مشاهدة النسخة كاملة : الرتبة في الجيش او الشرطة ؟؟؟؟؟؟


yamsafir
08-28-2007, 09:06 PM
ما هي الرتبة الممنوحة للي يسجل في الجيش او الشرطة لخريجي الثانوية العامة والدبلوم والدبلوم العالي وشكراً لكم

الموعود
08-28-2007, 09:29 PM
الشرطه اول ما تدخل شرطي مستجد تدخل دورة تطلع رقيب حسب علمي في بوظبي

هذا في الغالب ويختلف من امارة الي امارة ومن ومكان الي مكان وحسب الواسطه

مزون الامارات
08-28-2007, 09:31 PM
تدخل اكاديمية الشرطه بشهادة الثانويه ..تتخرج عريف ..ما عرف بالظبط..
((اظن مدتها سنه ))
اذا دخلت كلية الشرطه ..دراسه اربع سنين و تدريب ..و تتخرج ظابط ..ملازم او ملازم اول

اذا بتدرس على حساب الشرطه و نسبتك فوق 80% بيعطونك رقيب دارس لين ما تخلص دراستك الجامعيه ..و اول ما تتخرج بيعطونك ملازم او ملازم اول ..

و نفس الشي اذا نسبتك في ال70 بس تدرس و تكون رتبتك عريف دارس..

p4:

اما الجيش كلية زايد ..تسجل عقب الثانويه .. مدتها سنه و تتخرج ظابط .. ملازم او ملازم اول ...

لي سمعته لحين الجيش ما يطرش بعثات ولا يعطيك رقيب دارس ... ((مب اكيد هالكلام))

L.MESSI
08-28-2007, 09:37 PM
تخلص الثانويه وتدخل مدرسة الشرطه يعطونك عريف

اذا عندك دبلوم رقيب او رقيب اول

\بلوم عالي رقيب اول او وكيل والدبلوم اعتقد على حسب حاجتهم له

ولد الصحاري
08-28-2007, 10:27 PM
الشرطه اول ما تدخل شرطي مستجد تدخل دورة تطلع رقيب حسب علمي في بوظبي

هذا في الغالب ويختلف من امارة الي امارة ومن ومكان الي مكان وحسب الواسطه


انته تتكلم عن ايام العز

الحين تدخل دورة الشرطه في ابوظبي تحصل عريف والجيش جندي/1

حبيبي راحت ايام الترفيعات بالشاهده .

قناديل الضياء
08-29-2007, 12:09 AM
شرطة دبي ثانوية يعطون رقيب او رقيب اول ومدتها اعتقد 8 اشهر

الجامعي يحصل ملازم ومدتها ستة اشهر او اكثر بشوي

مستر عيناوي
08-29-2007, 12:15 AM
الشرطة
ثانوية عامة - عريف (ما عدا حماية منشآت النفط والحراسات) رقيب
دبلوم عالي - بكالريوس رقيب أول تدخل دورة جامعيين بكلية الشرطة لمدة 9 اشهر دراسية (سنة) تتخرج برتبة ملازم بشرط احتياج الشرطة للتخصص يعني لو عندك تخصص في الشريعة والقانون او التربية الرياضية ... الخ ما تدخل
في حال حصولك على الدبلوم العالي او البكالريوس بتقدير امتياز في تخصص معين (هندسة بجميع تخصصاتها - محاسبة - ادارة ...الخ) ترقى الى رتبة ملازم أول علماً ان مدة الدورة 6 اشهر ( دورة فنيين)
في حالة حصولك على الدكتوراة ترقى الى رتبة نقيب مع اقدمية 3 سنوات اي تحصل على رائد خلال سنة

ابن الامارات007
08-29-2007, 01:21 AM
شرطة دبي بشكل التالي

الثالث الإعدادي وما تحته شرطي
الأول الثانوي شرطي أول
الثاني الثانوي عريف
الثانوية العامة عريف أول
ممكن يحصل خريج الثانوية العامة على رتبة رقيب أو رقيب أول بشرط توفر الخبرة ما تقل عن سنتين في مجال التخصص أو اجتياز الدورة المقررة لذلك.
الدبلوم وكيل
الدبلوم مع خبرة سنتين في مجال التخصص وكيل أول
الجامعي أو خريج أكاديمية شرطة دبي(مرشح) ملازم
الماجستير ملازم أول
الدكتوراه نقيب

هذا الكلام جاء في جريدة الخليج ومتأكد منه..

رفيع الشان
08-29-2007, 01:31 AM
الماجستير ملازم أول لا قول غيرها ياخي .!!

رعبوب80
08-29-2007, 02:43 AM
بتكلم عن شرطة دبي
انا دبلوم عالي ودخلت الشرطة قبل 3 سنين وعطوني ملازم ثاني ، بس كان معانا بكالريوس وعطوهم وكيل اول

هو يعتمد على الشاغر المتوفر ، يعني اذا في شاغر ظابط يعطوك واذا ما في وكيل اول ، طبعا انت تقرر

الله يوفق الجميع

Adsense Management by Losha