مشاهدة النسخة كاملة : مأساه طلاب المعهد البترولي


ليفربولي عيناوي
02-25-2008, 09:51 PM
كأي طالب، وبعد التخرج من الثانوية العامة كثير من المجالات كانت متاحة لنا في أماكن أخرى قد تسعدنا ولكنا فضلنا الالتحاق بالمعهد البترولي طمعا" في المستقبل الأفضل ولما يقدمه من مميزات تشمل:

• سكن ووجبات مجانية
• مواصلات اسبوعية لخارج امارة أبوظبي
• مكافأة فصلية ( 20 ألف لمن يصل معدله الفصلي 3 فما فوق و 15 ألف لمن معدله 2،5 إلى 3 ، علما بأنه كان هناك رواتب شهرية في بداية افتتاح المعهد)

ولقد تم توقيع عقود للطلبة على هذه البنود.وبعد مرور فترة تم تغيير هذه البنود على أساس أنها في مصلحة الطلبة مثلا":

• تم تغيير نظام المواصلات لتكون كل أسبوعين بحجة إتاحة الفرصة للإستمتاع بمرافق المعهد مما اضطر غالبية الطلاب لاستخدام سيارات الأجرة للذهاب لمنازلهم.

• تم تغيير نظام المكافآت المرفق. الذي يقضي بأن يكون المعدل الفصلي والتراكمي 3 فما فوق. ومن الواضح أن الطالب ذو المعدل التراكمي الأقل من 3 قد يحتاج إلى أكثر من فصل لرفع معدله التراكمي. وإن أقصى مكافأة لا تتجاوز 13 ألف.

• تم فرض رسوم على الأكل للطلاب . علما بأن أي وجبة خارج المعهد قد لا تتجاوز الخمسة عشر درهم.


ومن القرار الجديدة التي لا تعقل هي توفير رواتب شهرية للطلاب الجدد (ألف وخمسمائة درهم). وهي رواتب قد تكون بسيطة للبعض ولكن قد تساعدهم في كثير من الأمور كالأكل و وقود السيارات. والسؤال هو حول أولوية الحصول على الرواتب أهي للقدامى أم للجدد. مع العلم أن الإدارة تعترف بأنه قرار خاطئ.

ومن الجديد على المعهد، السماح لطلاب ينتمون لشركات أخرى بالدراسة فالمعهد. وإذا ما أراد طلاب المعهد الانضمام لهم طمعا" فيما يحصلون عليه من رواتب و مكافآت يردون عليهم بالازدراء والسخرية.
وزيادة على ذلك، فإن شركة أدنوك تتبنى طلاب من جامعات و كليات أخرى وتوفر لهم رواتب بشرط انضمامهم لها بعد التخرج. وبما أننا طلاب في المعهد البترولي فنحن جزء من شركة أدنوك...وهنا أعيد صياغة السؤال:
(لمن الأولوية في الحصول على المساعدة؟؟؟)


ومما يتداوله الناس في هذه الايام هي زيادة الرواتب وغلاء المعيشة ،،، ولكن أين طلاب المعهد من هذه الدوامة؟؟؟
قد يقول البعض أن وضع طلاب المعهد أفضل من كثير من الجامعات،، ولا شك في ذلك ما لم توجد هذه القرارات....ولكن جميع طلاب المعهد انضموا إليه على أساس ما وقعوا عليه فالعقود. فهم لا يستطيعون تحمل غلاء المعيشة دون مساعده......
ولكم أن تسألوا الطلاب القدامى فالمعهد ما إذا كانوا سينضمون للمعهد لو علموا ما يخبئ لهم...

وتم رفع هذه الشكوى من طلاب المعهد الذين عانوا ويعانون من هذه القرارات التعسفية التي جعلت كثير من الطلاب يندمون على الالتحاق فالمعهد. وتسببت في خروج الكثير منهم، أملا" في جذب اهتمام المسئولين إلى هذه القضية وحبا" في معرفة رأي أصحاب السمو الشيوخ فيها .
راجين الله تعالى أن ييسر الأمر ويفرج عن أبناء المعهد البترولي................وشكرا

ALMOST
02-25-2008, 09:55 PM
..

الله يعينكم


وفي الاخير بيفرونكم في هالجزر عند السموم القاتله ..

لازم يدلعونكم الحين وكافي انها ادنوك!!

..

الله يعينكم ياخوي وفكر في دراستك ..

ترى محد بيعبرك ..

السموحه..

صياد غليله
02-25-2008, 10:01 PM
ياخي من زمان و الطلاب يشتكون و ما حد معبرنهم:aa_frwon:
مع بداية كل كورس نتريا قرارات يديدة ضد مصلحة الطالب
نصيحة لطلاب الثانوية لا تفكروا في المعهد البترولي

رحالو
02-25-2008, 10:02 PM
صدقك



أنا كم واحد يقربلي و من الربع بعد موجودين مناك و كل مره يغيرون القوانين عليهم بدون ما يراعون مصلحتهم



و فيه وايد أشياء بعد بس ما أريد أناقشها





و الحمد الله أني فني - اللي عندالكم بس ودونا مكان ثاني الحين - مرتاح و كل شيء سهل و ميسر

دمي أحمر
02-25-2008, 10:07 PM
انا ولد عمي يدرس هناك .. من 4 سنيين ..

اول سنتين كان يمدحهم والحين يقول الله لا يراويك ..

ما انصح اي حد يدخل المعهد ..

يقولي انه التغيرات ما تخلص ..

الله يعينهم ..

naser27
02-25-2008, 10:49 PM
كل هذه القرارات تطفيشية
والمصيبة بعد التخرج عندما تعمل في احدى شركات أدنوك التي لا تهتم بتدريب المواطنين
تجد نفسك ضايع وليس لك أي هدف ولا يسمحون لك أنك تتحول الى شركة أخرى
ويوم تستقيل يرفعون عليك قضية

أنا أعرف مهندس مواطن درس على حساب أدنوك ويوم اشتغل في أحد مصانع أدنوك طلعت عنده مشاكل صحية تمنعه من العمل بالمصنع. تم تحويل ملفه الى أدنوك وللأسف قاموا بتفنيشه وكان باستطاعتهم تحويله الى المكتب الرئيسي للشركة للاستفادة منه.

الله يعين الطلاب في المعهد البترولي
اللي باستطاعته أنه يتحول الى جامعة الامارات بالعين فليتوكل على الله ويحول ولا المذلة من شركة أدنوك

أنا درست في جامعة الامارات وحاولت أدنوك أنها تعطيني منحة ورفضت
أنا حالياً أعمل في أحد شركات أدنوك التي تعتبر الأفضل من ناحية متابعة وتدريب المواطنين بفضل الادارة الواعية التي تدير هذه الشركة

game over
02-25-2008, 10:59 PM
الله يكون بالعون
يا خي وين المسؤولين عن هاي المصخرة
[

northstar
02-26-2008, 03:23 AM
الكلام في المنتديات ليس هو الحل أخي الكريم
وبما نكم استنفدتكم كل الوسائل للحصول على تجاوب من الاداره
أفضل حل انه مجموعه (على الاكثر ثلاثه) منكم تسير لديوان الشيخ محمد بن زايد وتقابله وتشرح له الموضوع وتدعيم اقوالكم بملف يحتوى على كل القرارات التى تضمنت اجحافا للطالب وابو خالد ما بيقصر

وما ضاع حق وراءه مطالب ولكن السعي وبذل المجهود هو طريق الوصول لذلك الحق

عيناوي العاصمه
02-26-2008, 10:48 AM
ان الله يمهل و لا يهمل .

KHALID AL NFS
02-26-2008, 11:34 AM
شو تتوقعون دام انه الي يصدر القرارات واحد اجنبي او زلمه وجماعتنا يقولوله سمعا وطاعه.

سالم بن محمد
02-26-2008, 01:42 PM
انا من عرفت انهم قاموا يدرسون زلمات فيه غسلت يدي منه

capitano
02-26-2008, 02:43 PM
الله يعينهم الطلاب في المعهد البترولي

ua7e
02-26-2008, 04:09 PM
أكيد انت في ادما لانها الشركة الوحيده الي تهتم نوعا ما في المواطنين


كل هذه القرارات تطفيشية
والمصيبة بعد التخرج عندما تعمل في احدى شركات أدنوك التي لا تهتم بتدريب المواطنين
تجد نفسك ضايع وليس لك أي هدف ولا يسمحون لك أنك تتحول الى شركة أخرى
ويوم تستقيل يرفعون عليك قضية

أنا أعرف مهندس مواطن درس على حساب أدنوك ويوم اشتغل في أحد مصانع أدنوك طلعت عنده مشاكل صحية تمنعه من العمل بالمصنع. تم تحويل ملفه الى أدنوك وللأسف قاموا بتفنيشه وكان باستطاعتهم تحويله الى المكتب الرئيسي للشركة للاستفادة منه.

الله يعين الطلاب في المعهد البترولي
اللي باستطاعته أنه يتحول الى جامعة الامارات بالعين فليتوكل على الله ويحول ولا المذلة من شركة أدنوك

أنا درست في جامعة الامارات وحاولت أدنوك أنها تعطيني منحة ورفضت
أنا حالياً أعمل في أحد شركات أدنوك التي تعتبر الأفضل من ناحية متابعة وتدريب المواطنين بفضل الادارة الواعية التي تدير هذه الشركة

صقر الإمارات
02-26-2008, 04:17 PM
الله يكون في عونكم ...

لا القهر .. انهم قاموا يدرسون الزلمات فيه ...

يعني هالزلمات وراك وراك ... ما في مكان يرومون يسيرونه المواطنين عسب يبدعون فيه إلا و لقيت الزلمات وراهم ..

لا حول ولا قوة إلا بالله ...

ليفربولي عيناوي
02-26-2008, 06:45 PM
الكلام في المنتديات ليس هو الحل أخي الكريم
وبما نكم استنفدتكم كل الوسائل للحصول على تجاوب من الاداره
أفضل حل انه مجموعه (على الاكثر ثلاثه) منكم تسير لديوان الشيخ محمد بن زايد وتقابله وتشرح له الموضوع وتدعيم اقوالكم بملف يحتوى على كل القرارات التى تضمنت اجحافا للطالب وابو خالد ما بيقصر

وما ضاع حق وراءه مطالب ولكن السعي وبذل المجهود هو طريق الوصول لذلك الحق


محد من الشباب يقدر يوصل لبو خالد لو حد من الشباب لقا

الطريقه جان ما بيقصر بيسير

مره طرشنا للديوان ويمكن ما وصلت

للأسف الزلمات هم من يعيش في المعهد بطريقه أحسن مننا

لو تدش المطعم تحصل نسبه 1 إلى عشره زلمات

والمشكله أنه ما في حد قادر يتكلم لأن اللي ماسك الموضوع كله واحد إيراني

k7eel
02-26-2008, 08:04 PM
في البداية, مرحبا أمير البنفسج

خبرني أنته أي سنة الحينه في المعهد .. و أي تخصص؟



الله يعينك .. ويعينا معاك :)

بانتظار رد أحد المسؤولين يشفي صدورنا

عسى الله يفرجها علينا

ليفربولي عيناوي
02-26-2008, 08:09 PM
أنا من السنه الثالثه والشباب كلهم يعانون

أنا من خلال وجودي بهذا المنتدى الحبيب

أريد أن أعمل واجبي

وتخصصي Mechanical Engineer

الكااااس
02-26-2008, 08:18 PM
انا واحد من الشباب اللي طفشوا...

ندمت بس على شي واحد ... اللي هو اني ضيعت وقت من عمري على ناس ما يهتمون بحد ...

والحين الحمدلله مرتاح ...

ليفربولي عيناوي
02-26-2008, 08:35 PM
انا واحد من الشباب اللي طفشوا...

ندمت بس على شي واحد ... اللي هو اني ضيعت وقت من عمري على ناس ما يهتمون بحد ...

والحين الحمدلله مرتاح ...

الكاس أحسدك الصراحه بس الغالي

أنت فكرت صح بس نحن الحين ثالث سنه وفي ناس أكبر

تخيل لو ظهروا بتضيع عليهم ها السنوات

ولا يوم يظهرون تكون مده شهادات الثانويه العامه أنتهت بنسبهها العاليه اللي الناس

تعبوا فيها

كل الطلاب بين ها النارين

تصدق أن بدايه هاي السنه محد ياهم من الشباب قالوا لهم بنعتمد معاشات للطلاب

اليدد فقط وبعد ما دشوا قالوا لهم بس لمده كورسين المعاشات وبعدها كيفكم

خلك ريلكس
02-26-2008, 08:58 PM
بصراحه الامتيازات الي كانو يحصلون عليها بدت تتبخر عنهم شوي شوي

الموعود
02-26-2008, 09:19 PM
0اضف الي ذالك معظم الطلاب الي يدرسون هناك تصيبهم حاله نفسيه

Brave Heart
02-26-2008, 10:30 PM
السلام عليكم

حد من طلاب المعهد البترولي يعرف شو جنسية مايكل أوحادي ؟؟؟؟

و ليش الثقه العاليه المعطاه لهذا الشخص؟؟؟

ليفربولي عيناوي
02-26-2008, 10:35 PM
السلام عليكم

حد من طلاب المعهد البترولي يعرف شو جنسية مايكل أوحادي ؟؟؟؟

و ليش الثقه العاليه المعطاه لهذا الشخص؟؟؟

هذا هو الإيراني اللي أطريه وعنده

جواز سفر أمريكي

الثقه اللي معطاينها أياه تتجاوز أي حدود

صياد غليله
02-26-2008, 10:48 PM
لا و من حطو مايكل أحادي و المدرسين الإيرانيين يزيدون في المعهد يعني واسطة لعيال بلاده

اماراتي وكلي فخر
02-26-2008, 11:00 PM
هلا والله اخوي


انا اثنين من اعماامي يدرسون فالمعهد




واحد منهم صارله ثلاث سنين يدرس وكل يوم اشوفه احس ان ويييهه متغير 180درجه يعني وييه تحس انه مكروف كرف بسبة المعهد



الثاني دخل مااكمل سنه وظهر من المعهد وسار الجامعه الامريكيه فالشارجه





....


اماا الثالث هو ربيعي الي كاسر خاطري



يمكن اليوم تقريبا اتصلي ثلاث مرااات والسبب الملل الموجود فالسكن (( معنه من بوظبي بس مب موفرين له مواصلات ))


تم يقولي ملان مااعرف شو اسوي اقوله شوف التلفزيون يقولي ماشي دش بس المحطاات الارضيه !!!!!!



يعني حيات الي فالسكن ملل في ملل ماعندهم شي يسونه*_*




الله يعيينكم والله

اماراتي وكلي فخر
02-26-2008, 11:01 PM
0اضف الي ذالك معظم الطلاب الي يدرسون هناك تصيبهم حاله نفسيه


صدقت وهاذا الي كنت ابا اقوله

اخر حبيب
02-27-2008, 12:04 AM
انا طالب في المعهد البترولي وبتحرج ال semester الياي ..

بالفعل .. في 5 سنوات لي في المعهد .. كل سنه كل القوانين تتغير ..

سواء قوانين الدراسه او السكن او الاكل او او او ..

الحمدلله على كل حال ..

اخر حبيب
02-27-2008, 12:08 AM
اماا الثالث هو ربيعي الي كاسر خاطري



يمكن اليوم تقريبا اتصلي ثلاث مرااات والسبب الملل الموجود فالسكن (( معنه من بوظبي بس مب موفرين له مواصلات ))


تم يقولي ملان مااعرف شو اسوي اقوله شوف التلفزيون يقولي ماشي دش بس المحطاات الارضيه !!!!!!



يعني حيات الي فالسكن ملل في ملل ماعندهم شي يسونه*_*

معلومه غير صحيحه ..

السكن فيه تيلفزيون وريسيفر وكل قنوات عربسات ونايلسات موجوده ..

ومسموح لك تييب ريسيفر ...

نحن عندنا كل قنوات اي ار ات والجزيرة بلس عندنا .. ونتابع كل المباريات ..

حتى النت شغال في السكن ..

خله ينزل يلعب كرة كل احد او ثلاثا ..

خلة ينزل الصالة يتمرن حديد جان يبا ..

شو يببا بعد .. ؟

وايد اشيا متوفرة في السكن
بس الدراسه هي اسوأ شي في المعهد ..

اخر حبيب
02-27-2008, 12:12 AM
هذا هو الإيراني اللي أطريه وعنده

جواز سفر أمريكي

الثقه اللي معطاينها أياه تتجاوز أي حدود

مايكل اوحادي .. مسك المعهد البترولي بعد ترقية جون قولدن ..

كان ماسك قسم الهندسه الميكانيكيه وكان مثل العسل ..

من ترقى لمنصب مدير للمعهد .. ظاااع قسم الهندسه الميكانيكيه عندنا ..

رجل كفء .. وفيه الخير ..

اذا في عتب .. تقدر تعتب على اللي يصدر قرارات وتفرض على مايكل اوحادي ..

اماراتي100%
02-27-2008, 12:14 AM
كان عندي اثنين من اصدقائي بالمعهد البترولي

واحد ترك المعهد بعد سنه ونص .. بسبب الحاله النفسيه اللي صابته .. والحمدلله الله وفقه ويدرس بالخارج.

الآخر ماحب يغامر واستمر بالمعهد...وباقيله سنه ويتخرج.. بيكون كمل 5 سنين..

يوم شفته اخر مرة ... اتمصخر عليه.. اقوله ها عطوك المكافأه الشهريه ولا بعدك تتسول..
يقول اخر كورسين .. يبت 2.9 ... وبالكورس اللي بعده يبت 2.99
وماعطوه المكافأه الشهريه بسبب انه المعدل ماله لازم يكون 3 فما فوق...!!
طيب حد يساعده ويعطيه درجه زياده !!
بسبب عشر بالميه..

النظام هناك ستريكت زياده عن اللزوم.. وبالاضافه الى ان مستقبل البترول ماعاد متميز ذاك الزود بسبب الزيادات المحليه.. والراحه النفسيه للموظف المحلي.

الحمدلله اني موظف محلي وأداوم دوام رسمي لا شفتات ولا غيره:aa_okik:

اخر حبيب
02-27-2008, 12:15 AM
الله يكون في عونكم ...

لا القهر .. انهم قاموا يدرسون الزلمات فيه ...

يعني هالزلمات وراك وراك ... ما في مكان يرومون يسيرونه المواطنين عسب يبدعون فيه إلا و لقيت الزلمات وراهم ..

لا حول ولا قوة إلا بالله ...

هذا لي مخرب المعهد علينا ..

ولد_الجزيرة
02-27-2008, 12:26 AM
السلام عليكم
المعهد مب بس فيه زلمات حتى فيه هنود !
انا اخذ كورس polymer
الكلاس فيه
اثنين مواطنين "انا وريال"
واثنين من الوافدين وواحد سوداني واثنين من الهنود !
يعني الهدف من المعهد البترولي كان التوطين
بس الدفعات اليديدة اغلبها وافدين !!

كحيل العين
02-27-2008, 12:45 AM
الصراحة اللي يدرسون في المعهد من خيرة الطلاب ويستاهلون كل خير


يبالة الواحد يرص على عمره شوية

في اول دفعه كان واحد من الشباب يدرس واتخرج من اوائل الدفعه .. وسألته حزتها كان يمدح المعهد

وبعدها المعهد بدا يطفش الطلاب من ناحية القوانين والمرتبات الشهرية اللي ألتغت

شي شباب بيتخرجون ها السمستر ..ربي يوفقهم ان شاء الله ويعطيهم على قد نيتهم


ربي يوفق الجميع

اماراتي وكلي فخر
02-27-2008, 12:59 AM
معلومه غير صحيحه ..

السكن فيه تيلفزيون وريسيفر وكل قنوات عربسات ونايلسات موجوده ..

ومسموح لك تييب ريسيفر ...

نحن عندنا كل قنوات اي ار ات والجزيرة بلس عندنا .. ونتابع كل المباريات ..

حتى النت شغال في السكن ..

خله ينزل يلعب كرة كل احد او ثلاثا ..

خلة ينزل الصالة يتمرن حديد جان يبا ..

شو يببا بعد .. ؟

وايد اشيا متوفرة في السكن
بس الدراسه هي اسوأ شي في المعهد ..



والله ماادري ياخوي




اخر شي مليت من اتصلاته قلتله سير تحت واللعب كوره فالملاعب :aa_wink:

اخر حبيب
02-27-2008, 01:15 AM
السلام عليكم
المعهد مب بس فيه زلمات حتى فيه هنود !
انا اخذ كورس polymer
الكلاس فيه
اثنين مواطنين "انا وريال"
واثنين من الوافدين وواحد سوداني واثنين من الهنود !
يعني الهدف من المعهد البترولي كان التوطين
بس الدفعات اليديدة اغلبها وافدين !!

اي بوليمر .. ؟

ويا نبيل طرفه .. ؟ والا ويا الchemical

jarwan
02-27-2008, 08:57 AM
تسلم اخويه عالموضوع

.....

انا ريال كملت اكثر عن سنتين فالمعهد وعقبها طفشت وطلعت مع ان الgpa مالي كان 2.5

الصراحه ظغط دراسي رهيب فالمعهد

والاهتمام بالطلاب غير موجوود من قبل الاداره

القوانين تتغير كل يوم وليله ومستحيل ايكون التغيير فمصلحة الطالب

انا مره قابلت شخص كبير فأدنوك (ي) كان فالمعهد اربد اشكيله الحال

قالي انته من وين؟

قلتله من بوظبي... قالي كل يوم اتسير البيت؟...قلتله لا اسير اسبوعيا عشان ايلس اذاكر

قالي ربعكم اللي يدرسون برع مايردون بيوتهم الا فالسنه مره ولا مرتين ..انتوا اتردون كل اسبوع ليش؟

يلسوا ذاكروا.....

وبعد فتحتله موضوع المكافآت للطلاب الجدد...قالي اعرف انه قرار غلط ..بس نحن معهد يديد ساعدونا؟؟؟؟؟؟؟؟؟


انا الادارة فحدث ولا حرج قسم بالله استهبال من الخاطر...كل ماتقوللهم شي يقولولك

والله هذا هب من عندنا هذا من فوق ياي

كم كم من الشباب ضاعن سنين من حياتهم والسبب هالمعهد ماقول غير حسبي الله ونعم الوكيل على

اللي كان السبب


والله لو برمس مابخلص

اشرايكم فمدرس رياضيات فالمعهد يهدد الطلاب لانهم فالتقييم عطووه علامة سيء..وعرف النتيجه قبل ماينتهي الكورس

ورسب 15 واحد منهم واكثرهم فنشوهم والله.....!!!

قناص بوظبي
02-27-2008, 12:50 PM
السلام عليبكم ..
طبعا هاي اول مشاركه لي في المنتدى ولو اني اشوف المشاركات والمواضيع بشكل يومي.واللي خلاني اني اشارك الحين هالموضوع اللي يتكلم عن المعهد البترولي..
اول شي انا من طلاب المعهد المعهد اللي راح يتخرجون الكورس الياي..
احب اتكلم عن المعهد من جميع جوانبه اللي تكلمو عنها الاخوان وخاصه الناحيه الدراسيه والاداريه ..
بحكم اني مختلط مع الاداره كوني كنت احد اعضاء مجلس طلاب المعهد البترولي..
معروف انه ادراة المعهد متساهلين في واااااايد امور على الطلاب الا شخص او شخصين هم اللي مشددين..المواطنين اللي في قسم الارشاد وهاي شهاده مني انهم مايقصرون بشي اذا الطالب محتاج شي ويساعدونه في اللي هو يبا ..بس بشكل قانوني..يعني لو الطالب ياله للمرشد وقاله عن مشكلته بيسوي اللي يقدر عليه وبيساعده..ويكفي انهم يسمعون الطالب وناس فرندلي لأبعد الحدود حتى انه البنات اللي في قسم البنات يحسدونه عليهم....اكثرية الطلاب يتكلمون ويقولون انهم مايسوون شي ..هذيل يا جماعة الخير يسوون واااايد امور ويشتغولون شغل المفروض هم مايسوونه الا لنه ادارة ادنوك تطلب منهم..يعني صدقوني والله العظيم انهم جدا روعه من حيث التعامل والتفاهم مع الطلاب..ويحاولون يساعدون الطالب اذا حسو انه صدق يبا حد يساعده..بس في طلاب مايعيبهم شي حتى لو هو غلطان ييلس يحتج وينافر وينازع ومايعيبه شي...واذا تبون تتكلمون عن هالاعذار اللي ماتخلص من جانب الطلاب والتحايل الي يصير بينهم..صدقوني انهم يعرفون بكل صغيره وكبيره ومع هذا يعطون العذر للطلاب لنه يمكن يكون فاته امتحان او واجب مع انه المفروض مايكون له عذر لنه لا مريض ولا شي..لو نشوف الجامعات الثانيه وطريقة الاعذار والغياب..بنقول الحمدالله على المعهد البترولي وطريقة التعامل من هالناحيه....والشباب الموجودين صدقوني مب مقصرين في شي..

من ناحية ال
راسه وصعوبتها...ياخي انته بتتخرج هندسه مب اي تخصص ادراي..وطبيعة الهندسه تخصص صعب فيه النظري والعملي والميداني...اي شخص عنده قريب له تخرج من اي جامعه مثلا العين..اللي معروف عنها سهولة الدراسه..وقريب له تخرج من المعهد البترولي..
يقارن بين الاثننين...بيكون فيه فرق كبييييييييييييير..اول شي اللغه...وثاني شي الشخصيه..وثالث شي الدراية والخبره من ناحية الوظيفه والتخصص..
يعني خريج المعهد البترولي من افضل الطلاب تخريجا من الناحيه الاكاديميه نظرا لصعوبه الدراسه..وانا لي قريب يشتغل مدرب للمهندسين في احدى شركات البترول..وقالي انه احسن طلاب دربهم هم طلاب المعهد البترولي لنهم عرافين شو ياسيلن يشتغلون .عارفين شو يعني الهندسه اللي درسوها ومايحتاجون الكثير في التدريب بعكس خرييجين الجامعات الثانيه اللي حتاجون سنتين اقل شي على تدريب الهنندسه لنهم تخرجو مهندسين صح بس تخرجو مهندسين من الناحيه النظريه اما الناحيه العمليه والميدانيه فصعيفه عندهم غير اللغه اللي تقريبا اكثرية الخريجين يبالهم مدة ستة شهور تدريب عليها بعكس خريج المعهد البترولي...انتو قارنو الفرق واحكموا..

من الناحيه الماديه اللي اكثرية الطلاب يحتجون عليها..ابا اسم جامعه وحده في الدوله تعطي مكافآت مجزيه نفس المعهد البترولي..مافي ولا جامعه في الدوله تعطي الطالب فلوس على مستواه..وهاي الماكفأه مب راتب شهري هاي مكافأه على مستواك.يعني كل ماكان مستواك اوكي بيعطونك..ماعرف ليش الاحتجاج..ياخي اذا مب عايبنك الوضع وانه الفلوس راحت عليج.ارفع مستواك..وبتحصل المكافأه..
وفي شي ثاني...مافي ولا جامعه في العالم تعطي الطالب ماكافأه لنه درس ربيعه...المعهد البترولي عنده برنامج انه الطالب اذا شاطر في ماده معينه يروح يسجل في هالبرنامج ويدرس ربيعه لو كان كسلان في هالماده وبيحصل مبلغ الف درهم شهري...شو اكثر عن جي...في واااااااااااااااايد امور نحن غافلين عنها ..بس نشوف السلبيات ونبا نمشي الامور على كيفنا..يا جماعه تخصص الهندسه مب سهل..
واذا نحن نبنيلس نتكلم عن الوافدين هذيل بشر حالنا حالهم..عقلنا مثل عقلهم...ليش نيلس نحتشر انه مدخلينهم ومايستاهلون وماعرف شو..اذا صدق نحن منقهرين منهم ونغالر منهم..المفروض نثبت نفسنا ونحاول نكون احسن عنهم بدل مانيلس ننتقد..لنه اللي شفته من خلال عملي مع الاداره في فترة ماكنت في مجلس الطلاب..انه الطلاب الوافدين مسوتهم الدراسي راااااائع واخلاقيات اكثريتهم جدا حلوه..ولا شفت انتقاد منهم على شي..واكثرية الانتقاد من جانب الطلاب المواطنين...يعني الصعوبه بتكون على المواطنين بس والوافدين لأ..استغرب من هالناحيه...حالهم من حالنا..اذا شي صعب بيكون على الجميع..
واذا تتكلمون عن المنطق فالمنطق يقول انه المعهد البترولي من افضل الاماكن التعليميه على مستوى الامارات ويمكن الخليج..لنه اللي يتخرج منه يتخرج مهندس عارف شو درس ومايحتاج الكثير عشان يستلم الشغل بعكس اللي تخرج من الجامعات الثانيه اللي يحتاجون اقل شي سنتين تدريب...
واذا بتقولون انه المعهد البترولي بدا ياخذ طلاب من الشركات الثانيه ويعطيهم امتيازات احلى واكثر عن الطلاب الموجودين في المعهد نفسه..فهاي المعلومه غلط..لنه الطلاب اللي تتكلمون عنهم هم طلاب الديوان وطلاب الحديد والصلب..وهذيل اذا ينصرف لهم شي يكون من شركتهم مب من ادنوك ولا المعهد البترولي وهذيل مالهم اي مكافأه على المستى الدراسي..يعني حالنا احسن عنهم وبالعكس هم يبون يحولون على المعهد اصلا..
صدقوني انه المعهد مكااااااااااااان جدا رائع وفيه امتيازات كثييييييييييره روعه بس الشخص يوم يشفل في شي يقول المعهد مش اوكي وييلس ينتقد ويعمم الفكره على الجميع انهم مايحبون المعهد..ياخي طبيعة الدراسه صعبه ومحد يحب الدراسه..بس انته داخل تتخرج مهندس مب تخصص اداري حفظ وبس..
وقبل مانهي كلامي بس بضيف نقطه على المكافاه ...هي هاي مكافأه ومش اجباري على المعهد البترولي يعطيها للطالب وحتى لو كنسلها محد بيحتج الا اللي دخل المعهد بس عشان ياخذ فلوس..لنه كلية التقينه مافيها اي فلوس تنعطى للطلاب حتى معدله فوق الامتياز..وجامعة العين نفس الشي..وكل الجامعات اللي في الدوله مايعطون فلوس للطلاب...الا المعهد البترولي..فليش نحنا مب عايبنا شي واذا تغير شي علينا خلاص نكره ونسب الاداره ونسب كل حد في المعهد البترولي..
اي شخص صدق محتاج شي من المن المعهد ويبا حد يساعده يروح للشباب المواطنين اللي يشتغلون في المعهد وبيشوف اذا بيساعدونه ولا لا..والله انهم يخدمون الطالب بعيونهم...
وسوري على الاطاله..

عشقي احمر
02-27-2008, 05:59 PM
السلام عليبكم ..
طبعا هاي اول مشاركه لي في المنتدى ولو اني اشوف المشاركات والمواضيع بشكل يومي.واللي خلاني اني اشارك الحين هالموضوع اللي يتكلم عن المعهد البترولي..
اول شي انا من طلاب المعهد المعهد اللي راح يتخرجون الكورس الياي..
احب اتكلم عن المعهد من جميع جوانبه اللي تكلمو عنها الاخوان وخاصه الناحيه الدراسيه والاداريه ..
بحكم اني مختلط مع الاداره كوني كنت احد اعضاء مجلس طلاب المعهد البترولي..
معروف انه ادراة المعهد متساهلين في واااااايد امور على الطلاب الا شخص او شخصين هم اللي مشددين..المواطنين اللي في قسم الارشاد وهاي شهاده مني انهم مايقصرون بشي اذا الطالب محتاج شي ويساعدونه في اللي هو يبا ..بس بشكل قانوني..يعني لو الطالب ياله للمرشد وقاله عن مشكلته بيسوي اللي يقدر عليه وبيساعده..ويكفي انهم يسمعون الطالب وناس فرندلي لأبعد الحدود حتى انه البنات اللي في قسم البنات يحسدونه عليهم....اكثرية الطلاب يتكلمون ويقولون انهم مايسوون شي ..هذيل يا جماعة الخير يسوون واااايد امور ويشتغولون شغل المفروض هم مايسوونه الا لنه ادارة ادنوك تطلب منهم..يعني صدقوني والله العظيم انهم جدا روعه من حيث التعامل والتفاهم مع الطلاب..ويحاولون يساعدون الطالب اذا حسو انه صدق يبا حد يساعده..بس في طلاب مايعيبهم شي حتى لو هو غلطان ييلس يحتج وينافر وينازع ومايعيبه شي...واذا تبون تتكلمون عن هالاعذار اللي ماتخلص من جانب الطلاب والتحايل الي يصير بينهم..صدقوني انهم يعرفون بكل صغيره وكبيره ومع هذا يعطون العذر للطلاب لنه يمكن يكون فاته امتحان او واجب مع انه المفروض مايكون له عذر لنه لا مريض ولا شي..لو نشوف الجامعات الثانيه وطريقة الاعذار والغياب..بنقول الحمدالله على المعهد البترولي وطريقة التعامل من هالناحيه....والشباب الموجودين صدقوني مب مقصرين في شي..

من ناحية ال
راسه وصعوبتها...ياخي انته بتتخرج هندسه مب اي تخصص ادراي..وطبيعة الهندسه تخصص صعب فيه النظري والعملي والميداني...اي شخص عنده قريب له تخرج من اي جامعه مثلا العين..اللي معروف عنها سهولة الدراسه..وقريب له تخرج من المعهد البترولي..
يقارن بين الاثننين...بيكون فيه فرق كبييييييييييييير..اول شي اللغه...وثاني شي الشخصيه..وثالث شي الدراية والخبره من ناحية الوظيفه والتخصص..
يعني خريج المعهد البترولي من افضل الطلاب تخريجا من الناحيه الاكاديميه نظرا لصعوبه الدراسه..وانا لي قريب يشتغل مدرب للمهندسين في احدى شركات البترول..وقالي انه احسن طلاب دربهم هم طلاب المعهد البترولي لنهم عرافين شو ياسيلن يشتغلون .عارفين شو يعني الهندسه اللي درسوها ومايحتاجون الكثير في التدريب بعكس خرييجين الجامعات الثانيه اللي حتاجون سنتين اقل شي على تدريب الهنندسه لنهم تخرجو مهندسين صح بس تخرجو مهندسين من الناحيه النظريه اما الناحيه العمليه والميدانيه فصعيفه عندهم غير اللغه اللي تقريبا اكثرية الخريجين يبالهم مدة ستة شهور تدريب عليها بعكس خريج المعهد البترولي...انتو قارنو الفرق واحكموا..

من الناحيه الماديه اللي اكثرية الطلاب يحتجون عليها..ابا اسم جامعه وحده في الدوله تعطي مكافآت مجزيه نفس المعهد البترولي..مافي ولا جامعه في الدوله تعطي الطالب فلوس على مستواه..وهاي الماكفأه مب راتب شهري هاي مكافأه على مستواك.يعني كل ماكان مستواك اوكي بيعطونك..ماعرف ليش الاحتجاج..ياخي اذا مب عايبنك الوضع وانه الفلوس راحت عليج.ارفع مستواك..وبتحصل المكافأه..
وفي شي ثاني...مافي ولا جامعه في العالم تعطي الطالب ماكافأه لنه درس ربيعه...المعهد البترولي عنده برنامج انه الطالب اذا شاطر في ماده معينه يروح يسجل في هالبرنامج ويدرس ربيعه لو كان كسلان في هالماده وبيحصل مبلغ الف درهم شهري...شو اكثر عن جي...في واااااااااااااااايد امور نحن غافلين عنها ..بس نشوف السلبيات ونبا نمشي الامور على كيفنا..يا جماعه تخصص الهندسه مب سهل..
واذا نحن نبنيلس نتكلم عن الوافدين هذيل بشر حالنا حالهم..عقلنا مثل عقلهم...ليش نيلس نحتشر انه مدخلينهم ومايستاهلون وماعرف شو..اذا صدق نحن منقهرين منهم ونغالر منهم..المفروض نثبت نفسنا ونحاول نكون احسن عنهم بدل مانيلس ننتقد..لنه اللي شفته من خلال عملي مع الاداره في فترة ماكنت في مجلس الطلاب..انه الطلاب الوافدين مسوتهم الدراسي راااااائع واخلاقيات اكثريتهم جدا حلوه..ولا شفت انتقاد منهم على شي..واكثرية الانتقاد من جانب الطلاب المواطنين...يعني الصعوبه بتكون على المواطنين بس والوافدين لأ..استغرب من هالناحيه...حالهم من حالنا..اذا شي صعب بيكون على الجميع..
واذا تتكلمون عن المنطق فالمنطق يقول انه المعهد البترولي من افضل الاماكن التعليميه على مستوى الامارات ويمكن الخليج..لنه اللي يتخرج منه يتخرج مهندس عارف شو درس ومايحتاج الكثير عشان يستلم الشغل بعكس اللي تخرج من الجامعات الثانيه اللي يحتاجون اقل شي سنتين تدريب...
واذا بتقولون انه المعهد البترولي بدا ياخذ طلاب من الشركات الثانيه ويعطيهم امتيازات احلى واكثر عن الطلاب الموجودين في المعهد نفسه..فهاي المعلومه غلط..لنه الطلاب اللي تتكلمون عنهم هم طلاب الديوان وطلاب الحديد والصلب..وهذيل اذا ينصرف لهم شي يكون من شركتهم مب من ادنوك ولا المعهد البترولي وهذيل مالهم اي مكافأه على المستى الدراسي..يعني حالنا احسن عنهم وبالعكس هم يبون يحولون على المعهد اصلا..
صدقوني انه المعهد مكااااااااااااان جدا رائع وفيه امتيازات كثييييييييييره روعه بس الشخص يوم يشفل في شي يقول المعهد مش اوكي وييلس ينتقد ويعمم الفكره على الجميع انهم مايحبون المعهد..ياخي طبيعة الدراسه صعبه ومحد يحب الدراسه..بس انته داخل تتخرج مهندس مب تخصص اداري حفظ وبس..
وقبل مانهي كلامي بس بضيف نقطه على المكافاه ...هي هاي مكافأه ومش اجباري على المعهد البترولي يعطيها للطالب وحتى لو كنسلها محد بيحتج الا اللي دخل المعهد بس عشان ياخذ فلوس..لنه كلية التقينه مافيها اي فلوس تنعطى للطلاب حتى معدله فوق الامتياز..وجامعة العين نفس الشي..وكل الجامعات اللي في الدوله مايعطون فلوس للطلاب...الا المعهد البترولي..فليش نحنا مب عايبنا شي واذا تغير شي علينا خلاص نكره ونسب الاداره ونسب كل حد في المعهد البترولي..
اي شخص صدق محتاج شي من المن المعهد ويبا حد يساعده يروح للشباب المواطنين اللي يشتغلون في المعهد وبيشوف اذا بيساعدونه ولا لا..والله انهم يخدمون الطالب بعيونهم...
وسوري على الاطاله..



انا مالي شغل في السالفه بس من كلامك

ابصم بالعشره انته واحد من ادارة المعهد

وعلى مسؤليتي

قناص بوظبي
02-27-2008, 06:07 PM
السلام عليكم...
عشقي أحمر...لا فديت خشمج لاني من ادارة المعهد ولا يخصني...بس انا واحد من طلاب المعهد وعضو من اعضاء مجلس الطلاب...فعشان جي انا اعتبر من الاداره واعرف اللي يصير داخل الاداره...
يعني لازم انتقد واسب عشان اكون من الطلاب...ماخذين فكره انه الطلاب كلهم جي...شي غلط عزيزي...

jarwan
02-27-2008, 06:53 PM
السلام عليكم...
عشقي أحمر...لا فديت خشمج لاني من ادارة المعهد ولا يخصني...بس انا واحد من طلاب المعهد وعضو من اعضاء مجلس الطلاب...فعشان جي انا اعتبر من الاداره واعرف اللي يصير داخل الاداره...
يعني لازم انتقد واسب عشان اكون من الطلاب...ماخذين فكره انه الطلاب كلهم جي...شي غلط عزيزي...

صدقه عشقي الاحمر

قناص بوظبي شكله واحد من الاداره ولا لك مصلحه عشان ادافع عنهم جيه

انته حولت المعهد البترولي لجنة ؟؟؟؟

اقووول الاخوان فاتحين هالموضوع عشان اناقش ونحاول انحل مشكله

يعاني منها الكثيرين من شباب الامارات

انته تقدر اتقولي كم واااحد طلع من المعهد وضيع اكثر عن سنه من حياته؟؟؟؟؟؟؟


معقوله كل هالامتيازات والراحه فالمعهد ..ونسبة الخارجين من المعهد اكثر عن اللي مكملين؟؟؟؟


يعني بالعقل اذا يدخلون مثلا 100 شخص ويطلعون اكثر عن 70 هذا يدل عشوووه ؟؟؟؟؟؟؟؟

اقرا ردي اللي فوق وجاوب على آخر نقطه والمدرس اسمه تورلخ قولي ليش محد سوالهم شي ؟؟؟؟

انا اول ماسجلت فالمعهد نظرا لامتيازاته الحلوه بس عقب سنه اختفى كل شي رفعوا المعدل للمكافآت
وحتى الاكل والمواصلات

نحن ماقلنا ان دراسة المعهد هب شي وانا اشهد ان دراستهم قويه وراقيه

بس انته يرضيك اتشوف اخوانك يضيعوا من اعمارهم سنين ..يعني كلهم مقصرين فنظرك ؟؟؟؟

ليفربولي عيناوي
02-27-2008, 07:25 PM
معلومه غير صحيحه ..

السكن فيه تيلفزيون وريسيفر وكل قنوات عربسات ونايلسات موجوده ..

ومسموح لك تييب ريسيفر ...

نحن عندنا كل قنوات اي ار ات والجزيرة بلس عندنا .. ونتابع كل المباريات ..

حتى النت شغال في السكن ..

خله ينزل يلعب كرة كل احد او ثلاثا ..

خلة ينزل الصالة يتمرن حديد جان يبا ..

شو يببا بعد .. ؟

وايد اشيا متوفرة في السكن
بس الدراسه هي اسوأ شي في المعهد ..

الغالي لو بنايتكم فيها رسيفر

سير البنايه اللي يسكنون فيها طلاب الدفعتين الأخيرتين وبتشوف

كيف القنوات الأرضيه بس هي اللي موجوده هناك

قناص بوظبي
02-27-2008, 08:18 PM
راعي البحريه...مافهمت شو قصدك اني حولت المعهد لجنه..؟؟!!!
ياخي حتى لو المعهد كنسل المكافأه كلها ...ليش محتشرين نحن..هاي اسمها مكافأه على المستوى الدراسي....ويوم انك تباها ياخي حسن من مستواك الدراسي...ولو شوف المكافآت اللي تعطيها الجامعات الثانيه...هذا اذا في مكافآت تعطيها اصلا...واذا انته او غيرك تعرف اي جامعه تعطي مكافآت خبرنا عنها يمكن نحول عليها...وشي ثاني عزيزي...من وين يبت انه اذا خل المعهد 100 شخص ينسحب 70 منهم..من وين يبت هالارقام...ومن وين يبت هالعدد..سويت استبيان معين..ولا كلمت جميع الطلاب اللي طلعو...وشي ثاني حتى لو طلعوا من المعهد انته عرفت شو سبب انهم طلعوا..ولا انك بس مجرد تخمين...ياخي هذيل عندهم اشياء ثانيه يمكن هم تناسبهم ..ويوم دخلو المعهد شافو صعوبه الدراسه فعشان جي طلعو مب شرط انهم كلهم يبون مكافآت وطلعو..
فكرة التعميم مب حلوه,....
ماعرف شو اقول..بس ياليت نقارن المعهد بالجامعات الثانيه...من ناحية الامتيازات..وخلونا نتكلم بالحق ...مافي ولا جامعه عندها نفس الامتايازات...من الناحيه الماديه او المساعده من ناحية الاداريه..
شوفوا الفرق من ناحيه الالتزام بالقوانين من ناحية الغياب...كلية التقنيه والمعهد وانتو قارنو..جامعة العين والمعهد..جامعة الشارجه والمعهد..وانتو قرروا...
وانا مب يالس ادافع عن حد..بس يالس ادافع عن المكان اللي انا ادرس فيه اللي انته وغيرك يالسين تنتقدونه...على فكره انا ماحصل المكافأه لنه معدلي نزل هالكورس وماقلت شي..لني اعرف انه السبب مني واني ماستحقها...وماقلت شي ولا يلست انتقدت...
ولو تقول انه بعض الطلاب يطلعون من المعهد ويضيعون مستقبلهم...محد ضيع مستقبل حد...دراسة المعهد صعبه والمفروض يكونون سألو عنه قبل مايون..ويوم انهم يبون يطلعون مابيكونون خسرو شي لنهم يقدرون يحولون على اي جامعه ثانيه...ويحسبون لهم الساعات اللي درسوها..
بس هذا انتو الطلاب مايعيبكم شي...وتبون كل شي على كيفكم...قولو الحمدالله..يخاي والله ناس مب قادره تدخل ولا تحصل هالشي...دراسه بلاش..سكن بلاش..واكل ومواصلات...في ناس تتمنى هالشي..ليش نحن ننتقد بس...والله حرام...
وشي اهم ..انا طالب بطرش لك انا منو على الخاص...واكره مثلك حالي حالك اكره شخصين من الاداره وهم وافدين واعتقد انته تعرفهم...بس المواطنين مافيهم حيله..ممتازين..

jarwan
02-27-2008, 11:44 PM
راعي البحريه...مافهمت شو قصدك اني حولت المعهد لجنه..؟؟!!!
ياخي حتى لو المعهد كنسل المكافأه كلها ...ليش محتشرين نحن..هاي اسمها مكافأه على المستوى الدراسي....ويوم انك تباها ياخي حسن من مستواك الدراسي...ولو شوف المكافآت اللي تعطيها الجامعات الثانيه...هذا اذا في مكافآت تعطيها اصلا...واذا انته او غيرك تعرف اي جامعه تعطي مكافآت خبرنا عنها يمكن نحول عليها...وشي ثاني عزيزي...من وين يبت انه اذا خل المعهد 100 شخص ينسحب 70 منهم..من وين يبت هالارقام...ومن وين يبت هالعدد..سويت استبيان معين..ولا كلمت جميع الطلاب اللي طلعو...وشي ثاني حتى لو طلعوا من المعهد انته عرفت شو سبب انهم طلعوا..ولا انك بس مجرد تخمين...ياخي هذيل عندهم اشياء ثانيه يمكن هم تناسبهم ..ويوم دخلو المعهد شافو صعوبه الدراسه فعشان جي طلعو مب شرط انهم كلهم يبون مكافآت وطلعو..
فكرة التعميم مب حلوه,....
ماعرف شو اقول..بس ياليت نقارن المعهد بالجامعات الثانيه...من ناحية الامتيازات..وخلونا نتكلم بالحق ...مافي ولا جامعه عندها نفس الامتايازات...من الناحيه الماديه او المساعده من ناحية الاداريه..
شوفوا الفرق من ناحيه الالتزام بالقوانين من ناحية الغياب...كلية التقنيه والمعهد وانتو قارنو..جامعة العين والمعهد..جامعة الشارجه والمعهد..وانتو قرروا...
وانا مب يالس ادافع عن حد..بس يالس ادافع عن المكان اللي انا ادرس فيه اللي انته وغيرك يالسين تنتقدونه...على فكره انا ماحصل المكافأه لنه معدلي نزل هالكورس وماقلت شي..لني اعرف انه السبب مني واني ماستحقها...وماقلت شي ولا يلست انتقدت...
ولو تقول انه بعض الطلاب يطلعون من المعهد ويضيعون مستقبلهم...محد ضيع مستقبل حد...دراسة المعهد صعبه والمفروض يكونون سألو عنه قبل مايون..ويوم انهم يبون يطلعون مابيكونون خسرو شي لنهم يقدرون يحولون على اي جامعه ثانيه...ويحسبون لهم الساعات اللي درسوها..
بس هذا انتو الطلاب مايعيبكم شي...وتبون كل شي على كيفكم...قولو الحمدالله..يخاي والله ناس مب قادره تدخل ولا تحصل هالشي...دراسه بلاش..سكن بلاش..واكل ومواصلات...في ناس تتمنى هالشي..ليش نحن ننتقد بس...والله حرام...
وشي اهم ..انا طالب بطرش لك انا منو على الخاص...واكره مثلك حالي حالك اكره شخصين من الاداره وهم وافدين واعتقد انته تعرفهم...بس المواطنين مافيهم حيله..ممتازين..


اخويه كنسلوا المكافآت وسكتنا ..بس الاكل بفلووووس لييييييييشش؟؟؟؟؟ اعنبوه عالمواطنين بفلوس؟؟؟

وسالفة ال100 شخص وال 70 انا قلتلك هذا مثال بس

يعني انته طالب فالمعهد وبنفسك تعرف اشكثر عدد الطلاب اللي اطلعواا

وبعدين بالنسبه لشوووه سبب خرووج الطلاب من المعهد

انته تعتقد ان السبب اهمال من الطلاب نفسهم ؟؟؟؟؟

يعني بنقول ربعهم او ثلثهم ولا بالكثير نصهم هاملين دراستهم بس هب كلهم

ياخي نحن مانرمس عن عشره ولا عشرين ولا خمسين اللي اطلعوا من المعهد بالمياااات

واللي مضيع سنه ولا سنتين ولا ثلاث ولا اربع

المواطنين فالاداره حلوين وعس ماعليه ماقلنا شي بس بشووه ينفعون الطلاب ؟؟؟؟


كل مانناقشهم بشي يقولون والله هذا من ادارة ادنوك وهذا من ادارة ادنوك؟؟؟؟

يعني العيب من الاداره ... الادارة وينها ؟؟؟؟ ليش مايهمهم هالعدد الكبير من شباب البلاد اللي يطلعوون من المعهد؟؟

ياخي فيه قرارات وايد تعسفيه وبنفسهم الاداريين المواطنين يقولون انهن غلط لكن مافالاييد حيله


وبعدين اخويه ليش مصر اتقارن المعهد بالجامعات الثانيه ...؟؟؟؟


هنيه مابا اقارن المعهد باي جامعه ثانيه ... انا ابا اسألك شوه السبب انته برااايك

ليش معظم الشباب اللي يدخلون المعهد يطلعوون ويضيعون من عمرهم سنين ؟؟

Madrid 928
02-28-2008, 12:02 AM
أنا خريج المعهد البترولي العام اللي فات (الدفعة الثانية)

أتفق مع الأخ قناص بوظبي في بعض النقات و أخالفه في الكثير

أولا: بخصوص المكافأة, أتفق معاك أنهم لهم الحق في ألغاها, لكن أن تكون على الدفعات الجديدة
يعني مش منطق أن الطالب يكون قاري في الأعلان عن مكافآت شهريه, وبعدين يلغونها (يعتبر غش وخداع للطالب)
يعني يجب ابلاغ الطالب مسبقا, حيث يكون التطبيق على الدفعات الجديدة.
لا تقول لي أن ما راح يكون في عدل بين الطلاب, لأن هذه غلطتهم من البدايه

ثانيا: المشكله الكبيره تكون في وقت الأعلان عن هذا التغير (بصراحة كوارث تدل على قلة الخبرة و الوعي من الأدارة)
يعني أنا أذكر في سنه من السنوات تم الأعلان عن رفع الـ GPA الي لازم يحصلة الطالب من أجل المكافات من 2.5 الى 3
أتخيل أخوي في أي و قت كان الأعلان....
قبل أمتحانات الفاينل بأسبوع واحد, يعني الطالب (GPA أقل من 3) اللي كان شاد حيله عشان يحصل مكافأه...
عرف مسبقا أنة ماراح يحصل شي
لا تقول أنه لازم يشد حيلة عشان مصلحته مب المكافأه(كلام الأخوان في الأدارة), لأنه الموضوع سيؤثر عليه نفسيا غصبا عنه.
كان من الأفضل الأنتهاء من هذه السنه وتطبيق القرار في السنه اللي بعدها

ثالثا: بخصوص صعوبه الدراسة, أتفق معاك أن الدراسه صعبه مقارنة بالجامعات الأخرى (كلام الأخوان اللي كانوا في المعهد وبعدين هاجروا الى جامعه أخرى)
حيث أن هناك ضغط رهيب من حيث الأمتحانات و الواجبات وأيضا كتابة التقارير
لكن الأعتدال مطلوب في هذه النقطة لأنه رايح يكون ليها رد سلبي على بعض الطلاب, يعني.....
الطلاب المتميزين ماراح يكون عندهم مشكلة, لكن طلاب المستوى المتوسط رايحين يعانون من أجل التنسيق
لأنهم يحتاجون وقت أكثر, وبالتالي الحل الوحيد عندهم هو الـ ( Copy .. Paste) سواءا في حل الواجبات أو كتابة التقارير (يشله عن أي واحد ويعدل عليه)
هذه الظاهرة منشره بشكل مش طبيعي في المعهد, أعتقد أكثر جامعه في العالم الطلاب يلجأون فيها للــ ( Copy .. Paste)
وبالتالي هذا الضغط اللي حاشرينه فيه , رايح يخلي الطالب مش فاهم شي (يقولون أن هذا الظغط رايح يفيدك في مجال عملك) وأنا أختلف معاهم لأبعد الحدود


رابعا: نقطه تفاهم الأدارة مع الطلاب, أخالفك فيها كليا (بصراحة أبدا مش متفاهمين, والنقاش وياهم معدوم)
أذكر أني رحت أناقش أحد الأداريين (بدون ذكر أسماء) في موضوع وضع التلفاز في الغرف (للي عنده TV)
بصراحة ما سوالي سالفه وعصب علي وآخر شي خلاني وقال أنا مشغول وطلع (طبعا هذا كله في مكتبه)
وبعدين في شعور سائد عند الطلاب من عدم جدوى النقاش (من كثر أعذارهم و رفضهم للمواضيع المطروحه)



واذا تتكلمون عن المنطق فالمنطق يقول انه المعهد البترولي من افضل الاماكن التعليميه على مستوى الامارات ويمكن الخليج..لنه اللي يتخرج منه يتخرج مهندس عارف شو درس ومايحتاج الكثير عشان يستلم الشغل بعكس اللي تخرج من الجامعات الثانيه اللي يحتاجون اقل شي سنتين تدريب...

أخوي تراك أتبالغ وايد, أنا حاليا أداوم, وبصراحة ما تقدر تقول أن طلاب المعهد هم الأفضل
لأني شاهد كثير من الطلاب اللي تخرجوا من أمريكا, ما شاء الله عليهم فاهمين كل شي
أعتقد أن الموضوع في الأول و الآخر يعتمد على الشخص نفسه مب وين دارس
واذا كان في فرق فهو مش كبير


للتوضيح أنا تخرجت بــ GPA 3.7
لكني بصراحه أبدا ماكان عاجبني الوضع في المعهد

jarwan
02-28-2008, 12:06 AM
أنا خريج المعهد البترولي العام اللي فات (الدفعة الثانية)

أتفق مع الأخ قناص بوظبي في بعض النقات و أخالفه في الكثير

أولا: بخصوص المكافأة, أتفق معاك أنهم لهم الحق في ألغاها, لكن أن تكون على الدفعات الجديدة
يعني مش منطق أن الطالب يكون قاري في الأعلان عن مكافآت شهريه, وبعدين يلغونها (يعتبر غش وخداع للطالب)
يعني يجب ابلاغ الطالب مسبقا, حيث يكون التطبيق على الدفعات الجديدة.
لا تقول لي أن ما راح يكون في عدل بين الطلاب, لأن هذه غلطتهم من البدايه

ثانيا: المشكله الكبيره تكون في وقت الأعلان عن هذا التغير (بصراحة كوارث تدل على قلة الخبرة و الوعي من الأدارة)
يعني أنا أذكر في سنه من السنوات تم الأعلان عن رفع الـ GPA الي لازم يحصلة الطالب من أجل المكافات من 2.5 الى 3
أتخيل أخوي في أي و قت كان الأعلان....
قبل أمتحانات الفاينل بأسبوع واحد, يعني الطالب (GPA أقل من 3) اللي كان شاد حيله عشان يحصل مكافأه...
عرف مسبقا أنة ماراح يحصل شي
لا تقول أنه لازم يشد حيلة عشان مصلحته مب المكافأه(كلام الأخوان في الأدارة), لأنه الموضوع سيؤثر عليه نفسيا غصبا عنه.
كان من الأفضل الأنتهاء من هذه السنه وتطبيق القرار في السنه اللي بعدها

ثالثا: بخصوص صعوبه الدراسة, أتفق معاك أن الدراسه صعبه مقارنة بالجامعات الأخرى (كلام الأخوان اللي كانوا في المعهد وبعدين هاجروا الى جامعه أخرى)
حيث أن هناك ضغط رهيب من حيث الأمتحانات و الواجبات وأيضا كتابة التقارير
لكن الأعتدال مطلوب في هذه النقطة لأنه رايح يكون ليها رد سلبي على بعض الطلاب, يعني.....
الطلاب المتميزين ماراح يكون عندهم مشكلة, لكن طلاب المستوى المتوسط رايحين يعانون من أجل التنسيق
لأنهم يحتاجون وقت أكثر, وبالتالي الحل الوحيد عندهم هو الـ ( Copy .. Paste) سواءا في حل الواجبات أو كتابة التقارير (يشله عن أي واحد ويعدل عليه)
هذه الظاهرة منشره بشكل مش طبيعي في المعهد, أعتقد أكثر جامعه في العالم الطلاب يلجأون فيها للــ ( Copy .. Paste)
وبالتالي هذا الضغط اللي حاشرينه فيه , رايح يخلي الطالب مش فاهم شي (يقولون أن هذا الظغط رايح يفيدك في مجال عملك) وأنا أختلف معاهم لأبعد الحدود


رابعا: نقطه تفاهم الأدارة مع الطلاب, أخالفك فيها كليا (بصراحة أبدا مش متفاهمين, والنقاش وياهم معدوم)
أذكر أني رحت أناقش أحد الأداريين (بدون ذكر أسماء) في موضوع وضع التلفاز في الغرف (للي عنده TV)
بصراحة ما سوالي سالفه وعصب علي وآخر شي خلاني وقال أنا مشغول وطلع (طبعا هذا كله في مكتبه)
وبعدين في شعور سائد عند الطلاب من عدم جدوى النقاش (من كثر أعذارهم و رفضهم للمواضيع المطروحه)





أخوي تراك أتبالغ وايد, أنا حاليا أداوم, وبصراحة ما تقدر تقول أن طلاب المعهد هم الأفضل
لأني شاهد كثير من الطلاب اللي تخرجوا من أمريكا, ما شاء الله عليهم فاهمين كل شي
أعتقد أن الموضوع في الأول و الآخر يعتمد على الشخص نفسه مب وين دارس
واذا كان في فرق فهو مش كبير


اشكرك اخويه مدريد ...هذا خير شاهد مهندس ومن المعهد

ليفربولي عيناوي
02-28-2008, 01:25 AM
راعي البحريه...مافهمت شو قصدك اني حولت المعهد لجنه..؟؟!!!
ياخي حتى لو المعهد كنسل المكافأه كلها ...ليش محتشرين نحن..هاي اسمها مكافأه على المستوى الدراسي....ويوم انك تباها ياخي حسن من مستواك الدراسي...ولو شوف المكافآت اللي تعطيها الجامعات الثانيه...هذا اذا في مكافآت تعطيها اصلا...واذا انته او غيرك تعرف اي جامعه تعطي مكافآت خبرنا عنها يمكن نحول عليها...وشي ثاني عزيزي...من وين يبت انه اذا خل المعهد 100 شخص ينسحب 70 منهم..من وين يبت هالارقام...ومن وين يبت هالعدد..سويت استبيان معين..ولا كلمت جميع الطلاب اللي طلعو...وشي ثاني حتى لو طلعوا من المعهد انته عرفت شو سبب انهم طلعوا..ولا انك بس مجرد تخمين...ياخي هذيل عندهم اشياء ثانيه يمكن هم تناسبهم ..ويوم دخلو المعهد شافو صعوبه الدراسه فعشان جي طلعو مب شرط انهم كلهم يبون مكافآت وطلعو..
فكرة التعميم مب حلوه,....
ماعرف شو اقول..بس ياليت نقارن المعهد بالجامعات الثانيه...من ناحية الامتيازات..وخلونا نتكلم بالحق ...مافي ولا جامعه عندها نفس الامتايازات...من الناحيه الماديه او المساعده من ناحية الاداريه..
شوفوا الفرق من ناحيه الالتزام بالقوانين من ناحية الغياب...كلية التقنيه والمعهد وانتو قارنو..جامعة العين والمعهد..جامعة الشارجه والمعهد..وانتو قرروا...
وانا مب يالس ادافع عن حد..بس يالس ادافع عن المكان اللي انا ادرس فيه اللي انته وغيرك يالسين تنتقدونه...على فكره انا ماحصل المكافأه لنه معدلي نزل هالكورس وماقلت شي..لني اعرف انه السبب مني واني ماستحقها...وماقلت شي ولا يلست انتقدت...
ولو تقول انه بعض الطلاب يطلعون من المعهد ويضيعون مستقبلهم...محد ضيع مستقبل حد...دراسة المعهد صعبه والمفروض يكونون سألو عنه قبل مايون..ويوم انهم يبون يطلعون مابيكونون خسرو شي لنهم يقدرون يحولون على اي جامعه ثانيه...ويحسبون لهم الساعات اللي درسوها..
بس هذا انتو الطلاب مايعيبكم شي...وتبون كل شي على كيفكم...قولو الحمدالله..يخاي والله ناس مب قادره تدخل ولا تحصل هالشي...دراسه بلاش..سكن بلاش..واكل ومواصلات...في ناس تتمنى هالشي..ليش نحن ننتقد بس...والله حرام...
وشي اهم ..انا طالب بطرش لك انا منو على الخاص...واكره مثلك حالي حالك اكره شخصين من الاداره وهم وافدين واعتقد انته تعرفهم...بس المواطنين مافيهم حيله..ممتازين..


حبيبي أنا وغيري دشينا المعهد عسب مميزاته مب عسب شي ثاني

ترا الحمد لله مب محتايين للمكافآت بس بغيت أقول لك

أنا كطالب متخرج من الثانويه العامه وبنسبه الحمد لله مرتفعه

كان أمامي وايد خيارات ومنها الدراسه ببريطانيا بس أنا

فضلت المعهد لأن المعهد بيكون بيني وبينهم عقد لازم يحترمه الطرفين

والله مب بعد ما أوقع يطلع لي فرع اونه المعهد لا يلتزم بأي قرار من قرارات المدونه أعلاه بعد ما

أخيس سنتين يقولون لي ها الشي بس صدقني أنتي student cosil

مع الإداره

Local
02-28-2008, 04:44 AM
الله يعينك يا أمير البنفسج,,,

انا كنت طالب في المعهد البترولي وكان معدلي في الثانويه العامه 72% وعديت الفاونديشن بتفوق ووصلت الفرشمن بس الحمدالله اني ما كملت جو المعهد للأسف ما يساعد للدراسه والقوانين كل يوم تتغير ومثل ما تفضلت العقد كان غير والقوانين غير؟!

مسؤول الفاونديشن واحد اسمه مايكل دايما يكون عزكم الله سكران في الدوام وما يدري الله وين حاطه, وللأسف وجود بعض المواطنين في الادارة واللي تساعد ناس وناس, انا نجحوني جوازا لاني في ماده لاني كلمه واحد من الاداره, بالله عليكم هذا كلام والله وفي ناس على درجه ودرجتين ذالينهم مذله اليهد, لحد يقولي كنت المفروض تشد حيلك, انا كنت احس اني في مدرسه وعندي كل يوم ثانويه عامه يعني الحاله العامه للطالب في المعهد 24 ساعه طواري,,,

عالعموم انا ادرس في بريطانيا وبقت لي سنه واتخرج واذا ما ظهرت من المعهد البترولي ما اظن اني بتخرج عقب سنه, للعلم انا استفدت وايد من نظام الفاونديشن هناك لانه نظام قوي بس الانظمه الاداريه والقرارات ضد الطلاب كانت اقوى,,,
وان شاء الله يرجع الحال مثل ايام قبل, انا لين احينه اعرف شباب ضيعوا سنوات في الدراسه ودخلوا المعهد قبلي ولكن انا بتخرج قبلهم,,,

والله يعينكم

المقاتل الشرس
02-28-2008, 10:06 AM
انا انتظر اخوي يتخرج من المعهد هذي السنه واقول يارب تعدي هذي السنه على خير


عادي ينزلون قرار ويتأخر تخريجهم

Adsense Management by Losha