مشاهدة النسخة كاملة : إستفسار عن منطقة جنوب الشامخة هل جد جديد ؟؟


adpost
12-24-2008, 08:18 AM
السلام عليكم

إخواني عندي إستفسار عن منطقة جنوب الشامخة هل في شي جديد في موضوعها
قبل شهور والناس مستلمين السايت بلان لكن كل ما نستفسر في البلدية يقولون ما نعرف
الصراحة موضوعها طول والناس تعبت من الإيجار

ياريت حد من الإخوان يفيدنا وجزاكم الله خير

°JljJjJl°
12-24-2008, 08:41 AM
والله ياخوك كلنا نتريا الفرج

وكل ما نسأل حد في البلديه يرد علينا ما نعرف والصبر زين
ما عندهم غير هالجمله اللي يرددونها لكل من يستفسر عن موضوع جنوب الشامخه
ما لنا غير الصبر وكل تأخيره وفيها خيره ان شاء الله

تقبل مروري

عيناوي العاصمه
12-24-2008, 11:26 AM
الله يعينكم ...

غبار الحب
12-24-2008, 12:32 PM
في جريده الاتحاد حاطين اسامي ناس المستليمن بيوت من زايد الاسكان
مادري اي مناطق
جوفو وبشرونا

ابوظبي
12-24-2008, 01:24 PM
جنوب الشامخة شكلها مطولة الصراحة !!

اللي اعرفه انهم من فترة يشتغلوم في البنية التحتية والسالفة شكلها مطولة !!

بحاول اتأكد ان شاء الله !

adpost
12-25-2008, 09:11 AM
والله نحن ما نعرف وين إندق بروسنا كل واحد يقول شي ووالله تعبنا من الإيجار
مرة يقولون إنهم بيبنون بيوت جاهزة وكل المنطقة بتكون بنفس التصميم مثل الي حاصل في دبي وبتمسك المشروع شركات مثل الدار وصروح والريم للتطوير وبتخلص المنطقة بسرعة
وعقب يردون ويقولون لا المنطقة بكون حالها مثل باقي المناطق تتريا القرض وتبني عن طريق المقاولين
وأمسات واحد من الشباب مر البلدية وسأل وقالوله المنطقة مافيها خدمات وموضوعها مطول جدا جدا جدا
ويقولك في مناطق أقدم من جنوب الشامخة ولين الحين ما فيها خدمات مثل منطقة محمد بن زايد والشامخا

والله إلي عنده خبر أكيد يبشرنا وجزاه الله ألف ألف ألفين خير

المتعرض العيناوي
12-25-2008, 10:26 AM
الشامخه ولا اليين خمس اسنيين بيستوي فيها شي
دام خليفه " أ " اليين الحينه بعض الامور ما خلصت فيها
ودام خليفه اليديده خبر خير
تبون انتو يا هل الشوامخ يخلصونكم !!!
همسة
تصدق انه بعض شعبيات العين اللي سارله اسنيين وبنيين مثل شعبية الدفاع بليا شوارع والكثير من الشعبيات من الداخل بعد ما فيها شوارع

محتار ويني؟
12-25-2008, 02:13 PM
منطقة جميلة ولها مستقبل


أنتظرو ان شاء الله بيجيكم الخير

سلامات
12-25-2008, 05:56 PM
والغريب انها قمت تنباع بالملايين .. مع ان بعضها يمنع التداول عليها

خلهم يشربون المضاربين الحين .. ارض سبخه بدون خدمات تنباع بملايين والحين اسعارها دقت دقه محترمه ومحد يبا يشتري

ابوظبي
12-25-2008, 06:13 PM
اراضي الشامخة غير واراضي جنوب الشامخة غير عشان ما تتلخبط عليكم الامور !

جنوب الشامخة المنطقة اللي خلف مقبرة بني ياس وهذه وايد مطولة ! والى الآن مافيها بيع ابداً وبصراحة ما عندي خبر رسمي اكيد عنها لكن بحاول يوم الاثنين ان شاء الله !

اما الشامخة اعتقد سموها شمال الشامخة وهذه اللي تتداول في السوق وموقعها ملاصق لمدينة الشوامخ !

كلام الاخ المعترض واقعي اذا مدينتي خليفة ومحمد بن زايد بعدهم ما خلصوا بيخلصون الشامخة !!!!

ابوخالد1
12-26-2008, 01:29 AM
بعد 30 سنة ستكون الشامخة منتصف أبوظبي فالمستقبل لأحفادك

adpost
12-26-2008, 06:56 AM
يعني شو ها والله العظيم الواحد ما يعرف شو يقول
والله الرواتب لو صارت شو ما صارت ما تعوض على الواحد راحته ويا عيالة في بيت خاص فيه
نحن مواطنين ما نقدر نعيش في شقة وبالايجار طول حياتنا
ما نقدر نتريا 20 سنة علشان نسكن في بيت
إذا ما حصلنا في شبابنا على بيت عيل يوم بنكبر ما نبا بيت
الشيوخ ما قصروا وفروا أراضي للمواطن وقالوا حق البلدية خلصوها وجهزوها ووزعوها
بس ما قالولهم خلوها 20 سنة
الله يهدي المدراء في البلدية إن شاء الله

الشامسي 1911
12-26-2008, 10:05 AM
اراضي الشامخة غير واراضي جنوب الشامخة غير عشان ما تتلخبط عليكم الامور !

جنوب الشامخة المنطقة اللي خلف مقبرة بني ياس وهذه وايد مطولة ! والى الآن مافيها بيع ابداً وبصراحة ما عندي خبر رسمي اكيد عنها لكن بحاول يوم الاثنين ان شاء الله !

اما الشامخة اعتقد سموها شمال الشامخة وهذه اللي تتداول في السوق وموقعها ملاصق لمدينة الشوامخ !

كلام الاخ المعترض واقعي اذا مدينتي خليفة ومحمد بن زايد بعدهم ما خلصوا بيخلصون الشامخة !!!!

مافهمت عليكم!!!:aa_moana:

ارضي جنوب الشامخه

بعتها من اول ماوصلني الخبر((2006)):biggrin:

يعني الحين الريال المشتري تشوّك؟؟!!

ابوظبي
12-26-2008, 01:09 PM
مافهمت عليكم!!!:aa_moana:

ارضي جنوب الشامخه

بعتها من اول ماوصلني الخبر((2006)):biggrin:

يعني الحين الريال المشتري تشوّك؟؟!!

كيف بعتها عزيزي !!!!

انت متأكد جنوب الشامخة !! أو الشامخة فقط !!

الشامسي 1911
12-26-2008, 05:34 PM
كيف بعتها عزيزي !!!!

انت متأكد جنوب الشامخة !! أو الشامخة فقط !!

مرسوم!!

بعت المرسوم

جيه بتوه عن ارضي!!!؟؟؟

حتى يوم رسّمتها عطوني 85*110 جنوب الشامخه!!!


وهييه
جنوب الشامخه متأكد!!

ابوظبي
12-27-2008, 01:56 AM
مرسوم!!

بعت المرسوم

جيه بتوه عن ارضي!!!؟؟؟

حتى يوم رسّمتها عطوني 85*110 جنوب الشامخه!!!


وهييه
جنوب الشامخه متأكد!!

عيل راحت على اللي اشتراها :bli:

لأن لم يتم التداول على اراضي الشامخة جنوب ابداً !!!!

محمد
12-27-2008, 01:53 PM
صح اخوي ابوظبي ارا

محمد
12-27-2008, 01:58 PM
اخوي ابوظبي ها التوزيع لراسيم 11/2/2006 و 19/6/2006 والتوزيع كان في منطقة جنوب الشامخة و في بعض الناس باعوا المراسيم قبل ما يستلمون المخططات وعقب نزل قرار عدم بيع الاراضي الغير متداولة والغير مبنية ...
وجنوب الشامخة منطقة مختلفة عن الشامخة ولين الحين ما تقدر حتا تقدم على طلب ملكية ...

بخصوص الخدمات لين الحين بعض المناطق مثل مدية خليفة ومحمد بن زايد لا يوجد بها خدمات

سلامات
12-27-2008, 01:58 PM
عيل راحت على اللي اشتراها :bli:

لأن لم يتم التداول على اراضي الشامخة جنوب ابداً !!!!

اخوي اراضي جنوب الشامخه كانت تنعرض بمليون قبل الازمه مع ان ممنوع التداول عليها وسبخه ما فيها خدمات

والعاده تكون شي ضمانات بالباطن بين البايع والمشتري حالها من حال الاراضي المنح بالامارات الثانيه .. وهذا الشيء منتشر وبكثره بالامارات

ابوظبي
12-27-2008, 04:50 PM
اذا امور من الباطن هذا كلام ثاني !!

لكن اللي اعرفه ان اراضي الشامخة ((المنطقة الملاصقة للشوامخ)) تم التداول عليها !! أما الشامخة جنوب ((الملاصقة لمقبرة بني ياس)) لم يتم التداول عليها واذا صار شي بالباطن فهذا شي مخالف للقوانين !!

والله يعينه اللي اشترى شي من الباطن !!!! راحت عليه امور كثيرة !

عيناوووي
12-27-2008, 09:33 PM
انا بعد عندي ارض هناك بس خلاص ما اريدها اريد ابادل ارض بالعين

مشرفنا ابوظبى الى اعرفه ان التبادل بعد موقف ما سمعت شى اوفيه مجال

للتبادل يعني عن طريق الديوان او اى شي شوف مصادرك الخاصه وغيرالخاصه

الرسميه وغير الرسميه اخوك متورط هههههههه

ابوظبي
12-28-2008, 02:25 AM
انا بعد عندي ارض هناك بس خلاص ما اريدها اريد ابادل ارض بالعين

مشرفنا ابوظبى الى اعرفه ان التبادل بعد موقف ما سمعت شى اوفيه مجال

للتبادل يعني عن طريق الديوان او اى شي شوف مصادرك الخاصه وغيرالخاصه

الرسميه وغير الرسميه اخوك متورط هههههههه

هلا عزيزي، على حسب علمي كل شي متوقف هالفترة !! وممكن كلامي يكون غلط ايضاً !

لكن اذا عندك واسطة كل شي يمشي :aa_bal3a:

محمد
12-28-2008, 05:44 AM
التبادل عن طريق الديوان

الشامسي 1911
12-28-2008, 06:49 AM
اذا امور من الباطن هذا كلام ثاني !!

لكن اللي اعرفه ان اراضي الشامخة ((المنطقة الملاصقة للشوامخ)) تم التداول عليها !! أما الشامخة جنوب ((الملاصقة لمقبرة بني ياس)) لم يتم التداول عليها واذا صار شي بالباطن فهذا شي مخالف للقوانين !!

والله يعينه اللي اشترى شي من الباطن !!!! راحت عليه امور كثيرة !

شو راح عليه هو؟؟؟!!!
ما ظني شي!!بالعكس في النهايه الارض من صوبه
يقولك
لو حبتك عيني ما ظامك الدهر!!:aa_baby2:
وتراها ارض في بوظبي
احين ولا بعد 20 سنه!!!

الغميظه علي انا!!!بعتها بتراب الفلوس!!

بس كيف رسّمو لي الارض يوم ماشي خدمات؟؟؟!!!

عيناوووي
12-28-2008, 12:49 PM
مشرفنا الله كريم واسطه ماشى

ابوروضه انته متأكد انه فيه مجال تبادل

الله يسمع منك

Tycoon
12-28-2008, 01:13 PM
السلام عليكم

للأخوان اللي يبون يستفسرون عن أراضي الشامخة جنوب للتوزيع اللي صدر من المرسوم الأخير

صبروا من سنتين إلى ثلاث ان شاء الله وبتجهز البنية التحتية للمنطقة أما من ناحية التداول فيها بالموضوع متوقف ونصيحة لحد يبيع شي مب موجود بعده ، يعني بيع ورق وبس لأن أبسط شي ممكن يكون في اعادة تخطيط للمنطقة بكبرها

أخوكم يداوم في البلدية...

ابوظبي
12-28-2008, 03:49 PM
السلام عليكم

للأخوان اللي يبون يستفسرون عن أراضي الشامخة جنوب للتوزيع اللي صدر من المرسوم الأخير

صبروا من سنتين إلى ثلاث ان شاء الله وبتجهز البنية التحتية للمنطقة أما من ناحية التداول فيها بالموضوع متوقف ونصيحة لحد يبيع شي مب موجود بعده ، يعني بيع ورق وبس لأن أبسط شي ممكن يكون في اعادة تخطيط للمنطقة بكبرها

أخوكم يداوم في البلدية...

شو الهدف من اعادة التخطيط ؟!؟!

وهل بتتغير المساحات واماكن الاراضي ؟!!

محتار ويني؟
12-28-2008, 04:12 PM
أنا الحمد لله نقلتها لخليفة ب وأرتحت

Adsense Management by Losha