مشاهدة النسخة كاملة : افضل المطاعم في أبوظبي؟


عيناوي العاصمه
01-05-2008, 11:07 AM
السلام عليكم .. سؤالي اليوم سهل و بسيط :aa_news:

ما هي المطاعم التي تذهبون اليها في العاصمه أبوظبي أو تطلبون منها أو الي تحبونها ؟؟

سواء مطاعم غاليه او متوسطه او رخيصه ما في مشكله :aa_kashra:

طبعا أنا عن نفسي حاب اجرب مطاعم جديده سواء في بوظبي او حتى في مصفح التجاريه :aa_kashra:

شو تنصحوننا ؟؟؟ عطونا إقتراحاتكم مع الأسماء!!! مطاعم فخمه في الفنادق ؟ مطاعم متوسطة المستوى ؟ مطاعم التوفير :head:

و خبرونا شو الأشياء الزينه عندهم و موقعهم طبعا و كيف اسعارهم .... و كيف الجلسه الخ الخ

تحياتي

uae443
01-05-2008, 12:15 PM
Indigo resturant

Indian

Beach rotana Hotel

_____

الغد
01-05-2008, 12:16 PM
لحظة خلني افكر

الغد
01-05-2008, 12:17 PM
مطعم ناصر ماعليه قاصر
اطلب صحن كيما ودال وبيض ( صدق غالي) وبراته

ولازم الهندي يكون حاط النشفة على كتفه اليسار وجيك ماي في ايده اليمن

والامرور بتمشي 10/10

مب تنسى طرشلي صحن ناشف وكبده عالبيت لاني دليتك

be fair
01-05-2008, 12:26 PM
المطاعم الايرانية:
1) صدف
2) بارس بلاس
3) كباب خصوصي
4) حاتم

المطعم اللبنانية:
1) شاميات
2) الاوبرج
3) نواعير
4) زهرة لبنان
5) مروش
6) مواويل

المطاعم الاجنبية:
1) شيليس
2) فرايديز
3) المطعم الايطالي في نادي الجولف
4) اماسي
5) قصر الهند

مطاعم البوفيه:
1) كارفان
2) صدف
3) أرض المأكولات
4) المطعم الرئيسي لشانقريلا "The Best"

علي السعدي
01-05-2008, 12:59 PM
المطاعم الايرانية:
1) صدف
2) بارس بلاس
3) كباب خصوصي
4) حاتم

المطعم اللبنانية:
1) شاميات
2) الاوبرج
3) نواعير
4) زهرة لبنان
5) مروش
6) مواويل

المطاعم الاجنبية:
1) شيليس
2) فرايديز
3) المطعم الايطالي في نادي الجولف
4) اماسي
5) قصر الهند

مطاعم البوفيه:
1) كارفان
2) صدف
3) أرض المأكولات
4) المطعم الرئيسي لشانقريلا "The Best"


ما شاء الله شكلك خبير بالمطاعم

:head::head::head::head:

ديل بييرو الجزيرة
01-05-2008, 01:03 PM
فرايديز و تشيليز على رأس القائمة
أكلهم متنوع و رائع
و الكوالتي عالي و الاسعار بعد

عندك بيتزا اموري اسعار متوسطه إلى مرتفعه
طبعا أكلهم كله إيطالي
بيتزا و لزانيا و باستا و غيره
مطعم صغير و هادي
يعني لو تبا مطعم مافيه حشرة و ناس تضارب
هذا مناسب


عندك فندق الجراند هوتيل
مطعم إسمه pipino
إيطالي و رائع جدا
اسعار عاليه طبعا
بس بعد مطعم هادي و حق قعدات راقية
بس لازم تحجز لأنه غالبا يكون متروس

عشقي احمر
01-05-2008, 01:52 PM
السلام عليكم

اخي السائل

من اول الشهر لين خمسه منه عليك في قصر الهند والاوركيد وشاميات

من خمسه لين عشره من الشهر عليك في الكفتريات منهم محارة البحر

ومن عشره لين خمسطعشر عليك بمطعم ناصر وله مطعم دبي الكيمااا يمدحونه عندهم

من خمسطعشر ليم عشرين اذا كانت الميزانية بعدهاااا اوكي كمل على ناصر


بس من عشرين لين خمسه عشرين من الشهر اشتري صمون بدرهم وبدرهم فلافل وغرشة بيبسي وخلك على هذا المنوال لين اخر الشهر


عن تجربه


وشكرا

بو ميثا
01-05-2008, 01:58 PM
مطعم الظفره,شعبي - الميناء

مطعم بارس بالاس, إيراني - الخالديه

مطعم مواويل- شارع الجوازات

مطعم أبوطافش - النادي السياجي

fish marketفي فندق انتر كونتنالتال

ومطعم اوتار - النادي السياحي

مطعم اثينا - أبوظبي مول

مطعم الصفدي - الخالدية

مطعم اماسي ( ايطالي ) - الخالدية

مطعم الفنر ( المطعم الدوار ) - لو ميريدان أبوظبي

طبعا ما ننسى( شيلز ) في المارية مول والخالدية مول

مطعم فرايديز (أمريكي) في النادي السياحي

مطعم براوهاوس ( الماني ) في روتانا الشاطي

مطعم فنز ( بحري ) روتانا الشاطي

مطعم بريجوس ( ايطالي ) روتانا الشاطي

مطعم روزبدز ( عالمي ) - روتانا الشاطي

مطعم فصرة بلد ( عالمي ) شانغريلا أبوظبي بوفيه مفتوح ب 150 درهم فقط

مطعم باربيكيو القصر .. في قصر الامارات بوفيه مفتوح 255 درهم



هاللي جربتوهم .. واكيد شي مطاعم وايد وراقية في فنادق أبوظبي

ادخل هالصفحة وشوف المطعم اللي يناسب ذوقك في قصر الامارات

http://www.emiratespalace.com/ar/bars/index.htm

جروح مكتومه
01-05-2008, 02:14 PM
مطعم رضا

صوب سينما الدويدار ما اعرف اسمه هههههههههههه عجيب كل شباب راك هناك هههههه

بوظبي يالطيب مافي مطاعم مثل الناس و انا جربت كل المطاعم في كل الفنادق ابتداء من قصر الامارات الى انتر كونتينتال القديم..

من اسوء المطاعم على مستوى الدولة علما انا ما اسير الا اكون عندي شغل او كورس او مؤتمر..يعني اذا Vip و جي فما بالك ..

الموعود
01-05-2008, 02:47 PM
عليك مطبخ ومعطم قصر المرحبااااااااااابي

احلى مندي كلته في بوظبي

وعندك في مطعم برازيلي في فندق الانتر

ومطعم ايطالي وبار في العين بالاس اسمه بلازو

وفي كافتريا العلمين احلى شندويج وجرجير عنده

حبوش
01-05-2008, 04:06 PM
كباب دبي الخاص فنان ... احلى من الكباب الخاص

الهزاع
01-05-2008, 04:15 PM
fishmarket فالانتر كونتيننتال .... من الافضل المطاعم البحريه فالدوله

شرجاوي صغير
01-05-2008, 05:30 PM
عليك مطبخ ومعطم قصر المرحبااااااااااابي





اللي صوب الوحدة مول

عن تجربة ما انصحك فيه...

raul fan
01-05-2008, 06:00 PM
ما عليك غير تشيلييز :head:
مع انه غالي شوي

للتوضيح
01-05-2008, 06:37 PM
الشاطر حسن بعده موجود ! .. استغربت مايابوا طاريه !!
اسميه مشاويه ترتيب .. أحلى عن مشاوي زهرة لبنان !
وعندك الظفرة أكيد !

وفي مطعم حلو .. على شارع حمدان .. ورى سنتر حمدان وسينما الماسة .. بتحصل مطعم صغير ( هندي )
سمبوسته عجيبه ..

درر
01-05-2008, 06:37 PM
مطعم باربيكيو القصر .. في قصر الامارات بوفيه مفتوح 255 درهم:lool:

AD gov
01-05-2008, 08:50 PM
تبا نصيحة خبييييييييييييييييير
سير مطعم العلمين اللي صوب سينما الوطنيه << سبقني فيها اخوي الموعود

طبعا هذا المطعم مختص ف سندويشه وحده بس !!!! ما يسوي غيرها اصلا

سندويشه كبيييييييييييييييييره قد الكمبيوتر اللي قدامك الحين !! بثلاث دراهم فقط لكن مع غلاء الاسعار استوت ب3 ونص مادري اذا غلوها زياده من كم شهر ما سرتله

وهالمطعم ينافس مطعم راشد علي اللي عندكم في العين :head:

انفعالات حادة
01-05-2008, 09:08 PM
ما ياب راسي الا مطعم العرب :aa_boz: يااالببببببب الدياي مسسسحب بس :aa_eat: :aa_baby2:

زعيم الإمارات
01-05-2008, 10:48 PM
اااااه على العلمين و السندويتش العملاق

ثم عليك بمطعم العرب اللي مقابل نادي الوحده

-------------------------------------

للتوضيح انت توصف راعي السمبوسه ها ,,,,
هذا الوصف ل 10كافتيريات في هالموقع :head:

AD gov
01-05-2008, 11:39 PM
اااااه على العلمين و السندويتش العملاق

ثم عليك بمطعم العرب اللي مقابل نادي الوحده

-------------------------------------

للتوضيح انت توصف راعي السمبوسه ها ,,,,
هذا الوصف ل 10كافتيريات في هالموقع :head:

شكلك سرت اتدور ع السمبوسه :aa_inter:

التحدي
01-05-2008, 11:43 PM
أحلى مطعم قصر الهند

يا يويلي ويلاااه

له ذكرياات عزيزه على قلبي

الكاهن
01-06-2008, 12:08 AM
والله في كذا مطعم

أوتار
مواويل
حاتم
قصر الهند

تشيليز اكله اوكي بس الخدمة مب شي :aa_frwon:

عيناوي العاصمه
01-06-2008, 09:37 AM
uae443

thanks for your suggestion, i like indian food so i will try it soon inshallah :aa_kashra:

عيناوي العاصمه
01-06-2008, 09:38 AM
الغد

فكر فكر يا اخوي شو ورانا :aa_kashra:

هههههه مطعم ناصر كله اسمع عنه بس ما قد جربته .. ان شاء الله بنجربه قريب ... و فالك طيب احلى ناشف و كبده لك يا صديقي :aa_kashra: و مشكور على الرد

عيناوي العاصمه
01-06-2008, 09:41 AM
be fair

ما شاء الله كفيت و وفيت ياخوي بقائمة المطاعم :head:

المطاعم الايرانيه جربت منها حاتم و الصدف (الصدف ممتاز و اكله رهيب و القعده حلوه ما شاء الله)

ما قد جربت بارس بلاس (تحسه شمبو من إسمه هههه :aa_cat: )
كباب خصوصي شايفنه بس مب مجربنه ان شاء الله بنجربه

الشاميات جربتهم كلهم ما عدى مواويل و نواعير .. نواعير وين مكانه ؟ مواويل اعرف مكانه على الشارع العام .. شكله مرتب .. بس بالنسبه لي احلى مطعم شامي هو زهرة لبنان بدون منازع .. اكل و لا اروع و خدمه زينه و اسعار معقوله .. ما شاء الله

المطاعم الاجنبيه ما شاء الله كلها زينه بس ما قد جربت اماسي .. وين هذا؟

و المطعم الرئيسي لشنغريلا ما قد جربته بس وايدين يمدحونه و انت منهم فخاطري اجربه يوم من الأيام !!

عيناوي العاصمه
01-06-2008, 09:42 AM
السعدي 999 افا عليك يعيبك الريال :aa_kashra:

عيناوي العاصمه
01-06-2008, 09:43 AM
دل بييرو الجزيره

مشكور على ردك

اكيد تشيليز و فرايديز اوكي

و بيتزا اموري صح كلامك جربته من فتره اكله اوكي و القعده حلوه و هاديه


و مطعم بيبينو اول مره اسمع فيه بس شكله اوكي و ان شاء الله بنجربه :)

عيناوي العاصمه
01-06-2008, 09:44 AM
عشقي احمر ههههههههههههههههه :aa_kashra:

و الله خطه عجيبه :aa_kashra:

و اخر الشيء ناكل اي شيء ياخوك حسب الميزانيه المتوفره :aa_kashra: و مشكور على الإقتراحات

عيناوي العاصمه
01-06-2008, 09:46 AM
بو ميثا ما شاء الله عليك عطيتنا خيارات عديده و اشوفك بعد تمدح بوفيه المطعم الي في الشنغريلا .. ب 150 ما شاء الله .. و الله يبيله نسير له جريب :)
و مشكور على الوصله لكل مطاعم فندق قصر الامارات :)

ما شاء الله مطعم الظفره بعده عايش؟ و الله زمان ما سرت له 5 او 6 سنين الظاهر!

و ال fish market بعد اووووكي يا ما اكلت عنده بس غالي

ابو طافش ما قد جربته تبى الصراحه مع اني ادله ..

و مطعم اثينا بنجربه ان شاء الله دام انه في المول :)

و و مشكور

عيناوي العاصمه
01-06-2008, 09:46 AM
جروح

وين هذا مطعم رضا ههههههههههه شكله حفله :aa_kashra:


و الله يا اخوي في مطاعم زينه .. يمكن مب متوفره بالشكل الكبير مثل دبي او الشارجه .. بس تحصل مطاعم زينه في العاصمه :)


و مشكور على مرورك

عيناوي العاصمه
01-06-2008, 09:48 AM
الموعود

المرحباني صح الجلسه وايد حلوه و المندي ماله فنان بس مشكلته ما عاد يسوي عيش بخاري في رمضان كله نتسحر عنده بخاري بس الحين ما دري شو ياه كله مندي و مظبي !!!

المطعم البرازيلي اول مره اسمع فيه ..

االمطعم الايطالي بالفندق بنشوووف بسير له يوم من الأيام دام أنك تمدحه

اما عن العلمين هههههههه ذكرتنا فيه .. و الله ذكريات .. ويا جبل الجرجير و جبل الفلافل الي عنده :aa_kashra: هذا طال عمرك مطعم أخر الشهر :aa_kashra:

عيناوي العاصمه
01-06-2008, 09:49 AM
حبوش
هلا و الله

كباب دبي الخاص ... عرفته ...... جريب من هيئة بوظبي للماي و الكهربا .. كله اقول بطلب منه بس اغير رايي .. ان شاء الله في المرات اليايه :)

مشكور

عيناوي العاصمه
01-06-2008, 09:49 AM
الهزاع مشكور على المرور و كلامك سليم ال fish market مطعم و لا اروع لمحبي السي فود

عيناوي العاصمه
01-06-2008, 09:50 AM
شرجاوي صغير

هيه صوب الوحده مول

افا ليش ياخي شو استوى بك هناك .. يعني صح خدمتهم عاديه بس افضل من وايد من محلات المندي و الجلسه ارتب و انظف بكثير

عيناوي العاصمه
01-06-2008, 09:51 AM
raul fan
حي الله المدريدي :aa_kashra:


و الله تشليز اكله زين يا خوي بس الواحد يمل منه عقب فتره و يبى يغير :aa_kashra:

عيناوي العاصمه
01-06-2008, 09:53 AM
للتوضيح
يا سلام عليك .. الشاطر حسن من احلى مطاعم بوظبي و له ذكريات من ايام الطفوله و نحن نطلب منه في البيت هههههههه
بس مشكلته يلسته صغيره و ضيقه .. احسن حق التيك اواي ... بس اما المقارنه بزهرة لبنان فهنا نختلف يا طويل العمر :aa_kashra:

بس الصحن اليومي عند الشاطر حسن وايد احلى (جرب الخروف المحشي و جرب اللوبيا مع عيش و جرب الباميه لحم )

بس للأسف اخر فتره بعد غلوا اسعارهم الصحن اليومي استوى ب 25 او 26 اظني الله يرحم ايام اول كان ب 15 (في حد ما غلى اسعاره ها الأيام ؟؟)
المطعم الهندي جني شايفه بس مب متأكد بس يباله سمبوسا و الله هههههههه :)

عيناوي العاصمه
01-06-2008, 09:54 AM
درر
مشكوره على مرورج

و ان شاء الله بنجربه ليش لا ... يا حبي للبوفيات :aa_kashra: بس 255 درهم ما شاء الله هذا حق اول يوم في الشهر :aa_kashra:

و:)

عيناوي العاصمه
01-06-2008, 09:55 AM
Ad Gov

ما شاء الله صار ب 3 و نص

السندويشه هاذي عجيبه بس خبصه يا ريال حاطين كل شيء فيها .. فلافل على نقانق على بطاطز على طماط على جرجير على خس على مادري شو ههههههههههههه

و يعطيك العافيه اخوي

عيناوي العاصمه
01-06-2008, 09:55 AM
انفعالات حاده

مشكور اخوي بس اي مطعم العرب تقصد ؟ الي على شارع المطار ؟

عيناوي العاصمه
01-06-2008, 09:56 AM
زعيم الامارات

هاه قم سرنا العلمين احلى عشى الليله هههههههههههههههه تاكل حتى الاشباع و الفاتوره ما تطلع حتى 10 دراهم :aa_kashra:

مطعم العرب ما شاء الله الحين 2 مدحوه شكلي بسير له جرييييب !!

هيه و محل السمبوسا يبالنا نسوي جوله استكشافيه في هذيج المنطقه و نطلعه !! بس مشكله زحمه خخخخخخ

عيناوي العاصمه
01-06-2008, 09:58 AM
التحدي

شكرا على مرورك و اكييييييد قصر الهند ما يختلف عليه اثنين .. مطعم راقي بس مشكله يتأخرون لين ما اييبون لك الاكل .. و مرات تتريا فتره طويله لين ما تحصل لك طاوله فاضيه !!! من الزحمه ما شاء الله !! و لاحظت أن اكثر الزباين مواطنين و هذا يدل على شعبية المطعم الكبيره :)

عيناوي العاصمه
01-06-2008, 09:58 AM
الكاهن

مشكور على المرور

أوتار
مواويل

ما قد جربتهم بس ان شاء الله بنجربهم نحن بشكل عام نحب المشاوي ياخوك

تشليز خدمتهم زينه بس مرات يخورونها

عيناوي العاصمه
01-06-2008, 10:02 AM
الحين انا بحط مطاعمي المفضله

1- مطعم زهرة لبنان
2- مطعم مروش
2- مطعم الشاطر حسن
4- مطعم الصدف
5- مطعم the wok فندق holiday inn شارع حمدان (مطعم صيني ما عليه كلام)
6- مطعم fish market في intercon مطعم مأكولات بحريه
7- مطعم قصر الهند
8- مطعم كواليتي مطعم هندي مميز قريب من شارع حمدان بناية ساندز
9- مطعم vasco's في hiltonia beach club جربوا portuguese hammour fillet احلى شيء عندهم
10- مطعم prego's في فندق روتانا بيتش صوب ابوظبي مول
11- مطعم زعتر و زيت .. احلى معجنات و خفايف

و لو تذكرت شيء بعد ... بضيفه عقب :)

عيناوي العاصمه
01-06-2008, 10:14 AM
تذكرت تذكرت لووول

هذي التكمله

12- مطعم وادي كشمير (في شعبية خليفه الي هي مصفح التجاريه قريب من المسجد الكبير) ... هههههههه صح انه مطعم باكستانيين و يلسة أي كلام .. بس اكله فنان و رخيص .. و مشهور بين الباكستانيين تحصل كل الخانات طايحين هناك ... احلى شيء عندهم البرياني و اللحم ناشف ..
13- كافاتيريا محارة البحر (حق اخر الشهر .. بس يمشي الحال :aa_Doh: )
14- مطعم ملك الدجاج .. النادي السياحي .. عند مسجد هزاع ... احلى شاورما و احلى بروستد .. و ايضا عندهم كبسه سعوديه .. و المطعم معروف و اسعاره زينه
15- مطعم المرحباني (احلى مندي في بوظبي بدون شك و احلى جلسه عربيه و نظيف)
16- مطعم the royal orchid مطعم صيني و تايلندي بس نظيف و اسعاره زينه .. في شارع السلام

Gunner
01-06-2008, 11:35 AM
ماشاء الله كلكم خبره في المطاعم

شكلكم كلكم دببه لول :aa_inter:

سوالف لحد يزعل

زين والله عطونا بعد من هالمطاعم...عندي كورس في بوظبي الشهر الياي

الموعود
01-06-2008, 12:29 PM
عيناوي المشكله البخاري يخلص بسعره حتى انا ما احصل دوم عنده بس الصراحه مطعم 100% غداي دوم من هناك بس يبالك تطلب من وقت علشان يكون الاكل فرش

سبايدر مان
01-06-2008, 01:13 PM
حبوب انا من هواة الأكل التايلندي والصيني لذلك

اوصيك على مطعم النودلز (يديد) توه فاتح في الوحدة مول, جربته وجربت التم يم "سووب" لا باس عليها,,

تريد كباب لا يفوتك (ابو كابي) والشاطر حسن..بو كابي مغمور بس مشاويه معروفه لأغلب هل بوظبي..


بونا بتييييه , بالعافية
,,

عيناوي العاصمه
01-06-2008, 03:26 PM
gunner لا مب دببه لا تخاف ترى عقب ما ناكل كل واحد منا يسوي رياضه لمدة 7 ساعات متواصله هههههههههه
الموعود مشكور على التوضيح و ها المره بنتصل به قبل
سبايدر مان مشكور على مرورك اخوي و ابو كابي يا ما سمعت فيه بس ما قد جربته و لا ادل مكانه تبى الصراحه!!!!

عاشق الاهداف
01-06-2008, 03:36 PM
احلى مطعم

مطبخ المينه

في المينه احسن شي حريس و عيش وااااااااااااااااو لذيذ


وشكراااااااااااا

raul fan
01-06-2008, 05:07 PM
طبعا للاكلات الشامية الشاطر حسن و مروش في مطعم حلو بعد جنب ابوظبي مول الشادروان اكل شامي

عيناوي العاصمه
01-06-2008, 09:16 PM
اشكركم على المرور :)

Foxer
01-06-2008, 09:24 PM
حد يعرف مطاعم شعبية في بو ظبي يسوون ( مالح- -غاف- قشيد-مجبوس )
أوحتى الأكلات الخفيفة بلاليط و جباب و خمير و خبيص و قرص

AD gov
01-06-2008, 11:25 PM
شو احسن مطعم في المارينا مول و ينفع حق الغدا ؟؟؟؟

حبوش
01-07-2008, 12:09 AM
حد يعرف مطاعم شعبية في بو ظبي يسوون ( مالح- -غاف- قشيد-مجبوس )
أوحتى الأكلات الخفيفة بلاليط و جباب و خمير و خبيص و قرص

مطعم خوفكان .. عند وكالة البيجو :aa_inter:

العديد
01-07-2008, 01:44 AM
مطعم رضا

صوب سينما الدويدار ما اعرف اسمه هههههههههههه عجيب كل شباب راك هناك هههههه

بوظبي يالطيب مافي مطاعم مثل الناس و انا جربت كل المطاعم في كل الفنادق ابتداء من قصر الامارات الى انتر كونتينتال القديم..

من اسوء المطاعم على مستوى الدولة علما انا ما اسير الا اكون عندي شغل او كورس او مؤتمر..يعني اذا Vip و جي فما بالك ..

وياك في الفقره اللي بالاحمر...للاسف بوظبي مافيها مطاعم ..كل اللي فيها مطابخ...

..المطعم الحقيقي...الترادر فكس..في روتانا الشاطئ..وبس...

















)))))))))))))))))))))))))))))))))))))))))))))))))) )))))))))))

عيناوي العاصمه
01-07-2008, 12:50 PM
مشكورين على المرور :)

سبايدر مان
01-07-2008, 01:34 PM
سبايدر مان مشكور على مرورك اخوي و ابو كابي يا ما سمعت فيه بس ما قد جربته و لا ادل مكانه تبى الصراحه!!!!


بو كابي مطعم صغير نادر تلقى مكان تقعد بسبب زحمته (اربع طاولات واثمان كراسي) والسفري احلى,,

يقع في دائرة المياه القديمه شارع زايد الأول خلف دائرة الماليه المحليه, جمبه قهوة شيشه وبالضبط خلف (جامبو) سوني الي قرب شيشة البترول ادنوك,,

جربه واذا عورك بطك اعتبرها كفاره (مزحه بو الشباب) :aa_wink:

Maroons of AD
01-07-2008, 01:55 PM
يقع في دائرة المياه القديمه شارع زايد الأول خلف دائرة الماليه المحليه, جمبه قهوة شيشه وبالضبط خلف (جامبو) سوني الي قرب شيشة البترول ادنوك,,

aa_wink:


شيشة الحرافيش :aa_inter:

+++++++


مطعم ابو طافش اطلب مقبلات نغر

وصحن سي فود مشكل...

وادعولي

Maroons of AD
01-07-2008, 01:56 PM
حد يعرف مطاعم شعبية في بو ظبي يسوون ( مالح- -غاف- قشيد-مجبوس )
أوحتى الأكلات الخفيفة بلاليط و جباب و خمير و خبيص و قرص



مطعم خورفكان
في النادي السياحي

Adsense Management by Losha