مشاهدة النسخة كاملة : سؤال مهم عن عملية الليزر او الليزك ؟؟؟؟


الميرنغي
09-21-2008, 11:10 PM
ممكن حد يخبرني من خلال تجربته او تجربة احد يعرفه عن افضل مستشفى او مركز لعمل عملية الليزر او الليزك لعلاج العيون ..

اتمنى تكتبون اسم المكان + الامارة ولو تعرفون السعر بعد بتكملون جميلكم .. ومشكورين مقدما ..

همس الإحساس
09-21-2008, 11:28 PM
هلا وغلا اخوي انا سويت العملية من اربع سنين في مستشفي ابو الهول التخصصي الي حذال حياة ريجنسي والحمدالله مافي اي مشكله اما عن السعر هم بالأصل سعرهم 8000 وسبحان الله باالصدفه لما سألت عن عمليتهم علي وصف ربيعتي انهم زينين خبروني باالمستشفي عندنا عرض ب 4000 درهم والله ماهمني العرض قد ماهمني ان العملية تنجح ولله الحمد انعم الله علي نعمة البصر 100% ..:aa_news:
واول ماتخلص من عمليتك خلك لابس نظارة لحماية عيونك من اشعة الشمس وتم اقطرها باالتنظيم وعلي فكره بتنشف وااايد بس اتحمل شوي والله يشافيك يااارب ...

تحياتي لك اختك :aa_sleep:

مرهف

اسير_الليل
09-21-2008, 11:38 PM
انا سويتها في الاردن..مركز العيون التخصصي..كلفتني تقريبا 3000...والحمدالله النتيجه ممتازه

احسن ما في السالفه..انه يسوون عمليات لاكثر من 50 شخص فاليوم.. واتحس انهم عندهم خبره ومتمكنين
انا اصحك اتجرب اهناك

غو يّة
09-21-2008, 11:41 PM
ممممم انا ما عندي خبره فهالسوالف
بس ولد عمي سوى عملية الليزك فمصر وقال اونه الليزك احسن من الليزر
اذكر يلس فالبيت يمكن ثلاث شهور ولا شهريين ودووووم لابس نظاره شمسيه
وما يشغل كل الليتات الي فالصاله بس شويه يعني اضاءة خافته
والحمد الله الحين اوكيه
بس وين فمصر ما اعرف والسعر بعد ما اعرف
ولو اتم ع النظارة ابرك لك
والله يعطيك الصحة والعافية
بايؤووؤ

مهوس العين
09-21-2008, 11:46 PM
شي نوع اسمه الأنتراليزيك .. و هي تقنيه تقوم بتصحيح العين
بدون اي تدخل جراحي .. فقط باستخدام الليزر ..
و الأهل جربوا الأنتراليزيك من كذا سنه و الحمدلله نظرهم 100% .. وقبل شهر, واحد من الاهل
سواها و الحمدلله الحين مايشتكي من نظره ..

المكان .. عياده الشفاء للعيون و الانتراليزيك
مكانه فدبي .. شارع شاطي جميرا "جميرا 3" .. بعد حديقه جميرا ..
و السعر 15,000 درهم ..

Bent ALDAR
09-22-2008, 12:03 AM
الليزك احسن من اليزر ,,, انه اسرع ما تخذ العمليه غير دقايق و ماشي فرق بين الليزك والنترا ليزك... وهالنوع من العمليات اتطور صار ما يخذ من المريض اي احتيطات او تعطيل لحياته اليوميه ....

من احسن المراكز الي تسوي الليزك المركز البريطاني لليزك و موجود في دبي و بوظبي
العمليه تاخذ دقايق ولازم تكون في البيت وما تتعرض للاضاءه لمده يوم بس وبعدين تعيش حياتك طبيعي

الوالده وصديقاتي سوها في المركز البريطاني والحمدالله نظرهم 6 علي 6 وبدون اي مضاعافات وكلفتهم 13000 درهم ويغطي العلاج والمراجعه لمدة سنه

لازم تسأل عن الدكتور وما تتسترخص لان بعض المراكز تكزن تجاريه وغير مؤهله

وبالتوفيق و الله ينور عليكم دنيا واخره

الروض80
09-22-2008, 12:08 AM
ما عندي فكرة

مدريدي ميلانو
09-22-2008, 12:15 AM
والله يا جماعة الخير .. انا نفسي بعد كنت اسوي هالعملية ومثل ما قالت اخت بسكوته قالوا لي لازم يكون عمرك فوق 21 .. والحين تخطيت هالست .. ومادري اسوي هالعملية ولا لا

لي صدق سوى ليزك او ليزر مادري .. بس قالي بعد سنتين من العملية ..رجع ينقص نظره:aa_eyes:

قلت يعني ماشي فايده :42:.. خلنا على النظارات والعدسات;)

وجهة نظر
09-22-2008, 12:20 AM
السلام عليــكم..
انا تاريخ 28-7 مسويه عمليه الليزك..الحمدالله الحين نظريه احسن عن قبل..
سويتها في مستشفى زايد العسكري..طبعن ابلاش لأن الوالد عسكري..
بس بعد يمدحون البريطاني في دبي وفرعه في بوظبي..
ويمدحون دكتور مصري في المغربي لعمليات الليزك..والمغربي فالصيف عندهم خصم..ينزل السعر شوي..

بس برد اذكرك مب انته اللي تحدد العمليه اللي تباها الدكتور هو اللي يحدد..في حلاات ماتفع معاها الا الليزر..والسموحه

Milan
09-22-2008, 12:21 AM
هل في حدود معينة للعمر لعمل العملية ؟

يعني اللي عمره كبير في مشكلة اذا سوى العملية ..؟

وجهة نظر
09-22-2008, 12:22 AM
هل في حدود معينة للعمر لعمل العملية ؟

يعني اللي عمره كبير في مشكلة اذا سوى العملية ..؟

اتوقع من الأفضل الكبير فالسن يراجع دكتور..لأن بيكون فيه كلام علمي واصح من كلام الناس العامه

وصلاوي180
09-22-2008, 12:25 AM
الشي اللي انا استغرب منه

اغلب الدكاتره كلهم يلبسون نظارات ،، وما يسون مثل هالعمليات ابداً ،،

والنتيجه ما تقدر تشوف حد وتقول هو بيفيدك ،، لأنه الاشخاص تفصل بحالات ،، وان شاء الله تتوفق اخوي

twincam
09-22-2008, 12:25 AM
انا سويت الليزك هالصيف في شيراز و كلفتني العمليه 2600 درهم والانتراليزك عندهم بـ 4500 درهم

روحت مع اثنين من ربعي,,, اسبوع كله حواطه وعقبه على طول سويت العمليه و تميت 3 ايام عقب رديت

ريف دبي
09-22-2008, 12:33 AM
أخ الميرغني

هذا الاستفسار من أكثر الاستفسارات الي مرت علينا ....تفضل هذي المواضيع ....وإن شاء الله تستفيد منها

الليزر واليزيك
http://www.uaegoal.com/vb/showthread.php?t=114166&highlight=%E1%ED%D2%DF

رايكم يهمني
http://www.uaegoal.com/vb/showthread.php?t=142672&highlight=%E1%ED%D2%DF

بسوي عملية ليزر للنظر ,, بس شو الأفضل !
http://www.uaegoal.com/vb/showthread.php?t=138795&highlight=%E1%ED%D2%DF

الإعصار الهاديء
09-22-2008, 01:08 AM
المستشفى الإيراني في دبي ،، أحد أقربائي أجراها لديهم ، ونظره الآن ممتاز ولله الحمد ،، أعتقد بأن فيمتها خمسة آلاف درهم ، ولكنني سمعت أن بطاقة ثقة تغطي هذه العملية في أغلب المستشفيات الخاصة (يعني ببلاش إن شاء الله)

مدريدي ميلانو
09-22-2008, 01:45 AM
أخ الميرغني

هذا الاستفسار من أكثر الاستفسارات الي مرت علينا ....تفضل هذي المواضيع ....وإن شاء الله تستفيد منها

الليزر واليزيك
http://www.uaegoal.com/vb/showthread.php?t=114166&highlight=%E1%ED%D2%DF

رايكم يهمني
http://www.uaegoal.com/vb/showthread.php?t=142672&highlight=%E1%ED%D2%DF

بسوي عملية ليزر للنظر ,, بس شو الأفضل !
http://www.uaegoal.com/vb/showthread.php?t=138795&highlight=%E1%ED%D2%DF





يزاج الله خير والله .. انا شفت الموضوع الاول .. وبعد ما يحتاي اشوف الثاني والثالث .. الله يهدي اللي اسمه ( وهم) خوفنا من هالعملية .. خلاص ما بسويها..

التانغو الارجنتيني
09-22-2008, 01:56 AM
والله واح من ربعي سواه عند دكتور هندي .. بس ما اعرف اسم العيادة ...

بس هي موجودة مقابل برج العرب على شارع جميرا....

والعملية هي انترا ليزك ...

وسواها ب 12000 درهم ...

بس الدكتور وايد ممتاز

النيـادي
09-22-2008, 02:29 AM
شي نوع اسمه الأنتراليزيك .. و هي تقنيه تقوم بتصحيح العين
بدون اي تدخل جراحي .. فقط باستخدام الليزر ..
و الأهل جربوا الأنتراليزيك من كذا سنه و الحمدلله نظرهم 100% .. وقبل شهر, واحد من الاهل
سواها و الحمدلله الحين مايشتكي من نظره ..

المكان .. عياده الشفاء للعيون و الانتراليزيك
مكانه فدبي .. شارع شاطي جميرا "جميرا 3" .. بعد حديقه جميرا ..
و السعر 15,000 درهم ..

صح كلامك .. وانصحك بهـ ..!!

واذا عندك بطاقه ضمان .. بيردولك 12 الف .!!

ونصحيهـ لا تسافر ولا هم يحزنون المركز البريطاني اعتقد جي اسمه .. على امتداد شارع الجميرا !!

مستر عيناوي
09-22-2008, 02:47 AM
صح كلامك .. وانصحك بهـ ..!!

واذا عندك بطاقه ضمان .. بيردولك 12 الف .!!

ونصحيهـ لا تسافر ولا هم يحزنون المركز البريطاني اعتقد جي اسمه .. على امتداد شارع الجميرا !!

المركز البريطاني امسكر
انا امسوي عمليه فيه والحمدالله
رحت مره ثانية علشان اربيعي بس حصلناه امسكر
قلنا يمكن يوم الخميس ما يفتحون رحنا يوم الاحد حصلناه امسكر
اربيعي قال يمكن مسيحيين ويأجزون يوم الاحد

دقينا على تيلفوناتهم طلع محد يشل الخط عرفنا ان العيادة امسكرة

بس الرسيبشن غير عندهم وايد حلو :bwroo:

النيـادي
09-22-2008, 02:49 AM
المركز البريطاني امسكر
انا امسوي عمليه فيه والحمدالله
رحت مره ثانية علشان اربيعي بس حصلناه امسكر
قلنا يمكن يوم الخميس ما يفتحون رحنا يوم الاحد حصلناه امسكر
اربيعي قال يمكن مسيحيين ويأجزون يوم الاحد

دقينا على تيلفوناتهم طلع محد يشل الخط عرفنا ان العيادة امسكرة

بس الرسيبشن غير عندهم وايد حلو :bwroo:

:aa_okik:

:hii:

المركز البريطاني :aa_love:

mohammed K
09-22-2008, 04:14 AM
ومثل ما قالت اخت بسكوته قالوا لي لازم يكون عمرك فوق 21

مب شرط اساسي .. اهم شي في العمليه هي قياس سمك القرنيه اذا ماخاب ظني ..
انا عملت" ليزك " من قبل سنه تقريبا بمدينة دبي الطبيه : مركز ليزك والعيون . .شي جي اسمه
ب كلفتني 6 آلاف درهم والطبيب عراقي . وبعد كل اسبوع يكون عندهم طبيب الماني زائر بس ياخذ 9 آلاف درهم ..

dr.cuty
09-22-2008, 04:56 AM
اممممم بصراحه ربيعتي سوتها

بعياده خاصه
فالضيافه بدبي

بس ماعرف شو اسم العياده وبكم سوتها
بس بتخبرها انشالله وبرد عليك خبر

وماتشووف شر

miss gucci
09-22-2008, 06:29 AM
أخووي نصيحه لوجه الله لا تسويها في الايرااني

انا سويتها في المغربي الدكتور قالي سمك القرنيه الحمدلله اووكي سوالي ايااها دكتور مصري ب8000 لأنها في الصيف في الشتا تكون بـ10000 صراحه يريحك ويذكر الله ويسمي وهو يسوييها يعني ترتااح نفسيا ومن غير يقولك اي شي يسويه وهو معروووف وخبرته ما شاء الله ما يحتاي

واختي نفس الدكتور قالها القرنيه عندج ضعيفه وماتتحمل الليزك لازم ليزر بس هييه ماطاعت لأنه يوم قرت كييف تتسوى ونتيجتها تاخذ وقت صرفت النظر عنها كلمت المستشفى الدولي التخصصي في جميرا لأنها قرت عن الانتر ليزك وقالت يمكن تفيدها مع انه الدكتور المصري اللي في المغربي قالها بعد ما تفييدج لازم ليزر المهم هييه كانت مصليه استخاره وسبحان الله راحت الدولي وفحص نظرها الدكتوور قاله ما تيوز لج الا الليزر بس طبعا ما قالها اسمها بالعربي قالها اختصارها بالانجليزي وهييه ما يا في بالها انها الليزر ولأنها مصليه استخاره وفيها خير لها ربك يسر لها الأمر وسوتها عندهم حوالي 12000 درهم وعقب ما قرينا عن عمليتها طلعت نفسها الليزر بس لأنها مصليه استخاره ربك يسرلها الأمر بدون ما تعرف

انته لا تخاف توكل على ربك وروح المغربي سو فحص عندهم وهم بيحولونك على الدكتور وهو بيقولك شو يناسبك مستحيل يعرض عيوونك للخطر لو حس انه العمليه ما تناسبك اصلا ما بيرضى انه يسويها بس طبعا قبل كل شي انته صل استخااره يعني بتكون موكل أمرك لله اذا فيه خير لك بيتيسر بأذن الله واذا لا سمح الله لا تراه ربك بيصرف الأمر عنك

لا تروح العيادات الرخيصه حتى لو نجحت للغير يا تروح المغربي ولا التخصصي الدولي واسمع الأخوان يمدحون البريطاني بس صراحه ماعندي علم بخصووصه

موفق ان شاء الله

بومحمد
09-22-2008, 09:44 AM
الحين شوالفرق بين الليزر والليزك والإنتراليزك..؟؟؟؟؟

الحــDreamــلم
09-22-2008, 10:37 AM
احسن مستشفى بنظري


مستشفى المغربي للعيووون


تخصصهم هالعملية


وعن نفسي مسونها اسعارهم


___8000 تقريباا

3aboooDy
09-22-2008, 10:57 AM
انا عن نفسي سويت العمليه في عياده رؤية دبي والحمدلله النتيجه واااااايد مرتاح منها وكلفتني العمليه 8500 شامله الفحص والعمليه هااي عمليه ( الليزك)

الانتراليزك عندهم ب 15 الف

الفرق بين الليزك والانتراليزك
يعتمد على سمك القرنيه عند كل شخص مثلا انا الدكتور قالي تصلح لك العمليتين وانا اخترت الليزك

الليزك يتم قطع قرنيه العين بواسطه مشرط طبي او اداه طبيه خاصه

اما الانتراليزك يكون قطع قرنيه العين عن طريق الليزر لانه طبقتها ماتكون سميكه فمابتتحمل المشرط الطبي او الاداه الطبيه الخاصه

وهاا رابط يوضح عمليه الليزك http://www.youtube.com/watch?v=lGLzitrW340
او تقدرون تدخلون اليو تيوب وتكتبون lasik او intralasik ووبتعرفون الفرق بين العمليتين

منسدح_في_البورصة
09-22-2008, 10:59 AM
أخوي أنا قبل 7 سنوات سويت العملية في مستشفي الزهراء الي في دبي شارع الشيخ زايد الحين نزل الليزك و الالتراا ليزك طبعااا الاسعار أغلي الحين بس حط ايديك على عينيك و اقرا الكلام أأهم شي العين

ابوظبي
09-22-2008, 01:08 PM
واختي نفس الدكتور قالها القرنيه عندج ضعيفه وماتتحمل الليزك لازم ليزر بس هييه ماطاعت لأنه يوم قرت كييف تتسوى ونتيجتها تاخذ وقت صرفت النظر عنها كلمت المستشفى الدولي التخصصي في جميرا لأنها قرت عن الانتر ليزك وقالت يمكن تفيدها مع انه الدكتور المصري اللي في المغربي قالها بعد ما تفييدج لازم ليزر المهم هييه كانت مصليه استخاره وسبحان الله راحت الدولي وفحص نظرها الدكتوور قاله ما تيوز لج الا الليزر بس طبعا ما قالها اسمها بالعربي قالها اختصارها بالانجليزي وهييه ما يا في بالها انها الليزر ولأنها مصليه استخاره وفيها خير لها ربك يسر لها الأمر وسوتها عندهم حوالي 12000 درهم وعقب ما قرينا عن عمليتها طلعت نفسها الليزر بس لأنها مصليه استخاره ربك يسرلها الأمر بدون ما تعرف



نفس حالتي بالظبط !! الحمد لله سويت عملية الليزك وكان لنفس السبب وما قصر معاي الدكتور هشام في مستشفى مغربي - ابوظبي، والعملية كانت بتاريخ 18/1/2004 والى اليوم ونظري 6/6 ولله الحمد ! مع ان نظري ما كان ضعيف وايد بس ما كنت اطيق لبس النظارة والعدسات كانت وايد تضايقني !

المشكلة اللي اعانيها الى اليوم هي الحساسية والجفاف وبين فترة وفترة آخذ قطرات !

منايا الروح
09-22-2008, 07:45 PM
انصحك بعياده المغربي ... صدق يخبرك اذا العمليه تصلحلك ولا ..
انا سرت عندهم وللاسف حالتي ما تتعالج لا بليزر ولا بليزك ولا بانتراليزك..

وولد عمي مسوي عندهم عمليه وكان نضره وااايد ضعيف والحمدلله الحين نظره 6 على 6 ومايحس باي مضاعفات للعملية....

عديم إحساس
09-22-2008, 07:52 PM
انا سويتها في الهند

تقريبا كلفتني مع العلاج 5000 درهم

وصح النظر ينقص بعد فتره

انا سويتها لما كنت 18 سنه واحين عمري 22 بس تحس ان لين احين

تكون ضباب وغبره وتحس بـ جفاف

انا سويت ليزكـ ،، وكان في cutting

والعمليه تاخذ 10 دقايق

وبعدين طبعا تتحس من الشمس ،، بس الامور طيبهـ ،،

والحمدلله على كل حال ،،

كحيلان الوحداوي
09-22-2008, 08:01 PM
يوم الثلاثاء اللي طاف مسوي العملية في دبي المستشفى الايراني

اسم الدكتور:محمد ترابي..مشهور بترابي

سويت الفحص والعملية في نفس اليوم ما كملت عشر دقايق العملية

الحمد لله الحين نظري ست على ستة..

كلفني تقريبا 80 درهم فحص

5000 درهم العملية

انصحك اتسير

منايا الروح
09-22-2008, 08:02 PM
عندك وايد مستشفيات.. انا سبق وكتبت موضوع بهالخصوص والاغلبيه نصحوني بالمستشفيات والعيادات التالي..

المستشفى الايراني - دبي . عند الدكتور الترابي


مستشفى المغربي - أبوظبي ..وهو نفسه فرع اللي بدبي..
عند الدكتور هشام حمدي.. الفحص يكون بدبي والعمليات تكون في بوظبي...
رقمهم 042620001


مستشفى دبي فتحوا فيه الحين قسم لعمليات الليزر بس يبالك تصبر على الموعد ..
رقمهم 042714444


عياده رؤية دبي- في ديرة دبي
رقم العياده 042952920
رقم الدكتور 0505022535


مستشفى ابو الهول التخصصي -ديرة دبي
رقمهم 042733333

ريف دبي
09-22-2008, 08:06 PM
miss gucci و ابوظبي

انا بعد سويتها عند الدكتور المصري هشام في المغربي ....تقريبا الحين من 4 او 5 سنوات

ومن يوم ما فحصت بعد العملية لين اليوم ما سرت أجيك على نظري

قناديل الضياء
09-22-2008, 10:36 PM
في فمصر فشارع المهندسين بالقاهرة واسم العيادة ( عيادة الدكتور فتحي الصياد ) صراحة دكتور شاطر وسعر العملية 500 جنيه ويسوي الترا ليزك وكل الخليجيين طايحين عنده

walad_alain
09-22-2008, 10:55 PM
المركز البريطاني للعيون والليزك
جميرا
10000 درهم
النظر 6/6 والحمد لله
تاريخ اجراء العمليه شهر 4
من ثاني تقدر تطلع وتسوق عادي بس تكون ال\نيا مضببه شوي

مدة العمليه 20 ثانيه لكل عين

الفحص و العمليه والدفع كانت بنفس اليوم وفي فحص بعد العمليه بيوم وبشهر وعقب 3 شهور و6 شهور وسنه
ضمان اعادة العمليه مجانا اذا ضعف النظر
هذا من خلال تجربه شخصيه

والسلام

الميرنغي
09-22-2008, 11:20 PM
مشكورين يا جماعة وما قصرتوا .. قررت اروح المغربي بعد ما شفت الكل يمدحه .. وان شالله خير ..

وفي ميزان حسناتكم ان شالله ..

منايا الروح
09-22-2008, 11:49 PM
مشكورين يا جماعة وما قصرتوا .. قررت اروح المغربي بعد ما شفت الكل يمدحه .. وان شالله خير ..



وفي ميزان حسناتكم ان شالله ..



اتصل في عياده المغربي باجر.. وخذ موعد..

وان شاء الله امورك تكون طيبه...

رقمهم 042620001

shamma
09-23-2008, 12:30 AM
والله ما اعرف ان شاء الله الاخو ان يساعدونك

قاهر الناس
09-23-2008, 01:45 AM
طويل العمر


المغربي لاتقربه ماخوفك

بس شفت واحد في الهيئة الصحية في بوظبي يشتكي عليهم

خربو عين ولده


مستشفى النور عندهم طبيب فرنسي من اصل مغربي زين

يمدحونه


انت استخير وان شالله ربك يوفقك


العملية انا سويتها


والمدام

والحمدلله الامور طيبه 100%


الجفاف شي عادي والتغلب عليه بالقطره اللي ترطب العين


مسأله نقص النظر شي عادي ويمكن عمل عمليه تصحيح لتضبيط قياس النظر وهي شي بسيط لايذكر


السالفة ماتاخذ 5 دقايق





ومافي عمر محدد للعمليه


لكن القرار بيد الطبيب هو اللي يقدر يحدد اذا عينك تصلح لهذي العملية او لا

miss gucci
09-23-2008, 03:15 AM
8
8
أخووي المغربي يمكن خربوا عين ولده شي بلاها مب تصحيح نظر لكن الطبيب اللي يسوي العمليه دكتور هشاام معرووف عنه شطاارته ويسوي العمليه حتى في السعوديه هب الا الامارات وانسان ذااكر لربه طول ما هو يسوي العمليه ومافي لين اللحينه شكوى ضدهم بخصوص عمليات تصحيح النظر

بعديين الاخت اللي قالت الفحص في دبي والعمليه في بوظبي ... عااادي الفحص والعمليه كله انا سويته في بوظبي ما يحتاي يروح دبي عشان الفحص

يتووكل على ربه ولا ينسى صلاة الاستخاره وربه بيسر له الأمر ان شاء الله

تواق
09-24-2008, 10:32 PM
انصحج انج اتسوينها بعد ماتكملين 21 سنه لان جي يكون العمر كبر واحسن وبيفيدج بعدييين
والصراحه انا سويتها في عيادة الشفاء في دبي عند واحد ايراني شااااااطر عنه عيادتين وحدة في جميرا وتفتح الصبح والثانيه في شارع الضيافة عدال الكنتاكي وايد زحمه عنده:aa_news:

şεňoяιτα şoζιταяια
09-25-2008, 02:30 AM
أنـا حـرمة اخـوي سوت عملية لـيزك في مركز الـشفاء في جـميرا

وكلفها حوالي 9000 درهم

بس مثل ماقالوا لازم تتقيد في لبس الـنظارة حفاظا على الـعين من أشعة الـشمس والـغبار

وتـقول الحمدلله نظرها أحسن عن قبل وطبعا خلاص ودعت الـنظارة والعدسات

واللي يبون يسوون العملية العمر الأنسب هو 21 سنة وفوق نفس الكلام قالوه حق اختي

والله يكون في العون

Adsense Management by Losha