مشاهدة النسخة كاملة : أدور أبواب للفيلا ..حد يقدر يساعدني ؟؟


مجاهد النفس
08-05-2008, 09:16 PM
السلام عليكم ورحمة الله وبركاته

السالفه وما فيها إني أدور على محلات أو مصانع أو ورش تصنع أبواب داخليه للفيلا ... لإني كنت معتمد على مصنع بعيمان لكن للأسف أسعاره صارت ناااااااااار باب السوليد صار عنده (3800) وكان قبل 1500..وهذا سعر خيالي !!


http://www.ubudgates.com/imagesbarang/WDD-038.jpg

إللي يعرف يا أخوان يساعدني بموقع أو بإسم ورشه أو مصنع أو معرض و يكون مجربنه أو حد من أهله جرب شغلهم وموب مشكله يكون بأي إماره .

وجزاكم الله كل خير .

Why Not
08-05-2008, 09:36 PM
والله يا خوي ما عندي اسم محل معين لكن عليك بصناعية الشارجة..

الله يوفقك..

أهلاوي جديد
08-05-2008, 10:55 PM
انا جفت ابواب جاهزة قبل فترة في دراجون مارت.. ما أدري يسوون طلبيات ولا لا..
شي ابواب شكلها حلو على 800 و900 درهم..
بس عن الكواليتي مادري لأني ما عندي فكرة عن هالسوالف..

كنت أستهبل ع الصينيات اللي يبيعون بس..:blu:

ريف دبي
08-06-2008, 11:56 PM
ان شاء الله بتحصل مساعدة من الأخوان ... خاصة من أصحاب البيوت الجديدة

شيبوب
08-07-2008, 12:04 AM
شكلي اليوم بستوي مقاول بنيان !!!
ثاني موضوع عن البنيان

اذا انك بعدك ما خلصت اعمال الطابوق

الابواب الصينية اشكالها حلوة وجميلة ورخيصة
وفيها ديكورات ما راح تلقاها بسهولة في السوق
الابواب اكثرها
حدد الابواب ولازم المقاول يحسب حساب مقاسات كل باب تختاره .

في محل اسمه اوتاد في بناية الياسمين- بجانب دوار نادي الشارجة
يسوي لك ابواب المنيوم لكن الوان الخشب وألوان فنية اخرى .
هذه الصراحة اسبوعين يخلص لك الابواب وعنده شغل نظيف .



واذا تريد الصيني بعد دوار ماكرو الامارات في نفس صفة المحلات في محل ابواب صينية
وفي ابواب صينية قبل مخبز الرغيف الذهبي في شارع الوحدة .

وسلامة راسك

الخشب الاصلي غالي وتاكله الرمة ويحتاج صيانة ويتشقق خاصة في فصل الصيف الحلو .
وفي مؤسسة في بحيرة الشارجة نسيت اسمها لو تذكرت بخبرك .... خشب اصلي
ويعني بتدفع عدل .

كلكم أخوان
08-07-2008, 12:36 AM
ابواب صينية قبل مخبز الرغيف الذهبي في شارع الوحدة .أحنا سوينا أبواب بيتنا اليديد عندهم والطلبية تبالها مابين شهرين ل3 شهور عشان تستلمها بس زينين ما لقينا معاهم مشكلة

هاوي المقناص
08-07-2008, 12:48 AM
والله ودي أساعدك

بس أخوك هااااااااااااااوي


صفر على الشمااااااااااااال

والخير في إخوانا الله يحفظهم

~{العقيـــــد}~
08-07-2008, 01:22 AM
السلام عليكم ورحمة الله وبركاته



اخوي الصراحة ماعندي فكرة
وان شاء الله الاخوان يساعدونك




والسموحة...........
اخوكم ~{العقيـــــد}~

مجاهد النفس
08-07-2008, 02:09 AM
السلام عليكم ورحمة الله وبركاته

أخواني :-

Why Not ... أهلاوي جديد .. ريف دبي .. هاوي المقناص .. ~{العقيـــــد}~ .

جزاكم الله كل خير وكفايه مروركم الطيب على الموضوع .

عزيزي شيبوب

شكلي اليوم بستوي مقاول بنيان !!! ثاني موضوع عن البنيان

شي طيب وصدقني إللي يبني يكسب خبرة !! وإنت الحين ماشاء الله خبيرنا بالمنتدى


اذا انك بعدك ما خلصت اعمال الطابوق

وين ماشاء الله يالس أشطب الفيلا بس ناقص الأبواب والجرانيت والمطبخ



الابواب الصينية اشكالها حلوة وجميلة ورخيصة
وفيها ديكورات ما راح تلقاها بسهولة في السوق

الصيني وللأسف صار معروف من تشوف الباب تعرف إنه صيني !! ومشكلة الصيني صبغه موب ذاك الزود بعد فتره يتقشر ..هذا على حسب ما شفت بمعرض من المعارض إللي تبيع الأبواب بالشارجه .


في محل اسمه اوتاد في بناية الياسمين- بجانب دوار نادي الشارجة
يسوي لك ابواب المنيوم لكن الوان الخشب وألوان فنية اخرى .
هذه الصراحة اسبوعين يخلص لك الابواب وعنده شغل نظيف .

مشكلة المحلات إللي تكون على الشوارع الرئيسيه تضرب على المشتري سعر مضاعف عن المصنع لكن الأبواب إلي تكرمت وذكرتها هذي تكون أبواب لمداخل الفيلا الرئيسيه وأعرفها وتكون من الداخل معباية مثل الفوم المستورد وهي بصراحه أبواب ممتازة .

جزاك الله كل خير وما قصرت لكن مطلبي أبواب لغرف الفيلا الداخلية .

Venice 1846
08-07-2008, 02:22 AM
اخوي من ناحية التصاميم للابواب تقريبا الصيني ماخذ نصيب الاسد ولكن ..::: نصيحه ركب نوع اسمه ( تيك افريقي ) شي جذي لانه من اشد الانواع صلابة وقوة وضد الرمه وقابل انه يعيش معاك اكثر من 25 سنة من دون ايا مشاكل ^_# واذا تبا هالنوعيه وتصماميم صينيه ماعليك الا انك تاذخذ التصاميم الصينيه وتعطيها للشخص الي يفصلك الابواب جذي بتكون ظربت عصفورين بحجر واحد .. واذا تبا شي معقول وبسعر ما يتجاوز 700 درهم عليك بأبواب مممممممم والله ناسي الاسم حاليا وهالابواب جيده وقابله للعيش حوالي 10 سنين بشكل اكثر من ممتاز .. وبخصوص الاماكن عندك العين اسعارهم احلى من المناطق المجاورة

عتيج الصوف
08-07-2008, 02:49 AM
شوف عزيزي انا بخبرك عن تجربتي مع ابواب بيتي اليديد

باب الفيلا الرئيسي لازم تصنعه من الالومنيوم المشغول مثل الفلل الكويتيه

صدقني اشكال روعة و مقاومة للشمس والرطوبه

بيكلفك تقريبا 9000 درهم بس بيكون شغل مرتب

ابواب الغرف الداخلية عندك شركة بيدي فورم ( مب متأكد من الاسم ) بتصنع لك ابواب درجة اولى من الصين

والتوصيل بيكون عقب 3 شهور من تاريخ الطلب

طبعا ابواب الغرف ما راح تتعرض للشمس او الرطوبة

وبتحصل اشكال روعة و متقنه الصنع والوانها جذابة

ولولا انها مب حلوة اني احطي صور بيتي في المنتدى , ولا كنت بحطي لك صورة الابواب

على فكرة الفنشنغ الصيني هو الافضل حاليا في الاسواق

يعني ما شي مناجر ممكن تعطيك شكل مثل المصانع الصينية

وعليك باللون البني المحروق وايد فخم

موفق عزيزي

أ. جعفر علي
08-07-2008, 06:09 PM
وأنا بعد ادور أبواب مثلك يا مجاهد النفس


انا للحين ادور جرانيت للمجلس والصاله تكون نوعية طيبة ومجربه وسعرها معقول نوعا ما


وكذلك ادور سيراميك للمطبخ يا ريت حد يعطينا خبرته في هذه المجالات ويفيد اخوانه

شيبوب
08-07-2008, 08:11 PM
يا خوي هذه بيتك ممش سكن للايجار ولا تسترخص الشغله
مافي شي رخيص
يعني الحينه انا عطيتك محلات ومواقع
رفضتها قبل ما تشوفها

mystery
08-07-2008, 10:01 PM
السلام عليكم

حالي من حالك ياخوي مجاهد النفس أدور للحينه على ابواب

محل اوتاد مريت عليه وقالي الباب على 2200 درهم و نوعيته المنيوم وهالكلام قبل 6 شهور مادري الحينه كم سعره بالضبط وإنشغلت بدورة و هالايام اليايه بمر على بعض المحلات اللي انذكرت في الموضوع وبعدين بقاول على واحد منهم ان شاء الله

أ.جعفر
انا اشتريت سيراميك للمطبخ من شركة الدرويش في منطقة مريشيد في الفجيرة وكان السعر مناسب

واشتريت سيراميك صيني من شركة الباشا لتجارة مواد البناء للحمامات وانتوا بكرامه عنده أشكال حلوه صراحه

ومنكم نستفيد

أ. جعفر علي
08-08-2008, 12:05 AM
أنا شريت من محل العمده في شارع السيراميك في الشارقه ، بعض سيراميك الحمامات أسباني وما عنده غير اسباني

عنده نوعيات زينه لكن غالي شويه ...

It can be
08-08-2008, 12:15 AM
اتفق مع عتيج الصوف في المدخل ..

وازيد عليه .. ابواب الومنيوم لكل البيت .. من النوعية الفخمة .. من خارج الغرفة مبطنة بزجاج مثل المكسور على المعشق
ومن داخل بجام عادي !
شكلها وايد فخم >_< !
وكل من يدخل بيتنا تعيبه وينشد عنها !

أ. جعفر علي
08-08-2008, 12:23 AM
It can be

طيب دلونا على محل ممكن نشتري منه وسعره طيب ..

من وين شريتوا ها الأبواب

Venice 1846
08-08-2008, 01:46 AM
في رأي الشخصي :: بيت العمر ينبني مرة وحده ودام الحكومه مش مقصرة مع المواطنين ما اؤيد ابدا شي صيني لانه في النهاية صيني( وعمره الافتراضي ) قصير .. نعم من ناحية الجماليه جميل ولكن ::: كمنظر ( السموحه ) منظره بيكون جدا عادي يعني مب ذو جوده عاليه ... الخسارة خسارة الروح وعق فلوسك لانك لو ركبت صيني 1000% رايح بعد فتره وجيزة اتغيره .. ليش مب بالمرة تركب شي مميز ... طبعا هذا راي وهالشي يرد للشخص نفسه ولدخله لانه في النهاية هو صاحب قرار ويمشي ع حسب دخله ... رأي الشخصي وكل التوفيق للجميع وبيوت عامرة ان شاءالله والله يطول بعمر شيوخنا يارب ..

قلب بوظبي
08-08-2008, 03:01 AM
اخوي ما عليك اله السوق الصيني

انا شريت من كم يوم وواصله ابواب جديده للسوق

وان انصحك من اهناك فيه كذا محل

واسعارهم ارخيصه

عاشق السعاده
08-08-2008, 03:25 AM
تعالي منجرة الوافي للنجاره في المصفح اسعارمعقوله وشغل مرتب اسأل مجرب

مجاهد النفس
08-08-2008, 02:43 PM
يا خوي هذه بيتك ممش سكن للايجار ولا تسترخص الشغله
مافي شي رخيص
يعني الحينه انا عطيتك محلات ومواقع
رفضتها قبل ما تشوفها



موب سالفة إني رفضتها قبل ما أشوفها .. الصيني معروف وشفت منه ألوان وأشكال .. وبخصوص المحل إللي تفضلت وذكرته لي ما مريت عليه بصراحه لكن حبيت أشرح لك حال السوق لأني عشت هذي التجربه بنفسي !!

السراميك بالمحلات إللي على الشارع الرئيسي أغلى من من بعض المحلات والشبرات إللي تكون بالخلف أو موب على الشارع الرئيسي ...أبواب الألمينوم باخذ من المصنع وموجود بالشارجه أفضل من المحلات إللي يضرب له مبلغ وقدره فايده صافيه له !! الجرانيت والرخام سعره يكون خيالي من المحلات إللي بالوجهه وبالشارع الرئيسي وتفرق ببعض المصانع بعجمان وبعض المحلات .. الحجر الأردني لما تاخذه من المحل يفرق عن الأفغاني إللي يركب لك الحجر بمقدار 15 ألف .

هذي سياسة كثير من المحلات وإستغلالها للناس بحجة إيجار المحل !!


عزيزي عتيج الصوف

شوف عزيزي انا بخبرك عن تجربتي مع ابواب بيتي اليديد
باب الفيلا الرئيسي لازم تصنعه من الالومنيوم المشغول مثل الفلل الكويتيه
صدقني اشكال روعة و مقاومة للشمس والرطوبه
بيكلفك تقريبا 9000 درهم بس بيكون شغل مرتب

أنا ناوي أصلاً أركب من هذي الأبواب لمداخل الفيلا الرئيسيه ( الصاله ، المجلس ) لأنها مقاومه للحراره والرطوبه وهذي أهم أسباب إختياري لهذي النوعيه .

ابواب الغرف الداخلية عندك شركة بيدي فورم ( مب متأكد من الاسم ) بتصنع لك ابواب درجة اولى من الصين
والتوصيل بيكون عقب 3 شهور من تاريخ الطلب

وايد 3 شهور !!

على فكرة الفنشنغ الصيني هو الافضل حاليا في الاسواق
يعني ما شي مناجر ممكن تعطيك شكل مثل المصانع الصينية
وعليك باللون البني المحروق وايد فخم
موفق عزيزي

بنفسك قلتها فشنغ وهذا أكبر سبب لترددي عن الصيني ..ولقيت بعض المناجر لكن شاك بشغلهم !!

على العموم جزاك الله كل خير وبارك الله فيك يا عتيج

روح زايـــد
08-08-2008, 03:16 PM
اخوي ..

مش المفروض المهندس هو ايبلك السامبل وانت تختار طبعا بالنوعيه الي تباها


انا يابلي كتالوج واخترت والكواليتي الي اريده ..

جرب اساله ..

عيل هو شو شغلته ..

smile1
10-12-2008, 10:23 AM
اخوي هل حصلت محل للابواب

خبرنا

نبا نستفيد

Adsense Management by Losha