شو الفرق بين نيسان باترول المسعود والعربيه أوتو موبيل

[عريض المنكبين]

السلام عليكم



شحالكم طيبين أن شاء الله


عندي إستفسار بالنسبه للنيسان باترول السوبر سفاري والسفاري بين وكالة المسعود ووكالة العربيه


السفاري كم سعره في المسعود وكم سعره في العربيه وشو الفوروقات


والسموحه من الوجيه الطيبه

[Moh@mmeD]

وعليكم السلام


اخوي فالسعر اعتقد ما يفرق واذا فرق تراه يفرق 1000 او 2000 ومرات اتحصل المسعود ارخص ومرات العربيه

عل حسب العرض والطلب عند الشركتين


اما الموصفات فهي وحده

وها الشي الحلو اللي فالنيسان انه كل دول الخليج نفس الموصفات

بس الفرق الوحيد يكون فالسفاري

المسعود عنده سفارى بفتحه ودفلوك

والعربيه عندهم بفتحه بس بدون دفلوك


والسوبر سفاري ما يختلف موصفات وحده عند كل الوكلاء في مجلس التعاون الخليجي

بس السعر يفرق

فالامارات لكثرة الطلب عل الباترول انشوف سعره غالي خاصه اذ قارنته بالوكيل السعودي اللي عنده الباترول ارخص من الامارات بحدود ال 10 الاف درهم ويمكن اكثر رغم انه الموصفات وحده

[Moh@mmeD]

السموحه ما انتبهت انك طالب السعر


بس حسب معرفتي


السفاري عند العربيه اذا كان بفتحه سعره 147 الف واذا بدون فتحه بسعر 144 الف

اما المسعود السفاري بفتحه ودفلوك سعره عل حسب اخر مره سائل عنه 151 الف درهم

[عريض المنكبين]

ملك القلوب جزاك الله خير على المعلومات


سألت المسعود عن السفاري بفتحه وغير أوتوماتيك قالوا لي 158000 الف
والعربيه قالوا لي 151000 فتحه وغير أوتو بس لازم أتريا شهر
وفي العوير 152000 الف فتحه وأوتو

شكراً

[بن حريجة]

تسلم يالملك..

دايما تخصص فتك ، الجواب عند ملك القلوب..
الف تحية شكر وتقدير لملكنا..
ملك القلوب

[رحالو]

شو يعني دفلوك ؟

[Moh@mmeD]

رحال ما اتعرف شو دفلوك


خخخخخخخ اتصدق انا روحي ما اعرف كيف اشرحها


بس ها نظام فالسياره مساعد للدفع الرباعي

في الاماكن الطينيه و الرمال الناعمه وحتى لما تعلق السياره

من ميزته انه يوقف دوران الاطارات اللي ادور عل الفاضي ويوزع قوة الدفع عل الاطار اللي ماسك فالارض