بسألها وبرد عليك

اتمنى اني افدتك بالموضوع:)

جودي ابوت
02-25-2009, 12:04 AM
يقولج الحرمه تبا مكان في الشارجه ولا دبي

اللي تتكلمين عنه في العين على ماعتقد.. صح !

نيوترشن ممتاز .. اخوي سار عنده .. لكنه ممل .. كل اسبوع لازم يسيرله و يغيرله النظام

ANGEL
02-25-2009, 12:18 AM
^
^
انا اقولكم رجيم جودي ابوت احلى رجيم ..

اللي هو الانترنت هههههههههه .. يبالي اجرب خخخ

dxb78
02-25-2009, 12:20 AM
اخويه ميلان ..
في ريجيم اللي يكون على حسب فصيلة الدم ,, يعني تسوي تحليل دم .. و على حسب فصيلة دمك ,, يكون نظامك الغذائي ،، لانه التحليل يبين لكل واحد الاكل اللي يناسبه . و الاكل اللي يبتعد عنه ...
و الصراحه ,,, انا اعرف وحده جربت هذا النظام عن طريق دكتوره .. ووزنها نزل تدريجيا .. و تقريبا وصلت للوزن المطلوب ..

Dr Sporty
02-25-2009, 12:43 AM
السلام عليكم

ان شاء الله بفيدك واذا في شي انا حاضر

بالنسبة لتخفيف الوزن في امور كثيرة يتوجب على الشخص اللي ناوي يضعف انه يسويها واهمها
1-التقليل وبشكل كبير من اكل المواد والتي تحتوي على الدهون بكميات كبيرة كالوجبات السريعه مثل البيرجر والبيتزا
2- شرب الماء بكميات كبيرة لانه يخفف الشعور بالجوع ويعوض فقدان الجسم للسوائل
3- تناول الوجبات الغذائية بصورة صحيحه ومرتبة
4- ممارسة الرياضة بشكل يومي يعني اقل شي مشي نص ساعه سريع او الهرولة ان امكن
5- طبعا يجب قياس كميات الاكل يعني اللي يبى يضعف ماياكل لين مايحس الاكل واصل لرقبته
يحب ان تكون ارادة الشخص قوية حتى يتمكن من الوصول الى مراده والنفس معروفة بضعفها لرغباتها فيجب التركيز على هذه النقطة المهمه لان الكثير من الناس يجهلونها ويبحثون عن تخفيف الوزن باسرع وقت ممكن حتى يتمكنو من التباهي امام الاخرين بانجازهم ولكن قد تكون الفاجعه لحدوث تغيرات سريعه ومضطربة قد تؤدي الى حدوث ازمات قلبية الله لا قدر

طبعا اكثر برامج التخسيس واللي عند اختصاصين الاغذية مشابه لبعظها اللهم يبدلون لكم تغيرات بسيطة وكلن على حسب برنامجه وعادة يستخدمون برامج مثل الدايت ماستر واللي يلخص لهم الامور كلها ويطلع لهم الكميات المناسبة اللي لازم ياكلونها من كيربوهيدرات وبروتين وفات وغيرها من الامور الضرورية للجسم . انا طبعا استخدمت هذا البرنامج واستخدامه بسيط ويطلع المعدلات بالضبط
لاننسى شي مهم انه الوزن يزيد او ينقص على طبيعة الجسم يعني اتحصلون ناس تضعف 3 كيلو في الاسبوع وناس تضعف كيلو معا انهم يستخدمون نفس وصفة الرجيم من انفسهم او من قبل اختصاصين الاغذية

اذكر معلومه قالها لنا الدكتور نيل وهي لا تصدق كل اختصاصي اغذية فاكثرهم يكذبون وعطانا مثال بينهم وبين منقبين الاثار يعني كلن يخمن على كيفه ولكن قد تنجح احيانا وطبعا التعامل مع الناس واكتساب الخبرة وتعلم الاخطاء يجعل منهم ناجحين

سمعت عن الدكتور نايتروشن والكل يمدح فيه وفي ناس وايدين ضعفو ووصلو لمبتغاهم وبعضهم بعده يقاتل من اجل الوصول الى الهدف المطلوب ولكن ارادة الشخص وطموحه توصله الى هدفه مهما كان
واخيرا اقول لكم خففو العيشة ومارسوا لرياضه بشكل كبير والنتايج مضمونه 200 بالمية

تحياتي
Dr.Sporty

بنت البلاد
02-25-2009, 01:25 AM
اذا في العين انصحك بمستشفى توام شفت نتائج عجيبة على بعض الناس اظني نظام غذائي ويعد يعطيك راحة يوم تاكل اللي تحب
وايد اسباب للسمنة وتختلف من شخص لاخر
و الرجيم الغلط ممكن اياثر على الجسم منها الهرمونات ويطيح الشعر وغيره

DON S@LEM
02-25-2009, 02:02 AM
الدكتور شعبان ...

عيادته تلاقيها بجانب وزارة العمل القديمه البناية الملاصقة على طول اصعد فوق بالسيارة.. في نفس مكان فيتنس بلانيت...

دكتور جداً ممتاز..

دبي طبعاً


وانا عن نفسي كانت لي تجربه وكتبتها بالمنتدى ضعفت 50 كيلو والحمدلله

أم عقوص
02-25-2009, 04:01 AM
يمكن سبب زيادة الوزن خلل فالهرمونات او الغدد اول شي لازم تفحص
وبالنسبه لأخصائي التغذيه في مركز الهنا فدبي في نيوترشن يصمم برنامج غذائي يناسب كل شخص يعنى هو يختار الأكل.. وفي مركز اسمه رايت بايت في ذافيلج جميرا يوصل اكل للبيت.

ليش دبى
02-25-2009, 04:31 AM
تصنيفى للرجيم.. (ما شاء الله عليي استويت خطيره وبديت اصنف):

اولا: رجيم بالاعشاب والحبوب.. (وهالشى بتحصله فى مراكز النيوتريشن الخاصه.. انا سمعت عن مركز فى دبى بس غالى شويه.. يعنى اكثر من الفين.. لانهم يعطون العلاج ولازم الشخص يستمر عل العلاج لفتره عل حسب الوزن.. يمكن اسبابيع او يمكن اشهر قليله ).. اذا حد بغى معلومات اكثر عن المركز يخبرنى..مكانه فى دبى

ثانيا: رجيم بنظام غذائى معين..(هذا يعنى ان الحرمه اتسير مستشفى راشد.. قسم التغذيه وتاخذ منهم جدول النظام الغذائى.. وتتقيد بالجدول)

هذا غير عن فحص الهرمونات (لان لخبطه هرمونات اتزيد الوزن)
والرياضه عشان الجسم ما يترهل فتره نزول الوزن

( نقص الوزن البطئ افضل من النقص السريع صحيا)

كراس الحب
02-25-2009, 05:32 AM
الحمد الله أنا شخص كان وزني 120 كيلو غرام بس بالرياضة و تخفيف الأكل و صل وزني 99 و ناوي أنزل أكثر بس بتخبركم عن عصير هوليوود يببعونه في الفجيرة و لا

جودي ابوت
02-25-2009, 05:38 AM
اخ كراس .

العصير ماينباع في الدوله كلها .

أم عقوص
02-25-2009, 06:02 AM
انا شايفه اعلان عن هالعصير في جريده الوسيط او في مجلة الصحه اللي تيي ويا الجريده

جودي ابوت
02-25-2009, 06:06 AM
مم غريبه
انا متأكده مليون بالميه انه مب موجود في الدوله ..
يمكن شخص يستورده من الشركه المصنعه و يبيعه

عادي لان جريدة الوسيط تعرض اعلانات الناس اللي يبيعون في البيت حتى..

راعي الفايه
02-25-2009, 06:51 AM
المتن ياجماعه إرده وحزم إذا تبى تضعف بتضعف وإلا المتن
بالمرصاد

كراس الحب
02-25-2009, 07:50 AM
اخت ام عقوص أرجوكي إذا عندك أي معلومات عن العصير و انه موجود في الإمارات خبرينا الله يعطيكي العافية

keane
02-25-2009, 07:52 AM
ما اعرف دكاترة في دبي او الشارجة

اخوك نزل من 113 ل 85 في 6 اشهر و المعادلة كانت بسيطة خففت الاكل و مارست الرياضة بشكل يومي :aa_chef:

السلام عليكم

ان شاء الله بفيدك واذا في شي انا حاضر

بالنسبة لتخفيف الوزن في امور كثيرة يتوجب على الشخص اللي ناوي يضعف انه يسويها واهمها
1-التقليل وبشكل كبير من اكل المواد والتي تحتوي على الدهون بكميات كبيرة كالوجبات السريعه مثل البيرجر والبيتزا
2- شرب الماء بكميات كبيرة لانه يخفف الشعور بالجوع ويعوض فقدان الجسم للسوائل
3- تناول الوجبات الغذائية بصورة صحيحه ومرتبة
4- ممارسة الرياضة بشكل يومي يعني اقل شي مشي نص ساعه سريع او الهرولة ان امكن
5- طبعا يجب قياس كميات الاكل يعني اللي يبى يضعف ماياكل لين مايحس الاكل واصل لرقبته
يحب ان تكون ارادة الشخص قوية حتى يتمكن من الوصول الى مراده والنفس معروفة بضعفها لرغباتها فيجب التركيز على هذه النقطة المهمه لان الكثير من الناس يجهلونها ويبحثون عن تخفيف الوزن باسرع وقت ممكن حتى يتمكنو من التباهي امام الاخرين بانجازهم ولكن قد تكون الفاجعه لحدوث تغيرات سريعه ومضطربة قد تؤدي الى حدوث ازمات قلبية الله لا قدر

طبعا اكثر برامج التخسيس واللي عند اختصاصين الاغذية مشابه لبعظها اللهم يبدلون لكم تغيرات بسيطة وكلن على حسب برنامجه وعادة يستخدمون برامج مثل الدايت ماستر واللي يلخص لهم الامور كلها ويطلع لهم الكميات المناسبة اللي لازم ياكلونها من كيربوهيدرات وبروتين وفات وغيرها من الامور الضرورية للجسم . انا طبعا استخدمت هذا البرنامج واستخدامه بسيط ويطلع المعدلات بالضبط
لاننسى شي مهم انه الوزن يزيد او ينقص على طبيعة الجسم يعني اتحصلون ناس تضعف 3 كيلو في الاسبوع وناس تضعف كيلو معا انهم يستخدمون نفس وصفة الرجيم من انفسهم او من قبل اختصاصين الاغذية

اذكر معلومه قالها لنا الدكتور نيل وهي لا تصدق كل اختصاصي اغذية فاكثرهم يكذبون وعطانا مثال بينهم وبين منقبين الاثار يعني كلن يخمن على كيفه ولكن قد تنجح احيانا وطبعا التعامل مع الناس واكتساب الخبرة وتعلم الاخطاء يجعل منهم ناجحين

سمعت عن الدكتور نايتروشن والكل يمدح فيه وفي ناس وايدين ضعفو ووصلو لمبتغاهم وبعضهم بعده يقاتل من اجل الوصول الى الهدف المطلوب ولكن ارادة الشخص وطموحه توصله الى هدفه مهما كان
واخيرا اقول لكم خففو العيشة ومارسوا لرياضه بشكل كبير والنتايج مضمونه 200 بالمية

تحياتي
Dr.Sporty

هالكلام يغني عن كل دكتور

na999ar
02-25-2009, 08:32 AM
مم غريبه
انا متأكده مليون بالميه انه مب موجود في الدوله ..
يمكن شخص يستورده من الشركه المصنعه و يبيعه

عادي لان جريدة الوسيط تعرض اعلانات الناس اللي يبيعون في البيت حتى..

بس في ناس ايبونه من برع ويبعونه بضعف السعر
البارحه يلست اسوي سيرج في قوقل ويالله يالبنات لي اتبعيه ب350 ولا اتقولك
الشحن عليك يعني 60 درهم وكل حد ايبعه بسعر غير

وسعره في مواقع البيع لا يتجاوز $62.00 لأربع علب
هب وحده يعني نطلب 4 دبات عصير بندفع $62.00

.............

peace
02-25-2009, 10:09 AM
أهم شي .....
لازم تقووووم بفحص شامل من حيث نشبة الدهوووون في الجسم ويين تتجمع ....
وبعديين الرجييييييييييييييييييم الصحيح ...\
كل جسم يختلف عن الاخر .....

Dr Sporty
02-25-2009, 12:29 PM
ما اعرف دكاترة في دبي او الشارجة

اخوك نزل من 113 ل 85 في 6 اشهر و المعادلة كانت بسيطة خففت الاكل و مارست الرياضة بشكل يومي :aa_chef:



هالكلام يغني عن كل دكتور


الله يخليك والله

قليل من يقدرون الردود المفيدة والقيمة وطبعا الرد حصري لاني انا اللي كاتبنه ;)

مادري لشو غيرتو الموضوع من تخفيف الوزن لين العصير مالكم مع انه العنوان واضح ولا يحتاج للتوضيح

انا سمعت انه في رجيم يسمونه رجيم المشاهير ولايحتاج لجهد مادري اذا العصير طالع دعاية عليه

Dr Sporty
02-25-2009, 12:35 PM
أهم شي .....
لازم تقووووم بفحص شامل من حيث نشبة الدهوووون في الجسم ويين تتجمع ....
وبعديين الرجييييييييييييييييييم الصحيح ...\
كل جسم يختلف عن الاخر .....

نسبة الدهون تقدر تقيسها بروحك وبدون فحص الا اذ بغيت نسب دقيقة للدهون في الجسم مثل الدهون في الدم
اما اذا بغيت اتعرف الدهون الملتصقة في الجلد فبتلاحضها في منطقة الصدر والخصرين والظهر

عيناوي صريح
02-25-2009, 02:16 PM
مكبيرين السالفه وهي صغيره ............ عزيزي شوف هذه النظريه واتبعها وشوف كيف بتخسر الدهون المتلتله .... اولاً كم سعره حراريه تدخل الى جسمك وكم سعره حراريه تخرج .... ؟

على سبيل المثال اذا كان الشخص يحصل على 4000 سعره حراريه يومياً ويستهلك جسمه 3000 يعني بيكون بطيئ التخفيف (( شيئ عادي ))

ولكن اذا كان يحصل على 4000 ويستهلك 2000 بيكون اسرع ......... ؟

وتعال نحسبها بطريقة ثانية وهي الاسرع والأفيد ....... !

قول لربيعك يستخدم هذه الطريقة بس أكد له أنه الرغبه هي الاساس في تخفيف الوزن او زيادته .... !

1- شرب 3-4 اكواب ماء بعد النهوض من النوم مباشره وقبل غسل الاسنان يعني يخلي غرشة ماي عدال الشبريه (( مب سنيكر او باتشي )) وما تأكل او تشرب أي شيئ لمدة ساعتين

2- الابتعاد عن أكل أي من الانواع الأتيه : النشويات مثل الخبز الابيض + العيش ويستبدل بــ خبز أسمر ويفضل بالنخاله لأنه كثير الألياف وهي تساعد على الهظم و ذوبان الشحوم

3- الابتعاد عن الأكلات الدهنيه وهي كثيرة جداً وايظاً الحلويات ولكن يجب عليها أن تأكل قطعة صغيرة من الحلوى ويجب أن لاتكون مغطاه بالكريمه يعني سنيكر او تويكس بس نص القطعة مب كلها ........ :aa_bacman:

4- ممارسة المشي لمدة لا تقل عن 30 دقيقة يومياً وهي مفيده جداً لتخفيف الوزن وخاصه منطقة الكرش والارداف :aa_Dance2:

5- الاكثار من شرب الماء وأكل الخضروات والفواكه

6- أهم شيئ في هذا كله هي الاراده ويجب عليها أن لا توزن نفسها كل يوم لأنه سوف يحبط من قابليتها وخلها تجرب هذه الطريقة وشوف بعد ثلاث شهور كيف بتكون بس لازم تنفذ الطريقة صح (( اسأل مجرب ولا تسأل طبيب ))

ilove-uae
02-25-2009, 03:40 PM
خففو العيشة ومارسوا لرياضه بشكل كبير والنتايج مضمونه 200 بالمية

Dr.Sporty

هالكلام الصح

يمكن هي خففت الاكل

لكن ماتسوي رياضه او تتحرك مثلا


على العموم اغلب اطباء التغذيه نفس الشي


ماشي فرق بينهم يعطونك نظام مكتوب في

كل هذا وكل هذا ولا تاكل هذا واشرب ها

واكيد هي تعرف هالمعلومات

ابتعد عن العيش والخبز وعليك بالرياضه وشوف الشكل كيف بيكون :wu:

هاتووها عندي بردها ضعيفه لريلها



المستشفيات الحكوميه فيها اطباء تغذيه وبالعكس وايدين ضعفو

لكن نحن عندنا اعتقاد انه اي شي يتبعه اسم حكومي مامنه فايده

غو يّة
02-25-2009, 04:21 PM
اذا حرمه انا اقولك والله تاكل بس شوووووووويه وتسوي رياضه خاصه تمارييين الاستطاله

وبايؤوؤءء

الكتومة
02-25-2009, 04:27 PM
مرحبا اخوي ..
اخوك عتيج قبل سنة و 5 شهور كان وزنة 76 كيلو غرام
ونزل خلال 9 شهور بشكل مفاجئ ووصل لـ 64 كيلو غرام !
وبدون اي ريجيم !
بيني وبينك ..
خفت من هذا النزول المفاجئ
وسويت فحص طبي شامل والحمدلله الامور طلعت طيبة
وحاليا ً اوضاعي تحسنت ووزني وصل لـ 68 كيلو غرام
ختاما ً ..
ما انصحكم بالدكتور نيوترشن
خل ربيعك يبتعد عن المشروبات الغازية والجنك فود و النشويات بقدر الامكان
ويمارس الرياضة بشكل مستمر
وان شاء الله ينخفض وزنه بالشكل المناسب

تخسر وزنك بدون سبب مب زين سير سولك فحوصات

مركز دكتور نيوترشن وايد اوكي حق الرجيم
انا كنت اسوي وخلال شهر نزلت 10 كيلو
بس مشكلتي امل ابسرعه ما كملت الرجيم
ماعندي الايراده للاسف :aa_hosha: :aa_redcard:

العنقاء
02-25-2009, 05:23 PM
أخوي ميلان

نصيحتي بسيطة

اتسير عند أخصائية تغذية في مستشفى دبي وفالها طيب......

وأتمنى الزعل ما يحصل بس معظم الردود خاطئة :aa_www:

مــلاك الليـل }»
02-25-2009, 05:35 PM
عيل انا بعد اريد اضعف

أصايل
03-05-2009, 12:25 AM
......................................

أنا وطني
03-05-2009, 12:32 AM
المتن يصاب به كل من يفكر ببطنه قبل عقله

يعني فكر بعقلك قبل بطنك

والرياضة كلمة السر

ماشي أحسن من هي الروشتة المضمونة

ما أوافقك على كلامك الي قلته ، أولا المتن له أسباب كثيرة منها وراثية ، في ناس عندها عمليات الأيض بشكل زايد ، وما شاء الله ناس نحيفة تاكل أكثير من المتان وما يزيد وزنهم .

غير النقطة الوراثية ، في اعتقادي أنه الانشغال بالبحث والعمل ، يزيد الوزن ، لأنه طبيعته مكتبية ، لكن مش لأنه يفكر في بطنه .

فمش من الإنصاف أنك تطلق هذي الكلمة على كل متين .

FoRZa . MiLaNo
03-05-2009, 09:29 AM
شوف ... قبل لا تبدأ بالرجيم او تنزيل الوزن لازم تكون عندك اراده انك تنزل ولا ترا بتعب عمرك عالفاضي ..

بعطيك جدول اذا مشيت عليه تقريبا شهرياً من 10 إلى 14 كيلو .. و اول اسبوع بتنزل 5 كيلو تقريباً

وجبـة الإفطـار .. عصيـر برتقـال + بيض مطبوخ (( تاكل بياض البيض وانزل الصفار )) + شريحـة جبن قليل الدسم ..

وجبـة الغداء .. سمـك او لحم او دجاج مشوي مع التأكد من نزع الجلد + سلطـة خضروات ..

وجبـة العشـاء .. شريحـة لحم مرتديلا او بيض مطبوخ مع جبـن قليل الدسم او تونـه للرجيم ..

بعـد العشا بـ ساعـه تقريبـاً مشي ساعـه او ركض نصف ساعـه او 45 دقيقه مشي وركض ..

لا تنسى تسخيـن الجسم قبل الرياضه بالتمارين السويديه .. شي ضرووري جـداً ..

يستحسـن شـرب كوب من الحليب قليل الدسم على فترة العصر .. لـ تقوية العظام وهذا شي ضروري جـداً

تقـدر تشرب جاي او كوفي في اي وقـت بس بدون سكـر واذا ما تقدر بدون سكـر .. يوجـد سكر للرجيـم ..

يوميـاً اشـرب جاي اخضـر ... يساعـد على تنشيـف الجسـم ..

حاول مرات تاكل فليل اناناس .. يكون العشاء طبعا بس مب يوميـاً .. لأنه يساعـد على حرق الدهـون ..

اول ما تخلـص من الرياضـه على طول ادخـل واتسبح على الوزن اللي فقدته من الرياضه ينزل من الجسم ولا يتراكم ..

لا تتعـرض لـ هواء المكييف بعـد الرياضـه ..

صدقني سو كل هالأشياء وبتنـزل .. يمكـن تتعـب اول ايـام واتحس بدوخـه .. بس انصـحـك كل ما تحـس بدوخـه اشـرب عصير برتقال مع جـزر ...

وبالتوفييييق

راعي الاستاندر
03-05-2009, 01:40 PM
لا تاكل ولا تشرب بس يوم في الاسبوع اشرب ماي

na999ar
03-05-2009, 04:04 PM
اراده




هاي هي المشكله وين نيبها

الوحداوي بوحامد
03-05-2009, 04:06 PM
مرحبا اخوية
انا قبل سنة وزني كان 83 وخلال 4 شهور وصلت 66 والحينه مازيد عن 68

البرنامج مايحتاج لا نيوتريشن ولاغيرة

امامك امرين
الاول الابتعاد عن الغازات بشكل نهائي والوجبات السريعة والحلويات وايضا تحاول تسويلك برنامج غذائي يعني تبتعد عن الدهون وتركز على المشاوي ولكن لابد ويوم في الاسبوع تتاكل بشكل طبيعي والامر الاخر كثر من شرب الماي

الامر الثاني وهو ضروري الرياضة لابد وانك تمارسها بشكل منتضم

نيوتريشن وهالاماكن يخلونك تستعمل الادوية وانا بصراحة ماضمن هالامور ابدا

همس الإحساس
04-28-2009, 02:20 PM
حبيت ارفع موضوع ميلان تعرفون ليش لاني لقيت الطريقه الامثل حتي تضعف بس بشرط تكون من بوظبي
انا عن نفسي زاد وزني عن المعدل العادي يعني 9 كيلو زياده عن وزني ولله الحمد ثلاث اسابيع 7 كيلو تقريبا خفيت
والطريقه طبيعية 100% ....ماابي اعمل دعايه للمركز إلا إن رضت الإداره بحكم تجربتي عندهم وجاري إنزال 2 او 3 كيلو خلال اسبوع بإذن الله وبعدها انا والرشاقه رباعه :aa_fa9l:

لاأدوية ولا حتي اعشاب ولا خرابيط

همس الإحساس
04-28-2009, 02:28 PM
شوف ... قبل لا تبدأ بالرجيم او تنزيل الوزن لازم تكون عندك اراده انك تنزل ولا ترا بتعب عمرك عالفاضي ..

بعطيك جدول اذا مشيت عليه تقريبا شهرياً من 10 إلى 14 كيلو .. و اول اسبوع بتنزل 5 كيلو تقريباً

وجبـة الإفطـار .. عصيـر برتقـال + بيض مطبوخ (( تاكل بياض البيض وانزل الصفار )) + شريحـة جبن قليل الدسم .. او حتي حليب ابوقوس منزوع الدسم

وجبـة الغداء .. سمـك او لحم او دجاج مشوي مع التأكد من نزع الجلد + سلطـة خضروات .. نزع الجلد ظروري جدا

وجبـة العشـاء .. شريحـة لحم مرتديلا او بيض مطبوخ مع جبـن قليل الدسم او تونـه للرجيم ..
اوكي او تاكل سلطه تبوله ولا فتوش وحاول التقليل من الجزر بقدر الامكان او حتي شوربة خضار

بعـد العشا بـ ساعـه تقريبـاً مشي ساعـه او ركض نصف ساعـه او 45 دقيقه مشي وركض ..
بعد المغرب امشي نصف ساعه تقريبا

لا تنسى تسخيـن الجسم قبل الرياضه بالتمارين السويديه .. شي ضرووري جـداً ..

يستحسـن شـرب كوب من الحليب قليل الدسم على فترة العصر .. لـ تقوية العظام وهذا شي ضروري جـداً

تقـدر تشرب جاي او كوفي في اي وقـت بس بدون سكـر واذا ما تقدر بدون سكـر .. يوجـد سكر للرجيـم ..

يوميـاً اشـرب جاي اخضـر ... يساعـد على تنشيـف الجسـم ..

حاول مرات تاكل فليل اناناس .. يكون العشاء طبعا بس مب يوميـاً .. لأنه يساعـد على حرق الدهـون ..
الأناناس ولا اقربه اكل تفاحه
اول ما تخلـص من الرياضـه على طول ادخـل واتسبح على الوزن اللي فقدته من الرياضه ينزل من الجسم ولا يتراكم ..

لا تتعـرض لـ هواء المكييف بعـد الرياضـه ..

صدقني سو كل هالأشياء وبتنـزل .. يمكـن تتعـب اول ايـام واتحس بدوخـه .. بس انصـحـك كل ما تحـس بدوخـه اشـرب عصير برتقال مع جـزر ...

وبالتوفييييق



هلا اخوي MiLaNo تقريبا نفس وجباتي واخر الاسبوع اكل الي اباه بس الحين صرت حتي الاكل مااباه مثل اول ؟؟؟
والجاي الاخضر حاول تكثرون منه ......
وشكرا ...

عبووود Action
04-28-2009, 02:37 PM
خويكم

اكشن

مسوي رجيم من شهر ونص تقريبا

وكنت 77 ونزلة ل68

اشتركة بصاله

واتم فيها يوميا 3 ساعات

سيكل وتمارين بطن والعب حديد

وودرة الغازات والعيش والخبز والدهون والحلوياات

وملتزم بجدول بصراحه انا مسونه بنفسي وسالة عنه وطلع والحمدالله صحي ومناسب

لي

ويوم الجمعه كل شي فريي

وانشاءالله مستمر الين ماانزل

الى 65 واستووب

ro0o07_zayed
04-28-2009, 05:46 PM
خخخ
والحمد لله 10 كيلوو خلال 40 يوم تقريبا

ro0o07_zayed
04-28-2009, 05:47 PM
الله يووفق الجميع يااربي.
بس اخواني شو الحل عشان الاردااف
والله عذااب ؟؟
كيف ممكن اتخلص من الارداف +الفخوذ

ro0o07_zayed
04-28-2009, 05:51 PM
اخواااني انامن سنه لسنه اتريا موسم الهمبا الخضر
ومن ينزل ف السووق وخااصه مال عماان مميز
يعني ف يلسه وحده ممكن اكل 6 حباات مع الملح والفلفل والسنوت
فهل هالشي يظر
امس كلت وماعرف هل خرب ع الدايت ولا لا

بوخليفة
04-28-2009, 06:17 PM
ما في افضل من الرياضة والاكل الصحي ..... بغض النظر عن كون الشخص متين ولا ضعيف.......

بالنسبة لي الامور طيبة وما اشتكي من زيادة الوزن يعني زيادة عن المعدل الطبيعي من 2 إلى 5 كيلوا حسب وتكون في حالات نادرة يعني إذا خذت لي بريك وكل يوم بالنسبة لي يكون يوم مفتوح...

ولكن بشكل عام كل شيء عشرة على عشرة ... بما ان الدوام قريب من البيت ولله الحمد بعد صلاة الفجر جري لمدة 25 دقيقة يعني 4 كيلوا والريوق يكون خفيف تفاحة وعقب في الدوام سليس جبن جام وعصير برتفال واكثر من الماي...

الظهر شوربة وسلطة مع قطعة لحم ولا صدر دجاج ولا قطعة سمك ولازم ( شوي ) ... وفي الليل قبل الرقاد 30 دقيقة تمارين بطن ... و15 دقيقة سيكل على الجهاز عشان التعب يخوز ...

وفي الويك أند الجمعة والسبت اروح الممز عقب صلاة الفجر اركض على الممشى يا سلام فعلا تحس بالفرق بين الركض على الانترلوك في الشارجة.. عقب اسبح لين ما احس اني خلاص شبعت....

هذا جدولي .... ومب شرط الوزن ينزل عشان تحس إنك يالس تستفيد ولكنالجسم يبدأ ياخذ شكله الطبيعي واللي حوليك يحسون انك ضعفانت بس انت ما تحس وبعد فترة بتلاحظ ان في تغيير كبير...

واي حد من الشباب حاب يجرب حاضرين للطبين ونرحب به .. لأن الرياضة لو تمارسها بشكل فردي ممكن تحس بالممل لكن يوم يكون معاك حد كل واحد يشجع الثاني وهذا يعطيك دافع إنك تستمر...

لكن اهم شيء البداية صدقوني ... والحين نحن في الصيف هاي احلى فترة اللي حاب ينزل وزنه يقدر بدون رجيم وبدون ما يروح عند خبراء تغذية....

النشمي1
04-28-2009, 06:20 PM
في عصير اسمه هوليود .. تشربه و بتنقص خلال يومين خمسه كيلو

وايد ناس جربوه و مدحوه ..

و على فكره يعوض عن الفيتامينات اللي يخسرها الجسم ..

وين يبيعوون هذا العصيرر

همس الإحساس
04-28-2009, 06:50 PM
ما في افضل من الرياضة والاكل الصحي ..... بغض النظر عن كون الشخص متين ولا ضعيف.......

بالنسبة لي الامور طيبة وما اشتكي من زيادة الوزن يعني زيادة عن المعدل الطبيعي من 2 إلى 5 كيلوا حسب وتكون في حالات نادرة يعني إذا خذت لي بريك وكل يوم بالنسبة لي يكون يوم مفتوح...

ولكن بشكل عام كل شيء عشرة على عشرة ... بما ان الدوام قريب من البيت ولله الحمد بعد صلاة الفجر جري لمدة 25 دقيقة يعني 4 كيلوا والريوق يكون خفيف تفاحة وعقب في الدوام سليس جبن جام وعصير برتفال واكثر من الماي...

الظهر شوربة وسلطة مع قطعة لحم ولا صدر دجاج ولا قطعة سمك ولازم ( شوي ) ... وفي الليل قبل الرقاد 30 دقيقة تمارين بطن ... و15 دقيقة سيكل على الجهاز عشان التعب يخوز ...

وفي الويك أند الجمعة والسبت اروح الممز عقب صلاة الفجر اركض على الممشى يا سلام فعلا تحس بالفرق بين الركض على الانترلوك في الشارجة.. عقب اسبح لين ما احس اني خلاص شبعت....

هذا جدولي .... ومب شرط الوزن ينزل عشان تحس إنك يالس تستفيد ولكنالجسم يبدأ ياخذ شكله الطبيعي واللي حوليك يحسون انك ضعفانت بس انت ما تحس وبعد فترة بتلاحظ ان في تغيير كبير...

واي حد من الشباب حاب يجرب حاضرين للطبين ونرحب به .. لأن الرياضة لو تمارسها بشكل فردي ممكن تحس بالممل لكن يوم يكون معاك حد كل واحد يشجع الثاني وهذا يعطيك دافع إنك تستمر...

لكن اهم شيء البداية صدقوني ... والحين نحن في الصيف هاي احلى فترة اللي حاب ينزل وزنه يقدر بدون رجيم وبدون ما يروح عند خبراء تغذية....



بوخليفة نظامك واايد صحي ماشاءالله وياليت كل الناس يسوون مثلك جان مابنعاني من السمنه
والوزن الزائد انا بس 3 كيلو اوصل لهدفي وتوني باديه من ثلاث اسابيع وبكون دايما متابعه الرياضه
والمشي والاكل واقلها يكون قليل الدسم يعني موووووول ماشي دهن ....
ههههه دوم اروح مطاعم ايطالية اتعشي ويا ربيعاتي ولا ويا الاهل لكن الحين كله اتعذر ماروم تعبانه واطلع لهم 100 علثه وإن ظهرت عااد مول اطلب سلطة سيزر واكل القليل منها مع الماء ....
باالنسبه للنظام الي اخذه مب رياضة بس ولا حتي مشي وبس ولا حتي تغذيه وبس مساج ويا جهاز وابر صينية .......وعلي فكرة الابر الصينية واايد صحية ومافيها اي اضرار باالعكس فوائدها كثيره ....

الغد
04-28-2009, 08:42 PM
والله الكلام حلو في الشارقة أو دبي لأن المكان يشجع

زيادة الوزن تكون أما بنسبة الماء في الجسم أو الدهون
والماي مانقصد في الماي العادى أقصد فيه السائل وتكون عن طريق ( العيش، الخبز، العصائر وبعض الفواكه وبعض الحلويات......) فأبتعد عنها.
أما الدهون مايحتاج شرح( الوجبات السريعة وغيرها.... ) والبديل يكون مشاوي طبعا.
وتقدر تاكل اللى في خاطرك بس بشرط اقرا المكونات ( تكون الدهون0 ،يقصد fat 0%)
بعطيك بعض النصائح يمكن تستفيد أسأل مجرب:
1. المشي ساعة البحيرة والممزر مع شورت حراري يكون أفضل والجو ألحين يساعد حر وقريب البحر ورطوبة ويكون معك أحد عشان ماتمل.
2. ما أنصح بتمرين البطن في الوقت الحالي، لأن تمرين البطن يبرز عضلات ويشد البطن متى توسيها، بعد ماتنزل الوزرن إبدأ بتمارين بالبطن والخصر.
3. أشرب الماي قبل الوجاب الرئيسية، وأشرب الماي كثر ماتقدر حتى لومب خاطرك تشرب الماي.
4.الوجبات الرئيسية ضرورية تكون خالية من الدهون، وطبعاً تبتعد عن العيش.

فالبداية بتحس انك نزلت فجأة ويكون بسبب تركك للدهون لأن أول شي بتحرق الدهون بعد ذلك يكون التدريج في نزول الوزن، واستمر فيه.
والشي المهم ان يكون شخص معاك في نفس السالفة عشان يكون في نوع من التحدي.


انشاءالله أكون قد فدتك فالموضوع

الاعصار العيناوي
04-28-2009, 09:26 PM
الرجيم مشكله يا جماعة ... و المطلوب اراده قوية ...

في الاسبوعين الماضيين فدت تقريباً 8 كيلو بنظام انا مسويه ...

قبل الافطار اشرب عدد 3 كوب ماي لان يقولون ان شرب الماي بعد ما تنش من الرقاد يصفي الجسم ..

الافطار: بيضتين بدون صفار + حليب قليل الدسم او نصف رغيف خبز اسمر + رقايق كونفلكس بس مش كثير

الغداء : لحم (افضل لحم البقر لانه بدون شحم مثل الغنم) ، دجاج (منزوع الجلد) ، سمك (الافضل) + صحن سلطة متوسط الحجم طبعاً .... طيعاَ الماي لازم على الاقل 3 اكواب

العشا : صحن سلطة متوسط الحجم + مشاوي لحم أو دجاج .. شوربه .. نصف رغيف خبز اسمر ... طبعاًُ الافضل التقليل في وجبة العشا يعني صنف واحد ...

و المشي نصف ساعة او 45 دقيقة بعد المشي شرب عصير برتقال كوب واحد فقط ...

في وقت ما بين الافطار و الغدا شرب الماي كثيراً او شرب الشاي الاخضر او الشاي بدون سكر ... و الابتعاد عن السكريات و الحلويات ...

هذا كان نظامي في اسبوعين و الحمد 8 كيلوا نزل ...



بالتوفيق للجميع ...


على فكرة انا مره سرت مركز دايت نيتروشن في العين و قلت له ابى رجيم بدون الاوية ...

و عطاني نفس الرجيم الى يسويه مع الادوية ... يعني سيم سيم سيستم ...

ilove-uae
04-28-2009, 10:38 PM
صصصصصدق من قال عصر الرجيييم

ماشاءالله رفعتوو الصفحه


انا متعوده كل صيف اشترك في الجيم :aa_feshay:

وقلت هالصيف مابشترك مليت

بس الصراحه موضوع حماسي

وحمسسسني تولهت ع الرياضه :aa_Swim2:

احلى شي كان

اكل مالذ وطاب عيوش لحوم خبووز <<< ع وزن عيوش لوووول

المهم بكميات اقل الوزن ماينزل بسرعه بسس الثياب توسسع

وكل اللي يشوفك يقولك ضعفان

ويمدحوونك ياسلام شعورر رائع :aa_crazy:

تحس عمرك غزال بين البقر :aa_athwal:

يلا يا اصحاب الريجيمات والرياضه شدو الهيمه

اتمنى لكم حياه صحيه ورشاقه دائمه

موفقين :aa_yes2:

MAFIA
04-28-2009, 10:58 PM
ماشي احسن من ربط المعدة

اغلبية اهلي و ربيعاتي سوهااا ماشاء الله اجسامهم رووووووعه من خلال 6 الى 9 شهور

والعملية بسيطة جدا 3 فتحات صغيرة مرة بالمنظار

و كنت على بالي اسويها بس من شروط العملية لازم يكون وزنك من 100 وفوق

و انا وزني 80:( فعارض الدكتور

وبعد الحلو الي فيها انه اتخليك ماتاكل اكثر من حاجتك

مثال تاكل سندوجتين بتاكل وحدة بس الي كان ياكل عيش ها الكثر بياكل مال مغرفة و نص تقريبا

ilove-uae
04-29-2009, 12:25 AM
ماشي احسن من ربط المعدة

اغلبية اهلي و ربيعاتي سوهااا ماشاء الله اجسامهم رووووووعه من خلال 6 الى 9 شهور

والعملية بسيطة جدا 3 فتحات صغيرة مرة بالمنظار

و كنت على بالي اسويها بس من شروط العملية لازم يكون وزنك من 100 وفوق

و انا وزني 80:( فعارض الدكتور

وبعد الحلو الي فيها انه اتخليك ماتاكل اكثر من حاجتك

مثال تاكل سندوجتين بتاكل وحدة بس الي كان ياكل عيش ها الكثر بياكل مال مغرفة و نص تقريبا


ما انصح بالعمليات الا للاوزان الثقيله واللي فقدوا الامل من الريجيمات

مع اني اشوف كل انسان يقدر ينقص وزنه بقليل من الحرمان

بلا عمليات وعذاب


ربط المعده فيها الم ايضا وغير ان الوزن ينزل

بسرعه يسبب ترهلات اذا مالحق الشخص يسوي رياضه

وصح في ناس استفادو منها لكن في الجهه الثانيه اشخاص لم يستفيدوا منها

هالاشياء المفروض تكون اخر الحلول

الكا111شخ
04-29-2009, 09:24 AM
الامور طيبه واحنا بخير

الحمد لله وزني ثابت من 6 سنين تقريبا والحين زاد كيلو ولا اثنين واشوفه مناسب لطولي :aa_Police:

والجدول الموجود واللي ترمسون عنه يستخده ولد عمتي ونقص 6كيلو ف 10 ايام

اشوفه ممتاز بس الواحد مايرض على عمره عسب مايمل ويطفر بسرعه

وراكم شي؟؟ خذو راحتكم فالريجيم :aa_birthcake:

Real_Lover
04-29-2009, 12:34 PM
vlcc try them

Adsense Management by Losha