مشاهدة النسخة كاملة : افتتاح كارفور في "البوادي مول" العين


رهيف المشاعر
02-05-2009, 02:24 PM
السلام عليكم ورحمة الله وبركاته

افتتاح قبل ايام ''كارفور'' هايبر ماركت في البوادي مول في مدينة العين على أن يتبع ذلك افتتاح باقي أقسام المركز وملحقاته بما في ذلك الترفيهية والمحال التجارية التي تعرض ملابس وأحذية وأزياء وإكسسوارات من ماركات عالمية شهيرة تعرض بأسواق العين لأول مرة.

ويقع ''بوادي مول''على مساحة إجمالية قدرها 80 ألف متر مربع تشغل مساحة البناء منها 145 ألف متر مربع ويتكون من طابقين منها 110 آلاف متر مربع تشغلها المحال والمعارض التجارية بالإضافة إلى مواقف فسيحة مظللة للسيارات تتسع لأكثر من 3500 سيارة روعي توزيعها بعناية ودقة حول المركز لتسهيل دخول جمهور المتسوقين والزوار للمركز من مداخله المختلفة والبالغ عددها ستة.


وتم تخصيص مساحة 10 آلاف متر مربع داخل المركز الجديد للأطفال حيث يوجد أحدث وسائل التسلية والمرح واللعب منها لعبة ''الأفعوانية'' ضمن مركز ترفيه عائلي بالإضافة الى دار عرض سينمائي تضم 8 قاعات عرض مختلفة تتسع لــ1500 شخص.

ومن مزايا مركز بوادي مول كذلك أنه يمثل الامتداد العمراني لمدينة العين شرقا باتجاه منطقة مزيد وتحيط به عدة مناطق وتجمعات سكانية حيوية فهناك بالإضافة إلى مزيد مناطق أم غافة ، الصاروج ، والظاهر والشبحات يضاف الى ذلك قرب المركز من الفنادق الكبرى في العين خاصة فندقي الهيلتون والانتركونتيننتال وارتباطه ببعض الطرق الرئيسية الأخرى التي تسهل عملية الانطلاق منه الى المعالم السياحية والتاريخية البارزة في المدينة كالمبزرة الخضراء وجبل حفيت .



للعلم

يقع البوادي مول في منطقة مزيد بالعين ويبعد 6 كيلومترات فقط عن وسط المدينة

http://www.bawadimall.com/photo/albums/userpics/normal_SoftOpening_Jan_20_09_002.JPG

http://www.bawadimall.com/photo/albums/userpics/normal_SoftOpening_Jan_20_09_001.JPG

http://www.bawadimall.com/photo/albums/userpics/normal_SoftOpening_Jan_20_09_008.JPG

http://www.bawadimall.com/photo/albums/userpics/normal_SoftOpening_Jan_20_09_006.JPG

http://www.bawadimall.com/photo/albums/userpics/normal_SoftOpening_Jan_20_09_005.JPG

http://www.bawadimall.com/photo/albums/userpics/normal_SoftOpening_Jan_20_09_010.JPG


اخوكم رهيف المشاعر

روح زايـــد
02-05-2009, 02:28 PM
مـــــــــــــــــايجوز تسوله دعااايه هذا حقنا وبس .. شاردين عن الزحمه :biggrin:

بس الصراحه حركه بايخه افتتحوه ولاخبروني يعني ماخبروا حد ..
مع انهم كاتبين فالجرايد ان الافتااح راح يكون بعد اسبوعين من بداية فبراير يمكن يقصدون الافتااح الرسمي ..

بس الصراحه الافتتاح توقيته اوكي..
يعني فكة من زحمة السوق..
ونفس الوقت مكان اوكي حتى للي ياي من مبرزة ..

كلام منطقي
02-05-2009, 02:32 PM
والله اول مرة اسمع عنه

بس شكله مرتب

ما عليه يا روح ما حبوا يتعبوونج هههه

شكلي اليوم بلف عليه بنشوف كيف الوضع

رهيف المشاعر
02-05-2009, 02:33 PM
مـــــــــــــــــايجوز تسوله دعااايه هذا حقنا وبس .. شاردين عن الزحمه :biggrin:

بس الصراحه حركه بايخه افتتحوه ولاخبروني يعني ماخبروا حد ..
مع انهم كاتبين فالجرايد ان الافتااح راح يكون بعد اسبوعين من بداية فبراير يمكن يقصدون الافتااح الرسمي ..

بس الصراحه الافتتاح توقيته اوكي..
يعني فكة من زحمة السوق..
ونفس الوقت مكان اوكي حتى للي ياي من مبرزة ..


وفروا عليكم وايد :)

وخاصة هالمركز بيكون في محلات لاول مرة في العين مثل زارا h &m وغيرها من المحلات الراقية

بالبركة عليكم ..

روح زايـــد
02-05-2009, 02:41 PM
كلام منطقي..
هاها ماشاء الله اهالي مزيد وام غافه والظاهر معسكرين هناك ..يعني لو يشمون ريحة حد من غير هالمناطق الثلاث اوت :biggrin: .. آثولف..
بصراحه ماسرت بس الصغاريه ساروا يقولون بعدهم يشطبون .. يعني مب مخلصين كل شي..
تعال حيااك ..
بس أحلى شي .. ان الجبره عداااال المول ..:bwroo:

رهيف المشاعر
بصراحه الدرب طويل صراحه خصوصا ان هالمناطق نائيه
لو يكملون خيرهم ويسون حديقه وصراف وعيادة اسنان بسنا :aa_smoke:

عيناوووي
02-05-2009, 03:12 PM
زين والله على الاقل بتخف الزحمه شويه من كارفور وبتروح صوب بوادي مول

بس كنه شويه بعيد عنا هههههههههه حتى الجبره صارت بعييييييييده عنا شوه ها الحاله

يله يستاهلون سكان مزيد وام غافه والظاهر والصاروج قريب عليهم

L.MESSI
02-05-2009, 03:15 PM
سرتله من ايام

زويييييين ومرتب وحلييييييييو

له سلبيات وله ايجابيات في نفس الوقت ..

شكرا اخوي

قرقيعان
02-05-2009, 03:16 PM
احلى مافيه ...
خلف المول ..

معسكر الشركات يعني لازم تشوف المول متروس بتان

بنت العاصمه
02-05-2009, 03:20 PM
يا حيهم هل مزيد ^^والمناطق اللي جريبه منهم ..
مبروكين الافتتاح ..:)..

زعيم الزعماء
02-05-2009, 04:48 PM
مبرووووووووووووووك لسكان العين و يقال ان هذا المول اكبر مول في الامارات ( على مساحة

واحدة يعني مساحة الارض و ليست الطوابق ) مع سوق الشبرة و الخضرة و السوق الشعبي .

مهم في مهمه
02-05-2009, 06:20 PM
حلو والله , سمعت ان فيه مول يديد بينفتح صوب الفوعـه .. !!

حد عنده فكره ؟

ilove-uae
02-05-2009, 06:48 PM
سرت له يوم السبت


بعدهم يشطبون السطح كان مكشوف كل الوايرات تنبان


بس الاحلى وين ما كنت الف اشوف مواطنين مسووين احتلال خاصة العياييز هههههههههه

لكن اللي مخرب الهنود والبتان بتشوفونهم منورين البوادي لوووووول

واختفاء الزلمات


ماحبيته يمكن لاني تعودت ع فرع الجيمي

اقول اتريو لين مايفتحون المحلات كلها عقب سيروا له

راديو
02-05-2009, 07:20 PM
الحين شباب الظاهر ومزيد وام غافه ما بيقصرون.....

بيمزرون المول.....ما شي شغل يظهرون مالعزب طوالي عالمول....

وبتشوفون النياسين والكلوزرات والتناكر ترس فالباركنات.....

ولا الشواب بتشوفوهم تارسين الكلوزرات جت ويايين المول يتشرون ويا هلهم.........

الصرااحه افتكينا مالخطوط لين الجيمي بوادي جريب واايد......

العانكة
02-05-2009, 07:34 PM
هو جريب على هل الظاهر و ام غافة و مزيد و الصارووي
لكنه بعيد على البقية
6 كم من وسط المدينة؟؟؟
يا ريال قول غير هالرمسه اذا خط الصارووي جريب الـ6 كم وين معسكر الشركات 6 كم؟؟؟؟

روح زايـــد
02-05-2009, 07:53 PM
الحين شباب الظاهر ومزيد وام غافه ما بيقصرون.....

بيمزرون المول.....ما شي شغل يظهرون مالعزب طوالي عالمول....

وبتشوفون النياسين والكلوزرات والتناكر ترس فالباركنات.....

ولا الشواب بتشوفوهم تارسين الكلوزرات جت ويايين المول يتشرون ويا هلهم.........

الصرااحه افتكينا مالخطوط لين الجيمي بوادي جريب واايد......

طاع التفكير ترى عشان جذه حطولنا الجبره عدال المول

ومسوين الاستايل تراثي ..:aa_jumpy:

العانكه..
زين احسن انه بعيد عليكم وجريب علينا ..:biggrin: كل واحد يسير للمول الي عداله عسب تخف الزحمه :aa_khebl: الي يسمع مايحتاي مقطعين :aa_shino:

زعيم الإمارات
02-05-2009, 08:58 PM
مبرووووووووووووووك لسكان العين و يقال ان هذا المول اكبر مول في الامارات ( على مساحة

واحدة يعني مساحة الارض و ليست الطوابق ) مع سوق الشبرة و الخضرة و السوق الشعبي .

الاكبر في امارة أبوظبي فقط !
والثالث في الامارات
عقب مول دبي و الامارات اللي في دبي

والكبر ايضا ليس بالمساحه ... بل بعدد المحلات ايضا

ذاكرين هالمعلومه في الكتيب ماله

زعيم الإمارات
02-05-2009, 09:01 PM
حلو والله , سمعت ان فيه مول يديد بينفتح صوب الفوعـه .. !!

حد عنده فكره ؟

الفوعه مول ... :)

جريب دوار الفوعه

والافتتاح عقب 4 او 5 شهور
صغير الحجم

لكن يغطي احتياجات السكان

مهم في مهمه
02-05-2009, 09:24 PM
الفوعه مول ... :)

جريب دوار الفوعه

والافتتاح عقب 4 او 5 شهور
صغير الحجم

لكن يغطي احتياجات السكان


..............................

مهم في مهمه
02-05-2009, 09:25 PM
الفوعه مول ... :)

جريب دوار الفوعه

والافتتاح عقب 4 او 5 شهور
صغير الحجم

لكن يغطي احتياجات السكان


تسلملي خدودك يآ ألبي ..

:aa_eyes:

العاشق الحر
02-05-2009, 09:26 PM
أسميهم سوولناا زحمه بالأشاير اللي جداام المول والشركات
أمبوناا مفتكين

Mania
02-05-2009, 09:39 PM
إن شاء الله ما ينترس لا بتان ولا زلمات .. د

علووش
02-05-2009, 10:02 PM
ههههههههه مستر

عقب ها شي الفووعه لكن اصغر من كارفور

وشي ف صناعية هيلي قرب الحدود مع البريمي \حفر الواحه مول

راديو
02-05-2009, 10:06 PM
أسميهم سوولناا زحمه بالأشاير اللي جداام المول والشركات
أمبوناا مفتكين

هيه والله.....

الله يرحم ايام 20 دقيقه لين السوق......

الحين اقل شي نص ساعه.............:madi:

Top Gear
02-05-2009, 10:54 PM
يقولون فيه قريه تراثية .. حد سار هناك؟؟

استوينا مثل بوظبي .. ماركات عالمية وقرية تراثية .. اخيرا :aa_chelsea2:

ومتى بنشوف مول نور العين؟؟؟

miss gucci
02-06-2009, 12:48 AM
يااااااربي صراااحه وااااايد بعييد عنا بوادي مول ... يباله نخصص له يوم بس كل كم شهر

يعني يوم سوو مول كبير يسوونه في وسط العين هب العين مول صرااحه ابد ما يعجبني:(

عالعموووم اللي عنده فكره عن الفوعه مول

امم يعني كيف بيكون مساحته زينه مقبوله ولا صغيير وااايد ... الواحه مول هذا مقصه شوفو مساحته قبل تقولون سوبر ماركت الصفا اوونه قال مول قال بيتنا اكبر منه ههههههههههههههههههه

بس ابا فكره عن الفوعه مول الله يخليكم اللي عنده خبر يتحفنا :)

رهيف المشاعر
02-06-2009, 01:06 AM
رهيف المشاعر
بصراحه الدرب طويل صراحه خصوصا ان هالمناطق نائيه
لو يكملون خيرهم ويسون حديقه وصراف وعيادة اسنان بسنا :aa_smoke:

قريب منكم وبعيد عنه

بس تستاهلون هالمول الغاوي

مال اول يبون حديقة ..محد الحين يسير حدايق

شكلكم وايد تعانون من ضروسكم

محايد جدا
02-06-2009, 01:21 AM
اها زين مبروكين اهل العين

Blancos
02-06-2009, 05:13 AM
هل مزيد صبرو > فيه مول بين دوار الظاهر ودوار الشاحنات راح يسونه وابشرو بالخير :)

بس عاد بتضيق الدنيا علينا كله مولات

المخفي
02-06-2009, 09:31 AM
زين يوم افتتحوه
عقبال الفوعه مول

тώιx
02-06-2009, 09:48 AM
يااااااربي صراااحه وااااايد بعييد عنا بوادي مول ... يباله نخصص له يوم بس كل كم شهر

يعني يوم سوو مول كبير يسوونه في وسط العين هب العين مول صرااحه ابد ما يعجبني:(

عالعموووم اللي عنده فكره عن الفوعه مول

امم يعني كيف بيكون مساحته زينه مقبوله ولا صغيير وااايد ... الواحه مول هذا مقصه شوفو مساحته قبل تقولون سوبر ماركت الصفا اوونه قال مول قال بيتنا اكبر منه ههههههههههههههههههه

بس ابا فكره عن الفوعه مول الله يخليكم اللي عنده خبر يتحفنا :)

يتحدى السفير والصفا في المساحه :aa_smoke:

Stanko
02-06-2009, 09:50 AM
خيبه هذا بعدي عن بيتنا واااااااااااااااااااااااااااااااااايد

نحن في البطين و هذا في مزيـد +_+

●▪▫ ™βŁẶŃҚĄ ▫▪●
02-06-2009, 12:46 PM
مبروووك عليكم كارفور ..
عقبال مركز اللولو والله بينترس هنود ..// هع هع

FoRZa . MiLaNo
02-06-2009, 01:07 PM
الحين زحمـه صوب السوق عقب ما شلـو الجسر وعقب ما شلو دوار المربعـه .. عشان يعدلون ويسـوون اشاير احسن عشاننواكب التطـور .. وبالنسبـه للـفوعـه مول حجمـه صغير وما يعتبر مول بالأساس ..
وبالنسبـه لـ بوادي مول شي جيد افتتـاحـه في تلك المنـطقه عشان اهل مزيد والظاهر وام غافه ما يسوولنا زحمـه فالعيـن .. هههههههههههههه

o0ainawy0o
02-06-2009, 04:30 PM
الظاهر + مزيد + أم غافة + الفوعة + هيلي
كل هذي المناطق بدأت تشيد لها بنية تحتية مثل الاسواق والعيادات
باجي الهير + الختم + الساد + رماح << هذي المناطق تحتاج للأسواق والبنية التحتية

الرووضة
02-06-2009, 05:18 PM
اخيرا يالعين ........ يالله بالبركه..

بَردْ الشِتَآءْ
02-06-2009, 10:39 PM
ههههههههاي روح زايد عيل فاتج الصراحه نحن أول ماردينا من الرحله إلي خبري خبرج ع طول روحنا

الصراااااحه حلو .......ماشي الحال......أحلى شي إنه جريب......

ro0o07_zayed
02-06-2009, 10:59 PM
كح كح
مع اني من العين
لاكن ماازرته
لاني والحمد لله
ليس من هواه الذهاب الي المولااات
ماعرف ليش
الجبره بالعكس كشخه تحصل مرات الشيااب ايلسوون
وهفاات تحصلهم يلعبوون ورقه .. " الجبره الجديمه"

mxa36
02-06-2009, 11:57 PM
احلى مافيه ...
خلف المول ..

معسكر الشركات يعني لازم تشوف المول متروس بتان

أضحك الله سنك....

في هذي صدقت..و الحفلة تكتمل في القيض.

mxa36
02-07-2009, 12:01 AM
الظاهر + مزيد + أم غافة + الفوعة + هيلي
كل هذي المناطق بدأت تشيد لها بنية تحتية مثل الاسواق والعيادات
باجي الهير + الختم + الساد + رماح << هذي المناطق تحتاج للأسواق والبنية التحتية

جان كل 200 آدمي سوولهم مول...بنسمي المول دكان :aa_Snack:

روح زايـــد
02-07-2009, 12:03 AM
انا بس اعاند والا مب مال مولات العين مول سرتله مره وكارفور مره عن الحلال والحرام ههههه ..

معسكره فاللولو ..

بعدين ترى افتتحوا لولو فالصناعيه ..

بس طبعا من سلبيات بوادي مول ان حتى العياييز الي مب مال مولات بيسيرله لانه عدال الجبره مافيهن يضربن خط لين السوق ..

ومن ايجابياته سالفة الماركات .. :biggrin:

بس عاد مخلينا مول عاد انتوا يعني نحن متطورين بس متواضعين ..

رهيف المشارع

لا بس تعرفين لزوم التطور لازم الكل يحطي تقويم :bwroo:

رهيف المشاعر
02-07-2009, 03:32 PM
رهيف المشارع

لا بس تعرفين لزوم التطور لازم الكل يحطي تقويم :bwroo:


لا حول ولا قوة الا بالله عيزت كم بطوف

ماشي غير احلف اني واحد

راعي العزبة
02-07-2009, 04:44 PM
هو كنه قريب من سوق المواشي اليديد :bumherso2:
عاد عقب العزبه نمر صوبكم

boy_85
02-07-2009, 08:05 PM
هذا المول لاهل مزيد و ام غافة بس

يا اهل المناطق الباجية عندكم الجيمي مول يسدكم ,, مب ناقصين زحمة في خط مزيد العين

القبطان21
02-08-2009, 02:07 PM
متى بيفتحونه في الفجيرة؟؟؟

1884UAE
02-08-2009, 02:20 PM
هل مزيد صبرو > فيه مول بين دوار الظاهر ودوار الشاحنات راح يسونه وابشرو بالخير :)

بس عاد بتضيق الدنيا علينا كله مولات

السلام عليكم اخوي

انا بعد سمعت به بس مب اكيد اشاعات واذا صدق احسن واحسن من الشركات واقرب لنا

زعيم الزعماء
02-08-2009, 10:42 PM
بس لو يسون جسر للمول بدال هل الاشارات دوووووووووووم مشاريع العين ناقصة .

VIP-AD
02-08-2009, 10:53 PM
مبروكين الافتتاح

RN9
02-10-2009, 12:20 AM
سرت له من كم يوم والحلو فيه انه متروس باركنات انا يلست احاوط في الباركنات واقايس كم سياره يشل >>:aa_walen:

قريب بعد لاهل زاخر :aa_bubblegum: ونعمه على طول خط الشاحنات وارجع الدوار يسار تحصل عمرك جدام المول..

بعد السينما اوكي 8 قاعات يعني بينزلون افلام يديده كل اسبوع وما بتكون فيه زحمه في الويكند مثل روتانا والمول

قلب الأمير
02-10-2009, 07:48 AM
أمس الربع خطفوا عليه


و انا ان شا الله ساير له بهاليومين


نطمش ما ورانا شغله ...

Adsense Management by Losha