مشاهدة النسخة كاملة : المعـــــلاية .. إلى الحضيض..


Mis_sixty
01-13-2008, 11:40 PM
مرحباا ...

بداية حبيت اتشاركوني في موضوع قاهرني وااايد ... وامحيرني في نفس الوقت ...

وهو موضوع المعــــــــــــــــــــــــــــلايـــــــــــــــ ة...


هالفن الهابط بكل معنى الكلمة .. ولي ماله أصل ولا فصل .. ولا نعرف من وين يايبنه ..وطبعا أصحاب النفوس الضعيفة يتخذون من هالفن وسيلة للرزق والترزق ...

بنات وشباب .. وكلمات بذيئة.. ورقص فضيع ذو إيحاءات جنسية بحتة .. وشي تخجل العين انه اتشوفه .. وترفض النفس قبوله ...!!


وتبقى سمعة هالفن لاصقة في سمعة البلاد ...بما معناه ... انه أي حد يشوف هالشي من الدول الثانيه ... يقول المعلايه فن إماراتي شعبي ...!!! وهالشي لي قاهرني ... انه مجموعة ملوثة متيمعين وامخربين سمعة البلاد بسبتهم ...

والله ادخل على مواقع اتكون بالصدفة موجوده فيها مثل هالأشياء وتكون تحتها تعليقات .. والله لا يراويكم هالتعليقات .. جد من كثر ما اشوفهم حاطين على البلاد واهلها ... ما عرفت شو اسوي .. قمت ادافع وادافع واقول انه هالشي ما يخصنا .. ولكن امنوه لي بيصدق ..؟؟ لي عايشين برع ما يعرفون شي والله انهم كلهم ينفرون من هالشي ويشمأزون منه..


المشكلة انه وين دور الحكومة من هالشي ...؟ .. ليش ما تمنع مثل هالفرق ؟ ..ليش ما تتخذ الإجراءات اللازمة ضدهم ؟... هم موجودين في كل مكان ..ويسهل على الواحد انه يحصلهم ... بس ما ادري ليش هالركود .. وما ادري شو يتريون ... والشباب الله يهديهم لاحقينهم وين ما يسيرون .. وين ما قالوا شي حفلة اتلاقونهم متيمعين وامبققين عيونهم يشوفون المنكر ...:bli:


جد انا وايد حاز في خاطري ... شي جدام عينا يستوي وما نقدر انوقفه مع انه والله بأمر واحد بس بيقضون على هالفن المنحط ..لي ما له صلة لا بالتراث ولا غيره..

نتمنى من الجهات المختصة عالأقل حد يوصل لهم هالأمر :aa_clap2:.. انهم يتحركون بشكل جدي لحل هالظاهره الدخيلة على بلادنا ..

وايد غيري مقهورين من هالشي ... بس شو انقول .. غير يارب احفظ بلادنا من هالأشكال وهالأنواع من الفن الهابط .. اللهم آآمين ...

واحد من الناس 2007
01-13-2008, 11:43 PM
أختى سؤالى هو أين تقام مثل تلك الحفلات ؟ والله أنى الى الان لا أعلم ؟ أذا ما ترومين على العام خبرينى على الخاص لو سمحتى؟

همسة: أتمنى لا أحد يفهمنى خطأ لأنى ولله الحمد لن أذهب لمثل تلك اللأماكن ولكن لأعلم فقط في أي أمارة هذه الحفلات النتنة تقام ولماذا لا تقوم احكومة تلك الأمارة بوقف هذه المهزلة؟

Mis_sixty
01-13-2008, 11:46 PM
أختى سؤالى هو أين تقام مثل تلك الحفلات ؟ والله أنى الى الان لا أعلم ؟ أذا ما ترومين على العام خبرينى على الخاص لو سمحتى؟

همسة: أتمنى لا أحد يفهمنى خطأ لأنى ولله الحمد لن أذهب لمثل تلك اللأماكن ولكن لأعلم فقط في أي أمارة هذه الحفلات النتنة تقام ولماذا لا تقوم احكومة تلك الأمارة بوقف هذه المهزلة؟


اخويه .. هم متواجدين في كل مكان ... وين ما تباهم على حسب الطلب ... يلبون لك الطلب في أقرب فرصة بس عشان يقيمون مثل هالإحتفالات الهمجية .. وهي معروووف ..

الموعود
01-13-2008, 11:54 PM
المعـــــلاية .. إلى الحضيض..


العنوان يقول الي وانا قلت شو الجديد من استوت في الحضيض

بس خف عن قبل وايد وفي السابق العائلات البسيطه وفي القرى كانو ييبنون معلايه

لكن الحين اكبر العائلات هي الي تصر على احضارها

الصراحه نحن وفي منطقتنا الي فيها حوالي 350 بيت في بوظبي وتقريبا 95% عندهم عيب انهم ايبون معلايه او هالسوالف اصلا

Mis_sixty
01-14-2008, 12:00 AM
العنوان يقول الي وانا قلت شو الجديد من استوت في الحضيض

بس خف عن قبل وايد وفي السابق العائلات البسيطه وفي القرى كانو ييبنون معلايه

لكن الحين اكبر العائلات هي الي تصر على احضارها

الصراحه نحن وفي منطقتنا الي فيها حوالي 350 بيت في بوظبي وتقريبا 95% عندهم عيب انهم ايبون معلايه او هالسوالف اصلا

هلا اخويه ... انا كنت اقصد من العنوان .. انه المعلايه تودي اصاحبها إلى الحضيض ... هاذه لي كنت اقصده :)

وشكرا عالمعلومه لي نسيت اكتبها ... وذكرتني فيها ... صدقت انه اكبر العوائل تطلبهم في مناسباتهم .. وهالشي لي يقهر ..!! أساسا ما ادري كيف يرضون بهالشي ..!!:aa_frwon:


بس صدق الناس أجنااس ..

DON S@LEM
01-14-2008, 12:22 AM
على الاقل هؤلاء معروفين ..

لكن هذيل وفي جامعة ITA

vjk9aDK1ASQ


ودن دنه دن دنه :aa_Dance2:
ساكن في قلبي الحلو وايد احبه انا:bwroo:

بو سعادة
01-14-2008, 12:27 AM
اولا المعلايه مب فن دخيل على مجتمعنا وهيه فن شعبي قديم ومحد يقدر ينكر هالشي

ا وبعدين الدوله شوه بتسوي يوم الناس يطلبون هذي الفرق و عشان الرقص الخليع والاغاني الرباشيه

والحينه الاغاني و كلمات الاغاني اغلبها مستوحاه من اغاني المعلايه لدرجه انه اغنيه مثل دقني توصل وتنتشر

في جميع انحاء الوطن العربي

والحل في رايي بسيط كل واحد مسؤول عنه نفسه وعلى اهله وعياله واذا كان قد المسؤوليه ما بتاثر عليه لا معلايه

ولا غيرها

الناس اهنيه هم اللي نشروا المعلايه و هم اللي يقدرون يقاطعونها

المساله سهله و الدوله مب مقصره بصراحه بس نحن اللي يبالنا اعاده تربيه

Mis_sixty
01-14-2008, 12:31 AM
على الاقل هؤلاء معروفين ..

لكن هذيل وفي جامعة ITA

vjk9aDK1ASQ


ودن دنه دن دنه :aa_Dance2:
ساكن في قلبي الحلو وايد احبه انا:bwroo:


الله يهديك يا خويه .. ناقصين نحن اتحط لنا هالسوالف ...يت وعميتهاا ..:aa_Doh:

DON S@LEM
01-14-2008, 12:32 AM
لا هذا الفيديو ..

عشان محد ياكل حنيف ومدارس المستقبل بس..

هذا معهد ..

ومايخصه .. اهجموا علييه:aa_kashra:

Mis_sixty
01-14-2008, 12:40 AM
اولا المعلايه مب فن دخيل على مجتمعنا وهيه فن شعبي قديم ومحد يقدر ينكر هالشي

ا وبعدين الدوله شوه بتسوي يوم الناس يطلبون هذي الفرق و عشان الرقص الخليع والاغاني الرباشيه

والحينه الاغاني و كلمات الاغاني اغلبها مستوحاه من اغاني المعلايه لدرجه انه اغنيه مثل دقني توصل وتنتشر

في جميع انحاء الوطن العربي

والحل في رايي بسيط كل واحد مسؤول عنه نفسه وعلى اهله وعياله واذا كان قد المسؤوليه ما بتاثر عليه لا معلايه

ولا غيرها

الناس اهنيه هم اللي نشروا المعلايه و هم اللي يقدرون يقاطعونها

المساله سهله و الدوله مب مقصره بصراحه بس نحن اللي يبالنا اعاده تربيه


اخويه ... تصحيح لمعلوماتك فقط ... فن المعلاية فن دخيل ... وهالشي أجروا عليه دراسه بثت على إذاعة نور دبي ...

بالنسبة لكلامك عن أغاني المعلايه ... للأسف وهاذه لي انشوفه انه هالشي انتشر بشكل كبير ..ولكن يوم يبون يستوحوون من المعلايه عالأقل يستحون الدق .. ويغيرون كلمات الأغنية ... يعني صدق شي فااضح .. وكلمات بذيئة...!!

المشكلة انه نحن بنمسك عيالنا ... لكن ما انروم نمسك عيونهم ... تعرف جيل هالزمن غير عن الأجيال السابقه ...والحفلات الشبابيه لي تستوي .. يختلطون فيها الشباب لي أول مره يحضر مثل هالحفلات ... ولي متعود يحضرها .. فكل حد ينبهر بهالشي ويعيبه ... فعشان جي لازم جهه عاليا تدخل في هالشي ...صدقني الناس غافله وعايبنها لي يستوي ...فلازم في حد إيي وينبه او يصحح الوضع عالأقل ...

DON S@LEM
01-14-2008, 12:54 AM
فن المعلايه متوارث من عمان في الستينيات والسبعينيات

وسلموولي على بشووووور .. بس للي يعرفه:aa_keyboard:

بو سعادة
01-14-2008, 12:55 AM
اخويه ... تصحيح لمعلوماتك فقط ... فن المعلاية فن دخيل ... وهالشي أجروا عليه دراسه بثت على إذاعة نور دبي ...

بالنسبة لكلامك عن أغاني المعلايه ... للأسف وهاذه لي انشوفه انه هالشي انتشر بشكل كبير ..ولكن يوم يبون يستوحوون من المعلايه عالأقل يستحون الدق .. ويغيرون كلمات الأغنية ... يعني صدق شي فااضح .. وكلمات بذيئة...!!

المشكلة انه نحن بنمسك عيالنا ... لكن ما انروم نمسك عيونهم ... تعرف جيل هالزمن غير عن الأجيال السابقه ...والحفلات الشبابيه لي تستوي .. يختلطون فيها الشباب لي أول مره يحضر مثل هالحفلات ... ولي متعود يحضرها .. فكل حد ينبهر بهالشي ويعيبه ... فعشان جي لازم جهه عاليا تدخل في هالشي ...صدقني الناس غافله وعايبنها لي يستوي ...فلازم في حد إيي وينبه او يصحح الوضع عالأقل ...


اختي العزيزه

الحينه انتي بتصدقين اذاعة نور دبي وبتنكرين تاريخ محفوظ بذاكره شوابنا الاوليييين

الكل يحاول ينكر انه المعلايه فن شعبي قديم في الامارات وانا بصراحه ما اعرف الحكمه من هالشي

اوكيه نحن ضد المعلايه و ضد الجماعة اللي فيها بس لازم نعترف انها فن شعبي قديم وموجود

من القدم في الامارات يمكن مب في كل مناطق الدوله لكنه موجود

انتي سمعي الاغاني وبتحصلينها باللهجه المحليه الاصيله بعد وهذا اكبر دليل على انها فن شعبي

قديم بس عشان اللي يادونه ناس اعوذ بالله منهم الكثير ينكرون ويقولون انه وافد علينا من احد

الدول المجاوره و جنه اللي يقرا التاريخ اعمي وما يشوف

استمرار فن المعلايه طوال هالفتره ووجود البيئه الخصبه هو سبب انتشارها الحينه

بو سعادة
01-14-2008, 12:58 AM
فن المعلايه متوارث من عمان في الستينيات والسبعينيات

وسلموولي على بشووووور .. بس للي يعرفه:aa_keyboard:

الله يهديك اخوي اي ستينيات واي سبعينيات

كبار مغني المعلايه ماتوا وشبعوا موت وانته تقول انه فن المعلايه وصل عندنا في الستينيات

ابوظبي
01-14-2008, 01:04 AM
المعلاية ما انتشر إلا من الاعراس !

انا ما اعرف عنه شي الصراحة ولا اسمعه ولا اميل له ابداً والحمد لله !

والحمد لله ان عندنا في ابوظبي عيب انهم يستقطبون مثل هذه الفرق للاعراس *منقود* لكن في اواخر التسعينات بعض العوائل وهم القلة اللي عندنا استقطبوهم وهم بالاصل ليسوا بـ عرب ! لكن الحمد لله الآن عرفوا انه عيب ومؤخراً ماسمعت ان في حد جاب معلاية في عرس في ابوظبي !!

لكن عن الامارات الاخرى والله ما عندي علم !

لكن اعتقد ان فرق المعلاية موجودة بالشارقة وبكثرة وهذا كلام من اصدقاء اعرفهم من الشارقة !

شو رايكم بأن تكون هناك حملة لمحاربة المعلاية ! لأنها للاسف تشوه دينا وعاداتنا وابنائنا !

DON S@LEM
01-14-2008, 01:06 AM
الدراري:aa_keyboard:


وتحية لـ عيسى بدر أول من ادخل العود في المعلايه

Mis_sixty
01-14-2008, 01:08 AM
اختي العزيزه

الحينه انتي بتصدقين اذاعة نور دبي وبتنكرين تاريخ محفوظ بذاكره شوابنا الاوليييين

الكل يحاول ينكر انه المعلايه فن شعبي قديم في الامارات وانا بصراحه ما اعرف الحكمه من هالشي

اوكيه نحن ضد المعلايه و ضد الجماعة اللي فيها بس لازم نعترف انها فن شعبي قديم وموجود

من القدم في الامارات يمكن مب في كل مناطق الدوله لكنه موجود

انتي سمعي الاغاني وبتحصلينها باللهجه المحليه الاصيله بعد وهذا اكبر دليل على انها فن شعبي

قديم بس عشان اللي يادونه ناس اعوذ بالله منهم الكثير ينكرون ويقولون انه وافد علينا من احد

الدول المجاوره و جنه اللي يقرا التاريخ اعمي وما يشوف

استمرار فن المعلايه طوال هالفتره ووجود البيئه الخصبه هو سبب انتشارها الحينه


انزين أساسا كيف نشأ هالفن لو كان فن شعبي قديم ...؟؟

واكيد لي أسسوه هم طبعا بلا شك بيكونون من هييل الفئة المعفنة ....!

يعني مصدر هالفن أساسا نبع من وين .. ممكن حد يسأل الأوليييين ...


وانا اوافقك الراي في لي قلته بأنه وجود بيئة خصبه ساعدت على انتشار هالفن الهابط ... لي ابصراحه ما اقتنع بإني اسميه فن ..!

Paris
01-14-2008, 01:11 AM
فن المعلاية فن دخيل

اتفق معاج 100% :aa_glad:


يزاج الله خير عالموضوع :25:

بنت الأصول
01-14-2008, 01:11 AM
الحمد لله ما اعرف عنها شي بس اللي اعرفة ان العايلات الغنية فالشارجة تيبها في الأعراس !!!

Mis_sixty
01-14-2008, 01:12 AM
الدراري:aa_keyboard:


وتحية لـ عيسى بدر أول من ادخل العود في المعلايه


والله إني شاكه فيك ....:bwroo:

Mis_sixty
01-14-2008, 01:16 AM
المعلاية ما انتشر إلا من الاعراس !

انا ما اعرف عنه شي الصراحة ولا اسمعه ولا اميل له ابداً والحمد لله !

والحمد لله ان عندنا في ابوظبي عيب انهم يستقطبون مثل هذه الفرق للاعراس *منقود* لكن في اواخر التسعينات بعض العوائل وهم القلة اللي عندنا استقطبوهم وهم بالاصل ليسوا بـ عرب ! لكن الحمد لله الآن عرفوا انه عيب ومؤخراً ماسمعت ان في حد جاب معلاية في عرس في ابوظبي !!

لكن عن الامارات الاخرى والله ما عندي علم !

لكن اعتقد ان فرق المعلاية موجودة بالشارقة وبكثرة وهذا كلام من اصدقاء اعرفهم من الشارقة !

شو رايكم بأن تكون هناك حملة لمحاربة المعلاية ! لأنها للاسف تشوه دينا وعاداتنا وابنائنا !

صدقت اخويه في كلامك ... وطبعا هم تواجدهم يكثر في الشارجه وام القيوين ...

وياليت تكون هناااك حملة عشواااااااااااااء على هالفئة المعفنه :aa_inter:

جد احس الموضوع ما ينسكت عنه ...:aa_frwon:

وتسلم اخويه ..

Mis_sixty
01-14-2008, 01:21 AM
اتفق معاج 100% :aa_glad:


يزاج الله خير عالموضوع :25:


تسلمين الغاليه .. اسعدني مرورج ... وردج الطيب :aa_love2:

Mis_sixty
01-14-2008, 01:24 AM
الحمد لله ما اعرف عنها شي بس اللي اعرفة ان العايلات الغنية فالشارجة تيبها في الأعراس !!!


هيه الغاليه وبعد العائلات في أم القيوين و مختلف الإمارات اييبون مثل هالفرق ... يعني الحياااة حلوة عندهم :aa_Doh:

mr.cool
01-14-2008, 01:30 AM
المعلاية .. فن إماراتي شعبي .. مثله مثل فن الدبكة .. أما العيالة و الندبة و اليولة فهاي هي الفنون الدخيلة علينا .. شدراكم انتو ..

الا يا انصار فن المعلاية .. خبروني عن الحفلات الخاصة اللي تستوي في بعض الشقق في بعض الأماكن .. يشربون (ماي) و يدوخون (بخور) و في آخر الحفلة كل واحد ياخذ وحده و (يدرسون مع بعض)

صدقو الشباب يوم قالو لواحد امريكي تعال بنوديك مكان احلى عن السترب كلب

Mis_sixty
01-14-2008, 01:34 AM
المعلاية .. فن إماراتي شعبي .. مثله مثل فن الدبكة .. أما العيالة و الندبة و اليولة فهاي هي الفنون الدخيلة علينا .. شدراكم انتو ..

الا يا انصار فن المعلاية .. خبروني عن الحفلات الخاصة اللي تستوي في بعض الشقق في بعض الأماكن .. يشربون (ماي) و يدوخون (بخور) و في آخر الحفلة كل واحد ياخذ وحده و (يدرسون مع بعض)

صدقو الشباب يوم قالو لواحد امريكي تعال بنوديك مكان احلى عن السترب كلب



:bli::bli::bli::bli::bli:

ابوظبي
01-14-2008, 01:42 AM
المعلاية .. فن إماراتي شعبي .. مثله مثل فن الدبكة .. أما العيالة و الندبة و اليولة فهاي هي الفنون الدخيلة علينا .. شدراكم انتو ..

الا يا انصار فن المعلاية .. خبروني عن الحفلات الخاصة اللي تستوي في بعض الشقق في بعض الأماكن .. يشربون (ماي) و يدوخون (بخور) و في آخر الحفلة كل واحد ياخذ وحده و (يدرسون مع بعض)

صدقو الشباب يوم قالو لواحد امريكي تعال بنوديك مكان احلى عن السترب كلب

سير ارقد الوقت تأخر !! قمت تخورها آخر الليل تراك :aa_kashra:

ضحكني ردك والله :aa_lol:

Mis_sixty
01-14-2008, 01:45 AM
سير ارقد الوقت تأخر !! قمت تخورها آخر الليل تراك :aa_kashra:

ضحكني ردك والله :aa_lol:



ياخويه انا بعد شكيت في السالفه ... ما اتشوفوني بعدني مصدومه ...:bli:


ثره الريال امدوووووخ ... لا اتلومه آخر الليل ...:aa_lol:

mr.cool
01-14-2008, 01:49 AM
سير ارقد الوقت تأخر !! قمت تخورها آخر الليل تراك :aa_kashra:

ضحكني ردك والله :aa_lol:



انا ما قلت غير الواقع اللي حاصل .. المعلاية يوم بعد يوم يلبس الثوب الاماراتي .. و لو سألت اي خليجي المعلاية من وين بيقول من الإمارات .. لدرجة أنه اصبحت له بيوت تقيم حفلات خاصة كل ليلة و بمبالغ خيالية .. و في النهاية خلاص ماشي فرق بينا و بين استوكهولم .. و مرح الناقة .. مرح اللييييييييل

Mis_sixty
01-14-2008, 01:52 AM
انا ما قلت غير الواقع اللي حاصل .. المعلاية يوم بعد يوم يلبس الثوب الاماراتي .. و لو سألت اي خليجي المعلاية من وين بيقول من الإمارات .. لدرجة أنه اصبحت له بيوت تقيم حفلات خاصة كل ليلة و بمبالغ خيالية .. و في النهاية خلاص ماشي فرق بينا و بين استوكهولم .. و مرح الناقة .. مرح اللييييييييل

هيه اخويه اهني كلامك صح واقعي ... مب قبل اشويه .. ...

عموما ..للأسف هاذه لي حاصل من حد يسمع أغاني معلايه ... الكل بيقول انه فن تراثي إماراتي .. بس شو انسوي ... الله يسامح لي كان السبب في انتشار هالفن المبتذل ...:aa_frwon:

P!nk
01-14-2008, 01:56 AM
الفن بشكل عام كله وصاخه بوصاخه .... وهاي المعلايه مليون بالميه دخيله ع مجتمعنا

الحينه الهز والكلمات الفاحشه .. تعتبر من تراثنا .. ولو ان كل فرد بالمجتمع قاطع هالفرق

بروحوهم بينقرضون :aa_Doh: الله يهديهم بس


تسلمين ع المووضووع مسز :aa_wink:



انا ما قلت غير الواقع اللي حاصل .. المعلاية يوم بعد يوم يلبس الثوب الاماراتي .. و لو سألت اي خليجي المعلاية من وين بيقول من الإمارات .. لدرجة أنه اصبحت له بيوت تقيم حفلات خاصة كل ليلة و بمبالغ خيالية .. و في النهاية خلاص ماشي فرق بينا و بين استوكهولم .. و مرح الناقة .. مرح اللييييييييل


صدقت واللهـ :aa_frwon:

صمون
01-14-2008, 02:00 AM
كل ما هو قذر اعتبره دخيل ...

لأان العادات يجب أن تكون اسلامية ..

فلا يجوز تصحيح الخطأ لأنه (عادات و تقاليد) ..

شو الفرق بينا و بين كفار قريش ؟؟

أتمنى هالفكرة تصل للمسؤوولين ..

Juve-Alain
01-14-2008, 02:03 AM
حتى ايتو وهنري قاموا يهزون :head:

http://www.forcabarca.com/goal/2007-2008/images/etoo-henry1.gif

صارت ماركة عالميه

الصوره من توقيع متطرف اهلاوي

...........................

للاسف المعلايه انتشرت بشكل رهيب في اخر خمس سنوات

قبل كانت تقام في مناطق معينه وخلال الاعراس فقط

اما اليوم فاصبحت للحفلات والويك اند ......

انا الي اعرفه ان الفجيره تشتهر بالمعلايه وان المعلايه مصدرها عمان وانتشرت للاماكن المجاوره

الطير المهاجر
01-14-2008, 02:10 AM
المعلايه .....

:head::head::head::head:

تعريفها:دندنه على دق الطبول

مغنيها: يالله بالستر

جمهورها :من كل الفئات بدون تحديد


ساعات تلقى شباب يالسين ارواحهم على البحر وتحصل واحد منهم يدق والثاني يغني والباقين يصفقون من دون ان حد منهم يخترش وينش ويدور فبهم تقول مقبوله ونذكر ايام المدرسه والدق على الطاوله

لكن سوالف البنات واشباه البنات ونايلون وربعه فهم المرفوضون محليا

عندما تسقط الاخلاق ويصبح المنكر مستباح وترى التحدي الكبير لكن لحظه اي تحدي ...تحدي الجلي بالاهتزاز والشباب تحدي الدولارات

بس وناسه:aa_Doh:

:aa_harp: سوالف

DON S@LEM

مايخصك فالدراري فريجنا الجديم المعلايه والجلسات صوب الشهبا احنا ما يخصنا بويه فريجنا VIP فهمت هي :aa_wink: تعجبني يا فاهمني:aa_love2:

ولد_العاصمه
01-14-2008, 02:23 AM
اتفق معاج في كل كلمه ..

هذا ليس فن بل مجون و فسق انتشر انتشار النار في الهشيم للاسف الشديد !!

لا حد يقول هذا فن و تراث و بطيخ !! و يكفي ان يشوه سمعه البلاد .. و هالايام ماشاءالله قامو يسولهم فيديو كليب و كاسيت و سي دي !!

اتمنى تفعيل دور وزاره الاعلام و التصدي لهذه الظاهره التي اصبحت دائمه ومرافقه لاغلب الاعراس و الحفلات

..*its_me*..
01-14-2008, 02:30 AM
الأم علايه فن عريق و راقي

ولازم يتواجدون في كل الحفلات الراقيه

ليش تتهجمين عليهم










ههههههههههههههههههههههههههه

اتمغمشر معاج

يختي شو بنقول... هاييلا في بلادنا من قبل لا ننولد

والحين بعد عشراااااااات السنين منو يقدر يسوي شي

منو بيمنعهم ؟؟؟؟........ اللي سكت عنهم في هاي السنين


ما بيي اليوم وبيقولهم يلا كش ملك...

الله يستر علينا بس.... وما انروم انقول الا... العوايل هي اللي لازم تتصرف

وتمنعهم في حفلاتها


************
مافي حل الا انركبهم في طياره بوش هههه وانخليهم يكملون فنهم في امريكا

DON S@LEM
01-14-2008, 02:37 AM
http://www.forcabarca.com/goal/2007-2008/images/etoo-henry1.gif

وابوي وابووويه .. فريها شووويه ههههههههههههههههههههههههه

..*its_me*..
01-14-2008, 02:47 AM
أقول سالم

مب جنه شكلك حاب اتسوي مشاكل هههههههههههه

بس عاد ... خل عنك هاي السوالف...

ولا بفرك وياهم في طياره بوش هههههههههههههههه

واسمحلي :)

DON S@LEM
01-14-2008, 02:49 AM
لا بس الصورة الصراحة مشاكل رهيييبة !

بعدين طيارة بوش Air Force 1

حلاتها

بـنـت الـنور
01-14-2008, 04:03 AM
والله عندنافي كل عرس يطلبونهم

اذكر يوم كنت صغيره ..لما اروح اي عرس اشوف هالشي بعيني واضحك!! والمصيبه اونها مغطيه الويه..يعني غطت الويه والباجي حلال شوفوه!!! منظر قبيح بكل معنى الكلمه...والشباب كل واحد يصفق وعينه مفتوحه عالاخر:aa_9adma:

الحمدلله كل الي عرسوا من اهلي مايابوا هالفرق الهابطه ولا حتى في عرسي....


وحتى الكلمات لاتعليق عليها الصراحه!!!


مشكووره عالموضوع

انفعالات حادة
01-14-2008, 04:52 AM
سبحان الله .. والله من فتره افكر اكتب عن هالموضوع


موضوع بصراحه اشغل تفكيري .. شي مخزي والمتضرر الاكبر الاطفال .. وانا بصراحه استغرب من العائلات اللي اتيبها .. ما تفقد احترامها لنفسها .؟ عند اهلها عالاقل .؟


نطالب بوقفه ضد المعلايه ..


في اجراءات صارمة ضد اي شخص لابس كندوره يدبك !! كم تمنيت يكون في قرار ضد هالفئة الضالة


نطالب الجهات المسؤوله ان تخصص اشخاص تتعقب الفرق وتقبض عليهم وتجعل منهم عبرة لكي يزول هذا المسمى بالفن !!


وشكراً على الموضوع القيم سستر ..

بومحمد
01-14-2008, 07:25 AM
سبحان الله ..

يترك هؤلاء السفهاء وأصحاب الرذيلة ينشرون سمومهم في المجتمع...
ويضيق على الدعاة والمربين...


أي تراث هذا يدعو إلى الفجور والفسق..
وحتى لو كان من التراث..

فأنا أتبرأ من هذا التراث مادام فيه انحطاط ومعصية..


بتلاقي اللوث يغني ساعة ويقول دقني دقني دقني!!!!

إن شاء الله يدقون راسك في جهنم...

alzaabi4
01-14-2008, 09:04 AM
الله يرحمك يا أحمد نايلون..

THE END
01-14-2008, 11:12 AM
على الاقل هؤلاء معروفين ..

لكن هذيل وفي جامعة ITA

vjk9aDK1ASQ


ودن دنه دن دنه :aa_Dance2:
ساكن في قلبي الحلو وايد احبه انا:bwroo:


لا يكون قصدك الـ IAT ؟
مهعد التكنولوجيا التطبيقية !!!

THE END
01-14-2008, 11:16 AM
ممممممممم
بصراحه اعتبره فن هابط ..
وكل انسان يسمح لنفسه يتابع هالفئة المنحطة فأعذروني انا ماحشمه ..
كلمات بزيئة .. رقص ماجن .. دنيء .. فاحش .. منحط ..
للأسف يحزنني ان ترتبط المعلاية بدولة الامارات ..
الموضوع هذا رفع ضغطي مرات ومرات ..
وأنوي تصعيده لكتاب الأعمدة و البث المباشر ان امكن ..
المعلآية تجاوزت الخطوط الحمر وبقوة ..
شي لا يمكن السكوت عنه ..

Mis_sixty
01-14-2008, 01:27 PM
الفن بشكل عام كله وصاخه بوصاخه .... وهاي المعلايه مليون بالميه دخيله ع مجتمعنا

الحينه الهز والكلمات الفاحشه .. تعتبر من تراثنا .. ولو ان كل فرد بالمجتمع قاطع هالفرق

بروحوهم بينقرضون :aa_Doh: الله يهديهم بس


تسلمين ع المووضووع مسز :aa_wink:






صدقت واللهـ :aa_frwon:


صح اختيه مثل ما قلتي لو قاطعوا ... ولكن ...!!

شو بنقول دام انه أرقى العايلات تشترط في أعراسها وجود مثل هالملوثة ... ودام انهم يشوفون هالتشجيع ولي يحصلونه من ورى هالتشجيع ظنج بيودرون هالشي بين يوم وليله ...!!

الرادع مب موجود .. والحكومة ساكته ... وشكله الكل عايبنه الوضع ...

فخلهيم على دقني دق لين ما يندقون دق عقب في جهنم ...:aa_frwon:

Mis_sixty
01-14-2008, 01:30 PM
كل ما هو قذر اعتبره دخيل ...

لأان العادات يجب أن تكون اسلامية ..

فلا يجوز تصحيح الخطأ لأنه (عادات و تقاليد) ..

شو الفرق بينا و بين كفار قريش ؟؟

أتمنى هالفكرة تصل للمسؤوولين ..

تسلم يا خويه على ردك الطيب ...

وعل وعسى المسؤولين يصحووووووووووون من هالسبات العمييق :aa_sleep:

نحن متبرين عن أي تراث يشمل هالفن المنحط ... تراثناا غير .. وعاداتنا وتقاليدنا غير ترفض هالأشياء لي مالها صلة به أصلا ..

Mis_sixty
01-14-2008, 01:32 PM
حتى ايتو وهنري قاموا يهزون :head:

http://www.forcabarca.com/goal/2007-2008/images/etoo-henry1.gif

صارت ماركة عالميه

الصوره من توقيع متطرف اهلاوي

...........................

للاسف المعلايه انتشرت بشكل رهيب في اخر خمس سنوات

قبل كانت تقام في مناطق معينه وخلال الاعراس فقط

اما اليوم فاصبحت للحفلات والويك اند ......

انا الي اعرفه ان الفجيره تشتهر بالمعلايه وان المعلايه مصدرها عمان وانتشرت للاماكن المجاوره


يا خويه ... المعلايه الحينه مثل الأخطبوط في كل مكان .. ولو انه لها اماكن معينة تشتهر فيها ... بس بعد اتلاقيهم تحت الطلب وين ما تباهم إيوون بيوون ... للمنكر مستعدين يسوون كل شي وأي شي ...!!

ما انقول غير الله المستعااااااااااااااان .. وربي يفكنا من شرهم ..

manager
01-14-2008, 01:35 PM
عندي سؤال البنات لي ييرقصون مواطنات او وافدات

الـعقرب
01-14-2008, 01:36 PM
المعلاية ممنوعه في ابوظبي ويعاقب ويحاسب اي واحد يستخدمهم . طبعا اذا واحد بلغ عليهم .


للاسف الحين في ناس من الشماليه سكنوا في ابوظبي وقاموا يبون معاهم المعلايه في اعراسهم


مره ستوى عرس في الشوامخ لواحد من اهل الشمال . شباب بني ياس حضروا يطالعوا وكل واحد فاج حلقه

Bin Mansoor
01-14-2008, 01:48 PM
الصراحه انا استغرب عن الي يقولون ان المعلايه من التراث

الي اعرفه ان اهل الامارات سابقاً هم من القبائل العربيه الأصيله القادمه من اليمن و عمان و السعوديه
يعني تبون تقولون ان عيال القبايل كانو يرقصون معلايه .. و اييبون بنات يترقصن
ما تركب يا جماعة الخير

و الشي الثاني .. ليش اغلب الي يدقون معلايه اذا ما كانوا كلهم مب من اصول عربيه و خوال
ولا لهم اصل و لا فصل محد يعرف من وين يايين .. و هل هم عيال حلال ولا حرام

معقوله يعني بنات بلبس خليع يرقصن قدام الرياييل .. او بالأصح يشغلن رقاصات
بنات منو هاييل بالضبط .. و كيف بايعينها بشرف بهالطريقه

اسئله تبحث عن اجابه

Mis_sixty
01-14-2008, 02:05 PM
المعلايه .....

:head::head::head::head:

تعريفها:دندنه على دق الطبول

مغنيها: يالله بالستر

جمهورها :من كل الفئات بدون تحديد


ساعات تلقى شباب يالسين ارواحهم على البحر وتحصل واحد منهم يدق والثاني يغني والباقين يصفقون من دون ان حد منهم يخترش وينش ويدور فبهم تقول مقبوله ونذكر ايام المدرسه والدق على الطاوله

لكن سوالف البنات واشباه البنات ونايلون وربعه فهم المرفوضون محليا

عندما تسقط الاخلاق ويصبح المنكر مستباح وترى التحدي الكبير لكن لحظه اي تحدي ...تحدي الجلي بالاهتزاز والشباب تحدي الدولارات

بس وناسه:aa_Doh:

:aa_harp: سوالف

DON S@LEM

مايخصك فالدراري فريجنا الجديم المعلايه والجلسات صوب الشهبا احنا ما يخصنا بويه فريجنا VIP فهمت هي :aa_wink: تعجبني يا فاهمني:aa_love2:


غير بعد يا قووووووووووووم VIP ... :aa_inter:

مالك خص بالشهبا ...:aa_frwon:


نرجع لمحور حديثنا :aa_love2:

فرق بين الدق والتصفيق وبدون ما يخالطه بنات وشباب وكلمات بذيئة ..وبين الدق والتصفيق والرقص المايع ..


وصدق انه افكار اعضاء هالفرق منحطة . لدرجة انهم يتحدون في الرقص الماجن ..
ومالت يوم بيكون التحدي على انك اتخلي عمرك زبدة سايحه ...:aa_inter:

Mis_sixty
01-14-2008, 02:12 PM
اتفق معاج في كل كلمه ..

هذا ليس فن بل مجون و فسق انتشر انتشار النار في الهشيم للاسف الشديد !!

لا حد يقول هذا فن و تراث و بطيخ !! و يكفي ان يشوه سمعه البلاد .. و هالايام ماشاءالله قامو يسولهم فيديو كليب و كاسيت و سي دي !!

اتمنى تفعيل دور وزاره الاعلام و التصدي لهذه الظاهره التي اصبحت دائمه ومرافقه لاغلب الاعراس و الحفلات


المشكلة يا اخويه ... انه الحينه الحريم والبنات حتى في الأعراس يطلبون من الفرق الغنائية لي يبونهم انهم يدقون لهم دق المعلايه ...!!! .. والغريب انه البنات يرقصن على شاكلة بنات المعلايه والعياذ بالله .... وهاذه لي يخلي بناتنا يختربن ... من مشاهدتهن لهالسوالف في النت وفي فيديوهات البلوثوت المتداوله بين البنات والشباب ولي انتشرت في كل مكان ...

من جي نحن انطالب المسؤولين انهم يتحركون ... لو ما شفنا خطرهم بدى ينتشر ويعم ...


وانا ما أؤمن ... بشي امسه معلايه من التراث ... محشووووم التراث يضم هالنوع من الفن المنحط ...:aa_frwon:

نعنوع2002
01-14-2008, 02:13 PM
السلام عليكم ورحمة اللة بس حبيت ارد على الي قااااال ان المعلاية فن متوارث من عمااااااان نحن شو دخل تراثنا في تراث عمااااااان كل واحد حر تراثة ولو عايبنكم هذا الشي روحو شوفوه اهناك ليش يابينة اهنية

Mis_sixty
01-14-2008, 02:18 PM
الأم علايه فن عريق و راقي

ولازم يتواجدون في كل الحفلات الراقيه

ليش تتهجمين عليهم










ههههههههههههههههههههههههههه

اتمغمشر معاج

يختي شو بنقول... هاييلا في بلادنا من قبل لا ننولد

والحين بعد عشراااااااات السنين منو يقدر يسوي شي

منو بيمنعهم ؟؟؟؟........ اللي سكت عنهم في هاي السنين


ما بيي اليوم وبيقولهم يلا كش ملك...

الله يستر علينا بس.... وما انروم انقول الا... العوايل هي اللي لازم تتصرف

وتمنعهم في حفلاتها


************
مافي حل الا انركبهم في طياره بوش هههه وانخليهم يكملون فنهم في امريكا


خخخخخخخخخخخخخخخخخخخخخخخخخخخخخخخخخ... اقول انا بعد بلاها هاي واقفه في صفهم :bli:

عقب عرفت انج تستهبلين :bwroo:


عموما حبيبتي تسلمين على ردج الحلووو...

ومثل ما قلتي لو لقوا رفض من الكل ... جان بينجعمون وبينجبون وما بيسوون هالسوالف كلها ... يبالنا انفرهم امريكا ... يا اختيه اظن بيخربون الشعب الأمريكي كله ... هييل تأثيرهم أقوى عن أي شي ... جي يضرب في الصميم :aa_inter:

العوضي
01-14-2008, 02:24 PM
ومنذ متى كانت هذه الفنون في مستوى الشرف لكي تصل إلى الحضيض بعد ذلك

منذ نشأتها وهي في الحضيض لكي تبقى فيه ما بقيت الدنيا

واستغرب مناقشة مثل هذا الموضوع في المنتدى !!!

Mis_sixty
01-14-2008, 02:30 PM
لا بس الصورة الصراحة مشاكل رهيييبة !

بعدين طيارة بوش Air Force 1

حلاتها



انته شكلك ياي تسوي مشاكل اهني ...:aa_frwon:

نحن يايين اناقش الموضوع .. وانته ياي اتيبلنا ادله وشواهد ...:aa_inter:


ولو اني شاكه فيك لين الحينه ...:bwroo:

كشكوشه
01-14-2008, 02:32 PM
النشأة

نشأ فن المعلاية في سلطنة عمان الشقيقة على يد الشيخ ( رحل ) وبعد انتقال ( الكاهن العود ) إلى الدار الآخرة أكملت المسيرة حرمه المصون والتي عرفت باسم ( رط رط ) وحملت على عاتقها راية المعلاية وقد كانت مرجع أعلى لجميع متعاطي هذا الفن من أصحاب الهوى!

وهناك رواية أخرى تقول بأن هذا الفن نشأ على يد امرأة تدعى ( أم علاية ) وعلاية تصغير لاسم ( علياء ) ولهذا أطلق عليها معلاية نسبة لمؤسسته هذا الفن.


التاريخ
لا يعرف على وجه التحديد متى بدأ هذا الفن الدخيل على مجتمع الإمارات ويرجح الخبراء بأنه بدأ قبل 200 عام تقريباً.

الهيكل والأداء الحركي
قائد أوركسترا المعلاية يدعى ( البابا ) وإذا كانت امرأة تدعى الماما وتتكون الفرقة من 20 إلى 30 شخص من أولاد الهوى وعدد من العواجيز والعجائز يجلسون على شكل حلقة يتوسطها ( المكوسرجي ) عازف الكاسر ويكون هذا الشخص قوي النبية لما يحتاجه الكاسر من لياقة بدنية!!!

وفي منتصف الحلقة يجلس مغني الفرقة صاحب الصوت الشجي ( يدق ) على طبل يسمى الرحماني أما بقية الحلقة فيطلق عليهم ( الرديدة ) وأطلق عليهم هذا الاسم بحكم دورهم في الفرقة وهو الرد وراء المغني كما يقوموم بالتصفيق لإضفاء نوع من الجمال على الفن، أما المبتدء في الفرقة فيتدرج من مصفق غلى ضارب ( الرنة ) الطوس هذا إذا مشى معه الحال!!!

الرقص
يعتبر الرقص في فن المعلاية العمود الفقري وجلبة العيون والنثور والنقوط وهو رقص خليع خارج عن نطاع الأدب والسلوك السوي وتعتبر ( أمريح الناقة ) هي أهم رقصة في فن المعلاية. خخخخخخخخخخ

الآلات المصاحبة
تستخدم في فن المعلاية ثلاثة آلات هي:
1) الرحماني: مياسترو العلاية طبل كبير الحجم اسطواني الشكل.
2) الكاسر: طبل صغير الحجم يستخدم في كسر حدة السوط.
3) الرنة ( الطاسة ): اداة إقاع تتألف من قطعتين من النحاس وهو شبيه بما يسمي في مصر بالـ ( صاجات ).


الإعلام

كانت الفرقة في السابق تقوم بدور إعلامي بشكل عفوي ودون علم، حيث تقوم السيارة وغالباً ما تكون ( بيك آب ) بنقل الفرقة إلى مكان الاحتفال ( العرس ) هذا المشوار يصاحبه عزف ( دور ) حار ( سبايسي ) بمثابة إعلان لأهل المنطقة ( الفريج ) بوجود ( عرس ) في المنطقة.


الدور

تقوم الفرقة بعزف عدة وصلات أو أدوار حيث يبدأ الدور بعزف هادي ( بارد ) ويرتفع النسق حتى يصل إلى دور حارجداً، وإذا ما تعب المغني أو شعر بضعف في صوته يختم الدور بتخفيف حدة الغناء ولكن بقية أعضاء الفرقة يرغبون في المواصلة هناء يرددون بصوت واحد ( طاح الدور لا لا ما يطيح ) وهنا يأخذ المغني قليل من الراحة ويستجمع قواه ليواصل الدور وبنفس القوة مرة أخرى.


[COLOR="red"]الطقوس [/COLOR
النثور ( النقوط ): توضع في وسط الحلقة صينية معدنية على طبل رحماني ( احتياط ) لتلقي النقوط وتحته توجد ( كروز ) السجائر ( ونستون - ثري فايف - كنت ) تقدم كأكرامية من العريس لأعضاء الفرقة.
كما يقوم شخص من المتفرجين من خارج الحلقة بوضع ( نوط بوعشر ) في فمه ويتجه إلى أحد الراقصين الذي قوم بدوره بأخذ النوط بفهمه وهو يرقص!


الملابس والأزياء
يمتاز أولاد الهوى بالتبرج ووضع ( كيلو ) مكياج مع تفصيل ملابس ضيقة ويعتبر تركيب ضرس ذهب علامة تجارية مسجلة لهم! كما يشتهرون بتخميص أياديهم وأرجلهم بالحناء!


الأسماء الحركية
يحب منتسبي فرق المعلاية إطلاق أسماء حركية على أنفسهم لتكون لهم حضوة بين الناس فكثير منهم ماتوا والأغلبية من الناس لا يعرفون أسماءهم الحقيقية! ومن الرواد الأوائل نذكر: قرموزة - بابا زواد - وماما مهرة - بوعرام - ماليتا - ولبلبة - وشجون - ديزل.
أما الجيل الوسط: خالد حرية - عنتروه - عيسى بدر - طبقات - سميرة سعيد- .سنقيس
ومن الجيل الحالي: باهيت - نايلون - عبود خوصه - خليل حرية

عموما ...

فن المعلاية غير معترف به كفن إماراتي شعبي لا على المستوى الرسمي ولا الشعبي علماً بوجود أعداد كبيرة من عشاق ومتابعين لهذا الفن الدخيل.



منقول - لا يشووح تفكيركم بعييد :aa_kaaak:

Mis_sixty
01-14-2008, 02:35 PM
والله عندنافي كل عرس يطلبونهم

اذكر يوم كنت صغيره ..لما اروح اي عرس اشوف هالشي بعيني واضحك!! والمصيبه اونها مغطيه الويه..يعني غطت الويه والباجي حلال شوفوه!!! منظر قبيح بكل معنى الكلمه...والشباب كل واحد يصفق وعينه مفتوحه عالاخر:aa_9adma:

الحمدلله كل الي عرسوا من اهلي مايابوا هالفرق الهابطه ولا حتى في عرسي....


وحتى الكلمات لاتعليق عليها الصراحه!!!


مشكووره عالموضوع

العفو الغاليه ...

يا اختيه ... هالغشوه لزوووم البرستيييج ... تعرفين بعد مب كل شي حلال في السالفه ...:aa_inter:

خخخخخخخخخخخخخخخخخخخخخ...

اسعدني ردج ...:aa_love2:

ajmanee
01-14-2008, 02:43 PM
خخخخخخخخخ ماشاءالله عليييج كشكوشه ... شكلج مسوويه برووجكت عنهم .. خخخخخخ

واحلى شي الاعلاام .. يووم يلفوون بالبي كاب .. خخخخخخ

عنبووه حتى اسامي شراات الاوادم مايعرفوون يختااروون ... قرمووزه و ديزل ... ونسيتي الكاهنه العوووده .. دمعوووه .. وكاكاوه ... خخ قااموا يزييدووون قووم بو ظرووس دهبيه فالبلااد ... يالله بالستر

كشكوشه
01-14-2008, 02:46 PM
خخخخخخخخخ ماشاءالله عليييج كشكوشه ... شكلج مسوويه برووجكت عنهم .. خخخخخخ

واحلى شي الاعلاام .. يووم يلفوون بالبي كاب .. خخخخخخ

عنبووه حتى اسامي شراات الاوادم مايعرفوون يختااروون ... قرمووزه و ديزل ... ونسيتي الكاهنه العوووده .. دمعوووه .. وكاكاوه ... خخ قااموا يزييدووون قووم بو ظرووس دهبيه فالبلااد ... يالله بالستر

شفت تاريخهم المجيييد هههههههههههههه

يا حافظ عليهم وعلى اساميهم .. فنيه :aa_inter:

اماراتي من الخاطر
01-14-2008, 02:58 PM
موضوع خطير جدا ..

ويصيبني بالقهر وارتفاع نسبة السكر والظغط ..وتغلغل الشريان..


أمتنع عن الرد والمناقشة ...

واشكر أختي مس على طرحها الموضوع ..


( إلى جهنم وبئس المصير ياهواة المعلاية وراقصيها ) ..

Mis_sixty
01-14-2008, 02:58 PM
سبحان الله .. والله من فتره افكر اكتب عن هالموضوع


موضوع بصراحه اشغل تفكيري .. شي مخزي والمتضرر الاكبر الاطفال .. وانا بصراحه استغرب من العائلات اللي اتيبها .. ما تفقد احترامها لنفسها .؟ عند اهلها عالاقل .؟


نطالب بوقفه ضد المعلايه ..


في اجراءات صارمة ضد اي شخص لابس كندوره يدبك !! كم تمنيت يكون في قرار ضد هالفئة الضالة


نطالب الجهات المسؤوله ان تخصص اشخاص تتعقب الفرق وتقبض عليهم وتجعل منهم عبرة لكي يزول هذا المسمى بالفن !!


وشكراً على الموضوع القيم سستر ..


العفو يا خويه ... وزين إني طرحت الموضوع ...:head:

وانا بعد اتفق معاك ... واتمنى حد يتخذ أي إجرااااء مناسب في أقرب وقت ... :)

Mis_sixty
01-14-2008, 03:00 PM
سبحان الله ..

يترك هؤلاء السفهاء وأصحاب الرذيلة ينشرون سمومهم في المجتمع...
ويضيق على الدعاة والمربين...


أي تراث هذا يدعو إلى الفجور والفسق..
وحتى لو كان من التراث..

فأنا أتبرأ من هذا التراث مادام فيه انحطاط ومعصية..


بتلاقي اللوث يغني ساعة ويقول دقني دقني دقني!!!!

إن شاء الله يدقون راسك في جهنم...


خخخخخخخخخخخخخخخخخخخخخخخخخخخخخخخخخخخ والله ضحكتني يا خويه ...:aa_inter:

شو بنقول غير الله المستعان ... المشكلة انه في بلادنا .. فاتحين الباب على مصراعيه لكل من هب ودب انه يمارس طقوووسه وحفلاته الخاصه مثل ما يباا ...!!! عجبي

Mis_sixty
01-14-2008, 03:05 PM
الله يرحمك يا أحمد نايلون..



الله يرحمه ورغفر له إن شالله

ويهدي لي على شاكلته ....آآآمين يارب العالمين ...

كشكوشه
01-14-2008, 03:06 PM
ليش احمدووه نايلوون مااات ؟؟ متى !!

Mis_sixty
01-14-2008, 03:06 PM
عندي سؤال البنات لي ييرقصون مواطنات او وافدات


بصراحه في نظري ... هيل مالهن أصل ولا فصل .... لي عنده اصل وامحشم عمره ... ما بيسوي هالمنكر كله ...

Mis_sixty
01-14-2008, 03:18 PM
ومنذ متى كانت هذه الفنون في مستوى الشرف لكي تصل إلى الحضيض بعد ذلك

منذ نشأتها وهي في الحضيض لكي تبقى فيه ما بقيت الدنيا

واستغرب مناقشة مثل هذا الموضوع في المنتدى !!!




اخويه ... شكلك ما قريت ردي على واحد من الأخوان .... وانا برد اعيد لك الرد ( انا يوم قلت في الحضيض كنت اقصد انه المعلايه تؤدي بصاحبها إلى الحضيض لنه فن هابط ) ونحن نعرف انه عمر المعلايه ما كانت شي يشرف ..!


ثانيا ....وليش تستغرب من الموضوع ....؟ انا لي مستغربه من ردك .....؟

هالشي لي مستغرب منه ... شي مخزي بالنسبة لمجتمعنا ... وما يستوي نحن انحط إيدنا على خدنا ونيلس نتفرج عليهم منه والدرب ....!!! وينشرون سمومهم وطقوسهم علينا ونحن حاطين ريل على ريل وانصفق لهم ..

اخويه إذا انته بتسكت وغيرك بيسكت ... عز الله سوينا شي .. ونفعنا بلادنا ....!!

لازم كلنا نوقف ضد هالشي ... مب انعرقل تحركنا واصواتنا ...


عموما ... إن شالله مره ثانيه ما تستغرب من مناقشة مواضيع تمس سمعة بلادنا ...!!

تحياتي ...

اماراتي من الخاطر
01-14-2008, 03:30 PM
http://www.m5zn.com/uploads/d22419a543.jpg

ريـان
01-14-2008, 03:40 PM
......اقل شي نقوله انه وصاخة في وصاخة ......

والي تسمح له نفسه بهالوصاخة فهو أوصخ ......

ومفروض فيه تجريم بهالافعال الوصخة ....تشويه لتراث البلد....

مشكورة على فتح هالموضوع ....

Mis_sixty
01-14-2008, 03:42 PM
كشكوشة ..



سلالالالالالالالالالالالالالالالالالالالالالالامي عليج ..

ولو إني في البدايه شكيت فيج ..:bwroo:


بس ابصراحه الشرح كفى ووفى وموتنا من الضحك بعد :aa_inter:


تسليمن الغاليه


**********************

إماراتي من الخاطر ...


ابصراااااااااااااااااااااااااااااااحه انته فناااااااااااااااااااااااااااااان .... عيبتني الصورة .. وجان زين هالحملة تستمر ... والكل يوقف معانااااااااااااا :aa_Party:.... اشكر فنك اخويه مره ثانيه :head:

**********************

BLADE
01-14-2008, 03:53 PM
موضوع يمس المجتمع ...شكرا Mis_sixty على طرح الموضوع

uaelove
01-14-2008, 04:28 PM
أحلى من معلايه ماشي
وتمريحة الناقة مرحل الليل مرحل الليل

DON S@LEM
01-14-2008, 06:36 PM
هذا هو يا the end

Mis_sixty
01-14-2008, 06:37 PM
ريـان

BLADE


شكرا على مروركم ...وتواصلكم :)


******************************

uaelove

اخويه .... شكلي بشوتك برع :aa_frwon:

Red night
01-14-2008, 06:42 PM
...شكرا Mis_sixty على طرح الموضوع

قلبي الحزين
01-14-2008, 06:50 PM
الله كريم بس معظمهم بدون او ايرانيين

ما وراء البحار
01-14-2008, 07:28 PM
اولا المعلايه مب فن دخيل على مجتمعنا وهيه فن شعبي قديم ومحد يقدر ينكر هالشي

ا وبعدين الدوله شوه بتسوي يوم الناس يطلبون هذي الفرق و عشان الرقص الخليع والاغاني الرباشيه

والحينه الاغاني و كلمات الاغاني اغلبها مستوحاه من اغاني المعلايه لدرجه انه اغنيه مثل دقني توصل وتنتشر

في جميع انحاء الوطن العربي

والحل في رايي بسيط كل واحد مسؤول عنه نفسه وعلى اهله وعياله واذا كان قد المسؤوليه ما بتاثر عليه لا معلايه

ولا غيرها

الناس اهنيه هم اللي نشروا المعلايه و هم اللي يقدرون يقاطعونها

المساله سهله و الدوله مب مقصره بصراحه بس نحن اللي يبالنا اعاده تربيه

انا انكر انها مب من تخاليف اهلنا ولا كانوا إيعرفونها..... هاااي المعلايه يابوها المتجنسين من المواطنييين حاااليا وما فيه كلام غير هالكلام

¨°o.O 3¥ôôn Uâë O.o°¨
01-14-2008, 07:47 PM
http://7odi.com/up/uploads2/4d04c2c47e.gif (http://7odi.com/up/)

حسب ما سألت اغلبهم من ذوي البشرة السمراء و رقص سواحلي من زنجبار

بعدها لقى رواج عند بعض المستعربين و الامارات الشمالية عندهم نفسهم بس اصبحت اماكن تمركزهم فيها

عن نفسي اخواني لو حضرنا عرس وشغلوا الدق هذا ما اتكلم عن الفرقة اتكلم عن التسجيل

يدقون علينا ويقولون اطلعوا نحن ننتظركم عند الباب خخخخخ

بصراحة استغرب انتشاره ورواجه و رقص الشباب والبنات له مع اني اشوفه عبارة عن

حركات غير لائقة لانسان مسلم ابداً

و مب مقياس الهوامير انهم قدوة يوم تقولون انهم يخلونهم في اعراسهم

نحن لنا في شيوخنا هم قدوتنا ومستحيل يستقدمون من الاشكال هذي

يعطيج العافية اختي الكريمة

واسمحي لي ع الاطالة

اختج

عيون الإمارات


http://7odi.com/up/uploads2/4d04c2c47e.gif (http://7odi.com/up/)

حركات666
01-14-2008, 08:20 PM
كل رقصه شعبيه لها أصل و معلايا ياي من زنجبار

عيناوي كاريوكا
01-14-2008, 09:21 PM
انا اللي اعرفه ان بعض لاعبين احد الاندية العريقة في الدرجة الاولى يقيمون الحفلات في منازلهم

صنقور بن صلبوخ
01-14-2008, 09:59 PM
السلام عليكم ....
كانت لي محاولات بحوث أو تقارير لمناقشة هذة الظاهرة ومحاربتها و أردت نشرها على بعض وسائل الأعلام ، لكن لم القى التعاون في هذا الأمر .......
إذا ذكرنا دولة الكويت مثلاً فيخطر ببالنا الأبراج ، أو المسلسلات الكويتية ، أذا ذكرت المملكة مثلاً فنذكر المنتخب السعودي على سبيل المثال وما حققة من بطولات .... أما إذا ذكرنا الأمارات فنذكر برج العرب مثلاً والمعلاية .... هذا ليست من باب المبالغة ولكنها حقيقة ملموسة ، أصبح هذا النوع من الرقص ملتصق بنا .....
المعلاية رقصه توجد في كينيا وتنزانيا وسلطنة عمان وإيران والهند أيضاً وفي بعض البلدان الأخرى ..... لكن الأكثر رواجً هنا في دولة الأمارات وللأسف الأكثر تفسخاً وقلة أدب لدينا هنا أيضا ً ... أكثر حتى من بلد المنشأ ....
تسمى هذة الرقصة في أفريقيا كيم سليمبو ، وفي عمان بالدان وأحياناً تؤدى وقوفاً .... هناك عدة أحتمالات لمنشأ هذة الرقصات فهناك أحتمال أنها رقصات لعبدة الشيطان أو إنها كانت رقصات ترويحية تؤدى بدون ترتيب في الأستراحات بين الرقصات ....

لن أطيل عليكم بالشرح الكثير .. هناك مشكلة سلوكية الذين يستهويهم هذا الرقص ، تجده يدعى علىهم بأن منحطين وبدون أخلاق وهو مع أصدقاءة يقومون بالرقص على أنغامها....

نحن كأسر نهي أولادنا لذلك فهناك بعض الأسر تحضر الاغاني لأطفالها وتطلب منهم الرقص ...

دخلت بعض الرقصات في باب المحرمات كأن يؤدوا في بعضها هيئات كالسجو والركوع ....


سامحونا طولنا عليكم .....
وللحديث صلة ...

عيناوي العاصمه
01-14-2008, 10:06 PM
شو يخصنا فيهم نحن نعرف أن تراثنا عبارة عن العياله (الرزفه) و اليوله .. شو معلايه ما معلايه حركات افارقه هذي ...

alw7dh
01-14-2008, 10:38 PM
اكثر الشباب يحبون المعلايه على انها تسليه وانشوفهم في الشوارع وكل مكان يبون يرقصون

واكثر اللي يروحون هاي الحفلات شواذ والبنات في منهم وافدين عرب
ومستحيل اول ما بدت المعلايه كانت بهاي الطريقه وهالرقص اول اكيد كانو الرياييل يترقصون بروحهم وبعديين اتطورو وقامو ايدخلون البنات وياهم لان هالشي بيسبب انتشارهم وربحهم (الناس يبون هالشي ؟؟؟فاسدين)

والي يسمعون هالشي ها مزاجهم مثل ما في ناس يسمعون انجليزي ويحبون يرقصون رقصهم

كل مكان في الفن الزين وفي الفن الهابط


واكثر حفلاتهم تكون في البر وبعيد عن الناس وكل ممنوع عندهم

-------------------------------------------------------------------------------------

وفي فن ثان يستخدمونه اللي في السعوديه او اكثر اللي يغنونه هم السعوديين وهو(((( الكسرات))))))
وبدا ينتشر عندنا بشكل كبير

وفي هالفن الهابط يغني الريال عن الولد اللي يحبه وهاي السوالف وحتى البنات قامو يغنون (الصراحه ماعندي اكثر والا بقول عن شو يغنون بعد بس ما اسمعهم)



بس صدقوني ما بتقدرون تغيرون اي شي وكل شي ممنوع مرغوب


==============
قلبي الحزين

واكثر دول الخليج فيهم ايرانيين ماشفنا عندهم لا ام علايه ولا ابو علايه

ALMUHAIRYA
01-15-2008, 12:35 AM
اولا المعلايه مب فن دخيل على مجتمعنا وهيه فن شعبي قديم
ومحد يقدر ينكر هالشي


تسمى هذة الرقصة في أفريقيا كيم سليمبو ، وفي عمان بالدان وأحياناً تؤدى وقوفاً....
هناك عدة أحتمالات لمنشأ هذة الرقصات فهناك أحتمال أنها رقصات لعبدة الشيطان
أو إنها كانت رقصات ترويحية تؤدى بدون ترتيب في الأستراحات بين الرقصات ....




لمن يدعي بإن المعلاية فن شعبي قديم، فعليه بمراجعة معلوماته قبل أن يدلوا بدلوه، ويجزم
بإنه فن شعبي، ويتجني على تراثنا...

المعلاية تنعد من العادات الدخيلة في التراث الإماراتي أو حتى الخليجي، هي بالأصل رقصه
تقليدية من جنوب الشرقي لساحل العاج، يطلق عليها مبوكا Mapouka والمعروف أيضاً تحت
اسم بووتي دانس Booty Dance كانت ترقص خلال الاحتفالات الدينية في ساحل العاج،
إلى ان قررت الحكومة منع إدائها في الاحتفالات الدينية، وفي الساحات المفتوحة...

وإذا تمكنت حكومة ساحل العاج من منعه، لما لا نقوم نحن بذلك!!! اين جمعيات التراث الإماراتية،
والجهات المختصة، لما لا يتم محاسبة من تسول له نفسه الإساءة لسمعة بلدنا، وتراثنا
الاجتماعي، حتى وسائل الإعلام الإماراتية سواء المقروءة أو المرئية لم تتطرق الى
الموضوع...

وللأسف من فترة قرأت تصريح نقلتها إحدى الصحف بأن الممثل الإماراتي بمنصب نائب
رئيس القسم الثقافي في احدى الصحف المحلية، يعترف بان هذا الرقص
الماجن من التراث الشعبي للدولة، وتراثنا منه براء...

قلب الوصل
01-15-2008, 01:05 AM
المعلايه فن زنجباري أفريقي قدم الى عمان أيام حكمها لزنجبار وبعدين وصل الامارات...
ناس ماتستحي ولا فيها غيره...الحمدلله لا أسمع معلايه ولا غيره

Mis_sixty
01-15-2008, 01:44 AM
Red night

قلبي الحزين

ما وراء البحار

¨°o.O 3¥ôôn Uâë O.o°¨

حركات666

عيناوي كاريوكا

صنقور بن صلبوخ

عيناوي العاصمه

alw7dh

ALMUHAIRYA

قلب الوصل

مشكووووووووووووووووورين اخواتي واخواتي .... ابصراحه ما قصرتوا كفيتوا ووفيتوا ...


وانا مثلكم ما أؤمن انه هالشي من التراث .. ومتأكدة مليووون بالميه انه هالفن المنحط دخيل .... ولا في تراث يحوي بإيحاءات جنسية بحتة وكلمات مبتذله ...!!! شو هالفن وشو هالتراث

الله المستعان بس ... ولو هالرقود يتحركوون بنكون نحن بخيرر...:aa_frwon:

Adsense Management by Losha