مشاهدة النسخة كاملة : أفضل خياط رجالي في الإمارات ؟؟؟


وطني أنا أنا وطني
05-18-2008, 09:32 AM
السلام عليكم

كيف الحال يا أعضاء منتدى الهدف ؟

قبل كمن يوم سرت أفضل كنادير يديده, لأني مب مفصل من زمان, بس تفاجأت أن الخياط الي اتعامل وياه من زمان سكر محله للأبد !!!!!!!!! :aa_boz:

و الحين يبالي ادور على خياط يديد ........ شو رايكم وين اسير لأني محتار بكل صراحه ؟؟

أبى خياط عنده اقمشه حلوه (خفيفه أو ثقيله) و خياطته تكون ممتازه و يا ليت تخبروني بأسعاره (تقريبا يعني)

و المكان مب مشكله سواء بوظبي و لا دبي او غيره من الأماكن . بندبر عمرنا ان شاء الله

و مشكووووووووورين ما تقصرون !

الكا111شخ
05-18-2008, 09:34 AM
الكل بيقولك العربي الممتاز @@

الموضة تقول جي :aa_Doh::aa_Doh:

مادري اذا مال اول نتريا باقي الردود ونشوف :aa_whisle:

شيخ المعاني
05-18-2008, 09:40 AM
كل مدينة فيها خياط مميز

الا ان الخياط العربي الممتاز مكتسح السوق وعنده فروع في كل امارات الدوله

الختم 250 درهم
الالماني 350 درهم
الجنرال 380 او 400 درهم

الكا111شخ
05-18-2008, 09:42 AM
كل مدينة فيها خياط مميز

الا ان الخياط العربي الممتاز مكتسح السوق وعنده فروع في كل امارات الدوله

الختم 250 درهم
الالماني 350 درهم
الجنرال 380 او 400 درهم

الا مب مكتسح السوق بس ياخوي الصيف وحر وين بتلبس كنادير غليظه مافيه حل آخر وبديل للكنادير الثجيله :aa_whisle:

الموعود
05-18-2008, 09:56 AM
ما خبرتنا انت من اي إماراة علشان نقولك


بس العربي الممتاز خياطة اوكيه وايد بس اسعار شوي مرتفعه عن السوق

الخياط الثاني في نظري عبدالله حسين خنجي عنده الرقع الخفاف وايد اوكيه

وطني أنا أنا وطني
05-18-2008, 09:59 AM
ما خبرتنا انت من اي إماراة علشان نقولك


بوظبي ...............

البروفسور
05-18-2008, 10:03 AM
انا شكلي بقاطعهم العربي الممتاز للابد

هذي ثاني مرة اسير لهم ويرمسوني بطرف خشومهم وبعد الكنادير يخلصن عقب شهر

خلى المذله لغير ولا تسير العربي الممتاز نصيحه مني .. خلك على الخياييط اللي تحترم الزبون

وطني أنا أنا وطني
05-18-2008, 10:04 AM
اشكركم على الردود
و الله انا دوم اسمع عن العربي الممتاز بس ما قد دخلته .. بس الكل يشتكي من اسلوبهم السيء و من اسعارهم الغاليه (كندوره ب 400 درهم حرام و الله)

طيب شو في مكان غيره ؟؟؟؟؟؟؟؟؟؟؟؟؟

بوسلطان80
05-18-2008, 10:22 AM
عندك المشير في الشارجة ودبي.......................خياط دقيق جدا في التفصيل........يعني على قياس جسمك بالضبط

اذكر يوم سرت العربي الممتاز.............فصلي كندورة كأنها مل رائد فضاء :aa_Doh:


نفس ما قلتلك المشير من رايي الافضل

عيناوي العاصمه
05-18-2008, 10:41 AM
انا عن نفسي افصل عند العربي الممتاز (فرع مدينة زايد, الفرع الثاني تعبان ما يصلح) .. احسن قطع و احسن تفصيل... صح مرات يذلونك بس لو تسير لهم في الاوقات العاديه, يعني مب في المناسبات, ما بتشوف زحمه, يعني عادي يخلص لك الكنادير في إسبوع أو 10 أيام ..... فصل لك من الختم احسن شيء ... الكندوره على 240 درهم مب غاليه وايد و مب ثقيله وايد و لا هي خفيفه ... أما الألماني و الفلاح هذا وايد ثقيل و غالي !
و عندك بعد خياط الدفه في بوظبي (مدينة زايد) اسعارهم حلوه و شغل عدل, و نفس الشيء بالنسبة لعبدالله حسين خنجي الي فالخالديه ... بس زحمممه ما شيء باركنات سير الصبح أحسن لك !!!!!!!!

الراشدي
05-18-2008, 11:27 AM
يعجبني المشير .. الخياطة مميزة .. أما القماش فعلى حسب ذوقك يتحدد السعر

HE@RT
05-18-2008, 11:28 AM
دور لك خياط رخيص وسريع ويبغي يترزق وألحين الخياييط كلهم شرى بعض
ترى هو موديل واحد مابيخترع ولا بيطرز ولا بيصمم



باجر أضن وليد عطاالله بيفصل عربيات ورقع حق الشباب

محمد فقير
05-18-2008, 11:29 AM
افضل عبدالله حسين الخنجي في ابوظبي هو الافضل وسعره مقبول

مدمر شعباوي
05-18-2008, 11:35 AM
انا افصل عند الاميري ف الشارجه

و هو يعتبر من افضل محلات الخياطه الرجاليه ف الشارقه

و انا اتعامل معاه تقريبا 15 سنه

alfalahi
05-18-2008, 11:44 AM
اتصل بمحمد غراب وسئله وين يفصل كناديره :head:

BLADE
05-18-2008, 11:46 AM
المشير في دبي
والكشخة في الشارقة

ALMOST
05-18-2008, 11:51 AM
..

زين زين زين

يالله شباب طلعوا خبراتكم

انا آخر مره مفصل عام 2006 :aa_Doh:

مفصل 10 كنادير مره وحده !!

راجع البلاد قريب ان شاء الله وبفصل مره ثانيه

يس يس يس

:aa_tan:

..

وحداوي99
05-18-2008, 11:53 AM
العربي الممتاز الأفضل

النورس الحزين
05-18-2008, 11:54 AM
جبل عرفات على شارع الشيخ زايد
تفصيل ولا اروع
عنده قطه خفيفه ممتازه للصيف
اسعاره ممتازه
واسلوب تعاملهم جدا راقي

Mr.J
05-18-2008, 11:56 AM
المسرور في صحارى //

yasi111
05-18-2008, 11:57 AM
انا الصراحه مع العربى الممتاز دقه فى كل شى فى الخياطه وموعد التسليم

ALMOST
05-18-2008, 11:57 AM
..

ضعنا الحين

:aa_mtkasr:

..

Blancos
05-18-2008, 12:16 PM
نصيحتي مادامك تحب القطعه الخفيفه لاتسير العربي الممتاز سرلك حيـا الله محل وفك عمرك من مذله العربي الممتاز ...


العربي الممتاز محتكر قطعتين الختم والالماني وجابر الشباب على انه يفصلون عنده بس والله خياطته هب شى وانا اخر مره مفصل عنده خياطه مثل ويهـه وتندمت لاني فصلت عنده . .


مثل ماقتلك دورلك على خياط ثااني دامك تحب القطعه الخفيفه وفصل بسعر رخيص وانت والخير ربـاعه . . .

بوسلطان80
05-18-2008, 12:20 PM
الله يرحم ايام زمان...........

اغلى كندورة كانت ب 100 درهم :aa_Doh:


ظهر عربي الممتاز .............وجلب السوق كله:aa_blow:

بنت العاصمه
05-18-2008, 12:25 PM
هو في غيرهـ العربي الممتاز...

الثائر
05-18-2008, 12:26 PM
جبل عرفات سوق الذهب في دبي .. ما بتندم

الموعود
05-18-2008, 12:29 PM
في خياط عند جمعيه المشرف وايد يمدحونه بعد

الشرقي
05-18-2008, 12:44 PM
النوخذة الى جدا نادي الشباب ماعليه غبار

وصلاوي180
05-18-2008, 01:14 PM
العربي الممتاز ،،

بدون شك ،، ولا اختلاف ،،

او المدني ،،

عندهم قطعه اسمها الدايم ،،

والله معاك ،،

Bastos
05-18-2008, 01:19 PM
السلام عليكم و رحمة الله و بركاته

أنصحك يا أخوي تفصل من عند خياط الغواص في شارع خليفة .. ينب المندوس .... صراحه خياطته زينه .. و أحسن من العربي الممتاز



و عنده الغليظ و الخفيف ... و أنا أمس مفصل من عنده كنادير حق الصيف خفاف .. فصلي الست 1020 درهم .. الوحدة 170 درهم ... جرب تفصل عنده و ما بتندم


و خلك عن العربي الممتاز مغلي الأسعار .. و كناديره تقول طربال !!!!


و سلامتك .. وبالأخير أنت الي بتفصل مب نحن ...


يعني أختار الي يناسبك ..


و سلامتك

Ralza
05-18-2008, 01:29 PM
النوخذة الى جدا نادي الشباب ماعليه غبار


داش الموضوع عسب اقوله سير عند النوخذه .. الصراحه من بعده نسيت خياييط الدنيا كلها .. :aa_wink:

سبايدر مان
05-18-2008, 01:50 PM
في رأي الخياطه لصاحب الكندوره دور كبير ف توجيه الخياط في التفصيل ومثله مثل الحلاق يباله وقت لين يتعود عليك وعلى ستايلك, عموما انا بعطيك ثلاثه 2 فصلت عندهم والثالث سمعت عنه وهم في بوظبي:

الدفه (خياطي) والحين اجرب القواص ونجح يعني صار عندي 2 خياط..

ضوء القمر خياط سمعت عنه ولكن ما جربته بس عندي واحد من الربع يمدحه وبصراحه مرتب الثوب عليه,,

اذا انت تختار


العربي الممتاز أقدمهم ولكنه عنده اولويات يعني منو أنته وشو اسم قبيلتك امور يحطها بأعتباره خصوصا في الأعياد والمناسبات, يعني في الزحمة الله يعينك,,


هذي نبذه عن حياتي أقصد عن خياطي,,


وان شاء الله الدوري جزراوي


:aa_okik:

,,

علووش
05-18-2008, 02:04 PM
انااا دووم افصل ف خياط العربي اللي عند جمعية العين فالسووق
من اول يوم لبست فيه كندووره انا افصل يعني استوى اربيعنا

وعندك بعد يمدحوون عمر المختار >

بدون اسم
05-18-2008, 02:30 PM
عليك بالخياط المدني في دبي ( السطوة ) رخيص وتفصيله ماعليه كلام وإحترام قبل كل شي

fazza2
05-18-2008, 02:43 PM
يا اخوي سر وفصل في خياط المقناص الاصيل في الخالديه -دائرة المياه تفصيله رهييييييييييييييب وعجيب صاحب المحل اسمه غلام ريال طيب .........اسال عنه ما بتخسر .........بس نصيحه سر الصبح او الظهر لانه في المساء ما شيء باركنات

uaeloool
05-18-2008, 02:46 PM
النوخذه بدبي !!

جبل عرفات بمختلف فروعه زين و سعره مناسب اليوم بسيرله بستلم الكنادير الصيفية ..

WelD JmaiRa
05-18-2008, 02:53 PM
عندك المشير
وعندك جبل عرفات << الصراحه خياطته حلوه وسعره معقول
واذا انته في دبي سير المدني اللي في السوق الجديم زين بعد


اما العربي الصراحه مبالغ وااايد

MAFIA_STYLE
05-18-2008, 02:59 PM
المدني

و جبل عرفات

و المشير

و مجموعة المراغي

و التلال


احسن خياييط في البلاد

العربي الممتاز مال اول

الصولج
05-18-2008, 03:05 PM
1- العربي الممتاز

2- المشير

3- الخنجي

اماراتي100%
05-18-2008, 03:56 PM
اهون عليه اسير عند اللي اسعاره مرتفعه حسين خنجي ولا اسير عند العربي الممتاز اللي قاص على خلق الله ومتكبر عليهم.
خياط يعاملكم بهالاسلوب ويذلكم هالمذله وتروحون له !!

.. انا اتعامل مع اكثر من خياط في ابوظبي .. وجودة خياطهم في رأيي نفس جودة العربي الممتاز واسعار اقل طبعا.. ومعامله افضل وانجاز الشغل في وقت ممتاز ..

وبعد ايام بجرب حسين خنجي.. يقولون عنده قطع ممتازه للصيف.

بدل هالكرتون اللي لابسينه الشباب.. ويعتقدون بانه كشخه.

ELJDeeM
05-18-2008, 04:07 PM
مالك غير المشير .....

Mania
05-18-2008, 04:11 PM
انا افصل عند العربي .. بحكم الوزن وانه الختم تخبي بعض من المستور ..

لا يسير بالكم بعيد مب متين لهايج الدرجه شويه بس ..


بس انصحك بجبل عرفات .. شارع الشيخ زايد ..


اشوف كل اللي يفصلون عنده اوكيه .

الـعقرب
05-18-2008, 04:25 PM
العربي الممتاز


وللصيف الحين ينفعلك خنجي


تحياتي

fa9ool
05-18-2008, 04:29 PM
يخوك انا انصحك خياط v.i.p في راس الاخيمه يفصلك كنادير خفيفه نفس ما طويل العمر........... ويوم تلبسهاه اتحس انك لابس كندوره خصتاا في الصيف ياسلام بس هاه لازم تكون خفيف الوزن عشان ما تنفضح:aa_Snack:

العميد الاماراتي
05-18-2008, 04:45 PM
انا شكلي بقاطعهم العربي الممتاز للابد

هذي ثاني مرة اسير لهم ويرمسوني بطرف خشومهم وبعد الكنادير يخلصن عقب شهر

خلى المذله لغير ولا تسير العربي الممتاز نصيحه مني .. خلك على الخياييط اللي تحترم الزبون




خياط التلال ...عندهم فرع في الشارجه وعيمان وام القيوين ورأس الخيمة ...

بس في واحد اسمه شفيق في فرع عجمان الصراحه انه اوكي ويتفيجلك صح ... قبل شهرين سار فرع رأس الخيمة قلت خلاص ما بفصل عندهم لان الباقين ما يعرفون ياخذون قياس ويرتبون الكندوره ولكنه عاد من اسبوعين والحين بسير بفصل كم كندوره حق الصيف والعيد قبل الزحمه ...

عبدالله 81
05-18-2008, 04:56 PM
بالنسبه لي أفصل عند النوخذه، مقابل المحطه الكبرى في الممزر.

عندي خصم 25 % وأتعامل وياه من سنتين، والخدمه بصراحه 100% شاي وعصير وسوالف.
وعندهم خدمة المسجات يوم يخلصن كناديرك يطرشونلك مسج.

وكناديرهم مب غاليات، تفصل الكندوره بـ 200 - 250 درهم .. يعني أسعارهم معقوله نوعا ما.

رحالو
05-18-2008, 05:02 PM
كارفور يبيع كنادير جاهزه:aa_asnan:




خخخ



العربي ما ينفع وقت المناسبات و لا الصيف







الغواص فمدينة زايد و شيء محل اسمه ضوء القمر على ما أعتقد فالخالديه





ربعي يسوون كناديرهم مناك و كلهن أوكيه و أرخاص

RuiCosta
05-18-2008, 05:05 PM
عندك جبل عرفات اللي في شارع الشيخ زايد .. ماعليه كلام خياطي المفضل اتعامل وياه من سنين


في الفترة الاخيرة قمت افصل عند الوطني اللي في مركز الغزال ( الضيافة ) .. يخلصهن لي في يومين .. راعيه ولد راعي خياط المدني

زايد_101
05-18-2008, 06:07 PM
الخيااااااااااااااااااااط العربي الممتاز لا غيييير صحييح اسعاره عاليه ولكن خلق الي عنده 100 100... وعن الحر وغيره ما اعتقد عائق وين بتسير انت بتركض يعني تراك يالس في مكتب على ذاك المكيف او ساير المووول ......حيااكم وما انصحك بالختم مب شئ والجنرال هو نفس الالماني مع اختلاف المسمى نصيييحه خذ الالماني خذ خمس او ست كنادير ولا تفصل عقبها سنتين على ضماانتي

Wahdawy
05-18-2008, 06:19 PM
خياط الاتحاد في مدينه زايد خياط اوكي وعنده كل انواع القماش ختم الماني وخفيف انا دومي اخيط عنده

نصراوي_vip
05-18-2008, 06:22 PM
المشير فـ ديره..!!

Francesco Totti
05-18-2008, 07:47 PM
المشيــــــــــــــــــــــــــــــر

الموعود
05-18-2008, 07:50 PM
نيكولاس .... اروشي .... إلي صعب

او فير ليدي

افضل شي

ولا في كنادير في كارفو طررر الصراحه

Tycoon
05-18-2008, 07:52 PM
بتكلم بالنسبة للخياطين اللي في بوظبي

سمعت عن المشير بس ما جربت افصل عنده!!

بقولك اياها من الآخر وطولوا بالكم يا شباب :)

العربي الممتاز (انسى موضوعه دام انك تدور قطع خفيفة)
وأصلا لين متى نحن الشباب بنركض ورا هال [الكراتين]!! << تقريبا خمس سنوات افصل عندهم والكندورة ما تعيش معاي سنتين تفصيل جيد (مب ممتاز) لكن خامة تعيسة لا ختم ولا الماني ولا هم يحزنون :aa_Doh:

خنجي (قطع حلوة وتفصيل تعبان للأسف)
مفصل عنده 4 كنادير لبستهم مرتين وسيده للهلال الأحمر >> العقم قاموا يطيحن!! :aa_mo6reqa:

الغواص (تفصيله يعتمد حسب معرفته للشخص) وهالنوع مادانيهم!! :aa_news:

تبا الشور؟؟؟

دعاية بلاش
جرب ونت مب خسران,, كندورة وحده
سير عند السوق الجديم عمارة بوحليقة فيها (محلات بوحليقة وخنجي والشلة الباقية,,) بتحصل عدال خنجي محل اسمه المراسيم
الكندورة ب 170 قطع خفيفة وتفصيل راقي (بمعني الكلمة) ما تحس انه لابس كندورة تخبر عن الشكيبو والتيوبو اللون الثلجي وادعيلي :head:

السبع
05-18-2008, 08:03 PM
حقيقة الخياط العربي الممتاز تفصيل مميز ... وحتى الخياطة لديهم طيبة ...

وبالنسبة للخامات ... فأصبحت متوفرة في كل المحلات تقريبا ... ما شاء الله ....


انا الصراحة ..من سنة أخذت نصيحة أحد الزملاء من العمل .... وقال لي جرب الخياط الأهلي ... موجود فرعه بالخالدية بجانب مطعم زهرة لبنان ... وفرع في مدينة زايد ..

فصلت عنده ثوبين ... ما شاء الله رقعة طيبة ... وخفيفة ... وشبه واقفة ... وتفصيل وخياطة ممتازة ما شاء الله ...

وعندك خياط طارق أمام سوبرماركت فاطمة بالخالدية ... تفصيله ممتاز ما شاء الله بس عيبه الوحيد ... ما عنده خامات حلوة ... يعني تاخذ لك خامة الي تعجبك من السوق وجرب تفصل عنده ...

وفي النهاية ... تعددت الاختيارات والهدف واحد .:aa_wink:

.. ونصيحة....اختار ...ثم توكل على الله ... واستخر ...

Bastos
05-18-2008, 08:04 PM
الغواص (تفصيله يعتمد حسب معرفته للشخص) وهالنوع مادانيهم!! :aa_news:



صراحه الغواص .. تفصيله أوكي .. وأنا أفصل عنده من سنتين .. و يفصلي زين ..

online
05-18-2008, 08:34 PM
انا شكلي بقاطعهم العربي الممتاز للابد

هذي ثاني مرة اسير لهم ويرمسوني بطرف خشومهم وبعد الكنادير يخلصن عقب شهر

خلى المذله لغير ولا تسير العربي الممتاز نصيحه مني .. خلك على الخياييط اللي تحترم الزبون




أتفق معاك ياخوي والله كلامك محله وما يستاهلون الواحد يروح عندهم

صار لهم سمعه بس عالفاضي مع ان فيه خياطين احسن منهم

الشحي2
05-18-2008, 09:24 PM
بصراحة العربي الممتاز يلوعون بجبدك بمعاملتهم الخايسة تقول ياي تشحت عنهم
يا أخوي عليك بخياط الكشخة في الشارجة بصراحة من سنين أتعامل وياه وما عليه كلام
والسموحة

عشقي احمر
05-18-2008, 09:51 PM
ماشـــــــــــــــــــــــــــــــــــــــــــــــ ـــــــــــــــي

القنيص
05-18-2008, 10:00 PM
عليكم بالنعماني تفصيل ب 120 درهم بس وكندورة تعيش 5 سنين وخياطته ممتازة والخامات الي عنده من احسن الانواع

لا عربي ممتاز ولا غيره

RuiCosta
05-18-2008, 10:16 PM
العربي الممتاز .. يتطالعون آخر اسم لو من القبائل المعروفه يحترمونك


والقطع اللي عندهم تصفر و تقصر بسرعة

وطني أنا أنا وطني
05-18-2008, 11:07 PM
مشكورين على ردودكم ما قصرتوا .

بومحمد العبيدلي
05-18-2008, 11:26 PM
المشير وبس يا خوي ولا تفكر بديل

عيناوي العاصمه
05-19-2008, 09:07 AM
المشير يبالنا نجربه اشوف وايدين يمدحونه ما شاء الله

الكا111شخ
05-19-2008, 11:35 AM
انا مستغرب من اللي يقولون العربي الممتاز وقبايل شو يخصه @@ اللي اذكر ان راعيه بلوشي واللي يشتغلون فيه بلوش يعني لو يوه ناس مب بلوش بيطنشهم وبيلبسهم ؟؟ بالعقل هاي تجاره

انا راسي افتر من كثر اسامي الخياييط

العربي الممتاز جربته وبصراحه تدفع عليه اكثر بس ماتجسف بسرعه بس صوب الكم يقهر<<<< اهم شي
المشير جربته بس ماعيبني شرات العربي الممتاز
ماجربت الكشخه جربت اللي حذاله اسمه المعلم بعد تفصيله حلو بس تدفع شويه زياده والدنيا بخير
الغواص جربته حلو ومنافس قوي للعربي الممتاز

سمعت كذا واحد يرمس خنجي وخنجي شكلي بسير اجربه دام اني فبوظبي هاي الايام:hii:

اتعرفون صيف وحر ماينفع تلبس طربال فالرطوبه هاي
ولا تلبس لينه ميته تكشف المستور:aa_whisle:

انزين شباب ليش ماتغيرون عالبدلات والجنزات:uae: تراها حلوه ويمدحونها بس مافيه خصومات الحين اتريا المهرجان:aa_Dance:

wld.zayed
05-19-2008, 11:47 AM
انا شخصيا افضل عبدالله حسين خنجي الي في الخالديه

القطع الي عنده خفيفه ومميزه وتفصيله وايد اوكي واهم شي تعاملهم الطيب والمحترم مع الزباين


وفي خام خفيف وزين للصيف عند العربي الممتاز نسيت اسمه بس سعره نفس سعر الختم 240 درهم

عيناوي العاصمه
05-19-2008, 12:09 PM
انزين شباب ليش ماتغيرون عالبدلات والجنزات:uae: تراها حلوه ويمدحونها بس مافيه خصومات الحين اتريا المهرجان:aa_Dance:


تبى تطلع الفضايح انت :aa_kashra::aa_kashra:

رمــــاد الــــشــــوقـــ
05-19-2008, 12:09 PM
لولا اختلاف الآراء لبارت السلع :)


المشير ----> :head:

جبل عرفات ---> :head:

العربي الممتاز ---> ممكن تفصّل عنده كندورة والا ثنتين وتخليهم بس للمناسبات فقط فقط فقط ،،،، لأن السعر غالي والقطعه للأسف الشديد مع تكرار اللبس والغسيل تخترب أسرع عن قطع الخياييط الثانية :(

ظبيانية
05-19-2008, 02:43 PM
العربي الممتاز أقدمهم ولكنه عنده اولويات يعني منو أنته وشو اسم قبيلتك امور يحطها بأعتباره خصوصا في الأعياد والمناسبات, يعني في الزحمة الله يعينك,,







,,

:cra::cra::cra: لووووووووول بصراحة ما قدرت الا أعلق ,,,

شله شو قبيلتك !! بيناسبك هو ؟؟

و الله أنهم فنتك :aa_Doh:

fazza2
05-19-2008, 04:14 PM
المقناص الاصيل الي في الخالديه وبس ما شيء غيره

تعامله والخام الي عنده صاحب المحل غلام طيب وحبوب

وطني أنا أنا وطني
05-22-2008, 10:00 AM
مشكورين مره ثانيه و بسير المشير ان شاء الله

عشقي احمر
05-22-2008, 11:44 AM
اتصل بمحمد غراب وسئله وين يفصل كناديره :head:

ترا عنده محل خياطة عند بنك القاهرة وانته داش سوق الكويتي فراس الخيمة

روح لهم و قولهم ابا قطعة محمد مطر :aa_inter: ترا يمدحونها

Ļнή Al мғαŕg ™
05-22-2008, 11:55 AM
اذا تحب الكنادير الخفاف


انصحك اخوي

تسير لخياط جمال سالم فمدينة زايد

قبل حلاق المسرور والخ بييك خياط اسمه جمال سالم


افضل خياط

تحياتي

uae2003
05-22-2008, 03:13 PM
السلام عليكم

كيف الحال يا أعضاء منتدى الهدف ؟

قبل كمن يوم سرت أفضل كنادير يديده, لأني مب مفصل من زمان, بس تفاجأت أن الخياط الي اتعامل وياه من زمان سكر محله للأبد !!!!!!!!! :aa_boz:

و الحين يبالي ادور على خياط يديد ........ شو رايكم وين اسير لأني محتار بكل صراحه ؟؟

أبى خياط عنده اقمشه حلوه (خفيفه أو ثقيله) و خياطته تكون ممتازه و يا ليت تخبروني بأسعاره (تقريبا يعني)

و المكان مب مشكله سواء بوظبي و لا دبي او غيره من الأماكن . بندبر عمرنا ان شاء الله

و مشكووووووووورين ما تقصرون !




لعربي الممتاز زين
وعبدالله حسين خنجي متخصص في الرقع الخفاف

ونصيحتي فصل الخفاف بترتاح احسن من الثقال

الجمال اليوسفي
05-24-2008, 01:06 AM
جبل النور في عيمااااااان

النيـادي
05-24-2008, 01:11 AM
فصلك خفاف انتهـ والخير ارباعه .. خاصه انها موضهـ هـ اليومين !!

ابوظبي
05-24-2008, 01:18 AM
اعتقد الموضوع اخذ حقه وزياة !

ماشاء الله دعاية لكل الخياييط إبلاش :)

يغلق لكي نناقش مواضيع اخرى أهم :)

مستر عيناوي
05-24-2008, 09:31 AM
اخوي انا امفصل من اسبوع عند العربي الممتاز
وتفصيل ما عليه كلام ورقع ممتازة

هو يايب رقعة يديدة حق الصيف خفيفة وحلوة
اسمها سوبر ختم

في خياط ثاني اوكي بس في العين اسمه الزعيم العيناوي عنده رقعه حلوة بس نسيت اسم الرقعه !!

sarab1
05-24-2008, 10:46 AM
شو السالفة المشرف رجع في كلامه عن اغلاق الموضوع او تدخلت الواسطة

بس بصراحة الموضوع مهم وحساس يسوى الموضوع ان الواسطة تدخل فيه

Xx_وصلاوي_Xx
05-24-2008, 10:55 AM
عن تجربتي .. تراني جربت العربي الممتاز و الخاص و المشير و المدني
بس شرات تفصيل المدني ماشي .. رقم واحد و اسعاره مب غاليه .. على حسب القطعه اللي تباها

عبود سنقل
05-24-2008, 10:57 AM
شو السالفة المشرف رجع في كلامه عن اغلاق الموضوع او تدخلت الواسطة

بس بصراحة الموضوع مهم وحساس يسوى الموضوع ان الواسطة تدخل فيه

ظلمته المشرف مسكين مايخصه

الريال غلق الموضوع بس أمس الليل الساعه أربع الفير

دش فار المنتدى وتم يحاوط في المنتدى

وما خلى قسم من الأقسام ماحطه فيه صور يستحي الواحد أنه يطريها

وكانت المشرفه الي هي زهرة البنفسج موجوده وقامت بغلق كل المواضيع

عسبت الفار ما يحط رد فيهن

فا أعتقد أنه يوم ردت تفتح الموضيع أنفتح الموضوع هذا معاهن



أخوك عبود:wwaw:

sarab1
05-24-2008, 11:08 AM
ظلمته المشرف مسكين مايخصه

الريال غلق الموضوع بس أمس الليل الساعه أربع الفير

دش فار المنتدى وتم يحاوط في المنتدى

وما خلى قسم من الأقسام ماحطه فيه صور يستحي الواحد أنه يطريها

وكانت المشرفه الي هي زهرة البنفسج موجوده وقامت بغلق كل المواضيع

عسبت الفار ما يحط رد فيهن

فا أعتقد أنه يوم ردت تفتح الموضيع أنفتح الموضوع هذا معاهن



أخوك عبود:wwaw:

مشكور اخوي عبود
بالفعل كنت موجود وشفت واحد يكتب بلانجليزي مجرد حروف يكتبها ويطلع

الفنر
05-24-2008, 11:31 AM
في أبوظبي فتح خياط من سنتين وأنا أفصل عنده روعة من الجمال وعنده كل أنواع الأقمشه التي تحتاجها ونفس الذي عند عبدالله حسين أو العربي الممتاز . وإسم الخياط الهامور .

عنوانه في مدينة أبوظبي بجانب إتصالات

المتفيج
05-24-2008, 11:31 AM
العربي الممتاز ما فيه غيره.

Adsense Management by Losha