مشاهدة النسخة كاملة : تجربتي مع حبوب دكتور نيوترشن.....الرجيم


ام حسن82
09-17-2008, 06:01 AM
السلام عليكم
طبعا الكل سامع عن حبوب للتخسيس وانا وحده جربت هالحبوب بس عند دكتور نيوترشن
جربتهن قبل لا اعرس وكان فيني وسواس ابغي اوصل لقياس معين وهو اني اصير نفس العصا
وطبعا هالوسواس ما خاز عن راسي على الرغم من اني مب متينه ابدا لكن خلاااااص
المهم سرت وخذيت الحبوب وخسرت من وزن 66 الى 55 وصرت نفس يالله يالله يشوفوني هلي من ضعفي
كان رجيييم قاسي وخاصه مع الحبوب وكانت هذي تعليمات د.نيوترشن
الي صار اني نزلت عشره كيلو في فتره جدا قصيره وكنت اول مانش من رقاد على الريج حبه
وماتدرون شو الي صار كنت لما اسير الكليه وانا بالكلاس اسير الحمام وارجع واحس بدوخه مب طبيعيه ولما اخبر الدكتور يقولي عاااادي بس شربي عصير برتقال
طبعا تميت على الحاله مع اني زهقتها لكن خلاص مايصير لازم البس فستان عرس بقياس الي اباه
بعد فتره وبالصدفه انجرح صبعي الي بريولي وحسيت بانتفاخ مب طبيعي بجسمي وما قدرت انام اليل من الم صبعي
سرت العياده وخبرت الدكتوره اني اشرب هالحبوب وقالت لي الحمد لله انج ما تأخرتي لان الغدد عندي قامن ينتفخن وعيوني صارت صفره ولازم اتنوم ....عااااد انا خفت ودرت الوالده بالسالفه وعقت الحبوب مال نيوترشن
طبعا مب صار هالشي وبس الي صار اني لما حملت زاد وزني اضعااااااااف الي كنت عليه وهالشي صعب عمليه الولاده والسبب كان من هالحبوب لاني كنت اخذ نوعين حبوب
المهم بعدها حرمت وتوبت اني اتعامل مع الحبوب لين مارديت لوزني الطبيعي مع الرياضه والايروبيك الي مستحيل اودرهن
حسبي الله ونعم الوكيل بهالحبوب شو سون فيني .....حبيت اخبركم للتنبه فقط لاغير

النيـادي
09-17-2008, 06:09 AM
.

.

غير الرياضهـ والتمارين .. والمشي وبس !!

ولا الباقي اخرررررررررطي .. !!

.

.

روح الأهلي
09-17-2008, 06:36 AM
عذرا أختي الفاضلة ,,,

بخصوص زيادة الوزن في فترة الحمل فهذا طبيعي وإن كان الوزن زائدا عن المطلوب فقد يكون السبب سكري الحمل
أنما الحبوب وبما أنك أوقفتها فلا أعتقد هناك ضرر في فترة الحمل ، كون الجسم قد يكون خلص جسمك من أثارها ..

بخصوص الحبوب ، فالأفضل هو الحمية + الرياضة والأفضل أن لا يكون ريجيم قاسي لكي لا يتعب الجسم وغير هذا قد يسبب ترهلات في الجسم ..


رعاكم الله

ام حسن82
09-17-2008, 06:47 AM
روح الاهلي الحبوب كانت السبب الرئيسي بهالشي لاني خذيتهن قبل العرس بثلاث اسابيع وحملت الحمد لله على طول وهالشي اثر فيني وهذا كلام دكاتره نسائيه.....والحمدلله ماصابني سكر الحمل لانه خطير وانا اعرفه.....والوحده بيزيد وزنها بالحمل اكثر شي 15 كيلو مب توصل ال90 نفسي بسبب هالحبوب لانها عطتني مفعول عكسي بعد فحوصات مع دكوتورات نسائيه......والرياضه الشي الوحيد الي نزل وزني لل60 مع الايروبيك والي انا مستمره عليه ....

روح الأهلي
09-17-2008, 06:52 AM
جميل

:)

بالتوفيق اختي الفاضلة

روح زايـــد
09-17-2008, 07:10 AM
الله يعينج اختي ..

اساسا شي مب طبيعي لازم الواحد يتحذر منه ..

للاسف وايد طايحين فيهن هالايام خص سلوم و الشله ..

الله يعين ..

emirates_fly
09-17-2008, 07:13 AM
شو اسم الحبوب اختي؟؟

انا من 3 سنين تقريبا سرت عندهم و عطاني دوا
و كان كل شي تمام لين ما انا مليت و طلعت
بس الصراحه ما صار اللي تقولين عنه فاعتقد
انه نوع الدوا و الجسم هو اللي يحدد و المفروض
الطبيب ينصح

تقبلي مروري

بوماريه
09-17-2008, 07:29 AM
مافي غير الرياضه أختي الفاضله!!!

كلام منطقي
09-17-2008, 07:35 AM
عليج بالمشي افضل طريقة

shamms
09-17-2008, 12:11 PM
الغالية انا حاليا صار لي شهر استخدم هالحبوب مال نيترشن...

وما صار لي ابدا الي صارلج... بس كنت في البداية ساعات احس بلوعان... لكن ما ارجع..

وقالي هذا شي طبيعي لان هالحبوب تخلي الواحد نفسه مسدوده عن الاكل

وانا استخدم النوعين بعد

بس تدرين اكبر غلطة انتي سويتيها انج كنتي تاخذين الحبوب على الريج... وهذا غلط..

حبة الصبح تتاخذ بعد الريوق...

راشد سالم ساحوه
09-17-2008, 01:01 PM
السلام عليكم
طبعا الكل سامع عن حبوب للتخسيس وانا وحده جربت هالحبوب بس عند دكتور نيوترشن
جربتهن قبل لا اعرس وكان فيني وسواس ابغي اوصل لقياس معين وهو اني اصير نفس العصا
وطبعا هالوسواس ما خاز عن راسي على الرغم من اني مب متينه ابدا لكن خلاااااص
المهم سرت وخذيت الحبوب وخسرت من وزن 66 الى 55 وصرت نفس يالله يالله يشوفوني هلي من ضعفي
كان رجيييم قاسي وخاصه مع الحبوب وكانت هذي تعليمات د.نيوترشن
الي صار اني نزلت عشره كيلو في فتره جدا قصيره وكنت اول مانش من رقاد على الريج حبه
وماتدرون شو الي صار كنت لما اسير الكليه وانا بالكلاس اسير الحمام وارجع واحس بدوخه مب طبيعيه ولما اخبر الدكتور يقولي عاااادي بس شربي عصير برتقال
طبعا تميت على الحاله مع اني زهقتها لكن خلاص مايصير لازم البس فستان عرس بقياس الي اباه
بعد فتره وبالصدفه انجرح صبعي الي بريولي وحسيت بانتفاخ مب طبيعي بجسمي وما قدرت انام اليل من الم صبعي
سرت العياده وخبرت الدكتوره اني اشرب هالحبوب وقالت لي الحمد لله انج ما تأخرتي لان الغدد عندي قامن ينتفخن وعيوني صارت صفره ولازم اتنوم ....عااااد انا خفت ودرت الوالده بالسالفه وعقت الحبوب مال نيوترشن
طبعا مب صار هالشي وبس الي صار اني لما حملت زاد وزني اضعااااااااف الي كنت عليه وهالشي صعب عمليه الولاده والسبب كان من هالحبوب لاني كنت اخذ نوعين حبوب
المهم بعدها حرمت وتوبت اني اتعامل مع الحبوب لين مارديت لوزني الطبيعي مع الرياضه والايروبيك الي مستحيل اودرهن
حسبي الله ونعم الوكيل بهالحبوب شو سون فيني .....حبيت اخبركم للتنبه فقط لاغير



عذراً أختي الكريمة لاكن عندي بعض التعليقات على كلامك:

1- قلتي في كلامك ان عندك وسواس فهاذا يدل على موضوع الحالة النفسية ودورها في إنقاص
او زيادته وباعترافك انك غير متينة ... ليش تبغين تضعفين زيادة


2- تقولين ان الرجيم قاسي .. انا شايف اكثر عن جدول مال الرجيم واشوف انهم مب قاسين
لاكن عليك بالابتعاد عن اشياء معينة .. الا اذا كنتي متعودة تضربين بالخمس وتاكلين ماهب ودب وبامكانك تتحكمين بالاكل عن طريق معرفة السعرات الحرارية


3-اما موضوع الدوخة فاكيد ماكنتي منتظمة بالجدول اي مافي تنوع غذائي او مصادر طاقة
جسمك كان متعود عليها فأكيد بتحسين شوي بالضعف

4-من المعروف عن الحمل زيادة الوزن وهاذا مب شي جديد

انا تعاملت مع د. نيوترشن لاكن لزيادة الوزن والحمدلله استفدت
لاكن انا معاك ان بعض الموجودين في د.نيوترشن تحسين نفس الكلام ينعاد ونفس الخربطان
حتى اني في النهاية مليت وكنت اسير بس اقيس وزني واقارن والمواعيد الاسبوعية كانت تزيد
تحدي لنفسي

النصيحة في الأول والأخير : الرياضة ونوعية الأكل أهم شي لزيادة الوزن أو إنقاصه

التانغو الارجنتيني
09-17-2008, 01:07 PM
أ حسن شي التمارين...
وما ادري ليش الناس قامت تستخدو حبوب....

الكسل وما يسوي .. الواحد يبي كل شي على الجاهز..

الحمج لله أختي.. انج تلاحقتي على عمرج... وما تشوفين شر ان شاء الله

..*its_me*..
09-17-2008, 01:50 PM
شو عن الشاي اللي ايضعف اللي عندهم؟؟؟

في حد جربه ولا لا ؟؟

المستقل
09-17-2008, 02:59 PM
انا استخدمت حبوب دكتر نيوترشن النوعين وسبب لي ألم في الكلى بعد اسبوعين تقريبا ، وفيه شخص من أهلنا الحبوب هذي سببت له مشكلة في الكلى والحين هو يسوي غسيل كلى بشكل دائم ، احذرو يا اخوان ترى كلها عملية تجارية وما فيها مصداقية .

احسن شي لتخفيف الوزن وعن تجربة هو تنظيم الأكل والرياضة .

بن سعود العيناوي
09-17-2008, 03:00 PM
اختي اول شي انتي استخدمتي الحبوب بطريقة خاطئة

انا ما ادافع عن المركز

و لكن في البداية ...

ما فيه و لا حبة تاخذيها على الريق ...

بالعكس ..جداول الرجيم مال المركز فيها ريقو و غدا و عشا و وجبتين خلال الوجبات الرئيسية

بعد وجبة الفطور تاخذين حبة من نوع معين من الحبوب ..

لذلك المشكلة منج مب من المركز

...سؤال ..شو هي الحبوب اللي تاخذيها ...
لان هناك نوعين من الحبوب ..
الاول (الحارق) و الثاني (سبليمنت)

و كلها طبيعية 100% ..

و ما تسبب اللي انت تقولين عنه ابدا ...
لان بكل بساطة انا و كثيرين غيري اعرفهم يستخدمون ها الحبوب ..

الاحتمال الكبير...انج اخطات بالاسم و سرت عند مركز نيتروشن ...
اللي بدون كلمة (دكتور) ..

بالنسبة للزيادة في الوزن ...
انا نزلت تقريبا 9 كليو ..في شهر و نص ..
قبل رمضان ..

و الحين خلال هذا الشهر الكريم ...
على الرغم من الاكل اللي اكله ..و بكل اضناف الطعام ..
فان وزن ثابت ..الا بزيادة كيلو واحد ..ينزل و يطلع

بـنـت الـنور
09-17-2008, 03:09 PM
رجاء خاص لخواتي...نحن في منتدى رياضي ,,يعني مش منتدى نسائي!!!

الي تبا تنصح الثانيه بنصيحه خاصه ممكن تراسلها!!!


بالنسبه للموضوع....وايديين اعرفهم استخدموا حبوب الدكتور نيوترشن والحمدلله حققوا المطلوب!!! ولا صار عليهم شي

ابوظبي
09-17-2008, 03:29 PM
وزني 75 وابغي اوصله 64 كيف ؟!؟!

اكل وخفينا، رياضة وتريضنا !! في النهاية وصلت للـ 73 !!

شو الحل ؟! بصراحة اخاف من من سوالف الحبوب والدكاترة !

رحالو
09-17-2008, 03:35 PM
وزني 75 وابغي اوصله 64 كيف ؟!؟!

اكل وخفينا، رياضة وتريضنا !! في النهاية وصلت للـ 73 !!

شو الحل ؟! بصراحة اخاف من من سوالف الحبوب والدكاترة !




تم سوو تدريبات معده و مثانه و شوف النتيجه بعدين




الكرشه بتخف وايد :aa_comfort:

ما شي
09-17-2008, 04:00 PM
اختي خذيها نصيحة بخلاصة :-

افطار عصير برتقال جريب فروت او تفاح اخضر سواء ( عصير او اكل ) للي معدتها ما تقهر الحمضيات الصبح ،،

على الغدا كلي ما لذ وطاب لكن دون مبالغه ،، وبقدر الامكان فقط تجنبي العيش والمعكرونة ،،

والعشا اياني واياج تقريبنه ،، اخر وجبه ممكن تكون الساعه 6 المسا بالكثير 7 ،، عقبها وقفي الاكل تماما عدا الخضار ،، مهما كلتي من الخضار ما راح يضر ابدا ( الطماط مش من الخضار ) ،،

اما بالنسبة للرياضة ،، امشي ( ولا تصدقين خريط الايروبيك والدورات وغيره )

فقط امشي نصف ساعه الى ساعه يوميا ،،


اتبعي انتي او اي حد من الاخوة القراء هالوصفة ،، و 45 الى 60 يوم ،، واحكمي بنفسج وارجعي افتحي الموضوع !

NOTY
09-17-2008, 05:48 PM
الله سلمج بسلامته

وياختي بعدي عن هالسوالف لا حبوب ولا شي خليج ع الرياضه والحميه

بن ذيبان
09-17-2008, 11:51 PM
الحمد لله على السلامة

ro0o07_zayed
09-18-2008, 01:45 AM
شو هوه الاوريبك

Adsense Management by Losha