Be A legend [الأرشيف] - منتدى الهدف الرياضي

نصرشلوني

10-29-2008, 08:45 PM

فعلا شباب في الـpes 2009

هذا الطور شيء خيالي...وفي نفس الوقت يقهر
تختار مركز واسم وشكل
وتتمرن لين ما تنطر واخر شيء يدخلك المدرب اخر 10 دقايق!!

اخترت مركز المهاجم راس الحربه
وصراحه ما سويت اي شيء!!!
كل ما استلم الجماعه يحشوني

بس بعدين سويت فايل يديد واخترت وسط ارتكاز...

اسميني كنت جامد

الاسم : DEDA
الطول: 200 سم
الوزن: 80 كجم

العب في فريق رودا الهولندي واستعداني مدرب المنتخب الاماراتي
للتصفيات !!
في الفريق اساسي
لكن في المنتخب مسكر علي سبيت خاطر !! :)
المباراه الاخيره ويا السعوديه كنا خسرانين ودخلني وطلب مني اني العب صانع العاب
يبت جول وصلحت جول

طبعا انا فاتح الموضوع علشان الكل يكتب عن التطورات الي سواها
طبعا انا العبها على البلاي استيشن 3

الي يبا يعرف عن هذا الطور اكثر
يتفضل

1
http://www.youtube.com/watch?v=-3yOQLnQKLg&feature=related

2
http://www.youtube.com/watch?v=PWy9cA4pIxM&feature=related

3
http://www.youtube.com/watch?v=P1cQLchOmZE&feature=related

بوعادل

Bu_Sultan81

10-29-2008, 09:50 PM

صراحه انا مدمن على هالطور...

انا العب حاليا في نيوكاسل طبعا لاعب ارتكاز وثاني سنه طبعا في التشكيله الاساسيه.... وناوين عالدوري هالسنه ^__*

القناص الوحداوي

10-29-2008, 10:19 PM

انا باجر بلعب هذا الطور او ببدأ فيه برقد على ريسه رقاد في الويك اند هههههه

يعني انا اختار المنتخب و الفريق و لا كيف.؟

نصرشلوني

10-30-2008, 01:18 AM

القناص
انت تسوي اللعب عقب تختار الدوري الي انته تباه
بتلعب مباراه وديه من عقبها بتيك عروض من الفرق
هني تثبت عمرك وممكن يختارونك للمنتخب

عاشق الزعامة4

10-30-2008, 04:59 AM

والله أنا راقدين

فالحين أون لاين وآخر شي خساير بالثلاثة والأربعة

لو دريت أن هالخاصية موجودة من زمان كان اشتركت

على الأقل أحس إني لاعب حقيقي

لووووووووووووووول

ماقصرت عزيزي نصرشلوني

نصرشلوني

10-30-2008, 11:48 AM

حاضرين عزيزي عاشق الزعامه
على فكره انا تأهلت مع منتخب الامارات الى كاس العالم !@

classic

10-30-2008, 12:26 PM

اولا مشكـور نصرشلوني على الموضوع

و انا اصـلا ما لعبت اون لايـن الا مره وحـده و السبب هالطور .!!

الصراحه تـلعب و تعيش جو المباراه بشكل حقيقي

و انا اخترت مركز صـانع العـاب و لكـن المدرب يلعبني CMF يعني ما بين الارتكـاز و صـانع الالعاب

في البدايه عـانيتت بشكل حقيقي و شوي طفرت ... لأن اللعـب صـعب جدا

و اللي يقهـر زيـاده اللاعبيـن اللي في فريقي خصوصا الدفـاع كل ما تييهم الكوره يشتتونهـا .. و انا فـاضي و محد مراقبني

و لكـن الان اخوك ثبـت نفسـه في التشكيـله ... بدوني الفريق ضــايع :d

نصرشلوني

10-30-2008, 01:49 PM

انا اشوف ان لاعب وسط افضل من مهاجم
لانك تقدر تلعب
لو مهاجم لازم تركض ورا الكره

الاعصار العيناوي

10-30-2008, 02:12 PM

اي متعة تتكلم عنها ،، يا بوك سنة علشان يعطونك الكرة ،

مختار مهاجم ،، و في فريق من الدرجة الاولي الانجليزي ...

و اجلس اتريا ليييييييين يشفقون عليك و يعطونك الكورة ...

مرااات اكون فاضي ... .. لكن الحبايب مب فاضيين ... إلي يبي يعدي و إلي قاعد يسوي لك حركات

ما في حتى زر لطلب الكروة ... يعني الباس

يا عمي روح لا ..

نصرشلوني

10-30-2008, 02:17 PM

منو قال انه مافي زر لطلب الكره ؟؟

عزيزي اضغط على R2
بتشوف لاعبك يرفع ايده يطلب الكره
بس يعتمد على وضعك والمسافه الي بينك وبين اللاعب الثاني
بس مرات يلعبون كور خطيره (لوب و ثروه وكور سريعه)

الاعصار العيناوي

10-30-2008, 02:26 PM

ادرى انه يرفع ايده ... بس ما يمررون له الكورة ... اوقات اللاعب فاضي جداً ... ما في فايده كل لاعب و حسب فلسفته

AgüerO

10-31-2008, 12:19 AM

والله شي خيالي ..

انا لعبت وسط ..ومن اول مباراة تميت اعطي باسات ..وشوته وحده في القوول
شو اسوي الفريق اناني !

،،

ياني عرض من نادي سندرلاند ..وعطوني رقم 22 :aa_news: لعبت حصة تدريبية وياهم ..
وبعدين بندت اللعبة ..ما ادري عاد اذا شافني المدرب اوكي ولا ؟!

Siмрιė рιάή

10-31-2008, 03:55 AM

انا ألعب في الدوري الايطالي .. وفي نادي اليوفي

مهاجم والجنسية رومانيا :aa_shino: بس عشان العب حذال موتو :slep:

في الانتقالات شتوية ياني عرض من الميلان .. والحين العب احتياطي في الميلان

ما لعبت ولا مباراة .. كاكا وباتو وانزاجي حارقين كرتي:aa_kaaak:

القناص الوحداوي

11-01-2008, 01:18 AM

انا اول كنت في فريق كلك و ما لعبوني موول

و عقب على الشتا انتقلت ليرال بيتيس و للحين ما يلعبوني

سؤال لازم اتدرب عسبت العب لأني مليت من كثر ما اتدرب؟

نصرشلوني

11-01-2008, 02:29 PM

انا اول كنت في فريق كلك و ما لعبوني موول

و عقب على الشتا انتقلت ليرال بيتيس و للحين ما يلعبوني

سؤال لازم اتدرب عسبت العب لأني مليت من كثر ما اتدرب؟

عزيزي

اكيد لازم تدرب؟!
شد حيلك
سو الوقت 5 دقايق

علي2003

11-01-2008, 04:12 PM

زين شباب عندي سؤااال

شو نسوي فالبيزااات ؟؟؟

Kazaa

11-01-2008, 11:32 PM

حلو هالطور

نصرشلوني

11-02-2008, 11:22 AM

علي 2003
والله ما اعرف

شباب انا استمريت لموسم ثاني على التوالي في نفس الفريق بـ 1090 نقطه
على فكره انا العب في الدوري الهولندي وياني عرض من الدوري الايطالي بالتحديد فريق فيورنتينا ؟

Leggenda L’Nesta

11-15-2008, 10:00 PM

الاسم : valdi

المنتخب : الامارات

الرقم : 10

الطول : 180

الوزن: 75

المركز : صانع العاب خلف المهاجمين + جناح ايمن

الانديه اللي لعبت لها :

اول شي كانت بداياتي في الدوري الايطالي مع الانديه الصغيره . . سيينا وكلياري ونابولي . . وبعدها انتقلت للدوري الاسباني وتحديد ديفرتيبو لاكرونيا . . وبعدين لعبت في الدوري الانجليزي وتحديدا ليفربول . . كنت اساسي في ليفربول وكان مركزي جناح ايمن . . لعبت موسم كامل مع ليفربول . .

عقب موسم ليفربول . . ياني 6 عروض . . منها تشلسي والانتر وليفربول . . اخترت الانتر من بينهم لاني ابا العب في الدوري الايطالي . . والحين مكمل ويا الانتر وبدور اقرب فرصه احصل عرض من ايسي ميلان . .

بالنسبه للمنتخب . . طبعا لعبت ويا منتخب الامارات وفزنا بكاس اسيا . . وكانت مجموعتنا الحديديه . . استراليا الصين السعوديه . . فزنا على السعوديه واستراليا وتعادلنا ويا الصين . .

طبعا لعبنا في كاس العالم ومجموعتي كان فيها الارجنتين - انجلترا - الدنمارك . . خسرنا من انجلترا . . وتعادلنا ويا الارجنتين والدنمارك . .

رحالو

11-16-2008, 08:17 AM

الزين فيه انه الواحد إذا ملان يلعب فيه

فالبداية سويت لاعب و طاقته كانت زينه و كنت هولندي ^^ بس مسحته و سويت واحد ثاني و طلع زفت بالقو

لا يركض و لا جوتات نفس الناس و لا شيء بس بعدين حبه حبه لين ما انترس القوطي

استراليا الصين السعوديه

نفس المجموعه

عاد ما زقرني المدرب و غسلوهم غسال الهروم:aa_argentina2:

رحالو

11-18-2008, 12:10 AM

:aa_hendi:

انتقلت لفريق ما ادري شو أقول عنه

كله يكسروون و يسوون بلنتيات و الكورة ما يقدرون يوصلونها لنص الملعب إلا بالموت و المهاجم مالنا و لا يخصه شيء فالكورة :aa_Doh:

المدرب كله يلعبني وسط معني رأس حربه:yell:

و سيده رحت لفريق ثاني فالانتقالات الشتويه و على الأقل الحين ألعب رأس حربه أو مهاجم متأخر و لعبهم زين

توزيع قوة اللاعب مالي هي

kicking =5

dribbling = 1

balance = 0

power = 3

speed = 3

stamina = 0

أحاول أوصل لنقطه معينه و بعدين بغير التوزيع

:chers:

Darwish Alwasl

11-18-2008, 12:15 AM

رحالو

11-18-2008, 12:44 AM

اسمع نصيحتي .. اشتغل على البالانس.. و اللياقة ..

لانه اللاعب يتم يهور في المباريات .. و اذا جابلت مدافعين اقويا بتتعب ..

خل الشوت و الباور حق بعدين صديقي ..

اللياقة عندي زينه و أظني 84

و البالانس بعد زين بسبب جسم اللاعب

سويت جدول عشان أعرف كل واحد شو يزيد و جه

مثلاً

الdribbling يزيد الهجوم و الدربل سيبد و الدربل اكيوري و التكنيك

و الstamina يزيد الرسبونس و اللياقه

فزدت الspeed و الkicking على حسابهم لأنهم يزيدون 4 من ال6 الفوقيين

فالspeed يزيد الريسبونس بعد فاستغنيت حالياً عن الstamina لأن اللياقه عندي زينه و الريسبونس من الspeed اعوضه

و بعد يزيد الدربل سبيد من الdribbling

و الباقي من الdribbling أعوضه بالkicking إلا الدربل اكيوري

شوي معقد :aa_argentina2:

و البالانس ما استخدمه لأنه يزيد نقاط مب محتاجنها حالياً و منهن الدفاع و توازن الجسم و التيم ورك و الباقي منه أعوضه فالPower

:ops:

Darwish Alwasl

11-18-2008, 01:22 AM

اللياقة عندي زينه و أظني 84

و البالانس بعد زين بسبب جسم اللاعب

سويت جدول عشان أعرف كل واحد شو يزيد و جه

مثلاً

الdribbling يزيد الهجوم و الدربل سيبد و الدربل اكيوري و التكنيك

و الstamina يزيد الرسبونس و اللياقه

فزدت الspeed و الkicking على حسابهم لأنهم يزيدون 4 من ال6 الفوقيين

فالspeed يزيد الريسبونس بعد فاستغنيت حالياً عن الstamina لأن اللياقه عندي زينه و الريسبونس من الspeed اعوضه

و بعد يزيد الدربل سبيد من الdribbling

و الباقي من الdribbling أعوضه بالkicking إلا الدربل اكيوري

شوي معقد :aa_argentina2:

و البالانس ما استخدمه لأنه يزيد نقاط مب محتاجنها حالياً و منهن الدفاع و توازن الجسم و التيم ورك و الباقي منه أعوضه فالPower

:ops:

:aa_9adma::aa_9adma::aa_9adma:

شو هايدا !!!

اقول خربط شرايين مخي ..

خلنا انتكتك .. اون لاين وياك

نصرشلوني

11-18-2008, 10:41 AM

اممممم

واخيرا نصرشلوني ينتقل لفريق احلامه
البارشاوما ادراك ما البارشا

يخرب بيتهم !!!
انا كملت نص الموسم ما العب
بس البورات يتغيرن بشكل جنوني
ما لعبت الا مباراه وحده في الكاس !!
وسجلت هدف
ههههههههههههههه

Leggenda L’Nesta

11-18-2008, 01:22 PM

نصرشلوني لخبط بمخنا . .

تعرف انا شو سويت .؟

تميت ازيد السرعه والشوت . . وخلاف اغير وازيد البالانس . . وخلاف احط على الباور . .

قبل لعبت مع الانتر كملت معاهم نص موسم .. بعدين ياني عرض من ايسي ميلان . . وكملت وياهم وفزنا بالمركز الثاني في الدوري الايطالي . . بعدين انتقلت لريال مدريد وكملت معاهم شويه وكنت اساسي بس ما عيبني طريقة لعبهم بطيئه . . بعدين ياني عرض من برشلونه . .

وانا الحين باقلي 4 اسابيع وبخلص موسم كامل مع برشلونه . .

ليفربول - الانتر - ايسي ميلان - ريال مدريد - برشلونه . . بس ودي اكمل طموحي والعب لمانشستر يونايتد وتشلسي . .

وبهالطريقه بخطف على كل الانديه الكبيره . .

الحين سويت لاعب يديد خليته قصيرر وضعيف قسم بالله سريييع بس مشكلته الالتحامات والرأسيات صفررر . .

نصرشلوني

11-18-2008, 03:54 PM

الساندرو

صدقني الطور هذا خيالي
انا اداوم 10 ساعات و4 ساعات طريق و 2 ساعتين تمرين و 6 ساعات نوم وساعتين بلاي استيشن!! ههههه

وايام الاجازات يا ربي
الاهل كرهوني من كثر ما العب

Leggenda L’Nesta

11-18-2008, 05:08 PM

الساندرو

صدقني الطور هذا خيالي
انا اداوم 10 ساعات و4 ساعات طريق و 2 ساعتين تمرين و 6 ساعات نوم وساعتين بلاي استيشن!! ههههه

وايام الاجازات يا ربي
الاهل كرهوني من كثر ما العب

نصرشلوني . .

انا العب به قبل امس من الساعه 6 المغرب لين الساعه 5 ونص الفير . . تخيل شووف كم ساعه العب به . .

ويوميا من العصر لين الفير مودر الدنيا ويالس اقيم . . p4: عيوني شعوطن يا ريال . .

بس انا شي واحد مب فاهمنه . . الفلوس شو اقدر اسويبهن ؟

نصرشلوني

11-18-2008, 05:15 PM

انا لين الحين موب عارف !!
يبالنا نسأل الخبراء درويش الوصل والاماراتي 100%

HeartBreakKid

11-18-2008, 05:19 PM

الصرااااحه انا ادماااااااان على هذا الطور

او مالعبت اونلاين والسبب هالطور ...

حاليا ألعب في تشلسي ...

لا اساسي او مكان دروجبا بعد .... واكثر من مباراه حصل على احسن لاعب .....

وتقريبا مرتين حصلت على 8 من 10 بالتقيم نهايه المباراه ....

واخترت من افضل 12 لاعب يمثلون اسيا فقط بمشاركه واحده مع المنتخب ....

ولي عوده

ديل بييرو الجزيرة

11-18-2008, 05:27 PM

انا مسوي لاعب 175 طوله
اول مباراة فوزت فريقي و انتقلت لفريق اتالانتا
المدرب ذلني لين ما حطني إحتياط
و انا في كل مباراة تدريبية اسجل او اصنع
و يوم حطني إحتياط قام يطفربي و يدخلني مهاجم و انا حاط عمري مهاجم ثاني
و كل هذا عقب الدقيقة 60
عمري ما دخلت مباراة اساسي او قبل الدقيقة ستين
بس بعدني في اول موسم لي

نصرشلوني

11-18-2008, 05:55 PM

Leggenda L’Nesta

11-19-2008, 02:53 PM

يا جماعه يمكن بعضكم ما يعرف شو السالفه . .

الاعب عنده بالانس وعنده طاقه . . يمكن فيه حد منكم مستغرب المدرب يحطه اساسي بس في الدقيقه 70 او اكثر بشويه يغيره . . هذا لانه الاعب البالانس ماله قل وايد في المباراة . . لانه الواحد يتم يربعبه يمين يسار هجوم دفاع كل شي . . اخر شي بيتعب الاعب عندك . . فحاولوا انكم ما تركضون وايد عشان ما اتمون اطلعون احتياط . .

انا اول شي كنت في كل مكان اربع . . بعدين اكتشفت طاقة الاعب (البالانس ) كل شوي يخف لين ما تستوي الاشاره حمرا . . طبعا البالانس مب كل مباراة يعبي فول . . هو يزيد بس شويه . .

اللي يبا يجيك على البالانس ماله . . يروح عند الخطه . . يظغلط R2 بيكون البالانس على يمين اسم لاعبك . .

نصرشلوني

11-19-2008, 03:21 PM

انا ما اخليه يربع
انا اوقفه في النص واتم اكسر خلق الله (نصراوي)

عاشق الفن

11-19-2008, 03:44 PM

نصرشلوني

11-19-2008, 04:00 PM

شباب عندي استفسار عن هذا الطور ؟

في مباريات تدريبية لازم العبها ؟ ؟

لان لعبت ولا ما لعبت نفس الشي ..

الطاقة تزيد بنفس المعدل !!

يا ريت لو حد يشرحلي شوي اكثر ..

الحين العب في باليرمو ..

الموسم الاول مع اتلانتا ما لعبت ولا مباراه !! ولا حتى احتياط !!
ونص الموسم مع فيورنتينا ونفس الحاله !
والحين مع باليرمو نفس الحالة !!

:blu:

هلا والله عشوق :aa_milan2:

عزيزي

يجب عليك ان تثبت نفسك في المباريات التجريبيه !!
كمثال

كل فريق فيه 3 صفوف

الصف الاول الي هو يلعب المباريات التجريبيه
الي انت تبدأ فيه وكل ما تثبت عمرك
ينقلونك للصف الثاني يعني الفريق الي تلعب ضده في المباريات التجريبيه
في الصف الثاني لك فرصه انك اتكون احتياط في الصف الاول

وكل ما تلعب مباريات اكثر كل ما مستواك يرتفع

ولا تنسى انك توزع نقاط القوه !!!

Leggenda L’Nesta

11-19-2008, 04:18 PM

مثل ما قال نصرشلوني . . انته لو ما اثبت نفسك في التدريبات ما بتلعب في الفريق الاول . .

يعني لو سويت سكيب حق التدريبات صح بتزيد طاقتك بس مستحيل تطور وتلعب حق انديه كبيره . .

ديل بييرو الجزيرة

11-19-2008, 05:19 PM

عشوق مخبص خخخخ

نيستا هذا الي ترمس عنه يسمونه ستامينا
البالانس يزيد اشياء ثانيه مثل القوة الجسمانية للاعب
و
انا قاعد ازيد الستامينا عند لاعبي و أقدر اخليه يلعب مباريات كاملة
بس المدرب حسبي الله على بليسة مب طايع يدخلني غير في الدقيقة ستين
بس بعدني توني بادي لعب و شوي شوي قاعد اتطور

نصرشلوني

11-19-2008, 05:23 PM

صراحه انا مليت من كثر ما يلست على الدكه
مع فريق برشلونا متصدر بس لين الحين في الدوري ولا مباراه !!1

Leggenda L’Nesta

11-19-2008, 05:45 PM

ديل بيرو . . زين انك فهمتني انا ازيد البالانس اتحسبه هو اللي يخص هالشي . .

نصرشلوني . . سجل اهداف اكيد بيخليك في التشكيله . . انا فزت مع برشلونه دوري ابطال اوروبا . . والحين انتقلت لمانشستر والعب وياهم . . خذت جايزة (الاسيست) افضل لاعب في العالم . .

رحالو

11-20-2008, 03:25 AM

اسميه اليوم تميت اطيح فلعييبة الفريق

كل ساعه يردوون الكورة للحارس و يقطعها الفريق الثاني و كوبري على الحارس:aa_Doh:

يتني إصابة الحين منعتني من دوري أبطال أوروبا و ما قدرت ألعب المباراة اللي طافت

لازم الفوز أو التعادل ( و الفرق الثانيه ما تفوز بأكثر من 2-0 ) عشان التأهل

عندي سؤال

الagility كيف أتزييد؟:uns:

نصرشلوني

11-20-2008, 09:10 AM

ننتظر الاجابه لاني بصراحه ما اعرف

ديل بييرو الجزيرة

11-20-2008, 10:59 AM

نصرشلوني

11-20-2008, 01:43 PM

يا عيني عليك يا ابو الافكار

رحالو

11-20-2008, 01:46 PM

اعتقد البالانس
مش متأكد بس اعتقد

جربوا تلعبون مباراة و تخلوين شيء واحد فقط من السبيد و الستامينا و البالانس فل و الباقي كله صفر
و بدون ما تسيفون عيدوا المباراة و هلم جرا لين تحصلون الجواب

جربت كل شيء قبل بس الagility ما يزيد ( موسمين و حبه وحده ما زادت)

الصراحه مشكله

هذا الشيء يعتبر مهم للمهاجم فالحركه و المراوغه

طاقة مالي هي 74 و سرت شفت ميسي و إيتو و الأثنين فال90 :aa_Doh:

ابوظبي

11-20-2008, 02:13 PM

ماشاء الله عليكم والله مواصلين انا مليت منها بس مرات ادخل والعب قيمين واروح !!

نيستا والله انت مجنون وفاضي !! عنبو 12 ساعة لعب !! ارحم عيونك !!

حمستوني اواصل وهالويك ان فاضي ومن الاسبوع الياي اجازة لين عقب العيد !! بفضالها عدل اللعبة !!

انا يوم بديت لعبت في الدوري الانجليزي في Hull City ولعبت معاهم موسم وعقبها انتقلت الى استون فيلا ولعبت معاهم موسم واحين العب في نيوكاسل ويدخلني على الشوط الثاني !

ان شاء الله اليوم بفضى للعبة وبشوف شو مستواي احين !

Leggenda L’Nesta

11-20-2008, 02:36 PM

رحالو . . اعتقد يا طويل العمر اللي يزيده السبيد . . لأني انا كنت مفول السبيد والشوت . . وكان يزيد عندي . .

ابوظبي . . هالطور احلى طور سوته الـ Pes في تاريخها . . لعبت كل انواع الـ Pes بس هالطور غيير . .

القناص الوحداوي

11-21-2008, 11:40 PM

و الله انه هذا الطوور جنوني بصراحه

انا الحين لاعبي عمره 19 سنه و في آخر الموسم و في فريق باريس سان جيرمان و الحين العب اساسي و كله معنمدين عليه و الحين نحن في نهائي بطولة كأس الاتحاد الاوربي لأنه طلعنا من الشامبيونز لأني ييت لهم في نص الموسم

انا لاعبي السبال طاقاته اغلبها في التسينات و بدايه السبعينات و لا بعد في الخمسينات و الله قاهرني

الاوكي عندي هو بس الركض و الاستاميني

شو تنصحوني ازيد و اذا خذيت البطوله اطلع من الفريق او اكون ولد النادي هههههه ما في شي اسمه احتراف خخخ

ŠтΆNĸỌ

11-21-2008, 11:56 PM

هههه والله روووعه هالاطور ... صدق ادمـان ..

انا العب في نابولي من ثلاث مواسم هههه مااشي الاناخذ الدوري ههه عقب بطلع

واعد الاداراه ما اطلع الا وماخذين الدوري هههه بس يلا لين احين الثاني ورا الانتر ان شاء الله ناخذ الدرع

و بطلع منهم ^ ^

عبووود Action

11-22-2008, 05:11 AM

الين الحين احتياط وشاد حيلي في التمارين

يايبتني عرووض

لاكن السالري

مب عايبي

خقاق هااا

قريبا بلعب في الريال

خخخخ

مدمن الأخوه

11-22-2008, 09:05 AM

.
.

بصراحه هالطور بعد ماتنتقل لفريق قوي .. وطاقتك ترتفع احس يبدأ الملل ..

الحماس كله في البدايه .. تحس انك تبذل مجهود وطاقه عسب تسجل وتحاول تثبت نفسك

ولكن بعدين يوم تنتقل فريق له اسم مثل برشلونه او المان يبدأ الطور يسهل ويصبح الفوز
جدا سهل .. في اغلب المبارايات

.
.

حاليــا انا في برشلونه .. خذت الدوري والكاس والجامبينز .. والملل يصيبك خلاص

.
.

مدمن

القناص الوحداوي

11-22-2008, 01:03 PM

مدمن انت لعبت مع المنتخب يبت بطولات معاهم

فعلاً البدايه حلوه و انا الحين في البدايه

وحداوي2020

11-22-2008, 04:45 PM

أنـ‘ـآأ الحين العب في نادي سينـ‘ـآأ اساسي ..

ويـ‘ـآأ المنتخب .. استدعوني .. ^,^

وحداوي2020

11-22-2008, 04:56 PM

الي يلعب احتياط ..

نصيحه له انتقل من النادي روح نادي .. مصخره

عشان تدخل اساسي .. ^^

الوصلاوي المدريدي

11-22-2008, 05:29 PM

انا لعبت مهاجم
بديت مع سندرلاند وسجلت هدفين ف11 مباراة .. ماكنت زيين يعني .. لان مستواي كان ضعيف
لان جسمي ضعييف وطولي 159 !!

بعد نص الموسم انتقلت ويجان .. ادييت بصورة جيدة
وفي ثاني موسم لي

انتقلت لـنيوكاسل
في اول موسم اصبحت اساسي وفرييت مارتينز احتيااط ههه
كنت هداف الفريق وأفضل من مايكل اوين حتى ! لعبت معاهم سنتيين واختاروني ضمن تشكيلة الدوري لموسمين متتاليين .. ولعبت في دوري ابطال اوروبا في اول موسم وسجلت 7 اهداف ف 6مباريات لكن خرجنا على يد فالنسيا
عقبها الفريق ماتأهل لدوري ابطال اوروبا وقررت اطلع

عقبها انتقلت اتليتكو مدرييد .. في اول موسم لي اصبحت اساسي بدال فورلان
وفي اول موسم اصبحت افضل assist مع اني راس حربة بجانب اجويرو
لعبت في دوري ابطال اوروبا وتاهلت لنص النهائي لكن خرجنا بصعوبة على يد برشلونة
حصلت عرض من فالنسيا لكن مارحت .. وكنت العب في ثاني موسم لي وكنت هداف الدوري
وفدوري ابطال اوروبا ضامنيين الخرووج من دوري المجموعاات ><
لين ما اخوي الصغير يا وسوا دليييت للsave مالي !!! انقهرررت

واحينه بديت من اول
وبديت من نيوكاسل .. ومأدي بـ شكل جيد مع ان مستوااي ضعييف .. بس اصبحت لي خبرة هـع

بس ماقمت احصل وقت عشان العب نفس قبل

الطوور خيالي مثل ماقلتوا ^^ والله شي جيد من الpes

الوصلاوي المدريدي

11-22-2008, 05:31 PM

هيه نسييت ارمس عن المنتخب
ماختاروني للمنتخب الا بعد مانتقلت لأتليتكو مدرييد

لعبت ف كاس اسيا وتأهلنا لنصف النهائي على حساب استراليا 2/0 وانا سجلت الهدفين مع ان المدرب لعبني جنااح
في نص النهائي ضد كوريا الجنوبية .. المدرب طلعني في الدقيقة 60 !!
بس الربع صمدوا ليين البلنتياات .. وفي البلنتياات ضيعو 3 بلنتياات وخسرنا ><
انقهررت منه ليش يطلعني وانا افضل لاعب فالمنتخب

بس طبعا كل شي اخترب خخ .. وبدييت من اوووووول

Darwish Alwasl

11-22-2008, 11:55 PM

اسميه اليوم تميت اطيح فلعييبة الفريق

كل ساعه يردوون الكورة للحارس و يقطعها الفريق الثاني و كوبري على الحارس:aa_doh:

يتني إصابة الحين منعتني من دوري أبطال أوروبا و ما قدرت ألعب المباراة اللي طافت

لازم الفوز أو التعادل ( و الفرق الثانيه ما تفوز بأكثر من 2-0 ) عشان التأهل

عندي سؤال

الagility كيف أتزييد؟:uns:

السرعة و اللياقة ركز عليهم و شوف الاقيليتي

Darwish Alwasl

11-23-2008, 12:02 AM

نصرشلوني . .

انا العب به قبل امس من الساعه 6 المغرب لين الساعه 5 ونص الفير . . تخيل شووف كم ساعه العب به . .

ويوميا من العصر لين الفير مودر الدنيا ويالس اقيم . . P4: عيوني شعوطن يا ريال . .

بس انا شي واحد مب فاهمنه . . الفلوس شو اقدر اسويبهن ؟

الفلوس لها فايدة وحدة ... يوم تلعب اون لاين تقدر تختار لاعب من كل خط دفاع... وسط... هجوم
يكونون معاك في مباراة الاون لاين لطور الاسطورة

مثال لاعبك سعره 3000 تقدر تختار اي لاعب سعره اقل من الــ3000 و يكون زميلك في الفريق

اتمنى اكون وضحة المعلومة

رحالو

11-23-2008, 12:05 AM

السرعة و اللياقة ركز عليهم و شوف الاقيليتي

الagility ما تظهر فالصفحه مال الطاقه اللي تظهر عقب كل مباراة

بجرب و بشوف

Darwish Alwasl

11-23-2008, 12:13 AM

الagility ما تظهر فالصفحه مال الطاقه اللي تظهر عقب كل مباراة

بجرب و بشوف

اخوي الاقيليتي شي فطري ما يزيد ... بس ينزل اذا كبر اللاعب في السن هذا اللي متعارف عليه في الماستر ليج في الاجزا السابقة ... بس انته تعوضه بالسرعة و ردة الفعل

Darwish Alwasl

11-23-2008, 12:20 AM

الساندرو

صدقني الطور هذا خيالي
انا اداوم 10 ساعات و4 ساعات طريق و 2 ساعتين تمرين و 6 ساعات نوم وساعتين بلاي استيشن!! ههههه

وايام الاجازات يا ربي
الاهل كرهوني من كثر ما العب

انا سنوية من ثلاث اسابيع و مدمن عليها .. كل همي اخذ كاس العالم

مافي جايزة الا و خميتها

بس بوعادل يبالك call of duty حماس اون لاين بتذكرك بالعسكرية

نصرشلوني

11-24-2008, 10:24 AM

انا سنوية من ثلاث اسابيع و مدمن عليها .. كل همي اخذ كاس العالم

مافي جايزة الا و خميتها

بس بوعادل يبالك call of duty حماس اون لاين بتذكرك بالعسكرية

ردينا !!
تبا ترد الخبال الي كان في راسي
زحف القرد وزحف الخفش وما ادري شو ؟؟
خلينا على الكره دخيل والديك ولا بتشوفني واقف عند بيتكم بـ ام 16
ههههههههههههههههههههههههه

رحالو

11-24-2008, 02:42 PM

ب3 أهداف صاروخيه حاسمه فكل مباراة

حصلنا الدوري

و الكأس ( نفس الفريق اللي فزنا عليه فالدوري)

و دوري أبطال أوروبا

:aa_thanks:

كنت أريد أنتقل لفريق ثاني بس ما يتني عروض زينه معني هداف الفريق

بس إن شاء الله الموسم هذا بحاول أحصل على لقب هداف الدوري

نصرشلوني

11-25-2008, 10:56 AM

يا سلام يا رحالو!!

درويش

سراعه لاعبي وصلت 92 والاكسرليشن وصل 95
مسونهم مصخره مع اني العب في الوسط !!!
مستوي مثل صلاحى عباس :)

رحالو

11-27-2008, 01:08 PM

سراعه لاعبي وصلت 92 والاكسرليشن وصل 95
مسونهم مصخره مع اني العب في الوسط !!!
مستوي مثل صلاحى عباس :)

حلو الصراحه

بس لازم تهتم بالدربل سبيد بعد ( الركض فالكورة )

السرعه عندي 90 و التسارع 82 على ما أعتقد و الدربل سبيد 84 بس الدربل اكيوري 68 !!

المشكله اني ما كنت اعرف شو الفايده منهن كلهن إلا بعد ما خلصت الموسم الأول

كيف أقدر أنقل الأهداف للكومبيوتر؟ ولا ما يستوي؟

راعي بحر

11-28-2008, 12:09 PM

ان افي اول موسم مع نيس الفرنسي ..

جناح يمين واحيانا هجوم ثاني ..

متصدرين الدوري وواصلين نصف النهائي للكاس و دوري ابطال اوربا .. انافس على الهداف وحاليا افضل صانع لعب ..

الكبير كبير

11-29-2008, 11:10 PM

انا العب في اسبانيول حصلت d1 cup مرتين و دوري ابطال آسيا مرة و العب بجانب اسماعيل مطر

إماراتي_الهوية

12-04-2008, 11:18 AM

وقفت فتره وإنشاالله راجع للتألق
حاليا أساسي ليفربول

نصرشلوني

12-05-2008, 05:14 AM

انا متوهق ومتخزبج

العب اصعب شيء اوني جامد
مالي امل
ههههههه

ŠтΆNĸỌ

12-05-2008, 01:37 PM

لا بعدنـي فلموسم الرابع على التوالي مع نـابولي

مابطـلع الا ببطولـه ههه ...

ان شاء الله ناوي على الكاس مرتين اطلع في نص النهائي +_+

samba

12-05-2008, 03:21 PM

شباب عندي استفسار..
لعبت أول مباراة وكانت رسميه بس باقي المباريات كلها تدريبة كيف اقدر العب مباريات رسميه مره ثانيه؟؟
ولا نظام اللعب اني العب مباريات تدريبيه اكثر عن الرسميه اول شي؟

نصرشلوني

12-05-2008, 03:59 PM

سمبا

لازم تثبت للمدرب كفائتك بعدين بتلعب اساسي

INVINCIBLE

12-10-2008, 05:25 AM

يعطيكم العافية يا شباب

الطور هذا جديد وحلو وممتع ويشدّ ، لكن في أكثر من نقطة سلبية ، ومن خلال متابعتنا للـ Winning Eleven ، حتمرّ 10 سنوات ولا رح يعدلون شيء . أنا ألاحظ إني بمجرد انتقالي لأي فريق ، حتى لو كان أقوى خط هجوم في الدوري بكبره ، بقدرة قادر من لحظة انتقالك اللاعبين يصيروا أغبى في تمريرهم وبنائهم للهجمات ، وكأنهم هواة ، وهجوم الفريق يصير سيء جداً جداً ، وأمر ماله علاقة بي كلاعب ، حتى المباريات إللي ما ألعبها سيئين .

أنا لعبت في الدوري الإنجليزي في البداية وبعدها انتقلت لإيطاليا ولعبت مع روما والآن الإنتر . مركزي لاعب وسط دفاعي ، حققت انجازات حلوة ، منها جائزة أفضل لاعب في أوروبا :aa_Dance: ودخلت تشكيلة الموسم بالدوري الإيطالي ، ومع منتخبي تركيا دخلت تشكيلة كأس أمم أوروبا وحزت على أكثر من جائزة . مع إني لاعب وسط لكني في أول موسم لي مع روما سجلت 14 هدف وفي الموسم الثاني 19 هدف .

وبدأت أملّ بصراحة :biggrin: .

يمكن إذا لعبت لعبة جديدة حأختار مركز المهاجم ، ولو إني أكره إني أكون بعيد عن خط الوسط وملطوع في المقدمة بانتظار التمريرات والعرضيات .

لوس بلانكو آل مدريد

12-14-2008, 10:42 AM

انا العب مهاجم وحاليا العب في ليفربول ومتصدر الهدافين والجوائز اللي حصلتها وايد منها هداف ومنها احسن لاعب على هواك ، والطول والجسم خليتها حقيقية والصراحة تلعب ولا تحس بالوقت بس هي محتاجة صبر وفراغ

لوس بلانكو آل مدريد

12-14-2008, 10:45 AM

سامبا لو انت مهاجم سجل هدف بيحطك في التشكيلة ولو عطاك الفرصة في اكثر من مباراة وما سويت شي وكان تقييمك بعد المباراة سئ ممكن يردك
انا اخوي سجل هدف في مرماه بالغلط المدرب عاقبه 3 مباريات مع انه كان هداف الفريق

عيناوي للابد

12-14-2008, 01:13 PM

احييكم

العب في نادي مرسيليا

اشارك اساسي في كل المباريات طبعا محظوظ لانه يلعب بجواري اللاعب الفنان جيرارد وفي الهجوم سيسيه

حصلت على جائزتين في نهاية الموسم الماضي وهما جائزة افضل لاعب وسط في الدوري وضموني لمنتخب الموسم وحصلت على المركز الرابع في ترتيب الهدافين ومثلت منتخب الامارت في كأس اسيا ولكن خرجنا من الدور الاول كالعادة

نصرشلوني

12-15-2008, 11:14 AM

حاليا في اتليتيكو مدريد !!

فريق خيالي

الاول في الليجا والاول في التشامبيونز
انا لاعب وسط دفاعي
بس ثاني هدافين الدوري و ثالث افضل صانع العاب

على فكره 90 % من اهدافي من كورنرات !!
واذا عرف السبب بطل العجب

رونالدينو10

12-17-2008, 03:45 AM

بصراحه هذا الطور عجيب وممتع وانا ما مليت منه مع اني لعبت 3 مواسم خلال 10 ايام..

اول شي سويت اللاعب واخترت افضل مركز بالنسبه لي وهو جناح يسار والعب بالرجل اليسرى..

والطول 187 والوزن 73 .. ومنتخبى الامارات..

اول موسم لعبت في فريق ديبورتيفو لاكورينيا..وخذت وياهم على المركز الثانى في التشامبيون ليغ.. وخذت الثالث في الدورى الاسبانى ..

وثانى سنه لعبت في اسبانيول.. خذت وياهم على افضل اسيست ( ممرر كرات حاسمه ) في الدورى الاسبانى

وخذت ثانى افضل هداف في الدورى.. واختارونى في التشكيله الاوروبيه ..

وثالث سنه لعبت في برشلونه وفزت وياهم بالدورى الاسبانى والكاس الاسبانيه والتشامبيون ليغ وافضل اسيست في

الدورى الاسبانى وهداف التشامبيون ليغ وافضل اسيست في التشامبين ليغ وافضل اسيست في الكاس الاسبانيه

واختارونى في التشكيله الاوروبيه والفريق المثالى ..

وحاليا يتني عروض من عدة انديه ومن ضمنها فياريال و ايندهوفونوليفربول وتجديد عقد ويا برشلونه براتب حلو..

بس اخترت اني اغير الفرييق والدورى.. فا اخترت فريق ليفربول وان شاءلله ببدع في الدورى الانجليزي..

وهدفى انا هو .. اني اخذ بطوله الدوري في كل الدوريات القويه في اوروبا .. يعنيى الدورى الاسبانى خصلت منه

والدور الياي على الدورى الانجليزي.. وعقب الايطالى واذا في مجال بمر على الدورى الفرنسى والهولندى ..

وسلمتم..

نصرشلوني

12-17-2008, 09:16 AM

رونالدينهو

انا لعبت فتره مع برشلونا
صراحه يوم تلعب مع فريق صغير بتحس بالفرق!!

حاول تنتقل الى فريق متوسط وحاول اتسوي شيء وياه !!
عقب بتعرف الصعوبه

mahjooor

12-17-2008, 06:17 PM

عمري 22

والعب في برشلونه :aa_lazio2:

و هداف الدوري بعد :aa_lazio2:

كله العب ون تو :aa_lazio2:

و في المنتخب ماخذ مكان فيصل و رقمه بعد >> منو فيصل اصلاً :aa_lazio2:

الا هو مسكت ايتو :aa_lazio2:

مسكت الجميع :aa_lazio2:

نصرشلوني

12-21-2008, 03:19 PM

خذت بطوله اسيا واتأهلت بالمنتخب لكاس العالم
يعقوب السعدي استضافني في برنامج خاص
ههههههههههههههههههههههههههههه

صراحه المتعه اكثر يوم تلعب مع المنتخب

يالس العب في برشلونا
بس بديت امل لانهم يلعبون 3 في النص وانا ضايع بين تشافي وانيستا !!

ياني عرض من ميلان والانتر !!
ممكن اسير الميلان !!

mahjooor

12-23-2008, 12:33 PM

قسم بالله كرهت المنتخب في pes2009 :aa_lazio2:

و كرهت دومنيك فوقه :aa_lazio2:

انا اركض و اركض و آخر شيء يطلعني و مرات انا احتياطي :aa_redcard:

مشكلتي ما اسجل في المنتخب :123:

لعبهم ميت والله ندمان مختار الدوله او الجنسيه المهم اني إماراتي :aa_redcard: :aa_lazio2:

و الحين بعد مب متفيج اعيد والعب مره ثانيه :aa_redcard:

Bu_Sultan81

12-23-2008, 01:25 PM

ممممممممممممم بقولكم شو انجازاتي لين احينه

انا عمري الحينه 27
لاعب وسط مهاجم
حاليا العب في تشلسي +منتخب الامارات

انجازاتي مع الأنديه
طبعا في بدايتي لعبت مع انديه صغيره
عقب ياني عرض من برشلونه ومن غير تفكير قبلت العرض
لعبت 4 مواسم وياهم
فزنا ببطوله الكأس الاسبانيه 3 مرات
ووبطوله ابطال اوروبا مره وحده
بطوله الكاس الانجليزيه مره وحده مع نيوكاسل
بطوله الكأس الاسبانيه مره وحده مع ريال مدريد

افضل لاعب وافضل هداف في الدوري الاسباني مره وحده
افضل فريق في الموسم مع برشلونه مره وحده
اخترت من ضمن افضل تشكيله في اوروبا مره وحده

بالنسبه للمنتخب
بطوله كاس اسيا مره وحده
التأهل لكأس العالم مرتين والخروج من الدور الثاني
افضل لاعب في كأس اسيا مرتين وهدافها مره وحده
اخترت من ضمن افضل تشكيله في اسيا مرتين
والحينه قاعد افكر اعتزل دوليا مع نهاية الموسم ^__^ ههههههههههههههههه
صراحه المنتخب ما يساعد....

Bu_Sultan81

12-23-2008, 01:30 PM

يعطيكم العافية يا شباب

الطور هذا جديد وحلو وممتع ويشدّ ، لكن في أكثر من نقطة سلبية ، ومن خلال متابعتنا للـ winning eleven ، حتمرّ 10 سنوات ولا رح يعدلون شيء . أنا ألاحظ إني بمجرد انتقالي لأي فريق ، حتى لو كان أقوى خط هجوم في الدوري بكبره ، بقدرة قادر من لحظة انتقالك اللاعبين يصيروا أغبى في تمريرهم وبنائهم للهجمات ، وكأنهم هواة ، وهجوم الفريق يصير سيء جداً جداً ، وأمر ماله علاقة بي كلاعب ، حتى المباريات إللي ما ألعبها سيئين .

أنا لعبت في الدوري الإنجليزي في البداية وبعدها انتقلت لإيطاليا ولعبت مع روما والآن الإنتر . مركزي لاعب وسط دفاعي ، حققت انجازات حلوة ، منها جائزة أفضل لاعب في أوروبا :aa_dance: ودخلت تشكيلة الموسم بالدوري الإيطالي ، ومع منتخبي تركيا دخلت تشكيلة كأس أمم أوروبا وحزت على أكثر من جائزة . مع إني لاعب وسط لكني في أول موسم لي مع روما سجلت 14 هدف وفي الموسم الثاني 19 هدف .

وبدأت أملّ بصراحة :biggrin: .

يمكن إذا لعبت لعبة جديدة حأختار مركز المهاجم ، ولو إني أكره إني أكون بعيد عن خط الوسط وملطوع في المقدمة بانتظار التمريرات والعرضيات .

هيه انا لاحظت هالشي يوم لعبت ببرشلونه حدي كان المركز الرابع ولا الخامس بسبب الغباء اللي حاصل مع الفريق... بس يوم انتقلت شفت الجدول وحصلت برشلونه في المركز الأول ؟؟؟؟!!!!!!!!!

غريبه... يمكن هاي خطأ من كونامي!!

نصرشلوني

12-23-2008, 04:46 PM

شكرا شباب

انا افضل مركز لعبت فيه كان وسط دائره

صراحه اركض طول الوقت وما اوقف
على اول ربع ساعه من الشوط الثاني لياقه ماشي
اللاعب مطلع لسانه ويطالعني
هههههههههههههههههههه

لعبت مهاجم كان مركز ممل
لان في المباراه الوحده توصلك الكره 6 مرات ولازم اتسجل !!

danger12

12-26-2008, 01:15 AM

ياحبيبي انتوا بدايتكم تلعبون بلفرق كبار !!!

انا عمري 30 بعدني في الفرقة مصخرة

طفرت ابى عرض فريق قوي مليت !!!!!

لعبت بكالياري و بولونيا وسيينا بورثسموث و سندرلاند و بلد وليد و راسينغ

لما يعرضوني بس سنة واحد العب بفريق

احينة ماعندي الا عرض واحد هو وست بروميتش:aa_rshash:

ياالله !!!! شو ها عرض !!!

تكفون جماعة كيف انتقل لفريق كبير ؟؟

نصرشلوني

12-26-2008, 10:05 AM

ŠтΆNĸỌ

12-26-2008, 11:05 AM

امممم انا حاطنـه راس حربه لاعب بوكس و طوييل 201 خخ

اي كورنر جول ههه بس بعدني في نابولي ... قبل طلعنا المركز الثالث و احين في هالموسم المركز 17 +_+

بس متاهلين الدور الثاني فلبطوله الاوروبيه و واصل فالكاس مباراه الذهاب فايزين1-0

هع انشالله بحاول اغير فريق فالنتقالات اليايه

Bu_Sultan81

12-26-2008, 12:27 PM

هههههههههههه انا في موسم لعبت مع فريقين تشيلسي والمان
يوم خلص الموسم لعبت مع ارسنال فريقي المفضل بعد البرشا ^_^

اخوك مطلوب هههههههههه

danger12

12-26-2008, 02:30 PM

عزيزي

انت شو مركزك ؟؟؟

شيء ثاني

اهم شيء انك تأدي في مركزك يعني اذا انت وسط دفاعي لازم اتم ادافع وتقعط كور

شوف

اذا انت لاعب وسط
تم العب باسات بطريقه ان الكره ما تنقطع منك طول المباراه
في النهايه تقييمك بيكون موب اقل من 7.0

وهني تبدأ الفرق الكبيره اتشوفك

انا العب مهاجم راس الحربة

مستوي هداف الدوري

و اصنع اهداف

وكل مبارة اقل شىء تقيمي 7.0 و قول مرة و لا مرتين 6.5 بس

كل مبارة اكون احسن لاعب في المبارة

مافي فائدة !!

وصلاوي متعصب

12-26-2008, 03:53 PM

أنا مالعب وايد فيه ..

إنتوا شكلكمـ راقدين عليه خخخ ..
أنا ألعب راس حربة

الطول 177 - الوزن 79

الطاقات للحين عادية .. يعني الي متميز فيه هو السرعة والمراوغة .. سرعتي 92 والتسارع 89 وسرعة المراوغة 88

حالياً عمري 21 >> للحين مابديت هالموسمـ ..

أنجازاتي من عمري 17 لين 20 هي :

أفضل لاعب بالمباراة 24 مرة - اتلتيكو
أفضل لاعب فالمباراة 7 مرات - نابولي
أفضل لاعب فالمباراة 7 مرات - نابولي
أفضل لاعب فالمباراة 4 مرات - رجينا

يوم كنت في رجينا ونابولي ماكانت لي أنجازات كبيرة .. وكانت أهدافي :
رجينا : 6 أهداف
نابولي : 6 أهداف
نابولي : 11 هدف
أتلتيكو : 23 هدف ( لكن للأسف هداف الدوري هو فيلا 28 هدف) وترتيبي الثالث

أفضل لاعب فمسابقة الكأس الإسبانية
هداف مسابقة الكأس الإسبانية بـ 8 أهداف

التشكيلة المثالية فالدوري الإسباني
التشكيلة المثالية لكأس آسيا

بطولة الدوري الإسباني
بطولة الكأس الإسبانية
كأس الماستر الأوروبي
كأس آسيا مع الإمارات

تقريباً هذا كل شي خخ .. وللحين ماوصلتني عروض قوية من فرق أوروبية كبيرة ..
هذا الموسم نحن مشاركين في بطولة أوروربا وإن شاء الله أييب اللقب مع أتلتيكو .. وبعدها راح أدور عرض يديد ..

راتبي حالياً 1790

وصـــ متعصب ـــلاوي

danger12

12-27-2008, 01:39 AM

اخيييييييرا حصلت عرض حلو

نيوكاسل

اففففف طفرت من كثرة العب مع الفرق الضعيف

حان وقت لعب مع نيوكاسل

INVINCIBLE

12-27-2008, 08:04 PM

هيه انا لاحظت هالشي يوم لعبت ببرشلونه حدي كان المركز الرابع ولا الخامس بسبب الغباء اللي حاصل مع الفريق... بس يوم انتقلت شفت الجدول وحصلت برشلونه في المركز الأول ؟؟؟؟!!!!!!!!!

غريبه... يمكن هاي خطأ من كونامي!!

إي نعم أخي بو سلطان .. هذا من الأشياء السيئة في اللعبة .. والحلّ الوحيد إللي طلعت بيه هو إني أكون متواجد أكثر هجومياً ، فصرت أساند الفريق أكثر ومع إني وسط دفاعي ألعب كأني وسط هجومي ( وألا لو ما سويت كذا ما حيسجلوا هدف لو جلسنا إلين بكرة !! ) .
صرت هداف الفريق على طول .. بموسم سجلت 39 هدف ، والموسم إللي بعده 44 هدف ! وصارلي الآن خمس مواسم ورا بعض حاجز جائزة أفضل لاعب في أوروبا باسمي وأربع مواسم متتالية جائزة أفضل لاعب في العالم . أنا الآن في برشلونة .

إذا كان فريقك سيء هجومياً لازم تساندهم أكثر وتقوم بأدوار هجومية .. للأسف ما ينفع إنك تلعب فقط كمحور دفاعي وتقوم بأدوارك الدفاعية بسبب غباء فريقك بالهجوم حتى لو كانوا ميسي وهنري وايتو !!

danger12

12-27-2008, 10:43 PM

إي نعم أخي بو سلطان .. هذا من الأشياء السيئة في اللعبة .. والحلّ الوحيد إللي طلعت بيه هو إني أكون متواجد أكثر هجومياً ، فصرت أساند الفريق أكثر ومع إني وسط دفاعي ألعب كأني وسط هجومي ( وألا لو ما سويت كذا ما حيسجلوا هدف لو جلسنا إلين بكرة !! ) .
صرت هداف الفريق على طول .. بموسم سجلت 39 هدف ، والموسم إللي بعده 44 هدف ! وصارلي الآن خمس مواسم ورا بعض حاجز جائزة أفضل لاعب في أوروبا باسمي وأربع مواسم متتالية جائزة أفضل لاعب في العالم . أنا الآن في برشلونة .

إذا كان فريقك سيء هجومياً لازم تساندهم أكثر وتقوم بأدوار هجومية .. للأسف ما ينفع إنك تلعب فقط كمحور دفاعي وتقوم بأدوارك الدفاعية بسبب غباء فريقك بالهجوم حتى لو كانوا ميسي وهنري وايتو !!

ماشاءالله 39 هدف و اللي بعده 44 :aa_9adma:

اكيد تلعب ب Very easy ولا easy

لما لعبت ب Easy لعب مللللل والله اييب قوول بسهولة مافي حماس:aa_Sleepy:

لما لعبت hard حمااااااااس لعب وربي فن اتحس انك داخل افففف لما اضيع هجمة اسب عمري

يااسلام عن اللعبة

INVINCIBLE

12-28-2008, 04:05 AM

أوف .. إنت أهنتني إهانة قوية حبيبي خخخخخخخ . أنا دائماً ألعب Top Player ، أصلاً ما أعرف الـ easy هذا وشو :).

ŠтΆNĸỌ

12-28-2008, 11:20 AM

بعد ثلاث او اربع مواسم مع نابولي انتقلت في نص الموسم لـ لازيـو

وفي نهاية الموسم انتقلت لرومـا هع ...

SETO

12-28-2008, 02:14 PM

انتو اي difficulty
اكيد كل واحد يلعب بيغينر او اماتور كل واحد فايزلي احسن لاعب في العالم و احسن و احسن.............................................. .........

ولـد بلادي

12-28-2008, 02:30 PM

صراحه هالموضوع خياااااااااااالي...
وايد حلوه فكرة become a legend

مثل ما قالوا بعض الاخوان التحدي في البداية يكون وايد روعة وفعلا اللعبة ممتعة..
بس عقب ما تحقق بعض الانجازات مع النادي والمنتخب يبدا الملل..
وفي نفس الوقت ترى مع كل موسم تكون عندك تحديات يديده مع فريق يديد و ممكن مركز يديد بعد..

الاسم Spirit Of UAE
الطول 179 والوزن 67..
المركز وسط مهاجم.. بس في عقب سوولي علامه صح عند الوسط وعند الهجوم
وبعض المدربين يلعبوني وسط ولا مهاجم..

انا بديت من 4 مواسم مع ليتشي وتميت وياهم نص موسم وعقب بولونيا..
وكل ما تستوي فترة الانتقالات في نص الموسم ما اصدق خبر... على طوووول انتقل.. :aa_lazio2:
بس الفريق اللي فعلا اكتشف موهبتي هو نابولي.. تميت وياه موسم كامل وسجلت تقريبا 8 اهداف (حلوه للاعب وسط)
وصنعت 4 اهداف..
عقبها انتقلت للدوري الانجليزي ولعبت مع نيوكاسل نص موسم وعقب رديت الدوري الايطالي نص موسم مع فيورنتينا وبعبت وياهم دوري الابطال و طلعت الثالث وطلبوني اي سي ميلان...
ولين الحين وياهم... بداية الانتقال ما كنت اساسي..
بس الحين اساسي وبما ان الفريق يلعب 4-5-1 ترى انشيلوتي يلعبني ورى باتو...
ويا الشله ( كاكا و سيدورف و بيرلو) :aa_breakfast:

والمنتخب امووووووره طيبه
صعدنا كاس العالم بس بعدنا ما لعبنا..
مسويييين مشااااكل انا و سمعه

INVINCIBLE

12-28-2008, 05:59 PM

انتو اي difficulty
اكيد كل واحد يلعب بيغينر او اماتور كل واحد فايزلي احسن لاعب في العالم و احسن و احسن.............................................. .........

أخي في ناس تعرف تلعب خخخخخخخخ بلاش غيرة . أنا ما عمري لعبت بشيء أقل من Top Player ، الأخ يقول Easy سهل وما بأعرف ايش .. أنا ما عمري جربته وما أعرفه أصلاً خخخخخ . Top Player من البديهيات عندي حبيب :) .

danger12

12-29-2008, 02:23 AM

انتقل لتشلسي

انا ابى هجوم بس المدرب خلاني ارتكاز انا مب اوكي في ارتكاز لانة انا عندي جسم و باسات سبعينات

كيف احط هجوم ؟؟؟

و بعد مشكلة عن المنتخب يخليني لازم العب بس انا ماريد العب ابى احط Skip بس مافي لان لياقتي مافي !!

classic

12-29-2008, 10:23 AM

نصرشلوني

12-29-2008, 11:40 AM

لا تغلط واتسوي اسكب
لان الفرقه الثانيه بتلبسك !!

انا سويت لي فايل يديد ويالس العب من اول
صدق عقب كم موسم تفقد الحماس الي في البدايات !!

بس المركز الي مختارنه اي شيء
انا احب العب وسط بس خذت مركز الجناح

ملل!!!

يالس العب في بولونيا !!

mahjooor

12-29-2008, 04:25 PM

كرهت المنتخب و بسببه بعيد و العب من اول و بختار منتخب مثل الناس *.*

شكلي بختار البرتغال او البرازيل :aa_lazio2:

منتخب اي شيء ولعيبه ميتين *.*

INVINCIBLE

12-29-2008, 04:49 PM

انتقل لتشلسي

انا ابى هجوم بس المدرب خلاني ارتكاز انا مب اوكي في ارتكاز لانة انا عندي جسم و باسات سبعينات

كيف احط هجوم ؟؟؟

و بعد مشكلة عن المنتخب يخليني لازم العب بس انا ماريد العب ابى احط skip بس مافي لان لياقتي مافي !!

مع الأسف أخي هذه الأمور ما تتحكّم فيها ، الموضوع بيد مدرّبك . إذا المدرّب صمّم على مشاركتك كلاعب ارتكاز فالحلّ الوحيد تنتقل من الفريق وتقول إن شاء الله مدربك الجديد يلعّبك كمهاجم . وبالنسبة للمنتخب كذلك الموضوع خارج يدك ، ومدربك هو صاحب القرار الأول والأخير ، ما في حل ثاني .

يا جمـاعه " حدث العـاقل بما يعقـل "

الحيـن معقـوله انا صـارلي 4 مواسـم و يادوب قوه تمريراتي 72

مع اني حــاط على خيار الباصات 6 علامـات

و في ناس تقول انا الحيـن سرعتي 92 و ما كمـلت موسميـن ... كيف ادش العقل

أخي .. بالعكس الحالة إللي أنت ذكرتها معقولة وممكنة جداً .. إنت تعتقد إنك لو بدأت اللعبة فطاقاتك حتكون هي نفسها بالضبط كل مرة ؟ غلط حبيبي . الطاقات تختلف . والبعض يقول أن الطاقات تختلف حسب مستواك وأداءك في أول مباراة تجريبية تخوضها قبل تلقيك العروض . يعني في ديك المباراة لو تجري كثير سرعتك تكون أعلى مثلاً ، لو تسدد كثير تسديدك ممكن يكون أفضل .. وهكذا . عموماً رفع الطاقات يبغاله صبر ، ما حيتمّ بين يوم وليلة .

نصرشلوني

12-29-2008, 05:15 PM

كلام القاضي صح

حسب مستواك في اول مباراه !!

انا في الفايل الجديم التسديد والسرعه والتسارع والقفز والهيت كلهم فوق التسعين
بس كملت تقريبا 8 مواسم !!

danger12

12-29-2008, 08:08 PM

كلام القاضي صح

حسب مستواك في اول مباراه !!

انا في الفايل الجديم التسديد والسرعه والتسارع والقفز والهيت كلهم فوق التسعين
بس كملت تقريبا 8 مواسم !!

يعني كيف حسب مستواي اول مبارة ؟؟؟

انا لعبت في اول مبارة حطيت اسهل شىء و حطيت 15 دقائق و ييبت 5 اهداف و صنعت اهداف و العب باصات و اقطع كور و ااعدي في النهاية يطلعي كل ستينات ماعدا 3 سبعينات و واحد ثمانين

ديل بييرو الجزيرة

12-29-2008, 09:25 PM

جربت شيء و فعلا كان صحيح

شكل اللاعب (جسمانيا) يأثر على الطاقة
مثلا الاعب قصير و وزنة خفيف جدا
يصير سريع بس البودي بالانس يصير سيييييء
ولكن مهارته ممكن تكون كبيرة

مثلا لاعب
طويل و وزنه خفيف
و بنية الجسمانية خصرة ضعيف و صدرة عريض
يصير لاعب طويل سريع القفز عنده عالي و بنيته الجسمانية قوية

مجرب

INVINCIBLE

12-29-2008, 09:30 PM

ملاحظة صحيحة ومنطقية أخي ديل بييرو الجزيرة .

Danger .. حلو جداً . أكيد مش حتبدأ اللعبة وأرقامك بالثمانينات مهما سويت في أول مباراة ، ستينات وسبعينات شيء طيب جداً وتبدأ مشوار التطوير ورفع الطاقة من هنا .

رونالدينو10

12-30-2008, 10:21 AM

اخوي نصرشلونى اشكرك على ردك..

بس حبيت اقولك.. انك يوم تلعب في فريق قوي ما بترضى تلعب في فريق اقل من مستوى الفريق يلي تلعب فيه..

وهذا يلي سويته انا..

بديت من فريق ديبرتيفو لاكورينا وعقب اسبانيول .. وعقب برشلونه ..

مع اني اموت واعشق برشلونه وما فكرت اطلع من الفريق بس.. حبيت اغير الدوري واشوف لي تحدي جديد.. فا يتني عروض حلوه من الدوري الانجليزي والهولندى..

فا على حظي ياني عرض من ليفربول .. فا قبلته على طول.. لان فريق قوي .. بس ما فزت وياهم الا ببطوله وحده وكانت الكاس الانجليزيه.. خسرت التشامبيون والدوري.. فا قلت بغير الفريق

فا ياني عرض من فريق تشيلسي وبدعت وياهم بس حسيت ان الفريق تعبان .. يعني بصراحه

يرتكبون اخطاء دفاعيه قاتله ولعبهم اناني ويضيعون وايد فرص .. ما فزت وياهم باي بطوله..مع اني وصلت النهائي في التشامبيون والكاس والدوري كنت فيه الثالث..

وفكرت عقب اذا ياني عرض من فريق قوي من الدوري الاسبانى او الايطالي بطلع من الدوري الانجليزي.. بس انا كنت حاط في بالي اني ما بطلع من الدور الانجليزي الا وانا ماخذ الدوري الانجليزي

فا سبحان الله ياني عرض من فريقي المفضل في انجلترا.. ( مانشستر يونايتد ) فا فزت وياهم بكل البطولات وكل الالقاب الفرديه ( التشامبيون ليغ - الدوري الانجليزي والكاس )...

فا في نهايه هذا الموسم بطلع من الدوري الانجليزي.. وان شاءلله اتيني عروض ايطاليه لاني

ابغي العب في الدوري الايطالي وخاصه في اي سي ميلان..

فا حبيت اوجه لك نظرتى انك يوم تلعب في فريق قوي نفسيا ما بترضى انك تلعب في فريق اقل من فريقك..

التحدى عندي هو انك تفوز باكبر عدد بطولات من كل الدوريات الاوروبيه ..

رونالدينو10

12-30-2008, 10:27 AM

بالنسبه لمنتخب الامارات ..

بصراحه منتخب قوي في كاس العالم..

انا في مجموعه اسبانيا واسرائيل وكندا.. لعبت اول مباراه ضد اسبانيا وتخيلو شو النتيجه..

فزنا على قوم اكسافي ونيستا وتوريس 2 - 1 .. سجلت هدف وصلحت هدف..

ان شاءله اخذ كاس العالم .. على الاقل بستانس يوم بشوف ان منتخبنا ماخذ كاس العالم..

شدو حيلكم في المنتخب وحاولو تلعبون في كل شبر من اشبار الملعب عشان تفوزون..

نصرشلوني

12-30-2008, 03:59 PM

بحاول الليله او باجر احط لكم صوره تتويجي بلقب افضل لاعب في العالم للمره السادسه

اماراتي فاشل

12-31-2008, 07:02 PM

اللي جرب ها الطور على الفيفا مستحيل يلعب ع الويننق مره ثانيه ...

تبدا من الصفر لين ما تطور نفسك وتصبح مدرب للفريق هذا غير الخيارات الاكثر في المباراه

DON MOH@MMED

12-31-2008, 10:19 PM

:: أنا سويت واحد أسمه محمد .. و لعبت صانع ألعاب .. في فريق خرطي .. تألقت مباريتين .. و أنتقلت لنادي هال الأنجليزي .. و بعدين صار المدرب يخليني أرتكاز فوق 9 تدريبات تقريبا ما فلحت .. و بعدين صانع ألعاب تدريب صنعت قول و بعدين ضعت في الملعب .. ردني أرتكاز مدة .. و بعدين مهاجم ثاني ما نفعت .. بعدين روحي مليت و ما كملت ..

" فـي الـ fifa .. و عقب الأمتحانات بجرب على الـ pro 2009 ,, أن شاء الله "

ŠтΆNĸỌ

12-31-2008, 10:20 PM

انا دومنيك ما يستدعيني +__+

الحين العب في اليوفي قب كنت فنابولي عقب لازيو و عقب روما و احين اليوفي

Leggenda L’Nesta

01-03-2009, 08:36 AM

يا جمـاعه " حدث العـاقل بما يعقـل "

الحيـن معقـوله انا صـارلي 4 مواسـم و يادوب قوه تمريراتي 72

مع اني حــاط على خيار الباصات 6 علامـات

و في ناس تقول انا الحيـن سرعتي 92 و ما كمـلت موسميـن ... كيف ادش العقل :aa_dance:

و انا الحيـن في نادي بوكـا جونيورز الغـالي على قلبي :aa_argentina2: و ما بطلع الا يوم بحقق الانجازات

يكفي اني العب جنب ريــــــــــــــــــــــــــــــكلمي

روح سولك ملف يديد . . اختار طول الاعب 170 .. اختار وزنه اضعف شي ..

وشوف بعد اول مباراة كم سرعتك . .

يعني مثلا . . لو انته تبا تلعب في مركز جناح .. لازم تكون سريع + مهارات + باصات + شوت . .

كيف في البدايه تنمي هالشي ؟

تخلي جسمه اضعف شي ما يكون ثقيل . . + ما يكون طويل . . الباصات والشوت تزيدهن . .

واذا تبا تلعب مهاجم راس حربه انته تختار شو تكون . . مثال : نفس ادريانو تخليه طويل وضخم وعريض . . وبتشوف مواصفات لاعبك مثله بالظبط . .

انا الحين اكمل في ملفي الثاني . . حسيت بالملل شوي لأنه السيناريو يتكرر . . والحين مدمن على نيد فور سبيد (اندر كفر )

الرعب العيناوي

01-05-2009, 03:08 PM

شباب كيف اقدر ادرب ويا الفريق

العب دوم اساسي بس من دون ما اتدرب خخخخخ

اتمنى حد يفيدني

راعي بحر

01-05-2009, 07:25 PM

حد يقدر يفيدنا هل بالامكان الاستفادة من الراتب ..

يعني شو الفايدة من الفلوس اللي احصلها .. وين تروح ولا هي بس مجرد قيمة للاعب لا اكثر !!!

راعي بحر

01-05-2009, 07:31 PM

انا ياني عرض من ارسنال .. واصبحت هداف الفريق واحرزنا كل البطولات .. وفي نهاية الموسم رفضوا التجديد معاي .. وانتقلت برشلونة وكنت هداف الفريق في كل البطولات وخذناها كلها وبعد في نهاية الموسم رفضوا التجديد وانتقلت الانتر .. فشو المشكلة الحين !!!

نصرشلوني

01-06-2009, 03:38 PM

المشكله على ما اظن انك اطوف مباريات وايد

راعي بحر

01-06-2009, 03:51 PM

بالعكس العبهن كلهن ..

نصرشلوني

01-06-2009, 05:43 PM

ما ادري والله
؟؟؟؟
ممكن الشباب بيفيدونك

عوض بن عجيم

01-07-2009, 08:43 AM

شوية أسئلة لأهل الخبرة في هذا الطور:

- أنا سويت لاعب طوله 185 و وزنه 75 و اخترت أنه يكون وسط متقدم "أدفانسد ميدفلدر" و اشتراني نادي مش معروف "قرمبع" و صار لي فترة ألعب تدريبات و لين الحين المدرب ما اختارني !! يعني أصنع أقوال و دخلت قول و فوق هذا المدرب مش مقتنع!!

السؤال يوم أروح للبيرسونال انفورميشن حق اللاعب أشوف أنه احصائيات المهارات ماله ما تغيرت من دشيت (joined) لين الحين (present) ...ليش؟

السؤال الثاني: اذا أنا وسط ، فهل الأحسن أتم ماسك مكاني عند الدائرة ، و أتريـا الكورة ولا أتم أربع ورا الكورة وين ما سارت؟ ترى ما عرفت للمدرب يباني أتمرزك في مكاني ولا أتم أراكض لين ما يتدلدل لساني من التعب؟

الشباب اللي خذوا أماكنهم في الأساسي....تقريبا كم قعدوا يتمرنون لين ما اقتنعوا فيهم المدربين؟؟

و مشكورين

نصرشلوني

01-07-2009, 04:38 PM

انا احسن مركز عندي الوسط

شوف خلك دائما جريب من الدائره سواء في الهجوم او الدفاع
واركض بشكل كبير واستلم وسلم صح بهذه الطرق انت بتكون 100%

بالنسبه للبورات

مادام بعدك تتمرن البورات اتزيد شوي شوي
لكن يوم تلعب مباريات باضافه نقاط القوه الي في البرسنل بروفايل
بتشوف كل شيء يتغير

الأمير العيناوي

01-09-2009, 02:44 PM

انا لاعبي مهاجم ثاني أو جناح. و عمري 22 سنة.

انا لعبت في الدوري الايطالي ويا كالياري و نابولي ولاتسيو و فيورنتينا

فزت بالدوري الايطالي مرتين ( نابولي - لاتسيو )

وبالكأس الايطالية مرة ( فيورنتينا )

انتقلت لمانشستر سيتي في صفقة مفاجئة للوسط الكروي . ( شركة ابوظبي ما تقصر :aa_lazio2: )

كنت هداف الفريق.

انتقلت في الشتاء للأرسنال.

فزت بالدوري الانجليزي و دوري الابطال و هداف الفريق و هداف دوري الابطال.

انتقلت لبرشلونة.

والحين انا متصدر الدوري و هداف الدوري.

فزت و يا المنتخب بكأس اسيا و تأهلنا كأس العالم.

فزت بأفضل لاعب في اسيا و كنت ضمن فريق العالم.

فزت بالدوري الانجليز

ســـــانجو

01-10-2009, 09:30 PM

انا عن نفسي حطيت لاعب يلعب في خط الوسط وعمري 23 سنه العب في الدوري الايطالي في نادي اودينيزي
ولا عمري لعبت الا في مباراه واحد ه في اخر 14 دقيقه
ودوم المدرب يحطني احتياط ومرات حتى في الاحتياط ما يحطني على الرغم اني العب كل التمارين لكن المدرب ظالمني
فريقي لعب 16 مباراه وبعدي ما لعبت
متى بلعب؟؟؟؟؟؟؟؟؟؟؟؟؟؟

والمشكله ولا عرض جاني
يا جماعه مليت شو اسوي

عوض بن عجيم

01-11-2009, 08:40 AM

أخـــوي ســـانجو

الظـاهر أنك مش مقنع في المركز اللي انت فيه ، فلعلك من الأفضـل تبدأ من جديد في مركز غير الوسط (مجرد وجهة نظر)

و أنصحك اذا انت بعدك تلعب في التدريب بس و ما تشارك في المباريات أنك تحول أوقات المباريات الى خمس دقائق (من قائمة الأوبشن)

بعض النظر عن أدائك في التدريب الا أن الخبرة و المهـارة تزداد مع عدد المبارايات اللي تلعبهـا

عن نفسي أنا كنت متبهدل تمارين و بس و قللت الوقت لخمس دقايق و مـا لعبت الا تمارين و يا النـادي اللي بديت ويـاه يعني حتى احتيـاط مـا لعبت و يوم أنتصف الموسم (التوقف الشتوي) جاءني عرض من فريق باريس سنجرمـان و انتقلت له ، و لا توقعت اني بلعب لأني ما قدرت أثبت نفسي في ناديي القرمبع فكيف بقنع مدرب سنجرمان ؟؟

و اذا بي ألعب تمرينين بس و يدخلني المدرب في الاحتياط حق المبارايات و أتفـاجـا انه يستدعيني في الشوط الثاني في مباراة صعبة ، و أدش لك المباراة و أنـا متوتر بس سبحان الله نزلت علي السكينة و أتحقق من تسجيل هدف الفوز و أساعد فريقي في اختطاف الـ3 نقـاط ، و زاد فرحي انهم عطوني جائزة أفضل لاعب في المباراة مع اني لعبت شوط واحد ( الظاهر اللجنة جاملت فريقي الكبير) ، و من يومهـا و أنـا أخوك مكاني في التشكيلة الأسـاسية ما يتزحزح.

فنصيحتي لك اذا ما بتغير مركزك ، انك العب تمارين (خمس دقايق) ، و أول ما توصل منتصف الموسم ، و هي الأسـابيع اللي لونها أصفر في الكلندر انتقل على طول لأي نـادي ثاني ، و ان شاء الله تتوفق

انتر ياسي

04-25-2010, 11:55 PM

السلام عليكم ورحمة الله وبركاته

من اروع اطوار العبه هذا الطور وانا صراحه مدمن عليه ادمان مب طبيعي
وصارلي اكثر من سنه وانا عليه
اول لاعب دخلت فيه طبعا على صعيد المنتخب ماحققت شي يذكر
اما على الانديه لعبت لعدة انديه كييفو فيرونا وروما والدوري الفرنسي والانجليزي واخرها الانتر
واعتزلت فيه
اما الاعب الثاني
حققت معا المنتخب ثالث اسيا
واتئهلنا كاس العالم مرتين
ولانديه لعبت للمان ستي
ومانشستر واليوفي وجاني عرض من البرشا والريال مارحت
رحت الانتر
طبعا حققت الهداف معا مانشستر يونايتد
ومعا اليوفي ومعا الانتر
وانا الحين فاخر موسم معا الانتر ياخسااره
طبعا العب سترايكر انا
اكثر شي شدني للموضوع مشكله صايره معي وارجو من اي احد يفيدني
المشكله هي تحديد العمر الاعب الاول اعتزل وعمره 27
والثاني الحين نفس الشي 27 واهذا اخر موسم له
للمعلومه لنا العب اكس بوكس 360 شريط pes فرويلشن