مشاهدة النسخة كاملة : كثرت الإستقالات في بريد الإمارات ...!!


دمعة ألم
08-18-2008, 06:24 PM
طفشوا المواطنين خلاص محد يرغب في بريد الإمارات حسبي الله ونعم الوكيل فيهم طفشوهم بكثرة الضغط عليهم أصلاً هذي سياسة سوها علشان يطفشون المواطنين ويوظفون وافدين وأجانب أرخص لهم ومحد متلعوز إلا الموظفين الصغار إللي على الكاونترات أما الإيدارين مرتاحين معاشات فوق الفوق وبدلات والأهم من هذا كله إجازة السبت يعني بدال مايسون إجازة السبت أو أي يوم ثاني راحوا ومددوا الساعات وبدون أي رحمة أو دراسة للموضوع وأخذ رأي الموظفين ماكأنه هذا الموظف عنده بيت وعيال وأهل وربع حسبي الله ونعم الوكيل فيك يالمدير التنفيذي والله كلهم يدعون عليه عسى ربي يورينا فيهم يوم لاحول ولاقوة إلا باالله إللي يقدر وعنده واسطة وماعليه ديون قدم إستقالته وطفش وإللي مايقدر وفقير شز يسوي لاكن الله على الظالم بيي عليه يوم ..

NOTY
08-18-2008, 06:55 PM
شو السالفه خبرونا

اذا عن تمديد ساعات العمل او غيرها

جيراوي
08-18-2008, 07:07 PM
نرجو من الاخوة الاداريين(مجموعة بريد الامارات) ان يفهمو حقوقق الموظفيين .

مايصير نداوم 6 ايام بدون إجازة يوم سبت.

مفروض موظف الشباك ال يشتغل طول اسبوع يرتاح يومين فى الاسبوع.

الثانى شى حرام عليكم أن موظفين فى مكتب واحد رواتبهم متفاوت جدا .

روح زايـــد
08-18-2008, 07:10 PM
ماعرف شو اقول غير الله ايعينكم ...

دمعة ألم
08-18-2008, 07:16 PM
nooooooty

السالفة إن الموظفين في بريد الإمارات إللي على الكاونترات مظلومين وايد ومن زمان وساكتين عل وعسى بنظرون في حالهم ويعطونهم إجازة السبت حالهم حال غيرهم وأتى المدير الجديد المدير التنفيذي الله لا بارك فيه وزاد الطين بله وبدال مايكحلها عماها راح ومدد ساعات الدوام بدون إعطاء الموظفين أية إجازة غير الجمعه والخوف حتى الجمعه يمكن يخلوه دوام هذول يقدرون يسون كل شئ وإنت ياموظف الكاونتر ياصغير بالنسبة لهم عايبنك داوم واكرف ماعايبنك قدم إستقالتك وراونا عرض أكتافك هذا مب ظلم وحرام يعني زدتوا المعاشات طيب مقارنة بباقي الدوائر والشرطة والجيش المعاشات عادية جداً تراكم زدتوا الرواتب وزدتوا الخدمات الموجودة مايقارب 35 خدمة غير بريدية يعني مالها خص بالبريد نهائياً مثل العمل والعمال ورواتب العمال وخدمة الإتصالات والرخصة الدولية وتذاكر السفر وتسديد فواتير الكهرباء والماء والدرهم الإلكتروني وبرنامج الشيخ زايد والتعليم العالي وتوثيق الشهادات والعقود وبيع بطاقات المواقف ودو وبيع بطاقات واصل وبطاقات دو ووووووووو.......إلخ كم راح أعدد

ناقد
08-18-2008, 07:21 PM
هو تم على موظفين بريد الامارات حتى موظفي اتصالات استقالات وايد استوت بس الاداره فوق يقولون الامور طيبه ...

نفس الشي ثلاث شركات يغربلون المواطنين ولا يهتمون فيهم ( اتصالات - بريد الامارات - شركة ادنوك ) وشوفوا كلهم شركات وطنيه على قولتهم وسياستها تطفيش اي عنصر مواطن فيها ...

عاشق الخضر
08-18-2008, 07:26 PM
يبتها على الجرح وانا اخوووك .وقسما بالله شي مقرف الي يستوي فينا طوول ايام الاسبوع دواام وسبع ساعات يوميا
والي يداوم فليل شراتي والله يتعب ويزهق وقسما بالله اني ما اشوف اهلي ولا ايلس ويااهم شرات الخلق كله دوام
والاداره مرتاحين لا شغل ولا مشغله الا سوو هذا وردو هذا وهزااب ماله اول ولا تالي .نفسيه الواحد تتعب من كثر الضغوط
الي عليه حتى الاجازات مال الاعياد حارمينها منها اتصدقون اذا الواحد ما دااوم في الاجازه يكتبون فيه تقرير وينحرم من الترقيه زي حلاتي من سبع سنين اشتغل ولا حصلت لا ترقيه ولا شي الا وعوود وجذب

والله ما حد يحس بمعاناتنا

alw7dh
08-18-2008, 07:47 PM
وانا اقول ليش ولد عمي يبا يطلع من البريد


ياخي ليش يداومون يوم السبت والخلق كلهم اجازه

لا والمشكله اللي يداومون في بوظبي اجباري يلبسون غتره وعقال عادي المدير يطردهم اذا يو الدوام ومالابسين عقال

دمعة ألم
08-18-2008, 07:51 PM
حرام عليهم إللي يسونه هم مرتاحين آخر راحة معاشات فوق 100 ألف درهم شهرياً وبدلاااااااات كثيرة وبونص كامل بدون تقدير الناظر ولاشئ وتذاكر سفر وويعه تويعهم وإجازاتهم السنوية أكثر وإجازة يومين في الإسبوع بس بييهم يوم لأن هذا ظلم وظلم كبير بعد ومحد يكد ويتعب وينتج إلا موظفين الكاونتر إللي حتى يوم يطوفون السلام مايعقونه عليهم شو هاالمعاملة الزفته

عاشق الخضر
08-18-2008, 08:01 PM
حرام عليهم إللي يسونه هم مرتاحين آخر راحة معاشات فوق 100 ألف درهم شهرياً وبدلاااااااات كثيرة وبونص كامل بدون تقدير الناظر ولاشئ وتذاكر سفر وويعه تويعهم وإجازاتهم السنوية أكثر وإجازة يومين في الإسبوع بس بييهم يوم لأن هذا ظلم وظلم كبير بعد ومحد يكد ويتعب وينتج إلا موظفين الكاونتر إللي حتى يوم يطوفون السلام مايعقونه عليهم شو هاالمعاملة الزفته

لا وشي مدير عندنا مشغل حرمته وتستلم حضرتها راتب عن عشر موظفين مواطنين

والله محد يحس بنعاناتنا مووليه ما ادري ليش هناك تكتيم اعلام للي حااصل في البريد

وساعات يتامر عليم زلمه واذا ما سوييت الي يباه يهددك بالفنش وفوق هذا ما عنده شهااده بس

عنده لسان يرمس فيه

اف اف يوم اييك عميل ويغلط عليك ويسب اهلك وانت صاابر عليه صبر ايووب ويسر يشتكي عليك

في الاداره يحطوون الوم فووق الموظف ويعطونه رساله تنبيه ويحصل هزااب على شو اونه لازم تحترمه


والا يوم اييك التفتيش يشووف العهد بس يحصل عشر ربيات ناقصه على طوول رساله تنبيه

وساعات يمرون عليك مال الجوده ويتعبونك بالاسئله لين ما اتلوع جبدك وفي الاخير الموظف ما يعرف شي

ومليون خدمه انقدمه ومليون شغله انسويها ودوامات انداااوم وما انحصل ترقيه انا من ثلاث سنين يوعدوني بالترقيه ولا حصلت شي

NOTY
08-18-2008, 08:08 PM
لاحول ولا قوة الا بالله الصراحه ما ينسكت على هالشي

فوق ها موظف حرمته

شو هالناس الي ماتخاف الله على الاقل اسبوع دوام كامل و اسبوع نص لو ما يقدر شو بتفرق يعني عنده

لاحول ولا قوة الا بالله
حسبي الله و نعم الوكيل

نصراوي100%
08-18-2008, 08:09 PM
دمعة الم كل الي ذكرته صحيح


وازيدك البونز مال نص السنة رافضين يوقعونه والسبب ان الوزير رفض ان المدير التفيذي وشلته ياخذون بونز فما وقع على البونز الين الحين


على فكرة البونز كله يقدرة ب24 مليون درهم


8 مليون للموظفين .و16 لاشخاص معينين ..ولهذه الاسباب وقفوا البونز عنهم ..والحين يطلعون غياضهم في الموظفين وما يصرفون البونز



لي عوده ان شاء الله لنشر مزيد من الخفايا في بريد الامارات ..

عاشق الخضر
08-18-2008, 09:13 PM
دمعة الم كل الي ذكرته صحيح


وازيدك البونز مال نص السنة رافضين يوقعونه والسبب ان الوزير رفض ان المدير التفيذي وشلته ياخذون بونز فما وقع على البونز الين الحين


على فكرة البونز كله يقدرة ب24 مليون درهم


8 مليون للموظفين .و16 لاشخاص معينين ..ولهذه الاسباب وقفوا البونز عنهم ..والحين يطلعون غياضهم في الموظفين وما يصرفون البونز



لي عوده ان شاء الله لنشر مزيد من الخفايا في بريد الامارات ..

وشي بلاوي كبيره صاايره في البريد ان شااء الله بسردها عقب ما افضى

عيناوي800
08-18-2008, 09:31 PM
وليش ماترمس عن الاتصالات الشركه التي ياكل الدود احشائها


ولا عزااااااااااااااء للمواطنين

Romario_11
08-18-2008, 09:33 PM
السلام عليكم بما اني من موظفيين الشباك الفترة المسائية اعاني الويل والله من هالدوام الارف تخيلوا

المدير التنفيذي غير دوامنا في الفتر المسائية بدل من 2 الى 8 اصبح 3 الى 10 !! حياتي اصبحت فوق

تحت والمدير رافض اداوم الصبح لا اشوف الاهل ولا طلعات شرات الخلق فوق هذا يوم مديرك المباشر

يلعوزك ما تروم تسوي شي لان يوم تسير عند مدير المنطقة تشتكي على مديرك يقول لا تتعدى مديرك

سير وجه خطاب رسمي عن طريقه كيف اشتكي عن طريقه وانا ابي اشتكي منه !!! بالاضافة الى

مبدأ العميل على حق كاننا في شيشة ايبكو مو في جهة حكومية يعني بعض العملاء مو ناقص الا

يظربونا بالنعال عزكم الله قسم بالله مهزلة اي شكوى من عميل بغض النظر هو على حق او باطل وحتى

لو مارديت عالعميل سيدا انذار وحرمان من البونص لو تكرر وعقوبات وايد غير الهذاب اللي تحصله

يعني ما يسوون لموظفيين الشباك اي سالفة والاخوان اللي ردوا قبلي كفوا ووفوا ولي عودة

ونسيت اقول شي حرمة المدير اللي تداوم براتب كبير اصلا ما تداوم الراتب ينزل وهي في بيتها !!

حسبي الله ونعم الوكيل

عيناوي بحكم القانون
08-18-2008, 10:19 PM
الله يصبركم ان شاء الله ..

DR
08-18-2008, 10:26 PM
الله يعينكم على قوانين البريد ابصراحه قوانين لا تصب في مصلحة الموظف ولا تقف الى جانبه

دمعة ألم
08-18-2008, 10:37 PM
الله على الظالم الله فوق كل شئ والله ندعي عليهم ليل نهار حقنا مأكول غربلهم الله الناس تصبح نفسها للدوام ونحنا ندعي عليهم الله لايبارك فيهم إن شاءالله كلامكم كله صحيح الموظف الصغير يهان إهانة كبيرة وايد ومحد يسمعه يعني كأنا عبيد عندهم

دمعة ألم
08-18-2008, 10:41 PM
وفوق هذا كله الإستأذان من العمل فقط مرتين في الشهر وإذا إتأخرت عن الدوام يحسبون كل دقيقة يعني إذا كملت نص ساعة في الشهر يخصم من راتبك مب حرام

ام ناصر 05
08-19-2008, 12:29 AM
حلو والله حرمه المدير يالسه في البيت و معاشها ماشي!! شدراكم انتو شكلكم تألفون وايد وين صارت هاي!!!!!!!!!! وينهم محاربين الفساد عنه هالمدير !!!!!!!!!!!!

HeartBreakKid
08-19-2008, 05:15 AM
الله يعينكم ....

شذى العين
08-19-2008, 07:28 AM
الله يعينكم ويكتبلكم كل خير ونصيحة دورا على وظيفة ثانية والله المستعان

كشكشها
08-19-2008, 08:43 AM
انزيييييين اشتكوا عليكم عند المسؤول اللي أكبر منهم .. واشتكوا في البث المباشر ,,


وسووا اضراااب :aa_frwon:

الله يكون في عونكم

الصقر الأهلاوي
08-19-2008, 11:58 AM
حالهم نفس حال موظفي اتصالات وبالاخص الفنيين واعتقد أخس من جي

معاملة المهندسين زفته ويضغطون على الفنيين بشكل مبالغ فيه

ومن الحين صدر تعميم " ثاني ايام العيد دوام " للفنيين طبعا

حسبي الله ونعم الوكيل

جيراوي
08-19-2008, 06:01 PM
انزيييييين اشتكوا عليكم عند المسؤول اللي أكبر منهم .. واشتكوا في البث المباشر ,,


وسووا اضراااب :aa_frwon:

الله يكون في عونكم


كم منشتكي وكم متكلم ماشي فايدة :aa_sleep::aa_sleep:


الحل بيد الشخ محمد بن راشد الله يعزة..

جيراوي
08-19-2008, 06:08 PM
موزع الرسايل يدام الساعه 4 الفجر شو بيشوف الرساله ولا السرير

Recoba20
08-19-2008, 06:25 PM
بريد الامارات ما استوى بريد ..

استوى مكتب اي معامله ادخل فلوس .. شويه و بيخلونه سوبرماركت بعد

دمعة ألم
08-19-2008, 07:08 PM
والله صدقتوا بس إللي يقدر وضامن يحصل له شغل ثاني راح يطلع وإللي ماعنده واسطه وعليه ديون شو يسوي غصبن عليه يداوم والغصة في قلبة وإذا قلت شئ تراه مب مسموع عندهم هذيل المدراء ورؤساء الأقسام كلهم متعاونين مع بعضهم البعض ياكلونها سوا يعني حتى لو إشتكيت هذا يداري على الثاني والتفنيش كل شوي يهددونك فيه تبغي تبغي ماتبغي سير البيت غيرك بيشتغل والله إنك ترجع البيت وراسك بينفجر من كثر الخدمات والمراجعين ماتعرف تركز على شئ الحين مب شغل واحد وبس مليون خدمة وياالله إكرف وياريت لو يقدرون ويشكرون إلا يلعنون خيرك إذا غلطت عنبو من معاش هذا ذالينا عليه

rak_12345
08-19-2008, 08:11 PM
:aa_Doh:الاخبار تقول ان هناك عدة استقالات لكبار من الموظفين في البريد منهم مسؤول كبير كان يمسك مدير تنفيذي بالانابه ومسؤول اخر بمنصب كبير ومدير منطقة في الامارات الشمالية(المنطقه اللي اعمل فيها) والاسباب غير معروفه لبعض الاستقالات للان.

الاوضاع صعبه جدا خاصه لموظفي الشباك اي صغار الموظفين حيث تقع على كاهلهم كل الامور والخدمات.
والخدمات كل يوم تزيد اي تحميل الموظف عبء اكبر من اللي كان يتحمله في السابق.
وساعات العمل غير منصفه على الاطلاق يعني الموظفيين اللي في الاداره اوقات دوامهم اقل من موظفي الكاونتر( اوقات دوام موظفي الاداره من الساعه 7 الي 3 كل يوم ما عدا الجمعه والسبت)
(اوقات دوام موظفي الكاونتر من الساعه 8 الي 3 كل يوم ما عدا الجمعه)
يعني اللي في الاداره يداوم 40 ساعه اسبوعيا واللي في الكاونتر 42 ساعه بما معناه اللي في الكاونتر يداوم ساعات اكثر وايام اكثر.

وبالنسبه للترقيات طبعا حدث ولا حرج يعني محتكره للاداره واذا كنت موظف شباك مهما اشتهدت في عملك تراك بتم على نفس الدرجه( في المنطقه التي اعمل) فيها اعتقد ان اللي ترقوا من موظفي الشباك في اخر 5 او 6 سنوات ينعدون على الاصابع برغم ان المنطقه من اعلى المناطق في مستويات جودة الاداء للموظفين.

وبالنسبه للاشخاص اللي ترقوا هناك منهم من لا يعرف كيفيه استخدام الحاسوب :aa_Doh:
يعني سياسه غريبه تتبعها المنطقه
عموما في شباب طلعوا من هاي المنطقه وسار الاداره العامه وحصلوا اعلى من الدرجه اللي كانو فيها بدجتين و ثلاث.

ما اريد اطول في الكلام بس هذا غيض من فيض

دمعة ألم
08-20-2008, 07:38 PM
إخوي كلامك صحيح حتى نحن تعبانين وايد ومضغوطين حرام عليهم يسون فينا جذه حشى هذا مب دوام إستوى والدراء إللي تقول عنهم مااستقالوا هذي حركة هم مسوينها بس يبون حد يترجاهم وإذا إستقالوا شو راح تنفعنا إستقالتهم ولاشئ راح يحطون حد مكانهم وأكيد بيكون أخس منهم نحنا وين حقوقنا حرام نحنا تعبنا قسم باالله خدمة الإتصالات مهلكتنا نحنا ناقصين تسديد فواتير الكهرباء بعد لاكن الواحد شو بيقول غير الله ياخذ لنا الحق منهم إن شاء الله

دمعة ألم
08-20-2008, 07:40 PM
أصلاً هم هذا إللي يبغونه يطفشون المواطنين علشان يوظفون وافدين أو أجانب أرخص لهم 3 موظفين عن موظف واحد مواطن هذي سياستهم الله لابارك فيهم إن شاءالله

جيراوي
08-21-2008, 04:44 PM
أصلاً هم هذا إللي يبغونه يطفشون المواطنين علشان يوظفون وافدين أو أجانب أرخص لهم 3 موظفين عن موظف واحد مواطن هذي سياستهم الله لابارك فيهم إن شاءالله



لا ويقولولك الارباح 200 مليون درهم، ابغي افهم وين يودون الفلوس؟؟؟:aa_fire:

وحداوي غير
08-24-2008, 04:14 AM
الحمدالله نحن في بريد ابوظبي وااايدين قدمو استقالاتهم وياااي اكثر

وكم مره اشتكينا في استديو واحد و جريده الامارات بس ماشي فاايده

ان شاء الله نلاقي شغله ثاانيه ونفتك من بريد

Adsense Management by Losha