مشاهدة النسخة كاملة : الشراء عن طريق الإنترنت


ديل بييرو الجزيرة
08-04-2008, 04:25 PM
السلام عليكم و ررحمة الله و بركاته

موضوع خفيف ممكن يفيد البعض عن كيفية الشراء عن طريق الإنترنت
و الموضوع ققرت احطه بعد سؤال الأخ NaSrAwY_17 عن الطريقة الي إشتريت فيها لعبة من الإنترنت

عموما عشان تشتري من النت لازم يكون عندك شيئين
بطاقة فيها حساب
و موقع مضمون
و في بعض الأحيان بريد في برطيانيا و أمريكا

بنبدء بشرح البطايق
في انواع وايدة من البطايق تستخدم عن طريق النت
الي عنده حساب في اي بنك يقدر يكلم البنك و بيطلعون له بطاقة
و اي بطاقة فيزا او ماستر كارد ممكن تستخدمونها
ولكن البعض يخاف يستخدمها لأنه تصير فيها سرقات
و البعض ما عنده حساب في البنوك مثلي

انا عندي نوعين من الحسابات او البطايق
بطاقة ال surfer card من بنط ابوظبي الوطني
بطاقة مدفوعة مقدما تحط فيها رصيد و تسير تشتري من النت الي تبغيه
المطلوب منك صورة جواز و 1050 درهم
الألف هي اقل مبلغ تقدر تحطه عشان تستخرج البطاقة اول شي و بعدين تقدر تحط الرصيد الي تباه
يعني اول مرة لازم تحط في بطاقتك ألف درهم على الأقل و عقب على كيفك
و الخمسين درهم رسوم البطاقة
البطاقة إتم عندك لمدة سنة و تتجدد
انا لين الحين ما كملت بطاقتي سنة فما اعرف كيف تتجدد بس اعتقد تتجدد بخمسين درهم

رأيي في البطاقة
جيدة جدا من حيث الإستخدام و ما ياخذون من عندك اي نسبة اي ان ما عليها شارج
في نس الوقت يطرشون لك أول ما ينخصم من بطاقتك شي
الشيء الجميل فيها انك تقدر تحط 100 درهم او اي مبلغ على حسب السلعة الي بتشتريها
و بذلك تضمن ان حتى لو إنسرق منها شي ما بيكون له علاقة بحسابك في البنك او ما بيكون عليه نسبة ربح لازم تدفعها و السرقة بتكون خفيفة بين ال 10 و ال 50 درهم
مشكلتها ان في وايد مواقع ما تقبلها

هذي صفحة للبطاقة في موقع البنك http://www.nbaddirect.com/surfer.htm

Cashu
موقع كاشيو موقع حلو
تفتح فيه حساب و يكون رصيدك صفر
تقدر تعبي رصيدك عن طريق الإمارات للصرفاة UAE exchange
او تاخذ من مكتبة جرير بطاقة مدفوعة مقدما مثل بطايق التلفون و تضيفها على رصيدك عن طريق الموقع
الموقع مشهور و مفيد و سهل الإستخدام
جربته إلى الآن مرة وحدة و عجبني
و شكلي بلغي بطاقة بنك ابوظبي الوطني

هذاالموقع http://www.cashu.com/

الحين نتكلم عن الموقع
في وايد مواقع نقدر نشتري منها
و انا اعتمد على www.amazon.com
موقع مضمون إستخدامة معقد (شوي) بس مضمون
و يعطيك عروض حلوة
الموقع في بعض الأحيان يوصل إلى الدول الاخرى و بعض الأحيان لاء
و كله يعتمد على نوع السلعة

في مواقع ثانية مثل ebay و غيره من المواقع
بس بصراحة ما اعرفهن
و الشباب الي عندهم مواقع مضمونة خلهم يحطونها عشان الكل يستفيد


الحين بنتكلم عن صندوق البريد في بريطانيا و امريكا شو فيادته
اولا مثل ما قلتلكم موقع امازون في بعض الحالات ما يطرش برع بريطانيا
لذلك لازم يكون عندك بريد في بريطانيا عشان تخليهم يطرشون البضاعة عليه
و من هناك شرطة البريد تتكفل بوصولة لين عندك

عندنا شركة في الإمارات تقدم هذي الخدمة و هي aramex
شركة aramex تفتح لك بريدين واحد في بريطاني و الثاني في امريكا
و بذلك اي شي من امريكا تقدر تطرشة لبريدك في امريكا و شركة aramex بييبون البريد لك
و نفس الشي في بريطانيا
ساعات يكون مبلغ الشحن من الموقع نفسه غالي
لذلك تطلب شحن مجاني (ياخذ وقت أطول) لين بريدك
و من بريدك لين باب بيتك من شركة aramex
و شركة aramex تاخذ على الكيلو حوالي 30 درهم تقريبا
يعني لو وزن البضاعة كيلوين راح ياخذون منك 60 درهم لكل كيلو

هذا الموضوع بسيط أعتقد الأغلبية يعرفونه
ولكن حبيت احطه عشان يستفيدون الشباب الي ما يعرفون
و نستفيد نحن من خبرات الغير
الي عنده شي يقدر يضيفة لا يبخل علينا
و يا شباب قولولنا عن تجاربكم في هذا المجال

CLC
08-04-2008, 05:07 PM
مشكور أخوي ديل بييرو الجزيرة على المعلومات المفيده , انا اشتريت كثير من السلع ووصلتني بشكل سلس من امريكا لين باب البيت :) ,,

كل المتطلبات الي ذكرها اخوي فوق عندي بس المهم هو تلقى موقع مضمون وعنده سمعه جيده , انا كنت استخدم بطاقة بنك الامارات الدولي Ipay وهي نفس بطاقة بنك أبوظبي الوطني ولكن الاشتراك فيها بخمسين درهم ويعطونك رقم ماستر كارد مع تاريخ الانتهاء والارقام الثلاثيه الي تكون خلف البطاقه وتعبيها بأي مبلغ تباه ولكن للاسف على ما سمعت قريب انهم لغوا هالخدمة للاسف الشديد ,,


سمعت ان بنك دبي الاسلامي يعطي مثل هالنوع من البطايق الي تستخدمها فقط على النت :) , يوم تقدم على فيزا كارد في بنك دبي الاسلامي اطلب البطاقه الخاصه للاستخدام عبر الانترنت وتشيل فيها ما يقارب 20% من الحساب تقدر تستخدمة على مشترياتك في الانترنت , بس يبالي اتأكد من هالمعلومه ,,

بعض المواقع ما تقبل بطاقاتك ابد ! والكثير منها تعطيك خيارات منها خدمة الـ PayPal وهذا موقعهم
https://www.paypal.com/

الكثير من المواقع تعتمد على PayPal وهالموقع الاشتراك فيه جيد وبيفيدك في مشترياتك , الموقع هذا يعتمد على تسجيل بطاقة الماستركارد او الفيزا عندهم والبطاقة عشان تعتمد عندهم لها خطوات لازم تتبعها صح عشان تكون البطاقة معتمده وتقدر تشتري من اي موقع ,

هم اول ما تسجل بياناتك الكامله عندهم وتحط ارقام الفيزا او الماستر كارد ما يعتمدونها ولا تكون active الا بعد ما تضغط على رابط في حسابهم يخصمون من الفيزا 3 دولار اقل اكثر ما اذكر مبلغ بسيط جدا وعقب الدفع يطلبون منك تشوف فاتورة الفيزا الشهرية الي توصلك في البريد وتشيك على مشترياتك اذا لقيت ان PayPal سحبت منك هالمبلغ تاخذ رقم الشراء من الفاتورة وتدخل حسابك في الPayPal وتحط هالارقام وعلى طول بطاقتك بتكون active وتقدر تشتري من اي موقع يعطيك خيار الشراء عبر PayPal :) ,,

هذا ما لدي الان وان شاء الله اذا ذكرنا شي او حد من الاخوان عنده معلومه يضيفها عشان تعم الفائده ,,

تحياتي

t a h e r
08-04-2008, 07:02 PM
السلام عليكم

انا ولا مرة جربت اني اشتري شي عن طريق الانترنت
بس عندي سؤال وين موقع شركة الارامكس .. عسبت اقدر افتح بريد عنـدهـم او حساب ..؟

Clc

هيه نعـم عطوني هـ البطاقة يوم فتحت حساب توفير في بنـك دبي الاسلامي .. بس ماقريت انهم يشيلون 20% من حسابك يوم تستعملها .. مادري والله انا ولا مرة فكرت اني اجربها أو استعملهــا ..!

NaSrAwY_17
08-04-2008, 07:18 PM
اخوي هل يعطون البطاقة لمن هم تحت 21 ؟؟

CLC
08-04-2008, 08:04 PM
اخوي نصراوي انت كلم البنك وشوف اذا يعطون بطايق للي اعمارهم اقل من 21 لان البنوك عندها شروط لازم تتوفر فيك , ما ادري يمكن حد من الاخوان يقدر يفيدك أكثر ,,


السلام عليكم

انا ولا مرة جربت اني اشتري شي عن طريق الانترنت
بس عندي سؤال وين موقع شركة الارامكس .. عسبت اقدر افتح بريد عنـدهـم او حساب ..؟



اخوي طاهر شوف موقعهم الخدمة في ارامكس اسمها shopandship

http://www.aramex.com/shopandship/what_is_shopandship.aspx

يوم تشترك يعطونك عنوانين بريدين واحد في امريكا والثاني في بريطانيا , يوم تشتري شي في امريكا بعض الاحيان ما يوصلون طلبك برع أمريكا فتحط عنوانك البريدي الامريكي الي عطوك في ارامكس البضاعه بتوصل لين مقر ارامكس في نيويورك وهم من العنوان بيعرفون عنوانك في الامارات وبيوصلون الشحنه عندك ,,

تحياتي

بن سعود العيناوي
08-04-2008, 08:33 PM
موضوع رائع و مفيد جدا
شكرا مانع على الموضوع
الصراحة كم مرة بغيت اشتري عن طريق النت
و لكن خفت من سرقة البطاقة

NOTY
08-04-2008, 08:34 PM
مشكورين يالاخوان على موضوعكم المفيد و جعله الله في ميزان حسناتكم ليوم الدين



بس بتخبرك اخوي ديل بيرو الجزيره ليش مثلا ماتكون المشتري لاي شخص


يعني انا حبيت غرض و حبيت اشتريه و مابا صدعة البنوك و السوالف هاذي اخليك انت تشتريه و توصله لي مقابل عموله؟؟؟

NOTY
08-04-2008, 08:35 PM
مشكورين يالاخوان على موضوعكم المفيد و جعله الله في ميزان حسناتكم ليوم الدين



بس بتخبرك اخوي ديل بيرو الجزيره ليش مثلا ماتكون المشتري لاي شخص


يعني انا حبيت غرض و حبيت اشتريه و مابا صدعة البنوك و السوالف هاذي اخليك انت تشتريه و توصله لي مقابل عموله؟؟؟


اتسويلك بسنس صغيروني

ديل بييرو الجزيرة
08-04-2008, 09:30 PM
نصراوي
يعطون للي عمرهم اقل من 21 سنة بالنسبة لبنك بوظبي الوطني

سي ال سي بالنسبة لباي بال بصراحة عقدني
لأني شبكت بطاقتي به بس يوم استخدمه يقولي ماشي رصيد
و هو فعلا ماشي رصيد في باي بال بس في رصيد في البطاقة
يا ريت تشرحلي اكثر عنه

بن سعود
ياخوك لا تخاف
في مواقع مضمونه
و هالبطايق حلوة
تحط فيها المبلغ المناسب و تشتريبه و خلاص

إخوي نوتي مشكور على ردك
بالنسبة لإقتراحك جميل بس انا مافيني تراه مسؤولية
بس الفكرة بشكل عام حلوة وايد و ينفع تكون فكرة مشروع

بن سعود العيناوي
08-04-2008, 09:34 PM
مانع ممكن تخبرني عن Amazon Visa Card

شو هذي البطاقة بالضبط و كيف احل عليها

بن سعود العيناوي
08-04-2008, 09:37 PM
بس بتخبرك اخوي ديل بيرو الجزيره ليش مثلا ماتكون المشتري لاي شخص


يعني انا حبيت غرض و حبيت اشتريه و مابا صدعة البنوك و السوالف هاذي اخليك انت تشتريه و توصله لي مقابل عموله؟؟؟


اتسويلك بسنس صغيروني


هذا الفكرة كان مسونها طالب عندنا في الجامعة
و كان ياخذ نسبة
و هو يتحمل المخاطرة

الصراحة غلط يوم ما خذيت رقمه

CLC
08-04-2008, 09:46 PM
سي ال سي بالنسبة لباي بال بصراحة عقدني
لأني شبكت بطاقتي به بس يوم استخدمه يقولي ماشي رصيد
و هو فعلا ماشي رصيد في باي بال بس في رصيد في البطاقة
يا ريت تشرحلي اكثر عنه

هلا اخوي ديل بييرو الجزيرة ,

بطاقتك في الPayPal مفعله ؟ يعني سويت الخطوات الي ذكرتها فوق ؟

اذا ما سويت الخطوات المطلوبه بتم بطاقتك معلقه وما بتقدر تستخدم خدماتهم لين ما تفعل الكريدت كارد ,

بدور لك شرح عن تفعيل البطاقة شفتها مره في موقع من المواقع وان شاء الله القاها وبحطها هني ,,


بخصوص فكرة الاخ nooooooty , ترا الكثيرين الحين يسوونها لو تدخلون مواقع البيع والشراء المشهوره بتلقون مواضيع بخصوص هالشي مثلا واحد يكتب موضوع اطلب اي شي من امريكا وانا حاضر :) وهكذا الفكره منتشرة ترا مب يديده ,,


تحياتي

ابوظبي
08-04-2008, 11:42 PM
شكراً مانع على الموضوع الرائع !

انا من الناس اللي كنت اخاف من بطاقة الفيزا وما كنت مظهرها من اساسه لكن من كثر سفراتي اطريت اني استخدمها ولله الحمد من يومها وماعندي أي مشكلة والخصم دائماً يكون 100% دايركت ومع استخدامي لها اكتشفت اني انا كنت معقد الامور على عمري والبطاقة فيها آمان ولا حد يقدر يسرقك بسهولة اذا كنت دائماً تشيك على حسابك !

المهم استخدامي للبطاقة على النت اكثر شي يكون لحجز تذاكر سفر عن طريق شركات طيران خارج الدولة واستخدمتها لشركات طيران مثل (طيران بروكسل وطيران جت ستار) واستخدمها دائماً لحجزي في الفنادق داخل الدولة أو خارجها ! والى الآن ماصار معاي أي مشكلة !

لكن الى الآن ما استخدمتها كـ Shopping على النت لكن ناوي قريب من موقع B&H وخاطري اشتري عدسة للكاميرا واللي اعرفه ان الموقع مضمون ومافيه أي مشكلة !

هذه فقط خبرتي البسيطة من أستخدامي للفيزا كارد وفي نظري بأن مالي غنى عنها !

ريف دبي
08-05-2008, 12:28 AM
بالنسبة لبنك دبي الاسلامي ..انا بفيدكم لأني سويت بطاقة الاسلامي انترنت كارد من أسبوع بس للأسف لين الحين ما قدرت افعلها !


كانت عندي بطاقة ال ATM ومكتوب عليها visa electron ولأني سحبت فيها مرة خارج البلاد فكان على بالي انها هي بعد فيزا كارد
رحت البنك على أساس بس أبا اطلع بطاقة الانترنت للشراء

قالت لي الموظفة عزيزتي انتي اصلا ما عندج بطاقة فيزا! وما تقدرين اطلعين بطاقة الانترنت لأنها تطلع اضافية ويا الفيزا .. قلت لها عيل كيف كنت اقدر اسحب وأنا في الخارج؟ قالت لأنها visa electron وكان عندج رصيد على حسابج الجاري ....لكن الفيزا تقدرين تسحبين حتى لو ما كان عندج رصيد

>>وأخيرا أكتشفت الفرق بين البطاقتين عقب كل هالعمر http://www.uaegoal.com/vb/images/smilies/aa_Doh.gif

عبيت الفورم للحصول على بطاقة الفيزا + صورة الجواز + واظني خذو مبلغ 300 درهم من حسابي >>بس ما وصلني المسج

سألتني كيف أبا تكون بطاقة الفيزا ؟ ألماسية مادري ذهبية يعني يكون فيها قد الراتب وألا الضعف

هنيه حسيت عمري توهقت! قلت لها شوفي انا سويت هذا كل عشان بس بطاقة الانترنت ..ما تعنين وايد بطاقة الفيزا ...قالت لي بطاقة الانترنت تشيل 20% من حسابج .. يعني مثلا اذا الراتب الحين 15000يكون الي في بطاقة الانترنت 3000 درهم


ووصلتني البطاقة عن طريق الأرامكس من كم يوم ... وحده فيزا كارد والثانية مالت الانترنت..كل وحدة رقمها مختلف

وجربت بطاقة الانترنت في موقعين لين الحين و مب ضابطة ويايه العملية :(

باجر ان شاء الله اذا ما نسيت بتصل فيهم وبحاول أعرف شو المشكلة

ali2003
08-05-2008, 01:25 AM
مشكورين اخواني على المعلومات القيمة.

أنا طلعت بطاقة بنك أبوظبي الوطني ( 25 درهم اذا كنت عميل في البنك ، 50 درهم اذا لم تكن عميل )

والحمد لله وللتجربة اشتريت بعض الملابس من أمريكا لأول مرة ووصلت أمس.
والعملية كانت بسيطة جداً دون تعقيد.

NaSrAwY_17
08-05-2008, 01:38 AM
أخوي انا عمري 18 بقدر اطلعها ولا لا ؟؟

ولا لازم يوقع ولي الامر ؟؟


لو ممكن تفهمني :aa_shake:

Recoba20
08-05-2008, 03:15 AM
انا عندي مشكله .. ما اقدر اطلع لي فيزا عشان عمري 17 و حتى يوم بستوي 18 بعد ما يستوي عشان اقل سن مسموح 21 سنه ..

صدق نحاسه

في طريقه معقده يطلعون لك بطاقه باسمك بس تكون من حساب الوالد .. و الوالد هو يحط لك كم تقدر تسحب او يخليها مفتوحه .. ياليت لو حد يشرح لنا هذه

Design Horizon
08-05-2008, 04:31 PM
موضوع يا فوقته ..

يعطيكم العافيه على هالمعلومات القيمه .. استفدت منها الصراحه ..

بس سؤال .. بكم نسويلنا حساب ارامكس فامريكا وبريطانيا ؟؟

وشو احسن نعتمد على ارامكس ولا شركات الشحن ..

وشو الارخص والاضمن ..

ريف دبي
08-06-2008, 11:01 AM
وأخيرا تفعلت البطاقة http://www.uaegoal.com/vb/images/smilies/aa_okik.gif


طلع لازم كنت اتصل بخدمة الاسلامي المباشر وأطلب تفعيلها ....سياسة البنك اليديدة انه ما يفعل أي بطاقة تطلع من عنده الا عقب ما يتصل العميل بنفسه ويطلب تفعيلها

Special One
08-07-2008, 08:56 PM
يعطيك العافية مانع .. موضوع مفيد جدآ .. :)

الشراء من الأنترنت أصبح شئ مهم .. و أحيانآ تكون مضطر لهذه الطريقة .. كذلك لا ننسى أن هناك تخفيضيات نسبية لو إشتريت Online .. بالنسبة لسرقة البطاقات فهذا الشئ أصبح شبه مستحيل لأن المواقع بدآ تأخذ إحتياطاتها ضد عمليات السرقة .. أيضآ هناك عقوبات شديدة لــ لصوص قد تصل إلى السجن .. و كما قلت يجب أولآ التأكد جيدآ من الموقع .. شخصيآ أستخدم هذه الطريقة بكثرة خصوصآ لقطع التذاكــر .. :aa_Dance:

Amazon Visa Card

هلا أخوي بن سعود العيناوي
بالنسبة لبطاقة فهي عبارة عن فيزا كارت خاص بالموقع الشهير أمازون و هي بطاقة تمنح حاملها مميزات و حوافز في موقع أمازون مثل خصومات ع الأشياء ألخ .. و بإمكانك الحصول عليها من موقع نفسه إضغط هنـــا (http://www.amazon.com/gp/cobrandcard/marketing.html)

زعيم الإمارات
08-07-2008, 10:15 PM
أنا أكثر واحد في العالم اشتري من النت


من 6 سنوات و انا استعمل بطاقة
e-tijari web card

من بنك دبي الوطني
علما انه ما عندي فيه حساب اصلا

الحد الادنى اول مره 3 الاف درهم فقط

وعقبها ان شاء الله تتم معاك بحساب صفر عادي

اول مره اشتريت البطاقه 100 درهم

والتجديد سنوي مثل ما قال مانع

و الحلو انها قبل شهر من انتهاء البطاقه يتم ارسال البطاقه الجديده لك بالبريد

MARWAN
08-11-2008, 12:35 PM
مانع بخصوص بطاقة الكاشيو ..

أنا اللي أعرفه أنها لا تعتبر كفيزا أو ماستر كارد ؟؟!

لأنك ما تقدر تستخدمها إلا في المواقع اللي تقبل الدفع من هذه البطاقة ؟! ما أدري لو تفيدني في هذه النقطة !!

-

موضوع بطاقة Surfer من بنك بوظبي الوطني .. حالياً اللي مخليني أحتار و أتردد في الحصول على هذه البطاقة .. هو أنه بنك ربوي و التعامل معاه يدخلك في شبهات نحن في غنى عنها ؟

ما أدري شنو رايكم ؟

ديل بييرو الجزيرة
08-11-2008, 12:44 PM
بالنسبة للكاشيو نعم لازم الموقع الي بتشتري منه يكون يقبل الكاشيو

بالنسبة لبنك بوظبي الوطني بصراحة انا مضطر
يعني مش معقول اروح اودع 6000 درهم عشان اسويلي بطاقة اقدر اشتري فيها من النت

بعدين بصراحة بطاقة بوظبي الوطني مافيها شبهه لانهم ما ياخذون منك نسبة
الي تحطة في الرصيد تقدر تصرفة بدون اي نسبة

MARWAN
08-11-2008, 01:08 PM
التعامل مع بنك ربوي أعتقد فيه شبه بغض النظر عن نوعية التعامل !!

على العموم راح نسأل أهل العلم بالموضوع

و يعطيك العافية مانع.

Design Horizon
08-13-2008, 05:40 PM
الموقع اللي ابا اشتري منه يقول ..


We accept Bankcard, Visa Card, MasterCard, American Express and Diners Club cards


سؤال .. يعني نقدر نشتري بشي من البطايق اللي ذكرتوهم فالموضوع ( اقصد هايلا اللي خاصه بالشراء من النت )

اذا هيه

اي وحده افضل ..


سؤال ثاني .. مطلوب مني الـpostcod يعني اجباري عشان الشرا .. شو احط .. اللي اعرفه انه ماعندنا postcode هني فالامارات حق المدن ..

CLC
08-13-2008, 06:18 PM
اخوي Design Horizon ,,

نعم البطايق المذكورة فوق اغلبها يا فيزا كارد والا ماستركارد وهي مقبوله عالميا الا في بعض المواقع المتخلفه :) ,,

اما سالفة postcode بعض الشركات في أمريكا لازم تحط عنوان بريدي صحيح حسب المعمول فيه والا ما يقبلل طلبك !

مثلا أنا عندي عناوين بريديه من أرامكس عنواني البريدي الامريكي هذا

Ali XXXXX
DXB 30000
147-29 182nd Street Springfield Gardens, NY 11413
Tel: 718-553-8740

وعنواني في بريطانيا هذا
Ali XXXXX
DXB 1109
Aramex House Old Bath Road Colnbrook
Slough, Berkshire SL3 0NS
Tel: 01753-689898

يوم تدخل موقع أمريكي وتبا تشتري سلعة تحط البيانات الي فوق كل خانه ولها مكان مخصص والمواقع البريطانية نفس الشي ,




تحياتي

Design Horizon
08-15-2008, 03:54 AM
المشكله هالمكان ( استراليا ) ماقدر افتح فيه عنوان ارامكس .. وسالت كذا شركه وكلهم قالوا ماعندنا هناك ..

والموقع طالبين البوست كود عشان تتكمل اجراءات التسجيل ..

عالعموم انا بحاول احل السالفه واذا عندي اي استفسار برجع لكم ..

تسلمون ويعطيكم العافيه ..

Rashoodeus
08-18-2008, 05:21 AM
أنا عندي بريد أمريكي وبريطاني (عن طريق خدمة shop&ship من aramex) ودوم أشتري من أمازون (أرخص من عنا، خاصة الكتب و الألعاب الالكترونية وأفلام البلو راي)... بس من فترة استوتلي مشكلة وياهم. ربيعي استخدم حسابي واشترى أشياء بقيمة 1200 درهم تقريبا وخذولهم شهور ولا وصلوا... سرت عند أرامكس وقالولي المشكلة مب من عندهم، المشكلة من أمازون اللي ما طرشوا الشي أصلا... فاللحين مطرش ايميل للامازون وفي انتظار الرد:aa_frwon:

النيـادي
09-07-2008, 04:52 AM
بصراحه استفد وايد من الموضوع .. وبعد العيد بجرب اشتري من النت .!!

ابوزيد
06-25-2009, 03:08 PM
قدمت على بطاقة دبي الاسلامي للانترنت ... الرجاء من لديه معلومات عن البطاقة ... وهل الامازون يقبل التعامل معها .... هل من اللازم ان افتح بريد في امريكا وبريطانيا او انها توجد طريقة بديله ...... وكيف اضمن عدم سحب مبلغ اكبر من مبلغ الشراء ؟؟؟؟

【Bel ♥ ved】
03-31-2010, 06:44 PM
أدري انه الموضوع جديم

بس حاابه آخذ بطاقة نت بشتري أشيـا وبطلبهاا من موااقع بس غير الأمازون

ماعرف شوتنصحووني شبااب

أي بطااقة آخذ

بس أبغي بطاقة أغلب المواقع تقبلهاا مابي آخذ بطااقة واطيح في جبدي

زمان اول
04-01-2010, 12:31 AM
اخواني الكرام من فيكم عنده بطاقة الايتونز

ومن فيكم يستطيع توفير بطاقات الايتونز احتاج الى البطاقة الامريكية من اي تونز ب 50$
لاني بحث عنها بالامارات ولم اجدها

ومشكورين على المعلومات

ilove-uae
04-02-2010, 11:52 PM
يزاااااااااكم الله خيررررر

الصراحه موضووع مفييد جدا جدا

وايد استفدت منه

من اسبوعين كان خاطرنا نشتري اغرض من النت

بس للاسف محد عنده بطاقات سواء ماستر كارد او فيزا مانتعامل

وبما انه مانشتغل

اشوف بطاقة بنك أبوظبي الوطني بتكون مناسبه لنا

يعطيكم العافيه

ديل بييرو الجزيرة
04-03-2010, 12:45 PM
السموحة من الجميع
لي عودة للرد على الإستفسارات
ما توقعت ان الوضوع ينرفع بعد كل هالفترة

【Bel ♥ ved】
04-03-2010, 11:30 PM
اسمحلناا ديل بييرو
رفعناا موضوع جديم بس الضرورات تبيح المحظوورات
في انتـظاارك

ديل بييرو الجزيرة
04-05-2010, 12:01 PM
أدري انه الموضوع جديم

بس حاابه آخذ بطاقة نت بشتري أشيـا وبطلبهاا من موااقع بس غير الأمازون

ماعرف شوتنصحووني شبااب

أي بطااقة آخذ

بس أبغي بطاقة أغلب المواقع تقبلهاا مابي آخذ بطااقة واطيح في جبدي

جربي بطاقة ابوظبي الوطني
مريحة و ما ياخذون عليها فوايد
و ما تحتاجين لحساب عندهم
اذا الموقع يقبل الماستر كارد
بيقبل هالبطاقة بسهولة
لانها تعتبر ماستر كارد

اخواني الكرام من فيكم عنده بطاقة الايتونز

ومن فيكم يستطيع توفير بطاقات الايتونز احتاج الى البطاقة الامريكية من اي تونز ب 50$
لاني بحث عنها بالامارات ولم اجدها

ومشكورين على المعلومات

اختي بطاقة ابوظبي الوطني تشتغل على الايتونز
و انا استخدمها عليه
و بطاقة اي تونز اعتقد تقدرين تحصلينها في اي محل يبيع منتجات ابل
مثل اي ستايل في ابوظبي مول و المارينا مول في بوظبي
و فيرجن ميجا ستور في كل المولات الكبيرة في دبي
و في ابوظبي مول في بوظبي

يزاااااااااكم الله خيررررر

الصراحه موضووع مفييد جدا جدا

وايد استفدت منه

من اسبوعين كان خاطرنا نشتري اغرض من النت

بس للاسف محد عنده بطاقات سواء ماستر كارد او فيزا مانتعامل

وبما انه مانشتغل

اشوف بطاقة بنك أبوظبي الوطني بتكون مناسبه لنا

يعطيكم العافيه

بالفعل بطاقة بوظبي الوطني هي الي تريح اكثر
و انا استخدمها هي مع كاشيو
لان بعض المواقع ما تقبل البطاقات
خصوصا مواقع الالعاب
فيتعاملون مع كاشيو


سامحونا على التاخير في الرد

الظبي
04-05-2010, 12:59 PM
عندنا شركة في الإمارات تقدم هذي الخدمة و هي aramex
شركة aramex تفتح لك بريدين واحد في بريطاني و الثاني في امريكا
و بذلك اي شي من امريكا تقدر تطرشة لبريدك في امريكا و شركة aramex بييبون البريد لك
و نفس الشي في بريطانيا
ساعات يكون مبلغ الشحن من الموقع نفسه غالي
لذلك تطلب شحن مجاني (ياخذ وقت أطول) لين بريدك
و من بريدك لين باب بيتك من شركة aramex
و شركة aramex تاخذ على الكيلو حوالي 30 درهم تقريبا
يعني لو وزن البضاعة كيلوين راح ياخذون منك 60 درهم لكل كيلو


http://ushopweship.com
أحسن و ارخص من ارامكس و جيران ارامكس في بوظبي

عن تجربه

رمز الظبي
04-05-2010, 08:49 PM
بالنسبة لي استخدم بطاقة حكومة دبي الالكترونية واشتري به من موقع ebay لأن اسهل من امازون والسلع إلي فيه ارخص بعد عمل مقارنات لبعض السلع وطبعا لو تبا تشتري من ebay معظم الباعه يحبون يتعاملون مع paypal ونا ربطت فيزا حكومة دبي الالكترونية مع موقع paypal والحمدلله شغالة البطاقة واليوم واصلني شي اشتريته

البطاقة تقدرون تاخذونها من بنك أبوظبي الوطني قيمة البطاقة 50 درهم وتبقى معاك سنتين وتحط فيها رصيد حتى 5000 درهم اتوقع
كل تعبئة سواء كانت 100 أو 500 او 1000 ياخذون 5 دراهم وتقدر تعرف البطاقة على مكينة الصراف الالي وتسحب من خلاله وايضا تقدر تضيف رصيد من خلال المكينة إلي فيها ايداع بس ما جربت بصراحة

【Bel ♥ ved】
09-01-2010, 01:13 PM
جربي بطاقة ابوظبي الوطني
مريحة و ما ياخذون عليها فوايد
و ما تحتاجين لحساب عندهم
اذا الموقع يقبل الماستر كارد
بيقبل هالبطاقة بسهولة
لانها تعتبر ماستر كارد






انزين شو الاجراءاات والاورااق المطلووبة
وشوهي الموااقع اللي تقبل هالبطااقة
يعني الامازوون والاي باي يقبلوون بطاقة ابوظبي الوطني
ولااازم اروح البنك

مشكوور خيوو

ديل بييرو الجزيرة
09-01-2010, 10:38 PM
انزين شو الاجراءاات والاورااق المطلووبة
وشوهي الموااقع اللي تقبل هالبطااقة
يعني الامازوون والاي باي يقبلوون بطاقة ابوظبي الوطني
ولااازم اروح البنك

مشكوور خيوو

مثل ما قلت لج اذا يقبلون الماستر كارد
بيقبلون هالبطاقة لانها تعتبر ماستر كارد
شلي الهوية و جوازج وياج
و 1000 درهم لان اول مره لازم تحطين في البطاقة الف درهم
بعدها تقدين تعبين هالبطاقة بالمبلغ الي تبينه

بيعطونج تعبين طلب و خلال 4 ايام بتكون البطاقة جاهزة

super25
09-02-2010, 02:28 AM
حبيت اضيف موقع اشوفه افضل من ارامكس والمواقع الثانيه من ناحية ان بعض المواقع ما تقبل بطاقات فيزا دوليه ولكنها تقبل الامريكيه بس فهالموقع يشترون اي شي تبغيه ببطاقتهم وانته تدفعلهم......

www.myus.com

Braveheart
09-02-2010, 04:38 AM
بخصوص انواع الفيز للي يسأل بنك ابوظبي الوطني يوفر بطاقه مسبقه الدفع يعني تحط الفلوس الي تبها فيه من 100 لين 5000 درهم والاوراق المطلوبه صورة الليسن او الجواز بس وبنفس اللحظه بتاخذه بس كل ما تحط 100 البنك ياخذ5 دراهم واذا حطة 1000 ياخذ 5درهم وبعد شغله لحظته من خلال شرائي من النت انا شريت مكينة قهوه ب109 دولار يعني بالدرهم 404 بس يوم شيكة على كشف الفيزا لحظة ان البنك ماخذ 36 درهم فايده
واظن بعد يحسبو عليك الدولار اعلى من السوق يعني لو الدولار3.7 البنك يحسبه 3.8 وانا اقول ليش عطوني البطاقه بنفس اللحظه ملاحظه تراني مب عميل عند البنك
سؤال للظبي
ممكن تعطني معلومات اكثر عن هي الشركه له فروع في الدوله لاني شريت اشياء من النت وشحنته عن طريق ارمكس ولانهم ما عندهم خاصية التجميع فطلع لكل شحنه سعره مع اني ماخذه من النت مره واحده مع بعض

فضولية
09-02-2010, 01:48 PM
حبيت اضيف موقع اشوفه افضل من ارامكس والمواقع الثانيه من ناحية ان بعض المواقع ما تقبل بطاقات فيزا دوليه ولكنها تقبل الامريكيه بس فهالموقع يشترون اي شي تبغيه ببطاقتهم وانته تدفعلهم......

www.myus.com


ممكن تشرح لنا بتفصيل أكثر من خلال تجربتك..

تسلم أخوي ديل بيرو ع الموضوع الرائع ...من زمان أدوره

super25
09-03-2010, 03:06 AM
موقع myus فيه ميزة ال personal shopper يعني الموقع يشتريلك اللي تباه مقابل مبلغ اعتقد 5% ميزته انه يشتريلك في المواقع اللي ما تقبل الكردت كارد الدوليه او حتى من اي باي بعضهم يطلبون بي بال يكون عنوانه امريكي فهالموقع يقدر يشتريلك منه ويوصل لين باب البيت

ẔỊẕ๏
09-04-2010, 02:12 AM
تســلم آخوي على التوضــيح والموضوع البسيــط والرآئــع ..
لاكــن آهم شيء تتآكد من الموقع ، إذا فيــه آمــان آو لا ..!

Design Horizon
09-16-2010, 07:36 PM
سؤال بخصوص الشراء عبر الانترنت

فيه ماده كيميائيه بغيت اشتريها خاصه بالرسم المهم
كيف بيخطفونها فـ الجمارك اذا طلبتها دايركت عالبريد لأن اللي اعرفه ممنوع هـ المواد تمر ..
ها غير انها اكثر عن 50 مل

Adsense Management by Losha